ᱣᱤᱠᱤᱯᱤᱰᱤᱭᱟ

ᱰᱨ. ᱵᱟᱵᱟᱥᱟᱦᱮᱵᱽ ᱟᱢᱵᱮᱰᱠᱚᱨ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ

ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ, ᱱᱟᱜᱽᱯᱩᱨ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ

ᱰᱨ. ᱵᱟᱵᱟᱥᱟᱦᱮᱵᱽ ᱟᱢᱵᱮᱰᱠᱚᱨ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ (IATA: NAG, ICAO: VANP) ᱫᱚ ᱢᱤᱫ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱟᱱᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱢᱚᱦᱟᱨᱟᱥᱴᱨᱚ ᱨᱮᱱᱟᱜ ᱱᱟᱜᱽᱯᱩᱨ ᱥᱚᱦᱚᱨ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱫᱚ ᱱᱟᱜᱽᱯᱩᱨ ᱠᱷᱚᱱ ᱘ ᱠᱤᱞᱚᱢᱤᱴᱚᱨ ᱮᱛᱚᱢ-ᱯᱟᱪᱮ ᱥᱮᱫ ᱥᱳᱱᱮᱜᱟᱶ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱫᱚ ᱑,᱓᱕᱕ ᱮᱠᱚᱲ (᱕᱔᱘ ᱦᱮᱠᱴᱚᱨ) ᱴᱚᱴᱷᱟ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾ ᱒᱐᱐᱕ ᱥᱟᱞ ᱨᱮ, ᱥᱤᱧᱚᱛ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱨᱮ ᱢᱩᱬᱩᱛ ᱟᱨᱴᱤᱠᱩᱞᱚᱨ ᱟᱨ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤ ᱨᱤᱱᱤᱡ ᱢᱤᱫᱴᱟᱹᱝ ᱚᱱᱚᱞᱤᱭᱟᱹ, ᱵᱤ. ᱟᱨ. ᱟᱢᱵᱮᱰᱠᱚᱨ ᱟᱜ ᱧᱩᱛᱩᱢ ᱨᱮ ᱫᱚᱦᱚ ᱟᱠᱟᱱᱟ ᱾[᱔] ᱩᱰᱟᱹᱱ ᱰᱟᱹᱦᱤ ᱫᱤᱱᱟᱹᱢ ᱜᱮ ᱘,᱕᱐᱐ ᱜᱟᱱ ᱯᱟᱥᱮᱱᱡᱚᱨ ᱥᱮᱴᱮᱨ ᱠᱚᱣᱟ ᱟᱨ ᱱᱟᱜᱽᱯᱩᱨ ᱫᱚ ᱥᱟᱨᱡᱟ, ᱫᱳᱦᱟ ᱟᱨ ᱑᱔ ᱜᱚᱴᱟᱝ ᱰᱚᱢᱮᱥᱴᱤᱠ ᱴᱷᱟᱶ ᱠᱷᱚᱱ ᱡᱚᱲᱟᱣ ᱟᱠᱟᱱ ᱯᱩᱱᱭᱟᱹ ᱰᱚᱢᱮᱥᱴᱤᱠ ᱩᱰᱟᱹᱱ ᱰᱟᱹᱦᱤ ᱟᱨ ᱵᱟᱨᱭᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱚ ᱥᱮᱵᱟ ᱮᱫᱟ ᱾ ᱑,᱔᱖᱐ ᱮᱠᱚᱲ ᱨᱮ ᱯᱟᱥᱱᱟᱣ ᱟᱠᱟᱱ ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱫᱚ ᱥᱤᱧᱚᱛᱤᱭᱟᱹ ᱩᱰᱟᱹᱱ ᱯᱷᱟᱹᱫᱽ ᱨᱮᱱᱟᱜ ᱱᱟᱜᱽᱯᱩᱨ ᱩᱰᱟᱹᱱ ᱯᱷᱟᱹᱫᱽ ᱥᱴᱮᱥᱚᱱ ᱨᱮᱱᱟᱜ ᱦᱚᱸ ᱚᱲᱟᱜ ᱠᱟᱱᱟ ᱾ ᱯᱟᱥᱮᱱᱡᱚᱨ ᱦᱮᱡ ᱥᱮᱱ ᱨᱮ ᱵᱟᱹᱲᱛᱤ ᱫᱚ ᱗᱐᱐ ᱠᱤᱞᱚᱢᱤᱴᱚᱨ (᱓᱗᱘ ᱢᱟᱭᱤᱞ) ᱠᱷᱚᱱ ᱰᱷᱮᱨ ᱥᱟᱺᱜᱤᱧ ᱨᱮ ᱢᱮᱱᱟᱜ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱢᱩᱢᱵᱟᱭ ᱠᱷᱚᱱ ᱦᱤᱡᱩᱜ ᱥᱮᱱᱚᱜ ᱠᱟᱱ ᱯᱟᱥᱮᱱᱡᱚᱨ ᱠᱚ ᱦᱚᱛᱮᱛᱮ ᱦᱩᱭᱩᱜ ᱠᱟᱱᱟ ᱾ ᱩᱰᱟᱹᱱ ᱰᱟᱹᱦᱤ ᱨᱮ ᱢᱤᱫᱴᱟᱹᱝ ᱴᱟᱨᱢᱤᱱᱟᱞ ᱟᱨ ᱵᱟᱨᱭᱟ ᱮᱭᱟᱨᱵᱨᱤᱡᱽ ᱢᱮᱱᱟᱜᱼᱟ ᱾

