ᱦᱚᱲ ᱦᱚᱯᱚᱱ

ᱥᱟᱱᱛᱟᱲ ᱯᱟᱹᱨᱥᱤ

ᱟᱵᱚ ᱦᱚᱲ ᱦᱚᱯᱚᱱᱫᱚ ᱥᱤᱧᱚᱛ (India), ᱵᱟᱝᱞᱟ ᱫᱤᱥᱚᱢ (Bangladesh), ᱱᱮᱯᱟᱞ (Nepal) ᱱᱤᱭᱟᱹ ᱯᱮ ᱜᱚᱴᱟᱝ ᱫᱤᱥᱚᱢ ᱨᱮᱜᱮ ᱢᱮᱱᱟᱜ ᱵᱩᱱᱟ ᱾ ᱟᱫᱚ ᱱᱮᱛᱟᱨ ᱠᱟᱹᱢᱤ ᱵᱟᱠᱷᱨᱟᱛᱮ ᱮᱴᱟᱜ ᱫᱤᱥᱚᱢ ᱨᱮᱸᱦᱚ ᱢᱤᱫᱵᱟᱨ ᱦᱚᱲᱠᱚ ᱪᱟᱞᱟᱣ-ᱟᱠᱟᱱᱟ ᱾ ᱡᱚᱛᱚᱠᱚᱛᱮ ᱟᱵᱚ ᱫᱚ ᱢᱤᱫ ᱠᱩᱴᱤ ᱞᱮᱠᱟᱵᱚᱱ ᱦᱩᱭᱩᱜᱼᱟ ᱾ ᱫᱤᱠᱩ ᱠᱚᱫᱚ ᱟᱵᱚᱠᱚ ᱥᱟᱱᱛᱟᱲ (Santal), ᱥᱟᱱᱛᱟᱲ (সান্তাল), ᱥᱟᱱᱛᱟᱲ (सान्ताल, translit. Santāl) ᱮᱢᱟᱱ ᱛᱮᱭᱟᱜ ᱧᱩᱛᱩᱢ ᱛᱮᱠᱚ ᱪᱤᱱᱦᱟᱹᱣ ᱵᱚᱱᱟ ᱾ ᱟᱵᱚᱫᱚ ᱠᱷᱮᱨᱣᱟᱲ ᱵᱚᱝᱥᱚ ᱨᱤᱱ ᱦᱚᱲ ᱠᱟᱱᱟ ᱵᱚᱱ ᱾

ᱦᱚᱲ ᱦᱚᱯᱚᱱ
Baha parab 4.jpg
ᱵᱟᱦᱟ ᱯᱚᱨᱚᱵᱽ ᱨᱮ ᱦᱚᱲ ᱦᱚᱯᱚᱱ ᱠᱚ
ᱜᱩᱴ ᱦᱚᱲ ᱮᱞ
ᱜᱚᱴᱟᱜᱩᱴᱤ 7.4 million
Regions with significant populations
ᱥᱤᱧᱚᱛ • ᱵᱟᱝᱞᱟᱫᱮᱥ • ᱱᱮᱯᱟᱞ
 ᱥᱤᱧᱚᱛ
              ᱡᱷᱟᱨᱠᱷᱚᱸᱰ

2,752,723[᱑]
              ᱯᱟᱹᱪᱷᱤᱢ ᱵᱟᱝᱞᱟ ᱒,᱕᱑᱒,᱓᱓᱑[᱑]
              ᱳᱰᱤᱥᱟ ᱘᱙᱔,᱗᱖᱔8[᱑]
              ᱵᱤᱦᱟᱨ ᱔᱐᱖,᱐᱗᱖[᱑]
              ᱟᱥᱟᱢ ᱒᱑᱓,᱑᱒᱙[᱒]
 ᱵᱟᱝᱞᱟᱫᱮᱥ ᱓᱐᱐,᱐᱖᱑ (᱒᱐᱐᱑)[᱓]
 ᱱᱮᱯᱟᱞ ᱕᱑,᱗᱓᱕[᱔]
ᱯᱟᱹᱨᱥᱤ ᱠᱚ
ᱥᱟᱱᱛᱟᱲᱤ
ᱫᱷᱚᱨᱚᱢ
Majority
Om.svg ᱦᱤᱱᱫᱩ (15%)[᱕]
Minority
Folk religions (ᱥᱟᱨᱱᱟ) (80%)
Christian cross.svg ᱠᱨᱤᱥᱴᱟᱱ (4%), Others (1%)[᱕]
Related ethnic groups
ᱢᱩᱱᱰᱟᱹ • ᱦᱚ • ᱡᱩᱣᱟᱝ • ᱠᱷᱟᱹᱲᱤᱭᱟ • ᱥᱟᱣᱨᱟ • ] ᱠᱚᱲᱠᱩ • ᱵᱷᱩᱢᱤᱡᱽ

