ᱠᱟᱨᱜᱤᱞ ᱦᱚᱱᱚᱛ

ᱠᱟᱨᱜᱤᱞ ᱦᱚᱱᱚᱛ ᱠᱚᱧᱮ ᱥᱤᱧᱚᱛ ᱨᱮᱱᱟᱜ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱞᱟᱫᱟᱠᱷ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱱᱚᱣᱟ ᱫᱚ ᱞᱟᱫᱟᱠᱷ ᱨᱮᱱᱟᱜ ᱮᱛᱚᱢ ᱠᱷᱚᱱ ᱠᱚᱧᱮ ᱦᱟᱹᱵᱤᱫ ᱯᱟᱥᱱᱟᱣ ᱢᱮᱱᱟᱜᱼᱟ᱾ ᱦᱚᱱᱚᱛ ᱨᱮᱱᱟᱜ ᱯᱟᱪᱮ ᱥᱮᱫ ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ, ᱥᱟᱢᱟᱝ ᱥᱮᱫ ᱞᱮᱦ ᱦᱚᱱᱚᱛ, ᱮᱛᱚᱢ ᱥᱮᱫ ᱯᱟᱠᱤᱥᱛᱟᱱ ᱥᱟᱥᱚᱱᱮᱫ ᱜᱤᱞᱜᱤᱛ-ᱵᱟᱞᱛᱤᱥᱛᱟᱱ ᱟᱨ ᱠᱚᱧᱮ ᱥᱮᱫ ᱦᱤᱢᱟᱪᱚᱞ ᱯᱨᱚᱫᱮᱥ ᱢᱮᱱᱟᱜᱼᱟ᱾ ᱯᱩᱨᱤᱜ ᱟᱨ ᱡᱟᱱᱥᱠᱟᱨ ᱧᱩᱛᱩᱢᱟᱱ ᱵᱟᱨᱭᱟ ᱱᱟᱜᱟᱢᱤᱭᱟᱹ ᱴᱚᱴᱟᱷ ᱤᱫᱤᱠᱟᱛᱮᱡ ᱱᱚᱣᱟ ᱦᱚᱱᱚᱛ ᱢᱟᱨᱟᱝ ᱦᱮᱢᱟᱞᱵᱩᱨᱩ ᱨᱮᱱᱟᱜ ᱮᱛᱚᱢᱼᱯᱟᱪᱮ ᱨᱮ ᱢᱮᱱᱟᱜ ᱡᱟᱱᱥᱠᱟᱨ ᱵᱩᱨᱩᱢᱟᱞᱟ ᱨᱮ ᱢᱮᱱᱟᱜᱼᱟ ᱾ ᱠᱟᱨᱜᱤᱞ ᱦᱚᱱᱚᱛ ᱨᱮᱱ ᱦᱚᱲ ᱫᱨᱟᱥ, ᱥᱩᱨ, ᱠᱟᱨᱛᱮᱥ, ᱣᱟᱠᱷᱟ ᱟᱨ ᱡᱟᱱᱥᱠᱟᱨ ᱜᱟᱰᱟ ᱟᱨᱮ ᱨᱮ ᱠᱚ ᱛᱟᱦᱮᱸᱱᱟ ᱾

ᱠᱟᱨᱜᱤᱞ ᱦᱚᱱᱚᱛ
ᱞᱟᱫᱟᱠᱷ ᱨᱮᱱᱟᱜ ᱦᱚᱱᱚᱛ
ᱞᱟᱫᱟᱠᱷ ᱟᱨ ᱯᱟᱥᱱᱟᱣ ᱟᱠᱟᱱ ᱠᱟᱹᱥᱢᱤᱨ ᱴᱚᱴᱷᱟ ᱨᱮ ᱠᱟᱨᱜᱤᱞ ᱦᱚᱱᱚᱛ
ᱫᱤᱥᱚᱢ	ᱥᱤᱧᱚᱛ
ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ	ᱞᱟᱫᱟᱠᱷ
ᱛᱷᱟᱯᱚᱱ	ᱡᱩᱞᱟᱭ ᱑᱙᱗᱙
ᱦᱮᱰᱠᱩᱣᱟᱴᱚᱨ	ᱠᱟᱨᱜᱤᱞ
ᱥᱚᱨᱠᱟᱨ
• ᱰᱤᱯᱴᱤ ᱠᱚᱢᱤᱥᱚᱱᱟᱨ	Baseer-ul-Haq Choudhary
• Chief Executive Councillor	ᱯᱷᱮᱨᱚᱡᱽ ᱚᱦᱢᱮᱫᱽ ᱠᱷᱟᱱ
• ᱞᱳᱠ ᱥᱚᱵᱷᱟ	ᱞᱟᱫᱟᱠᱷ
ᱮᱨᱤᱭᱟ
• ᱜᱩᱴ	14086 ᱠᱤᱢᱤ২ (5439 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱜᱩᱴ	᱑᱔᱐,᱘᱐᱒
• ᱰᱮᱱᱥᱤᱴᱤ	10�0/ᱠᱤᱢᱤ2 (26/ᱜᱟᱺᱴ ᱢᱟᱹᱭᱤᱞ)
• ᱱᱟᱜᱟᱨ	᱑᱖,᱓᱓᱘
ᱦᱚᱲ ᱮᱞ
• ᱠᱟᱜᱚᱡᱤᱭᱟᱹ	᱗᱑.᱓᱔%
• ᱡᱟᱱᱟᱝ ᱡᱟᱹᱱᱤ	᱘᱑᱐
IST (ᱭᱩᱴᱤᱥᱤ+᱐᱕:᱓᱐)
ᱣᱮᱵᱽᱥᱟᱭᱤᱴ	http://kargil.nic.in/

