ᱥᱟᱨᱱᱟ ᱫᱷᱚᱨᱚᱢ

ᱛᱚᱵᱮ ᱠᱤᱪᱷᱩᱜᱟᱱ ᱥᱟᱱᱛᱟᱲ ᱫᱚ ᱥᱟᱨᱤ ᱫᱷᱚᱨᱚᱢ ᱫᱷᱚᱨᱚᱢ ᱠᱚ ᱢᱟᱱᱟᱣ ᱟᱜᱩᱭᱮᱫᱟ ।

ᱥᱟᱨᱱᱟ ᱫᱷᱚᱨᱚᱢ ᱩᱯᱨᱩᱢ ᱪᱤᱱᱦᱟᱹ

• ᱦᱚᱲ ᱦᱚᱯᱚᱱ ᱥᱟᱱᱛᱟᱲ ᱠᱚᱣᱟᱜ ᱫᱷᱚᱨᱚᱢ ᱫᱚ ᱥᱟᱨᱱᱟ ᱠᱟᱱᱟ ᱾ ᱥᱟᱱᱛᱟᱲ, ᱞᱟᱲᱠᱟ, ᱢᱟᱦᱞᱮ, ᱢᱩᱱᱰᱟᱹ ᱢᱮᱱᱢᱮ ᱡᱟᱦᱟᱸᱭ ᱠᱚ ᱡᱟᱦᱮᱨ ᱜᱟᱲ ᱫᱷᱤᱨᱤ ᱜᱟᱲ ᱨᱮᱠᱚ ᱵᱚᱝᱜᱟᱜ ᱠᱟᱱᱟ ᱢᱮᱱᱫᱚ ᱵᱤᱨ ᱵᱩᱨᱩ ᱫᱷᱤᱨᱤ ᱫᱟᱨᱮ ᱥᱩᱨ ᱨᱮ ᱛᱟᱦᱮᱱ ᱥᱟᱱᱟᱢ ᱟᱹᱫᱤᱵᱟᱹᱥᱤ ᱠᱷᱮᱨᱣᱟᱲ, ᱩᱱᱠᱩᱣᱟᱜ ᱫᱷᱚᱨᱚᱢ ᱜᱮ ᱥᱟᱨᱱᱟ ᱫᱷᱚᱨᱚᱢ ᱫᱚ ᱾ ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱫᱚ ᱥᱤᱨᱤᱡ ᱵᱚᱸᱜᱟᱦᱟᱜ ᱦᱚᱲ ᱠᱟᱱᱟ ᱠᱚ, ᱢᱩᱸᱴᱷᱟᱹᱱ ᱵᱚᱸᱜᱟ ᱦᱚᱲ ᱫᱚᱠᱚ ᱵᱟᱝ ᱠᱟᱱᱟ ᱾

ᱥᱟᱨᱱᱟ ᱫᱷᱚᱨᱚᱢ ᱨᱮᱱᱟᱜ ᱡᱟᱭᱛᱮᱫ

• ᱥᱟᱨ ᱫᱚ ᱥᱮᱸᱫᱽᱨᱟ ᱞᱟᱹᱜᱤᱫ ᱚᱸᱰᱚᱠ ᱟᱠᱟᱱ ᱠᱚᱲᱟ ᱦᱚᱯᱚᱱ ᱠᱚ ᱛᱩᱧ ᱞᱟᱜᱼᱟ ᱠᱚ ᱾ ᱚᱱᱟ ᱥᱩᱨ ᱧᱮᱞᱛᱮ ᱠᱩᱲᱤ ᱦᱚᱯᱚᱱ ᱫᱚ "ᱥᱟᱨ-ᱱᱟ, ᱥᱟᱨ-ᱱᱟ" ᱠᱚ ᱢᱮᱱ ᱠᱮᱜᱼᱟ ᱾ ᱚᱱᱟᱛᱮ ᱟᱵᱚᱣᱟᱜ ᱫᱷᱚᱨᱚᱢ ᱫᱚ "ᱥᱟᱨᱱᱟ ᱫᱷᱚᱨᱚᱢ" ᱠᱚ ᱢᱮᱛᱟᱜᱼᱟ ᱾
• ᱦᱤᱦᱤᱲᱤ ᱵᱮᱲᱦᱟᱭ ᱨᱮ ᱯᱤᱯᱤᱲᱤ ᱫᱚᱢᱮᱞ ᱨᱮᱱᱟᱜ ᱥᱟᱨᱟᱣᱱᱟ ᱵᱤᱨ ᱨᱮ ᱥᱟᱨᱛᱮ ᱥᱟᱹᱜᱩᱱ ᱟᱠᱟᱫ ᱥᱟᱨᱡᱚᱢ ᱵᱩᱴᱟᱹ ᱫᱷᱤᱨᱤ ᱜᱟᱲ ᱫᱷᱚᱨᱚᱢ ᱜᱮ "ᱥᱟᱨᱱᱟ" ᱫᱷᱚᱨᱚᱢ ᱾
• ᱥᱟᱨᱟᱣᱱᱟ ᱨᱮᱱᱟᱜ ᱠᱷᱟᱴᱚ ᱨᱟᱣᱟᱞ ᱨᱚᱲᱜᱮ "ᱥᱟᱨᱱᱟ" ᱫᱚ

