ᱢᱚᱦᱟᱥᱣᱮᱛᱟ ᱫᱮᱵᱤ
ᱢᱚᱦᱟᱥᱣᱮᱛᱟ ᱫᱮᱵᱤ ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱚᱱᱚᱞᱤᱭᱟᱹ ᱟᱨ ᱢᱟᱹᱱᱢᱤ ᱟᱹᱭᱫᱟᱹᱨᱤ ᱠᱟᱢᱤᱭᱟᱹᱭ ᱛᱟᱸᱦᱮ ᱠᱟᱱᱟ ᱾[᱑][᱒] ᱩᱱᱤᱭᱟᱜ ᱧᱩᱛᱩᱢᱟᱱ ᱚᱱᱚᱞ ᱠᱚᱫᱚ ᱦᱩᱭᱩᱜ ᱠᱟᱱᱟ ᱦᱟᱡᱟᱨ ᱪᱩᱨᱟᱥᱤᱨ ᱢᱟ, ᱚᱨᱚᱱᱱᱮᱨ ᱚᱫᱷᱤᱠᱟᱨ, ᱨᱩᱫᱟᱞᱤ ᱮᱢᱟᱱ ᱮᱢᱟᱱ ᱾ ᱢᱚᱦᱟᱥᱥᱮᱛᱟ ᱫᱮᱵᱤ ᱫᱚ ᱥᱤᱧᱚᱛ ᱨᱮᱭᱟᱜ ᱟᱭᱢᱟ ᱯᱚᱱᱚᱛ ᱡᱮᱞᱮᱠᱟ ᱯᱚᱪᱷᱤᱢ ᱵᱟᱝᱞᱟ, ᱵᱤᱦᱟᱨ, ᱢᱚᱫᱷᱭᱚ ᱯᱨᱚᱫᱮᱥ, ᱪᱷᱚᱛᱛᱤᱥᱜᱚᱲ ᱯᱚᱱᱚᱛ ᱨᱮ ᱢᱮᱱᱟᱜ ᱠᱚ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱟᱹᱭᱫᱟᱹᱨ ᱞᱟᱹᱜᱤᱫ ᱟᱭᱢᱟ ᱠᱟᱹᱢᱤ ᱠᱚᱭ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱫᱚ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱷᱟᱹ, ᱜᱮᱭᱟᱱᱯᱤᱴᱷ ᱥᱤᱨᱯᱟᱹ , ᱨᱚᱢᱚᱱ ᱢᱮᱜᱽᱥᱟᱥᱟᱭ ᱥᱤᱨᱯᱟᱹ ᱥᱟᱶᱛᱮ ᱟᱭᱢᱟ ᱥᱟᱶᱦᱮᱫᱤᱭᱟᱹ ᱥᱤᱨᱯᱟᱹ ᱦᱚᱭ ᱧᱟᱢ ᱞᱮᱫᱟ ᱾ᱥᱟᱶᱛᱮ ᱯᱚᱫᱫᱚᱥᱨᱤ ᱟᱨ ᱯᱚᱫᱫᱚᱵᱤᱵᱷᱩᱥᱚᱱ ᱥᱤᱨᱯᱟᱹ ᱦᱚᱸ ᱧᱟᱢ ᱞᱮᱫᱟ ᱾ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱡᱚᱛᱚᱠᱷᱚᱱ ᱢᱟᱨᱟᱝ ᱥᱤᱨᱯᱟᱹ ᱵᱚᱝᱜᱚᱵᱤᱵᱷᱩᱥᱚᱱ ᱮᱢᱟᱱ ᱮ ᱮᱢᱟᱫᱮ ᱛᱟᱸᱦᱮᱫ᱾
| ᱢᱟᱦᱟᱥᱣᱮᱛᱟ ᱫᱮᱵᱤ | |
|---|---|
