ᱦᱟᱺᱰᱤ
ᱦᱟᱺᱰᱤ ᱫᱚ ᱦᱚᱲ ᱥᱟᱶᱛᱟ ᱨᱮᱭᱟᱜ ᱟᱹᱰᱤ ᱢᱟᱱᱚᱛ ᱟᱨ ᱵᱷᱩᱠᱛᱤ ᱮᱢ ᱨᱮᱭᱟᱜ ᱢᱤᱫᱴᱮᱱ ᱧᱩᱭᱟᱜ ᱠᱟᱱᱟ᱾ ᱥᱟᱱᱛᱟᱞ ᱦᱟᱯᱲᱟᱢ ᱠᱚᱣᱟᱜ ᱢᱟᱨᱮ ᱡᱟ.ᱲ ᱞᱮᱠᱟᱛᱮ ᱦᱟᱺᱰᱤ ᱫᱚ, ᱥᱟᱱᱛᱟᱞ ᱠᱚ ᱨᱮᱱ ᱢᱟᱨᱮ ᱦᱟᱯᱲᱟᱢ ᱯᱤᱞᱪᱩ ᱦᱟᱲᱟᱢ ᱟᱨ ᱯᱤᱞᱪᱩ ᱵᱩᱰᱦᱤ ᱠᱷᱚᱱ ᱮᱦᱚᱯᱞᱮᱱᱟ᱾ ᱞᱤᱴᱟ. ᱜᱚᱲᱚᱢᱵᱟ ᱥᱮ ᱢᱟᱨᱟᱝ ᱵᱩᱨᱩ, ᱱᱩᱭ ᱫᱚ ᱥᱟᱱᱛᱟᱞ ᱨᱮᱱ ᱯᱟ.ᱦᱤᱞ ᱢᱟᱹᱱᱢᱤ ᱯᱤᱞᱪᱩ ᱦᱟᱲᱟᱢ ᱟᱨ ᱯᱤᱞᱪᱩ ᱵᱩᱰᱦᱤ ᱛᱟ.ᱠᱤᱱ ᱱᱚᱣᱟ ᱦᱟᱺᱰᱤ ᱵᱮᱱᱟᱣ ᱫᱚᱭ ᱪᱮᱫᱟᱜᱠᱤᱱ ᱛᱟᱸᱦᱮᱸᱱᱟᱭ᱾ ᱟᱨ ᱱᱚᱣᱟ ᱯᱟᱸᱡᱟ ᱠᱟᱛᱮᱜ ᱱᱮᱛᱟᱨ ᱦᱚᱸ ᱥᱟᱶᱛᱟᱨᱮ ᱱᱚᱣᱟ ᱦᱟᱺᱰᱤ ᱨᱮᱭᱟᱜ ᱰᱮᱵᱦᱟᱨ ᱪᱟᱞᱟᱜ ᱤᱫᱤᱜ ᱠᱟᱱᱟ᱾ ᱦᱟᱺᱰᱤ ᱫᱚ ᱫᱟᱠᱟ ᱟᱨ ᱨᱟ.ᱱᱩ ᱨᱮᱭᱟᱜ ᱢᱮᱥᱟᱞᱛᱮ ᱵᱮᱱᱟᱣ ᱟᱠᱟᱱ ᱢᱤᱫᱴᱮᱱ ᱧᱩᱟᱜᱜᱮ ᱚᱠᱟᱫᱚ ᱦᱟᱥᱟ ᱴᱩᱠᱩᱪ ᱨᱮ ᱫᱚᱦᱚ ᱠᱟᱛᱮᱪ ᱯᱚᱱ ᱢᱚᱸᱲᱮ ᱢᱟᱦᱟ ᱛᱟᱭᱚᱢ ᱛᱮ ᱚᱱᱟᱨᱮ ᱫᱟᱜ ᱫᱩᱞ ᱠᱟᱛᱮᱠᱚ ᱧᱩᱭᱟ᱾ ᱱᱚᱣᱟ ᱧᱩ ᱞᱮᱠᱷᱟᱱ ᱦᱚᱲ ᱫᱚᱠᱩ ᱵᱠᱞᱩᱜᱼᱟ ᱟᱨ ᱨᱟ.