ᱵᱤᱱᱚᱫᱽ ᱠᱷᱟᱱᱱᱟ
ᱵᱤᱱᱚᱫᱽ ᱠᱷᱟᱱᱱᱟ (ᱤᱝᱨᱟᱹᱡᱤᱺ Vinod Khanna; ᱡᱟᱱᱟᱢᱺ ᱖ ᱚᱠᱴᱚᱵᱚᱨ ᱑᱙᱔᱖ - ᱜᱩᱨᱺ ᱒᱗ ᱮᱯᱨᱤᱞ ᱒᱐᱑᱗) ᱫᱚ ᱢᱤᱫᱴᱮᱱ ᱥᱤᱧᱚᱛ ᱫᱤᱥᱚᱢ ᱮᱠᱴᱚᱨ, ᱯᱨᱚᱰᱤᱭᱩᱥᱟᱨ ᱟᱨ ᱨᱟᱡᱟᱨᱤᱭᱟᱹᱭ ᱛᱟᱦᱮᱸᱠᱟᱱᱟ| ᱩᱱᱤ ᱫᱚ ᱵᱟᱨᱭᱟ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱟᱹᱭ ᱦᱟᱢᱮᱴ ᱞᱮᱫᱟ| ᱩᱱᱤ ᱫᱚ ᱜᱩᱨᱩᱫᱟᱥᱯᱩᱨ ᱴᱚᱴᱷᱟ ᱠᱷᱚᱱ ᱑᱙᱙᱘ ᱠᱷᱚᱱ ᱒᱐᱐᱙ ᱦᱟᱹᱵᱤᱡ ᱟᱨ ᱒᱐᱑᱔ ᱠᱷᱚᱱ ᱒᱐᱑᱗ ᱦᱟᱹᱵᱤᱡ ᱮᱢᱹᱯᱤᱹ ᱭᱮ ᱛᱟᱦᱮᱸᱠᱟᱱᱟ| ᱩᱱᱤ ᱫᱚ ᱒᱐᱐᱒ ᱥᱮᱨᱢᱟ ᱨᱮ ᱚᱴᱚᱞ ᱵᱤᱦᱟᱨᱤ ᱵᱟᱡᱽᱯᱤᱭᱟᱜ ᱥᱟᱨᱠᱟᱨ ᱨᱮ ᱠᱟᱞᱪᱟᱨ ᱟᱨ ᱴᱳᱣᱨᱤᱥᱢ ᱢᱤᱱᱤᱥᱴᱟᱨᱮ ᱛᱟᱦᱮᱸᱠᱟᱱᱟ| ᱛᱩᱨᱩᱭ ᱪᱟᱱᱫᱚ ᱛᱟᱭᱱᱚᱢ, ᱩᱱᱤ ᱫᱚ ᱮᱥᱠᱴᱨᱟᱱᱟᱞ ᱮᱯᱷᱟᱭᱟᱨᱴ ᱨᱮᱱ ᱯᱚᱱᱚᱛ ᱢᱚᱱᱛᱨᱤᱭᱮ ᱦᱚᱭ ᱞᱮᱱᱟ|
| ᱵᱤᱱᱚᱫᱽ ᱠᱷᱟᱱᱱᱟ | |
|---|---|
.jpg) ᱵᱤᱱᱚᱫᱽ ᱠᱷᱟᱱᱱᱟ ᱒᱐᱑᱒ ᱥᱮᱨᱢᱟ ᱨᱮ ᱤᱥᱟ ᱫᱤᱣᱟᱞᱟᱜ ᱵᱟᱯᱞᱟ ᱨᱮ | |
| ᱠᱟᱞᱪᱟᱨ ᱟᱨ ᱴᱳᱣᱨᱤᱥᱢ ᱢᱤᱱᱤᱥᱴᱟᱨ | |
| ᱟᱹᱢᱟᱹᱞᱤ ᱨᱮ ᱡᱩᱞᱟᱭ ᱒᱐᱐᱒ – ᱡᱟᱱᱩᱣᱟᱨᱤ ᱒᱐᱐᱓ | |
| ᱯᱚᱱᱚᱛ External Affairs ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱡᱟᱱᱩᱣᱟᱨᱤ ᱒᱐᱐᱓ – ᱢᱮᱹ ᱒᱐᱐᱔ | |
| ᱫᱤᱥᱚᱢ ᱫᱚᱨᱵᱟᱨ | |
| ᱟᱹᱢᱟᱹᱞᱤ ᱨᱮ ᱒᱖ ᱢᱮᱹ ᱒᱐᱑᱔ – ᱒᱗ ᱮᱯᱨᱤᱞ ᱒᱐᱑᱗ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱯᱨᱟᱛᱟᱯ ᱥᱤᱝ ᱵᱟᱡᱽᱣᱟ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱥᱩᱱᱤᱞ ᱡᱟᱠᱦᱟᱨ |
| ᱟᱹᱢᱟᱹᱞᱤ ᱨᱮ ᱑᱙᱙᱘ – ᱒᱐᱐᱙ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱩᱠᱦᱵᱩᱱᱥ ᱠᱳᱣᱨ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱯᱨᱟᱛᱟᱯ ᱥᱤᱝ ᱵᱟᱡᱽᱣᱟ |
| ᱵᱟᱪᱱᱟᱣ ᱮᱞᱮᱠᱟ | ᱜᱩᱨᱩᱰᱟᱯᱩᱨ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱖ ᱚᱠᱴᱚᱵᱚᱨ ᱑᱙᱔᱖ ᱯᱮᱥᱣᱟᱨ, ᱯᱟᱠᱤᱥᱛᱟᱱ |
| ᱜᱩᱨ | ᱒᱗ ᱮᱯᱨᱤᱞ ᱒᱐᱑᱗ (᱗᱐ ᱵᱚᱭᱚᱥ) ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
| ᱨᱟᱡᱽᱟᱹᱨᱤ ᱫᱚᱞ | ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ |
| ᱡᱤᱭᱚᱱ ᱥᱚᱦᱮᱫ | ᱜᱤᱛᱟᱧᱡᱟᱞᱤ[᱑] ᱠᱟᱵᱤᱛᱟ ᱫᱟᱯᱛᱟᱨᱤ |
| ᱦᱚᱯᱚᱱ | ᱔ |
| ᱠᱟᱹᱢᱤ | ᱮᱠᱴᱚᱨ, ᱨᱟᱡᱟᱨᱤ |
| ᱥᱤᱨᱯᱷᱟᱹ | ᱫᱟᱫᱟ ᱥᱟᱦᱮᱵᱽ ᱯᱷᱟᱞᱠᱮ ᱥᱤᱨᱯᱟᱹ |
ᱮᱛᱚᱦᱚᱵ ᱡᱤᱭᱚᱱ
