ᱵᱽᱨᱟᱡᱤᱞ (/brəˈzɪl/ (listen); Portuguese: Brasil [bɾaˈziw]), ᱫᱚ ᱫᱟᱹᱠᱷᱤᱱ ᱟᱢᱮᱨᱤᱠᱟ ᱟᱨ ᱞᱮᱴᱤᱱ ᱟᱢᱮᱨᱤᱠᱟ ᱨᱮᱱᱟᱜ ᱡᱚᱛᱚᱠᱷᱚᱱ ᱞᱟᱹᱴᱩ ᱫᱤᱥᱚᱢ ᱠᱟᱱᱟ᱾ ᱚᱱᱟ ᱵᱟᱫᱽ ᱠᱟᱛᱮ ᱦᱚᱸ ᱦᱚᱲᱟᱜ ᱮᱞᱮᱞ ᱟᱨ ᱚᱛᱱᱚ ᱞᱮᱠᱟᱛᱮ ᱵᱽᱨᱟᱡᱤᱞ ᱫᱚ ᱫᱷᱟᱹᱨᱛᱤᱨᱮ ᱢᱚᱬᱮᱭᱟᱜ ᱞᱟᱹᱴᱩ ᱫᱤᱥᱚᱢ ᱠᱟᱱᱟ᱾ ᱱᱚᱣᱟ ᱫᱤᱥᱚᱢ ᱨᱮ ᱑᱙ ᱠᱩᱴᱤ ᱦᱚᱲ ᱢᱮᱱᱟᱜ ᱠᱩᱣᱟ᱾[᱑][᱒]

ᱵᱽᱨᱟᱡᱤᱞ ᱨᱮᱱᱟᱜ ᱪᱤᱨ

ᱵᱽᱨᱟᱡᱤᱞ ᱨᱮᱱᱟᱜ ᱯᱩᱨᱩᱵᱽ ᱫᱚ ᱟᱴᱞᱟᱱᱴᱤᱠ ᱢᱟᱦᱟᱫᱚᱨᱭᱟ ᱛᱮ ᱮᱥᱮᱫ ᱠᱟᱱᱟ᱾ ᱩᱛᱟᱹᱨ ᱥᱮᱡ ᱫᱚ ᱵᱷᱮᱱᱮᱡᱩᱭᱮᱞᱟ, ᱜᱟᱭᱟᱱᱟ, ᱥᱩᱨᱤᱱᱟᱢ ᱟᱨ ᱯᱷᱨᱟᱱᱥ ᱨᱮᱱᱟᱜ ᱯᱷᱚᱨᱟᱥᱤ ᱜᱟᱭᱟᱱᱟ᱾ ᱩᱛᱟᱹᱨ ᱯᱟᱹᱪᱷᱤᱢ ᱥᱮᱡ ᱠᱚᱞᱚᱢᱵᱤᱭᱟ᱾ ᱯᱟᱹᱪᱷᱤᱢ ᱥᱮᱡ ᱵᱚᱞᱤᱵᱷᱤᱭᱟ ᱟᱨ ᱯᱮᱨᱩ᱾ ᱫᱟᱹᱠᱷᱤᱱ ᱯᱟᱹᱪᱷᱤᱢ ᱥᱮᱡ ᱟᱨᱡᱮᱱᱴᱤᱱᱟ ᱟᱨ ᱯᱮᱨᱟᱜᱩᱭᱮ᱾ ᱟᱨ ᱫᱟᱹᱠᱷᱤᱱ ᱥᱮᱡ ᱫᱚ ᱩᱨᱩᱜᱩᱭᱮ ᱢᱮᱱᱟᱜᱼᱟ᱾

