ᱨᱩᱥᱤ ᱢᱳᱫᱤ
ᱨᱩᱥᱛᱚᱢᱡᱤ ᱦᱳᱢᱩᱥᱡᱤ ᱢᱳᱫᱤ, ᱡᱟᱦᱟᱸᱭ ᱫᱚ ᱰᱷᱮᱨ ᱛᱮᱫ ᱨᱩᱥᱤ ᱢᱳᱫᱤ (᱑᱗ ᱡᱟᱱᱩᱣᱟᱨᱤ ᱑᱙᱑᱘ - ᱑᱖ ᱢᱮ ᱒᱐᱑᱔) ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱᱟ, ᱩᱱᱤ ᱫᱚ ᱴᱟᱴᱟ ᱥᱴᱤᱞ ᱨᱤᱱᱤᱡ ᱯᱟᱨᱥᱮᱛ ᱟᱨ ᱢᱟᱱᱮᱡᱤᱝ ᱰᱟᱭᱨᱮᱠᱴᱚᱨ ᱟᱨ ᱴᱟᱴᱟ ᱜᱩᱴ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟᱭ ᱾
| ᱨᱩᱥᱤ ᱢᱳᱫᱤ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱗ ᱡᱟᱱᱩᱣᱟᱨᱤ ᱑᱙᱑᱘ ᱵᱚᱢᱵᱮ, ᱵᱚᱢᱵᱮ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ |
| ᱜᱩᱨ | ᱑᱖ ᱢᱮ ᱒᱐᱑᱔ (᱙᱖ ᱵᱚᱭᱚᱥ) ᱠᱚᱞᱠᱟᱛᱟ, ᱥᱤᱧᱚᱛ |
| ᱥᱮᱪᱮᱫ ᱟᱠᱷᱲᱟ | ᱚᱠᱥᱯᱷᱚᱨᱰ |
| ᱠᱟᱹᱢᱤ | ᱑᱙᱘᱔ ᱠᱷᱚᱱ ᱑᱙᱙᱓ ᱫᱷᱟᱹᱨᱤᱡ ᱴᱟᱴᱟ ᱥᱴᱤᱞ ᱨᱤᱱᱤᱡ ᱯᱟᱨᱥᱮᱛ |
| ᱡᱤᱭᱚᱱ ᱥᱚᱦᱮᱫ | ᱥᱤᱞᱩ ᱨᱩᱥᱤ ᱢᱳᱫᱤ |
| ᱟᱯᱟᱛ ᱮᱸᱜᱟᱛ | ᱥᱚᱨ ᱦᱳᱢᱤ ᱢᱳᱫᱤ ᱟᱨ ᱞᱮᱰᱤ ᱡᱮᱨᱵᱟᱭ |
ᱮᱛᱚᱦᱚᱵ ᱥᱮᱨᱢᱟ
ᱥᱟᱯᱲᱟᱣᱨᱩᱥᱤ ᱫᱚ ᱑᱗ ᱡᱟᱱᱩᱣᱟᱨᱤ ᱑᱙᱑᱘ ᱨᱮ ᱵᱚᱢᱵᱮ (ᱱᱤᱛᱚᱜ ᱢᱩᱢᱵᱟᱭ) ᱨᱮ ᱢᱤᱫ ᱯᱟᱨᱥᱤ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱑] ᱟᱡ ᱵᱟᱵᱟ ᱫᱚ ᱥᱚᱨ ᱦᱳᱢᱤ ᱢᱳᱫᱤ ᱠᱟᱱᱟᱭ ᱾ ᱟᱡ ᱟᱭᱳ ᱫᱚ ᱞᱮᱰᱤ ᱡᱮᱨᱵᱟᱭᱤ ᱢᱳᱫᱤ ᱱᱤ ᱫᱩᱵᱟᱥ ᱛᱟᱦᱮᱸ ᱠᱟᱱᱟᱭ ᱾ ᱨᱩᱥᱤ ᱨᱤᱱ ᱵᱟᱨᱭᱟ ᱵᱚᱭᱦᱟ ᱠᱤᱱ ᱛᱟᱦᱮᱸ ᱠᱟᱱᱟ, ᱠᱟᱞᱤ ᱦᱳᱢᱤ ᱢᱳᱫᱤ ᱟᱨ ᱯᱤᱞᱩ ᱢᱳᱫᱤ ᱾[᱒]
ᱥᱤᱧᱚᱛ ᱨᱮ ᱠᱤᱪᱷᱩ ᱥᱮᱨᱢᱟ ᱟᱥᱲᱟ ᱥᱮᱪᱮᱫ ᱛᱟᱭᱚᱢ ᱩᱱᱤ ᱫᱚ ᱤᱝᱞᱮᱱᱰ ᱨᱮ ᱯᱟᱲᱦᱟᱣ ᱞᱟᱹᱜᱤᱫ ᱮ ᱥᱮᱱ ᱮᱱᱟ ᱾ ᱩᱱᱤ ᱫᱚ ᱥᱮᱸᱴ ᱥᱟᱭᱯᱨᱤᱭᱚᱱ ᱟᱥᱲᱟ, ᱦᱮᱨᱳ ᱟᱥᱲᱟ ᱟᱨ ᱛᱟᱭᱚᱢ ᱛᱮ ᱠᱨᱟᱭᱤᱥᱴ ᱪᱚᱨᱪ, ᱚᱠᱥᱯᱷᱚᱨᱰ ᱨᱮ ᱯᱟᱲᱦᱟᱣ ᱞᱮᱱᱟᱭ ᱾ ᱥᱤᱧᱚᱛ ᱨᱩᱣᱟᱹᱲᱮᱱ ᱛᱟᱭᱚᱢ ᱩᱱᱤ ᱫᱚ ᱚᱯᱷᱤᱥ ᱟᱥᱤᱥᱴᱟᱱᱴ ᱞᱮᱠᱟᱛᱮ ᱴᱟᱴᱟ ᱥᱴᱤᱞ ᱨᱮᱭ ᱥᱮᱞᱮᱫ ᱞᱮᱱᱟ ᱾
ᱨᱩᱥᱤ ᱫᱚ ᱟᱡ ᱟᱭᱳ ᱭᱤᱡ ᱢᱤᱥᱨᱟ ᱭᱤᱡ ᱠᱩᱲᱤ ᱜᱤᱫᱽᱨᱟᱹ ᱥᱤᱞᱩ ᱢᱩᱜᱟᱥᱮᱛᱷ ᱥᱟᱶᱮ ᱵᱟᱯᱞᱟ ᱞᱮᱱᱟ ᱟᱨ ᱩᱱᱤ ᱫᱚ ᱟᱡ ᱜᱩᱡᱩᱜ ᱫᱷᱟᱹᱨᱤᱡ ᱠᱚᱞᱠᱟᱛᱟ ᱨᱮᱭ ᱛᱟᱦᱮᱸ ᱠᱟᱱᱟ ᱾[᱓]
ᱠᱟᱹᱢᱤ ᱡᱤᱭᱚᱱ
ᱥᱟᱯᱲᱟᱣᱢᱳᱫᱤ ᱫᱚ ᱑᱙᱓᱙ ᱥᱮᱨᱢᱟ ᱨᱮ ᱴᱟᱴᱟ ᱥᱴᱤᱞ ᱨᱮᱭ ᱥᱮᱞᱮᱫ ᱞᱮᱱᱟ ᱟᱨ ᱑᱙᱕᱓ ᱥᱮᱨᱢᱟ ᱨᱮ ᱩᱱᱤ ᱫᱚ ᱠᱟᱹᱢᱤᱭᱟᱹ ᱰᱟᱭᱨᱮᱠᱴᱚᱨ ᱞᱮᱠᱟᱛᱮᱭ ᱩᱪᱷᱟᱹᱱ ᱞᱮᱱᱟ ᱾ ᱩᱱᱤ ᱫᱚ ᱑᱙᱖᱕ ᱥᱟᱞ ᱨᱮ ᱵᱮᱨᱮᱞ ᱢᱟᱞᱟ ᱨᱤᱱᱤᱡ ᱰᱟᱭᱨᱮᱠᱴᱚᱨ ᱞᱮᱠᱟᱛᱮᱭ ᱦᱟᱛᱟᱣ ᱠᱮᱫᱼᱟ ᱾ ᱑᱙᱗᱐ ᱥᱟᱞ ᱨᱮ, ᱩᱱᱤ ᱫᱚ ᱠᱟᱹᱢᱤ ᱰᱟᱭᱨᱮᱠᱴᱚᱨ ᱞᱮᱠᱟᱛᱮᱭ ᱵᱟᱦᱟᱞ ᱞᱮᱱᱟ ᱟᱨ ᱑᱙᱗᱒ ᱥᱟᱞ ᱨᱮ ᱩᱱᱤ ᱫᱚ ᱡᱚᱭᱮᱱᱴ ᱢᱟᱱᱮᱡᱤᱝ ᱰᱟᱭᱨᱮᱠᱴᱚᱨ ᱞᱮᱠᱟᱛᱮᱭ ᱵᱮᱱᱟᱣ ᱮᱱᱟ ᱾[᱔][᱕] ᱩᱱᱤ ᱫᱚ ᱴᱟᱴᱟ ᱥᱴᱤᱞ ᱞᱤᱢᱤᱴᱮᱰ ᱨᱤᱱᱤᱡ ᱡᱚᱛᱚ ᱠᱷᱚᱱ ᱢᱟᱨᱮ ᱢᱟᱱᱮᱡᱤᱝ ᱰᱟᱭᱨᱮᱠᱴᱚᱨ ᱮ ᱛᱟᱦᱮᱸ ᱠᱟᱱᱟᱭ ᱾ ᱩᱱᱤ ᱫᱚ ᱴᱟᱴᱟ ᱥᱴᱤᱞ ᱨᱤᱱ ᱡᱚᱛᱚ ᱰᱤᱵᱷᱤᱡᱚᱱᱟᱞ ᱢᱮᱱᱮᱡᱟᱨ ᱠᱚ ᱮᱥᱤ ᱢᱟᱨᱩᱴᱤ ᱥᱩᱡᱩᱠᱤ ᱘᱐᱐ ᱮᱢ ᱞᱮᱠᱟᱱ ᱟᱭᱢᱟ ᱥᱤᱨᱯᱷᱟᱹ ᱮ ᱮᱛᱚᱦᱚᱵ ᱠᱮᱫᱟ ᱾ ᱴᱟᱴᱟ ᱥᱴᱤᱞ ᱯᱞᱟᱱᱴ ᱨᱮ ᱩᱱᱠᱩ ᱫᱚ ᱵᱟᱠᱚ ᱦᱟᱲᱛᱟᱞ ᱞᱮᱫᱟ ᱾
ᱢᱟᱨᱪ ᱑᱙᱙᱓ ᱥᱟᱞ ᱨᱮ ᱴᱟᱴᱟ ᱥᱴᱤᱞ ᱠᱷᱚᱱ ᱥᱮᱱᱴᱟᱨᱤᱰ ᱛᱟᱭᱚᱢ, ᱥᱤᱧᱚᱛ ᱨᱤᱱᱤᱡ ᱢᱟᱨᱮ ᱢᱟᱨᱟᱝ ᱢᱚᱱᱛᱨᱤ, ᱥᱨᱤ ᱯᱤ. ᱵᱷᱤ. ᱱᱟᱨᱥᱤᱢᱦᱟ ᱨᱟᱣ ᱫᱚ ᱢᱳᱫᱤ ᱫᱚ ᱤᱱᱰᱤᱭᱟᱱ ᱮᱭᱟᱨᱞᱟᱭᱤᱱᱥ ᱟᱨ ᱮᱭᱟᱨ ᱤᱱᱰᱤᱭᱟ ᱨᱤᱱᱤᱡ ᱥᱮᱯᱮᱞᱮᱫ ᱯᱟᱨᱥᱮᱛ ᱞᱮᱠᱟᱛᱮᱭ ᱵᱟᱪᱷᱚᱱ ᱠᱮᱫᱮᱭᱟ ᱾[᱖]
ᱧᱩᱛᱩᱢᱟᱱ ᱟᱨᱠᱤᱴᱮᱠᱴ ᱦᱟᱯᱷᱤᱡᱽ ᱠᱚᱱᱴᱨᱚᱠᱴᱚᱨ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱨᱩᱥᱤ ᱢᱳᱫᱤ ᱥᱮᱱᱴᱚᱨ ᱯᱷᱚᱨ ᱮᱠᱥᱤᱞᱮᱱᱥ, ᱡᱟᱦᱟᱸ ᱨᱮ ᱴᱟᱴᱟ ᱜᱩᱴ ᱨᱮᱱᱟᱜ ᱚᱨᱪᱤᱵᱽ ᱠᱚ ᱥᱮᱞᱮᱫ ᱢᱮᱱᱟᱜᱼᱟ, ᱱᱚᱣᱟ ᱫᱚ ᱩᱱᱤᱭᱟᱜ ᱧᱩᱛᱩᱢ ᱛᱮ ᱧᱩᱛᱩᱢ ᱫᱚᱦᱚ ᱟᱠᱟᱱᱟ ᱾[᱗][᱘]
ᱠᱟᱹᱴᱤᱡ ᱠᱟᱛᱷᱟ
