ᱮᱠᱛᱟ ᱵᱷᱤᱭᱟᱱ

Ekta Bhyan
	Felicitation of Ekta Bhyan in 2018.
ᱠᱷᱮᱞᱚᱸᱰᱤᱭᱟᱹ ᱩᱯᱩᱨᱩᱢ
ᱡᱟᱱᱟᱢ ᱧᱩᱢ	Ekta Bhyan
ᱡᱟᱱᱟᱢ	᱗ ᱡᱩᱱ ᱑᱙᱘᱕ (᱓᱙ ᱥᱮᱨᱢᱟ); Hissar, Haryana India
ᱵᱟᱥᱟ	Hissar, Haryana India
ᱠᱷᱮᱞᱚᱸᱰ
ᱫᱤᱥᱚᱢ	ᱥᱤᱧᱚᱛ
ᱠᱷᱮᱞ	Para-athletics
Disability	Quadriplegic Spinal Cord Injury
Disability class	F51
ᱵᱤᱵᱷᱟᱜᱽ(ᱠᱚ)	Club throw; Discus throw
ᱢᱟᱹᱱ ᱟᱨ ᱥᱤᱨᱯᱷᱟᱹ
ᱯᱮᱨᱟᱞᱤᱢᱯᱤᱠ ᱜᱮᱢᱥ	Represented
ᱥᱤᱨᱯᱷᱟᱹ ᱨᱮᱭᱟᱜ ᱠᱟᱛᱷᱟ
Women's para-athletics
ᱦᱮᱯᱨᱟᱣᱤᱭᱟᱹ ᱥᱤᱧᱚᱛ ᱞᱟᱹᱜᱤᱫ
World Championships
Asian Para Games
IPC Grand Prix
National Para Athletics Championships

ᱮᱠᱛᱟ ᱵᱷᱤᱭᱟᱱ (ᱡᱟᱱᱟᱢ ᱑᱙᱘᱕) ᱫᱚ ᱢᱤᱫ ᱯᱟᱨᱟ ᱟᱛᱷᱞᱮᱴ ᱠᱟᱱᱟᱭ ᱡᱟᱦᱟᱸᱭ ᱫᱚ ᱠᱩᱲᱤ ᱠᱚᱣᱟᱜ ᱠᱞᱚᱵᱽ ᱟᱨ ᱰᱤᱥᱠᱥ ᱛᱷᱚᱨᱚ ᱨᱮ ᱥᱤᱧᱚᱛ ᱫᱤᱥᱚᱢ ᱨᱤᱱᱤᱡ ᱠᱷᱮᱞᱚᱸᱱᱰᱤᱭᱟᱹ ᱠᱟᱱᱟᱭ ᱾^[᱑]^[᱒] ᱒᱐᱑᱘ ᱥᱮᱨᱢᱟ ᱨᱮ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱡᱟᱠᱟᱨᱛᱟ ᱨᱮ ᱦᱩᱭ ᱟᱠᱟᱱ ᱮᱥᱤᱭᱟᱱ ᱯᱟᱨᱟ ᱜᱮᱢᱥ ᱨᱮ ᱫᱤᱥᱚᱢ ᱨᱮᱱ ᱥᱚᱦᱮᱛ ᱞᱮᱠᱟᱛᱮ ᱠᱟ.ᱢᱤ ᱠᱟᱛᱮ ᱠᱞᱟᱵᱽ ᱛᱷᱚᱨᱚ ᱨᱮ ᱥᱚᱱᱟ ᱢᱮᱰᱟᱞ ᱮ ᱟᱢᱮᱴ ᱞᱮᱫᱟ । ᱡᱮᱜᱮᱛ ᱯᱟᱨᱟ ᱟᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ (ᱞᱚᱱᱰᱚᱱ ᱒᱐᱑᱗ ᱟᱨ ᱫᱩᱵᱟᱭ ᱒᱐᱑᱙) ᱨᱮ ᱟᱡᱟᱜ ᱫᱚᱥᱟᱨ ᱫᱷᱟᱣ ᱮᱱᱮᱡ ᱛᱟᱭᱚᱢ ᱴᱠᱤᱭᱳ ᱒᱐᱒᱐ ᱯᱟᱨᱟ ᱚᱞᱤᱢᱯᱤᱠ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱟᱡᱟᱜ ᱠᱣᱟᱞᱤᱯᱟᱭᱤᱴ ᱮ ᱧᱟᱢ ᱞᱮᱫᱼᱟ ᱾ ᱩᱱᱤ ᱫᱚ ᱒᱐᱑᱖ ᱨᱮ ᱵᱚᱨᱞᱤᱱ, ᱒᱐᱑᱗ ᱨᱮ ᱫᱩᱵᱟᱭ ᱟᱨ ᱒᱐᱑᱘ ᱨᱮ ᱛᱩᱱᱤᱥ ᱨᱮ ᱟᱭᱢᱟ ᱜᱟᱱ IPC ᱜᱨᱟᱸᱰ ᱯᱨᱤᱠᱥ ᱨᱮ ᱠᱚᱯᱤᱴᱤᱝ ᱟᱨ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱫ-ᱟ ᱾