ᱰᱨ. ᱵᱟᱵᱟᱥᱟᱦᱮᱵᱽ ᱟᱢᱵᱮᱰᱠᱚᱨ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ
ᱡᱟᱭᱚᱝᱜᱚᱥ
ᱩᱰᱟᱹᱱ ᱰᱟᱹᱦᱤ ᱞᱮᱠᱟᱱᱫᱤᱥᱩᱣᱟᱹ
ᱢᱟᱹᱞᱤᱠᱥᱤᱧᱚᱛᱤᱭᱟᱹ ᱩᱰᱟᱹᱱ ᱰᱟᱹᱦᱤ ᱯᱨᱟᱫᱷᱤᱠᱚᱨᱚᱱ
ᱪᱟᱪᱞᱟᱣᱤᱭᱟᱹᱡᱤ.ᱮᱢ.ᱟᱨ. ᱜᱨᱩᱯ ᱟᱨ MIHAN ᱤᱱᱰᱤᱭᱟ ᱯᱨᱟᱭᱵᱷᱮᱴ ᱞᱤᱢᱤᱴᱮᱰ (MIPL)
ᱥᱮᱵᱟᱜ ᱠᱟᱱᱟᱱᱟᱜᱽᱯᱩᱨ
ᱞᱚᱠᱮᱥᱚᱱᱥᱳᱱᱮᱜᱟᱶ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ
ᱥᱩᱵᱤᱫᱷᱟᱜ ᱱᱟᱜᱟᱨᱠᱚ
ᱩᱥᱩᱞ AMSL᱓᱑᱕ m / ᱑,᱐᱓᱓ ft
ᱠᱚ-ᱚᱨᱰᱤᱱᱟᱴᱥ21°05′32″N 79°02′50″E / 21.09222°N 79.04722°E / 21.09222; 79.04722Coordinates: 21°05′32″N 79°02′50″E / 21.09222°N 79.04722°E / 21.09222; 79.04722
Map
NAG is located in India
NAG
NAG
ᱫᱟᱹᱲᱦᱚᱨ
Direction ᱡᱤᱞᱤᱧ ᱥᱚᱨᱯᱷᱮᱥ
m ft
᱑᱔/᱓᱒ ᱓,᱒᱐᱐ ᱑᱐,᱔᱙᱘ ᱟᱥᱯᱷᱟᱞᱴ
Statistics (ᱮᱯᱨᱤᱞ ᱒᱐᱒᱓ - ᱢᱟᱨᱪ ᱒᱐᱒᱔)
ᱯᱟᱥᱮᱱᱡᱚᱨ ᱠᱚ᱒,᱗᱙᱔,᱔᱒᱗ (increase ᱘.᱙%)
ᱮᱭᱟᱨᱠᱨᱟᱯᱷᱴ ᱞᱟᱲᱟᱣᱱᱟ ᱠᱚ᱒᱒,᱐᱐᱒ (increase ᱗.᱖%)
ᱠᱟᱨᱜᱳ ᱴᱚᱱᱮᱡᱽ᱗,᱙᱙᱔ (Decrease ᱑᱓%)

ᱱᱟᱜᱟᱢ

ᱥᱟᱯᱲᱟᱣ

ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱫᱚ ᱯᱩᱭᱞᱩ ᱡᱮᱜᱮᱛ ᱞᱟᱹᱲᱦᱟᱹᱭ ᱚᱠᱛᱚ ᱨᱮ ᱑᱙᱑᱗-᱑᱘ ᱨᱮ RFC/RAF ᱞᱟᱹᱜᱤᱫ ᱛᱮ ᱵᱮᱵᱚᱥᱛᱟ ᱮᱱᱟ ᱾ ᱫᱚᱥᱟᱨ ᱡᱮᱜᱮᱛ ᱞᱟᱹᱰᱷᱟᱹᱭ ᱚᱠᱛᱚ ᱨᱮ ᱱᱚᱶᱟ ᱫᱚ ᱨᱚᱭᱮᱞ ᱮᱭᱟᱨ ᱯᱷᱚᱨᱥ (RAF) ᱦᱚᱛᱮᱛᱮ ᱢᱤᱫ ᱥᱴᱮᱡᱤᱝ ᱮᱭᱟᱨᱯᱷᱤᱞᱰ ᱞᱮᱠᱟᱛᱮ ᱵᱮᱵᱷᱟᱨᱚᱜ ᱠᱟᱱ ᱛᱟᱦᱮᱸᱫ ᱾ ᱵᱨᱤᱴᱤᱥ ᱠᱚ ᱪᱟᱞᱟᱣ ᱮᱱ ᱛᱟᱭᱚᱢ ᱱᱚᱣᱟ ᱫᱚ ᱥᱤᱧᱚᱛ ᱥᱚᱨᱠᱟᱨ ᱴᱷᱮᱱ ᱮ ᱦᱮᱡ ᱮᱱᱟ ᱾ ᱑᱙᱕᱓ ᱥᱟᱞ ᱨᱮ ᱱᱟᱣᱟ ᱴᱟᱨᱢᱤᱱᱟᱞ ᱵᱤᱞᱰᱤᱝ ᱠᱚ ᱵᱮᱱᱟᱣ ᱞᱮᱱᱟ ᱡᱟᱦᱟᱸ ᱨᱮ ᱨᱮᱯᱷᱨᱮᱢᱮᱱᱴ, ᱨᱤᱴᱟᱨᱤᱝ ᱚᱲᱟᱜ, ᱴᱚᱭᱞᱮᱴ, ᱵᱩᱠ ᱥᱴᱚᱞ ᱟᱨ ᱵᱷᱤᱡᱮᱴᱚᱨ ᱜᱮᱞᱟᱨᱤ ᱠᱚ ᱨᱮᱱᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾[᱕]