.jpg) ᱨᱮᱢᱚᱱ ᱢᱟᱜᱥᱮᱥᱟᱭ ᱥᱤᱨᱯᱷᱟᱹ (᱑᱙᱙᱗) ᱨᱮ ᱫᱮᱵᱤ | |
| ᱡᱟᱱᱟᱢ | ᱑᱔ ᱡᱟᱱᱩᱣᱟᱨᱤ ᱑᱙᱒᱖ ᱰᱷᱮᱠᱟ, ᱵᱚᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱽᱨᱤᱴᱤᱥ ᱤᱱᱰᱤᱭᱟ (ᱱᱤᱛᱚᱜ ᱰᱷᱟᱠᱟ, ᱵᱟᱝᱞᱟᱫᱮᱥ) |
| ᱜᱩᱨ | ᱒᱘ ᱡᱩᱞᱟᱭ ᱒᱐᱑᱖ (᱙᱐ ᱵᱚᱭᱚᱥ) ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱥᱟᱶᱛᱟ ᱠᱟᱹᱢᱤᱭᱟᱹ |
| ᱥᱮᱪᱮᱫ ᱟᱥᱲᱟ | ᱵᱤᱥᱥᱚ-ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱵᱤᱡᱚᱭᱜᱚᱲ ᱡᱚᱭᱚᱛᱤᱥ ᱨᱟᱭ ᱠᱚᱞᱮᱡᱽ |
| ᱥᱟᱶᱦᱮᱫ ᱮᱱᱮᱢ | ᱦᱟᱡᱟᱨ ᱪᱩᱨᱟᱥᱤᱨ ᱢᱟ (᱑᱐᱘᱔ ᱨᱮᱱ ᱟᱭᱳ) ᱟᱨᱟᱱᱤᱭᱚᱨ ᱟᱫᱷᱤᱠᱟᱨ (The Right of the Forest) ᱴᱤᱴᱩ ᱢᱤᱨ |
| ᱥᱤᱨᱯᱷᱟᱹ | ᱯᱚᱫᱽᱢᱚ ᱵᱤᱵᱷᱩᱥᱟᱱ ᱯᱚᱫᱽᱢᱚᱥᱨᱤ ᱥᱟᱦᱤᱛᱭᱚ ᱮᱠᱟᱰᱮᱢᱤᱥᱤᱨᱯᱷᱟᱹ ᱨᱟᱢᱚᱱ ᱢᱟᱜᱥᱟᱭᱥᱟᱭ ᱥᱤᱨᱯᱷᱟᱹ ᱡᱚᱱᱚᱱᱯᱤᱛᱷ ᱥᱤᱨᱯᱷᱟᱹ |
| ᱡᱤᱭᱚᱱ ᱥᱚᱦᱮᱫ | ᱵᱤᱡᱚᱱ ᱵᱷᱟᱴᱟᱪᱟᱨᱤᱭᱟ (᱑᱙᱔᱗-᱑᱙᱖᱒) ᱟᱥᱤᱛ ᱜᱩᱯᱛᱟ (᱑᱙᱖᱕-᱑᱙᱗᱖) |
| ᱦᱚᱯᱚᱱ | ᱱᱮᱵᱟᱨᱩᱱ ᱵᱷᱟᱴᱟᱪᱟᱨᱤᱭᱟ |
| ᱯᱮᱲᱟ ᱥᱟᱹᱜᱟᱹᱭᱟᱱ ᱠᱚ | ᱢᱟᱱᱤᱥ ᱠᱷᱚᱛᱚᱠ (ᱵᱟᱵᱟ) ᱫᱷᱚᱨᱤᱛᱨᱤ ᱫᱮᱵᱤ (ᱟᱭᱳ) ᱨᱤᱛᱣᱤᱠ ᱠᱷᱚᱛᱚᱠ (ᱠᱟᱠᱟ) |
| ᱥᱩᱦᱤ |  |
ᱮᱛᱚᱦᱚᱵ ᱡᱤᱭᱚᱱ