ᱵᱷᱤᱭᱟᱱ ᱫᱚ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱒᱐᱑᱖, ᱒᱐᱑᱗ ᱟᱨ ᱒᱐᱑᱘ ᱨᱮ ᱡᱟᱹᱛᱤᱭᱟᱹᱨᱤ ᱯᱟᱨᱟ ᱟᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱚᱱᱟ ᱢᱮᱰᱟᱞ ᱮ ᱟᱢᱮᱴ ᱞᱮᱫᱼᱟ ᱾ ᱒᱐᱑᱘ ᱥᱮᱨᱢᱟ ᱨᱮ ᱩᱱᱤ ᱫᱚ ᱱᱮᱥᱱᱟᱞ ᱟᱣᱟᱨᱰ ᱯᱷᱚᱨ ᱮᱢᱯᱚᱵᱚᱨᱢᱮᱸᱴ ᱚᱯᱷ ᱯᱟᱨᱥᱟᱱᱥ ᱣᱟᱤᱰᱤᱮᱵᱞᱤᱴᱤ (National Award for Empowerment of Persons with Disabilities) ᱟᱨ ᱒᱐᱑᱙ ᱥᱮᱨᱢᱟ ᱨᱮ ᱠᱩᱲᱤ ᱢᱟᱦᱟᱸ ᱨᱮ ᱦᱚᱨᱤᱭᱟᱬᱟ ᱨᱤᱱᱤᱡ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱥᱚᱨᱠᱟᱨᱤ ᱥᱤᱨᱯᱷᱟᱹᱭ ᱧᱟᱢ ᱞᱮᱫᱼᱟ ᱾

ᱯᱟᱨᱟ ᱪᱟᱢᱯᱤᱭᱟᱱᱥ ᱯᱨᱚᱜᱨᱟᱢ ᱦᱚᱛᱮᱛᱮ ᱜᱳᱥᱯᱳᱨᱴᱥ ᱯᱷᱚᱸᱰᱮᱥᱚᱱ ᱦᱚᱸ ᱟᱡᱟᱜ ᱜᱚᱲᱚᱭ ᱮᱢ ᱟᱠᱟᱫᱟ ᱾

ᱮᱛᱚᱦᱚᱵ ᱡᱤᱭᱚᱱ

ᱵᱷᱤᱭᱟᱱ ᱫᱚ ᱑᱙᱘᱕ ᱥᱟᱞᱮ ᱨᱮ ᱦᱚᱨᱤᱭᱟᱬᱟ ᱨᱮᱱᱟᱜ ᱦᱤᱥᱟᱨ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱫᱚ ᱵᱚᱞᱡᱤᱛ ᱵᱷᱤᱭᱟᱱ, ᱡᱟᱦᱟᱸᱭ ᱫᱚ ᱦᱚᱱᱚᱛ ᱨᱮᱱ ᱦᱟᱨᱴᱤᱠᱚᱞᱪᱚᱨ ᱚᱯᱷᱤᱥᱚᱨ ᱠᱟᱱᱟᱭ ᱾ ᱩᱱᱤ ᱨᱤᱱ ᱵᱟᱨᱭᱟ ᱵᱚᱭᱦᱟ ᱢᱮᱱᱟᱜ ᱠᱚᱣᱟ᱾^[᱓]