ᱫᱷᱚᱨᱚᱢᱥᱟᱯᱲᱟᱣ

ᱟᱵᱚᱭᱟᱜ ᱫᱷᱚᱨᱚᱢ ᱫᱚ ᱦᱩᱭᱩᱜ ᱠᱟᱱᱟ ᱥᱟᱨᱱᱟ ᱫᱷᱚᱨᱚᱢ ᱾ ᱥᱟᱨᱱᱟ ᱫᱷᱚᱨᱚᱢ ᱨᱤᱱ ᱦᱚᱲ ᱦᱚᱯᱚᱱ ᱫᱚ ᱡᱟᱦᱮᱨ ᱜᱟᱲ ᱨᱮᱠᱚ ᱵᱚᱸᱰᱟ ᱵᱩᱨᱩᱭᱟ ᱾ ᱴᱷᱟᱹᱠᱩᱨᱡᱤᱣ ᱠᱟᱱᱟᱭ ᱟᱵᱚᱨᱮᱱ ᱥᱨᱤᱡᱚᱱᱤᱭᱟᱹ ᱾ ᱟᱨ ᱢᱟᱨᱟᱝ ᱵᱩᱨᱩ ᱫᱚ ᱠᱟᱱᱟᱭ ᱟᱵᱚᱨᱮᱱ ᱢᱟᱨᱟᱝ ᱵᱚᱸᱜᱟ ᱾ ᱚᱲᱟᱜ ᱵᱚᱸᱜᱟᱫᱚᱭ ᱦᱩᱭᱩᱜ ᱠᱟᱱᱟ ᱟᱵᱜᱮ ᱵᱚᱸᱜᱟ ᱾ ᱟᱹᱛᱩ ᱵᱚᱸᱜᱟᱫᱚᱭ ᱦᱩᱭᱩᱜ ᱠᱟᱱᱟ ᱡᱟᱦᱮᱨ ᱮᱨᱟ ᱾ ᱱᱚᱸᱠᱟᱜᱮ ᱟᱨᱦᱚᱸ ᱵᱚᱸᱜᱟᱠ ᱟᱵᱚᱨᱮᱱ ᱢᱮᱱᱟᱜ ᱠᱚᱣᱟ ᱾

ᱯᱟᱹᱨᱥᱤᱥᱟᱯᱲᱟᱣ

ᱥᱟᱱᱛᱟᱲᱤ ᱯᱟᱹᱨᱥᱤ ᱫᱚ ᱟᱹᱰᱤᱜᱮ ᱥᱚᱨᱮᱥ ᱜᱮᱭᱟ ᱾ ᱥᱟᱱᱛᱟᱱᱤ ᱯᱟᱹᱨᱥᱤ ᱫᱚ Austro-Asia-Language ᱜᱷᱟᱨᱚᱧᱡᱽ ᱨᱮᱱᱟᱜ ᱯᱟᱹᱨᱥᱤ ᱠᱟᱱᱟ ᱾ ᱑᱙᱒᱕ ᱥᱮᱨᱢᱟᱨᱮ ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱥᱟᱱᱛᱟᱱᱤ ᱯᱟᱹᱨᱥᱤ ᱚᱞ ᱞᱟᱹᱜᱤᱛ ᱚᱞ ᱪᱤᱠᱤ ᱪᱤᱭᱟᱹᱞᱮᱫᱟ ᱾ ᱱᱮᱛᱟᱨ ᱫᱚ ᱚᱞ ᱪᱤᱠᱤ ᱛᱮᱜᱮ ᱟᱵᱚᱨᱮᱱ ᱟᱰᱤᱜᱟᱱ ᱜᱤᱫᱽᱨᱟᱹ ᱠᱚᱠᱚ ᱚᱞᱚᱜ ᱯᱟᱲᱦᱟᱜᱼᱠᱟᱱᱟ ᱾ ᱱᱚᱣᱟ ᱯᱟᱹᱨᱥᱤ ᱫᱚ ᱥᱤᱧᱚᱛ ᱨᱮᱭᱟᱜ ᱥᱚᱝᱵᱤᱫᱷᱟᱱ ᱨᱮᱭᱟᱜ ᱤᱨᱟᱹᱞᱟᱜ ᱫᱷᱟᱯ ᱨᱮ ᱒᱒ ᱰᱤᱥᱮᱢᱵᱚᱨ ᱒᱐᱐᱓ ᱥᱟᱞᱮ[᱖] ᱨᱮ ᱟᱝᱜᱚᱪ ᱟᱠᱟᱱᱟ ᱾ ᱱᱤᱭᱟᱹ ᱵᱮᱜᱚᱨ ᱦᱚᱸ ᱡᱷᱟᱨᱠᱷᱚᱸᱰ[᱗] ᱟᱨ ᱯᱟᱹᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮ ᱫᱚᱥᱟᱨ ᱨᱟᱡᱽ ᱯᱟᱹᱨᱥᱤ ᱨᱮᱭᱟᱜ ᱴᱷᱟᱶᱮ ᱧᱟᱢ ᱟᱠᱟᱫᱟ[᱘]

