ᱥᱤᱛᱟᱨᱟ ᱫᱮᱵᱤ
ᱥᱤᱛᱟᱨᱟ ᱫᱮᱵᱤ (᱘ ᱱᱚᱵᱷᱮᱢᱵᱚᱨ ᱑᱙᱒᱐ ᱼ ᱒᱕ ᱱᱚᱵᱷᱮᱢᱵᱚᱨ ᱒᱐᱑᱔) ᱥᱮᱪᱮᱫ ᱠᱚᱛᱷᱚᱠ ᱰᱷᱚᱝ ᱨᱮᱱᱟᱜ ᱮᱱᱮᱡ, ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱟᱨ ᱢᱤᱫ ᱮᱠᱴᱨᱮᱥ ᱟᱜ ᱧᱩᱛᱩᱢᱟᱱ ᱥᱤᱧᱚᱛᱤᱭᱟᱹ ᱮᱱᱮᱡᱤᱦ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱟᱹᱰᱤ ᱜᱟᱱ ᱟᱣᱟᱨᱰ ᱟᱨ ᱠᱳᱢᱯᱞᱤᱢᱮᱱᱴ (Compliments) ᱨᱮᱱᱟᱜ ᱮ ᱥᱟᱹᱛ ᱞᱮᱫᱟ ᱛᱟᱦᱮᱸᱫ, ᱟᱨ ᱩᱱᱤᱫᱚ ᱥᱤᱧᱚᱛ ᱟᱨ ᱵᱤᱫᱮᱥ ᱨᱮ ᱟᱹᱰᱤ ᱜᱟᱱ ᱧᱩᱛᱩᱢᱟᱱ ᱛᱷᱟᱱ ᱨᱮ ᱫᱮᱠᱷᱟᱣ ᱠᱮᱫᱟ, ᱡᱟᱦᱟᱸ ᱨᱮ ᱨᱳᱭᱟᱞ ᱟᱞᱵᱟᱨᱴ ᱦᱚᱞ, ᱞᱚᱱᱰᱚᱱ (᱑᱙᱖᱗) ᱟᱨ ᱠᱟᱨᱱᱮᱜᱤ ᱦᱚᱞ, ᱱᱤᱭᱩ ᱭᱚᱨᱠ (᱑᱙᱗᱖) ᱥᱮᱠᱮᱫ ᱞᱮᱱᱟ ᱛᱟᱦᱮᱸᱫ ᱾ [᱑]
| ᱥᱤᱛᱟᱨᱟ ᱫᱮᱵᱤ | |
|---|---|
 ᱥᱤᱛᱟᱨᱟ ᱒᱐᱐᱙ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱫᱷᱟᱱᱟᱞᱚᱠᱷᱢᱤ ᱘ ᱱᱚᱵᱷᱮᱢᱵᱚᱨ ᱑᱙᱒᱐ ᱠᱚᱞᱠᱟᱛᱟ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱒᱕ ᱱᱚᱵᱷᱮᱢᱵᱚᱨ ᱒᱐᱑᱔ (᱙᱔ ᱵᱚᱭᱚᱥ) ᱢᱩᱢᱵᱟᱭ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱠᱟᱛᱷᱟᱠ ᱮᱱᱮᱡ |
| ᱡᱤᱭᱚᱱ ᱥᱚᱦᱮᱫ | ᱱᱟᱡᱤᱨ ᱟᱦᱢᱮᱫᱽ ᱠᱷᱟᱱ(ᱢᱟᱲᱟᱝ), ᱠᱮ. ᱟᱥᱤᱯᱷ(ᱫᱟᱥᱟᱨ), ᱯᱨᱚᱛᱟᱯ ᱵᱟᱨᱚᱛ (ᱛᱤᱥᱟᱨ) |