᱒᱐᱐᱓ ᱨᱮ, ᱮᱠᱛᱟ ᱫᱚ ᱢᱤᱫ ᱨᱚᱰ ᱜᱷᱚᱴᱚᱱ ᱨᱮ ᱟᱡᱟᱜ ᱥᱯᱟᱭᱱᱟᱞ ᱠᱚᱨᱰ (spinal cord) ᱨᱮ ᱠᱷᱩᱛᱤ ᱮᱱᱟᱭ ᱾ ᱒᱐᱑᱕ ᱥᱟᱞ ᱨᱮ, ᱩᱱᱤ ᱫᱚ ᱟᱡᱟᱜ ᱯᱷᱤᱴᱱᱥ ᱨᱩᱣᱟᱹᱲ ᱞᱟᱹᱜᱤᱫ ᱠᱷᱮᱞ ᱮ ᱮᱛᱚᱦᱚᱵ ᱞᱮᱫ-ᱟ ᱾ ᱩᱱᱤ ᱫᱚ ᱚᱢᱤᱛ ᱥᱚᱨᱳᱦᱟ ᱟᱛᱷᱞᱮᱴ ᱥᱟᱶ ᱧᱟᱯᱟᱢ ᱞᱮᱱᱟᱭ, ᱡᱟᱦᱟᱸᱭ ᱫᱚ ᱩᱱᱤ ᱞᱮᱠᱟ ᱜᱮ ᱯᱟᱨᱟ-ᱟᱛᱷᱞᱮᱴ ᱦᱩᱭᱩᱜ ᱞᱟᱹᱜᱤᱫ ᱛᱮ ᱩᱱᱤ ᱫᱚ ᱩᱱᱤᱭᱟᱜ ᱢᱚᱱᱮᱭ ᱵᱩᱡᱷᱟᱹᱣ ᱠᱮᱫᱼᱟ ᱾ ᱩᱱᱤ ᱫᱚ ᱰᱤᱥᱠᱳ ᱪᱟᱯᱟᱫ ᱨᱮ ᱥᱮᱪᱮᱫ ᱮ ᱮᱛᱚᱦᱚᱵ ᱠᱮᱫ-ᱟ ᱾ ᱩᱱᱤ ᱫᱚ ᱵᱟᱨᱭᱟ ᱚᱯᱚᱨᱮᱥᱚᱱ ᱟᱨ ᱟᱹᱰᱤ ᱜᱟᱱ ᱠᱟᱹᱢᱤ ᱟᱡᱟᱜ ᱨᱤᱦᱮᱵᱤᱞᱤᱴᱮᱥᱚᱱ ᱞᱟᱹᱜᱤᱫ ᱛᱮᱭ ᱪᱟᱞᱟᱣ ᱞᱮᱱᱟ ᱡᱟᱦᱟᱸ ᱫᱚ ᱩᱱᱤ ᱫᱚ ᱟᱡᱟᱜ ᱥᱚᱨᱮᱥ ᱮ ᱵᱮᱱᱟᱣ ᱠᱮᱫᱼᱟ ᱾^[᱔]

ᱥᱮᱪᱮᱫ

ᱵᱷᱭᱟᱱ ᱫᱚ ᱦᱤᱥᱚᱨ ᱠᱷᱚᱱ ᱤᱝᱞᱤᱥ ᱛᱮ ᱟᱡᱟᱜ ᱜᱨᱮᱡᱩᱮᱥᱚᱱ ᱟᱨ ᱯᱚᱥᱴ ᱜᱨᱮᱡᱩᱮᱥᱚᱱ ᱯᱟᱥ ᱞᱮᱫᱟᱭ ᱾ ᱦᱤᱥᱚᱨ ᱠᱷᱚᱱ ᱥᱮᱪᱮᱫ ᱨᱮ ᱟᱡᱟᱜ ᱵᱮᱪᱞᱚᱨ ᱰᱤᱜᱽᱨᱤ ᱦᱚᱸᱭ ᱯᱩᱨᱟᱹᱣ ᱞᱮᱫᱼᱟ ᱟᱨ ᱦᱚᱨᱤᱭᱟᱱᱟ ᱥᱚᱨᱠᱟᱨ ᱨᱮ ᱤᱝᱞᱤᱥ ᱯᱤ.ᱡᱤ.ᱴᱤ. ᱞᱮᱠᱟᱛᱮᱭ ᱵᱟᱪᱷᱚᱱ ᱞᱮᱱᱟ ᱾ ᱒᱐᱑᱑ ᱨᱮ, ᱩᱱᱤ ᱫᱚ ᱦᱚᱨᱤᱭᱟᱬᱟ ᱥᱤᱵᱤᱞ ᱥᱚᱨᱵᱷᱤᱥ ᱮᱠᱥᱮᱢᱮᱱᱥ ᱨᱮ ᱥᱮᱞᱮᱫ ᱞᱮᱱᱟᱭ ᱟᱨ ᱢᱤᱫ ᱥᱚᱦᱚᱫ ᱮᱢᱯᱞᱚᱭᱢᱮᱱᱴ ᱚᱯᱷᱤᱥᱚᱨ ᱞᱮᱠᱟᱛᱮ ᱥᱮᱞᱮᱫ ᱞᱮᱱᱟᱭ ᱾