ᱥᱠᱟ. ᱛᱮ ᱮᱱᱮᱪ ᱥᱤᱨᱤᱧᱨᱮ ᱡᱚᱵᱮᱠᱚ ᱛᱟᱸᱦᱮᱸᱱᱟ᱾ ᱦᱚᱲ ᱠᱚᱣᱟᱜ ᱟ.ᱨᱤᱪᱟ.ᱞᱤ ᱨᱮ ᱦᱟᱺᱰᱤ ᱫᱚ ᱟ.ᱰᱤ ᱞᱟᱹᱴᱩ ᱡᱟᱭᱜᱟᱭ ᱫᱚᱠᱷᱚᱞ ᱟᱠᱟᱫᱟ᱾ ᱦᱟᱺᱰᱤ ᱵᱟᱝ ᱠᱷᱟᱱ ᱦᱚᱲ ᱦᱚᱯᱚᱱᱟᱜ ᱟ.ᱨᱤᱪᱟ.ᱞᱤ ᱫᱚ ᱵᱟᱝ ᱯᱩᱨᱟ.ᱜᱼᱟ᱾ ᱚᱱᱟᱛᱮ ᱯᱮᱲᱟ, ᱥᱟᱶᱛᱟ ᱨᱮᱭᱟᱜ ᱟ.ᱨᱤᱪᱟ.ᱞᱤ, ᱫᱷᱚᱨᱚᱢ ᱠᱟ.ᱢᱤ ᱟᱨ ᱨᱟ.ᱥᱠᱟ. ᱚᱠᱛᱮᱨᱮ ᱦᱟᱺᱰᱤ ᱫᱚ ᱛᱟᱸᱦᱮᱱ ᱜᱮᱭᱟ᱾
 A bowl of Handia drink | |
| ᱡᱟᱱᱟᱢ ᱴᱷᱟᱶ | ᱥᱤᱧᱚᱛ |
|---|---|
| ᱴᱚᱴᱷᱟ ᱟᱨᱵᱟᱝ ᱯᱚᱱᱚᱛ | Indian subcontinent |
| ᱢᱩᱬ ᱤᱱᱜᱨᱤᱰᱮᱸᱴ | ᱫᱟᱜ, alcohol, ᱪᱟᱣᱞᱮ |
| |
ᱪᱮᱫ ᱚᱠᱛᱚ ᱨᱮ ᱦᱟᱺᱰᱤ ᱡᱟᱹᱨᱩᱲᱟ
ᱥᱟᱯᱲᱟᱣ᱑. ᱯᱮᱲᱟ ᱢᱟᱱᱚᱛ ᱚᱠᱛᱚ ᱨᱮ᱾
᱒. ᱫᱷᱚᱨᱚᱢ ᱫᱤᱱ ᱢᱟᱱᱟᱣ ᱡᱚᱠᱷᱮᱡ ᱯᱩᱡᱟ. ᱚᱠᱛᱚ ᱨᱮ᱾
᱓. ᱵᱟᱯᱞᱟ ᱵᱤᱦᱟ. ᱟᱨ ᱵᱷᱱᱰᱟᱱ ᱚᱠᱛᱚᱨᱮ᱾
᱔. ᱥᱟᱣᱛᱟᱨᱮᱟᱠ ᱟ.ᱨᱤᱪᱟ.ᱞᱤ ᱠᱟ.ᱢᱤ ᱯᱩᱨᱟ.ᱣ ᱚᱠᱛᱚ ᱨᱮ᱾
᱕. ᱨᱟ.ᱥᱠᱟ. ᱞᱟ.ᱜᱤᱛᱮ᱾
