ᱨᱩᱯᱪᱟᱸᱫᱽ ᱦᱟᱸᱥᱫᱟᱜ
ᱨᱩᱯᱪᱟᱸᱫᱽ ᱦᱟᱸᱥᱫᱟᱜ (ᱤᱝᱞᱤᱥ:Rupchand Hansdah) ᱫᱚ ᱢᱤᱫ ᱜᱟᱹᱠᱷᱳᱲ ᱟᱨ ᱧᱩᱛᱩᱢᱟᱱ ᱥᱟᱱᱛᱟᱲᱤ ᱯᱟᱹᱨᱥᱤ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱮᱴᱟᱜ ᱯᱟᱹᱨᱥᱤ ᱯᱚᱛᱚᱵ ᱠᱚ ᱟᱹᱰᱤᱜᱟᱱ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮᱭ ᱛᱚᱨᱡᱚᱢᱟ ᱟᱠᱟᱫ-ᱟ ᱾ ᱟᱡᱟᱜ ᱢᱤᱫ ᱥᱚᱨᱮᱥ ᱛᱚᱨᱡᱚᱢᱟ ᱯᱩᱛᱷᱤ "ᱥᱮᱱ ᱫᱟᱲᱮᱭᱟᱜ ᱟᱹᱧ, ᱢᱮᱱᱠᱷᱟᱱ ᱪᱮᱫᱟᱜ?" ᱱᱚᱣᱟ ᱯᱩᱛᱷᱤ ᱞᱟᱹᱜᱤᱫ ᱥᱟᱦᱤᱛᱭᱚ ᱮᱠᱟᱰᱮᱢᱤ, ᱱᱟᱣᱟ ᱫᱤᱞᱞᱤ ᱯᱟᱦᱴᱟ ᱠᱷᱚᱱ ᱛᱚᱨᱡᱚᱢᱟ ᱥᱤᱨᱯᱷᱟᱹ ᱒᱐᱑᱘ ᱛᱮᱭ ᱢᱟᱹᱱ ᱥᱟᱨᱦᱟᱣ ᱟᱠᱟᱱᱟ ᱾[᱑]
| ᱨᱩᱯᱪᱟᱸᱫᱽ ᱦᱟᱸᱥᱫᱟᱜ | |
|---|---|
 | |
| ᱡᱟᱱᱟᱢ | (᱒᱒.᱐᱒.᱑᱙᱖᱒ ) 1962 (age 61–62) ᱠᱟᱭᱨᱟ, ᱯᱩᱨᱩᱞᱤᱭᱟᱹ, ᱯᱩᱪᱷᱤᱢ ᱵᱟᱝᱞᱟ |
| ᱠᱟᱹᱢᱤ | ᱚᱱᱚᱞᱤᱭᱟ. |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱤᱨᱯᱷᱟᱹ | ᱠᱮᱸᱫᱽᱨᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱛᱚᱨᱡᱚᱢᱟ ᱥᱤᱨᱯᱷᱟ. - ᱒᱐᱑᱘ (Sahitya Akademi Translation Award - 2018) |
ᱡᱟᱱᱟᱢ
ᱥᱟᱯᱲᱟᱣᱨᱩᱯᱪᱟᱸᱫᱽ ᱦᱟᱸᱥᱫᱟᱜ ᱫᱚ ᱒᱒ᱹ᱒ᱹ᱑᱙᱖᱒ ᱥᱟᱞᱮᱨᱮᱭ ᱡᱟᱱᱟᱢ ᱟᱠᱟᱱᱟ ᱾ ᱡᱟᱱᱟᱢ ᱟᱹᱛᱩ ᱫᱚ ᱠᱟᱭᱨᱟ, ᱯᱩᱨᱩᱞᱤᱭᱟᱹ ᱦᱚᱱᱚᱛ, ᱯᱩᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮ ᱾