ᱠᱟᱨᱜᱤᱞ ᱨᱮᱱᱟᱜ ᱢᱮᱞ (ᱱᱚᱣᱟ ᱢᱮᱯ ᱨᱮ ᱪᱤᱱ ᱥᱟᱥᱚᱱᱮᱫ ᱟᱠᱥᱟᱭ ᱪᱤᱱ) ᱨᱮᱱᱟᱜ ᱢᱤᱫ ᱴᱚᱴᱷᱟ ᱥᱮᱞᱮᱫ ᱢᱮᱱᱟᱜᱼᱟ ᱺ

ᱱᱚᱣᱟ ᱦᱚᱱᱚᱛ ᱑᱙᱗᱙ ᱥᱮᱨᱢᱟ ᱨᱮ ᱞᱮᱱ ᱦᱚᱱᱚᱛ ᱠᱷᱚᱱ ᱵᱷᱮᱜᱟᱨ ᱠᱟᱛᱮᱡ ᱵᱮᱱᱟᱣ ᱦᱩᱭ ᱞᱮᱱᱟ ᱾ ᱒᱐᱐᱓ ᱥᱮᱨᱢᱟ ᱨᱮ ᱞᱟᱫᱟᱠᱷ ᱚᱴᱚᱱᱚᱢᱟᱥ ᱦᱤᱞ ᱰᱮᱵᱷᱞᱚᱵᱷᱢᱮᱱᱴ ᱠᱟᱭᱩᱱᱥᱤᱞ ᱵᱮᱱᱟᱣ ᱦᱩᱭ ᱞᱮᱱᱟ ᱾

᱒᱐᱑᱙ ᱥᱮᱨᱢᱟ ᱨᱮ ᱥᱤᱧᱚᱛᱤᱭᱟᱹ ᱥᱚᱝᱥᱚᱫ ᱢᱤᱫ ᱠᱟᱹᱱᱩᱱ ᱯᱟᱥ ᱠᱟᱛᱮᱡᱽ ᱠᱟᱨᱜᱤᱞ ᱫᱚ ᱞᱟᱫᱟᱠᱷ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱨᱮᱱᱟᱜ ᱢᱤᱫ ᱦᱚᱱᱚᱛ ᱞᱮᱠᱟᱛᱮ ᱵᱮᱱᱟᱣ ᱦᱩᱭ ᱞᱮᱱᱟ ᱡᱟᱦᱟ ᱫᱚ ᱓᱑ ᱚᱠᱴᱚᱵᱚᱨ ᱒᱐᱑᱙ ᱨᱮ ᱵᱮᱱᱟᱣ ᱦᱩᱭ ᱞᱮᱱᱟ ᱾ ᱠᱟᱨᱜᱤᱞ ᱥᱚᱦᱚᱨ ᱟᱨ ᱞᱮᱦ ᱥᱚᱦᱚᱨ ᱢᱤᱫ ᱥᱟᱶ ᱛᱮ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱨᱮᱱᱟᱜ ᱨᱟᱡᱽᱜᱟᱲ ᱞᱮᱱᱟᱛᱮ ᱵᱮᱱᱟᱣ ᱦᱩᱭ ᱟᱠᱟᱱᱟ ᱾