ᱥᱟᱯᱲᱟᱣᱫᱮᱵᱤ ᱫᱚ ᱑᱔ ᱡᱟᱱᱩᱭᱟᱨᱤ ᱑᱙᱒᱖ ᱥᱟᱞ ᱨᱮ ᱵᱨᱤᱴᱤᱥ ᱵᱷᱟᱨᱚᱛ ᱨᱮᱭᱟᱜ ᱰᱷᱟᱠᱟ ᱥᱚᱦᱚᱨ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱢᱚᱱᱤᱥ ᱜᱷᱚᱴᱚᱠ ᱫᱚ ᱠᱚᱞᱞᱳᱞ ᱥᱟᱶᱦᱮᱫ ᱯᱟᱛᱷᱟᱢ ᱨᱮᱱᱟᱜ ᱚᱢᱚᱲᱦᱤᱭᱟᱹᱭ ᱛᱟᱸᱦᱮ ᱠᱟᱱᱟ᱾ ᱩᱱᱤ ᱫᱚ ᱡᱩᱵᱚᱱᱟᱥᱥᱚ ᱵᱟᱦᱱᱟ ᱧᱩᱛᱩᱢ ᱛᱮᱭ ᱚᱞᱚᱜ ᱠᱟᱱ ᱛᱟᱸᱦᱮᱫ ᱠᱟᱱᱟ ᱾ ᱢᱚᱱᱤᱥ ᱜᱷᱚᱴᱚᱠ ᱨᱮᱱ ᱵᱚᱭᱦᱟ ᱧᱩᱛᱩᱢᱟᱱ ᱥᱤᱱᱮᱢᱟ ᱰᱟᱭᱨᱮᱠᱴᱚᱨ ᱨᱤᱛᱛᱤᱠ ᱜᱷᱚᱴᱚᱠ ᱠᱟᱱᱟᱭ᱾ ᱢᱚᱦᱟᱥᱥᱮᱛᱟ ᱫᱮᱵᱤ ᱟᱜ ᱟᱭᱳ ᱫᱷᱚᱨᱤᱛᱨᱤ ᱫᱮᱵᱤ ᱦᱚᱸ ᱥᱟᱶᱛᱟ ᱠᱟᱢᱤᱭᱟᱹᱭ ᱛᱟᱸᱦᱮ ᱠᱟᱱᱟ᱾ ᱵᱷᱟᱨᱚᱛ ᱵᱷᱮᱜᱟᱨ ᱛᱟᱭᱚᱢ ᱩᱱᱚ ᱫᱚ ᱩᱱᱤ ᱥᱤᱧᱚᱛ ᱨᱮᱭᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱮ ᱛᱟᱸᱦᱮ ᱞᱮᱱᱟ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱨᱚᱵᱤᱱᱫᱨᱚᱱᱟᱛᱷ ᱴᱷᱟᱠᱩᱨ ᱟᱜ ᱵᱤᱥᱥᱚᱵᱷᱟᱨᱚᱛᱤ ᱛᱟᱞᱢᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱥᱱᱟᱛᱚᱠ ᱮᱱᱟᱭ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱤᱝᱞᱤᱥ ᱥᱟᱶᱦᱮᱫ ᱨᱮ ᱮᱢ ᱮ ᱮᱱᱟᱭ᱾
ᱠᱟᱹᱢᱤ ᱡᱤᱭᱤᱱ
ᱥᱟᱯᱲᱟᱣᱥᱟᱶᱦᱮᱫ ᱠᱟᱢᱤ