ᱚᱱᱟᱛᱮ ᱦᱟᱯᱲᱟᱢ ᱠᱚᱠᱚ ᱥᱮᱨᱮᱧ ᱟᱠᱟᱫᱼᱟ

ᱟᱵᱚ ᱟᱹᱫᱤᱵᱟᱹᱥᱤ ᱥᱟᱱᱟᱢ, ᱠᱷᱮᱨᱣᱟᱲ ᱡᱟᱹᱛᱤ, ᱞᱟᱥᱟᱬ ᱦᱮᱫ ᱜᱮ ᱛᱟᱵᱚ, ᱡᱟᱦᱮᱨ ᱜᱟᱲ ᱫᱚ ᱾ ᱥᱟᱨᱛᱮ ᱥᱟᱹᱜᱩᱱ ᱥᱟᱨᱱᱟ ᱫᱷᱚᱨᱚᱢ ᱛᱷᱩᱢᱛᱮ ᱚᱱᱟ, ᱞᱟᱥᱟᱬᱦᱮᱫ ᱜᱮ ᱛᱟᱵᱚᱱ, ᱥᱟᱨᱱᱟ ᱫᱷᱚᱨᱚᱢ ᱾

ᱵᱚᱸᱜᱟ ᱧᱩᱛᱩᱢ ᱠᱚ

ᱱᱚᱶᱟ ᱫᱷᱚᱨᱚᱢ ᱨᱤᱱ ᱱᱤᱡᱽ ᱵᱚᱸᱜᱟ ᱵᱩᱨᱩ ᱠᱚᱣᱟᱜ ᱧᱩᱛᱩᱢ ᱠᱚᱫᱚ ᱢᱟᱨᱟᱝ ᱵᱩᱨᱩ, ᱞᱤᱴᱟᱹ ᱜᱚᱥᱟᱸᱭ, ᱡᱟᱦᱮᱨ ᱟᱭᱳ, ᱢᱚᱬᱮ ᱠᱚ, ᱛᱩᱨᱩᱭ ᱠᱚ, ᱟᱵᱽᱜᱮ ᱵᱚᱸᱜᱟ, ᱜᱚᱲᱟ ᱵᱚᱸᱜᱟ, ᱚᱲᱟᱜ ᱵᱚᱸᱜᱟ, ᱠᱟᱨᱟᱢ ᱵᱚᱸᱜᱟ, ᱡᱚᱢᱥᱤᱢ ᱵᱚᱸᱜᱟ ᱮᱢᱟᱱ ᱾ ᱢᱟᱨᱟᱝ ᱵᱩᱨᱩ ᱜᱮ ᱞᱤᱴᱟᱹ ᱜᱚᱥᱟᱸᱭ ᱧᱩᱛᱩᱢ ᱛᱮ ᱠᱚ ᱯᱮᱨᱮᱡ ᱩᱢᱟᱺᱬᱮᱭᱟ, ᱢᱟᱨᱟᱝ ᱵᱩᱨᱩ ᱡᱟᱦᱟᱸᱭ ᱞᱤᱴᱟᱹ ᱜᱚᱥᱟᱸᱭ ᱦᱚᱸ ᱩᱱᱤ ᱜᱮ ᱾ ᱪᱟᱸᱫᱚ, ᱨᱤᱛᱩ ᱟᱨ ᱥᱮᱨᱢᱟ ᱡᱟᱹᱱᱤᱡ ᱧᱩᱛᱩᱢ ᱟᱹᱨᱩᱜ ᱛᱟᱭᱟ ᱾

ᱵᱚᱸᱜᱟ ᱵᱩᱨᱩ ᱠᱚ

ᱱᱚᱶᱟ ᱫᱷᱚᱨᱚᱢ ᱦᱚᱲ ᱠᱚᱨᱤᱱ ᱢᱟᱱᱟᱶ ᱵᱚᱸᱜᱟ ᱵᱩᱨᱩ ᱨᱮᱭᱟᱜ ᱧᱩᱛᱩᱢ ᱠᱚᱫᱚ- ᱢᱟᱜᱽ, ᱯᱷᱟᱹᱜᱩᱱ, ᱪᱟᱹᱛ, ᱵᱟᱹᱭᱥᱟᱹᱠ, ᱡᱷᱮᱸᱴ, ᱟᱥᱟᱲ, ᱥᱟᱱ, ᱵᱷᱟᱫᱚᱨ, ᱫᱟᱸᱥᱟᱭ, ᱥᱚᱦᱨᱟᱭ, ᱟᱜᱷᱟᱬ, ᱯᱩᱥ ᱮᱢᱟᱱ ᱾