ᱠᱮᱨᱤᱭᱚᱨ

ᱵᱷᱤᱭᱟᱱ ᱫᱚ ᱢᱤᱫ ᱜᱷᱚᱴᱚᱱ ᱛᱟᱭᱚᱢ ᱠᱷᱮᱞᱚᱸᱰ ᱨᱮᱭ ᱥᱮᱞᱮᱫ ᱞᱮᱱᱟ ᱟᱨ ᱠᱞᱚᱵᱽ ᱟᱨ ᱰᱤᱥᱠᱥ ᱛᱷᱚᱨᱚ ᱨᱮ ᱚᱢᱤᱛ ᱥᱚᱨᱳᱦᱟ ᱟᱜ ᱠᱳᱪ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ ᱾^[᱒] ᱒᱐᱑᱖ ᱥᱮᱨᱢᱟ ᱨᱮᱱᱟᱜ ᱡᱩᱞᱟᱭ ᱪᱟᱸᱫᱚ ᱨᱮ ᱵᱚᱨᱞᱤᱱ ᱨᱮ ᱦᱩᱭ ᱟᱠᱟᱱ ᱒᱐᱑᱖ ᱥᱮᱨᱢᱟ ᱨᱮᱱᱟᱜ IPC ᱜᱨᱟᱱᱰ ᱯᱨᱤᱠᱥ ᱨᱮ ᱩᱱᱤᱭᱟᱜ ᱠᱟᱹᱢᱤ ᱡᱤᱭᱚᱱ ᱮᱦᱚᱵ ᱞᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱠᱞᱟᱵᱷ ᱛᱷᱚᱨᱚ ᱨᱮ ᱥᱤᱞᱵᱷᱚᱨ ᱢᱮᱰᱟᱞ ᱮ ᱟᱢᱮᱴ ᱞᱮᱫ-ᱟ ᱾ ᱛᱟᱭᱚᱢ ᱩᱱᱤ ᱫᱚ ᱯᱚᱧᱪᱠᱩᱞᱟ ᱨᱮ ᱒᱐᱑᱖ ᱡᱟᱹᱛᱤᱭᱟᱹᱨᱤ ᱯᱟᱨᱟ ᱟᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱡᱤᱛᱠᱟᱹᱨ ᱞᱮᱱᱟᱭ ᱾

᱒᱐᱑᱗ ᱥᱮᱨᱢᱟ ᱨᱮ ᱱᱮᱥᱱᱟᱞ ᱪᱟᱢᱯᱤᱭᱟᱱᱥᱤᱯ ᱨᱮ ᱫᱚᱥᱟᱨ ᱫᱷᱟᱣ ᱦᱮᱯᱨᱟᱣ ᱞᱮᱫᱟ ᱟᱨ ᱵᱟᱱᱟᱨ ᱦᱮᱯᱨᱟᱣ ᱨᱮᱜᱮ ᱥᱚᱱᱟ ᱢᱮᱰᱟᱞ ᱮ ᱟᱢᱮᱴ ᱞᱮᱫᱟ᱾ ᱩᱱᱤ ᱫᱚ ᱒᱐᱑᱗ ᱨᱮ ᱫᱩᱵᱟᱭ ᱨᱮ ᱦᱩᱭ ᱟᱠᱟᱱ IPC ᱜᱨᱟᱱᱰ ᱯᱨᱤᱠ ᱨᱮ ᱦᱚᱸᱭ ᱦᱮᱯᱨᱟᱣ ᱞᱮᱱᱟ ᱾ ᱩᱱᱤ ᱫᱚ ᱡᱚᱛᱚ ᱛᱮ ᱯᱩᱱ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱞᱮᱫ-ᱟ ᱟᱨ ᱵᱟᱱᱟᱨ ᱦᱮᱯᱨᱟᱣ ᱨᱮ ᱱᱟᱣᱟ ᱮᱥᱤᱭᱟᱱ ᱨᱮᱠᱚᱨᱰ ᱮ ᱵᱮᱱᱟᱣ ᱞᱮᱫ-ᱟ ᱾ ᱚᱱᱟ ᱥᱮᱨᱢᱟ ᱵᱷᱭᱟᱱ ᱫᱚ ᱞᱚᱱᱰᱚᱱ, ᱭᱩᱠᱤ ᱨᱮ ᱟᱡᱟᱜ ᱯᱩᱭᱞᱩ ᱡᱮᱜᱮᱛ ᱯᱟᱨᱟ ᱟᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱦᱚᱸᱭ ᱦᱮᱯᱨᱟᱣ ᱞᱮᱱᱟ ᱾ ᱡᱟᱦᱟᱸ ᱨᱮ ᱩᱱᱤ ᱫᱚ ᱠᱞᱚᱵᱷ ᱛᱷᱚᱨ ᱨᱮ ᱖ ᱟᱱᱟᱜ ᱡᱮᱜᱮᱛᱟᱹᱨᱤ ᱟᱨ ᱮᱥᱤᱭᱟ ᱨᱮ ᱑ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱾

ᱵᱷᱭᱟᱱ ᱫᱚ ᱱᱤᱛᱚᱜ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱ ᱠᱟᱱᱟᱭ ᱾ ᱒᱐᱑᱘ ᱨᱮ ᱯᱚᱧᱪᱠᱩᱞᱟ ᱨᱮ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱟᱱᱥᱤᱯ ᱨᱮ ᱟᱡᱟᱜ ᱯᱮᱭᱟ ᱴᱷᱟᱶ ᱮ ᱯᱩᱨᱟᱹᱣ ᱞᱮᱫ-ᱟ ᱟᱨ ᱵᱟᱱᱟᱨ ᱦᱮᱯᱨᱟᱣ ᱨᱮᱜᱮ ᱥᱚᱱᱟ ᱢᱮᱰᱟᱞ ᱮ ᱟᱢᱮᱴ ᱞᱮᱫ-ᱟ ᱾ ᱚᱱᱟ ᱥᱮᱨᱢᱟ ᱩᱱᱤ ᱫᱚ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱡᱟᱠᱟᱨᱛᱟ ᱨᱮ ᱚᱠᱴᱚᱵᱚᱨ ᱨᱮ ᱦᱩᱭᱩᱜ ᱠᱟᱱ ᱒᱐᱑᱘ ᱮᱥᱤᱭᱟᱱ ᱯᱟᱨᱟ ᱜᱮᱢᱥ ᱨᱮ ᱧᱮᱞ ᱞᱮᱫ ᱛᱟᱦᱮᱸᱫ ᱟᱨ ᱥᱮᱨᱢᱟ ᱯᱩᱨᱟᱹᱣ ᱨᱮ ᱩᱱᱤ ᱫᱚ ᱯᱨᱟᱭᱯᱟᱨᱤᱝ ᱨᱮ ᱛᱟᱦᱮᱸ ᱠᱟᱱᱟᱭ ᱾ ᱒᱐᱑᱘ ᱨᱮ ᱛᱩᱱᱤᱥᱤ ᱨᱮ ᱦᱩᱭ ᱞᱮᱱ IPC ᱜᱨᱟᱱᱰ ᱯᱨᱤᱠᱥ ᱨᱮ ᱠᱞᱟᱵᱷ ᱛᱷᱚᱨᱚ ᱨᱮ ᱥᱚᱱᱟ ᱟᱨ ᱰᱤᱥᱠᱥ ᱛᱷᱚᱨᱚ ᱨᱮ ᱵᱨᱳᱸᱡᱽ ᱡᱤᱛᱠᱟ.ᱨ ᱞᱮᱫ-ᱟ ᱾