ᱥᱟᱯᱲᱟᱣᱢᱚᱦᱟᱥᱥᱮᱛᱟ ᱫᱮᱵᱤ ᱫᱚ ᱑᱐᱐ ᱜᱚᱴᱟᱝ ᱜᱟᱢᱟᱢ ᱟᱨ ᱒᱐ ᱠᱷᱚᱱ ᱦᱚ ᱡᱟᱥᱛᱤ ᱦᱩᱰᱤᱧ ᱠᱟᱹᱦᱱᱤ ᱚᱞ ᱟᱠᱟᱫᱟ᱾ ᱢᱩᱲᱩᱛ ᱫᱚ ᱵᱟᱝᱞᱟ ᱯᱟᱹᱨᱥᱤ ᱛᱮᱭ ᱥᱟᱶᱦᱮᱫ ᱚᱞ ᱟᱠᱟᱫᱟ᱾ ᱢᱮᱱᱠᱷᱟᱱ ᱟᱭᱢᱟ ᱚᱞ ᱜᱮ ᱮᱴᱟᱜ ᱯᱟᱹᱨᱥᱤᱛᱮ ᱛᱚᱨᱡᱚᱢᱟ ᱦᱩᱭ ᱟᱠᱟᱱᱟ|ᱟᱡᱟᱜ ᱚᱞ ᱯᱩᱭᱞᱳ ᱜᱟᱢᱟᱢ ᱫᱚ ᱡᱷᱟᱸᱥᱤᱨ ᱨᱟᱱᱤ ᱡᱟᱸᱦᱟ ᱫᱚ ᱡᱷᱟᱸᱥᱤᱨ ᱨᱟᱱᱚ ᱞᱚᱠᱠᱷᱤᱵᱟᱭ ᱟᱜ ᱡᱤᱭᱚᱱ ᱜᱮ ᱠᱟᱱᱟ|ᱱᱚᱣᱟ ᱜᱟᱢᱟᱢ ᱫᱚ ᱑᱙᱕᱖ ᱥᱟᱞ ᱨᱮ ᱯᱟᱨᱥᱟᱞ ᱞᱮᱱᱟ᱾ ᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱱᱚᱧᱟ ᱜᱟᱢᱟᱢ ᱚᱞ ᱢᱟᱲᱟᱝ ᱨᱮ ᱡᱷᱟᱸᱥᱤ ᱮᱞᱟᱠᱟ ᱠᱷᱚᱱ ᱟᱭᱢᱟ ᱠᱟᱛᱷᱟ ᱟᱨ ᱥᱮᱨᱮᱧ ᱠᱚᱭ ᱛᱩᱢᱟᱹᱞ ᱟᱹᱜᱩ ᱞᱮᱫᱟ᱾ ᱑᱙᱖᱔ ᱥᱟᱞ ᱨᱮ ᱢᱚᱦᱟᱥᱥᱮᱛᱟ ᱫᱮᱵᱤ ᱫᱤ ᱵᱤᱡᱚᱭᱜᱚᱲ ᱠᱚᱞᱮᱡᱽ ᱨᱮ ᱢᱟᱪᱮᱛ ᱠᱟᱢᱤ ᱞ ᱮᱠᱟᱛᱮ ᱡᱤᱭᱚᱱ ᱮᱛᱚᱦᱚᱵ ᱞᱮᱫᱟ᱾ ᱩᱱ ᱚᱠᱛᱚ ᱫᱚ ᱵᱤᱡᱚᱭᱜᱚᱲ ᱠᱚᱞᱮᱡᱽ ᱫᱚ ᱠᱟᱹᱢᱤᱭᱟᱹ ᱠᱩᱲᱤ ᱜᱤᱫᱽᱨᱟᱹ ᱠᱚ ᱞᱟᱜᱤᱫ ᱢᱤᱫ ᱥᱮᱪᱮᱫ ᱛᱟᱞᱢᱟ ᱛᱟᱸᱦᱮ ᱠᱟᱱᱟ᱾ ᱩᱱᱤ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱ ᱞᱳᱫᱷᱟ ᱟᱨ ᱥᱚᱵᱚᱨ ᱠᱚ ᱟᱛᱮ ᱟᱭᱢᱟ ᱠᱟᱢᱤ ᱟᱠᱫᱟ᱾ ᱥᱟᱶᱛᱟ ᱟᱸᱫᱳᱲ - ᱢᱚᱦᱟᱥᱥᱮᱛᱟ ᱫᱮᱵᱤ ᱫᱚ ᱟᱭᱢᱟ ᱫᱷᱟᱣ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱞᱟᱹᱲᱦᱟᱹᱭ ᱨᱮ ᱨᱚᱲ ᱟᱠᱟᱫᱟ᱾ ᱒᱐᱑᱖ ᱥᱮᱨᱢᱟ ᱨᱮᱭᱟᱜ ᱡᱩᱱ ᱪᱟᱸᱫᱳ ᱨᱮ ᱢᱚᱦᱟᱥᱥᱮᱛᱟ ᱫᱮᱵᱤ ᱟᱜ ᱟᱱᱫᱳᱲ ᱠᱷᱟᱛᱤᱨ ᱡᱷᱟᱲᱠᱷᱚᱱᱰ ᱥᱚᱨᱠᱟᱨ ᱢᱤᱫᱴᱟᱝ ᱵᱤᱨᱥᱟ ᱢᱩᱱᱰᱟ ᱟᱜ ᱢᱩᱴᱷᱟᱹᱱ ᱠᱷᱚᱱ ᱢᱮᱲᱦᱮᱫ ᱥᱤᱠᱲᱤ ᱚᱪᱚᱜ ᱨᱮᱱᱟᱜ ᱠᱟᱢᱤ ᱟᱠᱟᱫᱟ᱾ ᱟᱹᱰᱤ ᱦᱟᱦᱟᱲᱟ ᱨᱮᱭᱟᱜ ᱠᱟᱛᱷᱟ ᱵᱤᱨᱥᱟ ᱢᱩᱱᱰᱟ ᱟᱜ ᱡᱤᱭᱚᱱ ᱠᱟᱛᱷᱟ ᱜᱮ ᱚᱨᱚᱱᱱᱮᱨ ᱚᱫᱷᱤᱠᱟᱨ ᱜᱟᱢᱟᱢ ᱨᱮ ᱯᱷᱳᱴᱮᱞ ᱟᱠᱟᱱᱟ᱾
ᱡᱤᱭᱚᱱ
ᱥᱟᱯᱲᱟᱣ᱑᱙᱔᱗ ᱥᱟᱞ ᱨᱮ ᱧᱩᱛᱩᱢᱟᱱ ᱱᱟᱴᱴᱚᱠᱟᱨ ᱥᱮ ᱜᱟᱭᱱᱟᱦᱟᱨ ᱵᱤᱡᱚᱱ ᱵᱷᱚᱴᱴᱟᱪᱟᱨᱡᱽᱚ ᱥᱟᱶ ᱵᱟᱯᱞᱟ ᱞᱮᱱᱟᱭ|ᱵᱤᱡᱚᱱ ᱵᱷᱚᱴᱴᱟᱪᱟᱨᱡᱽᱚ ᱫᱚ ᱵᱷᱟᱨᱚᱛᱤᱭᱚ ᱜᱚᱱᱚᱱᱟᱴᱴᱚ ᱥᱚᱝᱜᱷᱚ ᱨᱮᱱᱟᱜ ᱰᱟᱦᱟᱨ ᱩᱩᱫᱩᱜᱤᱡᱽ ᱞᱮᱠᱟᱛᱮ ᱛᱟᱸᱦᱮ ᱠᱟᱱᱟᱭ|᱑᱙᱔᱘ ᱥᱟᱞ ᱨᱮ ᱩᱱᱠᱤᱱᱟᱜ ᱜᱤᱫᱽᱨᱟᱹ ᱱᱚᱵᱟᱨᱩᱱ ᱵᱷᱚᱴᱴᱟᱪᱟᱨᱡᱽᱚ ᱡᱟᱱᱟᱢ ᱞᱮᱱᱟᱭ|ᱟᱡᱟᱜ ᱠᱟᱢᱤ ᱡᱤᱭᱚᱱ ᱨᱮ ᱡᱮᱞᱮᱠᱟ ᱟᱭᱢᱟ ᱫᱷᱟᱣ ᱵᱚᱱᱚᱫᱚᱞ ᱦᱩᱭ ᱟᱠᱟᱱᱟ ᱚᱱᱠᱟᱜᱮ ᱟᱡᱟᱜ ᱜᱷᱟᱨᱚᱧᱪ ᱡᱤᱭᱚᱱ ᱨᱮ ᱟᱹᱹᱰᱤ ᱫᱩᱠᱷ ᱮ ᱧᱟᱢ ᱞᱮᱫᱟ|ᱛᱟᱭᱚᱢ ᱫᱟᱨᱟᱢ ᱛᱮ ᱟᱠᱤᱱᱟᱜ ᱢᱩᱫᱨᱮ ᱥᱟᱠᱟᱢ ᱚᱲᱮᱡ ᱦᱚᱸ ᱦᱩᱭ ᱞᱮᱱᱟ| ᱚᱱᱟ ᱛᱟᱭᱚᱢ ᱑᱙᱖᱒ ᱥᱟᱞ ᱨᱮ ᱩᱱᱤ ᱫᱚ ᱚᱥᱤᱛ ᱜᱩᱯᱛᱚ ᱥᱟᱶ ᱵᱟᱯᱞᱟ ᱞᱮᱱᱟᱭ|
ᱵᱚᱸᱜᱟ ᱛᱟᱞᱟ
ᱥᱟᱯᱲᱟᱣ
᱒᱐᱑᱖ ᱥᱟᱞ ᱨᱮᱱᱟᱜ ᱒᱓ ᱡᱩᱞᱟᱭ ᱢᱚᱦᱟᱥᱥᱮᱛᱟ ᱫᱮᱵᱤ ᱫᱚ ᱦᱨᱤᱫᱨᱳᱜᱽ ᱡᱚᱴᱟᱣ ᱠᱷᱟᱛᱤᱨ ᱠᱚᱞᱠᱟᱛᱟ ᱨᱮ ᱢᱮᱱᱟᱜ ᱵᱮᱞᱵᱷᱤᱭᱩ ᱠᱞᱤᱱᱤᱠ ᱨᱮ ᱵᱷᱚᱨᱛᱤ ᱞᱮᱱᱟᱭ᱾ ᱚᱱᱟ ᱥᱮᱨᱢᱟ ᱨᱮᱱᱟᱜ ᱒᱘ ᱡᱩᱞᱟᱭ ᱵᱚᱸᱜᱟ ᱫᱤᱥᱚᱢ ᱛᱮᱭ ᱥᱮᱱ ᱞᱮᱱᱟ᱾
ᱥᱤᱨᱯᱟᱹ
ᱥᱟᱯᱲᱟᱣ- ᱑᱙᱗᱙ - ᱥᱟᱦᱤᱛᱴᱚ ᱮᱠᱟᱰᱮᱢᱤ
- ᱑᱙᱘᱖ - ᱥᱟᱶᱛᱟ ᱠᱟᱹᱢᱤ ᱨᱮ ᱯᱚᱫᱫᱚᱥᱨᱤ
- ᱑᱙᱙᱖ - ᱜᱮᱭᱟᱱᱯᱤᱴᱷ
- ᱑᱙᱙᱗ - ᱨᱚᱢᱚᱱ ᱢᱮᱜᱽᱥᱟᱭᱥᱟᱭ
- ᱒᱐᱐᱖ - ᱯᱚᱫᱫᱚᱵᱤᱵᱷᱩᱥᱚᱱ
- ᱒᱐᱑᱑ ᱵᱚᱝᱜᱚᱵᱤᱵᱷᱩᱥᱚᱱ ᱮᱢᱟᱱ ᱮᱢᱟᱱ
ᱥᱟᱶᱦᱮᱫ
ᱥᱟᱯᱲᱟᱣ- ᱡᱷᱟᱸᱥᱤᱨ ᱨᱟᱱᱤ
- ᱦᱟᱡᱟᱨ ᱪᱩᱨᱟᱥᱤᱨ ᱢᱟ
- ᱚᱨᱚᱱᱱᱮᱨ ᱚᱫᱷᱤᱠᱟᱨ
- ᱚᱜᱽᱱᱤᱜᱚᱨᱵᱷᱚ (ᱦᱩᱰᱤᱧ ᱠᱟᱦᱤᱱᱤ ᱥᱚᱝᱠᱚᱞᱚᱱ)
- ᱵᱚᱨᱛᱤᱠᱟ - ᱯᱟᱛᱦᱟᱢ ᱠᱟᱱᱟ
ᱥᱤᱱᱮᱢᱟ
ᱥᱟᱯᱲᱟᱣ- ᱥᱚᱝᱜᱷᱚᱨᱥᱚ
- ᱨᱩᱫᱟᱞᱤ
- ᱦᱟᱡᱟᱨ ᱪᱩᱨᱟᱥᱤ ᱠᱟ ᱢᱟ ᱮᱢᱟᱱ ᱮᱢᱟᱱ
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ Detailed Biography Archived ᱒᱖ ᱢᱟᱨᱪ ᱒᱐᱑᱐ at the Wayback Machine. ᱨᱚᱢᱚᱱ ᱢᱮᱜᱽᱥᱟᱥᱟᱭ ᱥᱤᱨᱯᱟᱹ.
- ↑ John Charles Hawley (2001). Encyclopedia of Postcolonial Studies. Greenwood Publishing Group. pp. 142–. ISBN 978-0-313-31192-5. Retrieved 10 August 2024.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ- Works by or about ᱢᱚᱦᱟᱥᱣᱮᱛᱟ ᱫᱮᱵᱤ at Internet Archive
- ᱢᱚᱦᱟᱥᱣᱮᱛᱟ ᱫᱮᱵᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)