ᱧᱩᱛᱩᱢ

ᱠᱟᱨᱜᱤᱞ ᱧᱩᱛᱩᱢ ᱫᱚ ᱠᱷᱟᱜ ᱢᱮᱱᱮᱫ ᱫᱩᱨᱜᱳ ᱟᱨ ᱨᱠᱤᱞ ᱢᱮᱱᱮᱫ ᱛᱟᱞᱢᱟ ᱠᱷᱚᱱ ᱦᱮᱡᱽ ᱟᱠᱟᱱᱟ ᱾ ᱠᱟᱨᱜᱤᱞ ᱫᱩᱨᱜᱳ ᱢᱩᱫ ᱨᱮ ᱢᱤᱫ ᱡᱟᱦᱟ ᱵᱩᱡᱦᱟᱹᱜᱼᱟ, ᱡᱟᱦᱟ ᱨᱮ ᱦᱚᱲ ᱠᱚ ᱛᱮᱦᱮ ᱫᱟᱲᱮᱭᱟᱜᱼᱟ ᱾

ᱚᱛᱱᱚᱜ

ᱠᱟᱨᱜᱤᱞ ᱦᱚᱱᱚᱛ ᱦᱮᱢᱟᱞᱵᱩᱨᱩ ᱨᱮ ᱢᱮᱱᱟᱜ ᱠᱷᱟᱹᱛᱤᱨ ᱱᱚᱰᱮᱱᱟᱜ ᱦᱚᱭᱦᱤᱥᱤᱫ ᱨᱮᱭᱟᱨ ᱜᱮᱭᱟ ᱾ ᱥᱤᱛᱩᱝ ᱨᱤᱛᱩ ᱨᱮ ᱞᱚᱞᱚ ᱟᱨ ᱧᱤᱸᱫᱟᱹ ᱨᱟᱵᱟᱝ ᱛᱟᱦᱮᱱᱟ᱾ ᱨᱟᱵᱟᱝ ᱨᱤᱛᱩ ᱨᱮ ᱟᱹᱰᱤ ᱟᱭᱢᱟ ᱨᱟᱵᱟᱝ ᱥᱟᱶ ᱴᱮᱢᱯᱟᱨᱮᱪᱟᱨ -᱑᱕° ᱥᱮᱞᱥᱤᱟᱹᱥ (᱕° ᱯᱷᱟᱨᱮᱱᱦᱟᱭᱤᱴ) ᱜᱟᱱ ᱛᱟᱦᱮᱱᱟ ᱾ ᱠᱟᱨᱜᱤᱞ ᱥᱚᱦᱚᱨ ᱠᱷᱚᱱ ᱕᱖ ᱠᱤᱢᱤ (᱓᱕ ᱢᱟᱭᱤᱞ) ᱥᱟᱹᱜᱤᱱ ᱫᱨᱟᱥ ᱥᱚᱦᱟᱨ ᱨᱮ ᱴᱮᱢᱯᱟᱨᱮᱪᱟᱨ -᱖᱐° ᱥᱮᱞᱥᱤᱟᱹᱥ (-᱗᱖° ᱯᱷᱟᱨᱮᱱᱦᱟᱭᱤᱴ) ᱦᱟᱹᱵᱤᱫ ᱨᱮᱠᱚᱨᱰ ᱢᱮᱱᱟᱜᱼᱟ ᱾ ᱑᱔,᱐᱘᱖ ᱪᱟᱹᱣᱠᱟᱹ ᱠᱤᱢᱤ (᱕,᱔᱓᱙ ᱪᱟᱹᱣᱠᱟᱹ ᱢᱟᱭᱤᱞ) ᱛᱮ ᱯᱟᱥᱱᱟᱣ ᱢᱮᱱᱟᱜ ᱱᱚᱣᱟ ᱠᱟᱨᱜᱤᱞ ᱦᱚᱱᱚᱛ ᱛᱟᱞᱟ ᱛᱮ ᱥᱩᱨᱩ ᱜᱟᱰᱟ ᱟᱛᱳ ᱪᱟᱞᱟᱣ ᱟᱠᱟᱱᱟ ᱾

ᱡᱟᱹᱛᱤᱭᱟᱹᱨᱤ ᱥᱚᱨᱚᱠ ᱑ᱰᱤ ᱥᱨᱤᱱᱚᱜᱚᱨ ᱠᱷᱚᱱ ᱠᱟᱨᱜᱤᱞ ᱥᱮᱫ ᱛᱮ ᱞᱮᱦ ᱦᱟᱹᱵᱤᱫ ᱥᱮᱱ ᱟᱠᱟᱱᱟ ᱾ ᱡᱳᱡᱳᱞᱟ ᱨᱮ ᱟᱹᱰᱤ ᱟᱭᱢᱟ ᱟᱨᱮᱞᱡᱟᱹᱨᱤ (ᱵᱚᱨᱚᱯᱷ) ᱠᱷᱟᱹᱛᱤᱨ ᱱᱚᱣᱟ ᱥᱚᱨᱚᱠ ᱪᱮᱛᱟᱱ ᱛᱮ ᱠᱷᱟᱹᱞᱤ ᱢᱮ ᱠᱷᱚᱱ ᱰᱤᱥᱮᱢᱵᱚᱨ ᱦᱟᱹᱵᱤᱫ ᱦᱤᱡᱩᱜᱼᱥᱮᱱᱚᱜ ᱡᱩᱛᱩᱜᱼᱟ ᱾