ᱧᱩᱛᱩᱢ ᱨᱮᱱᱟᱜ ᱱᱟᱜᱟᱢᱥᱟᱯᱲᱟᱣ

ᱵᱽᱨᱟᱡᱤᱞ ᱧᱩᱛᱩᱢ ᱚᱠᱟ ᱠᱷᱚᱡ ᱦᱮᱡᱽ ᱠᱟᱱᱟ ᱚᱱᱟ ᱫᱚ ᱢᱡᱽᱛᱮ ᱵᱟᱝ ᱵᱟᱰᱟᱭ ᱧᱟᱢ ᱟᱠᱟᱱᱟ᱾ ᱚᱠᱚᱭᱫᱚᱠᱩ ᱢᱮᱱᱟ ᱵᱟᱝᱢᱟ ᱵᱽᱨᱟᱡᱤᱞᱩᱰ ᱫᱟᱨᱮ ᱧᱩᱛᱩᱢ ᱠᱷᱚᱡᱜᱮ ᱵᱽᱨᱟᱡᱤᱞ ᱧᱩᱛᱩᱢ ᱫᱚ ᱦᱮᱡ ᱠᱟᱱᱟ᱾ ᱑᱖ ᱥᱟᱭ ᱥᱮᱨᱢᱟ ᱨᱮ ᱤᱣᱨᱳᱯ ᱨᱮᱱ ᱵᱟᱱᱤᱡᱤᱭᱟᱹᱠᱩ ᱵᱽᱨᱟᱡᱤᱞ ᱠᱷᱚᱱ ᱱᱚᱣᱟ ᱠᱟᱴᱷ ᱠᱩ ᱮᱫᱤᱭᱮᱛ ᱛᱟᱸᱦᱮᱸᱱᱟ᱾[᱓] ᱯᱳᱨᱛᱩᱜᱤᱡᱽ ᱯᱟᱹᱨᱥᱤᱛᱮ ᱵᱽᱨᱟᱡᱤᱞᱩᱰ ᱫᱚ ᱯᱟᱣ ᱵᱨᱟᱡᱤᱣ (pau-brasil) ᱠᱩ ᱢᱮᱛᱟᱜ ᱠᱟᱱ ᱛᱟᱸᱦᱮᱸᱱᱟ᱾ ᱵᱨᱟᱡᱤᱣ ᱟᱹᱲᱟᱹ ᱫᱚ 'ᱠᱚᱭᱞᱟ ᱨᱮᱱᱟᱜ ᱟᱨᱟᱜ ᱟᱝᱨᱟ' ᱞᱮᱠᱟᱱ ᱟᱹᱲᱟᱹ ᱢᱟᱞᱟ ᱠᱷᱟᱱ ᱦᱮᱡ ᱠᱟᱱᱟ᱾ ᱞᱟᱛᱤᱱ ᱯᱟᱹᱨᱥᱤ ᱛᱮ ᱵᱨᱟᱡᱟ (brasa) ᱟᱹᱲᱟᱹ ᱨᱮᱱᱟᱜ ᱢᱟᱱᱮ ᱫᱚ ᱠᱚᱭᱞᱟ ᱟᱨ ᱢᱩᱪᱟᱹᱫ ᱨᱮᱱᱟᱜ il ᱫᱚ ᱞᱟᱛᱤᱱ ‘-iculum’ ᱟᱨ ‘-ilium’ ᱠᱷᱟᱱ ᱦᱮᱡ ᱫᱟᱲᱮᱭᱟᱜᱼᱟ᱾[᱔][᱕][᱖] ᱛᱟᱭᱚᱢ ᱫᱟᱨᱟᱢᱛᱮ ᱯᱳᱨᱛᱩᱜᱤᱡᱽ ᱵᱨᱟᱡᱤᱣ ᱟᱹᱲᱟᱹ ᱠᱷᱚᱱ ᱤᱝᱨᱮᱡᱤ ᱵᱽᱨᱟᱡᱤᱞ ᱧᱩᱛᱩᱢ ᱫᱚ ᱦᱮᱡ ᱫᱟᱲᱮᱭᱟᱜᱼᱟ᱾

ᱫᱟᱹᱠᱷᱤᱱ ᱟᱢᱮᱨᱤᱠᱟ ᱨᱮᱱᱟᱜ ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱜᱩᱣᱟᱨᱟᱱᱤᱛᱮ ᱵᱽᱨᱟᱡᱤᱞ ᱫᱤᱥᱚᱢ ᱫᱚ ᱯᱤᱱᱫᱩᱨᱟᱢᱟ ᱧᱩᱛᱩᱢ ᱛᱮᱠᱚ ᱦᱚᱦᱚᱭᱮᱛ ᱛᱟᱸᱦᱮᱸᱱᱟ᱾ ᱥᱮᱫᱟᱭ ᱨᱮᱫᱚ ᱟᱹᱫᱤᱵᱟᱹᱥᱤ ᱠᱩ ᱱᱚᱣᱟ ᱧᱩᱛᱩᱢ ᱛᱮᱜᱮ ᱵᱽᱨᱟᱡᱤᱞ ᱠᱩ ᱪᱤᱱᱦᱟᱹᱣᱭᱮᱛ ᱛᱟᱸᱦᱮᱸᱱᱟ᱾

