ᱩᱨᱢᱤᱞᱟ ᱢᱚᱦᱟᱱᱛᱟ
ᱩᱨᱢᱤᱞᱟ ᱢᱚᱦᱟᱱᱛᱟ[᱑] ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱮᱠᱴᱨᱮᱥ ᱠᱟᱱᱟᱭ ᱾ ᱒᱐᱑᱒ ᱥᱟᱞ ᱨᱮ ᱢᱚᱦᱟᱱᱛᱟ ᱫᱚ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱟᱨ ᱴᱮᱞᱤᱵᱷᱤᱡᱚᱱ ᱤᱱᱥᱴᱤᱴᱭᱩᱴ, ᱯᱩᱱᱮ ᱨᱮ ᱯᱟᱲᱦᱟᱣᱜ ᱠᱟᱱ ᱛᱟᱦᱮᱸᱫ ᱾ ᱒᱐᱑᱒ ᱥᱟᱞ ᱨᱮ ᱢᱚᱦᱟᱱᱛᱟ ᱫᱚ ᱛᱟᱢᱤᱞ ᱯᱷᱤᱞᱢ ᱵᱷᱚᱡᱽᱦᱮᱠᱠᱩ ᱮᱱᱚᱱ ᱑᱘/᱙ ᱨᱮ ᱟᱡᱟᱜ ᱯᱷᱤᱪᱚᱨ ᱯᱷᱤᱞᱢ ᱮᱛᱚᱦᱚᱵ ᱠᱮᱫᱼᱟ ᱾ ᱚᱱᱟ ᱛᱟᱭᱚᱢ ᱟᱡ ᱫᱚ ᱟᱭᱢᱟ ᱞᱮᱠᱟᱱ ᱜᱟᱭᱟᱱ, ᱯᱷᱤᱞᱢ ᱟᱨ ᱴᱮᱞᱤᱵᱷᱤᱡᱚᱱ ᱥᱤᱨᱤᱡᱽ ᱨᱮ ᱠᱟ.ᱢᱤ ᱟᱠᱟᱫᱼᱟ ᱾ ᱩᱱᱤ ᱫᱚ ᱦᱤᱱᱫᱤ, ᱚᱥᱚᱢᱤᱭᱟ, ᱵᱟᱸᱜᱽᱞᱟ ᱟᱨ ᱢᱟᱞᱟᱭᱟᱞᱟᱢ ᱯᱷᱤᱞᱢ ᱠᱚᱨᱮ ᱠᱟᱹᱢᱤ ᱟᱠᱟᱫᱟᱭ ᱾
| ᱩᱨᱢᱤᱞᱟ ᱢᱚᱦᱟᱱᱛᱟ | |
|---|---|
 ᱢᱮ ᱒᱐᱑᱖ ᱨᱮ 'ᱯᱩᱨᱚᱵᱽ ᱠᱤ ᱟᱣᱟᱡᱽ' ᱨᱮᱱᱟᱜ ᱢᱤᱣᱡᱤᱠ ᱞᱟᱱᱪ ᱨᱮ ᱢᱚᱦᱟᱱᱛᱟ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱥᱳᱱᱟᱯᱩᱨ, ᱟᱥᱟᱢ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱮᱠᱴᱨᱮᱥ |
| ᱠᱟᱹᱢᱤ ᱚᱠᱛᱚ | ᱒᱐᱑᱒ ᱠᱷᱚᱱ ᱱᱤᱛ ᱫᱷᱟᱹᱨᱤᱡ |
ᱮᱛᱚᱦᱚᱵ ᱟᱨ ᱱᱤᱡᱮᱨᱟᱜ ᱡᱤᱭᱚᱱ
ᱥᱟᱯᱲᱟᱣᱢᱚᱦᱟᱱᱛᱟ ᱫᱚ ᱜᱤᱨᱤᱫᱷᱟᱨ ᱢᱚᱦᱟᱱᱛᱟ ᱟᱨ ᱨᱟᱢᱚᱞᱟ ᱢᱚᱦᱟᱱᱛᱟ ᱟᱜ ᱜᱷᱟᱨᱚᱸᱡᱽ ᱨᱮ ᱟᱥᱟᱢ ᱨᱮᱱᱟᱜ ᱥᱳᱱᱟᱯᱩᱨ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱨᱤᱱ ᱯᱮ ᱵᱚᱭᱦᱟ ᱢᱮᱱᱟᱜ ᱠᱚᱣᱟ ᱡᱩᱛᱤᱠᱟ ᱢᱚᱦᱟᱱᱛᱟ, ᱢᱩᱱᱢᱤ ᱢᱚᱦᱟᱱᱛᱟ ᱟᱨ ᱢᱩᱱᱤᱱᱫᱨᱚ ᱢᱚᱦᱟᱱᱛᱟ ᱾[᱒] ᱢᱚᱦᱟᱱᱛᱟ ᱫᱚ ᱟᱡᱟᱜ ᱡᱚᱛᱚ ᱟᱥᱲᱟ ᱥᱮᱪᱮᱫ ᱫᱚ ᱥᱳᱱᱟᱯᱩᱨ ᱨᱮᱭ ᱯᱟᱲᱦᱟᱣ ᱞᱮᱱᱟ ᱟᱨ ᱛᱟᱭᱚᱢ ᱛᱮ ᱠᱟᱢᱨᱩᱯ ᱨᱮᱱᱟᱜ ᱠᱷᱮᱛᱨᱤ ᱨᱮ ᱰᱤᱢᱳᱨᱤᱭᱟ ᱠᱚᱞᱮᱡᱽ ᱠᱷᱚᱱ ᱜᱨᱮᱡᱩᱮᱴ ᱧᱟᱢ ᱟᱠᱟᱫᱼᱟ ᱾[᱒] ᱢᱚᱦᱟᱱᱛᱟ ᱟᱡᱟᱜ ᱡᱤᱭᱚᱱ ᱨᱮᱱᱟᱜ ᱵᱟᱹᱲᱛᱤ ᱚᱠᱛᱚ ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ ᱨᱮᱭ ᱛᱟᱦᱮᱸ ᱠᱟᱱᱟ ᱾[᱓] ᱟᱨ ᱚᱱᱟ ᱛᱟᱭᱚᱢ ᱯᱩᱱᱮ ᱨᱮ ᱯᱷᱤᱞᱢ ᱟᱨ ᱴᱮᱞᱤᱵᱷᱤᱡᱚᱱ ᱤᱱᱥᱴᱤᱴᱭᱩᱴ ᱚᱯᱷ ᱤᱱᱰᱤᱭᱟ ᱨᱮ ᱥᱮᱞᱮᱫ ᱞᱮᱱᱟᱭ ᱾[᱒]
ᱠᱟᱹᱢᱤ ᱡᱤᱭᱚᱱ
ᱥᱟᱯᱲᱟᱣᱢᱚᱦᱟᱱᱛᱟ ᱫᱚ ᱜᱤᱫᱽᱨᱟᱹ ᱚᱠᱛᱚ ᱠᱷᱚᱱ ᱜᱮ ᱜᱟᱭᱟᱱ ᱠᱚᱨᱮ ᱯᱟᱴ ᱮᱫᱟᱭ ᱟᱨ ᱟᱭᱢᱟ ᱥᱤᱨᱯᱷᱟᱹᱭ ᱡᱤᱛᱠᱟᱹᱨ ᱟᱠᱟᱫᱟ ᱾[᱒] ᱚᱱᱟ ᱛᱟᱭᱚᱢ, ᱩᱱᱤ ᱫᱚ ᱫᱩᱨᱫᱚᱨᱥᱚᱱ (NE) ᱞᱟᱹᱜᱤᱫ ᱢᱟᱨᱰᱟᱨ ᱟᱨ ᱛᱮᱡᱤᱢᱳᱞᱟ ᱞᱮᱠᱟᱱ ᱟᱭᱢᱟ ᱴᱮᱞᱤᱵᱤᱡᱚᱱ ᱥᱤᱨᱤᱭᱟᱞ ᱠᱚᱨᱮ ᱠᱟᱹᱢᱤ ᱞᱮᱫᱼᱟ,[᱔] ᱚᱱᱟ ᱛᱟᱭᱚᱢ ᱟᱞᱤᱭᱟ, ᱡᱟᱦᱟᱸᱭ ᱒᱐᱑᱒ ᱢᱩᱢᱵᱟᱭ ᱤᱱᱴᱟᱨᱱᱮᱥᱱᱟᱞ ᱯᱷᱤᱞᱢ ᱯᱷᱮᱥᱴᱤᱵᱷᱮᱞ ᱨᱮ ᱥᱯᱮᱥᱤᱞ ᱠᱨᱤᱠᱮᱴᱚᱨ ᱟᱣᱟᱨᱰ ᱮ ᱡᱤᱛᱠᱟᱹᱨ ᱞᱮᱱᱟ, ᱟᱡᱟᱜ ᱠᱟᱹᱦᱱᱤ ᱟᱨ ᱪᱮᱝ ᱠᱩᱨᱛᱷᱤ ᱥᱟᱶᱛᱮ ᱟᱭᱢᱟ ᱞᱮᱠᱟᱱ ᱠᱨᱤᱠᱮᱴᱟᱨ ᱠᱚᱣᱟᱜ ᱥᱟᱨᱦᱟᱣ ᱟᱠᱟᱱ ᱯᱷᱤᱞᱢ ᱨᱮᱭ ᱠᱟᱹᱢᱤ ᱞᱮᱫᱼᱟ ᱾[᱔] ᱢᱚᱦᱟᱱᱛᱟ ᱫᱚ ᱚᱥᱚᱢᱤᱭᱟ ᱥᱮᱨᱮᱧᱤᱭᱟᱹ ᱛᱟᱨᱟᱞᱤ ᱥᱚᱨᱢᱟ ᱟᱜ ᱦᱮᱝᱜᱩᱞᱤᱭᱟ ᱮᱞᱵᱚᱢ ᱨᱮ ᱦᱚᱸᱭ ᱥᱮᱨᱮᱧ ᱟᱠᱟᱫᱼᱟ ᱾
ᱜᱳᱣᱟ ᱨᱮ ᱥᱤᱧᱚᱛᱤᱭᱟᱹ ᱡᱮᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱯᱟᱨᱟᱵᱽ ᱨᱮ ᱥᱮᱞᱮᱫᱚᱜ ᱚᱠᱛᱚ ᱨᱮ, ᱵᱟᱨ ᱥᱮᱨᱢᱟ ᱫᱷᱟᱹᱨᱤᱡ ᱪᱟᱞᱟᱜ ᱠᱟᱱ ᱟᱹᱰᱤ ᱞᱟᱦᱟᱱᱛᱤ ᱯᱨᱚᱠᱨᱤᱭᱟ ᱛᱟᱭᱚᱢ ᱩᱱᱤ ᱫᱚ ᱮᱴᱟᱜ ᱦᱚᱲ ᱠᱚ ᱥᱟᱶ ᱧᱮᱞ ᱞᱮᱱᱟᱭ, ᱡᱟᱦᱟᱸ ᱨᱮ ᱰᱤᱨᱮᱠᱴᱚᱨ ᱵᱟᱞᱟᱡᱤ ᱥᱚᱠᱛᱤᱵᱷᱮᱞ ᱟᱜ ᱟᱡᱟᱜ ᱜᱟᱭᱟᱱ-ᱛᱷᱨᱤᱞᱟᱨ ᱵᱟᱡᱽᱦᱚᱠᱠᱩ ᱮᱱᱚᱱ ᱑᱘/᱙ ᱞᱟᱹᱜᱤᱫ ᱟᱭᱢᱟ ᱚᱰᱤᱥᱚᱱ ᱦᱚᱸ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾[᱓][᱕] ᱢᱚᱦᱟᱱᱛᱟ ᱫᱚ ᱢᱤᱫ ᱡᱷᱩᱯᱲᱤ ᱚᱲᱟᱜ ᱨᱮ ᱛᱟᱦᱮᱸᱱᱤᱡ ᱡᱭᱚᱛᱤ ᱟᱜ ᱪᱚᱞᱚᱱ ᱪᱤᱛᱟᱹᱨ ᱞᱟᱹᱜᱤᱫ ᱛᱮ ᱟᱹᱰᱤ ᱥᱟᱨᱦᱟᱣ ᱮ ᱧᱟᱢ ᱟᱠᱟᱫᱼᱟ ᱾ ᱫᱟ ᱴᱟᱭᱤᱢᱥ ᱚᱯᱷ ᱤᱱᱰᱤᱭᱟ ᱨᱤᱱᱤᱡ ᱮᱠᱞᱳᱠᱥᱚᱱ ᱮᱢ. ᱥᱩᱜᱷᱟᱱᱛᱷ ᱫᱚᱭ ᱚᱞ ᱟᱠᱟᱫᱟ: "ᱡᱳᱴᱤ ᱞᱮᱠᱟᱛᱮ ᱩᱨᱢᱤᱞᱟ ᱢᱚᱦᱟᱱᱛᱟᱣᱟᱜ ᱥᱟᱨᱦᱟᱣᱟᱱ ᱮᱱᱮᱡ ᱜᱮ ᱯᱷᱤᱞᱢ ᱨᱮᱱᱟᱜ ᱢᱩᱬ ᱠᱟᱛᱷᱟ ᱠᱟᱱᱟ ᱾"[᱖]
ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱫᱤᱞᱤᱯ ᱟᱜ ᱠᱮ. ᱢᱩᱠᱷᱚᱨᱤᱭᱟ ᱦᱚᱛᱮᱛᱮ ᱰᱟᱭᱨᱮᱠᱥᱚᱱ ᱟᱠᱟᱱᱟ ᱾ ᱟᱡᱟᱜ ᱯᱩᱭᱞᱩ ᱵᱚᱞᱤᱣᱩᱰ ᱯᱨᱚᱡᱮᱠᱴ, ᱯᱟᱨᱥᱟᱱᱯᱩᱨ ᱞᱟᱹᱜᱤᱫ ᱥᱩᱴᱤᱝ ᱟᱠᱟᱫᱟᱭ ᱾[᱒] ᱩᱱᱤ ᱫᱚ ᱚᱡᱤᱛᱟ ᱥᱩᱪᱤᱛᱨᱟ ᱵᱤᱲᱟ ᱟᱜ ᱵᱟᱞᱮᱰ ᱚᱯᱷ ᱨᱩᱥᱛᱚᱢ (ᱨᱩᱥᱛᱚᱢ ᱨᱮᱭᱟᱜ ᱫᱟᱥᱛᱟᱱ) ᱨᱮ ᱥᱚᱦᱚᱫᱤᱭᱟᱹ ᱞᱮᱠᱟᱛᱮ ᱯᱟᱴ ᱟᱠᱟᱫᱟ, ᱡᱟᱦᱟᱸ ᱫᱚ ᱑᱒ ᱟᱱᱟᱜ ᱳᱥᱤᱭᱟᱱ ᱥᱤᱱᱮᱯᱷᱮᱱ ᱯᱷᱮᱥᱴᱤᱵᱷᱮᱞ ᱨᱮ ᱥᱚᱨᱮᱥ ᱰᱟᱭᱨᱮᱠᱴᱚᱨ ᱥᱤᱨᱯᱷᱟᱹᱭ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾[᱗] ᱟᱨ ᱘᱖ ᱟᱱᱟᱜ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱨᱮ ᱥᱚᱨᱮᱥ ᱪᱤᱛᱟᱹᱨ ᱛᱷᱚᱠ ᱨᱮ ᱵᱟᱪᱷᱚᱱ ᱞᱮᱱᱟᱭ ᱾[᱘] ᱒᱐᱑᱔ ᱨᱮ, ᱩᱱᱤ ᱫᱚ ᱵᱟᱡᱽᱦᱚᱠᱠᱩ ᱮᱱᱚᱱ ᱑᱘/᱙, ᱪᱤᱨᱳᱫᱤᱱᱤ ᱛᱩᱢᱤ ᱡᱮ ᱚᱢᱚᱨ ᱒ ᱨᱮ ᱵᱮᱝᱜᱚᱞᱤ ᱯᱟᱹᱨᱥᱤ ᱨᱮ ᱟᱨ ᱴᱤᱹᱟᱨᱹᱯᱤᱹ ᱚᱨᱩ ᱥᱟᱶ ᱟᱡᱟᱜ ᱟᱭᱳ ᱟᱲᱟᱝ ᱟᱥᱟᱢᱤ ᱯᱟᱹᱨᱥᱤ ᱛᱮ ᱮᱛᱚᱦᱚᱵ ᱞᱮᱫᱼᱟ ᱾[᱙] ᱯᱚᱨᱮᱥᱟᱱᱯᱩᱨᱟᱜ ᱨᱤᱞᱤᱡᱽ ᱨᱮ ᱟᱱᱟᱴ ᱟᱠᱟᱱ ᱠᱷᱟᱹᱛᱤᱨ ᱟᱡᱟᱜ ᱯᱩᱭᱞᱩ ᱦᱤᱱᱫᱤ ᱨᱤᱞᱤᱡᱽ ᱫᱚ ᱢᱟᱱᱡᱷᱤ - ᱫᱟ ᱢᱟᱣᱩᱱᱴᱮᱱ ᱢᱮᱱ ᱮ ᱵᱮᱱᱟᱣ ᱮᱱᱟ ᱾
᱒᱐᱑᱕ ᱥᱟᱞ ᱨᱮ, ᱩᱱᱤ ᱫᱚ ᱟᱡᱟᱜ ᱯᱩᱭᱞᱩ ᱢᱟᱞᱟᱭᱟᱞᱚᱢ ᱯᱷᱤᱞᱢ ᱩᱫᱚᱞ ᱟᱨ ᱮ.ᱟᱨ. ᱢᱩᱨᱩᱜᱟᱫᱚᱥ ᱦᱤᱱᱫᱤ ᱰᱟᱭᱨᱮᱠᱴᱚᱨ ᱚᱠᱤᱨᱟ ᱨᱮ ᱠᱟᱹᱢᱤ ᱮᱛᱚᱦᱚᱵ ᱞᱮᱫᱼᱟ ᱾[᱑᱐]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "เว็บสล็อตออนไลน์ สล็อตเว็บตรงไม่ผ่านเอเย่นต์ - Slot Online". Archived from the original on 2018-01-03. Retrieved 2024-03-11.
- ↑ ᱒.᱐ ᱒.᱑ ᱒.᱒ ᱒.᱓ ᱒.᱔ "The Sentinel". Sentinelassam.com. Archived from the original on 9 April 2015. Retrieved 31 December 2012.
- ↑ ᱓.᱐ ᱓.᱑ "Vazhakku was the best decision I ever made: Urmila Mahanta". Daily News and Analysis. 21 May 2012. Retrieved 31 December 2012.
- ↑ ᱔.᱐ ᱔.᱑ "The Sentinel". Sentinelassam.com. Archived from the original on 2 April 2015. Retrieved 31 December 2012.
- ↑ "Urmila, a fresh face in Kollywood". Deccan Chronicle. Archived from the original on 23 April 2012. Retrieved 28 August 2012.