ᱦᱚᱲ ᱮᱞ

᱒᱐᱑᱑ ᱥᱮᱨᱢᱟ ᱦᱚᱲᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱠᱟᱨᱜᱤᱞ ᱦᱚᱱᱚᱛ ᱨᱮ ᱑᱔᱐,᱘᱐᱒ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ᱾ ᱦᱚᱲ ᱮᱞ ᱞᱮᱠᱟᱛᱮ ᱱᱚᱣᱟ ᱫᱚ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫ ᱨᱮ ᱖᱐᱓ ᱟᱱᱟᱜ ᱴᱷᱟᱶ ᱨᱮ ᱢᱮᱱᱟᱜᱼᱟ ᱾ ᱦᱚᱱᱚᱛ ᱨᱮ ᱢᱤᱫ ᱪᱟᱹᱣᱠᱟᱹ ᱠᱤᱢᱤ ᱨᱮ ᱑᱐ ᱡᱚᱱᱟ ᱜᱟᱱ ᱦᱚᱲ ᱠᱚ ᱛᱟᱦᱮᱱ ᱠᱟᱱᱟ (᱒᱖/ ᱪᱟᱹᱣᱠᱟᱹ ᱢᱟᱭᱤᱞ) ᱾ ᱒᱐᱐᱑ ᱠᱷᱚᱱ ᱒᱐᱑᱑ ᱥᱮᱨᱢᱟ ᱦᱚᱲᱞᱮᱠᱷᱟ ᱢᱩᱫ ᱨᱮ ᱦᱚᱱᱚᱛ ᱨᱮ ᱒᱐.᱑᱘% ᱦᱚᱲ ᱠᱚ ᱡᱟᱹᱥᱛᱤ ᱣᱟᱠᱟᱱᱟ᱾ ᱠᱟᱨᱜᱤᱞ ᱨᱮ ᱡᱟᱱᱟᱝ ᱡᱟᱹᱱᱤ ᱑᱐᱐᱐ ᱠᱚᱲᱟ ᱨᱮ ᱘᱒᱐ ᱠᱩᱲᱤ ᱟᱨ ᱠᱟᱜᱚᱡᱤᱭᱟᱹ ᱦᱚᱲ ᱮᱞ ᱩ᱒.᱓᱓% ᱾

ᱫᱷᱚᱨᱚᱢ

ᱠᱟᱨᱜᱤᱞ ᱦᱚᱱᱚᱛ ᱨᱮ ᱫᱷᱚᱨᱚᱢ (᱒᱐᱑᱑)

  ᱤᱥᱞᱟᱢ (76.87%)

  ᱵᱩᱫᱫᱷᱚ (14.29%)

  ᱦᱤᱱᱫᱩ (7.34%)

  ᱥᱤᱠᱷ (0.83%)

  ᱤᱥᱟᱹᱭ (0.43%)

  ᱡᱚᱭᱱᱚ (0.02%)

  ᱮᱴᱟᱜ (0.00%)

  ᱵᱟᱝ ᱵᱟᱲᱟᱭ (0.21%)

ᱵᱟᱨᱦᱮ ᱡᱚᱱᱚᱲ

• ᱳᱯᱮᱱᱥᱴᱨᱤᱴ ᱢᱮᱯ ᱨᱮ ᱠᱟᱨᱜᱤᱞ ᱦᱚᱱᱚᱛ ᱨᱮᱱᱟᱜ ᱜᱟᱰᱟᱠᱚ: ᱫᱨᱟᱥ, ᱥᱩᱨᱩ ᱟᱨ ᱠᱷᱟᱨᱛᱮᱥ, ᱣᱟᱠᱷᱟ, ᱡᱟᱱᱥᱠᱟᱨ
• "ᱠᱟᱨᱜᱤᱞ ᱦᱚᱱᱚᱛ", ᱚᱯᱷᱤᱥᱤᱭᱟᱞ ᱠᱟᱨᱜᱤᱞ ᱥᱟᱦᱴᱟ
• Ladakh Autonomous Hill Development Council, Kargil
• ᱠᱟᱨᱜᱤᱞ ᱛᱚᱦᱚᱥᱤᱞ ᱢᱮᱯ, MapsofIndia.com
• "Pakistan's Northern Areas dilemma", BBC