ᱥᱟᱯᱲᱟᱣᱨᱚᱲ ᱱᱚᱣᱟ ᱠᱟᱱᱟ ᱡᱮ, ᱨᱩᱥᱤ ᱢᱳᱫᱤ ᱫᱚ ᱢᱤᱫ ᱯᱩᱞᱤᱥ ᱠᱚᱲᱟ ᱦᱚᱛᱮᱛᱮ ᱦᱮᱡ ᱞᱮᱱᱟᱭ ᱡᱚᱠᱷᱚᱱ ᱩᱱᱤ ᱫᱚ ᱱᱟᱱᱦᱟ ᱥᱚᱲᱚᱠ ᱨᱮ ᱟᱡᱟᱜ ᱠᱟᱨ ᱫᱚᱭ ᱯᱟᱨᱠ ᱞᱟᱹᱜᱤᱫ ᱮ ᱠᱩᱨᱩᱢᱩᱴᱩ ᱞᱮᱱ ᱛᱟᱦᱮᱸᱫ ᱾ "ᱛᱩᱢᱦᱟᱨᱟ ᱵᱟᱯ ᱠᱟ ᱨᱟᱥᱛᱟ ᱦᱟᱭ ᱠᱭᱟ?" ᱥᱟᱶᱛᱮ ᱥᱚᱱᱛᱚᱨ ᱮ ᱮᱢᱟᱫ ᱫᱮᱭᱟ ᱾ ("ᱱᱚᱣᱟ ᱰᱟᱦᱟᱨ ᱫᱚ ᱟᱢ ᱵᱟᱵᱟ ᱦᱟᱜ ᱠᱟᱱᱟ?") ᱡᱩᱣᱟᱹᱱ ᱜᱤᱫᱽᱨᱟᱹ ᱫᱚ ᱱᱟᱯᱟᱭ ᱨᱟᱹᱥᱠᱟᱹ ᱛᱮ ᱥᱟᱹᱨᱤ ᱜᱮ ᱟᱹᱰᱤ ᱱᱟᱢᱫᱟᱠ ᱵᱟᱵᱟ ᱧᱩᱛᱩᱢ ᱪᱷᱟᱯᱟ ᱟᱠᱟᱱ ᱥᱚᱲᱚᱠ ᱨᱮᱱᱟᱜ ᱪᱤᱱᱦᱟᱹ ᱥᱮᱫ ᱮ ᱩᱫᱩᱜ ᱠᱮᱫᱼᱟ ᱾[᱙]
ᱩᱱᱤ ᱫᱚ ᱑᱖ ᱜᱚᱴᱟᱝ ᱵᱤᱞᱤ ᱳᱢᱮᱞᱮᱴ ᱡᱚᱢ ᱞᱟᱹᱜᱤᱫ ᱦᱚᱸ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ ᱾[᱑᱐]
ᱚᱠᱥᱯᱷᱚᱨᱰ ᱨᱮ ᱟᱡᱟᱜ ᱯᱟᱲᱦᱟᱣ ᱚᱠᱛᱚ ᱨᱮ, ᱩᱱᱤ ᱫᱚ ᱟᱞᱵᱟᱨᱴ ᱟᱭᱤᱱᱥᱴᱟᱭᱤᱱ ᱥᱟᱶ ᱣᱟᱭᱚᱞᱤᱱ ᱨᱩ ᱞᱟᱹᱜᱤᱫ ᱮ ᱥᱮᱱ ᱞᱮᱱᱟ, ᱡᱚᱠᱷᱚᱱ ᱩᱱᱤ ᱯᱤᱭᱟᱱᱳ ᱨᱩ ᱞᱮᱫᱼᱟ ᱾[᱑᱑][᱑᱒][᱑᱓]
ᱢᱤᱫ ᱫᱷᱟᱣ, ᱥᱟᱨ ᱡᱟᱦᱟᱸᱜᱤᱨ ᱜᱟᱱᱫᱷᱤ ᱫᱚ ᱥᱟᱹᱜᱩᱱ ᱢᱟᱦᱟᱸ ᱦᱤᱞᱚᱜ ᱛᱤᱠᱤᱱ ᱠᱚᱞᱠᱟᱛᱟ ᱮ ᱥᱮᱱᱚᱜ ᱠᱟᱱ ᱛᱟᱦᱮᱸᱫ, ᱡᱚᱠᱷᱚᱱ ᱩᱱᱤ ᱫᱚ ᱴᱮᱱᱤᱥ ᱮ ᱠᱷᱮᱞ ᱠᱟᱱ ᱛᱟᱦᱮᱸᱫ ᱾ ᱢᱮᱡᱽ ᱨᱮ ᱚᱞ ᱟᱠᱟᱱ ᱟᱡᱟᱜ ᱰᱟᱭᱨᱤ ᱨᱮ ᱩᱱᱤ ᱫᱚ ᱚᱞ ᱟᱠᱟᱫᱟ, "ᱥᱟᱹᱜᱩᱱ ᱢᱟᱦᱟᱸ ᱛᱤᱠᱤᱱ ᱓ ᱴᱟᱲᱟᱝ ᱨᱮ ᱴᱤ.