ᱥᱳᱱᱮᱜᱟᱶ ᱩᱰᱟᱹᱱ ᱰᱟᱹᱦᱤ ᱫᱚ ᱢᱤᱫᱴᱟᱹᱝ ᱱᱟᱯᱟᱭ "ᱧᱤᱫᱟᱹ ᱩᱰᱟᱹᱱ ᱢᱮᱞ ᱥᱮᱵᱟ" ᱨᱮᱱᱟᱜ ᱛᱟᱞᱢᱟ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮᱫᱚ ᱫᱤᱞᱞᱤ, ᱵᱚᱢᱵᱮ, ᱠᱚᱞᱠᱟᱛᱟ ᱟᱨ ᱢᱟᱫᱽᱨᱟᱥ ᱠᱷᱚᱱ ᱯᱩᱱᱭᱟᱹ ᱩᱰᱟᱹᱜ ᱜᱟᱹᱰᱤ ᱟᱠᱚᱣᱟᱜ ᱴᱚᱴᱷᱟ ᱠᱷᱚᱱ ᱢᱮᱞ ᱞᱟᱜᱟᱣ ᱠᱟᱛᱮ ᱪᱟᱞᱟᱜ ᱠᱟᱱ ᱛᱟᱦᱮᱸᱫ ᱟᱨ ᱢᱮᱞ ᱚᱫᱚᱞ-ᱵᱚᱫᱚᱞ ᱛᱟᱭᱚᱢ ᱟᱠᱚ ᱚᱲᱟᱜ ᱠᱚ ᱨᱩᱣᱟᱹᱲ ᱦᱤᱡᱩᱜ ᱠᱟᱱ ᱠᱚ ᱛᱟᱦᱮᱸᱫ ᱾ ᱱᱟᱜᱽᱯᱩᱨ ᱨᱮ ᱱᱚᱶᱟ ᱥᱮᱵᱟ ᱫᱚ ᱡᱟᱱᱩᱣᱟᱨᱤ ᱑᱙᱔᱙ ᱠᱷᱚᱱ ᱚᱠᱴᱚᱵᱚᱨ ᱑᱙᱗᱓ ᱫᱷᱟᱹᱨᱤᱡ ᱪᱟᱞᱟᱣ ᱞᱮᱱᱟ ᱾[᱖] ᱒᱐᱐᱓ ᱥᱮᱨᱢᱟ ᱨᱮ ᱔᱔ ᱣᱤᱝ ᱵᱮᱱᱟᱣ ᱟᱨ ᱒᱐᱐᱓ ᱥᱮᱨᱢᱟ ᱨᱮ ᱤᱞ ᱗᱖ ᱢᱤᱞᱤᱴᱨᱤ ᱴᱨᱟᱱᱥᱯᱳᱨᱴ ᱮᱭᱟᱨᱠᱨᱟᱯᱷ ᱨᱮᱱᱟᱜ ᱦᱮᱡ ᱥᱮᱴᱮᱨᱚᱜ ᱫᱷᱟᱹᱨᱤᱡ ᱱᱚᱶᱟ ᱨᱮᱱᱟᱜ ᱢᱩᱬ ᱴᱨᱟᱯᱷᱤᱠ ᱥᱤᱵᱤᱞ ᱮᱭᱟᱨᱠᱨᱟᱯᱷ ᱛᱟᱦᱮᱸ ᱠᱟᱱᱟ ᱾[᱗] ᱒᱐᱑᱐ ᱥᱮᱨᱢᱟ ᱨᱮ, ᱩᱰᱟᱹᱱ ᱰᱟᱹᱦᱤ ᱨᱮ ᱵᱚᱛᱚᱨ ᱤᱫᱤ ᱛᱮ ᱩᱰᱟᱹᱱ ᱰᱟᱹᱦᱤ ᱫᱚ ᱟᱡᱟᱜ ᱪᱟᱪᱞᱟᱣ ᱞᱟᱭᱥᱮᱱᱥ ᱟᱫ ᱨᱮᱱᱟᱜ ᱵᱚᱛᱚᱨ ᱛᱟᱦᱮᱸ ᱠᱟᱱᱟ ᱾ ᱠᱚᱸᱴᱤᱱᱮᱱᱴᱟᱞ ᱮᱵᱤᱭᱮᱥᱚᱱ ᱞᱤᱢᱤᱴᱮᱰ ᱨᱤᱱᱤᱡ ᱢᱟᱹᱞᱤᱠᱟᱜ ᱢᱤᱫ ᱢᱟᱨᱮ ᱟᱴᱞᱟᱱᱴᱟ ᱥᱠᱟᱭᱞᱟᱨᱠᱥ ᱵᱳᱭᱤᱝ ᱗᱒᱐, ᱡᱟᱦᱟᱸ ᱫᱚ ᱑᱙᱙᱑ ᱥᱮᱨᱢᱟ ᱠᱷᱚᱱ ᱩᱰᱟᱹᱱ ᱰᱟᱹᱦᱤ ᱨᱮ ᱠᱚ ᱫᱚᱦᱚ ᱞᱮᱫ ᱛᱟᱦᱮᱸᱫ, ᱨᱟᱱᱣᱮ ᱠᱷᱚᱱ ᱙᱐ ᱢᱤᱴᱚᱨ ᱥᱟᱺᱜᱤᱧ ᱨᱮ ᱛᱟᱦᱮᱸ ᱠᱟᱱᱟ, ᱚᱠᱟ ᱨᱮ ᱫᱟᱹᱭᱠᱟᱹ ᱢᱮᱱᱟᱜᱼᱟ ᱡᱮ ᱡᱟᱦᱟᱱ ᱡᱤᱱᱤᱥ ᱫᱚ ᱨᱟᱲᱣᱮ ᱠᱷᱚᱱ ᱑᱕᱐ ᱢᱤᱴᱚᱨ ᱥᱟᱺᱜᱤᱧ ᱨᱮ ᱛᱟᱦᱮᱸᱱ ᱢᱟ ᱾ ᱒᱐᱑᱕-᱒᱐᱑᱖ ᱥᱮᱨᱢᱟ ᱨᱮ, ᱡᱟᱦᱟᱸ ᱩᱰᱟᱹᱜ ᱜᱟᱹᱰᱤ ᱫᱚ ᱓᱐ ᱥᱮᱨᱢᱟ ᱞᱟᱦᱟᱨᱮ ᱠᱷᱚᱱ ᱚᱸᱰᱮ ᱛᱟᱦᱮᱸ ᱠᱟᱱᱟ, ᱚᱱᱟ ᱨᱟᱱᱣᱮ ᱠᱷᱚᱱ ᱖᱐᱐ ᱢᱤᱴᱚᱨ ᱥᱟᱺᱜᱤᱧ ᱨᱮ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱠᱚᱧᱮ-ᱥᱟᱢᱟᱝ ᱯᱟᱦᱴᱟ ᱨᱮ ᱦᱮᱡ ᱞᱮᱱᱟ ᱾[᱘][᱙]

