ᱥᱟᱞᱠᱷᱟᱱ ᱢᱩᱨᱢᱩ
ᱥᱟᱞᱠᱷᱟᱱ ᱢᱩᱨᱢᱩ ᱛᱤᱠᱤᱱᱟᱜ ᱡᱟᱱᱟᱢ ᱫᱚ ᱡᱟᱢᱥᱮᱫᱽᱯᱩᱨ ᱨᱮᱭᱟᱜ ᱠᱚᱨᱚᱱᱰᱤᱦ (ᱵᱚᱫᱽᱨᱟᱴᱚᱞᱟ) ᱨᱮ ᱤᱝᱨᱟᱹᱡᱤ ᱢᱟᱹᱦᱤᱛ ᱐᱒ ᱡᱩᱱ ᱑᱙᱕᱒ ᱥᱟᱞᱮ ᱨᱮᱭ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱥᱟᱞᱠᱷᱟᱱ ᱢᱩᱨᱢᱩ ᱛᱤᱠᱤᱱ ᱨᱤᱱ ᱟᱭᱳ ᱵᱟᱵᱟ ᱛᱤᱠᱤᱱᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱵᱚᱝᱜᱟ ᱟᱠᱟᱱ ᱵᱟᱵᱟ ᱨᱟᱢᱨᱟᱭ ᱢᱩᱨᱢᱩ ᱟᱨ ᱟᱭᱳᱣᱟᱜ ᱧᱩᱛᱩᱢ ᱫᱚ ᱟᱭᱳ ᱪᱷᱤᱛᱟᱹ ᱢᱩᱨᱢᱩ ᱛᱟᱦᱮᱸ ᱠᱟᱱᱟ ᱾
| ᱥᱟᱞᱠᱷᱟᱱ ᱢᱩᱨᱢᱩ | |
|---|---|
| ᱢᱮᱢᱵᱟᱨ: ᱑᱒ ᱟᱨ ᱑᱓ ᱫᱤᱥᱚᱢ ᱫᱚᱨᱵᱟᱨ | |
| ᱟᱹᱢᱟᱹᱞᱤ ᱨᱮ 1998–2004 | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱩᱥᱤᱞᱟ ᱛᱤᱨᱤᱭᱟ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱥᱩᱫᱟᱢ ᱢᱟᱨᱟᱱᱰᱤ |
| ᱵᱟᱪᱱᱟᱣ ᱮᱞᱮᱠᱟ | ᱢᱚᱭᱩᱨᱵᱷᱚᱸᱡᱽ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱒ ᱡᱩᱱ ᱑᱙᱕᱒ |
| ᱨᱟᱡᱽᱟᱹᱨᱤ ᱫᱚᱞ | ᱡᱟᱱᱛᱟ ᱫᱚᱞ (ᱡᱩᱢᱤᱫᱽ) ᱵᱷᱟᱨᱚᱛᱤᱭᱚᱥ ᱡᱟᱱᱛᱟ ᱫᱚᱞ - Earlier |
| ᱚᱲᱟᱜ | ᱡᱷᱟᱨᱠᱷᱚᱸᱰ |
ᱥᱮᱪᱮᱫ ᱮᱛᱚᱦᱚᱵ