ᱯᱤ.ᱴᱤ. ᱥᱤ.ᱮᱥ.ᱥᱤ. ᱨᱮᱱᱟᱜ ᱫᱩᱯᱩᱲᱩᱵ ᱦᱩᱭᱩᱜᱼᱟ", ᱟᱨ ᱟᱡ ᱨᱤᱱ ᱥᱩᱛᱨᱮᱛ ᱠᱚ ᱢᱮᱱ ᱠᱮᱫᱟ ᱡᱮ ᱥᱟᱨ ᱡᱟᱦᱟᱝᱜᱤᱨ ᱟᱡᱟᱜ ᱚᱲᱟᱜ ᱨᱮ ᱠᱚ ᱦᱟᱛᱟᱣ ᱢᱟ, ᱩᱱᱠᱩ ᱰᱟᱭᱨᱤ ᱠᱚ ᱥᱚᱫᱚᱨ ᱢᱟ ᱟᱨ ᱢᱮᱱ ᱠᱮᱫᱟ ᱡᱮ ᱨᱩᱥᱤ ᱫᱩᱯᱩᱲᱩᱵ ᱨᱮ ᱠᱚ ᱥᱮᱱ ᱮᱱᱟ ᱾ ᱡᱟᱦᱟᱸᱜᱤᱨ ᱥᱚᱨ ᱫᱚ ᱟᱡᱟᱜ ᱰᱟᱭᱨᱤ ᱠᱚᱭ ᱧᱮᱞ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱟᱸᱡᱚᱢ ᱛᱮ ᱟᱡᱟᱜ ᱢᱩᱪᱟᱹᱫ ᱩᱱᱠᱩ ᱠᱚᱢ ᱜᱮ ᱵᱟᱰᱟᱭᱟ ᱡᱮ ᱴᱤ.ᱯᱤ.ᱴᱤ. ᱫᱚ ᱥᱤ.ᱮᱥ.ᱥᱤ. "ᱠᱚᱞᱠᱟᱛᱟ ᱮᱛᱚᱢ ᱠᱞᱚᱵᱽ ᱨᱮ ᱴᱮᱱᱤᱥ ᱠᱷᱮᱞ ᱞᱟᱹᱜᱤᱫ" ᱨᱮᱱᱟᱜ ᱠᱷᱟᱴᱚ ᱠᱟᱱᱟ ᱾[᱑᱔]
ᱥᱤᱨᱯᱷᱟᱹ
ᱥᱟᱯᱲᱟᱣ- ᱯᱚᱫᱽᱢᱚ ᱵᱷᱩᱥᱚᱱ (᱑᱙᱘᱙)[᱑᱕]
ᱜᱩᱨ
ᱥᱟᱯᱲᱟᱣᱢᱳᱫᱤ ᱫᱚ ᱑᱖ ᱢᱮ ᱒᱐᱑᱔ ᱦᱤᱞᱚᱜ ᱠᱚᱞᱠᱟᱛᱟ ᱨᱮᱱᱟᱜ ᱢᱤᱫ ᱯᱨᱟᱭᱵᱷᱮᱴ ᱟᱥᱯᱟᱛᱟᱞ ᱨᱮᱭ ᱵᱚᱸᱜᱟ ᱛᱟᱞᱟ ᱮᱱᱟ ᱾[᱑᱖][᱑᱗]
ᱯᱚᱛᱚᱵ ᱠᱚ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Former Tisco chairman, Russi Mody, dies at 96 – Firstpost". www.firstpost.com. 17 May 2014. Archived from the original on 24 July 2020. Retrieved 2018-06-01.