ᱵᱟᱲᱦᱟᱣ

ᱥᱟᱯᱲᱟᱣ

ᱱᱚᱶᱟ ᱫᱚ ᱢᱟᱞᱴᱤᱢᱚᱰᱚᱞ ᱤᱱᱴᱟᱨᱱᱮᱥᱱᱟᱞ ᱦᱟᱵᱽ ᱮᱭᱟᱨᱯᱚᱨᱴ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱟᱨ ᱱᱚᱶᱟ ᱨᱮᱱᱟᱜ ᱩᱛᱷᱱᱟᱹᱣ ᱫᱚ ᱒᱐᱐᱕ ᱥᱮᱨᱢᱟ ᱨᱮ ᱮᱛᱚᱦᱚᱵ ᱞᱮᱱᱟ ᱾ ᱱᱚᱣᱟ ᱯᱞᱟᱱ ᱨᱮ ᱵᱤᱞᱰ-ᱚᱯᱨᱮᱴ-ᱴᱨᱟᱥᱯᱷᱚᱨ ᱟᱫᱷᱟᱨ ᱦᱚᱛᱮ ᱛᱮ ᱫᱚᱥᱟᱨ ᱨᱟᱱᱣᱮ, ᱢᱤᱫᱴᱟᱹᱝ ᱱᱟᱣᱟ ᱴᱟᱨᱢᱤᱱᱟᱞ ᱵᱤᱞᱰ ᱟᱨ ᱠᱟᱨᱜᱳ ᱠᱚᱢᱯᱞᱮᱠᱥ ᱨᱮᱱᱟᱜ ᱵᱮᱱᱟᱣ ᱥᱮᱞᱮᱫ ᱢᱮᱱᱟᱜᱼᱟ ᱾ ᱢᱚᱦᱟᱨᱟᱥᱴᱨᱚ ᱥᱚᱨᱠᱟᱨ ᱤᱱᱰᱤᱭᱟᱱ ᱮᱭᱟᱨ ᱯᱷᱳᱨᱥ (IAF) ᱴᱷᱮᱱ ᱔᱐᱐ ᱦᱮᱠᱴᱟᱨ ᱦᱟᱥᱟ ᱮᱢ ᱞᱮᱫᱼᱟ ᱚᱱᱠᱟᱱ ᱒᱗᱘ ᱦᱮᱠᱴᱟᱨ ᱦᱟᱥᱟ ᱡᱟᱦᱟᱸ ᱫᱚ ᱤᱱᱰᱤᱭᱟᱱ ᱮᱭᱟᱨ ᱯᱷᱳᱨᱥ ᱥᱴᱮᱥᱚᱱ, ᱱᱟᱜᱽᱯᱩᱨ ᱦᱚᱛᱮᱛᱮ ᱠᱤᱱ ᱦᱟᱛᱟᱣ ᱞᱮᱫᱼᱟ ᱾[᱑᱐][᱑᱑]

