ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱵᱟᱝᱢᱟ ᱨᱟᱡᱤᱵᱽᱜᱟᱺᱫᱷᱤ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱥᱤᱧᱚᱛ ᱫᱤᱥᱚᱢ ᱠᱚᱨᱱᱟᱴᱚᱠ ᱯᱚᱱᱚᱛ ᱨᱮᱱᱟᱜ ᱠᱚᱰᱟᱜᱩ ᱦᱚᱱᱚᱛ ᱟᱨ ᱢᱚᱦᱤᱥᱩᱨ ᱦᱚᱱᱚᱛ ᱨᱮ ᱢᱮᱱᱟᱜᱼᱟ ᱾[᱑] ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱢᱟᱨᱟᱝ ᱪᱮᱴᱨᱟ ᱨᱟᱠᱷᱟᱵᱤᱨ ᱢᱩᱸᱫᱽ ᱠᱷᱚᱱ ᱢᱤᱫ ᱵᱟᱜᱟᱱ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱵᱷᱤᱲᱟᱹᱣ ᱨᱮ ᱜᱮ ᱵᱟᱱᱫᱤᱯᱩᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱢᱮᱱᱟᱜᱼᱟ ᱾
| ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ | |
|---|---|
 | |
| Country |  India |
| State | Karnataka |
| District | Kodagu |
| Established | 1988 |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | |
᱑᱙᱙᱙ ᱨᱮ ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱓᱗ ᱟᱱᱟᱜ ᱪᱮᱴᱨᱟ ᱨᱟᱠᱷᱟᱵᱤᱨ ᱨᱮᱱᱟᱜ ᱢᱟᱹᱱ ᱮ ᱧᱟᱢ ᱠᱮᱫᱼᱟ ᱾ ᱱᱚᱶᱟ ᱨᱟᱠᱷᱟᱵᱤᱨ ᱫᱚ ᱱᱤᱞᱜᱤᱨᱤ ᱡᱤᱣᱤᱜᱩᱞᱟᱹᱴᱚᱢ (Nilgiri Biosphere Reserve) ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱖᱐᱐᱐ ᱜᱟᱺᱴ ᱠᱤᱞᱚᱢᱤᱴᱚᱨ ᱮᱨᱤᱭᱟ ᱛᱮ ᱟᱴᱮᱫ ᱟᱠᱟᱱ ᱯᱚᱥᱪᱤᱢᱜᱷᱟᱴ ᱵᱩᱨᱩᱢᱟᱞᱟ ᱨᱮᱱᱟᱜ ᱱᱤᱞᱜᱤᱨᱤ ᱪᱟᱸᱜᱟ ᱟᱨ ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ UNESCO ᱢᱤᱫ ᱡᱮᱜᱮᱛ ᱦᱮᱨᱤᱴᱟᱡᱽ ᱴᱷᱟᱶ ᱞᱮᱠᱟᱛᱮ ᱢᱟᱱᱚᱛ ᱞᱟᱹᱜᱤᱫ ᱮ ᱵᱤᱪᱟᱹᱨᱮᱫ ᱛᱟᱦᱮᱸᱫ ᱾[᱒]
ᱱᱚᱶᱟ ᱡᱟᱹᱛᱤᱟᱹᱨᱤ ᱵᱟᱜᱟᱱ ᱫᱚ ᱜᱟᱡᱟᱲ ᱵᱤᱨ ᱫᱟᱨᱮ ᱱᱟᱹᱬᱤ, ᱦᱩᱰᱤᱧ ᱢᱟᱨᱟᱝ ᱜᱟᱰᱟ ᱡᱷᱟᱨᱱᱟ, ᱵᱩᱨᱩ, ᱢᱟᱸᱡᱲᱟ ᱟᱨ ᱡᱷᱚᱨᱚᱱ ᱮᱢᱟᱱ ᱛᱮ ᱥᱟᱡᱟᱣ ᱟᱠᱟᱱ ᱾ ᱪᱮᱴᱨᱟ, ᱵᱤᱨ ᱠᱟᱰᱟ, ᱦᱟᱹᱛᱤ ᱮᱢᱟᱱ ᱠᱚᱣᱟᱜ ᱵᱟᱥᱟ ᱛᱷᱟᱱ ᱠᱟᱱᱟ ᱾
ᱚᱛᱱᱚ
ᱥᱟᱯᱲᱟᱣ
ᱵᱽᱨᱚᱢᱦᱚ ᱜᱤᱨᱤ ᱵᱩᱨᱩ ᱠᱷᱚᱱ ᱠᱚᱧᱮ ᱥᱮᱦᱮᱫ ᱠᱮᱨᱟᱞᱟ ᱦᱟᱹᱵᱤᱡ ᱢᱮᱱᱟᱜ ᱯᱚᱥᱪᱤᱢᱜᱷᱟᱴ ᱵᱩᱨᱩᱢᱟᱞᱟ ᱨᱮᱱᱟᱜ ᱵᱷᱤᱲᱟᱹᱣ ᱨᱮ ᱱᱟᱜᱟᱨᱦᱚᱲᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱢᱮᱱᱟᱜᱼᱟ ᱾ ᱱᱚᱶᱟ ᱵᱟᱜᱟᱱ ᱫᱚ ᱞᱟᱴᱤᱪᱩᱰ (latitude) 12° 15' 37.69" N ᱟᱨ ᱞᱚᱝᱜᱤᱪᱩᱰ (longitude) 76° 17' 34.4" E ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱖᱔᱓ ᱜᱟᱺᱴ ᱠᱤᱞᱚᱢᱤᱴᱚᱨ ᱮᱨᱤᱭᱟ ᱛᱮ ᱟᱴᱮᱫ ᱟᱠᱟᱱᱟ ᱟᱨ ᱵᱟᱱᱫᱤᱯᱩᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮᱱᱟᱜ ᱮᱛᱚᱢᱼᱥᱟᱢᱟᱝ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱾ ᱠᱚᱵᱤᱱᱤ ᱜᱟᱰᱟ ᱪᱮᱛᱟᱱ ᱨᱮ ᱢᱮᱱᱟᱜ ᱰᱮᱢ ᱫᱟᱜ ᱱᱚᱶᱟ ᱵᱟᱨᱭᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚᱭ ᱵᱟᱨ ᱦᱟᱹᱴᱤᱧ ᱟᱠᱟᱫᱼᱟ ᱾ ᱥᱟᱹᱢᱩᱫᱽᱼᱚᱛ ᱠᱷᱚᱱ ᱱᱚᱶᱟ ᱵᱟᱜᱟᱱ ᱫᱚ ᱖᱘᱗ ᱢᱤᱴᱚᱨ ᱠᱷᱚᱱ ᱙᱖᱐ ᱢᱤᱴᱚᱨ ᱩᱥᱩᱞ ᱨᱮ ᱢᱮᱱᱜᱼᱟ ᱾ ᱢᱚᱦᱤᱥᱩᱨ ᱱᱟᱜᱟᱨ ᱠᱷᱚᱱ ᱱᱚᱶᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱕᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱟᱨ ᱠᱚᱨᱱᱟᱴᱚᱠ ᱨᱮᱱᱟᱜ ᱨᱟᱡᱽᱜᱟᱲ ᱵᱮᱜᱟᱞᱩᱨᱩ ᱠᱷᱚᱱ ᱫᱚ ᱒᱒᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱱᱚᱶᱟ ᱨᱟᱠᱷᱟᱵᱤᱨ ᱢᱮᱱᱟᱜᱼᱟ ᱾[᱓]
ᱱᱟᱜᱟᱢ
ᱥᱟᱯᱲᱟᱣ
ᱱᱟᱜᱟᱨᱟ ᱢᱮᱱᱮᱛ ᱦᱩᱭᱩᱜ ᱟᱠᱟᱱ ᱠᱟᱹᱨᱱᱟᱹᱜᱤ ᱵᱤᱧ ᱟᱨ ᱦᱚᱲᱮ ᱢᱮᱱ ᱫᱚ ᱜᱟᱰᱟ ᱟᱨᱵᱟᱝ ᱱᱟᱞᱟ ᱾ ᱵᱤᱧ ᱞᱮᱠᱟ ᱞᱮᱧ ᱟᱠᱟᱱ ᱱᱟᱜᱟᱨᱦᱚᱲᱮ ᱧᱩᱛᱩᱢᱟᱜ ᱜᱟᱰᱟ ᱚᱱᱠᱟ ᱛᱮ ᱞᱤᱸᱡᱤᱜ ᱠᱟᱱᱛᱮ ᱱᱚᱶᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱦᱚᱸ ᱚᱱᱠᱟ ᱠᱚ ᱧᱩᱢ ᱟᱠᱟᱫᱼᱟ ᱾ ᱱᱚᱶᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱯᱟᱹᱦᱤᱞ ᱢᱚᱦᱤᱥᱩᱨ ᱯᱚᱱᱚᱛ ᱨᱮ ᱠᱚ ᱥᱟᱥᱚᱱᱮᱫ ᱣᱟᱰᱤᱣᱟᱨ ᱨᱟᱡᱽ ᱵᱚᱝᱥᱚ ᱨᱟᱡᱟ ᱠᱚᱣᱟᱜ ᱥᱮᱸᱫᱽᱨᱟ ᱴᱷᱟᱶ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱑᱙᱕᱕ ᱨᱮ ᱱᱚᱶᱟ ᱫᱚ ᱢᱤᱫ ᱨᱟᱠᱷᱟᱵᱤᱨ ᱨᱮᱱᱟᱜ ᱢᱟᱱᱚᱛ ᱮ ᱧᱟᱢ ᱠᱮᱫᱼᱟ ᱟᱨ ᱱᱚᱶᱟ ᱨᱟᱠᱷᱟ ᱵᱤᱨ ᱨᱮᱱᱟᱜ ᱮᱨᱤᱭᱟ ᱵᱟᱹᱲᱛᱤ ᱠᱟᱛᱮ ᱖᱔᱓.᱓᱙ ᱜᱟᱺᱴ ᱠᱤᱞᱚᱢᱤᱴᱚᱨ ᱚᱥᱟᱨᱵᱤᱥᱟᱹᱨ ᱠᱚ ᱵᱮᱱᱟᱣ ᱠᱟᱫᱼᱟ ᱾ ᱑᱙᱘᱘ ᱨᱮ ᱱᱚᱶᱟ ᱫᱚ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱢᱮᱱᱛᱮ ᱢᱟᱹᱱ ᱠᱚ ᱮᱢᱟᱫᱼᱟ ᱟᱨ ᱪᱮᱴᱨᱟ ᱨᱟᱠᱷᱟ ᱵᱤᱨ ᱢᱮᱱᱛᱮ ᱵᱤᱠᱱᱟᱹᱣ ᱮᱱᱟ ᱾[᱔]
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Nagarhole National Park Complete Guide | Nagarhole National Park". Nagarhole National Park (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Archived from the original on 2018-04-12. Retrieved 2017-09-30.
- ↑ UNESCO,. World Heritage sites, Tentative lists "World Heritage sites, Tentative lists, Western Ghats sub cluster, Nilgiris". Retrieved 20 April 2007.
{{cite web}}: Check|url=value (help)CS1 maint: extra punctuation (link) - ↑ HolidayIQ.com. "Bangalore to Nagarhole - distance, journey time & traveller reviews | HolidayIQ". www.holidayiq.com (in ᱟᱝᱜᱽᱨᱮᱡᱤ). Archived from the original on 2018-02-04. Retrieved 2018-02-04.
- ↑
"Protected Areas in Karnataka", Protected Area Network, ENVIS, archived from the original on 9 ᱚᱠᱴᱚᱵᱚᱨ 2011, retrieved 27 ᱯᱷᱮᱵᱽᱨᱩᱣᱟᱨᱤ 2012
{{citation}}: Unknown parameter|deadurl=ignored (help)