ᱚᱠᱴᱚᱵᱚᱨ ᱒᱐᱑᱘ ᱨᱮ, ᱵᱷᱤᱭᱟᱱ ᱫᱚ ᱠᱩᱣᱟᱞᱟ ᱞᱟᱢᱯᱩᱨ ᱨᱮ ᱠᱩᱲᱤ ᱠᱚᱣᱟᱜ ᱠᱞᱟᱵᱷ ᱛᱷᱚᱨ ᱤᱵᱷᱮᱱᱴ ᱨᱮ ᱪᱮᱛᱟᱱ ᱨᱮ ᱛᱟᱦᱮᱸ ᱠᱟᱛᱮ ᱮᱥᱤᱭᱟᱱ ᱯᱟᱨᱟ ᱠᱷᱮᱞ ᱨᱮ ᱥᱤᱧᱚᱛ ᱨᱮᱱᱟᱜ ᱯᱩᱱᱭᱟᱹ ᱥᱚᱱᱟᱭ ᱟᱢᱮᱴ ᱞᱮᱫᱼᱟ ᱾ ᱩᱱᱤ ᱫᱚ ᱟᱡᱟᱜ ᱯᱩᱱᱭᱟ. ᱴᱷᱟᱶ ᱨᱮ ᱑᱖.᱐᱒ ᱢᱤᱴᱚᱨ ᱡᱚᱛᱚ ᱠᱷᱚᱱ ᱱᱟᱯᱟᱭ ᱠᱟᱛᱮ F32/51 ᱦᱮᱯᱨᱟᱣ ᱨᱮ ᱡᱤᱛᱠᱟᱹᱨ ᱞᱮᱱᱟᱭ, ᱡᱟᱦᱟᱸᱭ ᱫᱚ ᱑᱕.᱗᱕ ᱢᱤᱴᱚᱨ ᱡᱤᱛᱠᱟᱹᱨ ᱞᱮᱱᱟᱭ ᱾ ᱵᱷᱭᱟᱱ ᱫᱚ ᱮᱥᱤᱭᱟᱱ ᱯᱟᱨᱟ ᱜᱮᱢᱥ ᱨᱮ ᱥᱚᱱᱟ ᱢᱮᱰᱟᱞ ᱡᱤᱛᱠᱟᱹᱨ ᱟᱠᱟᱱ ᱫᱚᱥᱟᱨ ᱥᱤᱧᱚᱛᱤᱭᱟᱹ ᱠᱩᱲᱤ ᱠᱟᱱᱟᱭ ᱟᱨ ᱟᱡᱟᱜ ᱚᱲᱟᱜ ᱯᱚᱱᱚᱛ ᱦᱚᱨᱤᱭᱟᱱᱟ ᱠᱷᱚᱱ ᱯᱩᱭᱞᱩ ᱠᱟᱱᱟᱭ ᱾

᱒᱐᱑᱙ ᱨᱮ ᱟᱡ ᱫᱚᱥᱟᱨ ᱫᱷᱟᱣ ᱡᱮᱜᱮᱛ ᱯᱟᱨᱟ ᱟᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱡᱤᱛᱠᱟᱹᱨ ᱞᱮᱱᱟᱭ ᱟᱨ ᱒᱐᱑᱙ ᱨᱮ ᱫᱩᱵᱟᱭ ᱨᱮ ᱡᱮᱜᱮᱛ ᱯᱟᱨᱟ ᱟᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱚᱠᱛᱚ ᱨᱮ ᱠᱩᱲᱤ ᱯᱟᱨᱟ ᱟᱛᱷᱞᱮᱴᱤᱠᱥ ᱛᱷᱚᱠ ᱨᱮ ᱴᱳᱠᱤᱭᱳ ᱒᱐᱒᱐ ᱞᱟᱹᱜᱤᱫ ᱯᱟᱨᱟᱞᱤᱢᱯᱤᱠ ᱠᱳᱴᱟ ᱡᱤᱛᱠᱟᱹᱨ ᱞᱮᱱᱟᱭ ᱾

ᱯᱮᱨᱤᱥ, ᱯᱷᱨᱟᱱᱥ ᱨᱮ ᱒᱐᱒᱓ ᱡᱮᱜᱮᱛ ᱯᱟᱨᱟ ᱟᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱠᱩᱲᱤ ᱠᱚᱣᱟᱜ ᱠᱞᱟᱵᱷ ᱛᱷᱚᱨ F51 ᱦᱮᱯᱨᱟᱣ ᱨᱮ ᱵᱨᱳᱸᱡᱽ ᱢᱮᱰᱟᱞ ᱮ ᱟᱢᱮᱴ ᱠᱮᱫ-ᱟ ᱾

