ᱩᱫᱟᱹᱞᱜᱩᱲᱤ ᱦᱚᱱᱚᱛ

ᱩᱫᱟᱹᱞᱜᱩᱲᱤ ᱦᱚᱱᱚᱛ (ᱤᱝᱨᱟ.ᱡᱤ : Udalguri district) ᱫᱚ ᱥᱤᱧᱚᱛ ᱨᱮᱭᱟᱜ ᱦᱤᱸᱥ ᱯᱚᱱᱚᱛ ᱟᱥᱟᱢ ᱨᱮᱭᱟᱜ ᱓᱓ ᱜᱚᱴᱟᱝ ᱦᱚᱱᱚᱛ ᱵᱷᱤᱛᱨᱤ ᱨᱮ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱫᱚ ᱒᱐᱐᱓ ᱥᱮᱨᱢᱟ ᱨᱮ ᱥᱚᱱᱤᱯᱩᱨ, ᱫᱚᱨᱚᱝ, ᱱᱚᱞᱵᱥᱲᱤ ᱦᱚᱱᱚᱛ ᱨᱮᱱᱟᱜ ᱟᱫᱚᱢ ᱟᱫᱚᱢ ᱦᱤᱥ ᱜᱮᱫ ᱵᱮᱜᱟᱨ ᱠᱟᱛᱮ ᱛᱮᱭᱟᱨ ᱦᱩᱭ ᱞᱮᱱᱟ ᱾ ᱱᱚᱣᱟ ᱦᱚᱱᱚᱛ ᱫᱚ ᱵᱤ.ᱴᱤ.ᱥᱤ. ᱨᱮᱱᱟᱜ ᱯᱚᱱ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱢᱤᱫᱴᱟᱝ ᱠᱟᱱᱟ ᱾ ᱩᱫᱟᱹᱞᱜᱩᱲᱤ ᱱᱟᱝᱜᱽᱨᱟᱦᱟ ᱠᱟᱱᱟ ᱩᱫᱟᱹᱞᱜᱩᱲᱤ ᱦᱚᱱᱚᱛ ᱨᱮᱱᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱹᱭ ᱫᱚ ᱾

ᱩᱫᱟᱹᱞᱜᱩᱲᱤ ᱦᱚᱱᱚᱛ
ᱟᱥᱟᱢ ᱨᱮᱱᱟᱜ ᱦᱚᱱᱚᱛ
ᱯᱟᱱᱮᱨᱤ ᱪᱟᱭ ᱵᱟᱜᱟᱱ
ᱟᱥᱟᱢ ᱨᱮ ᱴᱷᱟᱶ
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱟᱥᱟᱢ
ᱴᱚᱴᱷᱟ	ᱵᱚᱰᱚᱞᱮᱱᱰ
ᱦᱮᱰᱦᱮᱰᱠᱩᱣᱟᱴᱚᱨ	ᱩᱫᱟᱹᱞᱜᱩᱲᱤ
ᱥᱚᱨᱠᱟᱨ
• ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱢᱚᱝᱜᱚᱞᱫᱚᱭ
• ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ	ᱯᱟᱱᱮᱨᱤ, ᱩᱫᱟᱹᱞᱜᱩᱽᱤ, ᱢᱟᱡᱽᱵᱟᱴ
ᱮᱨᱤᱭᱟ
• ᱞᱮᱠᱷᱟᱜᱩᱴ	1852.16 ᱠᱤᱢᱤ২ (715.12 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(2011)
• ᱞᱮᱠᱷᱟᱜᱩᱴ	᱘᱓᱑,᱖᱖᱘
• ᱰᱮᱱᱥᱤᱴᱤ	450/ᱠᱤᱢᱤ2 (1200/ᱜᱟᱺᱴ ᱢᱟᱹᱭᱤᱞ)
IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱗᱘᱔᱕᱐᱙
ᱴᱮᱞᱤᱯᱷᱚᱱ ᱠᱳᱰ	᱐᱓᱗᱒᱑
ᱟᱭ.ᱮᱥ.ᱳ ᱓᱑᱖᱖ ᱠᱳᱰ	IN-AS
ᱜᱟᱹᱰᱤ ᱨᱤᱡᱤᱥᱴᱨᱤ	AS-27
ᱣᱮᱵᱽᱥᱟᱭᱤᱴ	udalguri.gov.in

