ᱤᱴᱟᱣᱟ

ᱤᱴᱟᱣᱟ
ᱤᱥᱛᱤᱠᱟᱯᱩᱨᱤ
ᱤᱴᱟᱣᱟ; ᱤᱥᱛᱤᱠᱟᱯᱩᱨᱤ
ᱢᱚᱴᱨᱚᱯᱚᱞᱤᱴᱟᱱ ᱥᱚᱦᱚᱨ
	ᱥᱩᱢᱮᱨ ᱥᱤᱝ ᱠᱤᱞᱟ
	ᱤᱴᱟᱣᱟ
	Coordinates: 26°46′N 79°02′E / 26.77°N 79.03°ECoordinates: 26°46′N 79°02′E / 26.77°N 79.03°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱩᱛᱛᱚᱨ ᱯᱨᱚᱫᱮᱥ
ᱦᱚᱱᱚᱛ	ᱤᱴᱟᱣᱟ
ᱥᱚᱨᱠᱟᱨ
• ᱞᱮᱠᱟᱱ	ᱱᱚᱜᱚᱨ ᱵᱟᱹᱭᱥᱤ
• ᱪᱟᱪᱞᱟᱣ	ᱤᱴᱟᱣᱟ ᱱᱚᱜᱚᱨ ᱯᱟᱞᱤᱠᱟ ᱵᱟᱹᱭᱥᱤ
• MLA (ᱤᱴᱟᱣᱟ ᱵᱟᱪᱷᱱᱟᱣ ᱴᱚᱴᱷᱟ)	ᱥᱚᱨᱤᱛᱟ ᱵᱷᱚᱫᱚᱣᱨᱤᱭᱟ (ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ)
ᱩᱥᱩᱞ	197 ᱢᱤᱴᱚᱨ (646 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱒᱕᱖,᱘᱓᱘
• ᱫᱷᱟᱹᱲ ᱮᱞ	᱑᱘᱐ ᱟᱱᱟᱜ
• ᱰᱮᱱᱥᱤᱴᱤ	684/ᱠᱤᱢᱤ2 (1770/ᱜᱟᱺᱴ ᱢᱟᱹᱭᱤᱞ)
Demonym(s)	ᱤᱴᱟᱣᱤᱭᱟᱱ
ᱯᱟᱹᱨᱥᱤ
• ᱟᱹᱢᱟᱹᱞᱮᱛ	ᱦᱤᱱᱫᱤ, ᱩᱨᱫᱩ
	IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱒᱐᱖᱐xx
ᱴᱮᱞᱤᱯᱷᱚᱱ ᱠᱳᱰ	᱐᱕᱖᱘᱘
ᱜᱟᱹᱰᱤ ᱨᱤᱡᱤᱥᱴᱨᱤ	UP-75
Coastline	0 kilometres (0 mi)
ᱡᱟᱱᱟᱝ ᱡᱟᱹᱱᱤ	᱘᱙᱖/᱑᱐᱐᱐ ♂/♀
ᱥᱮᱪᱮᱫ	᱘᱑.᱗᱕%
ᱩᱰᱟᱹᱱ ᱰᱟᱹᱦᱤ	ᱥᱟᱭᱯᱷᱚᱭ ᱩᱰᱟᱹᱱ ᱯᱟᱴᱴᱤ
ᱣᱮᱵᱽᱥᱟᱭᱤᱴ	www.etawah.nic.in

ᱤᱴᱟᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱯᱟᱪᱮ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱨᱮ ᱡᱚᱢᱩᱱᱟ ᱜᱟᱰᱟ ᱫᱷᱟᱨᱮ ᱨᱮ ᱵᱟᱥᱟ ᱟᱠᱟᱱ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱤᱴᱟᱣᱟ ᱦᱚᱱᱚᱛ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱤᱴᱟᱣᱟ ᱨᱤᱱ ᱦᱚᱲ ᱮᱞ ᱫᱚ ᱒᱕᱖,᱘᱓᱘ (᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ) ᱱᱤᱭᱟᱹ ᱥᱤᱧᱚᱛ ᱨᱮᱱᱟᱜ ᱢᱤᱫᱥᱟᱭ ᱤᱨᱟᱹᱞᱜᱮᱞ ᱟᱱᱟᱜ ᱟᱹᱰᱤ ᱥᱟᱸᱜᱮ ᱦᱚᱲ ᱮᱞ ᱟᱜ ᱥᱚᱦᱚᱨ ᱵᱮᱱᱟᱣᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱡᱟᱹᱛᱤᱭᱟᱹᱨᱤ ᱨᱟᱡᱽᱜᱟᱲ ᱱᱟᱶᱟ ᱫᱤᱞᱞᱤ ᱠᱷᱚᱱ ᱓᱐᱐ ᱠᱤᱞᱚᱢᱤᱴᱚᱨ (᱑᱙᱐ ᱢᱤᱞ) ᱮᱛᱚᱢᱼᱥᱟᱢᱟᱝ ᱨᱮ ᱟᱨ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱞᱚᱠᱷᱱᱚᱣ ᱠᱷᱚᱱ ᱒᱓᱐ ᱠᱤᱞᱚᱢᱤᱴᱚᱨ (᱑᱔᱐ ᱢᱤᱞ) ᱠᱚᱧᱮᱼᱯᱟᱪᱮ ᱨᱮ ᱢᱮᱱᱟᱜᱼᱟ ᱾

ᱤᱴᱟᱣᱟ ᱫᱚ ᱟᱜᱽᱨᱟ ᱠᱷᱚᱱ ᱑᱒᱐ ᱠᱤᱞᱚᱢᱤᱴᱚᱨ ᱥᱟᱢᱟᱝ ᱨᱮ ᱟᱨ ᱠᱟᱱᱯᱩᱨ ᱠᱷᱚᱱ ᱑᱖᱕ ᱠᱤᱞᱚᱢᱤᱴᱚᱨ ᱯᱟᱪᱮ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱑᱘᱕᱗ ᱥᱟᱞ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱵᱤᱫᱽᱨᱚᱦ ᱨᱮᱱᱟᱜ ᱢᱤᱫ ᱞᱟᱹᱠᱛᱤᱭᱟᱱ ᱛᱟᱞᱢᱟ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱡᱚᱢᱩᱱᱟ ᱟᱨ ᱪᱚᱢᱵᱚᱞ ᱜᱟᱰᱟ ᱨᱮᱱᱟᱜ ᱡᱚᱲᱟᱣ ᱰᱟᱦᱟᱨ ᱦᱚᱸ ᱢᱮᱱᱟᱜᱼᱟ ᱾ ᱱᱚᱣᱟ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱒᱖ ᱟᱱᱟᱜ ᱟᱹᱰᱤ ᱥᱟᱸᱜᱮ ᱦᱚᱲ ᱮᱞ ᱟᱜ ᱥᱚᱦᱚᱨ ᱠᱟᱱᱟ ᱾

ᱦᱚᱲ ᱮᱞ

᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱤᱴᱟᱣᱟ ᱥᱚᱦᱚᱨ ᱨᱤᱱ ᱦᱚᱲ ᱮᱞ ᱫᱚ ᱒᱕᱖,᱗᱙᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱑᱓᱕,᱘᱒᱙ ᱠᱚᱲᱟ ᱠᱚ ᱛᱟᱦᱮᱸ ᱠᱟᱱᱟ, ᱟᱨ ᱑᱒᱐,᱙᱖᱑ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱼ ᱒᱐᱐᱑ ᱥᱟᱞ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ ᱒᱑᱑,᱔᱖᱐ ᱠᱷᱚᱱ ᱒᱒% ᱠᱚ ᱜᱨᱚᱛᱷ ᱮᱱᱟ ᱾ (᱒᱐᱑᱑ ᱥᱟᱞ ᱨᱮ ᱯᱩᱨᱟᱹ ᱤᱴᱟᱣᱟ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱫᱚ ᱑,᱕᱘᱑,᱘᱑᱐ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾) ᱥᱮᱪᱮᱫ ᱫᱚᱨ ᱫᱚ ᱘᱒.᱘᱙ ᱥᱟᱭᱠᱚᱲᱟ ᱛᱟᱦᱮᱸ ᱠᱟᱱᱟ ᱾^[᱓]