ᱦᱟᱺᱰᱤ ᱵᱮᱱᱟᱣ ᱛᱮ ᱪᱮᱫ ᱠᱚ ᱞᱟᱜᱟᱜᱼᱟ
ᱥᱟᱯᱲᱟᱣ᱑. ᱨᱟ.ᱱᱩ
᱒. ᱫᱟᱠᱟ
᱓. ᱦᱟᱥᱟ ᱴᱩᱠᱩᱪ
᱔. ᱫᱟᱜ
ᱪᱮᱫ ᱞᱮᱠᱟᱛᱮ ᱠᱚ ᱛᱮᱭᱟᱨᱟ
ᱥᱟᱯᱲᱟᱣᱯᱟ.ᱦᱤᱞ ᱨᱮᱫᱚ ᱠᱚ ᱫᱟᱠᱟᱭᱟ, ᱤᱱᱟ. ᱛᱟᱭᱢᱛᱮ ᱚᱱᱟ ᱫᱚ ᱢᱚᱪᱛᱮ ᱠᱚ ᱨᱟᱲᱮᱪ ᱚᱪᱚᱭᱟ, ᱟᱫᱚ ᱚᱱᱟ ᱫᱟᱠᱟ ᱥᱟᱚᱛᱮ ᱨᱟ.ᱱᱩ ᱠᱚ ᱢᱮᱥᱟᱞᱟ᱾ ᱢᱤᱫ ᱥᱮᱨ ᱪᱟᱣᱞᱮ ᱯᱮ ᱥᱮ ᱯᱚᱱ ᱜᱟᱱᱰᱟ ᱨᱟᱱ.ᱱᱩ ᱞᱟᱜᱟᱼᱟ᱾ ᱚᱱᱟ ᱞᱮᱠᱟᱛᱮ ᱫᱟᱠᱟ ᱟᱨ ᱨᱟ.ᱱᱩ ᱟ.ᱰᱤ ᱢᱚᱪᱛᱮ ᱢᱮᱥᱟᱞ ᱠᱟᱛᱮᱪ ᱨᱚᱦᱚᱲ ᱦᱟᱥᱟ ᱴᱩᱠᱩᱪᱨᱮ ᱵᱷᱨᱟᱣ ᱠᱟᱛᱮᱪ ᱰᱷᱠᱤᱱᱤᱪ ᱛᱮ ᱯᱚᱴᱚᱢ ᱠᱟᱛᱮᱪ ᱠᱚ ᱫᱚᱦᱚᱣᱟ᱾ ᱯᱮ ᱞᱚᱱ ᱢᱟᱦᱟ ᱛᱟᱭᱚᱢ ᱥᱚ ᱚᱰᱚᱝᱟ ᱟᱨ ᱚᱱᱟ ᱥᱟᱣᱛᱮ ᱴᱩᱠᱩᱪᱨᱮ ᱫᱟᱜ ᱦᱚᱸ ᱡᱷᱟᱨᱟᱜᱼᱟ᱾ ᱚᱱᱟ ᱫᱚ ᱡᱷᱟᱨ ᱠᱚ ᱢᱮᱛᱟᱜᱼᱟ᱾ ᱚᱱᱟ ᱛᱟᱭᱚᱢ ᱢᱚᱸᱲᱮ ᱥᱮ ᱛᱩᱨᱩᱭ ᱢᱟᱦᱟ ᱨᱮᱫᱚ ᱢᱟ.ᱨᱩᱲ ᱞᱮᱠᱟ ᱴᱩᱠᱩᱪ ᱫᱟᱜ ᱠᱚ ᱮᱢᱟ᱾ ᱵᱟᱨ ᱯᱮ ᱜᱷᱚᱱᱴᱟ ᱛᱟᱭᱚᱢ ᱚᱱᱟ ᱫᱟᱜ ᱜᱮ ᱛᱟᱝ ᱵᱮᱜᱟᱨ ᱞᱮᱠᱷᱟᱱ ᱟᱫᱚ ᱚᱱᱟ ᱜᱮ ᱦᱟᱺᱰᱤ ᱠᱚ ᱢᱮᱛᱟᱜᱼᱟ᱾