- ↑ "Tata Luminaries | Tata Central Archives". www.tatacentralarchives.com (in ᱟᱝᱜᱽᱨᱮᱡᱤ). Archived from the original on 15 September 2018. Retrieved 2018-06-01.
- ↑ "Steel Man Russi Mody dies at 96". Archived from the original on 12 May 2019. Retrieved 2019-05-12 – via PressReader.
- ↑ "Tata Steel Vanguards". Archived from the original on 12 May 2021. Retrieved 17 May 2014.
- ↑ ᱕.᱐ ᱕.᱑ Mukherjee, Partha (2008). Russi Modi: The Man who also made Steel. Stellar Publishers Pvt. Ltd. p. 250. ISBN 978-8190455923.
- ↑ "The Hindu Business Line". 17 November 2007. Archived from the original on 6 March 2009. Retrieved 17 May 2014.
- ↑ hoparoundindia.com. "Russi Mody Centre Of Excellence CE Jamshedpur - Buildings in Jamshedpur, Attractions in Jamshedpur Jharkhand". www.hoparoundindia.com. Archived from the original on 7 February 2018. Retrieved 2018-06-01.
- ↑ "Rusi Modi Centre Of Excellence by Hafeez Contractor - Jamshedpur". ebuild.in (in ᱟᱝᱜᱽᱨᱮᱡᱤ). Archived from the original on 29 July 2018. Retrieved 2018-06-01.
- ↑ "Meher Marfatia: Big house in a little lane". mid-day. 2016-04-17. Archived from the original on 9 May 2018. Retrieved 2018-05-08.
- ↑ "Russi Mody: The man who lived life king size - Times of India". The Times of India. Archived from the original on 18 June 2018. Retrieved 2018-05-08.
- ↑ ᱑᱑.᱐ ᱑᱑.᱑ Seth, Niharika (2005). Russi Modi: The Man And His Vision. Rupa & Co. p. 96. ISBN 81-291-0325-7.
- ↑ "Tata Group Media Reports". Archived from the original on 2012-03-12.
- ↑ "Remembering Russi Mody | Forbes India". Forbes India (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 8 May 2018. Retrieved 2018-05-08.
- ↑ "The steel man who ran away to play tennis". The Telegraph. 2014-05-22. Retrieved 2024-10-11.
- ↑ "Padma Awards" (PDF). Ministry of Home Affairs, Government of India. 2015. Archived from the original (PDF) on 15 October 2015. Retrieved 21 July 2015.
- ↑ "Former Tata Steel and Air India Chairman Russi Mody dies at 96". IANS. news.biharprabha.com. Archived from the original on 31 August 2014. Retrieved 17 May 2014.
- ↑ "A man of steel, he was called 'King of Jamshedpur'". The Times of India. 18 May 2014. Retrieved 12 October 2024.
ᱟᱨᱦᱚᱸ ᱯᱟᱲᱦᱟᱣ ᱢᱮ
ᱥᱟᱯᱲᱟᱣ- "Huge facelift for Howrah Union club". archive.indianexpress.com. Kolkata: The Indian Express. Express News Service. 28 November 2007. Archived from the original on 6 June 2023.