ᱱᱟᱜᱟᱢᱥᱟᱯᱲᱟᱣ

ᱟ᱕᱐᱐ ᱥᱟᱭ ᱥᱮᱨᱢᱟᱨᱮ ᱯᱳᱨᱛᱩᱜᱤᱡᱽ ᱠᱳᱣᱟᱜ ᱟᱭᱢᱟ ᱡᱟᱦᱟᱡᱽ ᱱᱮᱛᱟᱨᱟᱜ ᱵᱽᱨᱟᱡᱤᱞ ᱨᱮ ᱥᱮᱴᱮᱨᱮᱱ ᱠᱷᱟᱡ ᱜᱮ ᱯᱳᱨᱛᱩᱜᱟᱞ ᱨᱮᱱ ᱨᱟᱡᱟ ᱯᱩᱭᱞᱩ ᱢᱟᱱᱩᱭᱮᱞᱟᱜ ᱧᱩᱛᱩᱢ ᱛᱮ ᱚᱱᱟ ᱡᱟᱜᱟᱨᱮᱱᱟᱜ ᱟᱹᱭᱫᱟᱹᱨᱤᱠᱩ ᱫᱟᱹᱵᱤ ᱠᱮᱫᱟ᱾[᱗] ᱩᱱ ᱡᱚᱠᱷᱚᱡ ᱵᱽᱨᱟᱡᱤᱞ ᱨᱮᱱ ᱟᱹᱫᱤᱵᱟᱹᱥᱤ ᱠᱩ ᱥᱟᱶᱛᱮ ᱩᱝᱠᱩᱣᱟᱜ ᱧᱟᱯᱟᱢ ᱦᱩᱭᱞᱮᱱᱟ᱾ ᱱᱩᱠᱩ ᱟᱹᱫᱤᱵᱟᱹᱥᱤ ᱠᱚᱫᱚ ᱛᱩᱯᱤ ᱜᱩᱣᱟᱨᱟᱱᱤ ᱯᱟᱹᱨᱥᱤ ᱛᱮ ᱠᱩ ᱨᱚᱲ ᱡᱚᱝ ᱠᱟᱱ ᱛᱟᱸᱦᱮᱸᱱᱟ᱾ ᱟᱨ ᱟᱹᱠᱩ ᱟᱹᱠᱩ ᱵᱷᱤᱛᱨᱤᱨᱮ ᱠᱩ ᱞᱟᱹᱲᱦᱟᱹᱭ ᱡᱚᱝ ᱠᱟᱱ ᱛᱟᱸᱦᱮᱸᱱᱟ᱾[᱘]

᱑᱕᱓᱒ ᱥᱟᱭ ᱥᱮᱨᱢᱟᱨᱮ ᱯᱳᱨᱛᱩᱜᱤᱡᱽ ᱟᱠᱩᱣᱟᱜ ᱯᱩᱭᱞᱩ colony ᱠᱩ ᱵᱮᱨᱮᱫ ᱨᱟᱠᱟᱯ ᱠᱮᱫᱟ᱾ ᱠᱤᱪᱷᱩ ᱟᱹᱫᱤᱵᱟᱹᱥᱤᱠᱩ ᱦᱚᱸ ᱩᱱᱠᱩᱣᱟᱜ ᱫᱚᱞ ᱨᱮᱠᱚ ᱵᱚᱞᱚᱭᱮᱱᱟ ᱟᱨ ᱡᱟᱸᱦᱟᱸᱠᱩ ᱵᱟᱹᱠᱩ ᱥᱮᱞᱮᱫ ᱞᱮᱱᱟ ᱩᱝᱠᱩ ᱫᱚ ᱡᱚᱨ ᱠᱟᱛᱮ ᱟᱹᱠᱩᱨᱮᱱ ᱫᱟᱥ ᱫᱟᱹᱥᱤ ᱠᱩ ᱵᱮᱱᱟᱣ ᱠᱮᱫ ᱠᱩᱣᱟ᱾

