ᱯᱟᱨᱳ ᱦᱚᱱᱚᱛ
Coordinates: 27°30′N 89°20′E / 27.500°N 89.333°E
ᱯᱟᱨᱳ ᱦᱚᱱᱚᱛ ᱫᱚ ᱵᱷᱩᱴᱟᱱ ᱫᱤᱥᱚᱢ ᱨᱮᱱᱟᱜ ᱒᱐ ᱜᱚᱴᱟᱝ ᱦᱚᱱᱚᱛ ᱠᱷᱚᱱ ᱢᱤᱫ ᱦᱚᱱᱚᱛ ᱠᱟᱱᱟ ᱾ [᱑] ᱱᱮᱣᱟ ᱦᱚᱱᱚᱛ ᱫᱚ ᱵᱷᱩᱴᱟᱱ ᱨᱮᱱᱟᱜ ᱱᱟᱜᱟᱢᱮᱛ ᱜᱷᱟᱹᱴᱤ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱞᱟᱹᱭ ᱞᱟᱠᱪᱟᱨ ᱫᱚ ᱛᱤᱵᱚᱛ ᱥᱟᱶ ᱯᱨᱮᱵᱷᱟᱵᱤᱛ ᱢᱮᱱᱟᱜ-ᱟ ᱾ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱩᱪᱚᱨ ᱯᱟᱦᱴᱟ ᱥᱤᱢᱟᱹ ᱫᱚ ᱛᱤᱵᱚᱛ ᱥᱟᱶ ᱧᱟᱯᱟᱢᱟ ᱾ ᱞᱟᱦᱟ ᱫᱚ ᱱᱚᱣᱟ ᱜᱷᱟᱹᱴᱤ ᱨᱮ ᱦᱮᱡ ᱠᱟᱛᱮ ᱵᱟᱥᱟᱜ ᱠᱟᱱ ᱠᱚᱫᱚ ᱛᱤᱵᱚᱛ ᱨᱤᱱ ᱯᱩᱭᱞᱩ ᱦᱚᱲ ᱜᱮ ᱾ ᱱᱚᱣᱟ ᱦᱚᱱᱚᱛ ᱨᱮᱱᱟᱜ ᱢᱩᱠᱷᱤᱭᱟᱹ ᱯᱟᱹᱨᱥᱤ ᱫᱚ ᱵᱷᱩᱴᱟᱱᱤ ᱠᱟᱱᱟ ᱾ ᱟᱨ ᱱᱚᱣᱟ ᱯᱟᱹᱨᱥᱤ ᱜᱮ ᱵᱷᱩᱴᱟᱱ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱯᱟᱹᱨᱥᱤ ᱫᱚ ᱾
ᱚᱛᱱᱚ ᱥᱟᱯᱲᱟᱣ
ᱯᱟᱨᱳ ᱦᱚᱱᱚᱛ ᱨᱮᱱᱟᱜ ᱯᱟᱥᱱᱟᱣ ᱫᱚ ᱦᱚᱣᱟ ᱦᱚᱱᱚᱛ ᱠᱷᱚᱱ ᱯᱩᱪᱷᱤᱢ ᱱᱟᱠᱷᱟ ᱨᱮ ᱢᱮᱱᱟᱜ-ᱟ ᱾ ᱛᱤᱵᱚᱛ ᱩᱛᱚᱨ ᱱᱟᱠᱷᱟ ᱨᱮ, ᱛᱷᱤᱢᱯᱷᱩ ᱦᱚᱱᱚᱛ ᱫᱚ ᱯᱩᱨᱩᱵᱽ ᱱᱟᱠᱷᱟ ᱨᱮ, ᱟᱨ ᱪᱩᱠᱷᱟ ᱦᱚᱱᱚᱛ ᱫᱚ ᱫᱩᱠᱷᱤᱱ ᱱᱟᱠᱷᱟ ᱨᱮ ᱢᱮᱱᱟᱜ-ᱟ ᱾
