ᱠᱳᱴᱴᱟᱭᱚᱢ ᱨᱮᱞᱣᱮ ᱥᱴᱮᱥᱚᱱ
ᱠᱳᱴᱴᱟᱭᱚᱢ ᱨᱮᱞᱣᱮ ᱥᱴᱮᱥᱚᱱ (ᱥᱴᱮᱥᱚᱱ ᱠᱳᱰ: KTYM[᱒]) ᱫᱚ ᱮᱛᱚᱢ ᱨᱮᱞᱣᱮ ᱴᱚᱴᱷᱟ ᱨᱮᱱᱟᱜ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱨᱮᱞᱣᱮ ᱰᱤᱵᱤᱡᱚᱱ ᱨᱮ NSG-3 ᱛᱷᱚᱠ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾[᱓] ᱱᱚᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱠᱮᱨᱚᱞ ᱯᱚᱱᱚᱛ ᱨᱮᱱᱟᱜ ᱠᱳᱴᱴᱟᱭᱚᱢ ᱨᱮ ᱢᱮᱱᱟᱜᱼᱟ ᱾ ᱠᱳᱴᱴᱟᱭᱚᱢ ᱫᱚ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱟᱨ ᱮᱨᱱᱟᱠᱩᱞᱚᱢ ᱛᱟᱞᱟ ᱨᱮ ᱢᱤᱫᱴᱟᱹᱝ ᱠᱟᱹᱢᱤᱭᱟᱱ ᱨᱮᱞ ᱰᱟᱦᱟᱨ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ NSG 3 ᱛᱷᱚᱠ ᱨᱮᱱᱟᱜ ᱥᱴᱮᱥᱚᱱ ᱠᱟᱱᱟ ᱾ ᱱᱚᱣᱟ ᱥᱴᱮᱥᱚᱱ ᱠᱷᱚᱱ ᱱᱟᱶᱟ ᱫᱤᱞᱞᱤ, ᱢᱩᱢᱵᱟᱭ, ᱪᱮᱱᱱᱟᱭ, ᱵᱮᱝᱜᱟᱞᱩᱨᱩ, ᱦᱟᱭᱫᱨᱟᱵᱟᱫᱽ, ᱠᱚᱭᱟᱢᱵᱟᱴᱩᱨ, ᱵᱷᱚᱯᱟᱞ, ᱯᱩᱱᱮ ᱟᱨ ᱢᱟᱝᱜᱽᱞᱳᱨ ᱞᱮᱠᱟᱱ ᱫᱤᱥᱚᱢ ᱨᱮᱱᱟᱜ ᱟᱭᱢᱟ ᱢᱩᱬ ᱥᱚᱦᱚᱨ ᱠᱷᱚᱱ ᱫᱤᱱᱟᱹᱢ ᱦᱤᱞᱚᱜ ᱡᱚᱲᱟᱣ ᱟᱠᱟᱱ ᱟᱹᱰᱤ ᱟᱭᱢᱟ ᱡᱷᱟᱹᱞ ᱥᱟ:ᱜᱤᱧ ᱨᱮᱱᱟᱜ ᱨᱮᱞ ᱥᱮᱵᱟ ᱢᱮᱱᱟᱜᱼᱟ ᱾ ᱥᱤᱧᱚᱛ ᱨᱮᱱᱟᱜ ᱢᱩᱪᱟᱹᱫ ᱫᱷᱟᱨᱮ ᱠᱚ ᱥᱟᱶ ᱡᱚᱲᱟᱣ ᱟᱠᱟᱱ ᱴᱨᱮᱱ ᱠᱚᱫᱚ ᱡᱟᱹᱢᱢᱩ ᱛᱚᱵᱤ, ᱰᱤᱵᱽᱨᱩᱜᱚᱲ ᱮᱢᱟᱱ ᱥᱴᱮᱥᱚᱱ ᱞᱮᱠᱟᱛᱮ ᱦᱚᱸ ᱥᱮᱱᱚᱜᱼᱟ ᱾ ᱥᱟᱵᱽᱨᱤᱢᱟᱞᱟ ᱢᱚᱱᱫᱤᱨ ᱥᱮᱴᱮᱨᱚᱜ ᱞᱟᱹᱜᱤᱫ ᱛᱮ ᱱᱚᱣᱟ ᱫᱚ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱛᱟᱞᱢᱟ-ᱮᱨᱱᱟᱠᱩᱞᱚᱢ ᱰᱟᱦᱟᱨ ᱨᱮᱱᱟᱜ ᱟᱹᱰᱤ ᱠᱟᱹᱢᱤᱭᱟᱱ ᱥᱴᱮᱥᱚᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱠᱳᱴᱴᱟᱭᱚᱢ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱟᱵᱽᱨᱤᱢᱟᱞᱟ ᱢᱚᱱᱫᱤᱨ, ᱵᱟᱜᱟᱢᱚᱱ, ᱠᱩᱢᱟᱨᱠᱳᱢ, ᱤᱞᱤᱠᱚᱞ ᱠᱚᱞᱞᱩ – ᱦᱟᱭ ᱨᱮᱸᱡᱽ, ᱥᱮᱸᱴ ᱟᱞᱯᱷᱳᱱᱥᱚ ᱢᱚᱠᱵᱨᱟ, ᱯᱟᱞᱟ ᱮᱢᱟᱱ ᱯᱟᱥᱮᱱᱡᱚᱨ ᱠᱚ ᱞᱟᱹᱜᱤᱫ ᱢᱤᱫ ᱥᱴᱮᱥᱚᱱ ᱠᱟᱱᱟ ᱾ ᱥᱴᱮᱥᱚᱱ ᱨᱮ ᱱᱤᱛᱚᱜ ᱵᱟᱨᱭᱟ ᱵᱟᱭᱯᱟᱥ ᱯᱞᱮᱴᱯᱷᱚᱨᱢ (᱑ ᱟᱨ ᱒) ᱟᱨ ᱯᱮᱭᱟ ᱴᱟᱨᱢᱤᱱᱟᱞ ᱯᱞᱮᱴᱯᱷᱚᱨᱢ (᱓,᱔ ᱟᱨ ᱕) ᱢᱮᱱᱟᱜᱼᱟ ᱾ ᱡᱚᱛᱚ ᱯᱞᱮᱴᱯᱷᱚᱨᱢ ᱨᱮ ᱒᱔ ᱜᱚᱴᱟᱝ ᱠᱚᱪ ᱢᱮᱱᱟᱜ ᱤᱱᱡᱤᱱ ᱠᱚ ᱥᱮᱞᱮᱫ ᱫᱟᱲᱮᱭᱟᱜᱼᱟ ᱾ ᱥᱴᱮᱥᱚᱱ ᱨᱮ ᱱᱤᱛᱚᱜ ᱢᱤᱫ ᱱᱟᱣᱟ ᱵᱚᱞᱚᱱ ᱫᱩᱣᱟᱹᱨ ᱥᱟᱶᱛᱮ 1A ᱯᱞᱮᱴᱯᱷᱚᱨᱢ ᱨᱮᱱᱟᱜ ᱵᱮᱱᱟᱣ ᱪᱟᱞᱟᱜ ᱠᱟᱱᱟ ᱾ ᱪᱤᱝᱵᱚᱱᱚᱢ ᱠᱷᱚᱱ ᱮᱴᱩᱢᱟᱱᱩᱨ ᱫᱷᱟᱹᱨᱤᱡ ᱵᱟᱨᱭᱟ ᱨᱮᱞ ᱞᱟᱭᱤᱱ ᱯᱩᱨᱟᱹᱣ ᱠᱟᱛᱮ, ᱮᱛᱚᱢ ᱨᱮᱞᱣᱮ ᱫᱚ ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱠᱷᱚᱱ ᱢᱮᱝᱜᱚᱞᱩᱨ ᱫᱷᱟᱹᱨᱤᱡ ᱵᱟᱨᱭᱟ ᱨᱮᱞ ᱞᱟᱭᱤᱱ ᱯᱩᱨᱟᱹᱣ ᱮᱱᱟ ᱾
ᱠᱳᱴᱴᱟᱭᱚᱢ | |||||
|---|---|---|---|---|---|
| ᱡᱷᱟᱹᱞ ᱥᱟ:ᱜᱤᱧ ᱨᱮᱱᱟᱜ ᱨᱮᱞ ᱥᱴᱮᱥᱚᱱ | |||||
| ᱢᱮᱱᱮᱞᱟ ᱠᱟᱛᱷᱟ | |||||
| ᱴᱷᱟᱶ | ᱱᱟᱜᱚᱢᱯᱚᱫᱚᱢ, ᱠᱳᱴᱴᱟᱭᱚᱢ, ᱠᱳᱴᱴᱟᱭᱚᱢ ᱦᱚᱱᱚᱛ, ᱠᱮᱨᱚᱞ ᱥᱤᱧᱚᱛ | ||||
| ᱚᱛᱱᱚᱜ ᱴᱷᱟᱶ | 9°35′42″N 76°31′52″E / 9.595°N 76.531°E | ||||
| ᱢᱟᱹᱞᱤᱠ ᱛᱟᱹᱨᱤ ᱨᱮ | ᱥᱤᱧᱚᱛᱤᱭᱟᱹ ᱨᱮᱞ | ||||
| ᱪᱟᱪᱟᱣ | ᱮᱛᱚᱢ ᱨᱮᱞᱣᱮ ᱴᱚᱴᱷᱟ | ||||
| ᱞᱟᱭᱤᱱ (ᱠᱚ) | ᱮᱨᱱᱟᱠᱩᱞᱚᱢ–ᱠᱳᱴᱴᱟᱭᱚᱢ–ᱠᱟᱭᱚᱢᱠᱩᱞᱚᱢ ᱞᱟᱭᱤᱱ | ||||
| ᱯᱞᱮᱴᱯᱷᱚᱨᱢ | ᱖ | ||||
| ᱴᱨᱮᱠ | ᱙ | ||||
| ᱡᱚᱲᱟᱣ | ᱱᱟᱜᱚᱢᱯᱚᱫᱚᱢ ᱵᱟᱥ ᱥᱴᱮᱸᱰ, ᱚᱴᱚ ᱨᱤᱠᱥᱟ ᱥᱴᱮᱸᱰ, ᱴᱮᱠᱥᱤ ᱥᱴᱮᱸᱰ | ||||
| ᱵᱮᱱᱟᱣ | |||||
| ᱜᱚᱲᱦᱚᱱ ᱨᱮᱭᱟᱜ ᱫᱷᱚᱨᱚᱱ | ᱥᱴᱟᱱᱰᱟᱨᱰ ᱚᱛ ᱨᱮ ᱥᱴᱮᱥᱚᱱ | ||||
| ᱯᱟᱨᱠᱤᱝ | ᱢᱮᱱᱟᱜᱼᱟ | ||||
| ᱰᱤᱥᱮᱵᱮᱞ ᱠᱚᱣᱟᱜ ᱥᱩᱵᱤᱫᱷᱟᱹ |  | ||||
| ᱮᱴᱟᱜ ᱠᱟᱛᱷᱟ ᱠᱚ | |||||
| ᱦᱟᱞᱚᱛ | ᱠᱟᱹᱢᱤᱦᱚᱨᱟ | ||||
| ᱥᱴᱮᱥᱚᱱ ᱠᱳᱰ | KTYM | ||||
| ᱴᱚᱴᱷᱟ (ᱠᱚ) | ᱮᱛᱚᱢ ᱨᱮᱞᱣᱮ ᱴᱚᱴᱷᱟ | ||||
| ᱦᱟᱹᱴᱤᱧ(ᱠᱚ) | ᱛᱤᱨᱩᱣᱚᱱᱚᱱᱛᱯᱩᱨᱚᱢ | ||||
| ᱦᱟᱹᱯᱟᱹᱴᱤᱧ | NSG-3 | ||||
| ᱱᱟᱜᱟᱢ | |||||
| ᱪᱟᱹᱞᱩ | ᱑᱙᱕᱗ | ||||
| ᱤᱞᱮᱠᱴᱨᱤᱯᱷᱤᱠᱮᱥᱚᱱ | ᱢᱮᱱᱟᱜᱼᱟ | ||||
| ᱯᱟᱥᱮᱱᱡᱚᱨ | |||||
| ᱒᱐᱑᱘–᱑᱙ | ᱑᱒᱓᱑᱙ ᱫᱤᱱᱟᱹᱢ ᱦᱤᱞᱚᱜ[᱑] | ||||