ᱯᱷᱩᱨᱜᱟᱹᱞᱥᱟᱯᱲᱟᱣ

᱑᱘᱒᱑ ᱥᱮᱨᱢᱟ ᱨᱮ ᱛᱩᱨᱩᱭᱟᱜ ᱨᱟᱡᱟ ᱡᱳᱭᱟᱭ ᱤᱣᱨᱳᱯᱮ ᱨᱩᱣᱟᱹᱲ ᱪᱟᱞᱟᱣ ᱮᱱᱟ ᱟᱨ ᱟᱡ ᱨᱮᱱ ᱞᱟᱹᱴᱩ ᱦᱚᱯᱚᱱᱛᱮᱛ ᱯᱮᱫᱨᱩ ᱡᱤ ᱠᱟᱱᱛᱟᱨᱮᱠᱮᱭ ᱫᱚᱦᱚ ᱴᱚᱠᱟ ᱠᱤᱫᱤᱭᱟ᱾[᱙] ᱤᱱᱟᱹ ᱯᱚᱨᱮ ᱫᱚᱲᱦᱟᱛᱮ ᱯᱳᱨᱛᱩᱜᱤᱡᱟᱜ ᱫᱚᱠᱷᱟᱞ ᱨᱮ ᱪᱟᱞᱟᱣ ᱨᱮᱱᱟᱜ ᱠᱩᱨᱩᱢᱩᱴᱩ ᱮᱦᱚᱵ ᱞᱮᱱ ᱠᱷᱟᱡ ᱵᱽᱨᱟᱡᱤᱞ ᱦᱚᱲ ᱚᱱᱟᱠᱩ ᱵᱤᱨᱩᱫᱤᱛᱷᱟ ᱞᱮᱫᱟ᱾ ᱨᱟᱡᱟ ᱦᱚᱯᱚᱱ ᱯᱮᱫᱨᱩ ᱦᱚᱸ ᱵᱽᱨᱟᱡᱤᱞ ᱨᱮᱱ ᱦᱚᱲ ᱠᱩ ᱜᱮᱭ ᱥᱚᱢᱚᱨᱛᱷᱚᱱ ᱞᱮᱫᱠᱩᱣᱟ᱾ ᱟᱫᱚ ᱑᱘᱒᱒ ᱥᱮᱨᱢᱟ ᱨᱮᱱᱟᱜ ᱗ ᱱᱚᱵᱷᱮᱢᱵᱚᱨ ᱨᱮ ᱯᱳᱨᱛᱩᱜᱟᱞ ᱴᱷᱮᱱ ᱠᱷᱚᱱ ᱯᱷᱩᱨᱜᱟᱹᱞᱮ ᱧᱟᱢ ᱠᱮᱫᱟ᱾[᱑᱐] ᱚᱱᱟ ᱥᱮᱨᱢᱟ ᱨᱮᱱᱟᱜ ᱑᱒ ᱚᱠᱴᱚᱵᱚᱨ ᱰᱟᱢ ᱯᱮᱫᱨᱩ ᱵᱽᱨᱟᱡᱤᱞ ᱨᱮᱱ ᱯᱩᱭᱞᱩ ᱥᱚᱢᱨᱟᱴᱮ ᱦᱩᱭᱮᱱᱟ᱾

ᱚᱛᱱᱚᱥᱟᱯᱲᱟᱣ

ᱵᱽᱨᱟᱡᱤᱞ ᱨᱮᱱᱟᱜ ᱯᱩᱨᱩᱵᱽ ᱫᱚ ᱟᱴᱞᱟᱱᱴᱤᱠ ᱢᱚᱦᱟᱫᱚᱨᱮᱭᱟ ᱛᱮ ᱮᱥᱮᱫ ᱠᱟᱱᱟ᱾ ᱩᱛᱟᱹᱨ ᱥᱮᱡ ᱫᱚ ᱵᱷᱮᱱᱮᱡᱩᱭᱮᱞᱟ, ᱜᱟᱭᱟᱱᱟ, ᱥᱩᱨᱤᱱᱟᱢ ᱟᱨ ᱯᱷᱨᱟᱱᱥ ᱨᱮᱱᱟᱜ ᱯᱷᱚᱨᱟᱥᱤ ᱜᱟᱭᱟᱱᱟ᱾ ᱩᱛᱟᱹᱨ ᱯᱟᱹᱪᱷᱤᱢ ᱥᱮᱡ ᱠᱚᱞᱚᱢᱵᱤᱭᱟ᱾ ᱯᱟᱹᱪᱷᱤᱢ ᱥᱮᱡ ᱵᱚᱞᱤᱵᱷᱤᱭᱟ ᱟᱨ ᱯᱮᱨᱩ᱾ ᱫᱟᱹᱠᱷᱤᱱ ᱯᱟᱹᱪᱷᱤᱢ ᱥᱮᱡ ᱟᱨᱡᱮᱱᱴᱤᱱᱟ ᱟᱨ ᱯᱮᱨᱟᱜᱩᱭᱮ᱾ ᱟᱨ ᱫᱟᱹᱠᱷᱤᱱ ᱥᱮᱡ ᱫᱚ ᱩᱨᱩᱜᱩᱭᱮ ᱢᱮᱱᱟᱜᱼᱟ᱾