ᱞᱟᱹᱭ ᱞᱟᱠᱪᱟᱨᱥᱟᱯᱲᱟᱣ

ᱮᱱᱮᱡ ᱥᱮᱨᱮᱧᱥᱟᱯᱲᱟᱣ

ᱦᱚᱲ ᱦᱚᱯᱚᱱ ᱫᱚ ᱟᱰᱤᱛᱮᱫ ᱜᱮ ᱨᱟᱹᱥᱠᱟᱹᱭᱟᱹᱱ ᱡᱟᱹᱛ ᱠᱟᱱᱟ ᱵᱚᱱ ᱾ ᱚᱱᱟᱛᱮᱜᱮ ᱟᱵᱚᱭᱟᱜ ᱥᱟᱶᱛᱟ ᱫᱚ ᱮᱱᱮᱪ ᱥᱮᱨᱮᱧ ᱛᱮ ᱯᱮᱨᱮᱡ ᱜᱮᱭᱟ ᱾ ᱟᱭᱢᱟ ᱞᱮᱠᱟᱱ ᱮᱱᱮᱡ ᱥᱮᱨᱮᱧ ᱠᱚ ᱟᱵᱚ ᱵᱷᱤᱛᱨᱤᱨᱮ ᱢᱮᱱᱟᱜᱼᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱾

ᱵᱟᱦᱟᱥᱟᱯᱲᱟᱣ

ᱵᱟᱦᱟ ᱯᱚᱨᱚᱵ ᱫᱚ ᱦᱚᱲ ᱦᱚᱯᱚᱱᱟᱜ ᱫᱚᱥᱟᱨ ᱢᱟᱨᱟᱝ ᱯᱚᱨᱚᱵ ᱠᱟᱱᱟ ᱾ ᱯᱷᱟᱹᱜᱩᱱ ᱪᱟᱸᱫᱚ ᱠᱩᱱᱟᱹᱢᱤ ᱠᱮᱪᱟᱜ ᱦᱤᱞᱚᱜ ᱠᱷᱚᱱ ᱱᱤᱭᱟᱹ ᱯᱚᱨᱚᱵ ᱫᱚ ᱦᱩᱭᱩᱜᱼᱟ ᱾

 
ᱵᱟᱦᱟ ᱯᱚᱨᱚᱵᱽ ᱢᱟᱭᱡᱤᱣᱠᱚ ᱵᱟᱦᱟ ᱮᱱᱮᱡ

ᱥᱚᱨᱦᱟᱭᱥᱟᱯᱲᱟᱣ

ᱥᱚᱦᱚᱨᱟᱭ [᱑] ᱫᱚ ᱥᱟᱱᱛᱟᱲ ᱠᱚᱣᱟᱜ ᱢᱟᱨᱟᱝ ᱢᱤᱫᱴᱮᱱ ᱨᱟᱹᱥᱠᱟᱹ ᱨᱮᱱᱟᱜ ᱯᱟᱨᱟᱵᱽ ᱠᱟᱱᱟ ᱾ ᱠᱩᱲᱤ ᱦᱚᱯᱚᱱ ᱜᱮᱡ ᱜᱩᱨᱤᱡ ᱡᱮᱨᱮᱲ ᱯᱚᱛᱟᱣ ᱠᱟᱛᱮᱫ ᱠᱚ ᱥᱟᱡᱟᱣᱼᱟ, ᱠᱟᱸᱛᱷ ᱠᱚᱨᱮ ᱱᱟᱱᱟ ᱦᱩᱱᱟᱹᱨ ᱪᱤᱛᱟᱹᱨ ᱠᱚᱠᱚ ᱡᱩᱛᱼᱟ ᱾ ᱟᱹᱛᱩ ᱠᱩᱞᱷᱤ ᱵᱷᱤᱛ ᱯᱤᱱᱰᱟᱹ ᱥᱟᱡᱟᱣ ᱛᱮ ᱱᱟᱣᱟ ᱜᱮ ᱧᱮᱞᱚᱜᱼᱟ ᱾ ᱢᱮᱱ ᱟᱠᱚ ᱥᱚᱦᱨᱟᱭ ᱫᱚ ᱦᱟᱹᱛᱤ ᱞᱮᱠᱟᱱ ᱥᱚᱦᱚᱨᱟᱭ ᱯᱟᱨᱟᱵᱽ ᱠᱟᱱᱟ ᱾ ᱱᱚᱣᱟ ᱢᱮᱱ ᱫᱚ ᱱᱚᱣᱟ ᱯᱟᱨᱟᱵᱽ ᱫᱚ ᱥᱟᱱᱛᱟᱲ ᱠᱚᱣᱟᱜ ᱡᱷᱚᱛᱚᱠᱷᱚᱱ ᱥᱮᱬᱟ ᱯᱟᱨᱟᱵᱽ ᱠᱟᱱᱟ ᱾ ᱱᱚᱣᱟ ᱯᱟᱨᱟᱵᱽ ᱠᱷᱟᱹᱞᱤ ᱢᱟᱹᱱᱢᱤ ᱠᱚᱣᱟᱜ ᱯᱟᱨᱟᱵᱽ ᱫᱚ ᱵᱟᱝ ᱠᱟᱱᱟ ᱥᱟᱶᱛᱮ ᱰᱟᱹᱝᱨᱤ ᱠᱟᱰᱟ ᱠᱚᱦᱚᱸᱵᱚᱱ ᱯᱟᱨᱟᱵᱽ ᱛᱟᱨᱟᱭᱮᱫ ᱠᱚᱣᱟ ᱾ ᱥᱚᱦᱨᱟᱭ ᱫᱚ ᱢᱚᱬᱮ ᱢᱟᱦᱟ ᱠᱚ ᱢᱟᱱᱟᱣᱟ ᱾