ᱧᱩᱛᱩᱢ ᱚᱢᱚᱱ

ᱩᱫᱟᱹᱞᱜᱩᱲᱤ ᱧᱩᱛᱩᱢ ᱫᱚ ᱩᱫᱟᱹᱞ ᱧᱩᱛᱩᱢᱟᱱ ᱫᱟᱨᱮ ᱠᱷᱚᱱ ᱚᱢᱚᱱ ᱟᱠᱟᱱᱟ ᱢᱮᱱ ᱛᱮ ᱠᱚ ᱞᱟᱹᱭ ᱟᱹᱜᱩ ᱟᱠᱟᱫᱟ ᱾ "ᱩᱫᱟᱹᱞ" ᱢᱤᱫᱴᱮᱱ ᱫᱟᱨᱮ + ᱜᱩᱲ ᱯᱨᱚᱛᱚᱭ, ᱜᱩᱲᱤ ᱛᱟᱦᱟ ᱨᱮᱦᱮᱫ। ᱚᱱᱟ ᱨᱮᱭᱟᱜ ᱢᱮᱱᱮᱫ ᱫᱚ ᱦᱩᱭᱩᱜ ᱠᱟᱱᱟ- ᱩᱫᱟᱹᱞ ᱫᱟᱨᱮ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱ ᱢᱤᱫᱴᱟᱹᱝ ᱴᱷᱟᱹᱭ ᱾ ᱟᱨ ᱢᱤᱫ ᱴᱮᱱ ᱞᱟᱹᱭ ᱪᱟᱞ ᱟᱹᱜᱩ ᱠᱟᱛᱷᱟ ᱞᱮᱠᱟ ᱛᱮ, ᱱᱚᱣᱟ ᱴᱷᱟ.ᱭ ᱨᱮ ᱩᱫᱫᱟᱞ ᱧᱩᱛᱩᱢᱟᱱ ᱨᱤᱥᱤ ᱭᱟᱜ ᱟᱥᱨᱚᱢ ᱛᱟᱦᱮ ᱠᱟᱱᱟ ᱢᱮᱱ ᱛᱮ ᱯᱟᱹᱛᱭᱟᱹᱣᱜ ᱢᱮᱱᱟᱜᱼᱟ ᱾ ᱢᱮᱱ ᱠᱷᱟᱱ ᱱᱤᱭᱟ ᱜᱮ ᱵᱟᱹᱲᱛᱤ ᱯᱟᱹᱛᱤᱭᱟᱹᱣᱜ ᱞᱮᱠ ᱠᱟᱱᱟ ᱡᱮ, ᱵᱟᱨᱭᱟ ᱵᱚᱰᱚ ᱟᱹᱲᱟᱹ "ᱳᱨᱫᱟᱞ" ᱟᱨ ᱜᱩᱱᱫᱽᱨᱤ ᱢᱤᱞᱟᱹᱣ ᱠᱟᱛᱮ ᱦᱩᱭ ᱟᱠᱟᱱᱟ ᱩᱨᱫᱟᱞᱟᱜᱩᱱᱫᱽᱨᱤ> ᱩᱨᱫᱟᱞᱜᱩᱱᱫᱤ > ᱩᱫᱟᱹᱞᱜᱩᱲᱤ ᱾ ᱵᱚᱰᱚ ᱟᱹᱲᱟᱹ ᱛᱮ "ᱳᱨᱫᱟᱞ" ᱢᱮᱱᱮᱛ ᱯᱷᱟᱭᱞᱟᱣ ᱥᱮ ᱜᱚᱱᱚᱝᱟᱱ ᱟᱨ "ᱜᱩᱱᱫᱽᱨᱤ" ᱢᱮᱱᱮᱭ ᱜᱩᱲᱤ ᱢᱮᱱᱮᱛ ᱦᱚᱞᱚᱝ ᱾