| ᱦᱚᱯᱚᱱ | ᱨᱟᱱᱡᱤᱛ ᱵᱟᱨᱚᱛ, ᱡᱚᱭᱚᱱᱛᱤ ᱢᱟᱞᱟ |
ᱯᱩᱭᱞᱩ ᱡᱤᱭᱚᱱ
ᱥᱟᱯᱲᱟᱣᱥᱤᱛᱟᱨᱟ ᱫᱮᱵᱤ ᱟᱜ ᱡᱟᱱᱟᱢ ᱠᱚᱞᱠᱟᱛᱟ ᱨᱮ ᱘ ᱱᱚᱵᱷᱮᱢᱵᱚᱨ ᱑᱙᱒᱐ ᱨᱮ ᱦᱩᱭ ᱞᱮᱱᱟ ᱛᱟᱦᱮᱸᱫ, ᱚᱠᱚᱭ ᱱᱚᱣᱟ ᱥᱮᱨᱢᱟ ᱫᱤᱯᱟᱣᱟᱞᱤ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱯᱟᱨᱟᱵᱽ ᱨᱮᱱᱟᱜ ᱢᱲᱲᱟᱝ ᱛᱟᱨᱟᱥᱤᱝ ᱫᱷᱚᱱᱛᱮᱨᱟᱥ ᱥᱟᱞᱟᱜ ᱛᱮ ᱦᱩᱭ ᱞᱮᱱᱟ ᱛᱟᱦᱮᱸᱫ ᱾[᱒] ᱚᱱᱟ ᱞᱟᱹᱜᱤᱫ ᱛᱮ ᱩᱱᱤ ᱨᱟᱹᱥᱠᱟᱹ ᱤᱡ ᱫᱮᱵᱤ ᱟᱜ ᱥᱟᱛᱟᱢ ᱨᱮ ᱫᱷᱚᱱᱞᱚᱠᱷᱢᱤ ᱧᱩᱛᱩᱢ ᱮᱱᱟ, ᱚᱠᱚᱭ ᱚᱱᱟ ᱫᱤᱱ ᱱᱟᱯᱟᱭ ᱛᱮᱠᱚ ᱵᱚᱸᱜᱟ ᱭᱟ ᱾ [᱓][᱔]
ᱫᱷᱚᱱᱞᱚᱠᱷᱢᱤ ᱨᱤᱱ ᱟᱭᱳᱼᱵᱟᱵᱟ ᱜᱷᱟᱨᱚᱸᱡᱽ ᱯᱚᱸᱰᱤᱛ ᱦᱚᱨᱤᱴᱮᱜᱽ ᱟᱜ ᱛᱟᱦᱮᱸ ᱠᱟᱱᱟ ᱟᱨ ᱳᱨᱤᱡᱤᱱᱟᱞ ᱞᱮᱠᱟᱛᱮ ᱵᱟᱨᱟᱬᱚᱥᱤ ᱨᱤᱱ ᱠᱚ ᱛᱟᱦᱮᱸ ᱠᱟᱱᱟ, ᱟᱫᱚ ᱟᱹᱰᱤ ᱥᱮᱨᱢᱟ ᱠᱷᱚᱱ ᱠᱚᱞᱠᱟᱛᱟ ᱨᱮ ᱠᱚ ᱵᱟᱥᱟ ᱞᱮᱱᱟ ᱠᱚ ᱛᱟᱦᱮᱸᱫ ᱾ ᱟᱡ ᱵᱟᱵᱟ, ᱥᱩᱠᱷᱫᱮᱣ ᱢᱚᱦᱟᱨᱟᱡᱽ, ᱢᱤᱫ ᱯᱚᱸᱰᱤᱛ ᱥᱟᱡᱡᱟᱱ ᱟᱨ ᱥᱟᱝᱥᱠᱨᱤᱛ ᱨᱤᱱᱤᱡ ᱣᱮᱥᱬᱟᱣ ᱵᱤᱫᱣᱟᱱ ᱛᱟᱦᱮᱸ ᱠᱟᱱᱟ, ᱟᱫᱚ ᱩᱱᱤᱫᱚ ᱠᱚᱛᱷᱚᱠ ᱮᱱᱮᱡ ᱨᱮᱱᱟᱜ ᱥᱮᱪᱮᱫ ᱟᱨ ᱫᱮᱠᱷᱟᱣ ᱠᱟᱛᱮ ᱟᱡᱟᱜ ᱡᱤᱭᱚᱱ ᱟᱨᱡᱟᱣ ᱠᱮᱫᱟ ᱾ ᱟᱡ ᱟᱭᱳ ᱢᱚᱛᱥᱭᱟ ᱠᱩᱢᱟᱨᱤ ᱛᱟᱦᱮᱸ ᱠᱟᱱᱟ, ᱟᱠᱚ ᱣᱟᱜ ᱜᱷᱟᱨᱚᱸᱡᱽ ᱫᱮᱠᱷᱟᱣᱚ ᱞᱟᱹᱜᱤᱫ ᱛᱮ ᱮᱱᱮᱡ ᱥᱮᱨᱮᱧ ᱨᱤᱱ ᱥᱟᱶᱛᱟ ᱠᱷᱚᱱ ᱠᱚ ᱛᱟᱦᱮᱸ ᱠᱟᱱᱟ, ᱟᱨ ᱚᱠᱚᱭ ᱫᱚ ᱱᱮᱯᱟᱲ ᱨᱤᱱ ᱥᱚᱦᱤ ᱜᱷᱟᱨᱚᱸᱡᱽ ᱥᱟᱶᱛᱮ ᱡᱚᱲᱟᱣ ᱨᱮᱱᱟᱜ ᱦᱚᱠ ᱛᱟᱦᱮᱸ ᱠᱟᱱᱟ ᱾ ᱥᱩᱠᱷᱫᱮᱣ ᱢᱚᱦᱟᱨᱟᱡᱽ ᱫᱚ ᱱᱮᱯᱟᱲ ᱨᱮᱱᱟᱜ ᱥᱚᱦᱤ ᱫᱚᱨᱵᱟᱨ ᱨᱮ ᱥᱮᱰᱟ ᱠᱚᱣᱟ ᱛᱟᱦᱮᱸᱫ, ᱥᱮᱪᱮᱫᱚᱜ ᱮᱱᱮᱡ ᱞᱟᱹᱜᱤᱫ ᱛᱮ ᱢᱤᱫ ᱫᱩᱞᱟᱹᱲ ᱮ ᱩᱴᱷᱱᱟᱹᱣ ᱞᱮᱫᱟ ᱛᱟᱦᱮᱸᱫ ᱟᱨ ᱵᱷᱚᱨᱚᱛ ᱱᱟᱴᱭᱚᱢ ᱟᱨ ᱱᱟᱴᱭᱟ ᱥᱟᱥᱛᱨᱟ ᱟᱜ ᱤᱱᱴᱮᱱᱥᱤᱵᱷ (Intensive) ᱯᱟᱨᱥᱮᱛ ᱠᱟᱹᱢᱤ ᱞᱮᱫᱟ ᱛᱟᱦᱮᱸᱫ ; ᱩᱱᱤᱫᱚ ᱠᱟᱹᱢᱤ ᱦᱚᱸ ᱠᱟᱹᱢᱤ ᱟᱠᱟᱫᱟ ᱟᱨ ᱠᱟᱛᱷᱟᱠ ᱮᱱᱮᱡ ᱦᱚᱸ ᱮᱱᱮᱡ ᱟᱠᱟᱫᱟ ᱡᱟᱦᱟᱸ ᱨᱮ ᱱᱩᱭ ᱫᱚ ᱟᱹᱰᱤ ᱱᱟᱯᱟᱭ ᱮ ᱫᱮᱠᱷᱟᱣ ᱟᱠᱟᱫᱟ ᱾ ᱠᱟᱛᱷᱟᱠ ᱩᱱᱤᱭᱟᱜ ᱡᱤᱭᱚᱱ ᱨᱮᱱᱟᱜ ᱥᱟᱫᱷᱟᱱ ᱵᱮᱱᱟᱣ ᱮᱱᱟ, ᱥᱟᱶᱛᱮ ᱢᱤᱫ ᱫᱩᱞᱟᱹᱲ ᱦᱚᱸ; ᱱᱩᱭ ᱫᱮᱠᱷᱟᱣ ᱠᱟᱞᱟᱠᱚᱨ ᱟᱜ ᱚᱛ ᱨᱮᱱᱟᱜ ᱪᱮᱛᱟᱱ ᱛᱟᱞᱟ (Background ones) ᱨᱤᱱᱤᱡ ᱛᱤᱨᱞᱟᱹ ᱥᱟᱶᱛᱮ ᱩᱱᱤᱭᱟᱜ ᱵᱟᱯᱞᱟ ᱫᱚ ᱵᱟᱲᱦᱟᱣ ᱠᱟᱱᱟ ᱛᱟᱦᱮᱸᱫ ᱾ ᱮᱱᱮᱡ ᱨᱮᱱᱟᱜ ᱫᱩᱞᱟᱹᱲ ᱚᱱᱠᱟ ᱛᱟᱦᱮᱸ ᱠᱟᱱ ᱚᱠᱚᱭ ᱩᱱᱤ ᱟᱡᱤᱜ ᱵᱤᱴᱤ ᱟᱞᱚᱠᱱᱚᱱᱫᱟ, ᱛᱟᱨᱟ ᱟᱨ ᱫᱷᱟᱱᱚ ᱠᱚ ᱮᱢᱟᱫ ᱫᱮᱭᱟ; ᱟᱨ ᱩᱱᱤ ᱨᱤᱱ ᱵᱮᱴᱟ, ᱪᱚᱣᱵᱮ ᱟᱨ ᱯᱟᱱᱰᱮ ᱾ ᱱᱩᱭ ᱤᱨᱟᱹᱞ ᱥᱟᱞ ᱦᱩᱭ ᱠᱟᱛᱮ ᱦᱚᱸ ᱟᱡ ᱟᱭᱳ ᱵᱟᱵᱟ ᱥᱟᱞᱟᱜ ᱛᱟᱦᱮᱸ ᱞᱟᱹᱜᱤᱫ ᱛᱮ ᱨᱩᱣᱟᱹᱲ ᱥᱟᱱᱟᱭᱟ ᱛᱟᱦᱮᱸᱫ ᱾
ᱱᱤᱡᱮᱨᱟᱜ ᱡᱤᱭᱚᱱ
