ᱥᱩᱫᱟᱱ

ᱥᱩᱫᱟᱱ (English pronunciation (U.S.) /suˈdæn, suː-/ ( listen), (GB) /suˈdɑːn, -ˈdæn/; Arabic: السودان‎ as-Sūdān) ᱫᱚ ᱦᱩᱭᱩᱜ ᱠᱟᱱᱟ ᱟᱯᱷᱨᱤᱠᱟ ᱢᱟᱦᱟᱫᱮᱥ ᱨᱮᱱᱟᱜ ᱩᱛᱟᱹᱨ ᱥᱮᱡ ᱨᱮᱱᱟᱜ ᱢᱤᱫᱴᱮᱱ ᱫᱤᱥᱚᱢ᱾ ᱟᱯᱷᱨᱤᱠᱟ ᱨᱮᱱᱟᱜ ᱡᱚᱛᱚᱠᱷᱚᱡ ᱞᱟᱹᱴᱩ ᱫᱤᱥᱚᱢ ᱠᱟᱱᱟ ᱥᱩᱫᱟᱱ᱾ ᱱᱚᱸᱰᱮ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱡᱟᱹᱥᱛᱤ ᱢᱮᱱᱟᱜ ᱠᱩᱣᱟ᱾ ᱱᱚᱣᱟ ᱫᱤᱥᱚᱢ ᱨᱮ ᱟᱹᱰᱤ ᱠᱟᱡᱟᱠ ᱞᱟᱹᱲᱦᱟᱹᱭ ᱪᱟᱞᱩ ᱛᱮᱜᱮ ᱢᱮᱱᱟᱜᱼᱟ᱾

ᱥᱩᱫᱟᱱ ᱨᱮᱱᱟᱜ ᱪᱤᱨ

ᱱᱟᱜᱟᱢ

᱖᱐ ᱜᱮᱥᱟᱭ ᱥᱮᱨᱢᱟ ᱞᱟᱦᱟ ᱠᱷᱚᱡ ᱱᱚᱸᱰᱮ ᱫᱚ ᱢᱟᱱᱣᱟᱠᱩ ᱛᱟᱸᱦᱮᱸᱱᱠᱟᱱ ᱛᱟᱸᱦᱮᱸᱱᱟ᱾ ᱟᱫᱚ ᱘ ᱜᱮᱥᱟᱭ ᱥᱮᱨᱢᱟ ᱠᱷᱚᱱ ᱢᱟᱱᱣᱟ ᱫᱚ ᱚᱲᱟᱜ ᱫᱩᱣᱟᱹᱨ ᱠᱟᱛᱮ ᱱᱚᱣᱟ ᱫᱤᱥᱚᱢ ᱨᱮ ᱛᱟᱸᱦᱮᱸᱱᱠᱩ ᱮᱛᱦᱚᱵ ᱠᱟᱫᱟ᱾ ᱩᱱ ᱡᱚᱠᱷᱚᱡ ᱩᱝᱠᱩ ᱫᱚ ᱡᱤᱵ ᱡᱤᱭᱟᱹᱞᱤ ᱟᱹᱥᱩᱞ ᱟᱨ ᱪᱟᱥ ᱵᱟᱥ ᱠᱟᱛᱮ ᱠᱤᱣᱤ ᱠᱩ ᱯᱟᱨᱚᱢᱮᱛ ᱛᱟᱸᱦᱮᱸᱱᱟ᱾ ᱥᱮᱫᱟᱭ ᱠᱷᱚᱡ ᱜᱮ ᱢᱤᱥᱚᱨ ᱥᱟᱶᱛᱮ ᱥᱩᱫᱟᱱ ᱨᱮᱱᱟᱜ ᱟᱹᱰᱤ ᱵᱷᱟᱜᱮ ᱜᱟᱛᱮ ᱛᱟᱸᱦᱮᱸᱠᱟᱱᱟ᱾ ᱥᱩᱫᱟᱱ ᱨᱮ ᱤᱥᱞᱟᱢ ᱟᱨ ᱤᱥᱟᱹᱣᱭ ᱫᱷᱚᱨᱚᱢ ᱯᱟᱥᱱᱟᱣ ᱞᱮᱱᱟ᱾ ᱚᱫᱚ ᱱᱮᱛᱚᱜ ᱫᱚ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱦᱚᱲᱜᱮ ᱡᱟᱹᱥᱛᱤ ᱢᱮᱱᱟᱜ ᱠᱩᱣᱟ᱾