ᱯᱚᱨᱤᱵᱮᱥ ᱥᱟᱯᱲᱟᱣ
ᱩᱛᱚᱨ ᱯᱟᱨᱳ ᱯᱮᱱᱚᱛ ( ᱰᱚᱴᱮᱝ ᱟᱨ ᱥᱮᱱᱴᱳ ) ᱨᱮ ᱡᱤᱜᱽᱢᱮ ᱫᱚᱨᱡᱤ ᱱᱮᱥᱱᱟᱞ ᱯᱟᱨᱠ ᱨᱮᱱᱟᱜ ᱦᱟᱹᱴᱤᱧ ᱥᱮᱞᱮᱫ ᱠᱟᱛᱮ ᱢᱮᱱᱟᱜ-ᱟ ᱟᱨ ᱯᱩᱲᱥᱤ ᱨᱮᱱᱟᱜ ᱥᱩᱨ ᱨᱮᱜᱮ ᱦᱮᱣᱟ ᱦᱚᱱᱚᱛ ᱨᱮᱱᱟᱜ ᱴᱟᱨᱥᱟ ᱥᱟᱶ ᱡᱩᱲᱟᱹᱭ ᱟᱠᱟᱱ ᱱᱮᱪᱩᱨᱟᱞ ᱨᱤᱡᱚᱨᱵᱽ ᱢᱮᱱᱟᱜ-ᱟ ᱾
ᱯᱟᱨᱳ ᱩᱰᱟᱹᱱᱴᱚᱴᱷᱟ ᱥᱟᱯᱲᱟᱣ
ᱯᱟᱨᱳ ᱨᱮ ᱫᱚ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱩᱰᱟᱹᱱᱟᱰᱟ ᱢᱮᱱᱟᱜ-ᱟ ᱾
ᱯᱟᱨᱳ ᱦᱚᱱᱚᱛ ᱨᱮᱱᱟᱜ ᱥᱤᱢᱟᱹ ᱠᱚ ᱥᱟᱯᱲᱟᱣ
ᱦᱚᱱᱚᱛ ᱨᱮᱱᱟᱜ ᱯᱩᱪᱷᱤᱢ ᱱᱟᱠᱷᱟ ᱨᱮᱫᱚ ᱦᱟ ᱦᱚᱱᱚᱛ, ᱩᱛᱚᱨ ᱱᱟᱠᱷᱟ ᱨᱮ ᱛᱤᱵᱚᱛ, ᱯᱩᱨᱩᱵᱽ ᱱᱟᱠᱷᱟ ᱨᱮ ᱛᱷᱤᱢᱯᱷᱩ ᱦᱚᱱᱚᱛ, ᱟᱨ ᱫᱩᱠᱷᱤᱱ ᱱᱟᱠᱷᱟᱨᱮ ᱪᱩᱠᱷ ᱦᱚᱱᱚᱛ ᱢᱮᱱᱟᱜ-ᱟ ᱾
ᱯᱨᱚᱥᱟᱥᱚᱱᱤᱭᱟᱹ ᱦᱩᱫᱟᱹ ᱥᱟᱯᱲᱟᱣ
ᱯᱟᱨᱳ ᱦᱚᱱᱚᱛ ᱨᱚ ᱫᱚ ᱞᱟᱛᱟᱨ ᱨᱮ ᱮᱢ ᱟᱠᱟᱱ ᱑᱐ ᱜᱚᱴᱟᱝ ᱵᱽᱞᱚᱠ (Gewogs) ᱢᱮᱱᱟᱜ-ᱟ ᱾ ᱟᱨ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱺ-
- ᱰᱳᱜᱟ
- ᱰᱳᱯᱥᱮᱨᱤ
- ᱰᱟᱱᱴᱮᱸᱜᱽ
- ᱦᱚᱸᱜᱽᱨᱮᱞ
