ᱦᱟᱨᱪᱮᱨᱚᱱ ᱥᱤᱝ ᱵᱽᱨᱚᱨ
ᱦᱚᱨᱪᱚᱨᱚᱱ ᱥᱤᱝ ᱵᱽᱨᱚᱨ ( ᱒᱑ ᱡᱟᱱᱩᱣᱟᱨᱤ ᱑᱙᱒᱒ - ᱖ ᱥᱮᱯᱴᱮᱢᱵᱚᱨ ᱒᱐᱐᱙) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱸᱜᱽᱨᱮᱥ ᱨᱤᱱᱤᱡ ᱯᱚᱧᱡᱟᱵᱽ ᱭᱩᱱᱤᱛ ᱥᱟᱶ ᱡᱩᱜᱩᱲᱟᱹᱣ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱯᱚᱧᱡᱟᱵᱽ ᱨᱤᱱᱤᱡ ᱑᱓ ᱟᱹᱱᱤᱡ ᱥᱤᱨᱟᱹ ᱢᱚᱱᱛᱨᱤᱭ ᱛᱟᱦᱮᱸ ᱠᱟᱱᱟ ᱟᱨ ᱓᱑ ᱚᱜᱚᱥᱴ ᱑᱙᱙᱕ ᱠᱷᱚᱱ ᱒᱑ ᱱᱚᱵᱷᱮᱢᱵᱚᱨ ᱑᱙᱙᱖ ᱫᱷᱟᱹᱵᱤᱡ ᱱᱚᱶᱟ ᱛᱷᱟᱱᱚᱛ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱜᱚᱜᱚᱡᱤᱡ ᱥᱤᱨᱟᱹᱢᱚᱱᱛᱨᱤ ᱵᱮᱚᱸᱛ ᱥᱤᱝ ᱟᱜ ᱴᱷᱟᱶ ᱮ ᱦᱟᱛᱟᱣ ᱠᱮᱫ-ᱟ ᱾ ᱤᱱᱟᱹ ᱚᱠᱛᱚ ᱨᱮ ᱩᱱᱤ ᱫᱚ ᱢᱩᱠᱛᱥᱚᱨ ᱵᱤᱫᱷᱟᱱᱥᱚᱵᱷᱟ ᱨᱤᱱᱤᱡ ᱨᱟᱹᱥᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ [᱑]
| ᱦᱟᱨᱪᱚᱨᱚᱱ ᱥᱤᱝ ᱵᱽᱨᱚᱨ | |
|---|---|
 | |
| ᱑᱓ ᱟᱹᱱᱤᱡ ᱯᱚᱧᱡᱟᱵᱽ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱓᱑ ᱚᱜᱚᱥᱴ ᱑᱙᱙᱕ – ᱒᱑ ᱱᱚᱵᱷᱮᱢᱵᱚᱨ ᱑᱙᱙᱖ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱵᱤᱸᱛ ᱥᱤᱝ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱨᱟᱡᱤᱱᱫᱚᱨ ᱠᱚᱣᱨ ᱵᱷᱟᱴᱚᱞ |
| ᱵᱟᱪᱱᱟᱣ ᱮᱞᱮᱠᱟ | ᱢᱩᱠᱛᱥᱟᱨ |
| ᱦᱚᱨᱤᱭᱟᱬᱟ ᱨᱤᱱᱤᱡ ᱨᱟᱡᱽᱡᱚᱯᱟᱲ | |
| ᱟᱹᱢᱟᱹᱞᱤ ᱨᱮ ᱑᱙᱗᱗ – ᱑᱙᱗᱙ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱡᱚᱭᱥᱩᱠᱷ ᱞᱟᱞ ᱦᱟᱛᱷᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱥᱩᱨᱡᱤᱛ ᱥᱤᱝ ᱥᱟᱱᱫᱷᱟᱣᱟᱞᱤᱭᱟ |