ᱥᱟᱶᱦᱮᱫ ᱥᱟᱸᱜᱷᱟᱨ
ᱥᱟᱯᱲᱟᱣᱨᱩᱯᱪᱟᱸᱫᱽ ᱦᱟᱸᱥᱫᱟᱜ ᱫᱚ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱨᱤᱱᱤᱡ ᱢᱤᱫ ᱵᱩᱱᱤᱭᱟᱹᱫᱽ ᱥᱚᱦᱮᱛ ᱠᱟᱱᱟᱭ ᱾ ᱟᱡ ᱫᱚ ᱛᱚᱨᱡᱚᱢᱟ ᱠᱟᱹᱢᱤᱨᱮ ᱟᱹᱰᱤᱜᱮᱭ ᱯᱟᱹᱨᱩᱠᱷᱤᱭᱟᱹᱦᱟ ᱾ ᱟᱭᱢᱟ ᱮᱴᱟᱜ ᱯᱟᱹᱨᱥᱤ ᱯᱩᱛᱷᱤ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱛᱚᱨᱡᱚᱢᱟ ᱠᱟᱛᱮᱭ ᱪᱷᱟᱯᱟ ᱯᱟᱨᱥᱟᱞ ᱟᱠᱟᱫ-ᱟ ᱾ ᱱᱤᱛ ᱫᱷᱟᱹᱵᱤᱡ ᱛᱮ "ᱵᱷᱟᱜᱽᱵᱚᱛ ᱜᱤᱛᱟ" ᱨᱮᱭᱟᱜ ᱡᱚᱛᱚ ᱦᱟᱹᱴᱤᱧ ᱛᱚᱨᱡᱚᱢᱟ ᱠᱟᱛᱮᱭ ᱥᱟᱯᱲᱟᱣ ᱟᱠᱟᱫ-ᱟ ᱾ ᱵᱷᱤᱥᱢᱚ ᱥᱟᱦᱟᱱᱤᱭᱟᱜ "ᱥᱚᱨᱮᱥ ᱦᱤᱱᱫᱤ ᱠᱟᱹᱦᱱᱤ ᱛᱩᱢᱟᱹᱞ" ᱦᱚᱸ ᱥᱟᱱᱛᱟᱲᱤ ᱛᱮ ᱛᱚᱨᱡᱚᱢᱟᱭ ᱥᱟᱯᱲᱟᱣ ᱟᱠᱟᱫ-ᱟ ᱾ ᱚᱱᱟ ᱥᱟᱶᱛᱮ ᱟᱨ ᱦᱚᱸ ᱢᱮᱱᱟᱜ-ᱟ ᱵᱟᱝᱞᱟ ᱨᱮᱭᱟᱜ "ᱢᱤᱫ ᱡᱚᱲ ᱠᱚᱞᱚᱢ" ᱾ ᱦᱟᱹᱞᱤ ᱜᱮ ᱢᱤᱫ ᱵᱟᱝᱞᱟ ᱚᱱᱚᱬᱦᱮ ᱯᱩᱛᱷᱤᱭ ᱛᱚᱨᱡᱚᱢᱟ ᱟᱠᱟᱫ-ᱟ, ᱡᱟᱦᱟᱸ ᱨᱮᱭᱟᱜ ᱧᱩᱛᱩᱢ ᱫᱚ, "ᱥᱮᱱ ᱫᱟᱲᱮᱭᱟᱜ ᱟᱹᱧ, ᱢᱮᱱᱠᱷᱟᱱ ᱪᱮᱫᱟᱜ?"᱾ ᱟᱡ ᱫᱚ ᱚᱱᱚᱬᱦᱮ ᱥᱟᱶ ᱥᱟᱶᱛᱮ ᱚᱱᱚᱞ ᱟᱨ ᱠᱟᱹᱦᱱᱤ ᱠᱚᱦᱚᱸᱭ ᱚᱞᱟ ᱾ ᱟᱭᱢᱟ ᱯᱟᱛᱷᱟᱢ ᱠᱚᱨᱮ ᱟᱡᱟᱜ ᱚᱞ ᱠᱚ ᱡᱟᱣ ᱜᱮ ᱪᱷᱟᱯᱟ ᱦᱮᱡ ᱟᱠᱟᱱᱟ ᱾ ᱥᱟᱱᱛᱟᱲᱤ ᱨᱚᱱᱚᱲ ᱟᱨ ᱵᱟᱝᱞᱟ-ᱥᱟᱱᱛᱟᱲᱤ ᱟᱹᱲᱟᱹ ᱢᱟᱞᱟ ᱟᱨᱵᱟᱝ Dictionary ᱵᱮᱱᱟᱣᱤᱡ ᱦᱚᱸ ᱢᱤᱫ ᱦᱚᱲ ᱠᱟᱱᱟᱭ ᱾ ᱟᱭᱢᱟ ᱠᱟᱹᱴᱤᱡ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱨᱮᱭᱟᱜ Syllabus ᱠᱚᱨᱮ ᱦᱚᱸ ᱟᱡᱟᱜ ᱚᱞ ᱯᱟᱲᱦᱟᱣ ᱪᱟᱞᱟᱜ ᱠᱟᱱᱟ ᱾ ᱟᱭᱢᱟ ᱯᱩᱛᱷᱤ ᱟᱨ ᱯᱟᱛᱷᱟᱢ ᱠᱚ ᱥᱟᱯᱲᱟᱣ ᱠᱟᱛᱮᱭ ᱚᱰᱚᱠ ᱟᱠᱟᱫ-ᱟ ᱾ ᱥᱚᱝᱜᱚᱴᱷᱚᱠ ᱞᱮᱠᱟ ᱛᱮᱦᱚᱸ ᱟᱡ ᱫᱚ ᱟᱹᱰᱤᱜᱮᱭ ᱞᱟᱥᱮᱨᱟ ᱾ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱟᱨᱵᱟᱝ All India Santali Writer's Association ᱨᱮᱦᱚᱸ ᱒᱕ ᱥᱮᱨᱢᱟ ᱞᱮᱠᱟ ᱞᱮᱛᱟᱲ ᱯᱟᱨᱥᱮᱛ ᱞᱮᱠᱟᱛᱮ ᱛᱟᱦᱮᱸ ᱠᱟᱛᱮ ᱟᱹᱰᱤ ᱜᱚᱱᱚᱝ ᱟᱱ ᱠᱟᱹᱢᱤ ᱠᱚᱭ ᱠᱟᱹᱢᱤ ᱟᱹᱜᱩ ᱟᱠᱟᱫ-ᱟ ᱾
ᱢᱟᱹᱱ ᱥᱟᱨᱦᱟᱣ
ᱥᱟᱯᱲᱟᱣ᱒᱐᱑᱘ ᱥᱟᱞᱮᱨᱮ ᱟᱡᱟᱜ ᱛᱚᱨᱡᱚᱢᱟ ᱯᱩᱛᱷᱤ "ᱥᱮᱱ ᱫᱟᱲᱮᱭᱟᱜ ᱟᱹᱧ, ᱢᱮᱱᱠᱷᱟᱱ ᱪᱮᱫᱟᱜ" ᱞᱟᱹᱜᱤᱫ ᱥᱟᱦᱤᱛᱭᱚ ᱮᱠᱟᱰᱮᱢᱤ, ᱱᱟᱶᱟ ᱫᱤᱞᱞᱤ ᱯᱟᱦᱴᱟ ᱠᱷᱚᱱ "ᱛᱚᱨᱡᱚᱢᱟ ᱥᱤᱨᱯᱷᱟᱹ" ᱛᱮᱭ ᱢᱟᱹᱱ ᱥᱟᱨᱦᱟᱣ ᱟᱠᱟᱱᱟ ᱾ [᱒][᱓]
᱒᱐᱒᱐ ᱥᱟᱞᱮ ᱨᱮ ᱟᱡᱟᱜ ᱚᱱᱚᱬᱦᱮ ᱯᱩᱛᱷᱤ "ᱜᱩᱲ ᱫᱟᱜ ᱠᱟᱥᱟ ᱫᱟᱜ" ᱞᱟᱹᱜᱤᱫ ᱥᱟᱦᱤᱛᱭᱚ ᱮᱠᱟᱰᱮᱢᱤ, ᱱᱟᱶᱟ ᱫᱤᱞᱞᱤ, ᱵᱷᱟᱨᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ "ᱥᱟᱦᱤᱛᱭᱚ ᱮᱠᱟᱰᱮᱢᱤ ᱢᱩᱲᱩᱛ ᱥᱤᱨᱯᱷᱟᱹ"ᱭ ᱟᱢᱮᱴ ᱟᱠᱟᱫ-ᱟ ᱾[᱔]
ᱜᱩᱨ
