ᱵᱤᱱᱳᱵᱟ ᱵᱷᱟᱵᱮ

ᱟᱪᱟᱨᱡᱚ ᱵᱤᱱᱳᱵᱟ ᱵᱷᱟᱵᱮ (᱑᱑ ᱥᱮᱯᱴᱮᱢᱵᱚᱨ ᱑᱘᱙᱕-᱑᱕ ᱱᱚᱵᱷᱮᱢᱵᱚᱨ᱑᱙᱘᱒) ᱵᱷᱟᱨᱚᱛ ᱨᱤᱱᱤᱡ ᱯᱷᱩᱨᱜᱟᱹᱞ ᱦᱩᱞᱥᱟᱹᱭᱤᱭᱟᱹ, ᱥᱟᱶᱛᱟᱨᱤ ᱠᱟᱹᱢᱤᱭᱟᱹ, ᱟᱨ ᱧᱩᱛᱩᱢᱟᱱ ᱜᱟᱹᱱᱫᱷᱤᱭᱟᱹ ᱱᱮᱛᱟᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤᱭᱟᱜ ᱢᱩᱬ ᱧᱩᱛᱩᱢ ᱫᱚ ᱵᱤᱱᱟᱭᱚᱠ ᱱᱚᱨᱚᱦᱚᱨᱤ ᱵᱷᱟᱵᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱟᱡᱟᱜ ᱡᱤᱭᱚᱱ ᱨᱮᱭᱟᱜ ᱢᱩᱪᱟᱹᱫ ᱚᱠᱛᱚ ᱫᱚ ᱯᱳᱱᱟᱨ ᱢᱚᱦᱟᱨᱟᱥᱴᱨᱚ ᱨᱮᱭᱟᱜ ᱟᱥᱨᱚᱢ ᱨᱮᱭ ᱠᱷᱮᱢᱟᱣ ᱟᱠᱟᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱵᱷᱩᱫᱟᱱ ᱦᱩᱞᱥᱟᱹᱭ ᱮ ᱮᱛᱚᱦᱚᱵ ᱠᱮᱜ-ᱟ ᱾ ᱤᱸᱫᱽᱨᱟᱜᱟᱸᱫᱷᱤ ᱦᱚᱛᱮᱛᱮ ᱵᱤᱠᱱᱟᱹᱣ ᱞᱮᱱ ᱮᱢᱚᱨᱡᱮᱸᱥᱤ ᱫᱚ "ᱰᱤᱥᱤᱯᱞᱤᱱ ᱜᱟᱞᱟ" ᱢᱮᱱᱛᱮᱭ ᱢᱮᱛᱟᱫ ᱠᱷᱟᱹᱛᱤᱨ ᱵᱤᱵᱟᱹᱫᱽ ᱨᱮᱦᱚᱸᱭ ᱛᱟᱦᱮᱸ ᱠᱟᱱᱟ ᱾

ᱵᱤᱱᱳᱵᱟ ᱵᱷᱟᱵᱮ

ᱵᱤᱱᱳᱵᱟ ᱵᱷᱟᱵᱮ

ᱡᱟᱱᱟᱢ

ᱡᱟᱱᱟᱢ :- ᱵᱤᱱᱟᱭᱚᱠ ᱱᱚᱨᱚᱦᱚᱨᱤ ᱵᱷᱟᱵᱮ, ᱑᱑ ᱥᱮᱯᱴᱮᱢᱵᱚᱨ ᱑᱘᱙᱕, ᱜᱟᱜᱳᱰᱮ, ᱯᱮᱱ, ᱦᱚᱱᱚᱛ - ᱨᱟᱡᱽᱜᱚᱰ, ᱵᱷᱟᱨᱚᱛ ᱾