| ᱳᱰᱤᱥᱟ ᱨᱤᱱᱤᱡ ᱨᱟᱡᱽᱡᱚᱯᱟᱲ | |
| ᱟᱹᱢᱟᱹᱞᱤ ᱨᱮ ᱑᱙᱗᱗ – ᱑᱙᱗᱗ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱤᱵᱚ ᱱᱟᱨᱟᱭᱚᱬ ᱥᱚᱝᱠᱚᱨ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱷᱚᱜᱽᱣᱚᱛ ᱫᱚᱭᱟᱞ ᱥᱚᱨᱢᱟ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱒᱑ ᱡᱟᱱᱩᱣᱟᱨᱤ ᱑᱙᱑᱙ ᱥᱟᱨᱟᱭᱤ ᱱᱟᱜᱟ, ᱯᱚᱧᱡᱟᱵᱽ, ᱵᱽᱨᱤᱴᱤᱥ ᱤᱱᱰᱤᱭᱟ |
| ᱜᱩᱨ | ᱖ ᱥᱮᱯᱴᱮᱢᱵᱚᱨ ᱒᱐᱐᱙ (᱙᱐ ᱵᱚᱭᱚᱥ) ᱪᱚᱱᱰᱤᱜᱚᱰ, ᱥᱤᱧᱚᱛ |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
| ᱨᱟᱡᱽᱟᱹᱨᱤ ᱫᱚᱞ | ᱥᱤᱧᱚᱛ ᱡᱟᱹᱛᱤᱭᱟᱹᱨᱤ ᱠᱚᱸᱜᱽᱨᱮᱥ |
| ᱡᱤᱭᱚᱱ ᱥᱚᱦᱮᱫ | ᱜᱩᱨᱵᱤᱱᱫᱚᱨ ᱠᱚᱣᱨ ᱵᱽᱨᱚᱨ |
ᱟᱯᱚᱱ ᱡᱤᱭᱚᱱ
ᱥᱟᱯᱲᱟᱣᱥᱚᱨᱫᱟᱨ ᱵᱚᱞᱵᱚᱸᱛ ᱥᱤᱝ ᱵᱽᱨᱚᱨ ᱤᱡ ᱦᱚᱯᱚᱱ ᱦᱟᱨ ᱪᱚᱨᱚᱱ ᱥᱤᱝ ᱵᱽᱨᱚᱨ ᱟᱜ ᱡᱟᱱᱟᱢ ᱫᱚ ᱒᱑ ᱡᱟᱱᱩᱣᱟᱨᱤ ᱑᱙᱑᱙ ᱨᱮ ᱥᱚᱨᱟᱭ ᱱᱟᱜᱟ ᱟᱹᱛᱩ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ, ᱡᱟᱦᱟᱸᱭ ᱫᱚ ᱥᱨᱤ ᱢᱩᱠᱛᱤᱥᱚᱨ ᱥᱟᱦᱤᱵᱽ ᱟᱨ ᱠᱳᱴ ᱠᱚᱯᱩᱨᱟ ᱛᱟᱞᱟᱨᱮ ᱡᱟᱹᱛᱤᱭᱟᱹᱨᱤ ᱨᱟᱡᱽᱦᱚᱨ ᱑᱖ ᱨᱮ ᱢᱮᱱᱟᱜ-ᱟ ᱾ ᱩᱱᱤ ᱫᱚ ᱮᱭᱪᱤᱥᱚᱱ ᱵᱤᱨᱫᱟᱹᱜᱟᱲ ᱨᱮᱭ ᱯᱟᱲᱦᱟᱣ ᱞᱮᱱᱟ ᱟᱨ ᱛᱟᱭᱚᱢ ᱛᱮᱫᱚ ᱥᱚᱨᱠᱟᱨᱤ ᱵᱤᱨᱫᱟᱹᱜᱟᱲ, ᱞᱟᱦᱳᱨ ᱠᱷᱚᱱ ᱥᱚᱱᱮᱨ ᱮ ᱥᱟᱹᱛ ᱠᱮᱫ-ᱟ ᱾ ᱩᱱᱤ ᱫᱚ ᱵᱟᱨ ᱫᱷᱟᱣ ᱮ ᱵᱟᱯᱞᱟ ᱞᱮᱱᱟ ᱾ ᱩᱱᱤᱭᱤᱡ ᱯᱩᱭᱞᱩ ᱮᱨᱟ ᱫᱚ ᱡᱚᱜᱤᱨ ᱠᱳᱣᱨ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱡᱤᱞᱞᱟ ᱯᱷᱚᱨᱤᱫᱽᱠᱚᱴ ᱨᱮ ᱥᱟᱫᱤᱜᱽ ᱵᱟᱡᱟᱨ ᱥᱩᱨ ᱟᱹᱛᱩ ᱵᱷᱚᱴᱚᱨ ᱨᱤᱱᱤᱡ ᱥᱚᱨᱫᱟᱨ ᱠᱚᱨᱱᱮᱞ ᱥᱤᱝ ᱥᱚᱱᱫᱷᱩᱭᱤᱡ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ ᱾ ᱯᱩᱭᱞᱩ ᱵᱟᱯᱞᱟ ᱠᱷᱚᱱ ᱫᱚ ᱩᱱᱤᱭᱤᱡ ᱢᱤᱫᱴᱟᱹᱝ ᱦᱚᱯᱚᱱ ᱮᱨᱟ ᱪᱚᱨᱚᱱᱡᱤᱛ ᱠᱚᱣᱨ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚᱠᱚ ᱡᱟᱶᱟᱭ ᱞᱮᱫᱮᱭᱟ ᱯᱟᱴᱤᱭᱟᱞᱟ ᱨᱤᱱᱤᱡ ᱥᱮᱴᱷᱜᱚᱰᱤᱭᱟ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤᱭᱤᱡ ᱫᱚᱥᱟᱨ ᱮᱨᱟ ᱫᱚ ᱜᱩᱨᱵᱤᱱᱫᱚᱨ ᱠᱚᱣᱨ, ᱡᱚᱥᱣᱚᱸᱛ ᱥᱤᱝ ᱠᱮᱨᱚᱱ ᱤᱡ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱠᱟ ᱾ ᱡᱟᱦᱟᱸᱭ ᱫᱚ ᱯᱚᱧᱡᱟᱵᱽ ᱨᱤᱱᱤᱡ ᱛᱤᱱᱟᱹᱝ ᱚᱠᱛᱚ ᱫᱷᱟᱹᱵᱤᱡ ᱮ ᱛᱟᱦᱮᱸ ᱠᱟᱱ ᱥᱤᱨᱟᱹ ᱢᱚᱱᱛᱨᱤ ᱯᱨᱚᱛᱟᱯ ᱥᱤᱝ ᱠᱮᱨᱚᱱ ᱤᱡ ᱠᱚᱲᱟ ᱵᱚᱭᱦᱟᱭ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱫᱚᱥᱟᱨ ᱵᱟᱯᱞᱟ ᱠᱟᱛᱮ ᱮᱥ. ᱮᱪ. ᱵᱽᱨᱚᱨ ᱨᱤᱱ ᱫᱚ ᱵᱟᱨᱭᱟ ᱜᱤᱫᱽᱨᱟᱹ ᱠᱤᱱ ᱛᱟᱦᱮᱸ ᱠᱟᱱᱟ, ᱢᱤᱫᱴᱟᱹᱝ ᱦᱚᱯᱚᱱ ᱠᱚᱸᱵᱚᱨᱡᱤᱛ ᱥᱤᱝ ᱵᱽᱨᱚᱨ ᱟᱨ ᱢᱤᱫ ᱦᱚᱯᱚᱱ ᱮᱨᱟ ᱫᱚ ᱠᱚᱸᱵᱚᱞᱡᱤᱛ ᱠᱚᱣᱨ ᱾ ᱵᱽᱨᱚᱨ ᱤᱡ ᱢᱤᱫᱴᱟᱹᱝ ᱥᱩᱢᱩᱝ ᱦᱚᱯᱚᱱ ᱠᱚᱸᱵᱚᱨᱡᱤᱛ ᱥᱤᱝ ᱵᱽᱨᱚᱨ ᱫᱚ ᱢᱤᱫ ᱨᱟᱡᱽᱱᱮᱛᱟ ᱟᱨ ᱢᱩᱠᱷᱛᱟᱨ ᱠᱷᱚᱱ ᱵᱟᱨ ᱫᱷᱟᱣ ᱵᱤᱫᱷᱟᱭᱚᱠ ᱮ ᱛᱟᱦᱮᱸ ᱠᱟᱱᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "The Brar dynasty: Not a male bastion, MLA Karan Brar is holding fort to the legacy". Sukhdeep Kaur. Hindustan Times. 25 December 2016. Retrieved 26 January 2018.