ᱚᱛᱱᱚᱛ ᱩᱱᱩᱨᱩᱢ

ᱱᱚᱣᱟ ᱴᱚᱴᱷᱟ ᱛᱟᱞᱟ ᱛᱮ ᱟᱹᱰᱤ ᱟᱭᱢᱟ ᱱᱟᱹᱭ - ᱱᱟᱞᱟ ᱠᱚᱭᱮ ᱨᱮᱭᱟᱜ ᱛᱤᱵᱵᱚᱛ ᱟᱨ ᱦᱤᱢᱟᱞᱚᱭ ᱵᱩᱨᱩ ᱠᱷᱚᱱ ᱟᱹᱛᱩ ᱦᱮᱡ ᱟᱠᱟᱱᱟ ᱾ ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ: ᱜᱚᱞᱟᱱᱫᱤ, ᱫᱟᱹᱭᱠᱷᱟᱢ, ᱠᱷᱟᱣᱨᱚᱝ, ᱫᱷᱚᱱᱥᱤᱨᱤ ᱮᱢᱟᱱ। ᱑᱖ ᱥᱟᱭᱟᱱᱟᱜ ᱥᱮᱨᱢᱟ ᱨᱮᱭᱟᱜ ᱛᱟᱞᱟ ᱢᱟᱞᱟ ᱠᱚ ᱨᱮ ᱟᱹᱰᱤ ᱵᱟᱹᱲᱛᱤ ᱫᱟᱜ ᱡᱟᱹᱯᱩᱫ ᱠᱮᱫ ᱛᱮ ᱫᱷᱚᱱᱥᱤᱨᱤ ᱜᱟᱰᱟ ᱩᱫᱟᱹᱞᱜᱩᱲᱤ ᱛᱟᱞᱟ ᱛᱮ ᱢᱚᱡᱽ ᱟᱹᱛᱩᱜ ᱠᱟᱱ ᱛᱟᱦᱮᱱᱟ , ᱚᱠᱟ ᱫᱚ ᱱᱮᱛᱟᱨ ᱟᱹᱛᱩᱜ ᱠᱟᱱ ᱨᱟᱹᱣᱛᱟᱨ ᱱᱟᱹᱭ ᱾ ᱰᱩᱵᱟᱹ ᱫᱟᱜ ᱛᱮ ᱜᱚᱴᱟ ᱜᱚᱰᱟ ᱟᱹᱲᱤ ᱜᱤᱛᱤᱞ ᱟᱹᱛᱩ ᱨᱟᱠᱟᱵ ᱤᱫᱤ ᱠᱮᱫ ᱨᱮᱭᱟᱜ ᱯᱨᱚᱢᱟᱱ ᱧᱟᱢᱚᱜ ᱠᱟᱱᱟ ᱾ ᱵᱟᱰᱟᱭᱚᱜ ᱠᱟᱱᱟ ᱵᱟᱝ ᱢᱟ ᱩᱫᱟᱹᱞᱜᱩᱲᱤ ᱨᱮᱭᱟᱜ ᱠᱚᱭᱮ ᱱᱟᱠᱷᱟ ᱨᱮ ᱵᱷᱩᱭᱨᱚᱵᱽ ᱠᱩᱱᱰ ᱟᱨ ᱵᱷᱩᱴᱟᱱ ᱵᱩᱨᱩ ᱛᱟᱞᱟ ᱛᱮ ᱩᱱ ᱚᱠᱛᱮ ᱠᱷᱚᱱ ᱜᱮ ᱛᱤᱵᱵᱚᱛ, ᱪᱤᱱ ᱟᱨ ᱟᱯᱷᱜᱟᱱᱤᱥᱛᱟᱱ ᱥᱟᱜᱟᱲᱚᱢ ᱞᱟᱹᱜᱤᱫ ᱰᱟᱦᱟᱨ ᱛᱟᱦᱮᱸ ᱠᱟᱱᱟ ᱾ ᱥᱟᱢ ᱵᱩᱨᱚᱧᱡᱤ ᱒᱙ ᱮᱞ ᱥᱟᱦᱴᱟ ᱨᱮ ᱥᱟᱨ ᱮᱵᱣᱟᱨᱰ ᱜᱮᱭᱴ - ᱩᱫᱟᱹᱞᱜᱩᱲᱤ ᱠᱷᱚᱱ ᱛᱤᱵᱵᱚᱛ ᱦᱟᱹᱵᱤᱡ ᱦᱩᱰᱤᱧ ᱰᱟᱦᱟᱨᱵᱢᱮᱱᱟᱜᱼᱟ ᱢᱮᱱ ᱛᱮ ᱥᱚᱫᱚᱨ ᱟᱠᱟᱫᱟ ᱾