ᱥᱟᱯᱲᱟᱣᱚᱱᱚᱞᱤᱭᱟᱹ ᱨᱩᱯᱪᱟᱸᱫᱽ ᱦᱟᱸᱥᱫᱟᱜ ᱫᱚ ᱢᱟᱹ ᱒᱓-᱐᱙-᱒᱐᱒᱔ ᱦᱤᱛ ᱦᱤᱞᱚᱜ ᱱᱚᱣᱟ ᱫᱷᱩᱲᱤ ᱫᱷᱟᱹᱨᱛᱤ ᱵᱟᱹᱜᱤ ᱠᱟᱛᱮ ᱡᱟᱭᱡᱩᱜᱽ ᱞᱟᱹᱜᱤᱫ ᱵᱟᱸᱜᱟ ᱫᱤᱥᱚᱢ ᱛᱮᱭ ᱢᱚᱦᱰᱟ ᱥᱟᱹᱨᱤ ᱮᱱᱟ ᱾ ᱟᱡᱟᱜ ᱥᱟᱶᱛᱟ, ᱥᱟᱶᱦᱮᱫ ᱠᱟᱹᱢᱤ ᱜᱮ ᱟᱡ ᱫᱚ ᱱᱚᱣᱟ ᱫᱷᱟᱹᱨᱛᱤ ᱯᱩᱨᱤ ᱨᱮ ᱡᱟᱭᱡᱩᱜᱽ ᱞᱟᱹᱜᱤᱫ ᱮ ᱡᱤᱭᱟᱹᱛ ᱫᱚᱦᱚ ᱮᱭᱟ ᱾
ᱟᱸᱴᱷ ᱟᱹᱲᱟᱹ
ᱥᱟᱯᱲᱟᱣᱱᱚᱶᱟ ᱟᱹᱲᱟᱹ ᱵᱷᱤᱛᱨᱤ ᱠᱷᱚᱱ ᱡᱟᱦᱟᱸ ᱜᱮ ᱚᱛᱟ ᱞᱮᱠᱷᱟᱱ ᱥᱟᱱᱛᱟᱲᱤ ᱣᱤᱠᱤᱢᱩᱨᱟᱹᱭ(Santali Wiktionary Incubator Dictionary) ᱣᱮᱵᱽᱥᱟᱭᱤᱴ ᱛᱮ ᱠᱚ ᱵᱷᱮᱡᱟ ᱢᱮᱭᱟ ᱠᱚ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "অকাদেমি পুরস্কার পাচ্ছেন রূপচাঁদ". Anandabazar Patrika (in Bengali). 14 June 2019. Retrieved 27 November 2019.
- ↑ "AKADEMI TRANSLATION PRIZES (1989-2018)". Sahitya Akademi. Retrieved 20 November 2019.
- ↑ "Majuli always part of world heritage: Nemade". The Assam Tribune. 7 December 2018. Archived from the original on 6 November 2020. Retrieved 28 November 2019.
- ↑ "Sahitya Akademi Award 2020" (PDF). Sahitya Akademi. 12 March 2021. Archived (PDF) from the original on 13 March 2021. Retrieved 13 March 2021.