ᱨᱟᱢᱯᱩᱨᱦᱟᱴ ᱥᱚᱨᱠᱟᱨᱤ ᱢᱮᱰᱤᱠᱮᱞ ᱠᱚᱞᱮᱡᱽ ᱟᱨ ᱦᱟᱥᱯᱟᱛᱟᱞ
ᱨᱟᱢᱯᱩᱨᱦᱟᱴ ᱥᱚᱨᱠᱟᱨᱤ ᱢᱮᱰᱤᱠᱮᱞ ᱠᱚᱞᱮᱡᱽ ᱟᱨ ᱦᱟᱥᱯᱟᱛᱟᱞ ᱫᱚ ᱢᱤᱫ ᱯᱩᱨᱟᱹ ᱩᱛᱱᱟᱹᱣ ᱛᱮᱥᱟᱨ ᱛᱷᱚᱠ ᱨᱮᱭᱟᱜ ᱨᱮᱯᱷᱟᱨᱮᱞ ᱥᱚᱨᱠᱟᱨᱤ ᱢᱮᱰᱤᱠᱮᱞ ᱠᱚᱞᱮᱡᱽ ᱠᱟᱱᱟ᱾ ᱱᱚᱣᱟ ᱫᱚ ᱒᱐᱑᱘ ᱥᱮᱨᱢᱟ ᱨᱮ ᱛᱷᱟᱯᱚᱱ ᱟᱠᱟᱱᱟ᱾ ᱠᱚᱞᱮᱡᱽ ᱨᱮ ᱵᱮᱪᱟᱞᱟᱨ ᱚᱯᱷ ᱢᱮᱰᱤᱥᱤᱱ ᱟᱨ ᱥᱟᱨᱡᱟᱨᱤ (ᱮᱢ.ᱵᱤ.ᱵᱤ.ᱮᱥ) ᱰᱤᱜᱽᱨᱤ ᱪᱟᱞ ᱦᱩᱭᱩᱜ ᱠᱟᱱᱟ᱾ ᱱᱟᱨᱥᱤᱝ ᱟᱨ ᱯᱮᱨᱟ-ᱢᱮᱰᱤᱠᱮᱞ ᱠᱳᱨᱥ ᱦᱚᱸ ᱱᱚᱸᱰᱮ ᱯᱟᱲᱦᱟᱣ ᱦᱩᱭᱩᱜ ᱠᱟᱱᱟ᱾ ᱱᱚᱣᱟ ᱠᱚᱞᱮᱡᱽ ᱫᱚ ᱯᱚᱪᱷᱤᱢ ᱵᱟᱝᱞᱟ ᱢᱚᱦᱲᱚ ᱥᱟᱶᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱡᱚᱯᱲᱟᱣ ᱟᱨ ᱡᱟᱹᱛᱤᱭᱟᱹᱨᱤ ᱢᱮᱰᱤᱠᱮᱞ ᱠᱚᱢᱤᱥᱚᱱ ᱦᱚᱛᱮᱛᱮ ᱢᱟᱹᱱ ᱮᱢ ᱢᱮᱱᱟᱜᱼᱟ᱾ ᱠᱚᱞᱮᱡᱽ ᱥᱟᱶ ᱡᱚᱯᱲᱟᱣ ᱦᱟᱥᱯᱟᱛᱟᱞ ᱫᱚ ᱵᱤᱨᱵᱷᱩᱢ ᱨᱮᱭᱟᱜ ᱢᱟᱨᱟᱝ ᱦᱟᱥᱯᱟᱛᱟᱞ ᱠᱚ ᱢᱩᱸᱫᱽ ᱨᱮ ᱞᱮᱠᱷᱟᱜ ᱠᱟᱱᱟ᱾ ᱠᱚᱞᱮᱡᱽ ᱨᱮ ᱯᱟᱹᱴᱷᱩᱣᱟᱹ ᱵᱟᱪᱷᱟᱣ ᱫᱚ ᱱᱮᱥᱟᱱᱟᱞ ᱮᱞᱤᱡᱮᱵᱤᱞᱤᱴᱤ ᱮᱱᱰ ᱮᱱᱴᱨᱮᱱᱥ ᱴᱮᱥᱴ ᱦᱚᱛᱮᱛᱮ ᱦᱩᱭᱩᱜᱼᱟ᱾ ᱥᱮᱨᱢᱟᱠᱤᱭᱟᱹ ᱑᱐᱐ ᱟᱱᱰᱟᱨᱜᱽᱨᱮᱡᱩᱭᱮᱴ ᱯᱟᱹᱴᱷᱩᱣᱟᱹ ᱒᱐᱑᱙ ᱥᱮᱨᱢᱟ ᱨᱮ ᱵᱷᱩᱨᱛᱤ ᱦᱩᱭ ᱞᱮᱱᱟ᱾[᱑]