ᱜᱩᱨ :- ᱑᱕ ᱱᱚᱵᱷᱮᱢᱵᱚᱨ ᱑᱙᱘᱒, (ᱵᱚᱭᱚᱥ ᱘᱗) ᱯᱳᱱᱟᱨ, ᱵᱟᱨᱫᱷᱟ ᱾

ᱧᱩᱛᱩᱢᱚᱜ ᱮᱛᱮᱫ :- ᱵᱷᱩᱫᱟᱱ ᱦᱩᱞᱥᱟᱹᱭ ᱾

ᱥᱤᱨᱯᱷᱟᱹ :- ᱡᱮᱜᱮᱛᱟᱹᱨᱤ ᱨᱳᱢᱟᱱ ᱥᱤᱨᱯᱷᱟᱹ ᱑᱙᱕᱘, ᱵᱷᱟᱨᱚᱛ ᱨᱚᱛᱱᱚ ᱑᱙᱘᱓ ᱾

ᱜᱟᱱᱫᱷᱤ ᱟᱨ ᱵᱤᱱᱳᱵᱷᱟ

ᱡᱤᱭᱚᱱ ᱩᱯᱨᱩᱢ

ᱵᱤᱱᱚᱵᱟ ᱵᱷᱟᱵᱮᱭᱟᱜ ᱢᱩᱬ ᱧᱩᱛᱩᱢ ᱫᱚ ᱵᱤᱱᱟᱭᱚᱠ ᱱᱚᱨᱦᱚᱨᱤ ᱵᱷᱟᱵᱮ ᱛᱟᱦᱮᱸ ᱠᱟᱱᱟ ᱾ ᱢᱚᱦᱟᱨᱟᱥᱴᱨᱚ ᱨᱮᱭᱟᱜ ᱠᱚᱸᱠᱚᱬ ᱴᱚᱴᱷᱟᱨᱮ ᱢᱤᱫ ᱟᱹᱛᱩ ᱢᱮᱱᱟᱜ-ᱟ, ᱜᱟᱜᱳᱫᱟ ᱾ ᱚᱸᱰᱮ ᱪᱤᱛᱯᱟᱵᱚᱱ ᱵᱨᱟᱢᱦᱚᱬ ᱠᱚ ᱛᱟᱦᱮᱸ ᱠᱟᱱᱟ, ᱱᱚᱨᱦᱚᱨᱤ ᱵᱷᱟᱵᱮ ᱾ ᱮᱞᱠᱷᱟ ᱫᱩᱞᱟᱹᱲᱤᱭᱟᱹ ᱟᱨ ᱥᱟᱬᱮᱥ ᱪᱮᱛᱟᱱ ᱨᱮ ᱦᱩᱫᱤᱥᱤᱭᱟᱹ ᱾ ᱨᱚᱥᱟᱭᱚᱱ ᱥᱟᱬᱮᱥ ᱨᱮ ᱤᱱᱤᱭᱟᱜ ᱨᱚᱪ ᱛᱟᱦᱮᱸ ᱠᱟᱱᱟ ᱾ ᱤᱱᱟᱹ ᱚᱠᱛᱚ ᱨᱮ ᱨᱚᱝ ᱫᱚ ᱵᱟᱦᱨᱮ ᱠᱷᱚᱱ ᱟᱹᱜᱩ ᱦᱩᱭᱩᱜ ᱠᱟᱱ ᱛᱟᱦᱮᱸᱱ ᱾ ᱱᱚᱨᱦᱚᱨᱤ ᱵᱷᱟᱵᱮ ᱫᱚ ᱥᱤᱧ ᱧᱤᱸᱫᱟᱹ ᱨᱚᱝ ᱛᱚᱞᱟᱥ ᱨᱮᱭ ᱛᱟᱦᱮᱸᱱ ᱠᱚᱜ ᱠᱟᱱ ᱛᱟᱦᱮᱸᱫ ᱾ ᱵᱟᱥ ᱢᱤᱫ ᱥᱟᱰᱮ ᱜᱮ ᱛᱟᱦᱮᱸ ᱠᱟᱱᱟ ᱩᱱᱤᱭᱟᱜ ᱡᱮ ᱵᱷᱟᱨᱚᱛ ᱨᱮ ᱱᱚᱣᱟ ᱢᱟᱸᱵᱽᱞᱟ ᱨᱮ ᱟᱡ ᱪᱮᱛᱟᱱ ᱨᱮ ᱞᱟᱫᱮᱜ ᱞᱮᱠᱟ ᱵᱮᱱᱟᱣ ᱫᱟᱲᱮᱭᱟᱭ ᱨᱮᱭᱟᱜ ᱾ ᱩᱱᱤᱭᱤᱡ ᱟᱭᱳ ᱨᱩᱠᱢᱤᱬᱤ ᱵᱟᱭᱤ ᱢᱤᱫ ᱟᱹᱰᱤ ᱪᱚᱨᱚᱠ ᱠᱩᱲᱤᱭ ᱛᱟᱦᱮᱸ ᱠᱟᱱᱟ ᱾ ᱱᱮᱢᱚᱥ ᱢᱚᱱᱮ ᱟᱨ ᱵᱚᱸᱜᱟ ᱵᱳᱨᱳ ᱥᱮᱵᱟ ᱨᱮᱭ ᱩᱱᱩᱢ ᱠᱚᱜ ᱛᱟᱦᱮᱸᱱ ᱾ ᱱᱚᱣᱟ ᱨᱮᱭᱟᱜ ᱚᱨᱥᱚᱝ ᱟᱡᱟᱜ ᱫᱤᱱᱟᱹᱢ ᱦᱤᱞᱚᱜ ᱠᱟᱹᱢᱤ ᱨᱮᱦᱚᱸ ᱯᱟᱲᱟᱵ ᱠᱟᱱ ᱛᱟᱦᱮᱸᱱ ᱾ ᱢᱚᱱᱮ ᱛᱟᱭ ᱮᱴᱟᱜ ᱥᱮᱫ ᱨᱮ ᱫᱟᱬᱟᱱ ᱡᱚᱦᱚᱜ ᱫᱚ ᱚᱠᱟ ᱡᱚᱦᱚᱜ ᱩᱛᱩ ᱨᱮ ᱵᱩᱞᱩᱝ ᱮ ᱠᱚᱢ ᱛᱟᱦᱮᱸᱱ, ᱚᱠᱟ ᱡᱚᱦᱚᱜ ᱫᱚᱭ ᱰᱷᱮᱨ ᱛᱟᱦᱮᱸᱱ ᱾ ᱚᱠᱟ ᱡᱚᱦᱚᱜ ᱫᱚ ᱫᱟᱹᱞ ᱨᱮ ᱦᱤᱸᱜᱽ ᱞᱟᱜᱟᱣ ᱮ ᱦᱤᱲᱤᱧ ᱛᱟᱦᱮᱸᱱ ᱟᱨ ᱚᱠᱟ ᱡᱚᱦᱚᱜ ᱫᱚ ᱪᱮᱫ ᱦᱚᱸ ᱵᱟᱝ ᱞᱟᱜᱟᱣ ᱠᱟᱛᱮ ᱜᱮᱭ ᱞᱩ ᱟᱠᱚ ᱛᱟᱦᱮᱸᱫ ᱾ ᱯᱩᱨᱟᱹ ᱚᱲᱟᱜ ᱵᱚᱸᱜᱟ ᱵᱳᱨᱳ ᱠᱚᱣᱟᱜ ᱨᱟᱥᱟ ᱛᱮ ᱩᱱᱩᱢ ᱰᱩᱵᱵᱩᱡ ᱯᱮᱨᱮᱡ ᱠᱚᱜ ᱛᱟᱦᱮᱸᱱ ᱾ ᱚᱱᱟ ᱠᱷᱟᱹᱛᱤᱨ ᱱᱚᱣᱟ ᱠᱟᱹᱴᱤᱡ ᱢᱟᱹᱴᱤᱡ ᱠᱟᱛᱷᱟ ᱥᱮᱫ ᱟᱨ ᱚᱠᱚᱭᱟᱜ ᱦᱚᱸ ᱫᱷᱮᱭᱟᱱ ᱜᱮ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱱᱚᱝᱠᱟᱱ ᱦᱚᱭ ᱦᱤᱥᱤᱫ ᱨᱮᱜᱮ ᱑᱑ ᱥᱮᱯᱴᱮᱢᱵᱚᱨ ᱑᱘᱙᱕ ᱥᱟᱞᱮᱨᱮ ᱵᱤᱱᱚᱵᱟ ᱵᱷᱟᱵᱮ ᱭᱟᱜ ᱡᱟᱱᱟᱢ ᱦᱩᱭ ᱮᱱᱟ ᱾ ᱩᱱᱤᱭᱟᱜ ᱜᱤᱫᱽᱨᱟᱹ ᱧᱩᱛᱩᱢ ᱫᱚ ᱛᱟᱵᱮᱸ ᱠᱟᱱᱟ ᱵᱤᱱᱟᱭᱚᱠ ᱾ ᱟᱡ ᱟᱭᱳ ᱫᱚ ᱩᱱᱤ ᱫᱩᱞᱟᱹᱲ ᱛᱮ ᱵᱤᱱᱭᱟ ᱢᱮᱱᱛᱮᱭ ᱦᱚᱦᱚ ᱟᱭ ᱛᱟᱦᱮᱸᱱ ᱾ ᱵᱤᱱᱚᱵᱟ ᱥᱟᱣᱶᱛᱮ ᱨᱩᱠᱢᱤᱬᱤ ᱨᱤᱱ ᱟᱨ ᱦᱚᱸ ᱵᱟᱨᱭᱟ ᱦᱚᱯᱚᱱ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱵᱟᱞᱠᱳᱵᱟ ᱟᱨ ᱥᱤᱵᱟᱡᱤ ᱾ ᱵᱤᱱᱟᱭᱚᱠ ᱠᱷᱚᱱ ᱦᱩᱰᱤᱧᱤᱡ ᱵᱟᱞᱠᱳᱵᱟ ᱟᱨ ᱥᱤᱵᱟᱡᱤ ᱫᱚ ᱡᱷᱚᱛᱚ ᱠᱷᱚᱱ ᱦᱩᱰᱤᱧᱤᱡ ᱾ ᱵᱤᱱᱚᱵᱟ ᱧᱤᱛᱩᱢ ᱫᱚ ᱜᱟᱸᱫᱷᱤᱡᱤᱭ ᱧᱩᱛᱩᱢ ᱞᱮᱫᱮᱭᱟ ᱾ ᱢᱚᱦᱟᱨᱟᱥᱨᱚ ᱨᱮ ᱧᱩᱛᱩᱢ ᱛᱟᱭᱚᱢ ᱨᱮ 'ᱵᱟ' ᱞᱟᱜᱟᱣ ᱨᱮᱭᱟᱜ ᱡᱟᱦᱟᱸ ᱨᱤᱛ ᱢᱮᱱᱟᱜ-ᱟ, ᱚᱱᱟ ᱞᱮᱠᱟᱛᱮ ᱾ ᱛᱩᱠᱳᱵᱟ, ᱵᱤᱴᱷᱳᱵᱟ ᱟᱨ ᱵᱤᱱᱳᱵᱟ ᱾