ᱚᱛᱱᱚ

ᱥᱩᱫᱟᱱ ᱨᱮᱱᱟᱜ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ 1,886,068 square kilometres (728,215 sq mi)᱾ ᱥᱩᱫᱟᱱ ᱨᱮᱱᱟᱜ ᱩᱛᱟᱹᱨ ᱥᱮᱡ ᱢᱤᱥᱚᱨ, ᱩᱛᱟᱹᱨ ᱯᱩᱨᱩᱵ ᱥᱮᱡ ᱞᱳᱦᱤᱛ ᱫᱚᱨᱮᱭᱟ, ᱯᱩᱨᱩᱵ ᱥᱮᱡ ᱤᱨᱤᱛᱨᱤᱭᱟ ᱟᱨ ᱤᱛᱷᱤᱭᱳᱯᱤᱭᱟ, ᱫᱟᱹᱠᱷᱤᱱ ᱯᱩᱨᱩᱵ ᱥᱮᱡ ᱠᱮᱱᱤᱭᱟ ᱟᱨ ᱩᱜᱟᱱᱰᱟ, ᱫᱟᱹᱠᱷᱤᱱ ᱯᱟᱪᱷᱤᱢ ᱥᱮᱡ ᱠᱚᱝᱜᱳ, ᱟᱯᱷᱨᱤᱠᱟᱱ ᱨᱤᱯᱟᱵᱞᱤᱠ, ᱯᱟᱹᱪᱷᱤᱢ ᱥᱮᱡ ᱪᱟᱸᱫ, ᱩᱛᱟᱹᱨ ᱯᱟᱹᱪᱷᱤᱢ ᱥᱮᱡ ᱞᱤᱵᱤᱭᱟ ᱢᱮᱱᱟᱜᱼᱟ᱾ ᱥᱩᱫᱟᱱ ᱨᱮᱱᱟᱜ ᱫᱟᱹᱠᱷᱤᱱ ᱥᱮᱡ ᱟᱹᱰᱤ ᱠᱟᱡᱟᱠ ᱫᱟᱜ ᱦᱩᱭ ᱵᱟᱲᱟᱜᱼᱟ᱾ ᱩᱛᱟᱹᱨ ᱥᱮᱡ ᱱᱩᱵᱤᱭᱟᱱ ᱥᱮᱡ ᱱᱟᱥᱮᱱᱟᱜ ᱢᱳᱨᱩᱵᱷᱩᱢᱤ ᱦᱚᱸ ᱢᱮᱱᱟᱜᱼᱟ᱾

ᱯᱟᱹᱨᱥᱤ

ᱥᱩᱫᱟᱱ ᱨᱮᱱᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱫᱚ ᱟᱨᱵᱤ ᱟᱨ ᱮᱝᱨᱮᱡᱤ ᱠᱟᱱᱟ᱾ ᱥᱩᱫᱟᱱ ᱨᱮ ᱕᱙᱗ ᱜᱚᱴᱟᱝ ᱡᱟᱹᱛᱤ ᱢᱮᱱᱟᱜ ᱠᱩᱣᱟ᱾ ᱟᱨ ᱱᱩᱠᱩ ᱡᱟᱹᱛᱤ ᱠᱩᱣᱟ ᱑᱓᱓ ᱜᱚᱴᱟᱝ ᱜᱚᱜᱚ ᱯᱟᱹᱨᱥᱤ ᱢᱮᱱᱟᱜᱼᱟ᱾

ᱫᱷᱚᱨᱚᱢ

ᱥᱩᱫᱟᱱ ᱨᱮᱫᱚ ᱥᱟᱭᱠᱚᱨᱟ ᱗᱐ ᱡᱚᱱᱜᱮ ᱤᱥᱞᱟᱢ ᱫᱷᱚᱨᱚᱢ ᱨᱮᱱ ᱠᱟᱱᱟᱠᱩ᱾ ᱥᱟᱭᱠᱚᱨᱟ ᱒᱕ ᱫᱚ ᱟᱹᱫᱤᱵᱟᱹᱥᱤ ᱟᱨ ᱥᱟᱭᱠᱚᱨᱟ ᱕ ᱫᱚ ᱤᱥᱟᱹᱭ ᱫᱷᱚᱨᱚᱢ ᱨᱮᱱ ᱦᱚᱲ ᱢᱮᱱᱟᱜ ᱠᱩᱣᱟ᱾

ᱟᱨᱦᱚᱸ ᱧᱮᱞᱢᱮ

• List of heads of government of Sudan
• Outline of Sudan
• Lost Boys of Sudan
• Society for the Study of the Sudans UK
• Sudan Studies Association

ᱵᱟᱨᱦᱮ ᱡᱚᱱᱚᱲ

• Government of Sudan website
• Archaeological sites in Sudan
• Sudan web resources provided by GovPubs at the University of Colorado–Boulder Libraries
• Sudan at Curlie (based on DMOZ)
• Wikimedia Atlas of Sudan
• Sudan profile from BBC News
• CIMIC activities in the African Union Mission in Sudan