ᱨᱚᱛᱚᱱᱡᱤ ᱫᱟᱫᱟᱵᱷᱟᱭ ᱴᱟᱴᱟ
ᱨᱚᱛᱚᱱᱡᱤ ᱫᱟᱫᱟᱵᱷᱟᱭ ᱴᱟᱴᱟ (᱑᱘᱕᱖–᱑᱙᱒᱖) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱵᱮᱯᱟᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱥᱤᱧᱚᱛ ᱨᱮ ᱴᱟᱴᱟ ᱜᱩᱴ ᱨᱮᱱᱟᱜ ᱵᱷᱟᱹᱞᱟᱹᱭ ᱨᱮ ᱢᱩᱬᱩᱛ ᱠᱟᱹᱢᱤᱭ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱡᱟᱢᱥᱮᱫᱽᱡᱤ ᱴᱟᱴᱟ ᱟᱡ ᱠᱟᱠᱟ ᱭᱤᱡ ᱜᱤᱫᱽᱨᱟᱹ ᱛᱟᱦᱮᱸ ᱠᱟᱱᱟᱭ ᱟᱨ ᱡᱟᱢᱥᱮᱫᱽᱡᱤ ᱴᱟᱴᱟ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ "ᱴᱟᱴᱟ ᱥᱚᱱᱥ" ᱨᱤᱱᱤᱡ ᱢᱤᱫᱴᱟᱹᱝ ᱦᱟᱹᱴᱤᱧᱤᱭᱟᱹ ᱠᱟᱱᱟᱭ ᱾ ᱨᱚᱛᱚᱱᱡᱤ ᱫᱚ ᱧᱩᱛᱩᱢᱟᱱ ᱡᱮ. ᱟᱨ. ᱰᱤ. ᱴᱟᱴᱟ ᱟᱡ ᱵᱟᱵᱟ ᱛᱟᱦᱮᱸ ᱠᱟᱱᱟᱭ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]
| ᱨᱚᱛᱚᱱᱡᱤ ᱫᱟᱫᱟᱵᱷᱟᱭ ᱴᱟᱴᱟ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱘᱕᱖ ᱱᱟᱵᱽᱥᱟᱨᱤ, ᱵᱚᱢᱵᱮ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱑᱙᱒᱖ (᱖᱙-᱗᱐ ᱥᱮᱨᱢᱟ) ᱯᱮᱨᱤᱥ, ᱯᱷᱨᱟᱱᱥ |
