ᱥᱮᱱᱴ ᱡᱮᱵᱷᱤᱭᱟᱨᱥ ᱠᱚᱞᱮᱡᱽ, ᱫᱩᱢᱠᱟᱹ
ᱥᱮᱱᱴ ᱡᱮᱵᱷᱤᱭᱟᱨᱥ ᱠᱚᱞᱮᱡᱽ ᱫᱚ ᱡᱷᱟᱨᱠᱷᱚᱸᱰ ᱨᱮᱭᱟᱜ ᱫᱩᱢᱠᱟᱹ ᱥᱚᱦᱚᱨ ᱨᱮ ᱢᱮᱱᱟᱜ ᱢᱤᱫ ᱠᱮᱛᱷᱚᱞᱤᱠ ᱠᱚᱞᱮᱡᱽ ᱠᱟᱱᱟ᱾ ᱱᱚᱣᱟ ᱨᱮᱭᱟᱜ ᱯᱚᱲᱦᱚᱱ ᱫᱚ ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱡᱩᱞᱟᱭ ᱪᱟᱸᱫᱚ ᱠᱷᱚᱱ ᱮᱦᱚᱵ ᱟᱠᱟᱱᱟ᱾ ᱥᱮᱱᱴ ᱡᱮᱵᱷᱤᱭᱟᱨᱥ ᱫᱚ ᱫᱩᱢᱠᱟᱹ-ᱨᱟᱭᱜᱚᱸᱡᱽ ᱡᱮᱥᱩᱭᱤᱴ (ᱥᱳᱥᱟᱭᱴᱤ ᱚᱯᱷ ᱡᱮᱥᱟᱥ) ᱯᱚᱱᱚᱛ ᱨᱮᱱ ᱥᱚᱦᱮᱫ ᱠᱚ ᱦᱚᱛᱮᱛᱮ ᱪᱟᱪᱞᱟᱣᱚᱜ ᱠᱟᱱᱟ᱾ ᱱᱚᱣᱟ ᱫᱚ ᱢᱤᱫ ᱟᱯᱱᱟᱨᱛᱮ ᱠᱟᱹᱣᱰᱤ ᱜᱚᱲᱚᱣᱟᱱ ᱞᱮᱠᱷᱟᱥᱤᱫ ᱠᱚᱞᱮᱡᱽ ᱠᱟᱱᱟ ᱟᱨ ᱱᱚᱶᱟ ᱴᱚᱴᱷᱟ ᱨᱮᱱ ᱛᱟᱭᱱᱚᱢ ᱟᱠᱟᱱ ᱦᱚᱲᱠᱚ ᱢᱩᱸᱫᱽ ᱨᱮ ᱥᱮᱪᱮᱫ ᱮᱢ ᱪᱟᱞ ᱜᱮ ᱱᱚᱣᱟ ᱨᱮᱭᱟᱜ ᱢᱩᱬᱩᱛ ᱡᱚᱥ ᱫᱚ ᱠᱟᱱᱟ᱾ ᱱᱚᱣᱟ ᱠᱚᱞᱮᱡᱽ ᱨᱮ ᱵᱤ.ᱮ. (ᱤᱝᱞᱤᱥ, ᱱᱟᱜᱟᱢ, ᱠᱟᱹᱣᱰᱤᱭᱟᱹᱨᱤ, ᱨᱟᱡᱽᱟᱹᱨᱤ ᱟᱨ ᱦᱤᱱᱫᱤ), ᱵᱤ.ᱠᱚᱢ ᱟᱨ ᱵᱤ.ᱮᱥᱥᱤ (ᱵᱚᱴᱟᱱᱤ, ᱠᱮᱢᱤᱥᱴᱨᱤ, ᱯᱷᱤᱡᱤᱠᱥ ᱟᱨ ᱡᱩᱞᱚᱡᱤ) ᱰᱤᱜᱽᱨᱤ ᱠᱳᱨᱥ ᱥᱟᱶᱛᱮ, ᱵᱤ.ᱵᱤ.ᱮ ᱟᱨ ᱵᱤ.ᱥᱤ.ᱮ ᱞᱮᱠᱟᱱ ᱯᱷᱨᱚᱯᱷᱮᱥᱚᱱᱟᱞ ᱰᱤᱜᱽᱨᱤ ᱠᱳᱨᱥ ᱦᱚᱸ ᱯᱟᱲᱦᱟᱣ ᱦᱩᱭᱩᱜ ᱠᱟᱱᱟ᱾
| ᱥᱮᱱᱴ ᱡᱮᱵᱷᱤᱭᱟᱨᱥ ᱠᱚᱞᱮᱡᱽ, ᱢᱟᱦᱟᱨᱳ, ᱫᱩᱢᱠᱟᱹ | |
|---|---|
| ᱩᱱᱩᱭᱦᱟᱹᱨ | TO ENLIGHTEN AND TO EMPOWER ᱢᱟᱨᱥᱟᱞ ᱟᱨ ᱫᱟᱲᱮ ᱞᱟᱹᱜᱤᱫ |
| ᱛᱷᱟᱯᱚᱱ | ᱒᱐᱑᱑; ᱑᱐ ᱥᱮᱨᱢᱟ ᱢᱟᱲᱟᱝ ᱨᱮ |
| ᱞᱮᱠᱟᱱ | ᱡᱮᱥᱩᱭᱤᱴ, ᱠᱮᱛᱷᱚᱞᱤᱠ |
| ᱫᱚᱨᱚᱢ ᱢᱟᱱᱚᱛ | ᱥᱤᱫᱚ ᱠᱟᱱᱦᱩ ᱢᱩᱨᱢᱩ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱫᱩᱢᱠᱟᱹ, ᱡᱷᱟᱨᱠᱷᱚᱸᱰ |
| ᱯᱟᱨᱥᱮᱛ | ᱨᱮᱵᱷ. ᱯᱷᱨ. ᱠᱮ.ᱥᱤ. ᱥᱴᱮᱯᱷᱮᱱ ᱮᱥ.ᱡᱮ. |
| ᱯᱨᱤᱱᱥᱤᱯᱟᱞ | ᱨᱮᱵᱷ. ᱯᱷᱨ. ᱰᱨ. ᱮᱥ. ᱥᱴᱮᱯᱷᱮᱱ ᱨᱟᱡᱽ ᱮᱥ.ᱡᱮ. |
| ᱴᱷᱟᱶ | ᱦᱟᱢᱟᱨᱳ, ᱫᱩᱢᱠᱟᱹ ᱡᱷᱟᱨᱠᱷᱚᱸᱰ, ᱥᱤᱧᱚᱛ |
| ᱣᱮᱵᱽᱥᱟᱭᱤᱴ | www |