| ᱨᱟᱢᱯᱩᱨᱦᱟᱴ ᱥᱚᱨᱠᱟᱨᱤ ᱢᱮᱰᱤᱠᱮᱞ ᱠᱚᱞᱮᱡᱽ ᱟᱨ ᱦᱟᱥᱯᱟᱛᱟᱞ | |
|---|---|
| ᱨᱮᱫ:Rampurhat Government Medical College and Hospital Logo.png | |
| ᱩᱱᱩᱭᱦᱟᱹᱨ | विद्या ददाति विनयम्(Vidyā Dadāti Vinayam) (ᱥᱚᱸᱥᱠᱨᱤᱛ) |
| ᱛᱷᱟᱯᱚᱱ | ᱒᱐᱑᱘; ᱓ ᱥᱮᱨᱢᱟ ᱢᱟᱲᱟᱝ ᱨᱮ |
| ᱞᱮᱠᱟᱱ | ᱢᱮᱰᱤᱠᱮᱞ ᱠᱚᱞᱮᱡᱽ ᱟᱨ ᱦᱟᱥᱯᱟᱴᱟᱞ |
| ᱯᱨᱤᱱᱥᱤᱯᱟᱞ | ᱯᱨᱚ. (ᱰᱨ.) ᱠᱚᱨᱚᱵᱤ ᱵᱚᱨᱟᱞ |
| ᱴᱷᱟᱶ | ᱨᱟᱢᱯᱩᱨᱦᱟᱴ, ᱵᱤᱨᱵᱷᱩᱢ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱢᱟᱱᱚᱛᱮᱢ | ᱯᱚᱪᱷᱤᱢ ᱵᱟᱝᱞᱟ ᱦᱚᱲᱢᱚ ᱥᱟᱶᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ |
| ᱣᱮᱵᱽᱥᱟᱭᱤᱴ | rampurhatgmch.edu .in |
ᱠᱳᱨᱥ ᱥᱟᱯᱲᱟᱣ
ᱨᱟᱢᱯᱩᱨᱦᱟᱴ ᱥᱚᱨᱠᱟᱨᱤ ᱢᱮᱰᱤᱠᱮᱞ ᱠᱚᱞᱮᱡᱽ ᱫᱚ ᱥᱮᱨᱢᱟᱠᱤᱭᱟᱹ ᱑᱐᱐ ᱯᱟᱹᱴᱷᱩᱣᱟᱹ ᱮᱢ.ᱵᱤ.ᱵᱤ.ᱮᱥ ᱠᱳᱨᱥ ᱯᱟᱲᱦᱟᱣ ᱞᱟᱹᱜᱤᱫ ᱵᱷᱩᱨᱛᱤ ᱮ ᱦᱟᱛᱟᱣᱮᱫ ᱠᱚᱣᱟ᱾ ᱱᱚᱸᱰᱮ ᱫᱚ ᱵᱤ.ᱮᱥᱥᱤ. ᱱᱟᱨᱥᱤᱝ ᱟᱨ ᱯᱮᱨᱟ-ᱢᱮᱰᱤᱠᱮᱞ ᱠᱳᱨᱥ ᱦᱚᱸ ᱯᱟᱲᱦᱟᱣ ᱦᱩᱭᱩᱜ ᱠᱟᱱᱟ᱾[᱒]