ᱥᱟᱯᱲᱟᱣᱥᱟᱞᱠᱷᱟᱱ ᱛᱤᱠᱤᱱ ᱯᱩᱭᱞᱩ ᱥᱮᱪᱮᱫ ᱫᱚ ᱟᱹᱛᱩ ᱟᱥᱲᱟ ᱠᱷᱚᱱ ᱜᱮᱠᱤᱱ ᱮᱦᱚᱵ ᱞᱮᱜᱼᱟ ᱾ ᱪᱮᱛᱟᱱ ᱫᱷᱟᱯ ᱥᱮᱪᱮᱫ ᱛᱟᱞᱢᱟ ᱪᱟᱱᱚᱪ ᱤᱛᱩᱱᱚᱜ ᱞᱟᱹᱜᱤᱛᱮᱫᱚ ᱞᱩᱯᱩᱝ ᱜᱷᱩᱴᱩ ᱪᱟᱸᱭᱵᱟᱥᱟ ᱨᱮ ᱢᱮᱱᱟᱜ ᱟᱠᱟᱫ ᱥᱮᱸᱛ ᱡᱮᱵᱤᱭᱚᱨ ᱩᱱᱩᱥᱩᱞ ᱟᱥᱲᱟ ᱠᱷᱚᱱ ᱩᱱᱩᱥᱩᱞ ᱪᱟᱱᱚᱪ [Matric] ᱫᱚᱠᱤᱱ ᱥᱟᱹᱛ ᱞᱮᱫᱼᱟ ᱾ ᱤᱱᱟᱹ ᱛᱟᱭᱚᱢ ᱛᱮ ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ ᱢᱮᱢᱚᱨᱤᱭᱟᱞ ᱠᱚᱞᱮᱡᱽ ᱠᱷᱚᱱ ᱵᱟᱹᱱᱤᱡ ᱫᱟᱹᱨ ᱛᱮ [I.Com] ᱛᱮ ᱜᱮᱼᱵᱟᱨ ᱪᱟᱱᱚᱪ ᱠᱤᱱ ᱥᱟᱹᱛ ᱠᱮᱫ ᱥᱟᱸᱣᱛᱮ [B.Com] ᱫᱚ ᱠᱚᱼᱚᱯᱚᱨᱮᱴᱤᱵ ᱠᱚᱞᱮᱡᱽ, ᱡᱟᱢᱥᱮᱫᱯᱩᱨ ᱠᱷᱚᱱ ᱟᱨ [M.Com] ᱮᱢᱹᱠᱚᱢ ᱫᱚ ᱨᱟᱺᱪᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱤᱱ ᱥᱟᱹᱛ ᱞᱮᱫ ᱛᱟᱸᱦᱮᱱ ᱾ ᱤᱱᱟᱹ ᱛᱟᱭᱚᱢ ᱩᱠᱤᱞᱟᱹᱛᱤ ᱫᱚ ᱥᱚᱢᱵᱚᱞᱯᱩᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱮᱞᱹᱮᱞᱹᱵᱤ [LLB] ᱠᱤᱱ ᱥᱟᱹᱛ ᱠᱮᱜᱼᱟ ᱾ ᱟᱨᱦᱚᱸ ᱟᱭᱢᱟ ᱜᱮᱭᱟᱱ ᱟᱨᱡᱟᱣ ᱞᱟᱹᱜᱤᱫ ᱛᱮ ᱜᱚᱢᱠᱮ ᱛᱤᱠᱤᱱ ᱫᱚ ᱥᱤᱧᱚᱛ ᱟᱨ ᱵᱤᱫᱮᱥ ᱠᱚᱨᱮᱱᱟᱜ ᱧᱩᱛᱩᱢᱟᱱ ᱥᱮᱪᱮᱫ ᱴᱷᱟᱶ ᱠᱚᱨᱮ ᱠᱷᱚᱱ ᱟᱭᱢᱟ ᱥᱟᱛᱟᱢ ᱪᱮᱛᱟᱱ ᱨᱮ ᱡᱮᱞᱮᱠᱼ ᱵᱤᱡᱤᱱᱮᱥ ᱢᱮᱱᱮᱡᱽᱢᱮᱱᱴ, ᱯᱨᱚᱥᱟᱥᱚᱠᱤᱭᱚ ᱯᱨᱚᱵᱚᱱᱫᱷᱚᱱ ᱜᱨᱟᱢᱤᱬ ᱵᱤᱠᱟᱥ ᱥᱟᱶ ᱟᱭᱢᱟ ᱥᱟᱛᱟᱢ ᱪᱮᱛᱟᱱ ᱨᱮ ᱥᱮᱪᱮᱫ ᱠᱷᱚᱸᱫᱽᱨᱚᱫ ᱠᱤᱱ ᱥᱟᱯᱲᱟᱣ ᱞᱮᱜᱼᱟ ᱾ ᱱᱟᱱᱟ ᱦᱩᱱᱟᱹᱨ ᱥᱟᱛᱟᱢ ᱪᱮᱛᱟᱱ ᱨᱮ ᱟᱹᱠᱤᱞ ᱟᱨᱡᱟᱣ ᱥᱟᱶ ᱠᱷᱚᱸᱫᱽᱨᱚᱫ ᱞᱟᱹᱜᱤᱫ ᱛᱮ ᱵᱟᱦᱨᱮ ᱫᱤᱥᱚᱢ ᱞᱮᱠᱟᱛᱮ ᱤᱝᱞᱚᱸᱰ, ᱯᱷᱨᱟᱸᱥ, ᱡᱚᱨᱢᱟᱱᱤ, ᱵᱮᱞᱡᱤᱭᱚᱝ, ᱰᱮᱱᱢᱟᱨᱠ, ᱚᱥᱴᱨᱮᱞᱤᱭᱟ, ᱥᱟᱶ ᱟᱭᱢᱟ ᱫᱤᱥᱚᱢ ᱠᱤᱱ ᱫᱟᱬᱟ ᱞᱮᱜᱼᱟ ᱾
ᱪᱟᱹᱠᱨᱤ ᱟᱨ ᱨᱟᱡᱽᱼᱟᱹᱨᱤ
ᱥᱟᱯᱲᱟᱣᱚᱞ ᱯᱟᱲᱦᱟᱣ ᱥᱟᱹᱛᱮᱱ ᱛᱟᱭᱚᱢ ᱥᱚᱨᱚᱠᱟᱨᱤ ᱟᱨ ᱵᱤᱱ ᱥᱚᱨᱚᱠᱟᱨᱤ ᱴᱷᱟᱶ ᱠᱚᱨᱮ ᱡᱮᱞᱮᱠᱼ ᱮᱞᱹᱟᱭᱤᱹᱥᱤ, ᱴᱟᱴᱟ ᱥᱴᱤᱞ ᱞᱤᱢᱤᱴᱮᱰ, ᱢᱤᱱᱮᱨᱟᱞ ᱮᱸᱰ ᱢᱮᱴᱟᱞ ᱴᱨᱮᱰᱤᱝ ᱠᱚᱨᱯᱚᱨᱮᱥᱚᱱ ᱚᱯ ᱤᱱᱰᱤᱭᱟ ᱞᱮᱠᱟᱱ ᱧᱩᱛᱩᱢᱟᱱ ᱴᱷᱟᱶ ᱠᱚᱨᱮ ᱵᱟᱼᱜᱮ [᱒᱐] ᱥᱟᱞ ᱜᱟᱱ ᱢᱟᱨᱟᱝ ᱢᱟᱹᱱ ᱟᱱᱟᱜ ᱯᱚᱫ ᱠᱚᱨᱮ ᱠᱤᱱ ᱠᱟᱹᱢᱤ ᱟᱹᱜᱩ ᱞᱮᱜᱼᱟ ᱾ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱡᱤᱣᱤ ᱜᱷᱟᱸᱭ ᱥᱩᱫᱷᱟᱹᱨ ᱥᱟᱸᱣᱛᱮ ᱥᱟᱱᱟᱢ ᱞᱮᱠᱟᱱᱟᱜ ᱦᱚᱠᱼᱟᱹᱭᱫᱟᱹᱨ ᱵᱟᱧᱪᱟᱣ ᱞᱟᱹᱜᱤᱱᱛᱮ ᱜᱷᱟᱱ ᱟᱹᱠᱤᱱ ᱫᱚ ᱨᱟᱡᱽᱼᱟᱹᱨᱤ ᱜᱮ ᱢᱟᱨᱟᱝ ᱫᱷᱚᱱ ᱢᱮᱱᱛᱮ ᱠᱤᱱ ᱢᱚᱱᱮᱭᱟ ᱾ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱦᱚᱠᱼᱟᱹᱭᱫᱟᱹᱨ ᱡᱟᱭ ᱡᱩᱜᱽ ᱡᱤᱭᱟᱹᱲ ᱵᱟᱧᱪᱟᱣ ᱫᱤᱥᱟᱹ ᱠᱟᱛᱮ ᱜᱚᱢᱠᱮ ᱛᱤᱠᱤᱱ ᱫᱚ ᱟᱭᱢᱟ ᱨᱟᱡᱽᱼᱟᱹᱨᱤ ᱜᱟᱶᱛᱟ ᱥᱟᱶ ᱡᱚᱲᱟᱣ ᱠᱤᱱ ᱛᱟᱦᱮᱸ ᱞᱮᱱᱟ ᱾ ᱚᱱᱟ ᱠᱚ ᱢᱩᱫᱽ ᱠᱚᱨᱮ ᱠᱷᱚᱱ ᱵᱷᱟᱨᱚᱛᱤᱭᱚ ᱡᱷᱟᱨᱠᱷᱚᱸᱰ ᱯᱟᱨᱴᱤ, ᱡᱷᱟᱨᱠᱷᱚᱸᱰ ᱞᱤᱵᱮᱨᱮᱥᱚᱱ ᱯᱷᱨᱟᱸᱴ, ᱡᱚᱱᱚᱛᱟ ᱫᱚᱲ, ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱟᱨ ᱠᱚᱝᱜᱽᱨᱮᱥ ᱞᱮᱠᱟᱱ ᱨᱟᱡᱽᱼᱟᱹᱨᱤ ᱜᱟᱶᱛᱟ ᱥᱟᱶ ᱡᱚᱯᱚᱲᱟᱣ ᱨᱮᱠᱤᱱ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱥᱟᱶ ᱵᱤᱱ ᱨᱟᱡᱽᱼᱟᱹᱨᱤ ᱥᱟᱶᱛᱟ ᱟᱹᱨᱤ ᱜᱟᱶᱛᱟ ᱡᱷᱟᱨᱠᱷᱚᱸᱰ ᱵᱤᱪᱟᱨ ᱢᱚᱱᱪ, ᱡᱷᱟᱨᱠᱷᱚᱸᱰ ᱥᱚᱢᱚᱱᱭᱚ ᱥᱚᱢᱤᱛᱤ, ᱟᱹᱫᱤᱵᱟᱹᱥᱤ ᱡᱷᱟᱨᱠᱷᱚᱸᱰ ᱡᱚᱱᱟᱫᱷᱤᱠᱟᱨ ᱢᱚᱱᱪ, ᱟᱹᱫᱤᱵᱟᱹᱥᱤ ᱚᱫᱷᱤᱠᱟᱨ ᱢᱚᱨᱪᱟ, ᱱᱚᱣᱟ ᱞᱮᱠᱟᱱ ᱢᱟᱨᱟᱝ ᱧᱩᱛᱩᱢᱟᱱ ᱥᱟᱶᱛᱟ ᱟᱹᱨᱤ ᱜᱟᱶᱛᱟ ᱠᱚ ᱛᱩᱞᱩᱡ ᱡᱚᱯᱚᱲᱟᱣ ᱠᱤᱱ ᱛᱟᱦᱮᱸᱭᱟ ᱾ ᱜᱚᱢᱠᱮ ᱛᱤᱠᱤᱱ ᱫᱚ ᱡᱷᱟᱨᱠᱷᱚᱸᱰ ᱧᱩᱛᱩᱢᱟᱱ ᱜᱟᱶᱛᱟ ᱥᱟᱶ ᱵᱟᱹᱲᱛᱤ ᱡᱚᱯᱚᱲᱟᱣ ᱠᱤᱱ ᱛᱟᱦᱮᱸ ᱠᱟᱱᱟ ᱪᱮᱫᱟᱜ ᱥᱮ, ᱜᱚᱢᱠᱮ ᱛᱤᱠᱤᱱ ᱫᱚ ᱵᱟᱹᱲᱛᱤ ᱡᱷᱟᱨᱠᱷᱚᱸᱰ ᱠᱤᱱ ᱜᱚᱨᱚᱡᱟᱜᱼᱟ ᱾
ᱥᱟᱶᱛᱟ ᱞᱟᱹᱜᱤᱫ ᱛᱮ