ᱵᱽᱨᱟᱡᱤᱞ ᱨᱮᱱᱟᱜ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ 8,515,767.049 km2 (3,287,956 sq mi), ᱚᱱᱟ ᱥᱟᱶᱛᱮ ᱫᱟᱜ ᱥᱤᱢᱟᱹᱱᱟ ᱦᱚᱸ ᱦᱩᱭᱩᱜ ᱠᱟᱱᱟ 55,455 km2 (21,411 sq mi)᱾[᱑᱑] ᱵᱽᱨᱟᱡᱤᱞ ᱨᱮᱱᱟᱜ ᱚᱛ ᱦᱟᱥᱟ ᱱᱟᱱᱟᱱ ᱯᱨᱟᱠᱟᱱ ᱜᱮᱭᱟ᱾ ᱵᱩᱨᱩ, ᱵᱤᱨ, ᱜᱟᱰᱟ ᱛᱮ ᱵᱽᱨᱟᱡᱤᱞ ᱫᱚ ᱯᱮᱨᱮᱡ ᱠᱟᱱᱟ᱾ ᱵᱽᱨᱟᱡᱤᱞ ᱨᱮᱜᱮ ᱡᱚᱛᱚ ᱠᱷᱚᱡ ᱡᱟᱹᱥᱛᱤ ᱵᱤᱨ ᱟᱨ ᱜᱟᱰᱟ ᱢᱮᱱᱟᱜᱼᱟ᱾ ᱱᱚᱣᱟ ᱫᱷᱟᱹᱨᱛᱤ ᱨᱮᱭᱟᱜ ᱫᱚᱥᱟᱨ ᱞᱟᱹᱴᱩ ᱜᱟᱰᱟ ᱟᱢᱟᱡᱚᱱ ᱜᱟᱰᱟ ᱫᱚ ᱵᱽᱨᱟᱡᱤᱞ ᱨᱮᱜᱮ ᱢᱮᱱᱟᱜᱼᱟ᱾

ᱟᱹᱨᱤ ᱪᱟᱹᱞᱤᱥᱟᱯᱲᱟᱣ

᱓ ᱥᱟᱭ ᱥᱮᱨᱢᱟ ᱯᱳᱨᱛᱩᱜᱤᱡᱟ ᱫᱚᱠᱷᱟᱞ ᱨᱮ ᱛᱟᱸᱦᱮᱸᱞᱮᱱᱛᱮ ᱵᱽᱨᱟᱡᱤᱞ ᱨᱮᱭᱟᱜ ᱟᱹᱨᱤ ᱪᱟᱹᱞᱤ ᱫᱚ ᱯᱳᱨᱛᱩᱜᱤᱠ ᱟᱹᱨᱤᱪᱟᱹᱞᱤ ᱠᱷᱚᱱ ᱜᱮ ᱦᱮᱡ ᱠᱟᱱᱟ᱾ ᱚᱱᱚ ᱵᱟᱫᱽ ᱠᱟᱛᱮ ᱦᱚᱸ ᱵᱽᱨᱟᱡᱤᱞ ᱨᱮᱱ ᱟᱹᱫᱤᱵᱟᱹᱥᱤ ᱠᱳᱣᱟᱜ ᱟᱹᱨᱤᱪᱟᱹᱞᱤ ᱦᱚᱸ ᱵᱮᱥᱛᱮ ᱢᱮᱱᱟᱜᱼᱟ᱾

ᱪᱤᱛᱟᱹᱨᱠᱩᱥᱟᱯᱲᱟᱣ

ᱟᱨᱦᱚᱸ ᱧᱮᱞᱢᱮᱥᱟᱯᱲᱟᱣ

ᱵᱟᱨᱦᱮ ᱡᱚᱱᱚᱲᱥᱟᱯᱲᱟᱣ

Government

General information

ᱯᱷᱮᱰᱟᱛᱥᱟᱯᱲᱟᱣ

  1. Geography of Brazil"The World Factbook। Central Intelligence Agency। ২০০৮। সংগৃহীত ২০০৮-০৬-০৩।
  2. "People of Brazil"The World Factbook। Central Intelligence Agency। ২০০৮। সংগৃহীত ২০০৮-০৬-০৩।
  3. Eduardo Bueno, Brasil: uma História (São Paulo: Ática, 2003; আইএসবিএন ৮৫-০৮-০৮২১৩-৪), p.36.
  4. CNRTL – Centre National de Ressources Textuelles et Lexicales (ফরাসি)
  5. Michaelis – Moderno Dicionário da Língua Portuguesa (পর্তুগিজ)
  6. iDicionário Aulete (পর্তুগিজ)
  7. Boxer, p. 98.
  8. Boxer, p. 100.
  9. Lustosa, pp. 109–110
  10. Lustosa, pp. 150–153
  11. "Geography of Brazil". The World Factbook. Central Intelligence Agency. 2008. Retrieved 3 June 2008.