- ᱞᱚᱢᱜᱚᱸᱜᱽ
- ᱞᱩᱸᱜᱽᱱᱚᱭᱚ
- ᱱᱟᱡᱟ
- ᱥᱟᱯ
- ᱛᱚᱥᱳᱸᱴᱚ
- ᱵᱟᱜᱽᱪᱮᱸᱜᱽ
ᱞᱟᱠᱪᱟᱨᱮᱛ ᱴᱚᱴᱷᱟ ᱥᱟᱯᱲᱟᱣ
ᱯᱟᱨᱳ ᱱᱟᱜᱟᱨ ᱫᱚ ᱢᱤᱫ ᱱᱚᱝᱠᱟᱱ ᱴᱚᱴᱷᱟ ᱠᱟᱱᱟ ᱡᱟᱦᱟᱸ ᱨᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱜᱷᱟᱱᱮ ᱜᱮ ᱦᱮᱡ ᱥᱮᱱ ᱟᱠᱟ ᱠᱚ ᱛᱟᱦᱮᱸᱱᱟ ᱾ ᱱᱚᱰᱮᱱᱟᱜ ᱞᱟᱠᱪᱟᱨᱮᱛ ᱪᱤᱛᱟᱹᱨ ᱥᱟᱸᱜᱷᱟᱨᱤᱭᱟᱹ ᱠᱚ ᱫᱚ ᱟᱹᱰᱤ ᱜᱮᱭ ᱢᱩᱦᱤᱛ ᱠᱚᱣᱟ ᱾
- ᱵᱷᱩᱟᱴᱟᱱ ᱨᱮᱱᱟᱜ ᱯᱟᱨᱳ ᱱᱟᱜᱟᱨ ᱜᱮ ᱢᱤᱫ ᱱᱚᱝᱠᱟᱱ ᱱᱟᱜᱟᱨ ᱠᱟᱱᱟ ᱡᱟᱦᱟᱸ ᱨᱮ ᱵᱷᱩᱴᱟᱱᱤᱭᱟᱹ ᱦᱚᱲ ᱠᱚᱣᱟᱜ ᱵᱟᱥᱟ ᱵᱚᱥᱠᱚᱫ ᱛᱟᱦᱮᱸᱱ ᱨᱮᱱᱟᱜ ᱛᱷᱟᱨ ᱟᱹᱰᱤ ᱪᱮᱛᱟᱱ ᱜᱮᱭᱟ ᱪᱮᱫᱟᱜ ᱥᱮ ᱱᱚᱰᱮ ᱫᱚ ᱥᱟᱜᱷᱟᱨᱤᱭᱟᱹ ᱠᱚᱠᱚ ᱦᱮᱡ ᱥᱮᱱᱚᱜ ᱛᱷᱟᱹᱛᱤᱨ ᱰᱚᱞᱟᱨ ᱛᱮ ᱦᱚᱲ ᱠᱚᱣᱟᱜ ᱟᱨᱡᱟᱣ ᱦᱩᱭᱩᱜ-ᱟ ᱾
- ᱯᱟᱨᱳ ᱫᱚ ᱦᱚᱱᱚᱛ ᱨᱮᱱᱟᱜ ᱢᱩᱠᱷᱤᱭᱟᱹ ᱵᱟᱡᱟᱨ ᱠᱟᱱᱟ ᱾
- ᱛᱟᱠᱛᱥᱟᱸᱜᱽ ᱵᱷᱩᱴᱟᱱ ᱨᱤᱱ ᱦᱚᱲ ᱞᱟᱹᱜᱤᱫ ᱫᱚ ᱢᱤᱫ ᱧᱩᱛᱩᱢᱟᱱ ᱢᱚᱴᱷ ᱠᱟᱱᱟ ᱾ ᱱᱚᱣᱟ ᱫᱚ ᱘ ᱟᱱᱟᱜ ᱥᱚᱫᱤ ᱨᱮ ᱜᱩᱨᱩ ᱯᱚᱫᱽᱢᱚᱥᱚᱢᱵᱷᱚᱵᱽ ᱫᱚ ᱢᱤᱫ ᱫᱷᱮᱭᱟᱱ ᱜᱚᱸᱜᱷᱚᱨ ᱨᱩᱯ ᱛᱮᱭ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ ᱾