ᱥᱟᱯᱲᱟᱣᱥᱤᱛᱟᱨᱟ ᱫᱮᱵᱤ ᱫᱚ ᱯᱮ ᱫᱷᱟᱣ ᱵᱟᱯᱞᱟ ᱟᱠᱟᱱᱟ ᱾ ᱩᱱᱤᱭᱤᱡ ᱯᱩᱭᱞᱩ ᱡᱟᱶᱟᱭ ᱫᱚ ᱮᱠᱴᱟᱨ ᱱᱚᱡᱤᱨ ᱚᱦᱢᱚᱫᱽ ᱠᱷᱚᱱ (ᱱᱟᱥᱤᱨ ᱠᱷᱚᱱ ᱫᱚ ᱱᱚᱡᱤᱨ ᱟᱜ ᱫᱟᱢᱟᱫᱽ ᱛᱟᱦᱮᱸ ᱠᱟᱱᱟ) ᱥᱟᱞᱟᱜ ᱯᱟᱨᱮᱥᱟᱬᱴᱱ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱛᱟᱞᱟ ᱨᱮ ᱩᱢᱚᱨ ᱨᱮᱱᱟᱜ ᱚᱱᱛᱚᱨ ᱜᱮᱞ ᱛᱩᱨᱩᱭ ᱥᱟᱞ ᱛᱟᱦᱮᱸ ᱠᱟᱱᱟ, ᱟᱨ ᱱᱚᱡᱤᱨ ᱤᱡ ᱯᱩᱭᱞᱩ ᱵᱟᱦᱩ, ᱥᱤᱠᱟᱱᱫᱽᱨᱚ ᱵᱮᱜᱟᱢ, ᱥᱟᱨᱟ ᱞᱮᱛᱟᱨ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾ ᱫᱷᱚᱨᱚᱢ ᱨᱮᱱᱟᱜ ᱢᱤᱫ ᱜᱚᱦᱤᱨ ᱚᱱᱛᱚᱨ ᱛᱟᱦᱮᱸ ᱠᱟᱱᱟ, ᱠᱷᱟᱱ ᱢᱤᱫ ᱢᱩᱥᱞᱤᱢ ᱟᱨ ᱥᱤᱛᱟᱨᱟ ᱫᱮᱵᱤ ᱢᱤᱫ ᱦᱤᱱᱫᱩ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱚᱠᱛᱚ (᱑᱙᱕᱖ ᱢᱟᱬᱟᱝ), ᱵᱷᱤᱱᱮ ᱵᱷᱤᱱᱮ ᱫᱷᱚᱨᱚᱢ ᱨᱤᱱ ᱦᱚᱲ ᱞᱟᱹᱜᱤᱫ ᱵᱟᱯᱞᱟ ᱵᱟᱝ ᱠᱟᱱᱟ ᱟᱨ ᱵᱷᱤᱱᱮ ᱵᱷᱤᱱᱮ ᱫᱷᱚᱨᱚᱢ ᱥᱟᱞᱟᱜ ᱟᱯᱟᱱ ᱟᱯᱤᱱ ᱵᱟᱦᱩᱼᱡᱟᱶᱟᱭ ᱞᱟᱹᱜᱤᱫ ᱥᱟᱢᱵᱷᱟᱣ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱵᱟᱯᱞᱟ ᱨᱮ ᱵᱚᱞᱚᱱ ᱞᱟᱹᱜᱤᱫ ᱛᱮ ᱥᱤᱛᱟᱨᱟ ᱫᱚ ᱤᱥᱞᱟᱢ ᱫᱷᱚᱨᱚᱢᱮ ᱟᱯᱱᱟᱨ ᱠᱮᱫᱟ ᱾ ᱱᱚᱣᱟ ᱵᱟᱯᱞᱟ ᱠᱚᱢ ᱚᱠᱛᱚ ᱨᱮ ᱟᱨ ᱪᱤᱞᱰᱞᱮᱥ (Childless) ᱵᱟᱱᱟᱨ ᱦᱚᱲ ᱠᱤᱱ ᱛᱟᱦᱮᱸ ᱠᱟᱱᱟ ᱟᱨ ᱞᱚᱜᱚᱱ ᱜᱮ ᱩᱱᱠᱤᱱᱟᱜ ᱨᱟᱯᱩᱫ ᱞᱮᱱᱟ ᱛᱟᱦᱮᱸᱫ ᱾
ᱥᱤᱛᱟᱨᱟ ᱫᱮᱵᱤ ᱟᱜ ᱫᱚᱥᱟᱨ ᱵᱟᱯᱞᱟ ᱯᱷᱤᱞᱢ ᱵᱮᱱᱟᱣ ᱠᱮᱫᱟ ᱠᱮ. ᱟᱥᱤᱯᱷ ᱥᱟᱞᱟᱜ ᱦᱩᱭ ᱮᱱᱟ, ᱚᱠᱚᱭ ᱵᱟᱝᱢᱟ ᱟᱡ ᱥᱩᱢᱩᱝ ᱚᱱᱟ ᱢᱟᱬᱟᱝ ᱡᱟᱶᱟᱭ ᱪᱟᱪᱮᱨᱮ ᱵᱷᱟᱭᱦᱟ ᱛᱟᱦᱮᱸ ᱠᱟᱱᱟ, ᱟᱫᱚ ᱥᱤᱠᱟᱱᱫᱚᱨ ᱵᱮᱜᱟᱢ ᱤᱡ ᱵᱷᱚᱭᱦᱟ ᱦᱚᱸ ᱛᱟᱦᱮᱸ ᱠᱟᱱᱟ ᱾ ᱢᱤᱫ ᱫᱷᱟᱣ ᱟᱨᱦᱚᱸ, ᱱᱩᱭ ᱢᱤᱫ ᱵᱟᱯᱞᱟ ᱦᱚᱲ ᱨᱤᱱᱤᱡ ᱟᱨᱦᱚᱸ ᱵᱟᱦᱩ ᱵᱮᱱᱟᱣ ᱮᱱᱟ, ᱟᱨ ᱩᱱᱤ ᱥᱟᱶᱛᱮᱼᱵᱟᱦᱩ ᱫᱤᱱᱤᱯ ᱠᱩᱢᱟᱨ ᱤᱡ ᱢᱤᱥᱨᱟ ᱚᱠᱷᱛᱟᱨ ᱟᱥᱤᱯᱷ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱵᱟᱯᱞᱟ ᱦᱚᱸ ᱟᱹᱰᱤ ᱫᱤᱱ ᱫᱟᱵᱷᱤᱡ ᱵᱟᱝ ᱦᱩᱭ ᱞᱮᱱᱟ, ᱟᱨ ᱱᱚᱣᱟ ᱪᱤᱞᱰᱞᱮᱥ (Childless) ᱛᱟᱦᱮᱸ ᱠᱟᱱᱟ ᱾
ᱟᱡᱟᱜ ᱮᱴᱟᱜᱟᱦ ᱨᱟᱯᱩᱫ ᱛᱟᱭᱚᱢ, ᱥᱤᱛᱟᱨᱟ ᱫᱚ ᱜᱩᱡᱽᱨᱟᱴᱤ ᱦᱮᱨᱤᱴᱮᱜᱽ ᱨᱤᱱᱤᱡ ᱢᱤᱫ ᱦᱤᱱᱫᱩ ᱥᱟᱡᱡᱟᱱ ᱯᱨᱚᱛᱟᱯ ᱵᱟᱨᱚᱴ ᱥᱟᱞᱟᱜ ᱵᱟᱯᱞᱟ ᱮᱱᱟ ᱾[᱕] ᱱᱚᱣᱟ ᱡᱚᱲᱟ ᱫᱚ ᱢᱤᱫ ᱵᱮᱴᱟ, ᱨᱚᱱᱡᱤᱛ ᱵᱟᱨᱚᱛ ᱠᱷᱚᱱ ᱜᱩᱱᱮ ᱧᱟᱢ ᱠᱮᱫᱟ, ᱚᱠᱚᱭᱟᱜ ᱡᱟᱱᱟᱢ ᱑᱙᱕᱐ ᱨᱮ ᱦᱩᱭ ᱞᱮᱱᱟ ᱛᱟᱦᱮᱸᱫ ᱾ [᱖]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Sitara Devi – The Kathak Legend". India Travel Times. Archived from the original on 30 ᱢᱟᱨᱪ 2014. Retrieved 25 ᱡᱟᱱᱩᱣᱟᱨᱤ 2012.
- ↑ "Dhanteras on 8th November 1920".
- ↑ "Kathak queen Sitara Devi still youthful at 91". Hindustan Times. 2 ᱥᱮᱯᱴᱮᱢᱵᱚᱨ 2011. Archived from the original on 7 ᱮᱯᱨᱤᱞ 2014. Retrieved 4 ᱮᱯᱨᱤᱞ 2014.
- ↑ "Interview : State of the art". The Hindu. 31 July 2009. Archived from the original on 4 August 2009. Retrieved 4 April 2014.
- ↑ https://chiloka.com/celebrity/sitara-devi-hindi
- ↑ "My mother's responsible for my musical inclination: Ranjit Barot". The Times of India(TOI). 17 March 2013. Retrieved 4 April 2014.
- India's 50 Most Illustrious Women (ISBN 81-88086-19-3) by Indra Gupta
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ- ᱥᱤᱛᱟᱨᱟ ᱫᱮᱵᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Rare Pictures of Sitara Devi, her sisters Alaknanda & Tara https://www.flickr.com/photos/rashid_ashraf/31619687025/