| ᱥᱮᱪᱮᱫ ᱟᱠᱷᱲᱟ | ᱠᱟᱛᱷᱮᱰᱨᱟᱞ ᱟᱨ ᱡᱚᱱ ᱠᱚᱱᱚᱱ ᱟᱥᱲᱟ |
| ᱠᱟᱹᱢᱤ | ᱤᱱᱰᱟᱥᱴᱨᱤᱭᱟᱞᱤᱥᱴ |
| ᱡᱤᱭᱚᱱ ᱥᱚᱦᱮᱫ | ᱥᱩᱡᱮᱱ ᱵᱨᱤᱭᱮᱨ |
| ᱦᱚᱯᱚᱱ | ᱕, ᱡᱟᱦᱟᱸᱜᱤᱨ ᱦᱚᱸ ᱥᱮᱞᱮᱫ ᱢᱮᱱᱟᱭᱟ |
| ᱯᱮᱲᱟ ᱥᱟᱹᱜᱟᱹᱭᱟᱱᱠᱚ | ᱴᱟᱴᱟ ᱜᱷᱟᱨᱚᱸᱡᱽ ᱧᱮᱞ ᱢᱮ |
ᱱᱤᱡᱮᱨᱟᱜ ᱡᱤᱭᱚᱱ
ᱥᱟᱯᱲᱟᱣᱨᱚᱛᱚᱱᱡᱤ ᱟᱜ ᱡᱟᱱᱟᱢ ᱫᱚ ᱑᱘᱕᱖ ᱥᱟᱞ ᱨᱮ ᱵᱚᱢᱵᱮ ᱯᱨᱮᱥᱤᱰᱮᱱᱥᱤ ᱨᱮᱱᱟᱜ ᱱᱟᱵᱽᱥᱟᱨᱤ ᱨᱮ ᱦᱩᱭ ᱞᱮᱱᱟ ᱾[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ] ᱩᱱᱤ ᱫᱚ ᱵᱚᱢᱵᱮ ᱨᱮ ᱠᱮᱛᱷᱮᱰᱨᱟᱞ ᱟᱨ ᱡᱚᱱ ᱠᱚᱱᱚᱱ ᱟᱥᱲᱟ ᱟᱨ ᱮᱞᱯᱷᱤᱱᱥᱴᱚᱱ ᱠᱚᱞᱮᱡᱽ ᱨᱮ ᱯᱟᱲᱦᱟᱣ ᱞᱮᱱᱟᱭ ᱾ ᱜᱨᱮᱡᱩᱮᱴᱟᱨ ᱦᱩᱭ ᱛᱟᱭᱚᱢ, ᱩᱱᱤ ᱫᱚ ᱢᱟᱫᱽᱨᱟᱥ ᱨᱮ ᱠᱨᱤᱥᱤ ᱨᱮ ᱢᱤᱫ ᱠᱳᱨᱥ ᱠᱮᱜᱼᱟ ᱾ ᱛᱟᱭᱚᱢ ᱩᱱᱤ ᱫᱚ ᱥᱟᱢᱟᱝ ᱮᱥᱤᱭᱟ ᱨᱮ ᱟᱡᱟᱜ ᱜᱷᱟᱨᱚᱸᱡᱽ ᱨᱮᱱᱟᱜ ᱵᱮᱯᱟᱨ ᱨᱮ ᱥᱮᱞᱮᱫ ᱮᱱᱟ ᱾
ᱨᱚᱛᱚᱱᱡᱤ ᱫᱚ ᱠᱚᱢ ᱩᱢᱮᱨ ᱨᱮᱜᱮ ᱢᱤᱫ ᱯᱟᱨᱥᱤ ᱠᱩᱲᱤ ᱥᱟᱶᱮ ᱵᱟᱯᱞᱟ ᱞᱮᱱᱟᱭ ᱾ ᱢᱮᱱᱠᱷᱟᱱ ᱵᱟᱯᱞᱟ ᱛᱟᱭᱚᱢ ᱛᱤᱱᱟᱹᱜ ᱚᱠᱛᱚ ᱛᱟᱭᱚᱢ ᱜᱮ ᱩᱱᱤ ᱫᱚ ᱜᱤᱫᱽᱨᱟᱹ ᱵᱮᱜᱚᱨ ᱛᱮᱭ ᱜᱚᱡ ᱮᱱᱟ ᱾ ᱑᱙᱐᱒ ᱥᱮᱨᱢᱟ ᱨᱮ ᱨᱚᱛᱚᱱᱡᱤ ᱫᱚ ᱔᱐ ᱥᱮᱨᱢᱟ ᱩᱢᱮᱨ ᱨᱮ ᱢᱤᱫ ᱯᱷᱨᱮᱸᱪ ᱠᱩᱲᱤ ᱥᱩᱡᱮᱱ ᱵᱨᱤᱭᱮᱨᱮ ᱥᱟᱶᱮ ᱵᱟᱯᱞᱟ ᱞᱮᱱᱟ ᱾ ᱱᱚᱣᱟ ᱫᱚ ᱩᱱ ᱚᱠᱛᱚ ᱨᱮ ᱠᱨᱟᱱᱛᱤᱠᱟᱨᱤ ᱢᱮᱱᱛᱮ ᱠᱚ ᱢᱟᱱᱟᱣᱮᱫ ᱛᱟᱦᱮᱸᱫ ᱟᱨ ᱯᱟᱨᱥᱤ ᱥᱟᱶᱛᱟ ᱨᱤᱱ ᱟᱭᱢᱟ ᱦᱚᱲ ᱱᱚᱣᱟ ᱠᱚ ᱵᱟᱭ ᱥᱟᱨᱦᱟᱣ ᱞᱮᱫ ᱛᱟᱦᱮᱸᱫ ᱾ ᱱᱩᱭ ᱨᱤᱱ ᱢᱚᱬᱮ ᱜᱚᱴᱟᱝ ᱜᱤᱫᱽᱨᱟᱹ ᱠᱚ ᱛᱟᱦᱮᱸ ᱠᱟᱱᱟ: ᱨᱳᱰᱟᱵᱮᱦ, ᱡᱟᱦᱟᱸᱜᱤᱨ, ᱡᱤᱢᱤ, ᱥᱤᱞᱞᱟ ᱟᱨ ᱫᱳᱨᱟᱵᱽ ᱾
ᱚᱯᱷᱤᱢ ᱵᱮᱯᱟᱨ
ᱥᱟᱯᱲᱟᱣᱴᱟᱴᱟ ᱮᱱᱰ ᱠᱚᱢᱯᱟᱱᱤ ᱧᱩᱛᱩᱢ ᱛᱮ ᱨᱚᱛᱚᱱᱡᱤ ᱫᱚ ᱪᱤᱱ ᱨᱮ ᱚᱯᱷᱤᱢ ᱤᱢᱯᱚᱨᱴᱤᱝ ᱨᱮᱱᱟᱜ ᱵᱮᱯᱟᱨ ᱠᱚ ᱪᱟᱞ ᱟᱫᱮᱭᱟ, ᱡᱟᱦᱟᱸ ᱫᱚ ᱩᱱ ᱚᱠᱛᱚ ᱨᱮ ᱞᱟᱜᱟᱛ ᱛᱟᱦᱮᱸ ᱠᱟᱱᱟ ᱾[᱑] ᱑᱘᱘᱗ ᱨᱮ, ᱩᱱᱤ ᱟᱨ ᱰᱮᱵᱤᱰ ᱥᱚᱞᱳᱢᱚᱱ ᱥᱟᱥᱚᱱ ᱞᱮᱠᱟᱱ ᱮᱴᱟᱜ ᱵᱮᱯᱟᱨᱤᱭᱟᱹ ᱠᱚ ᱚᱯᱷᱤᱢ ᱵᱮᱯᱟᱨᱤᱭᱟᱹ ᱠᱚ ᱞᱟᱹᱜᱤᱫ ᱛᱮ ᱦᱳᱝᱠᱳᱝ ᱨᱮᱱᱟᱜ ᱞᱤᱡᱽᱞᱤᱴᱮᱴᱤᱵᱽ ᱠᱟᱣᱩᱱᱥᱤᱞ ᱨᱮ ᱢᱤᱫ ᱵᱤᱞ ᱵᱟᱵᱚᱛ ᱛᱮ ᱠᱚ ᱠᱩᱞ ᱞᱮᱫᱮᱭᱟ, ᱡᱟᱦᱟᱸ ᱫᱚ ᱩᱱᱠᱩᱣᱟᱜ ᱵᱮᱯᱟᱨ ᱫᱚ ᱮᱥᱮᱨ ᱦᱩᱭᱩᱜ ᱨᱮᱱᱟᱜ ᱠᱷᱟᱛᱨᱟ ᱛᱟᱦᱮᱸ ᱠᱟᱱᱟ ᱾[᱒]
ᱴᱟᱴᱟ ᱥᱴᱤᱞ ᱨᱤᱱᱤᱡ ᱰᱟᱭᱨᱮᱠᱴᱚᱨ
ᱥᱟᱯᱲᱟᱣᱡᱟᱢᱥᱮᱫᱽᱡᱤ ᱴᱟᱴᱟ ᱦᱚᱛᱮᱛᱮ ᱴᱟᱴᱟ ᱥᱴᱤᱞ ᱨᱮᱱᱟᱜ ᱠᱟᱹᱢᱤᱦᱚᱨᱟ ᱟᱨ ᱵᱮᱱᱟᱣ ᱫᱚ ᱦᱩᱭ ᱞᱮᱱᱟ ᱾ ᱢᱮᱱᱠᱷᱟᱱ ᱯᱨᱚᱡᱮᱠᱴ ᱯᱩᱨᱟᱹᱣᱚᱜ ᱢᱟᱬᱟᱝ ᱨᱮᱜᱮ ᱡᱟᱢᱥᱮᱫᱽᱡᱤ ᱟᱜ ᱜᱩᱨ ᱮᱱᱟ ᱾ ᱡᱟᱢᱥᱮᱫᱽᱯᱩᱨ ᱨᱮ ᱴᱟᱴᱟ ᱥᱴᱤᱞ ᱯᱨᱚᱡᱮᱠᱴ ᱯᱩᱨᱟᱹᱣ ᱨᱮ ᱨᱚᱛᱱᱚᱡᱤ ᱫᱚ ᱡᱟᱢᱥᱮᱫᱽᱡᱤ ᱭᱤᱡ ᱜᱤᱫᱽᱨᱟᱹ ᱫᱳᱨᱟᱵᱽ ᱥᱟᱶ ᱢᱤᱫᱴᱟᱹᱝ ᱢᱩᱬ ᱜᱚᱲᱚᱭ ᱮᱢ ᱞᱮᱫ ᱛᱟᱦᱮᱸᱫ ᱾
ᱯᱩᱭᱞᱩ ᱡᱮᱜᱮᱛ ᱞᱟᱹᱲᱦᱟᱹᱭ ᱚᱠᱛᱚ ᱴᱟᱴᱟ ᱫᱚ ᱵᱨᱤᱴᱤᱥ ᱠᱚ ᱥᱴᱤᱞ ᱠᱚ ᱮᱢ ᱞᱮᱫ ᱛᱟᱦᱮᱸᱫ ᱾ ᱢᱮᱱᱠᱷᱟᱱ, ᱞᱟᱹᱲᱦᱟᱹᱭ ᱛᱟᱭᱚᱢ ᱴᱟᱴᱟ ᱥᱴᱤᱞ ᱑᱙᱒᱐ ᱥᱮᱨᱢᱟ ᱨᱮ ᱟᱹᱰᱤ ᱞᱟᱹᱠᱛᱤᱭᱟᱱ ᱚᱠᱛᱚ ᱠᱷᱚᱱ ᱪᱟᱞᱟᱣ ᱮᱱᱟ ᱪᱮᱫᱟᱜ ᱥᱮ ᱥᱴᱤᱞ ᱫᱚ ᱵᱨᱤᱴᱮᱱ ᱟᱨ ᱵᱮᱞᱡᱤᱭᱚᱢ ᱠᱷᱚᱱ ᱥᱤᱧᱚᱛ ᱨᱮ ᱰᱚᱸᱯ ᱮᱱᱟ ᱾ ᱨᱚᱛᱚᱱᱡᱤ ᱫᱚ ᱮᱴᱟᱜ ᱰᱟᱭᱨᱮᱠᱴᱚᱨ ᱠᱚ ᱥᱟᱶᱛᱮ ᱩᱱ ᱚᱠᱛᱚ ᱨᱮᱱᱟᱜ ᱳᱯᱚᱱᱤᱣᱮᱥᱚᱱᱟᱞ ᱥᱚᱨᱠᱟᱨ ᱴᱷᱮᱱ ᱥᱤᱧᱚᱛᱤᱭᱟᱹ ᱥᱴᱤᱞ ᱤᱱᱰᱟᱥᱴᱨᱤ ᱞᱟᱹᱜᱤᱫ ᱛᱮ ᱨᱩᱠᱷᱤᱭᱟᱹ ᱠᱷᱚᱡᱽ ᱠᱮᱫᱼᱟ ᱟᱨ ᱴᱟᱴᱟ ᱥᱴᱤᱞ ᱨᱮᱱᱟᱜ ᱠᱟᱹᱢᱤ ᱠᱚ ᱥᱴᱮᱡᱽ ᱞᱮᱫ ᱛᱟᱦᱮᱸᱫ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ From Parsee priests to profits: say hello to Tata
- ↑ Legislative Council No. 21. Friday, 25 March 1887