- ↑ "Vazhakku Enn 18/9 movie review: Wallpaper, Story, Trailer at Times of India". The Times of India. Retrieved 31 December 2012.
- ↑ "12th Osian's Cinefan Festival Awards Best of Asian, Arab Cinema". The Hollywood Reporter. 6 August 2012. Retrieved 31 December 2012.
- ↑ Konwar, Rajiv (10 January 2014). "Urmila film on Oscar shortlist - Ballad of Rustom nominated for Best Picture". The Telegraph. Archived from the original on 12 January 2014. Retrieved 6 September 2015.
- ↑ Konwar, Rajiv (24 November 2014). "Betrayed, trafficked, tortured & judged". The Telegraph. Archived from the original on 8 December 2014. Retrieved 27 May 2016.
- ↑ Soman, Deepa (8 November 2015). "Urmila Mahanta wants to speak Malayalam". The Times of India. Retrieved 27 May 2016.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ- ᱩᱨᱢᱤᱞᱟ ᱢᱚᱦᱟᱱᱛᱟ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- ᱩᱨᱢᱤᱞᱟ ᱢᱚᱦᱟᱱᱛᱟ ᱨᱮ ᱚᱱᱚᱞ (01, 02 and 03) ᱯᱨᱚᱵᱷᱟᱛ ᱠᱷᱚᱵᱚᱨ ᱨᱮ