ᱢᱩᱨᱮᱱᱟ
ᱢᱩᱨᱮᱱᱟ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱢᱚᱫᱷᱭᱚ ᱯᱨᱚᱫᱮᱥ ᱨᱮ ᱢᱩᱨᱮᱱᱟ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱢᱤᱫ ᱱᱟᱜᱟᱨ ᱯᱟᱞᱤᱠᱟ ᱱᱤᱜᱟᱢ ᱤᱫᱤ ᱛᱮ ᱥᱟᱥᱚᱱ ᱪᱟᱪᱞᱟᱣ ᱠᱟᱱᱟ ᱾ ᱢᱮᱱᱟᱜᱼᱟ ᱢᱩᱨᱮᱱᱟ ᱦᱚᱱᱚᱛ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱦᱮᱰᱠᱩᱣᱟᱴᱚᱨ ᱟᱨ ᱪᱚᱢᱵᱟᱞ ᱰᱤᱵᱤᱡᱟᱱ ᱨᱮᱱᱟᱜ ᱾ ᱱᱚᱣᱟ ᱜᱣᱟᱞᱚᱭᱚᱨ, ᱢᱚᱫᱷᱭᱚ ᱯᱨᱚᱫᱮᱥ ᱠᱷᱚᱱ ᱓᱙ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾ ᱢᱩᱨᱮᱱᱟ ᱫᱚ ᱥᱟᱞᱮ ᱢᱟᱲᱟᱝ ᱰᱟᱠᱮᱛ ᱟᱜ ᱟᱴᱟᱸᱠ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜ ᱛᱟᱦᱮᱸᱫ ᱾ ᱵᱷᱤᱸᱰ ᱢᱤᱫᱴᱟᱝ ᱵᱷᱤᱱᱮ ᱥᱚᱦᱚᱨ ᱠᱟᱱᱟ ᱱᱚᱣᱟ ᱯᱩᱲᱥᱤ ᱢᱚᱨᱮᱱᱟ ᱠᱟᱱᱟ ᱾ ᱢᱩᱨᱮᱱᱟ ᱫᱚ ᱢᱤᱫ ᱤᱱᱰᱟᱥᱴᱨᱤᱭᱟᱞ ᱛᱟᱞᱢᱟ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱟᱫᱚ ᱠᱟᱹᱣᱰᱤ ᱟᱹᱨᱤ ᱪᱟᱥ ᱨᱮ ᱢᱩᱬ ᱞᱮᱠᱟᱛᱮ ᱰᱟᱯᱮᱱᱰᱮᱱᱴ (Dependent) ᱠᱟᱹᱢᱤ ᱠᱟᱱᱟ ᱾ ᱟᱹᱰᱤ ᱜᱟᱱ ᱛᱮᱭᱟᱨᱟᱜ ᱤᱱᱰᱟᱥᱴᱨᱤ ᱢᱩᱨᱮᱱᱟ ᱟᱨ ᱢᱩᱨᱮᱱᱟ ᱦᱚᱱᱚᱛ ᱨᱮᱱᱟᱜ ᱤᱱᱰᱟᱥᱴᱨᱤᱭᱟᱞ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾
| ᱢᱩᱨᱮᱱᱟ ᱢᱩᱨᱮᱱᱟ | |
|---|---|
| ᱥᱚᱦᱚᱨ | |
| ᱮᱴᱟᱜ ᱧᱩᱛᱩᱢ: ᱢᱚᱭᱩᱨᱵᱷᱟᱱ | |
  ᱢᱩᱨᱮᱱᱟ | |
| Coordinates: 26°30′N 78°00′E / 26.5°N 78.0°ECoordinates: 26°30′N 78°00′E / 26.5°N 78.0°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱢᱚᱫᱷᱭᱚ ᱯᱨᱚᱫᱮᱥ |
| ᱦᱚᱱᱚᱛ | ᱢᱩᱴᱮᱱᱟ |
| ᱥᱚᱨᱠᱟᱨ | |
| • MP | ᱱᱚᱨᱮᱱᱫᱽᱨᱚ ᱥᱤᱝ ᱛᱚᱢᱟᱨ |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 80 ᱠᱤᱢᱤ২ (30 ᱜᱟᱺᱴ ᱢᱟᱭᱤᱞ) |
| ᱩᱥᱩᱞ | 177 ᱢᱤᱴᱚᱨ (581 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱓᱐᱒᱑)[᱑] |
| • ᱞᱮᱠᱷᱟᱜᱩᱴ | ᱒᱐᱐᱔᱘᱓ |
| • ᱫᱷᱟᱹᱲ ᱮᱞ | 154 |
| • ᱰᱮᱱᱥᱤᱴᱤ | 2500/ᱠᱤᱢᱤ2 (6500/ᱜᱟᱺᱴ ᱢᱟᱹᱭᱤᱞ) |
| ᱯᱟᱹᱨᱥᱤ | |
| • ᱥᱚᱨᱠᱟᱨᱤ | ᱦᱤᱱᱫᱤ |
| IST (ᱭᱩᱴᱤᱥᱤ+5:30) | |
| ᱯᱤᱱ ᱠᱳᱰ | 476001 |
| Telephone code | 07532 |
| ᱜᱟᱹᱰᱤ ᱨᱤᱡᱤᱥᱴᱨᱤ | MP-06 |
| ᱣᱮᱵᱽᱥᱟᱭᱤᱴ | www |
ᱚᱛᱱᱚᱜ ᱥᱟᱯᱲᱟᱣ
ᱢᱩᱨᱮᱱᱟ 26°30′N 78°00′E / 26.5°N 78.0°E ᱨᱮ ᱢᱮᱱᱟᱜᱼᱟ ᱾[᱒]ᱱᱚᱣᱟ ᱨᱮᱱᱟᱜ ᱩᱥᱩᱞ ᱑᱗᱗ ᱢᱤᱴᱚᱨ (᱕᱘᱐ ᱯᱷᱤᱴ) ᱢᱮᱱᱟᱜᱼᱟ ᱾
ᱱᱚᱣᱟ ᱜᱣᱟᱞᱤᱭᱚᱨ ᱟᱨ ᱟᱜᱽᱨᱟ ᱥᱟᱶ ᱨᱮᱞ ᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱳᱭᱮᱞᱥᱤᱰ (Oilseeds) ᱢᱤᱞᱤᱝ ᱟᱨ ᱛᱩᱞᱮᱢ (cotton) ᱢᱩᱬ ᱤᱱᱰᱟᱥᱴᱨᱤ ᱢᱮᱱᱟᱜᱼᱟ ᱾ ᱥᱚᱦᱚᱨ ᱨᱮ ᱡᱤᱣᱟᱡᱤ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱯᱮᱭᱟ ᱠᱚᱞᱮᱡᱽ ᱟᱨ ᱟᱨᱡᱤᱯᱤᱵᱷᱤ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱵᱟᱨᱭᱟ ᱠᱚᱞᱮᱡᱽ ᱢᱮᱱᱟᱜᱼᱟ ᱾ ᱥᱩᱨᱥᱩᱯᱩᱨ ᱨᱮᱱᱟᱜ ᱴᱚᱴᱷᱟ ᱨᱮ ᱥᱟᱢᱟᱝ ᱨᱮ ᱥᱭᱚᱯᱩᱨ, ᱥᱚᱵᱚᱞᱜᱟᱲ, ᱜᱳᱨᱮᱭᱟ ᱵᱚᱥᱟᱭ, ᱜᱩᱨᱡᱟᱨ ᱚᱲᱟᱜ ᱟᱨ ᱤᱥᱟ ᱨᱮᱱᱟᱜ ᱮᱞᱟᱠᱟ ᱛᱟᱦᱮᱸ ᱠᱟᱱᱟ ᱾ ᱞᱟᱛᱟᱨ ᱪᱚᱢᱵᱚᱞ ᱜᱟᱰᱟ ᱨᱮᱱᱟᱜ ᱵᱮᱥᱤᱱ ᱨᱮᱱᱟᱜ ᱠᱚᱧᱮ ᱨᱮ ᱢᱤᱫ ᱟᱞᱩᱣᱦᱤᱣᱟᱞ (Alluvial), ᱚᱠᱚᱭ ᱟᱹᱰᱤ ᱜᱟᱱ ᱠᱚᱰᱰ ᱢᱮᱱᱟᱜᱼᱟ, ᱟᱨ ᱮᱛᱚᱢ ᱨᱮᱱᱟᱜ ᱢᱤᱫ ᱵᱤᱨ ᱴᱚᱴᱷᱟ ᱢᱮᱱᱟᱜᱼᱟ ᱾ ᱜᱩᱦᱩᱢ ᱟᱨ ᱛᱤᱞᱦᱚᱱ ᱢᱩᱬ ᱶᱟᱰ ᱢᱮᱱᱟᱜᱼᱟ, ᱟᱨ ᱵᱤᱞᱰᱤᱝ ᱨᱮᱱᱟᱜ ᱫᱷᱤᱨᱤ ᱠᱷᱟᱫᱟᱱ ᱢᱮᱱᱟᱜᱼᱟ ᱾ ᱢᱩᱨᱮᱱᱟ ᱟᱡᱟᱜ ᱢᱚᱨᱚᱸ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱺ ᱚᱠᱚᱭᱟᱜ ᱤᱫᱤ ᱛᱮ (᱒᱐᱐᱑ ᱨᱮ ᱑᱕᱐,᱙᱕᱙) ᱾ ᱢᱟᱨᱮ ᱡᱩᱜᱽ ᱨᱮ ᱱᱚᱣᱟ ᱢᱚᱭᱩᱨ ᱵᱷᱮᱱ ᱫᱚᱠᱚ ᱢᱮᱛᱟᱜᱼᱟ ᱟᱠᱚ ᱛᱟᱦᱮᱸᱫ ᱪᱮᱫᱟᱜ ᱪᱮ ᱱᱚᱸᱰᱮ ᱟᱹᱰᱤ ᱢᱟᱨᱟᱝ ᱢᱟᱛᱨᱟ ᱨᱮ ᱢᱟᱨᱟᱜ ᱛᱟᱦᱮᱸ ᱠᱟᱱᱟ ᱾
ᱦᱚᱲ ᱮᱞ ᱥᱟᱯᱲᱟᱣ
᱒᱐᱑᱒ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱢᱩᱨᱮᱱ ᱨᱤᱱ ᱦᱚᱲ ᱮᱞ ᱓᱘᱘,᱓᱐᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾[᱓] ᱑᱓ᱹ᱒% ᱦᱚᱲ ᱮᱞ ᱛᱩᱨᱩᱭ ᱥᱟᱞ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾[᱓] ᱥᱮᱪᱮᱫ ᱘᱐ᱹ᱒᱘% ᱛᱟᱦᱮᱸ ᱠᱟᱱᱟ; ᱠᱚᱲᱟ ᱟᱜ ᱥᱮᱪᱮᱫ ᱘᱙ᱹ᱐᱘% ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱗᱐ᱹ᱒᱒ ᱛᱟᱦᱮᱸ ᱠᱟᱱᱟ ᱾[᱓]
ᱦᱚᱨ ᱰᱟᱦᱟᱨ ᱥᱟᱯᱲᱟᱣ
ᱥᱚᱲᱚᱠ ᱥᱟᱯᱲᱟᱣ
ᱢᱩᱨᱮᱱᱟ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱓ ᱨᱮ ᱢᱮᱱᱟᱜᱼᱟ ᱾ ᱥᱚᱲᱚᱠ ᱰᱟᱦᱟᱨ ᱯᱚᱱᱚᱛ ᱨᱮᱱᱟᱜ ᱡᱚᱛᱚ ᱴᱷᱟᱶ ᱟᱨ ᱥᱩᱨ ᱥᱩᱯᱩᱨ ᱨᱮᱱᱟᱜ ᱯᱚᱱᱚᱛ ᱨᱟᱡᱚᱥᱛᱷᱟᱱ ᱟᱨ ᱩᱛᱚᱨ ᱯᱨᱚᱫᱮᱥ ᱡᱚᱲᱟᱣ ᱟᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱥᱤᱧᱚᱛ ᱨᱮᱱᱟᱜ ᱛᱟᱞᱢᱟ ᱨᱮ ᱢᱮᱱᱟᱜᱼᱟ ᱟᱨ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱮᱞ ᱓ ᱨᱮᱱᱟᱜ ᱛᱟᱞᱟ ᱠᱷᱚᱱ ᱫᱤᱥᱚᱢ ᱨᱮ ᱜᱚᱴᱟ ᱥᱮᱫ ᱠᱷᱚᱱ ᱦᱚᱸ ᱥᱮᱴᱮᱨ ᱫᱟᱨᱮᱭᱟ ᱟ ᱾ ᱥᱚᱦᱚᱨ ᱥᱩᱨ ᱨᱮᱱᱟᱜ ᱥᱚᱦᱚᱨ, ᱟᱹᱛᱩ ᱟᱨ ᱥᱚᱦᱚᱨ ᱡᱚᱲᱟᱣ ᱟᱠᱟᱱ ᱥᱟᱶ ᱢᱚᱯᱷᱩᱥᱤᱞ (ᱥᱚᱦᱚᱨ ᱠᱷᱚᱱ ᱥᱚᱦᱚᱨ) ᱵᱟᱥ ᱥᱮᱵᱟ ᱢᱮᱱᱟᱜᱼᱟ ᱾ ᱢᱩᱨᱮᱱᱟ ᱠᱷᱚᱱ ᱵᱟᱥ ᱟᱨ ᱨᱮᱞᱰᱟᱦᱟᱨ ᱟᱜᱽᱨᱟ, ᱱᱟᱶᱟ ᱫᱤᱞᱞᱤ, ᱜᱣᱟᱞᱤᱭᱚᱨ ᱟᱨ ᱤᱱᱫᱚᱨ, ᱢᱩᱢᱵᱟᱭ, ᱵᱷᱚᱯᱟᱲ ᱞᱮᱠᱟᱱ ᱥᱚᱦᱚᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾
- ᱮᱴᱟᱜ ᱢᱩᱬᱩᱛ ᱱᱟᱜᱟᱨ ᱠᱷᱚᱱ ᱡᱷᱟᱹᱞ ᱦᱚᱨᱰᱟᱦᱟᱨ ᱥᱮᱫ ᱛᱮ
| Sl no | ᱱᱟᱜᱟᱨ | ᱡᱷᱟᱹᱞ (km) |
|---|---|---|
| ᱑ | ᱫᱤᱞᱞᱤ | ᱓᱑᱒ |
| ᱒ | ᱡᱚᱭᱯᱩᱨ | ᱓᱑᱖ |
| ᱓ | ᱠᱟᱱᱯᱩᱨ | ᱓᱐᱘ |
| ᱕ | ᱞᱚᱠᱱᱚᱣ | ᱓᱗᱐ |
| ᱕ | ᱟᱜᱽᱨᱟ | ᱘᱒ |
| ᱖ | ᱜᱣᱟᱞᱤᱭᱚᱨ | ᱓᱙ |
| ᱗ | ᱟᱞᱚᱜᱚᱲ | ᱑᱗᱒ |
| ᱘ | ᱢᱟᱴᱷᱩᱨᱟ | ᱑᱓᱘ |
| ᱙ | ᱵᱷᱨᱤᱱᱫᱟᱵᱷᱟᱱ | ᱑᱕᱓ |
| ᱑᱐ | ᱵᱟᱨᱮᱞᱤ | ᱓᱐᱐ |
| ᱑᱑ | ᱢᱮᱨᱟᱴ | ᱓᱓᱓ |
| ᱑᱒ | ᱡᱷᱟᱸᱥᱤ | ᱑᱕᱓ |
| ᱑᱓ | ᱦᱤᱱᱫᱟᱩᱱ ᱥᱚᱦᱚᱨ | ᱑᱔᱕ |
| ᱑᱔ | ᱯᱷᱟᱨᱤᱫᱟᱵᱟᱫᱽ | ᱒᱖᱐ |
| ᱑᱕ | ᱠᱷᱟᱡᱩᱨᱟᱦᱚ | ᱓᱓᱒ |
| ᱑᱖ | ᱠᱚᱴᱟ | ᱓᱗᱐ |
ᱥᱤᱧᱚᱛᱤᱭᱟᱹ ᱨᱮᱞᱣᱮ ᱥᱟᱯᱲᱟᱣ
ᱢᱩᱨᱮᱱᱟ ᱨᱮᱞᱣᱮ ᱥᱴᱮᱥᱚᱱ ᱫᱤᱞᱞᱤ, ᱢᱩᱢᱵᱟᱭ, ᱦᱟᱭᱫᱨᱟᱵᱟᱫᱽ, ᱪᱮᱱᱱᱟᱭ, ᱯᱩᱱᱮ, ᱡᱚᱭᱯᱩᱨ, ᱤᱱᱫᱚᱨ ᱟᱨ ᱮᱢᱟᱱ ᱢᱩᱬ ᱥᱚᱦᱚᱨ ᱥᱟᱶᱛᱮ ᱫᱤᱥᱚᱢ ᱨᱮᱱᱟᱜ ᱡᱚᱛᱚ ᱴᱷᱟᱶ ᱞᱟᱹᱜᱤᱫ ᱨᱮᱞ ᱵᱮᱵᱚᱥᱛᱟ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱱᱤᱭᱟᱹ ᱥᱚᱦᱚᱨ ᱞᱟᱹᱜᱤᱫ ᱴᱨᱮᱞ ᱤᱫᱤ ᱛᱮ ᱥᱚᱡᱷᱮ ᱡᱚᱲᱟᱣ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱮᱠᱥᱯᱨᱮᱥ ᱴᱨᱮᱱ ᱞᱮᱠᱟᱱᱟᱜ ᱵᱷᱚᱯᱟᱲ ᱮᱠᱥᱯᱨᱮᱥ, ᱛᱟᱡᱽ ᱮᱠᱥᱯᱨᱮᱥ ᱟᱨ ᱵᱷᱚᱯᱟᱲ ᱥᱚᱨᱟᱵᱫᱤ ᱟᱨ ᱟᱹᱰᱤ ᱜᱟᱱ ᱢᱩᱨᱮᱱᱟ ᱨᱮ ᱛᱤᱸᱜᱩᱱᱟ ᱾ ᱢᱩᱨᱮᱱᱟ ᱫᱤᱞᱞᱤᱼᱵᱷᱚᱯᱟᱲ ᱨᱮᱞᱣᱮ ᱰᱟᱦᱟᱨ ᱛᱟᱞᱟ ᱨᱮ ᱢᱮᱱᱟᱜᱼᱟ; ᱢᱩᱨᱮᱱᱟ ᱠᱷᱚᱱ ᱴᱨᱮᱱ ᱛᱮ ᱫᱤᱞᱞᱤ ᱥᱮᱴᱮᱨᱚ ᱨᱮ ᱯᱩᱱ ᱴᱟᱲᱟᱝ ᱟᱨ ᱵᱷᱚᱯᱟᱲ ᱥᱮᱴᱮᱨᱚ ᱨᱮ ᱛᱩᱨᱩᱭ ᱴᱟᱲᱟᱝ ᱚᱠᱛᱚ ᱦᱟᱛᱟᱣᱟ ᱾ ᱢᱩᱨᱮᱱᱟ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱤᱧᱚᱛ ᱡᱟᱜᱟᱛ ᱨᱮ ᱘᱐ ᱮ ᱠᱞᱟᱥ ᱨᱮᱱᱟᱜ ᱥᱴᱮᱥᱚᱱ ᱞᱮᱠᱟᱛᱮ ᱠᱞᱟᱥᱤᱯᱷᱤᱰ ᱪᱮᱠᱟ ᱟᱠᱟᱱᱟ ᱾ ᱱᱚᱣᱟ ᱨᱮᱞᱣᱮ ᱥᱴᱮᱥᱚᱱ ᱱᱮᱥᱱᱟᱞ ᱥᱠᱟᱣᱩᱴᱥ ᱮᱱᱰ ᱜᱟᱭᱤᱰ ᱤᱫᱤ ᱛᱮ ᱥᱤᱛᱩᱝ ᱨᱮ ᱨᱮᱭᱟᱲ ᱫᱟᱜ ᱧᱩ ᱞᱟᱹᱜᱤᱫ ᱛᱮ ᱯᱷᱮᱢᱚᱥ ᱜᱮᱭᱟ ᱾ [᱔]
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "Census of India Search details". censusindia.gov.in. Retrieved 10 May 2015.
- ↑ "Maps, Weather, and Airports for Morena, India".
- ↑ ᱓.᱐ ᱓.᱑ ᱓.᱒ "Provisional Population Totals, Census of India 2011; Cities having population 1 lakh and above" (PDF). Office of the Registrar General & Census Commissioner, India. Retrieved 26 March 2012.
- ↑ Barua, Nitin (1991-02-02). "Baruajee". Baruajee. Retrieved 2016-07-22.