ᱫᱷᱚᱨᱚᱢ ᱯᱩᱛᱷᱤ ᱟᱨ ᱛᱷᱩᱛᱤ

ᱥᱟᱨᱱᱟ ᱫᱷᱚᱨᱚᱢ ᱨᱮᱭᱟᱜ ᱫᱷᱚᱨᱚᱢ ᱯᱩᱛᱷᱤ ᱨᱮᱭᱟᱜ ᱧᱩᱛᱩᱢ ᱠᱚᱫᱚ ᱦᱤᱛᱟᱹᱞ, ᱵᱟᱠᱷᱮᱬ, ᱠᱷᱮᱨᱣᱟᱲ ᱵᱚᱝᱥᱚ ᱫᱷᱚᱨᱚᱢ ᱯᱩᱛᱷᱤ, ᱦᱚᱲ ᱥᱮᱨᱮᱧ, ᱞᱤᱴᱟᱹ ᱜᱚᱰᱮᱛ, ᱡᱚᱢ ᱥᱤᱢ ᱵᱤᱱᱛᱤ, ᱠᱟᱨᱟᱢ ᱵᱤᱱᱛᱤ, ᱵᱟᱯᱞᱟ ᱵᱤᱱᱛᱤ, ᱵᱷᱟᱸᱰᱟᱱ ᱵᱤᱱᱛᱤ ᱮᱢᱟᱱ ᱾

ᱫᱷᱚᱨᱚᱢ ᱜᱩᱨᱩ

ᱥᱟᱨᱱᱟ ᱫᱷᱚᱨᱚᱢ ᱜᱩᱨᱩ ᱫᱚ ᱢᱟᱨᱟᱝ ᱵᱩᱨᱩ ᱠᱟᱱᱟᱭ ᱾ ᱢᱟᱨᱟᱝ ᱵᱩᱨᱩ ᱣᱟᱜ ᱞᱟᱹᱭᱛᱮ, ᱟᱹᱭᱩᱨᱛᱮ ᱟᱨ ᱛᱟᱹᱨᱤᱨᱮ ᱢᱮᱱᱟᱜ ᱫᱷᱚᱨᱚᱢ ᱜᱮ ᱥᱟᱨᱱᱟ ᱫᱷᱚᱨᱚᱢ ᱫᱚ ᱾

ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱛᱟᱦᱮᱸᱱ ᱫᱤᱥᱚᱢ

ᱥᱟᱨᱱᱟ ᱫᱷᱚᱨᱚᱢ ᱦᱚᱲ ᱫᱚ ᱡᱮᱜᱮᱛ ᱨᱮᱱᱟᱜ ᱟᱹᱰᱤᱜᱟᱱ ᱫᱤᱥᱚᱢ ᱨᱮ ᱢᱮᱱᱟᱜ ᱠᱚᱣᱟ ᱾ ᱚᱱᱟ ᱫᱤᱥᱚᱢ ᱠᱚᱫᱚ ᱦᱩᱭᱩᱜ ᱠᱟᱱᱟ - ᱥᱤᱧᱚᱛ, ᱱᱮᱯᱟᱞ, ᱵᱟᱝᱞᱟᱫᱮᱥ ᱮᱢᱟᱱ ᱫᱤᱥᱚᱢ ᱠᱚᱨᱮ ᱢᱮᱱᱟᱜ ᱠᱚᱣᱟ ᱾

ᱥᱟᱨᱱᱟ ᱟᱹᱨᱤ

• ᱥᱟᱨᱡᱚᱢ ᱫᱟᱨᱮ ᱵᱩᱴᱟᱹ ᱨᱮᱵᱚ ᱵᱚᱝᱜᱟᱜᱼᱟ ᱾
• ᱥᱤᱸᱜᱤ, ᱧᱤᱫᱟᱹ [ᱧᱩᱛ], ᱫᱟᱜ, ᱦᱚᱭ, ᱦᱟᱥᱟ, ᱨᱮᱱᱟᱜ ᱫᱟᱲᱮ ᱠᱚ ᱯᱟᱹᱛᱭᱟᱹᱣᱟᱜᱼᱟ ᱾
• ᱥᱤᱧ ᱪᱟᱸᱫᱚ ᱨᱟᱠᱟᱵ ᱥᱮᱫ ᱥᱟᱢᱟᱝ ᱠᱟᱛᱮ ᱠᱚ ᱵᱚᱝᱜᱟᱭᱟ ᱾

ᱵᱟᱦᱨᱮ ᱡᱚᱱᱚᱲ

ᱥᱟᱱᱛᱟᱲ ᱫᱤᱥᱚᱢ ᱣᱮᱵᱥᱟᱭᱤᱴ ᱨᱮ ᱥᱟᱨᱱᱟ ᱫᱷᱚᱨᱚᱢ [ᱛᱷᱩᱛᱤ , ᱵᱤᱱᱛᱤ , ᱜᱟᱢ , ᱥᱮᱨᱮᱧ , ᱵᱟᱠᱷᱮᱬ ,ᱢᱟᱱᱛᱟᱨ , ᱡᱷᱟᱹᱨᱱᱤ ᱮᱢᱟᱱ ᱠᱚᱨᱮᱠᱷᱚᱱ]