ᱜᱤᱫᱽᱨᱟᱹ ᱚᱠᱛᱚ

ᱵᱤᱱᱳᱵᱷᱟ ᱨᱤᱱ ᱚᱱᱠᱟ ᱢᱟ ᱟᱨ ᱦᱚᱸ ᱵᱟᱨ ᱦᱚᱲ ᱠᱟᱹᱴᱤᱡ ᱵᱚᱭᱦᱟ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱤᱠᱷᱟᱹᱱ ᱟᱭᱳᱣᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱫᱩᱞᱟᱹᱲ ᱫᱚ ᱵᱤᱱᱳᱵᱷᱟ ᱜᱮᱭ ᱧᱟᱢ ᱞᱮᱜ-ᱟ ᱾ ᱩᱭᱦᱟᱹᱨ ᱦᱩᱰᱩᱜ ᱴᱷᱟᱶ ᱨᱮᱦᱚᱸ ᱵᱤᱱᱳᱵᱷᱟ ᱜᱮ ᱟᱡ ᱱᱤᱡᱮ ᱟᱡ ᱵᱟᱵᱟ ᱠᱷᱚᱱ ᱵᱟᱹᱲᱛᱤ ᱫᱚ ᱟᱡ ᱟᱭᱳ ᱥᱩᱨ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱦᱟᱞᱚᱛ ᱜᱮ ᱨᱩᱠᱢᱤᱬᱤ ᱵᱟᱭᱤ ᱟᱜ ᱦᱚᱸ ᱛᱟᱦᱮᱸ ᱠᱟᱱᱟ, ᱯᱮ ᱦᱚᱲ ᱦᱚᱯᱚᱱ ᱠᱷᱚᱱ ᱵᱤᱱᱟᱭᱚᱠ ᱜᱮ ᱟᱡ ᱟᱭᱳᱣᱟᱜ ᱡᱚᱛᱚ ᱠᱷᱚᱱ ᱥᱩᱨ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱵᱚᱸᱜᱟ ᱵᱳᱨᱳ ᱴᱷᱮᱱ ᱮ ᱟᱞᱟᱭ ᱟᱠᱟᱱ ᱛᱟᱦᱮᱸᱱ ᱾ ᱟᱭᱳᱣᱟᱜ ᱥᱮᱪᱮᱫ ᱨᱮᱭᱟᱜ ᱚᱨᱥᱚᱝ, ᱥᱩᱠ ᱥᱩᱵᱤᱫᱷᱟ ᱞᱟᱹᱜᱤᱫ ᱢᱚᱠᱚᱧ ᱜᱚᱫᱚᱜ ᱟᱨ ᱟᱞᱟᱭᱚᱜ ᱨᱮᱭᱟᱜ ᱩᱭᱦᱟᱹᱨ ᱫᱚ ᱵᱤᱱᱳᱵᱷᱟ ᱴᱷᱮᱱ ᱜᱤᱫᱽᱨᱟᱹ ᱚᱠᱛᱚ ᱠᱷᱚᱱ ᱜᱮ ᱩᱱᱤᱭᱟᱜ ᱪᱩᱨᱤᱛ ᱨᱮᱭᱟᱜ ᱢᱤᱫ ᱦᱟᱹᱴᱤᱧ ᱵᱮᱱᱟᱣ ᱦᱩᱭ ᱟᱠᱟᱱ ᱛᱟᱦᱮᱸᱱ ᱾ ᱟᱭᱳᱣᱟᱜ ᱢᱚᱱᱮᱨᱮ ᱡᱟᱦᱟᱸᱱᱟᱜ ᱟᱹᱲᱡᱷᱟᱹᱣ ᱛᱟᱦᱮᱸᱱ ᱠᱷᱟᱱ ᱚᱱᱟ ᱥᱚᱞᱦᱮ ᱞᱟᱹᱜᱤᱫ ᱵᱤᱱᱟᱭᱚᱠ ᱜᱮ ᱟᱡ ᱟᱭᱳᱭ ᱜᱚᱲᱚ ᱟᱭᱟ ᱾ ᱵᱚᱸᱜᱟ ᱵᱳᱨᱳ ᱪᱮᱛᱟᱱ ᱨᱮ ᱡᱟᱦᱟᱸᱱᱟᱜ ᱮᱴᱠᱮᱴᱚᱬᱮ ᱦᱩᱭᱩᱜ ᱨᱮ ᱚᱱᱟ ᱞᱟᱹᱜᱤᱫ ᱦᱚᱸ ᱵᱤᱱᱳᱵᱷᱟ ᱜᱮ ᱠᱟᱹᱢᱤ ᱨᱮᱭ ᱦᱟᱹᱡᱩᱜ-ᱟ ᱾ ᱩᱱᱟᱹᱜ ᱫᱷᱟᱹᱵᱤᱡ ᱡᱮ ᱡᱩᱫᱤ ᱡᱤᱛᱟᱹ ᱱᱚᱨᱦᱚᱨᱤ ᱵᱷᱟᱵᱮ ᱦᱚᱸ ᱡᱟᱦᱟᱸᱱᱟᱜ ᱮ ᱢᱮᱱ ᱠᱷᱟᱱ ᱚᱱᱟᱨᱮ ᱵᱤᱱᱳᱵᱷᱟ ᱦᱟᱜ ᱴᱷᱟᱹᱣᱠᱟᱹᱱ ᱜᱮ ᱡᱚᱛᱚ ᱠᱷᱚᱱ ᱢᱟᱬᱟᱝ ᱨᱮ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾

ᱟᱨ ᱦᱚᱸ ᱧᱮᱞ ᱢᱮ

https://en.m.wikipedia.org/wiki/List_of_peace_activists

https://en.m.wikipedia.org/wiki/Mohandas_Karamchand_Gandhi

https://en.m.wikipedia.org/wiki/Gandhism

https://en.m.wikipedia.org/wiki/Lanza_del_Vasto

ᱥᱟᱹᱠᱷᱭᱟᱹᱛ

http://www.markshep.com/nonviolence/GT_Vinoba.html Archived ᱒᱐᱑᱐-᱐᱑-᱑᱔ at the Wayback Machine.

http://gandhiashramsevagram.org/pdf-books/nature-cure.pdf

http://www.aarogya.com/complementary-medicine/naturopathy/the-nisargopachar-ashram-naturopathic-centre-urulikanchan-pune.html

http://www.rmaf.org.ph/newrmaf/main/awardees/awardee/biography/252 Archived ᱒᱐᱒᱐-᱐᱓-᱐᱗ at the Wayback Machine.

https://books.google.com/books?id=4VnuMXLK8z8C&pg=PA6&lpg=PA6&dq=%22balkoba+bhave%22&source=bl&ots=gA4A-Wna5N&sig=CkSNVQpLFXqeCKMgFzJIwp1gDcI&hl=en&sa=X&ved=0ahUKEwjexZW5i_PUAhVCej4KHRyiAms4ChDoAQgjMAE#v=onepage&q=%22balkoba%20&f=false http://web.b.ebscohost.com.authenticate.library.duq.edu/ehost/pdfviewer/pdfviewer?sid=83796f4c-f7c4-414a-b689-b82a34818d4c%40sessionmgr115&vid=7&hid=119

ᱵᱟᱦᱨᱮ ᱡᱚᱱᱚᱲ

https://archive.org/details/Gitaai-AcharyaVinobaBhave-MarathiAudiobook

https://archive.org/details/GITAI

http://www.vinobabhave.org/

http://www.markshep.com/nonviolence/GT_Vinoba.html Archived ᱒᱐᱑᱐-᱐᱑-᱑᱔ at the Wayback Machine.

http://www.rmaf.org.ph/Awardees/Citation/CitationBhaveVin.htm

http://www.bioscand.se/kron/Vinoba.htm

http://www.time.com/time/magazine/article/0,9171,935318-1,00.html Archived ᱒᱐᱑᱒-᱑᱑-᱐᱗ at the Wayback Machine.