᱑᱔ ᱮᱯᱨᱤᱞ ᱒᱐᱐᱘ ᱦᱤᱞᱚᱜ ᱱᱟᱣᱟ ᱡᱚᱲᱟᱣ ᱴᱟᱨᱢᱤᱱᱟᱞ ᱵᱤᱞᱰᱤᱝ ᱨᱮᱱᱟᱜ ᱩᱰᱷᱟᱹᱣ ᱥᱟᱹᱜᱩᱱ ᱦᱩᱭ ᱞᱮᱱᱟ ᱾ AAI ᱗᱙᱐ ᱢᱤᱞᱤᱭᱚᱱ (US$᱙.᱕ ᱢᱤᱞᱤᱭᱚᱱ) ᱛᱮ ᱱᱮᱛᱟᱨᱟᱜ ᱵᱤᱞᱰᱤᱝ ᱵᱚᱫᱚᱞ ᱟᱨ ᱩᱛᱷᱱᱟᱹᱣ ᱞᱮᱫᱟ ᱾ ᱱᱚᱣᱟ ᱫᱚ ᱑᱗,᱕᱐᱐ ᱥᱠᱚᱭᱟᱨ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱟᱨ ᱱᱚᱣᱟ ᱨᱮ ᱕᱕᱐ ᱜᱚᱴᱟᱝ ᱦᱤᱡᱩᱜ ᱥᱮᱱᱚᱜ ᱦᱚᱲ ᱠᱚ ᱦᱟᱛᱟᱣ ᱫᱟᱲᱮᱭᱟᱜᱼᱟ ᱾ ᱱᱟᱣᱟ ᱴᱟᱨᱢᱤᱱᱟᱞ ᱵᱤᱞᱰᱤᱝ ᱨᱮ ᱒᱐ ᱪᱮᱠ-ᱤᱱ ᱠᱟᱣᱩᱱᱴᱟᱨ ᱟᱨ ᱒᱐ ᱤᱢᱤᱜᱨᱮᱥᱚᱱ ᱠᱚᱣᱩᱱᱴᱟᱨ ᱢᱮᱱᱟᱜᱼᱟ ᱾ ᱴᱟᱨᱢᱤᱱᱟᱞ ᱨᱮ ᱵᱷᱤᱡᱩᱣᱟᱞ ᱰᱚᱠᱤᱝ ᱜᱟᱭᱰᱮᱱᱥ ᱥᱤᱥᱴᱮᱢ ᱟᱨ ᱵᱮᱜᱮᱡᱽ ᱠᱚᱱᱵᱷᱮᱭᱟᱨ ᱥᱤᱥᱴᱮᱢ ᱥᱟᱶᱛᱮ ᱯᱟᱥᱮᱱᱡᱚᱨ ᱯᱚᱞ ᱞᱮᱠᱟᱱ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱢᱤᱫ ᱚᱠᱛᱚ ᱨᱮ ᱖᱐᱐ ᱜᱚᱴᱟᱝ ᱠᱟᱨ ᱦᱟᱹᱴᱤᱧ ᱞᱟᱹᱜᱤᱫ ᱢᱤᱫ ᱠᱟᱨ ᱯᱟᱨᱠ ᱵᱮᱱᱟᱣ ᱟᱠᱟᱱᱟ ᱾ ᱵᱮᱭ ᱨᱮᱱᱟᱜ ᱞᱮᱠᱷᱟ ᱑᱘ ᱫᱷᱟᱹᱨᱤᱡ ᱤᱫᱤ ᱞᱟᱹᱜᱤᱫ ᱛᱮ ᱤᱨᱟᱹᱞ ᱜᱚᱴᱟᱝ ᱱᱟᱣᱟ ᱯᱟᱨᱠᱤᱝ ᱵᱮᱭ ᱠᱚ ᱡᱚᱲᱟᱣ ᱟᱠᱟᱱᱟ ᱾ ᱥᱚᱦᱚᱨ ᱥᱮᱫ ᱡᱚᱲᱟᱣ ᱨᱮ ᱥᱩᱫᱷᱟᱹᱨ ᱞᱟᱹᱜᱤᱫ ᱛᱮ, ᱴᱟᱨᱢᱤᱱᱟᱞ ᱵᱷᱚᱵᱚᱱ ᱫᱚ ᱢᱩᱬ ᱨᱟᱡᱽᱰᱟᱦᱟᱨ ᱠᱷᱚᱱ ᱡᱚᱲᱟᱣ ᱞᱟᱹᱜᱤᱫ ᱢᱤᱫ ᱱᱟᱣᱟ ᱥᱮᱱᱚᱜ ᱰᱟᱦᱟᱨ ᱵᱮᱱᱟᱣ ᱟᱠᱟᱱᱟ ᱾ ᱱᱚᱝᱠᱟᱱ ᱠᱟᱹᱢᱤ ᱠᱚ ᱞᱟᱹᱜᱤᱫ ᱟ.ᱮ.ᱟᱭᱤ. ᱫᱚ ᱢᱤᱫ ᱱᱟᱣᱟ ᱠᱚᱱᱴᱨᱚᱞ ᱴᱟᱣᱟᱨ ᱟᱨ ᱴᱮᱠᱱᱚᱞᱚᱡᱤ ᱵᱞᱚᱠ ᱛᱮᱭᱟᱨ ᱨᱮᱱᱟᱜ ᱜᱚᱴᱟ ᱟᱠᱟᱫᱟ ᱾[᱑᱒]