ᱞᱟᱜᱽᱬᱮᱥᱟᱯᱲᱟᱣ

ᱞᱟᱜᱽᱬᱮ ᱫᱚ ᱡᱚᱛᱚ ᱫᱤᱱ ᱜᱮ ᱮᱱᱮᱡ ᱥᱮᱨᱮᱧ ᱜᱟᱱᱚᱜᱼᱟ ᱾ ᱱᱚᱶᱟ ᱫᱚ ᱞᱟᱸᱜᱟ ᱡᱤᱣᱤ ᱨᱟᱲᱮᱡ ᱞᱟᱹᱜᱤᱫ ᱠᱚ ᱮᱱᱮᱡᱼᱟ ᱾ ᱟᱨ ᱢᱤᱫ ᱞᱮᱠᱟᱛᱮ ᱠᱚᱲᱟ ᱠᱩᱲᱤ ᱦᱟᱜ ᱧᱟᱯᱟᱢ ᱟᱠᱷᱲᱟ ᱦᱚᱸ ᱠᱟᱱᱟ ᱾ ᱫᱤᱱ ᱵᱮᱲᱟ ᱟᱯᱟᱱ ᱟᱹᱯᱤᱱ ᱠᱟ‌ᱹᱢᱤ ᱠᱟᱹᱥᱱᱤ ᱨᱮ ᱫᱷᱩᱨᱟᱹᱣ ᱛᱟᱦᱮᱸᱠᱚᱜ ᱵᱮᱲᱟ ᱨᱮ ᱧᱟᱯᱟᱢ ᱨᱚᱯᱚᱲᱚᱜ ᱨᱮᱱᱟᱜ ᱫᱟᱣ ᱵᱟᱝ ᱧᱟᱢᱚᱜ ᱛᱮ ᱥᱤᱸᱜᱟᱹᱲ ᱵᱮᱲᱟ ᱞᱟᱜᱽᱬᱮ ᱮᱱᱮᱡ ᱨᱮ ᱠᱩᱲᱤ ᱠᱚᱲᱟ ᱧᱟᱯᱟᱢ ᱟᱨ ᱵᱷᱟᱵᱽ ᱪᱟᱯᱟᱞ ᱞᱟᱹᱜᱤᱱ ᱠᱚ ᱮᱱᱮᱡᱼᱟ ᱾ ᱛᱚᱵᱮ ᱟᱨ ᱢᱤᱫ ᱚᱡᱮ ᱦᱚᱸ ᱢᱮᱱᱟᱜᱼᱟ ᱚᱱᱟ ᱫᱚ ᱟᱠᱟᱞ ᱠᱚ ᱵᱟᱭ ᱦᱤᱡᱩᱜᱼᱟ ᱟᱨ ᱡᱩᱫᱤ ᱟᱠᱟᱞ ᱜᱚᱫᱟ ᱩᱱ ᱨᱮ ᱯᱮ ᱰᱟᱺᱜᱩᱣᱟᱹ ᱠᱩᱲᱤ ᱯᱮ ᱢᱟᱦᱟᱸ ᱟᱠᱷᱲᱟ ᱠᱚ ᱜᱩᱨᱤᱡ ᱚᱪᱚ ᱠᱚᱛᱮ ᱞᱟᱜᱽᱬᱮ ᱠᱚ ᱮᱱᱮᱡᱼᱟ ᱤᱱᱟᱹᱠᱷᱟᱱ ᱫᱟᱜᱼᱮ ᱡᱟᱹᱲᱤᱭᱟ ᱾ ᱥᱮᱫᱟᱭ ᱫᱚ ᱞᱟᱜᱽᱬᱮ ᱮᱱᱮᱡ ᱵᱚᱸᱜᱟ ᱠᱚᱦᱚᱸ ᱠᱚ ᱦᱤᱡᱩᱜ ᱠᱟᱱ ᱛᱟᱦᱮᱸᱫ ᱾ ᱚᱱᱟᱛᱮ ᱞᱟᱜᱽᱬᱮ ᱮᱱᱮᱡ ᱦᱚᱸ ᱡᱟᱹᱨᱩᱲ ᱠᱟᱱ ᱜᱮᱭᱟ ᱾