- ᱵᱷᱩᱴᱟᱱ ᱨᱮᱫᱚ ᱡᱟᱹᱛᱤᱭᱟᱹᱨᱤ ᱢᱤᱣᱡᱤᱭᱚᱢ ᱢᱮᱱᱟᱜ ᱠᱷᱟᱹᱛᱤᱨ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱱᱚᱰᱮ ᱵᱷᱩᱴᱟᱱ ᱨᱮᱱᱟᱜ ᱞᱟᱹᱭ ᱞᱟᱠᱪᱟᱨ ᱯᱟᱲᱦᱟᱣ ᱠᱟᱛᱮ ᱵᱟᱰᱟᱭ ᱡᱚᱝ ᱞᱟᱹᱜᱤᱫ ᱞᱮᱛᱟᱲ ᱦᱮᱡ ᱥᱮᱱ ᱟᱠᱟ ᱜᱮᱠᱚ ᱛᱟᱦᱮᱸᱱᱟ ᱾
ᱞᱤᱴᱤᱞ ᱵᱩᱫᱷᱟ ᱢᱩᱵᱤ ᱨᱮ ᱯᱟᱨᱚ ᱠᱤᱞᱟ ᱨᱮᱱᱟᱜ ᱥᱩᱨ ᱥᱩᱯᱩᱨ ᱨᱮᱱᱟᱜ ᱧᱮᱢᱮᱞ ᱪᱮᱛᱟᱱ ᱨᱮ ᱯᱷᱤᱞᱚᱢ ᱵᱮᱱᱟᱣ ᱦᱩᱭ ᱟᱠᱟᱱᱟ ᱾
ᱠᱟᱹᱣᱰᱤ ᱵᱮᱵᱚᱥᱛᱟ ᱥᱟᱯᱲᱟᱣ
ᱵᱷᱩᱴᱟᱱ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱦᱚᱭ ᱞᱟᱹᱭᱤᱱ ᱴᱨᱟᱠ ᱮᱭᱟᱨ ᱨᱮᱱᱟᱜ ᱱᱚᱰᱮ ᱢᱩᱠᱷᱤᱭᱟᱹᱥᱟᱲᱟ ᱢᱮᱱᱟᱜ-ᱟ ᱾
ᱯᱟᱨᱳ ᱥᱤᱧᱚᱛᱤᱭᱟᱹ ᱥᱮᱱᱟ ᱟᱫᱷᱟᱨ ᱥᱟᱯᱲᱟᱣ
ᱯᱟᱨᱳ ᱫᱚ ᱥᱤᱧᱚᱛᱤᱭᱟᱹ ᱥᱮᱱᱟ ᱠᱚᱣᱟᱜ ᱫᱚᱥᱟᱨ ᱩᱰᱟᱹᱱ ᱟᱰᱟ ᱢᱮᱱᱟᱜ-ᱟ ᱾ ᱞᱟᱦᱟ ᱨᱮᱱᱟᱜ ᱫᱚ ᱛᱟᱫᱤᱠᱤᱥᱛᱷᱟᱱ ᱨᱮᱱᱟᱜ ᱯᱚᱨᱠᱷᱳᱨ ᱩᱰᱟᱹᱱ ᱟᱰᱟ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱨᱮ ᱥᱤᱧᱚᱛ ᱫᱚ ᱱᱟᱣᱟ ᱩᱰᱟᱹᱱ ᱟᱰᱟ ᱨᱮ ᱟᱡᱟᱜ ᱫᱚᱦᱲᱟ ᱛᱮᱭ ᱛᱷᱟᱯᱚᱱ ᱠᱮᱫ-ᱟ ᱤᱠᱷᱟᱹᱱ ᱚᱱᱟ ᱫᱚ ᱵᱟᱭ ᱠᱟᱵᱽᱡᱟ ᱞᱮᱫ-ᱟ ᱾