ᱮᱭᱟᱨ ᱤᱱᱰᱤᱭᱟ ᱢᱟᱱᱴᱮᱱᱮᱱᱥ-ᱨᱮᱯᱟᱨ-ᱳᱵᱷᱚᱨᱦᱟᱞ

ᱥᱟᱯᱲᱟᱣ

ᱟᱢᱮᱨᱤᱠᱟᱱ ᱩᱰᱟᱹᱜ ᱜᱟᱹᱰᱤ ᱵᱮᱱᱟᱣᱤᱭᱟᱹ ᱵᱳᱭᱤᱝ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱢᱟᱱᱴᱮᱱᱮᱱᱥ-ᱨᱮᱯᱟᱨ-ᱳᱵᱷᱚᱨᱦᱟᱞ ᱵᱮᱵᱚᱥᱛᱟ, ᱩᱰᱟᱹᱱ ᱰᱟᱹᱦᱤ ᱨᱮ ᱕᱐ ᱮᱠᱚᱲ ᱦᱟᱥᱟ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮᱱᱟᱜ ᱵᱮᱱᱟᱣ ᱒᱐᱑᱑ ᱥᱟᱞ ᱨᱮ ᱮᱛᱚᱦᱚᱵ ᱞᱮᱱᱟ ᱾[᱑᱓] ᱮᱭᱟᱨ ᱤᱱᱰᱤᱭᱟ ᱨᱮᱱᱟᱜ ᱢᱟᱱᱴᱮᱱᱮᱱᱥ-ᱨᱮᱯᱟᱨ-ᱳᱵᱷᱚᱨᱦᱟᱞ ᱭᱩᱱᱤᱴ, ᱡᱟᱦᱟᱸ ᱫᱚ ᱮᱭᱟᱨ ᱤᱱᱰᱤᱭᱟ ᱤᱱᱡᱤᱱᱤᱭᱚᱨᱤᱝ ᱥᱟᱨᱵᱤᱥᱮᱥ ᱠᱚ ᱢᱮᱛᱟᱜ ᱠᱟᱱᱟ, ᱡᱟᱦᱟᱸ ᱫᱚ ᱒᱐᱑᱓ ᱥᱟᱞ ᱨᱮ ᱢᱤᱫᱴᱟᱹᱝ ᱮᱴᱟᱜ ᱠᱚᱢᱯᱟᱹᱱᱤ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱒᱐᱑᱕ ᱡᱩᱱ ᱫᱷᱟᱹᱨᱤᱡ ᱢᱟᱱᱴᱮᱱᱮᱱᱥ-ᱨᱮᱯᱟᱨ-ᱳᱵᱷᱚᱨᱦᱟᱞ ᱥᱩᱵᱤᱫᱷᱟ ᱨᱮᱱᱟᱜ ᱪᱟᱪᱞᱟᱣ ᱮᱛᱚᱦᱚᱵ ᱦᱩᱭᱩᱜᱼᱟ ᱾[᱑᱔] ᱑᱐᱐ ᱢᱤᱞᱤᱭᱚᱱ ᱰᱚᱞᱟᱨ ᱯᱨᱚᱡᱮᱠᱴ ᱫᱚ ᱮᱭᱟᱨ ᱤᱱᱰᱤᱭᱟ ᱟᱨ ᱵᱚᱭᱚᱝ ᱛᱟᱞᱟ ᱨᱮ ᱢᱤᱫ ᱵᱮᱯᱟᱨ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱟᱨ ᱱᱚᱶᱟ ᱨᱮ ᱵᱟᱨᱭᱟ ᱑᱐᱐ x ᱑᱐᱐ ᱢᱤᱴᱚᱨ ᱦᱮᱸᱜᱟᱨ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱞᱟᱨᱥᱮᱱ ᱟᱨ ᱴᱩᱵᱽᱨᱳ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱᱟ, ᱡᱟᱦᱟᱸ ᱫᱚ ᱵᱚᱭᱚᱝ ᱗᱗ ᱟᱨ ᱗᱘᱗-᱘ ᱞᱮᱠᱟᱱ ᱣᱮᱰ-ᱵᱷᱚᱭᱚᱝ ᱩᱰᱟᱹᱱ ᱰᱟᱹᱦᱤ ᱠᱚ ᱞᱟᱹᱜᱤᱫ ᱟᱨᱦᱚᱸ ᱒᱔,᱐᱐᱐ ᱥᱠᱚᱭᱟᱨ ᱢᱤᱴᱚᱨ ᱡᱟᱭᱜᱟ ᱢᱮᱱᱟᱜᱼᱟ ᱾ ᱱᱚᱜᱽᱯᱩᱨ ᱱᱚᱶᱟ ᱯᱨᱚᱡᱮᱠᱴ ᱞᱟᱹᱜᱤᱫ ᱛᱮ ᱵᱟᱪᱷᱚᱱ ᱟᱠᱟᱱᱟ ᱪᱮᱫᱟᱜ ᱥᱮ ᱱᱚᱶᱟ ᱨᱮᱱᱟᱜ ᱛᱟᱞᱢᱟ ᱴᱷᱟᱶ ᱟᱨ ᱩᱰᱟᱹᱱ ᱰᱟᱹᱦᱤ ᱵᱮᱱᱟᱣ ᱞᱟᱹᱜᱤᱫ ᱟᱹᱰᱤ ᱩᱥᱩᱞ ᱜᱮᱭᱟ, ᱪᱮᱫᱟᱜ ᱥᱮ ᱱᱚᱶᱟ ᱫᱚ ᱠᱮᱨᱚᱥᱚᱱ ᱟᱨ ᱫᱚᱨᱭᱟ ᱫᱟᱜ ᱚᱡᱽᱨᱟ ᱠᱷᱚᱱ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱪᱤᱱ ᱨᱮ ᱥᱟᱝᱜᱷᱟᱭ ᱛᱟᱭᱚᱢ ᱡᱮᱜᱮᱛ ᱨᱮ ᱵᱳᱭᱤᱝ ᱨᱮᱱᱟᱜ ᱫᱚᱥᱟᱨ ᱜᱨᱤᱱᱯᱷᱤᱞᱰ ᱯᱨᱚᱡᱮᱠᱴ ᱠᱟᱱᱟ ᱾[᱑᱕]