ᱥᱟᱯᱲᱟᱣᱵᱤᱱᱚᱫᱽ ᱠᱷᱟᱱᱱᱟ ᱫᱚ ᱢᱤᱫᱴᱮᱱ ᱦᱤᱱᱫᱩ ᱯᱟᱧᱡᱟᱵᱤ ᱜᱷᱟᱨᱚᱧᱡᱽ ᱨᱮᱭᱮ ᱡᱟᱱᱟᱢ ᱞᱮᱱᱟ| ᱩᱱᱤ ᱨᱮᱱ ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸᱠᱟᱱᱟ ᱠᱨᱤᱥᱱᱟ ᱪᱟᱱᱫᱽ ᱠᱷᱟᱱᱱᱟ ᱟᱨ ᱮᱝᱜᱟᱛ ᱴᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸᱠᱟᱱᱟ ᱠᱟᱢᱞᱟ ᱠᱷᱟᱱᱱᱟ| ᱩᱱᱤᱭᱟ ᱡᱟᱱᱟᱢ ᱫᱚ ᱖ ᱚᱠᱴᱚᱵᱚᱨ ᱑᱙᱔᱖ ᱢᱟᱹᱦᱤᱛ ᱨᱮ ᱦᱚᱭ ᱞᱮᱱᱟ ᱯᱮᱥᱣᱟᱨ ᱵᱽᱨᱤᱴᱤᱥ ᱤᱱᱰᱤᱭᱟ ᱨᱮ (ᱱᱟᱦᱟᱜ ᱯᱟᱠᱤᱥᱛᱟᱱ)| ᱩᱱᱤ ᱨᱮᱱ ᱫᱚ ᱯᱮᱭᱟ ᱢᱤᱥᱨᱟ ᱠᱚ ᱛᱟᱦᱮᱸᱠᱟᱱᱟ ᱟᱨ ᱢᱤᱫᱴᱮᱱ ᱵᱚᱭᱦᱟ| ᱩᱱᱤ ᱡᱟᱱᱟᱢ ᱛᱟᱭᱱᱚᱯᱢ ᱜᱮ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱦᱟᱯᱟᱴᱤᱧ ᱦᱚᱭ ᱞᱮᱱᱟ ᱟᱨ ᱩᱱᱠᱚᱣᱟᱜ ᱜᱷᱟᱨᱚᱧᱡᱽ ᱫᱚ ᱯᱮᱥᱣᱟᱨ ᱵᱟᱹᱜᱤ ᱠᱟᱛᱮ ᱵᱚᱢᱵᱮ (ᱢᱩᱢᱵᱟᱭ) ᱠᱚ ᱦᱮᱡ ᱞᱮᱱᱟ|
ᱟᱡᱟᱜ ᱡᱤᱭᱚᱱ
ᱥᱟᱯᱲᱟᱣᱠᱷᱟᱱᱱᱟ ᱫᱚ ᱟᱡ ᱨᱮᱱ ᱯᱟᱹᱦᱤᱞ ᱮᱨᱟᱛ ᱠᱚᱞᱮᱡᱽ ᱨᱮᱭᱮ ᱧᱟᱯᱟᱢ ᱞᱮᱫᱮᱭᱟ, ᱩᱱᱤᱭᱟᱜ ᱧᱩᱛᱩᱢ ᱫᱚ ᱛᱟᱦᱮᱸᱠᱟᱱᱟ ᱜᱤᱛᱟᱧᱡᱚᱞᱤ ᱛᱟᱞᱮᱭᱟᱨ ᱠᱷᱟᱱ| ᱵᱤᱱᱚᱫᱽ ᱠᱷᱟᱱᱱᱟ ᱫᱚ ᱩᱱᱤ ᱥᱟᱶ ᱑᱙᱗᱑ ᱥᱮᱨᱢᱟ ᱨᱮᱭᱮ ᱵᱟᱯᱞᱟ ᱞᱮᱱᱟ| ᱩᱱᱤ ᱛᱤ ᱨᱮᱱ ᱵᱟᱨᱭᱟ ᱠᱚᱲᱟ ᱦᱚᱯᱚᱱ ᱠᱤᱱ ᱦᱚᱭ ᱞᱮᱱᱟ, ᱢᱤᱫᱴᱮᱱ ᱫᱚ ᱨᱟᱦᱩᱞ ᱠᱷᱟᱱᱱᱟ ᱟᱨ ᱢᱤᱫᱴᱮᱱ ᱫᱚ ᱟᱠᱥᱟᱭ ᱠᱷᱟᱱᱱᱟ, ᱩᱱᱠᱤᱱ ᱵᱟᱱᱟ ᱦᱚᱲ ᱜᱮ ᱵᱚᱞᱤᱣᱩᱰ ᱥᱩᱯᱟᱨ ᱥᱴᱟᱨ ᱠᱤᱱ ᱦᱚᱭᱱᱟ| ᱑᱙᱗᱕ ᱥᱮᱨᱢᱟ ᱨᱮ ᱩᱱᱤ ᱰᱚ ᱚᱥᱷᱚ ᱨᱮᱱ ᱪᱮᱞᱟᱭ ᱦᱚᱭ ᱞᱮᱱᱟ ᱟᱨ ᱑᱙᱘᱐ ᱜᱮᱞᱟᱱᱟᱜ ᱥᱮᱨᱢᱟ ᱨᱮ ᱨᱟᱡᱽᱱᱤᱥᱯᱩᱨᱟᱢ ᱛᱮᱭᱮ ᱪᱷᱟᱹᱴᱤᱭᱟᱹᱨ ᱥᱮᱱ ᱞᱮᱱᱟ| ᱵᱤᱱᱚᱫᱽ ᱠᱷᱟᱱᱱᱟ ᱨᱟ ᱜᱤᱛᱟᱧᱡᱚᱞᱤᱭᱟᱜ ᱥᱟᱠᱟᱢ ᱚᱲᱮᱡ ᱫᱚ ᱑᱙᱘᱕ ᱥᱮᱨᱢᱟ ᱨᱮ ᱦᱚᱭ ᱞᱮᱱᱟ|