ᱵᱷᱤᱭᱟᱱ ᱫᱚ ᱦᱚᱨᱤᱭᱟᱱᱟ ᱥᱚᱨᱠᱟᱨ ᱨᱮ ᱢᱤᱫ ᱮᱢᱯᱞᱚᱭᱢᱮᱱᱴ ᱚᱯᱷᱤᱥᱚᱨ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟᱭ ᱾ ᱩᱱᱤ ᱫᱚ ᱒᱐᱑᱘ ᱥᱮᱨᱢᱟ ᱞᱟᱹᱜᱤᱫ ᱤ.ᱮᱥ.ᱯᱤ.ᱱᱤ (ESPN) ᱨᱮᱭᱟᱜ ᱯᱟᱨᱟ ᱟᱛᱷᱞᱮᱴ (Para Athlete) ᱞᱮᱠᱟᱛᱮᱭ ᱢᱟᱱᱟᱣ ᱵᱟᱛᱟᱣ ᱮᱱᱟ ᱾

ᱥᱤᱨᱯᱷᱟᱹ

Year	Award	Title
2018	National Award for Empowerment of Persons with Disabilities	Role Model
2018	State Award by Honourable Governor of Haryana
2018	ESPN Athlete of the Year	Para Athlete

ᱧᱟᱢ ᱟᱠᱟᱫ ᱢᱟᱹᱱ

Asian Para Games

Year	Venue	Event	Result
2018	Jakarta, Indonesia	Club throw	Gold

World Para Athletics Championships

Year	Venue	Event	Total	Result
2017	London, UK	Club throw	14.63	6th Place
2019	Dubai, UAE	Club throw		Won Paralympic quota for Tokyo 2020

IPC Grand Prix

Year	Venue	Event	Result
2016	Berlin	Club throw	Silver
2017	Dubai	Club throw	4th Place†
2017	Dubai	Discus throw	4th Place†
2018	Tunisia	Club throw	Gold
2018	Tunisia	Discus throw	Bronze

† Set a new Asian record

National Para Athletics Championships

Year	Venue	Event	Result
2016	Panchkula	Club throw	Gold
2016	Panchkula	Discus throw	Bronze
2017	Jaipur	Club throw	Gold
2017	Jaipur	Discus throw	Gold
2018	Panchkula	Club throw	Gold
2018	Panchkula	Discus throw	Gold

ᱥᱟᱹᱠᱷᱭᱟᱹᱛ

↑ Akundi, Sweta (16 ᱡᱩᱞᱟᱭ 2018). "Gold-winning para-athlete Ekta Bhyan on life and sports". The Hindu (in Indian English). ISSN 0971-751X. Retrieved 16 ᱡᱩᱞᱟᱭ 2018.
↑ ^᱒.᱐ ^᱒.᱑ "From Being Paralysed To Winning Medals at World Para Athletics GP - Ekta Bhyan Is Full of Heart". The Times of India (in ᱟᱝᱜᱽᱨᱮᱡᱤ). Retrieved 16 ᱡᱩᱞᱟᱭ 2018.
↑ "Before Deepa, Ekta Bhyan had made state proud". The Times of India. Retrieved 16 ᱡᱩᱞᱟᱭ 2018.
↑ "Ankur Dhama". indusind.com. Archived from the original on 6 ᱱᱚᱵᱷᱮᱢᱵᱚᱨ 2018. Retrieved 19 ᱚᱠᱴᱚᱵᱚᱨ 2019.

ᱵᱟᱦᱨᱮ ᱡᱚᱱᱚᱲ

[:1-1] Akundi, Sweta (16 ᱡᱩᱞᱟᱭ 2018). "Gold-winning para-athlete Ekta Bhyan on life and sports". The Hindu (in Indian English). ISSN 0971-751X. Retrieved 16 ᱡᱩᱞᱟᱭ 2018.

[:0-2] ᱒.᱐ ^᱒.᱑ "From Being Paralysed To Winning Medals at World Para Athletics GP - Ekta Bhyan Is Full of Heart". The Times of India (in ᱟᱝᱜᱽᱨᱮᱡᱤ). Retrieved 16 ᱡᱩᱞᱟᱭ 2018.

[:2-3] "Before Deepa, Ekta Bhyan had made state proud". The Times of India. Retrieved 16 ᱡᱩᱞᱟᱭ 2018.

[4] "Ankur Dhama". indusind.com. Archived from the original on 6 ᱱᱚᱵᱷᱮᱢᱵᱚᱨ 2018. Retrieved 19 ᱚᱠᱴᱚᱵᱚᱨ 2019.

[᱑]

[᱒]

[᱓]

[᱔]