ᱱᱟᱜᱟᱢ

᱒᱐ ᱥᱟᱭ ᱥᱮᱨᱢᱟ ᱢᱩᱪᱟᱹᱫ ᱥᱮᱡ ᱟᱥᱟᱢ ᱯᱚᱱᱚᱛ ᱜᱚᱴᱷᱚᱱ ᱫᱚᱲᱦᱟ ᱠᱟᱛᱮ ᱯᱮᱭᱟ ᱱᱚᱣᱟ ᱦᱚᱱᱚᱛ ᱥᱤᱨᱡᱟᱹᱣ ᱞᱮᱫᱟ ᱠᱚ ᱾ ᱚᱱᱟ ᱯᱮᱭᱟ ᱦᱚᱱᱚᱛ ᱠᱚ ᱨᱮᱱᱟᱜ ᱧᱩᱛᱩᱢ ᱠᱚ ᱫᱚ ᱦᱩᱭᱩᱜ ᱠᱟᱱᱟ: ᱪᱤᱨᱟᱝ, ᱵᱟᱠᱥᱟ ᱟᱨ ᱩᱫᱟᱹᱞᱜᱩᱲᱤ ᱾ ᱫᱚᱨᱚᱝ ᱦᱚᱱᱚᱛ ᱨᱮᱭᱟᱜ ᱠᱚᱧᱮ ᱦᱤᱸᱥ ᱵᱚᱰᱞᱮᱱᱰ ᱴᱮᱨᱤᱴᱚᱨᱤᱭᱟᱞ ᱮᱨᱤᱭᱟ ᱰᱤᱥᱴᱨᱤᱠ (ᱵᱤ.ᱴᱤ.ᱮ.ᱰᱤ.) ᱨᱮ ᱥᱮᱞᱮᱫ ᱠᱟᱛᱮ ᱵᱮᱱᱟᱣ ᱟᱹᱨᱩᱭᱮᱱᱟ ᱾ ᱱᱚᱝᱠᱟ ᱦᱚᱱᱚᱛ ᱵᱮᱱᱟᱣ ᱟᱹᱨᱩ ᱛᱟᱭᱚᱢ ᱯᱚᱱᱚᱛ ᱨᱮ ᱦᱚᱱᱚᱛ ᱠᱚ ᱨᱮᱱᱟᱜ ᱞᱮᱠᱷᱟ ᱒᱗ ᱦᱟᱹᱵᱤᱡ ᱵᱟᱹᱲᱭᱤ ᱭᱮᱱᱮ ᱾ ᱤᱱᱟᱹ ᱛᱟᱭᱚᱢ ᱟᱥᱟᱢ ᱥᱚᱨᱠᱟᱨ ᱟᱜ ᱒᱐᱐᱓ ᱥᱮᱨᱢᱟ ᱨᱮᱭᱟᱜ ᱓᱐ ᱚᱠᱴᱚᱵᱚᱨ ᱨᱮ ᱵᱤᱜᱽᱭᱟᱯᱚᱱ ᱮᱞ ᱡᱤ.ᱮ.ᱡᱤ.(ᱵᱤ.) ᱑᱓᱗/᱒᱐᱐᱒/ᱯᱤᱴᱤ/᱑᱑᱗ ᱞᱮᱠᱽ ᱛᱮ "ᱵᱚᱰᱚᱞᱮᱱᱰ ᱴᱮᱨᱤᱴᱚᱨᱤᱭᱟᱞ ᱠᱟᱣᱩᱱᱥᱤᱞ" (Boroland Teritorial Council) ᱦᱩᱰᱤᱧ ᱛᱮ ᱵᱤ.ᱴᱤ.ᱥᱤ. (BTC)- ᱨᱮᱭᱟᱜ ᱛᱟᱵᱮ ᱨᱮ ᱱᱟᱣᱟ ᱦᱚᱱᱚᱛ ᱠᱚ ᱠᱚᱠᱲᱟᱡᱷᱟᱲ ᱥᱮᱞᱮᱫ ᱢᱤᱞᱟᱹᱣ ᱠᱟᱛᱮ ᱵᱤ.ᱴᱤ.ᱮ.ᱰᱤ. ᱨᱮ (BTAD) ᱫᱚᱦᱚ ᱦᱩᱭ ᱞᱮᱱᱟ ᱾