ᱫᱚᱝᱥᱟᱯᱲᱟᱣ

ᱫᱚᱝ ᱥᱮᱨᱮᱧ ᱫᱚ ᱵᱟᱯᱞᱟ ᱡᱚᱦᱚᱜ ᱠᱚ ᱥᱮᱨᱮᱧᱟ ᱾ ᱫᱚᱝ ᱥᱮᱨᱮᱧ ᱫᱚ ᱥᱤᱯᱤᱵᱤᱞ ᱨᱮᱭᱟᱜ ᱵᱟᱝᱠᱷᱟᱱ ᱵᱷᱚᱲᱚᱠ ᱵᱷᱚᱲᱚᱠᱟᱜ ᱦᱚᱸᱠᱚ ᱥᱮᱨᱮᱧᱟ ᱾ ᱫᱚᱝ ᱥᱮᱨᱮᱧ ᱫᱚ ᱟᱹᱰᱤ ᱞᱮᱠᱟᱱᱟᱜ ᱢᱮᱱᱟᱜᱼᱟ ᱾ ᱵᱟᱞᱮ ᱫᱚᱝ, ᱪᱷᱟᱹᱴᱭᱟᱹᱨ ᱫᱚᱝ, ᱵᱟᱹᱦᱩ ᱡᱟᱶᱟᱭ ᱧᱮᱞ ᱫᱚᱝ, ᱵᱟᱯᱞᱟ ᱫᱚᱝ, ᱡᱚᱢ ᱯᱟᱹᱦᱬᱟᱹ ᱫᱚᱝ, ᱯᱷᱩᱞᱩᱜ ᱫᱚᱝ, ᱵᱷᱟᱸᱰᱟᱱ ᱫᱚᱝ, ᱡᱚᱢ ᱥᱤᱧ ᱫᱚᱝ, ᱦᱮᱲᱦᱮᱫ ᱫᱚᱝ, ᱮᱢᱟᱱ ᱫᱚᱝ ᱥᱮᱨᱮᱧ ᱢᱮᱱᱟᱜᱼᱟ ᱾

ᱫᱟᱨᱟᱢᱫᱟᱜᱥᱟᱯᱲᱟᱣ

ᱰᱟᱱᱴᱟᱥᱟᱯᱲᱟᱣ

ᱫᱟᱥᱟᱸᱭᱥᱟᱯᱲᱟᱣ

ᱫᱟᱥᱟᱸᱭ ᱮᱱᱮᱡ ᱥᱮᱨᱮᱧ ᱦᱚᱸ ᱥᱟᱱᱛᱟᱲᱟᱜ ᱥᱮᱨᱼᱳᱭᱟ ᱥᱮ ᱞᱟᱭ ᱞᱟᱠᱪᱟᱨ ᱜᱮ ᱾ ᱢᱮᱱᱠᱷᱟᱱ ᱥᱟᱱᱛᱟᱲ ᱡᱟᱹᱛᱤ ᱠᱷᱮᱨᱣᱟᱲ ᱦᱚᱯᱚᱱᱟᱜ ᱢᱤᱫ ᱫᱩᱠ ᱨᱮᱭᱟᱜ ᱱᱟᱜᱟᱢ ᱫᱚ ᱫᱟᱥᱟᱸᱭ ᱵᱚᱸᱜᱟᱨᱮ ᱫᱟᱥᱟᱸᱭ ᱮᱱᱮᱡ ᱥᱮ ᱫᱟᱥᱟᱸᱭ ᱫᱚᱱ ᱾ ᱱᱤᱭᱟᱹ ᱫᱚ ᱫᱤᱠᱩ ᱟᱜ ᱫᱩᱨᱜᱟᱹ ᱯᱩᱡᱟᱹ ᱚᱠᱛᱮ (ᱥᱚᱯᱛᱚᱢᱤ, ᱚᱥᱴᱚᱢᱤ, ᱱᱚᱵᱚᱢᱤ ᱟᱨ ᱵᱤᱡᱚᱭᱟ) ᱱᱤᱭᱟᱹ ᱯᱳᱱ ᱫᱤᱱ ᱟᱹᱛᱩ ᱟᱹᱛᱩ ᱦᱟᱭ ᱦᱟᱭ ᱟᱲᱟᱝᱛᱮ ᱮᱱᱮᱡ ᱥᱮᱨᱮᱧ ᱛᱟᱞᱟᱛᱮ ᱫᱩᱣᱟᱹᱨ ᱫᱩᱣᱟᱹᱨ ᱠᱚ ᱠᱷᱚᱭ ᱟ ᱾ ᱱᱚᱣᱟ ᱨᱮᱭᱟᱜ ᱟᱭᱢᱟ ᱜᱟᱱ ᱠᱟᱹᱦᱤᱱᱤ ᱢᱮᱱᱟᱜ ᱜᱮᱭᱟ ᱾ ᱚᱠᱚᱭ ᱠᱚ ᱫᱚ ᱠᱚ ᱞᱟᱹᱭᱟ ᱦᱩᱫᱩᱬ ᱫᱩᱨᱜᱟᱹ ᱧᱩᱛᱩᱢᱟᱱ ᱢᱤᱫ ᱵᱤᱨ ᱨᱟᱡᱽ ᱮ ᱛᱟᱦᱮᱸ ᱠᱟᱱᱟ ᱥᱟᱱᱛᱟᱲ ᱡᱟᱹᱛᱤ ᱨᱮᱱ, ᱟᱨᱡᱚ ᱨᱮᱱ ᱫᱮᱵᱽᱨᱟᱡᱽ ᱤᱱᱫᱨᱚ ᱦᱟᱹᱵᱤᱡ ᱚᱠᱚᱭ ᱦᱚᱸ ᱵᱟᱠᱚ ᱫᱟᱲᱮᱜ ᱛᱟᱦᱮᱸᱫ, ᱩᱱᱤ ᱵᱤᱨ ᱨᱟᱡᱽ ᱦᱩᱫᱩᱬ ᱫᱩᱨᱜᱟᱹ ᱥᱟᱶ ᱾ ᱵᱤᱨ ᱨᱟᱡᱽ ᱦᱩᱫᱩᱬ ᱫᱩᱨᱜᱟᱹ ᱠᱩᱲᱤ ᱦᱚᱯᱚᱱ ᱥᱟᱞᱟᱜ ᱵᱟᱭ ᱞᱟᱹᱲᱦᱟᱹᱭ ᱟ ᱱᱚᱣᱟ ᱠᱟᱛᱷᱟ ᱫᱤᱠᱩ ᱨᱮᱱ ᱫᱮᱵᱚᱛᱟ ᱠᱚ ᱵᱟᱰᱟᱭ ᱧᱟᱢ ᱠᱮᱫᱟ ᱟᱨ ᱫᱮᱵᱤ ᱢᱚᱦᱟᱢᱟᱭᱟ ᱥᱟᱞᱟᱜ ᱵᱟᱯᱞᱟ ᱠᱚ ᱴᱷᱟᱹᱠᱭᱟᱹᱞᱮᱫ ᱛᱟᱭᱟ ᱾ ᱟᱨ ᱢᱚᱦᱟᱢᱟᱭᱟ ᱠᱚ ᱢᱮᱛᱟᱫᱮᱭᱟ ᱩᱱᱤᱢ ᱜᱚᱡ ᱞᱮᱠᱷᱟᱱ ᱟᱨᱡᱚ ᱥᱚᱢᱟᱡᱽ ᱨᱮ ᱯᱩᱡᱟᱹᱢ ᱧᱟᱢ ᱟ ᱾ ᱚᱱᱟ ᱛᱟᱭᱚᱢ ᱪᱷᱚᱞᱚᱱᱟ ᱠᱟᱛᱮ ᱵᱟᱯᱞᱟ ᱧᱩᱛᱩᱢ ᱛᱮ ᱮᱠᱞᱟ ᱨᱮ ᱤᱫᱤ ᱠᱟᱛᱮ ᱮ ᱜᱚᱡ ᱠᱮᱫᱮᱭᱟ, ᱥᱟᱱᱛᱟᱲ ᱦᱚᱲ ᱨᱮᱱ ᱵᱤᱨ ᱨᱟᱡᱽ ᱦᱩᱫᱩᱬ ᱫᱩᱨᱜᱟᱹ ᱾ ᱱᱚᱣᱟ ᱠᱟᱛᱷᱟ ᱵᱟᱠᱚ ᱵᱟᱲᱟᱭ ᱛᱟᱦᱮᱸᱫ ᱫᱟᱥᱟᱸᱭ ᱨᱮᱱ ᱜᱮᱞ ᱵᱟᱨ ᱜᱚᱴᱟᱝ ᱜᱩᱨᱩ ᱾ ᱩᱱᱠᱩ ᱜᱩᱨᱩᱣᱟᱜ ᱧᱩᱛᱩᱢ ᱫᱚ