| |||||
| ᱴᱷᱟᱶ | |||||
  ᱠᱳᱴᱴᱟᱭᱚᱢ Location within India | |||||
ᱱᱟᱜᱟᱢ
ᱥᱟᱯᱲᱟᱣᱮᱨᱱᱟᱠᱩᱞᱚᱢ ᱟᱨ ᱠᱚᱞᱞᱟᱢ ᱛᱟᱞᱟ ᱨᱮ ᱢᱤᱴᱚᱨ-ᱜᱮᱡᱽ ᱯᱨᱚᱡᱮᱠᱴ ᱨᱮᱱᱟᱜ ᱠᱟᱹᱢᱤ ᱒᱔ ᱰᱤᱥᱮᱢᱵᱚᱨ ᱑᱙᱕᱒ ᱨᱮ ᱮᱛᱚᱦᱚᱵ ᱞᱮᱱᱟ ᱾ ᱮᱨᱱᱟᱠᱩᱞᱚᱢ ᱠᱷᱚᱱ ᱠᱳᱴᱴᱟᱭᱚᱢ ᱫᱷᱟᱹᱨᱤᱡ ᱢᱤᱴᱚᱨ-ᱜᱮᱡᱽ ᱨᱮᱞᱣᱮ ᱞᱟᱭᱤᱱ ᱫᱚ ᱑᱙᱕᱖ ᱥᱟᱞ ᱨᱮ ᱯᱩᱨᱟᱹᱣ ᱞᱮᱱᱟ ᱟᱨ ᱚᱠᱴᱚᱵᱚᱨ ᱑᱙᱕᱖ ᱨᱮ ᱥᱚᱨᱠᱟᱨᱤ ᱞᱮᱠᱟᱛᱮ ᱡᱷᱤᱡ ᱥᱟᱹᱜᱩᱱ ᱞᱮᱱᱟ ᱾ ᱛᱟᱭᱚᱢ ᱛᱮ ᱢᱤᱴᱚᱨ-ᱜᱮᱡᱽ ᱞᱟᱭᱤᱱ ᱫᱚ ᱠᱚᱞᱞᱟᱢ ᱫᱷᱟᱹᱨᱤᱡ ᱵᱟᱲᱦᱟᱣ ᱞᱮᱱᱟ ᱾ ᱑᱙᱕᱘ ᱥᱮᱨᱢᱟ ᱨᱮ ᱟᱨ ᱖ ᱡᱟᱱᱩᱣᱟᱨᱤ ᱑᱙᱕᱘ ᱥᱮᱨᱢᱟ ᱨᱮ ᱱᱚᱣᱟ ᱡᱷᱤᱡ ᱥᱟᱹᱜᱩᱱ ᱦᱩᱭ ᱞᱮᱱᱟ ᱾[᱔]
ᱞᱚᱠᱥᱟ
ᱥᱟᱯᱲᱟᱣᱠᱳᱴᱴᱟᱭᱚᱢ ᱨᱮᱞᱣᱮ ᱥᱴᱮᱥᱚᱱ ᱨᱮ ᱡᱷᱟᱹᱞ ᱥᱟᱺᱜᱤᱧ ᱟᱨ ᱯᱟᱥᱮᱱᱡᱚᱨ ᱴᱨᱮᱱ ᱠᱚ ᱨᱮᱱᱟᱜ ᱪᱟᱪᱞᱟᱣ ᱞᱟᱹᱜᱤᱫ ᱛᱮ ᱯᱞᱮᱴᱯᱷᱚᱨᱢ ᱢᱮᱱᱟᱜᱼᱟ ᱾ ᱥᱴᱮᱥᱚᱱ ᱨᱮ ᱢᱤᱫᱴᱟᱹᱝ ᱨᱮᱞᱣᱮ ᱢᱟᱞ ᱥᱮᱰ ᱦᱚᱸ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱒᱐᱑᱙ ᱥᱟᱞ ᱨᱮ ᱨᱟᱹᱯᱩᱫ ᱞᱮᱱᱟ ᱛᱟᱦᱮᱸᱫ ᱾ ᱱᱚᱣᱟ ᱥᱴᱮᱥᱚᱱ ᱫᱚ ᱱᱟᱜᱚᱢᱯᱚᱫᱚᱢ ᱨᱮ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱠᱳᱴᱴᱟᱭᱚᱢ ᱥᱚᱦᱚᱨ ᱠᱷᱚᱱ ᱒.᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱢᱩᱬᱩᱛ
ᱥᱟᱯᱲᱟᱣᱠᱳᱴᱴᱟᱭᱚᱢ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱩᱨ ᱨᱮᱱᱟᱜ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ, ᱱᱚᱣᱟ ᱫᱚ ᱠᱩᱢᱟᱨᱠᱳᱢ ᱞᱮᱠᱟᱱ ᱧᱩᱛᱩᱢᱟᱱ ᱧᱮᱞᱡᱚᱝ ᱴᱷᱟᱶ ᱫᱷᱟᱹᱨᱤᱡ ᱠᱚ ᱥᱮᱴᱮᱨ ᱫᱟᱲᱮᱭᱟᱜᱼᱟ ᱾ ᱠᱚᱴᱴᱟᱭᱚᱢ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱚᱵᱽᱨᱤᱢᱟᱞᱟ ᱫᱷᱚᱨᱚᱢ ᱥᱟᱸᱜᱷᱟᱨᱤᱭᱟᱹ ᱥᱮᱱᱚᱜ ᱞᱟᱹᱜᱤᱫ ᱛᱮ ᱦᱚᱸ ᱵᱮᱵᱷᱟᱨᱚᱜᱼᱟ, ᱢᱮᱱᱠᱷᱟᱱ ᱪᱮᱝᱜᱚᱱᱱᱩᱨ ᱫᱚ ᱥᱚᱵᱽᱨᱤᱢᱟᱞᱟ ᱨᱮᱱᱟᱜ ᱛᱟᱞᱢᱟ ᱠᱟᱱᱟ ᱾[᱕] ᱥᱚᱵᱽᱨᱤᱢᱟᱞᱟ ᱫᱷᱚᱨᱚᱢ ᱥᱟᱸᱜᱷᱟᱨᱤᱭᱟᱹ ᱚᱠᱛᱚ ᱨᱮ, ᱯᱚᱱᱚᱛ ᱦᱮᱡ ᱥᱮᱱ ᱨᱮᱱᱟᱜ ᱵᱟᱥ ᱱᱚᱣᱟ ᱥᱴᱮᱥᱚᱱ ᱠᱷᱚᱱ ᱪᱟᱞᱟᱜᱼᱟ ᱾
ᱠᱳᱴᱴᱟᱭᱚᱢ ᱠᱷᱚᱱ ᱮᱛᱚᱦᱚᱵ ᱟᱨ ᱢᱩᱪᱟᱹᱫᱚᱜ ᱠᱟᱱ ᱨᱮᱞᱜᱟᱹᱰᱤ ᱠᱚ
ᱥᱟᱯᱲᱟᱣ- ᱱᱤᱞᱟᱢᱵᱩᱨ ᱨᱳᱰ - ᱠᱳᱴᱴᱟᱭᱚᱢ ᱮᱠᱥᱯᱨᱮᱥ (᱑᱖᱓᱒᱕/᱑᱖᱓᱒᱖)
- ᱱᱟᱜᱚᱨᱠᱳᱭᱞ - ᱠᱳᱴᱴᱟᱭᱚᱢ ᱮᱠᱥᱯᱨᱮᱥ (᱑᱖᱓᱖) - ᱢᱩᱪᱟᱹᱫ
- ᱠᱳᱴᱴᱟᱭᱚᱢ - ᱮᱨᱱᱟᱠᱩᱞᱚᱢ ᱡᱚᱸᱠᱥᱚᱱ ᱢᱮᱢᱩ / ᱯᱟᱥᱮᱱᱡᱚᱨ
- ᱠᱳᱴᱴᱟᱭᱚᱢ - ᱠᱚᱞᱞᱟᱢ ᱡᱚᱸᱠᱥᱚᱱ ᱢᱮᱢᱩ / ᱯᱟᱥᱮᱱᱡᱚᱨ
ᱢᱩᱬᱩᱛ ᱨᱮᱞ ᱜᱟᱹᱰᱤ ᱠᱚ
ᱥᱟᱯᱲᱟᱣᱱᱚᱶᱟ ᱰᱟᱦᱟᱨ ᱛᱮ ᱥᱮᱱᱚᱜ ᱠᱟᱱ ᱢᱩᱬᱩᱛ ᱨᱮᱞᱜᱟᱹᱰᱤ ᱠᱚ:
- ᱛᱤᱨᱩᱣᱚᱱᱚᱱᱛᱯᱩᱨᱚᱢ - ᱠᱟᱥᱟᱨᱜᱚᱰ ᱵᱚᱱᱫᱮ ᱵᱷᱟᱨᱚᱛ ᱮᱠᱥᱯᱨᱮᱥ
- ᱠᱚᱪᱩᱵᱷᱮᱞᱤ - ᱞᱳᱠᱢᱚᱱᱭᱟ ᱛᱤᱞᱚᱠ ᱜᱚᱨᱤᱵᱽ ᱨᱚᱛᱷ ᱮᱠᱥᱯᱨᱮᱥ.
- ᱠᱚᱪᱩᱵᱷᱮᱞᱤ - ᱭᱮᱥᱣᱟᱱᱛᱯᱩᱨ ᱜᱚᱨᱤᱵᱽ ᱨᱚᱛᱷ ᱮᱠᱥᱯᱨᱮᱥ.
- ᱛᱤᱨᱩᱣᱚᱱᱚᱱᱛᱯᱩᱨᱚᱢ - ᱠᱟᱱᱱᱩᱨ ᱡᱚᱱ ᱥᱚᱛᱟᱵᱽᱫᱤ ᱮᱠᱥᱯᱨᱮᱥ.
- ᱠᱚᱪᱩᱵᱷᱮᱞᱤ-ᱵᱮᱝᱜᱟᱞᱩᱨᱩ ᱦᱚᱢᱥᱟᱯᱟᱨ ᱮᱠᱥᱯᱨᱮᱥ
ᱱᱟᱣᱟ ᱫᱤᱞᱞᱤ - ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱠᱮᱨᱟᱞᱟ ᱥᱩᱯᱚᱨᱯᱷᱟᱥᱴ ᱮᱠᱥᱯᱨᱮᱥ, ᱠᱚᱱᱭᱟᱠᱩᱢᱟᱨᱤ - ᱰᱤᱵᱽᱨᱩᱜᱚᱲ ᱵᱤᱵᱷᱮᱠ ᱥᱩᱯᱚᱨᱯᱷᱟᱥᱴ ᱮᱠᱥᱯᱨᱮᱥ (ᱥᱤᱧᱚᱛ ᱨᱮ ᱟᱹᱰᱤ ᱫᱤᱱ ᱫᱷᱟᱹᱨᱤᱡ ᱪᱟᱞᱟᱜᱟᱜ ᱴᱨᱮᱱ), ᱦᱤᱢᱥᱟᱜᱚᱨ ᱮᱠᱥᱯᱨᱮᱥ, ᱠᱚᱱᱭᱟᱠᱩᱢᱟᱨᱤ - ᱯᱩᱱᱮ ᱮᱠᱥᱯᱨᱮᱥ, ᱚᱢᱨᱤᱛᱷᱟ ᱮᱠᱥᱯᱨᱮᱥ, ᱮᱨᱱᱟᱠᱩᱞᱚᱢ - ᱵᱷᱮᱞᱟᱱᱠᱟᱱᱱᱤ ᱮᱠᱥᱯᱨᱮᱥ, ᱠᱚᱞᱞᱟᱢ - ᱛᱤᱨᱩᱯᱟᱛᱤ ᱮᱠᱥᱯᱨᱮᱥ, ᱯᱟᱞᱟᱨᱩᱵᱤ ᱮᱠᱥᱯᱨᱮᱥ, ᱢᱟᱞᱟᱵᱟᱨ ᱮᱠᱥᱯᱨᱮᱥ, ᱯᱟᱨᱥᱩᱨᱟᱢ ᱮᱠᱥᱯᱨᱮᱥ, ᱨᱟᱡᱽᱭᱚ ᱨᱟᱹᱱᱤ ᱮᱠᱥᱯᱨᱮᱥ, ᱵᱷᱮᱱᱟᱰ ᱮᱠᱥᱯᱨᱮᱥ ᱮᱢᱟᱱ ᱪᱟᱞᱟᱜ ᱠᱟᱱᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Annual originating passengers and earnings for the year 2018-19 - Thiruvananthapuram Division". Indian Railways. Archived from the original (PDF) on 19 August 2013. Retrieved 11 September 2018.
- ↑ "Station Code Index" (PDF). Portal of Indian Railways. Centre For Railway Information Systems. 2023–24. p. 6. Archived from the original (PDF) on 16 February 2024. Retrieved 26 March 2024.
- ↑ "SOUTHERN RAILWAY LIST OF STATIONS AS ON 01.04.2023 (CATEGORY- WISE)" (PDF). Portal of Indian Railways. Centre For Railway Information Systems. 1 April 2023. p. 2. Archived from the original (PDF) on 23 March 2024. Retrieved 26 March 2024.
- ↑ Fifty years in State ‘integration’
- ↑ Sabarimala pilgrimage: Kottayam railway station offers better facilities for pilgrims Times of India