ᱩᱰᱟᱹᱱ ᱰᱟᱹᱦᱤ ᱠᱷᱚᱱ ᱢᱮᱴᱨᱚ ᱫᱷᱟᱹᱨᱤᱡ

ᱥᱟᱯᱲᱟᱣ

ᱩᱰᱟᱹᱱ ᱰᱟᱹᱦᱤ ᱱᱤᱛᱚᱜ ᱱᱟᱜᱽᱯᱩᱨ ᱢᱮᱴᱨᱚ ᱫᱷᱟᱹᱨᱤᱡ ᱥᱮᱴᱮᱨᱚᱜᱼᱟ ᱾ ᱢᱮᱱᱠᱷᱟᱱ ᱢᱤᱫᱴᱟᱹᱝ ᱚᱥᱩᱵᱤᱫᱷᱟ ᱢᱮᱱᱟᱜᱼᱟ, ᱢᱮᱴᱨᱚ ᱥᱴᱮᱥᱚᱱ ᱫᱚ ᱩᱰᱟᱹᱱ ᱰᱟᱹᱦᱤ ᱠᱷᱚᱱ ᱑ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱟᱨ ᱡᱟᱦᱟᱱ ᱯᱷᱤᱰᱟᱨ ᱥᱮᱵᱟ ᱵᱟᱹᱱᱩᱜᱼᱟ ᱾[᱑᱖]

ᱮᱭᱟᱨᱞᱟᱭᱤᱱᱥ ᱟᱨ ᱰᱮᱥᱴᱤᱱᱮᱥᱚᱱ ᱠᱚ

ᱥᱟᱯᱲᱟᱣ
AirlinesDestinations
ᱮᱭᱟᱨ ᱟᱨᱚᱵᱤᱭᱟ ᱥᱟᱨᱡᱟ
ᱮᱭᱟᱨ ᱤᱱᱰᱤᱭᱟ ᱫᱤᱞᱞᱤ, ᱢᱩᱢᱵᱟᱭ
ᱤᱱᱰᱤᱜᱳ ᱚᱦᱢᱚᱫᱟᱵᱟᱫᱽ, ᱚᱣᱨᱚᱝᱜᱟᱵᱟᱫᱽ,[᱑᱗] ᱵᱮᱝᱜᱟᱞᱩᱨᱩ, ᱫᱤᱞᱞᱤ, ᱜᱳᱣᱟ–ᱢᱳᱯᱟ,[᱑᱘] ᱦᱟᱭᱫᱽᱨᱟᱵᱟᱫᱽ, ᱤᱱᱫᱳᱨ, ᱠᱚᱞᱠᱟᱛᱟ, ᱞᱚᱠᱷᱱᱚᱣ,[᱑᱙] ᱢᱩᱢᱵᱟᱭ, ᱱᱟᱥᱤᱠ,[᱑᱘] ᱯᱩᱱᱮ
ᱠᱟᱛᱟᱨ ᱮᱭᱟᱨᱣᱮ ᱫᱳᱦᱟ
ᱥᱴᱟᱨ ᱮᱭᱟᱨᱵᱮᱝᱜᱟᱞᱩᱨᱩ,[᱒᱐] ᱵᱮᱞᱜᱟᱢ,[᱒᱑] ᱠᱤᱥᱟᱱᱜᱚᱲ,[᱒᱒] ᱯᱩᱱᱮ,[᱒᱐] ᱱᱟᱱᱫᱮᱰ