᱑.ᱫᱷᱚᱨᱚᱢ ᱜᱩᱨᱩ

᱒.ᱠᱟᱢᱨᱩ ᱜᱩᱨᱩ

᱓.ᱵᱷᱩᱣᱟᱹᱝ ᱜᱩᱨᱩ

᱔.ᱥᱤᱫᱳ ᱜᱩᱨᱩ

᱕.ᱛᱩᱞᱥᱤ ᱜᱩᱨᱩ

᱖.ᱱᱟᱨᱥᱤᱝ ᱜᱩᱨᱩ

᱗.ᱜᱟᱱᱠᱳ ᱜᱩᱨᱩ

᱘.ᱵᱷᱟᱭᱨᱳ ᱜᱩᱨᱩ

᱙.ᱡᱤᱛᱩ ᱜᱩᱨᱩ

᱑᱐.ᱨᱳᱦᱚᱲ ᱜᱩᱨᱩ

᱑᱑.ᱞᱳᱦᱚᱵᱤᱨ ᱜᱩᱨᱩ, ᱟᱨ

᱑᱒.ᱜᱟᱱᱰᱳ ᱜᱩᱨᱩ ᱾

ᱱᱩᱠᱩ ᱜᱩᱨᱩ ᱜᱮ ᱯᱩᱭᱞᱩ ᱠᱩᱲᱤ ᱦᱚᱯᱚᱱᱟᱜ ᱥᱟᱡ ᱛᱮ ᱥᱟᱡᱟᱣ ᱠᱟᱛᱮ ᱟᱹᱛᱩ ᱟᱹᱛᱩ ᱫᱮᱥ ᱫᱤᱥᱚᱢ ᱵᱷᱩᱣᱟᱹᱝ ᱥᱟᱵ ᱠᱟᱛᱮ ᱦᱟᱭ ᱦᱟᱭ ᱟᱲᱟᱝ ᱛᱮ ᱠᱚ ᱯᱟᱸᱡᱟ ᱞᱮᱫᱮᱭᱟ, ᱟᱨ ᱱᱤᱛ ᱦᱟᱹᱵᱤᱡ ᱛᱮ ᱟᱵᱚ ᱦᱚᱵᱚ ᱯᱟᱸᱡᱟ ᱮ ᱠᱟᱱ ᱜᱮᱭᱟ ᱟᱵᱚ ᱟᱜ ᱫᱟᱥᱟᱸᱭ ᱫᱚᱱ ᱮᱱᱮᱡ ᱥᱮᱨᱮᱧ ᱛᱟᱞᱟ ᱛᱮ ᱾ ᱟᱨ ᱱᱤᱭᱟᱹ ᱜᱮ ᱥᱟᱱᱛᱟᱲ ᱡᱟᱹᱛᱤ ᱠᱷᱮᱨᱣᱟᱲ ᱦᱚᱯᱚᱱ ᱟᱵᱚ ᱟᱜ ᱥᱮᱨᱭᱟ ᱨᱮ ᱢᱮᱱᱟᱜ ᱜᱮᱭᱟ, ᱫᱟᱥᱟᱸᱭ ᱫᱟᱲᱟᱱ ᱥᱮ ᱫᱟᱥᱟᱸᱭ ᱮᱱᱮᱡ ᱾

ᱨᱤᱧᱡᱟᱹᱥᱟᱯᱲᱟᱣ

ᱠᱟᱨᱟᱢᱥᱟᱯᱲᱟᱣ

ᱠᱟᱨᱟᱢ/ᱠᱚᱨᱚᱢ ᱱᱚᱶᱟ ᱵᱚᱝᱜᱟ ᱵᱩᱨᱩ ᱯᱟᱨᱟᱵᱽ ᱫᱚ ᱪᱟᱥ ᱠᱷᱮᱛ ᱠᱚ ᱨᱟᱠᱟᱵᱽ ᱫᱮᱞᱟ ᱫᱮᱞᱤ ᱨᱟᱥᱠᱟ ᱛᱮ ᱟᱹᱛᱩ ᱦᱚᱲ ᱠᱚ ᱟᱱᱛᱮ ᱢᱟᱱᱟᱣ ᱦᱩᱭᱩᱜᱼᱟ ᱾ ᱠᱟᱨᱟᱢ ᱯᱟᱨᱟᱵᱽ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱡᱷᱟᱨᱠᱷᱚᱸᱰ, ᱢᱚᱫᱷᱭᱚ ᱯᱨᱚᱫᱮᱥ, ᱪᱷᱚᱛᱛᱤᱥᱜᱚᱰ, ᱟᱥᱟᱢ, ᱳᱰᱤᱥᱟ ᱟᱨ ᱣᱚᱮᱥᱴ ᱵᱮᱸᱜᱚᱞ ᱯᱚᱱᱚᱛ ᱠᱚᱨᱮ ᱵᱟᱹᱲᱛᱤ ᱧᱮᱞ ᱧᱟᱢᱚᱜᱼᱟ ᱾ ᱱᱚᱶᱟ ᱵᱚᱝᱜᱟ ᱵᱩᱨᱩ ᱫᱚ ᱠᱟᱨᱟᱢ ᱵᱚᱝᱜᱟ ᱧᱩᱛᱩᱢ ᱛᱮ ᱵᱚᱝᱜᱟ ᱭᱟᱠᱚ, ᱫᱟᱲᱮ, ᱫᱷᱚᱱ ᱟᱨ ᱱᱟᱭ ᱱᱟᱯᱟᱭ ᱞᱟᱹᱜᱤᱫ ᱾ ᱠᱟᱨᱟᱢ ᱵᱚᱝᱜᱟ ᱫᱚ ᱠᱚᱨᱵᱟ, ᱵᱟᱤᱜᱟ, ᱵᱤᱧᱡᱷᱩᱣᱟᱨᱤ, ᱱᱟᱜᱽᱯᱩᱨᱤ, ᱠᱚᱨᱛᱷᱟ, ᱠᱩᱰᱩᱢᱤ, ᱚᱨᱟᱶ, ᱢᱩᱸᱰᱟᱹ, ᱥᱟᱱᱛᱟᱲ ᱟᱨ ᱟᱹᱰᱤ ᱞᱮᱠᱟᱱ ᱡᱟᱹᱛᱨᱤᱱ ᱦᱚᱲ ᱠᱚ ᱢᱟᱱᱟᱣᱼᱟ ᱾ ᱱᱚᱶᱟ ᱵᱟᱨᱟᱵᱽ ᱫᱚ ᱠᱩᱱᱟᱹᱢᱤ ᱨᱮᱭᱟᱜ ᱜᱮᱞ ᱢᱤᱫ ᱫᱤᱱ ᱨᱮ ᱵᱷᱟᱫᱚᱨ ᱵᱚᱝᱜᱟ ᱨᱮ ᱵᱚᱝᱜᱟᱭᱟ, ᱡᱟᱦᱟ ᱪᱤ ᱤᱸᱜᱨᱟᱡᱤ ᱵᱚᱝᱜᱟ ᱚᱜᱚᱥᱴ ᱟᱨ ᱥᱮᱯᱴᱮᱢᱵᱚᱨ ᱯᱟᱲᱟᱣᱚᱜᱼᱟ ᱾ ᱡᱩᱣᱟᱱ ᱠᱚᱲᱟ ᱠᱩᱲᱤ ᱟᱨ ᱟᱹᱛᱩ ᱦᱚᱲ ᱠᱚ ᱡᱚᱛᱚ ᱵᱤᱨ ᱪᱟᱞᱟᱣ ᱠᱟᱛᱮ ᱥᱟᱦᱟᱱ, ᱡᱚ ᱟᱨ ᱵᱟᱦᱟ ᱠᱚ ᱟᱹᱜᱩᱭᱟ ᱾ ᱱᱚᱶᱟ ᱠᱚᱫᱚ ᱡᱚᱛᱚ ᱵᱚᱝᱜᱟ ᱵᱩᱨᱩ ᱡᱷᱚᱜ ᱫᱚᱨᱠᱟᱨ ᱤᱫᱤ ᱠᱟᱛᱮ ᱞᱟᱜᱟᱣᱜᱼᱟ ᱾ ᱵᱚᱝᱜᱟ ᱵᱩᱨᱩ ᱛᱟᱭᱚᱢ ᱡᱚᱛᱚ ᱢᱮᱥᱟ ᱠᱟᱛᱮ ᱠᱚ ᱠᱟᱨᱟᱢ ᱮᱱᱮᱡ ᱥᱮᱨᱮᱧ ᱡᱚᱝᱟᱠᱚ ᱾ ᱟᱹᱛᱩ ᱡᱟᱠᱟᱛ ᱛᱮᱠᱚ ᱤᱱᱟᱹ ᱦᱤᱞᱚᱜ ᱫᱚ ᱮᱱᱮᱡ ᱥᱮᱨᱮᱧ ᱛᱮᱠᱚ ᱟᱫᱚᱲ ᱠᱟᱜᱼᱟ ᱾