ᱨᱟᱡᱟᱨᱤ
ᱥᱟᱯᱲᱟᱣ᱑᱙᱙᱗ ᱥᱮᱨᱢᱟ ᱨᱮ ᱵᱤᱱᱚᱫᱽ ᱠᱷᱟᱱᱱᱟ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱮᱭᱮ ᱵᱚᱞᱚ ᱞᱮᱱᱟ ᱟᱨ ᱫᱚᱥᱟᱨ ᱥᱮᱨᱢᱟ ᱜᱩᱨᱩᱫᱟᱥᱯᱩᱨ ᱞᱚᱠ ᱥᱚᱵᱷᱟ ᱴᱚᱴᱷᱟ ᱠᱷᱚᱱ ᱵᱷᱚᱴ ᱨᱮᱭᱮ ᱛᱤᱝᱜᱩ ᱞᱮᱱᱟ| ᱑᱙᱙᱙ ᱥᱮᱨᱢᱟ ᱨᱮ ᱩᱱ᱾ ᱰᱚ ᱟᱨᱦᱚᱸ ᱫᱚᱥᱟᱨ ᱫᱷᱟᱣ ᱞᱟᱹᱜᱤᱫ ᱚᱱᱰᱮ ᱠᱷᱚᱱ ᱜᱮᱭᱮ ᱡᱤᱛᱟᱹᱣ ᱞᱮᱱᱟ| ᱛᱟᱭᱱᱚᱢ ᱛᱮ ᱒᱐᱐᱒ ᱥᱮᱨᱢᱟ ᱨᱮ ᱩᱱᱤ ᱫᱚ ᱠᱟᱞᱪᱟᱨ ᱟᱨ ᱴᱳᱣᱨᱤᱥᱢ ᱢᱤᱱᱤᱥᱴᱟᱨᱮ ᱦᱚᱭ ᱞᱮᱱᱟ, ᱡᱚᱞᱟᱭ ᱪᱟᱱᱫᱚ ᱨᱮ| ᱛᱩᱨᱩᱭ ᱪᱟᱱᱫᱚ ᱛᱟᱭᱱᱚᱢ ᱮᱠᱥᱴᱟᱨᱱᱟᱞ ᱮᱯᱷᱟᱭᱟᱨ ᱨᱮ ᱯᱚᱱᱚᱛ ᱢᱚᱱᱛᱨᱤᱭᱮ ᱦᱚᱭ ᱞᱮᱱᱟ| ᱒᱐᱐᱔ ᱥᱮᱨᱢᱟ ᱨᱮ ᱩᱱᱤ ᱫᱚ ᱟᱨᱦᱚᱸ ᱜᱩᱨᱩᱫᱟᱥᱯᱩᱨ ᱠᱷᱚᱱ ᱜᱮᱭᱮ ᱡᱤᱛᱟᱹᱣ ᱞᱮᱱᱟ| ᱢᱮᱱᱠᱷᱟᱱ ᱒᱐᱐᱙ ᱥᱮᱨᱢᱟ ᱵᱟᱪᱷᱱᱟᱣ ᱨᱮ ᱫᱚᱭ ᱦᱟᱨᱟᱣ ᱞᱮᱱᱟ| ᱒᱐᱑᱔ ᱥᱮᱨᱢᱟ ᱨᱮ ᱟᱨᱦᱚᱸ ᱩᱱᱤ ᱫᱚ ᱜᱩᱨᱩᱫᱟᱥᱯᱩᱨ ᱞᱚᱠ ᱥᱚᱵᱦᱟ ᱴᱚᱴᱷᱟ ᱠᱷᱚᱱ ᱜᱮᱭᱮ ᱛᱤᱝᱜᱩ ᱞᱮᱱᱟᱥ|
ᱥᱟ.ᱠᱷᱭᱟ.ᱛ
ᱥᱟᱯᱲᱟᱣ- ↑ "'Women have the hots for me? What words you use!' Vinod Khanna, the sly charmer". Scroll.in. April 27, 2017. Retrieved July 30, 2018.