ᱥᱟᱯᱲᱟᱣᱱᱤᱛ ᱦᱟᱹᱞᱤ ᱜᱚᱢᱠᱮ ᱥᱟᱞᱠᱷᱟᱱ ᱢᱩᱨᱢᱩ ᱛᱤᱠᱤᱱ ᱫᱚ, ᱥᱤᱧᱚᱛ ᱫᱤᱥᱚᱢ ᱨᱮ ᱪᱟᱹᱞᱩᱣᱟᱠᱟᱱ ᱥᱟᱱᱛᱟᱲᱤ ᱥᱮᱪᱮᱫ ᱢᱟᱰᱣᱟ ᱡᱟᱦᱟᱸ ᱫᱚ 'ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱥᱮᱪᱮᱫ ᱢᱟᱰᱣᱟ' [AISEC] ᱨᱤᱱᱤᱡ ᱪᱮᱭᱟᱨᱢᱮᱱ ᱞᱮᱠᱟᱛᱮ ᱱᱤᱛᱚᱜ ᱢᱮᱱᱟᱜ ᱠᱤᱱᱟ ᱾ ᱚᱱᱟ ᱥᱟᱶᱛᱮ ᱵᱷᱟᱨᱚᱛ ᱥᱚᱨᱠᱟᱨᱟᱜ ᱜᱮᱼᱢᱤᱫ ᱟᱱᱟᱜ ᱢᱚᱬᱮ ᱥᱮᱨᱢᱟ ᱠᱤᱭᱟᱹ ᱡᱚᱡᱚᱱᱟ ᱟᱭᱚᱜ [᱒᱐᱐᱗ᱼ᱒᱐᱑᱒] ᱦᱟᱹᱵᱤᱡ ᱟᱹᱫᱤᱵᱟᱹᱥᱤ ᱵᱷᱟᱜᱽ [Tribal Department] ᱨᱤᱱᱤᱡ ᱥᱚᱦᱮᱫ ᱞᱮᱠᱟᱛᱮᱠᱤᱱ ᱛᱟᱦᱮᱸ ᱠᱟᱱᱟ ᱾ ᱑᱙᱙᱘ ᱠᱷᱚᱱ ᱒᱐᱐᱔ ᱥᱟᱞ ᱫᱷᱟᱹᱨᱤᱡ ᱵᱟᱼᱜᱮ ᱟᱨ ᱯᱮᱼᱜᱮ ᱞᱚᱠᱥᱚᱵᱷᱟ ᱥᱚᱸᱥᱚᱫᱽ [᱑᱒-᱑᱓ ᱞᱳᱠ ᱥᱚᱵᱷᱟ] ᱞᱮᱠᱟᱛᱮᱦᱚᱸ ᱠᱤᱱ ᱛᱟᱦᱮᱸ ᱞᱮᱱᱟ ᱾ ᱟᱹᱠᱤᱱ ᱥᱚᱸᱥᱚᱫᱽ ᱛᱟᱦᱮᱸᱠᱟᱱ ᱚᱠᱛᱚ ᱨᱮ ᱟᱹᱠᱤᱱᱟᱜ ᱠᱮᱴᱮᱡ ᱠᱩᱴᱱᱤᱛᱤ ᱥᱟᱶ ᱫᱤᱥᱚᱢ ᱦᱚᱲ ᱠᱚᱣᱟᱜ ᱜᱚᱲᱚ ᱛᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱚ ᱥᱤᱧᱚᱛ ᱥᱚᱢᱵᱤᱫᱷᱟᱱ ᱨᱮᱭᱟᱜ ᱤᱨᱟᱹᱞ ᱫᱷᱟᱯ ᱨᱮ ᱤᱝᱨᱟᱹᱡᱤ ᱢᱟᱹᱦᱤᱛ ᱒᱒ᱼ᱑᱒ᱼ᱒᱐᱐᱓ ᱦᱤᱞᱚᱜ ᱠᱤᱱ ᱟᱝᱜᱚᱪ ᱚᱪᱚ ᱠᱮᱜᱼᱟ ᱾ ᱡᱟᱦᱟᱸ ᱫᱟᱨᱟᱭ ᱛᱮ ᱛᱮᱦᱮᱧ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱤᱥᱚᱢ ᱛᱟᱞᱟ ᱨᱮ ᱪᱷᱟᱨᱟᱣ ᱟᱠᱟᱱᱟ ᱾ ᱱᱤᱛᱚᱜ ᱚᱱᱠᱟ ᱜᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱡᱤᱛᱠᱟᱹᱨᱮᱱ ᱞᱮᱠᱟ, ᱥᱟᱨᱱᱟ ᱫᱷᱚᱨᱚᱢ ᱥᱚᱨᱠᱟᱨᱤ ᱢᱟᱱᱚᱛ, ᱟᱞᱟᱜ ᱫᱷᱚᱨᱚᱢ ᱠᱚᱰ ᱠᱚᱞᱚᱢ ᱞᱟᱹᱜᱤᱫ ᱛᱮ ᱦᱩᱞᱥᱟᱹᱭ ᱠᱟᱹᱢᱤᱦᱚᱨᱟ ᱠᱤᱱ ᱥᱟᱵ ᱨᱟᱠᱟᱵ ᱟᱠᱟᱫᱼᱟ ᱾ ᱜᱚᱢᱠᱮ ᱥᱟᱞᱠᱷᱟᱱ ᱢᱩᱨᱢᱩ ᱛᱤᱠᱤᱱᱟᱜ ᱟᱹᱭᱩᱨ ᱛᱮᱜᱮ, ᱤᱝᱨᱟᱹᱡᱤ ᱢᱟᱹᱦᱤᱛ ᱐᱖ᱼ᱐᱔ᱼ᱒᱐᱐᱔ ᱦᱤᱞᱚᱜ ᱵᱤᱨ ᱥᱤᱫᱚ ᱢᱩᱨᱢᱩ ᱠᱟᱹᱱᱦᱩ ᱢᱩᱨᱢᱩ ᱛᱤᱠᱤᱱᱟᱜ ᱧᱩᱛᱩᱢ ᱪᱤᱛᱟᱹᱨ ᱥᱤᱧᱚᱛ ᱰᱟᱠ ᱴᱤᱠᱚᱴ ᱨᱮ ᱥᱚᱨᱠᱟᱨ ᱴᱷᱟᱶ ᱮ ᱮᱢᱟᱫᱼᱟ ᱾ ᱱᱤᱛ ᱦᱟᱹᱞᱤ ᱜᱚᱢᱠᱮ ᱥᱟᱞᱠᱷᱟᱱ ᱢᱩᱨᱢᱩ ᱛᱤᱠᱤᱱ ᱫᱚ, ᱥᱤᱧᱚᱛ ᱨᱮᱭᱟᱜ ᱮᱭᱟᱭ ᱯᱚᱱᱚᱛ ᱨᱤᱱ ᱟᱹᱫᱤᱵᱟᱹᱥᱤ ᱠᱚ ᱡᱩᱢᱤᱫᱽ ᱠᱟᱛᱮᱱ ᱡᱤᱛᱠᱟᱹᱨ ᱠᱚ ᱞᱟᱹᱜᱤᱫ ᱛᱮ ᱟᱹᱫᱤᱵᱟᱹᱥᱤ ᱥᱮᱸᱜᱮᱞ ᱚᱵᱷᱤᱭᱟᱱ ᱟᱨ ᱡᱷᱟᱨᱠᱷᱚᱸᱰ ᱫᱤᱥᱚᱢ ᱯᱟᱨᱴᱤ ᱨᱤᱱᱤᱡ ᱢᱩᱬᱩᱛ ᱥᱩᱛᱨᱮᱛ ᱞᱮᱠᱟᱛᱮ ᱢᱮᱱᱟᱜ ᱠᱤᱱᱟ ᱾ ᱱᱚᱝᱠᱟ ᱜᱮ ᱜᱚᱢᱠᱮ ᱥᱟᱞᱠᱷᱟᱱ ᱢᱩᱨᱢᱩ ᱛᱤᱠᱤᱱ ᱫᱚ ᱟᱵᱚ ᱥᱚᱢᱟᱡᱽ ᱞᱟᱹᱜᱤᱫ ᱛᱮ ᱟᱹᱰᱤ ᱟᱭᱢᱟ ᱜᱚᱱᱚᱝ ᱟᱱᱟᱜ ᱮᱱᱮᱢ ᱠᱤᱱ ᱪᱟᱞ ᱟᱠᱟᱣᱟ ᱠᱟᱫ ᱵᱚᱱᱟ ᱾ ᱟᱜᱟᱢ ᱞᱟᱹᱜᱤᱫ ᱛᱮ ᱜᱚᱢᱠᱮ ᱢᱩᱨᱢᱩ ᱛᱤᱠᱤᱱ ᱴᱷᱮᱱ ᱠᱷᱚᱱ ᱥᱟᱱᱛᱟᱲ ᱥᱚᱢᱟᱡᱽ ᱟᱨᱦᱚᱸᱭ ᱟᱥᱟᱜ ᱠᱟᱱᱟ, ᱱᱚᱝᱠᱟ ᱜᱚᱱᱚᱝ ᱟᱱᱟᱜ ᱮᱱᱮᱢ ᱟᱨᱦᱚᱸᱭ ᱪᱟᱞ ᱟᱵᱚᱱ ᱢᱟ ᱟᱵᱚᱠᱚ ᱛᱟᱞᱟ ᱛᱮ ᱾