ᱡᱷᱤᱠᱟᱹᱥᱟᱯᱲᱟᱣ

ᱥᱟᱶᱛᱟᱥᱟᱯᱲᱟᱣ

ᱟᱹᱛᱩ ᱨᱮᱫᱚ ᱢᱟᱡᱷᱤ, ᱜᱚᱴᱮᱛ, ᱱᱟᱭᱠᱮ, ᱡᱚᱜᱽᱢᱟᱡᱷᱤ, ᱯᱟᱨᱟᱱᱤᱠ, ᱱᱩᱠᱩ ᱜᱮ ᱟᱹᱛᱩ ᱠᱚ ᱪᱟᱞᱟᱣᱟ ᱾ ᱦᱚᱲ ᱦᱚᱯᱚᱱᱟᱜ ᱥᱟᱶᱛᱟ ᱫᱚ ᱢᱟᱺᱡᱦᱤ ᱯᱟᱨᱟᱱᱤᱠ ᱜᱮᱠᱚ ᱪᱟᱞᱟᱣᱟ ᱾

ᱧᱩᱛᱩᱢᱚᱜ ᱞᱮᱠᱟᱱ ᱦᱚᱲ ᱦᱚᱯᱚᱱᱥᱟᱯᱲᱟᱣ

ᱥᱟᱹᱠᱷᱭᱟᱹᱛᱥᱟᱯᱲᱟᱣ

  1. ᱑.᱐ ᱑.᱑ ᱑.᱒ ᱑.᱓ "A-11 Individual Scheduled Tribe Primary Census Abstract Data and its Appendix". www.censusindia.gov.in. Office of the Registrar General & Census Commissioner, India. Retrieved 18 ᱱᱚᱵᱷᱮᱢᱵᱚᱨ 2017. 
  2. "C-16 Population By Mother Tongue". www.censusindia.gov.in. Office of the Registrar General & Census Commissioner, India. Retrieved 3 ᱱᱚᱵᱷᱮᱢᱵᱚᱨ 2019. 
  3. Cavallaro, Francesco; Rahman, Tania. "The Santals of Bangladesh" (PDF). ntu.edu.sg. Nayang Technical University. Retrieved 17 ᱱᱚᱵᱷᱮᱢᱵᱚᱨ 2017. 
  4. "National Population and Housing Census 2011: Social Characteristics Tables" (PDF). Nepal Census – via Government of Nepal. 
  5. ᱕.᱐ ᱕.᱑ "ST-14 Scheduled Tribe Population By Religious Community - Jharkhand". census.gov.in. Retrieved 3 ᱱᱚᱵᱷᱮᱢᱵᱚᱨ 2019. 
  6. https://rajbhasha.gov.in/en/languages-included-eighth-schedule-indian-constitution
  7. https://www.oneindia.com/2006/11/15/urdu-bangla-santhali-declared-second-official-languages-1163601436.html
  8. https://www.indiatoday.in/india/east/story/west-bengal-mamata-banerjee-recognizes-six-non-bengali-languages-134507-2011-05-27