ᱥᱟᱹᱠᱷᱭᱟᱹᱛ

ᱥᱟᱯᱲᱟᱣ
  1. ↑ "Annexure III – Passenger Data" (PDF). aai.aero. Retrieved 23 April 2024.
  2. ↑ "Annexure II – Aircraft Movement Data" (PDF). aai.aero. Retrieved 23 April 2024.
  3. ↑ "Annexure IV – Freight Movement Data" (PDF). aai.aero. Retrieved 23 April 2024.
  4. ↑ "Nagpur Airport being renamed". The Hindu. 15 October 2005. Archived from the original on 28 December 2005. Retrieved 3 March 2012.
  5. ↑ "Nagpur District Gazetteer - 1966". Archived from the original on 10 ᱮᱯᱨᱤᱞ 2009. Retrieved 3 ᱢᱟᱨᱪ 2012.
  6. ↑ "Indian Postal History 1947-1997". Archived from the original on 16 February 2012. Retrieved 3 March 2012.
  7. ↑ "Warbirds of India — Nagpur". Archived from the original on 4 March 2016. Retrieved 20 February 2012.
  8. ↑ Arya, Shishir (30 September 2015). "Abandoned plane gets a new resting place". The Times of India (in ᱟᱝᱜᱽᱨᱮᱡᱤ). Retrieved 2021-03-16.
  9. ↑ "The Story Of A Guy's Dad's Junkyard Airplane Abandoned At An Indian Airport Is Fascinating". Jalopnik (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2021-10-13.
  10. ↑ "Transfer of Land to Mihan Project, Nagpur". Press Information Bureau, Government of India. 24 August 2011. Retrieved 20 February 2012.
  11. ↑ "Navi Mumbai, Pune, Nagpur Airport projects to take off". The Hindu Business Line. 13 November 2013. Retrieved 13 November 2013.
  12. ↑ "New Terminal building of Nagpur Airport to be Inaugurated on 14th April 2008". Press Information Bureau, Government of India. 11 April 2008. Retrieved 20 February 2012.
  13. ↑ "Boeing's Nagpur MRO facility to start operations in Q2 2013". FlightGlobal. 11 December 2012. Retrieved 17 February 2013.
  14. ↑ "Boeing: Nagpur MRO unit to be operational by April-June 2015". The Financial Express. 22 December 2014. Archived from the original on 29 December 2014. Retrieved 29 December 2014.
  15. ↑ "Boeing MRO facility work at Nagpur airport to end by 2012". DNA. 25 May 2011. Retrieved 20 February 2012.
  16. ↑ "NMRCL - Network Map". Retrieved 10 November 2023.
  17. ↑ Darkunde, Mahesh (24 May 2024). "IndiGo Launching New Flights from Goa to Aurangabad and Nagpur". Aviation A2Z (in ᱟᱝᱜᱽᱨᱮᱡᱤ). Retrieved 26 May 2024.
  18. ↑ ᱑᱘.᱐ ᱑᱘.᱑ "INDIGO 1H23 DOMESTIC ROUTES ADDITION SUMMARY – 05MAR23". Aeroroutes. Retrieved 7 March 2023.
  19. ↑ "New Flights". IndiGo.
  20. ↑ ᱒᱐.᱐ ᱒᱐.᱑ "नागपूर : आकाशी झेप घे रे…विमान प्रवासी संख्या २.२८ लाखांनी वाढली; पुणे, बंगळुरूकरिता विशेष विमाने". Aviation A2Z (in ᱢᱟᱨᱟᱴᱷᱤ). 18 May 2024. Retrieved 26 May 2024.
  21. ↑ Lua error in package.lua at line 80: module 'Module:TwitterSnowflake' not found.
  22. ↑ Velani, Bhavya (21 September 2023). "Star Air Announces the New Flights from Nagpur". Aviation A2Z (in ᱟᱝᱜᱽᱨᱮᱡᱤ). Retrieved 21 September 2023.,

ᱵᱟᱦᱨᱮ ᱡᱚᱱᱚᱲ

ᱥᱟᱯᱲᱟᱣ
"https://sat.wikipedia.org/w/index.php?title=ᱰᱨ._ᱵᱟᱵᱟᱥᱟᱦᱮᱵᱽ_ᱟᱢᱵᱮᱰᱠᱚᱨ_ᱡᱮᱡᱟᱹᱛᱤᱭᱟᱹᱨᱤ_ᱩᱰᱟᱹᱱ_ᱰᱟᱹᱦᱤ&oldid=155204" ᱠᱷᱚᱱ ᱧᱟᱢ ᱟᱹᱜᱩᱭ