ᱦᱮᱡ ᱥᱮᱱ ᱰᱟᱦᱟᱨ

ᱩᱰᱟᱹᱱ ᱰᱟᱦᱟᱨ

ᱥᱚᱦᱚᱨ ᱫᱚ ᱥᱟᱭᱯᱷᱚᱭ ᱰᱚᱢᱮᱥᱴᱤᱠ ᱩᱰᱟᱹᱱ ᱰᱟᱹᱦᱤ ᱦᱚᱛᱮᱛᱮ ᱥᱚᱵᱷᱤᱥᱟ, ᱱᱚᱣᱟ ᱥᱚᱦᱚᱨ ᱛᱟᱞᱢᱟ ᱠᱷᱚᱱ ᱑᱕ ᱠᱤᱞᱚᱢᱤᱴᱚᱨ ᱑᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧᱟ ᱾ ᱥᱩᱨ ᱨᱮᱱᱟᱜ ᱰᱚᱢᱮᱥᱴᱤᱠ ᱩᱰᱟᱹᱱ ᱰᱟᱹᱦᱤ ᱫᱚ ᱜᱚᱱᱮᱥ ᱥᱚᱸᱠᱚᱨ ᱵᱤᱫᱭᱟᱨᱛᱷᱤ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱱᱚᱣᱟ ᱑᱗᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧᱟ ᱾ ᱥᱩᱨ ᱨᱮᱵ'ᱱᱟᱜ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱫᱚ ᱪᱚᱣᱫᱷᱨᱤ ᱪᱚᱨᱚᱱ ᱥᱤᱝ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱾ ᱱᱚᱣᱟ ᱒᱒᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾

ᱨᱮᱞ

ᱤᱴᱟᱣᱟ ᱡᱚᱸᱠᱥᱚᱱ

ᱤᱴᱟᱣᱟ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱥᱚᱦᱚᱨ ᱥᱟᱞᱟᱜ ᱦᱟᱵᱽᱲᱟᱼᱫᱤᱞᱞᱤ ᱢᱩᱬ ᱞᱟᱭᱤᱱ ᱟᱨ ᱜᱩᱱᱟᱼᱤᱴᱟᱣᱟ ᱨᱮᱞ ᱞᱟᱭᱤᱱ ᱨᱮᱱᱟᱜ ᱢᱩᱬ ᱥᱴᱮᱥᱚᱱ ᱠᱟᱱᱟ ᱾ ᱱᱚᱣᱟ ᱠᱚᱧᱮ ᱛᱟᱞᱢᱟ ᱨᱮᱞᱣᱮ ᱨᱮᱱᱟᱜ ᱤᱞᱞᱟᱦᱟᱵᱟᱫᱽ ᱠᱷᱚᱸᱰ ᱨᱮᱱᱟᱜ ᱠᱤᱞᱟᱥ ᱮ ᱥᱴᱮᱥᱚᱱ ᱠᱟᱱᱟ ᱾ ᱨᱤᱡᱚᱨᱵᱽ ᱟᱵᱷᱭᱟᱨᱚᱱᱭᱚ ᱴᱚᱴᱷᱟ ᱞᱮᱠᱟᱛᱮ ᱟᱜᱽᱨᱟ ᱞᱟᱹᱜᱤᱫ ᱱᱚᱣᱟ ᱢᱤᱫ ᱥᱮᱠᱚᱱᱰᱟᱨᱤ ᱨᱮᱞᱣᱮ ᱞᱟᱭᱤᱱ ᱢᱮᱱᱟᱜᱼᱟ ᱾ ᱤᱴᱟᱣᱟᱼᱢᱮᱭᱱᱯᱩᱨᱤ ᱞᱟᱭᱤᱱ ᱦᱚᱸ ᱵᱮᱱᱟᱣ ᱟᱠᱟᱱᱟ ᱟᱨ ᱤᱴᱟᱣᱟ ᱠᱷᱚᱱ ᱢᱮᱭᱱᱯᱩᱨᱤ ᱛᱟᱞᱟ ᱛᱮ ᱴᱨᱮᱱ ᱪᱟᱞᱟᱜ ᱠᱟᱱᱟ ᱾ ᱤᱴᱟᱣᱟ ᱠᱷᱚᱱ ᱵᱤᱸᱫᱽᱠᱤ ᱫᱷᱟᱹᱵᱤᱡ ᱢᱤᱫᱴᱟᱹᱝ ᱟᱨ ᱨᱮᱞ ᱞᱟᱭᱤᱱ ᱵᱮᱱᱟᱣ ᱦᱩᱭᱩᱜᱼᱟ ᱾ ᱱᱚᱸᱰᱮ ᱠᱟᱱᱯᱩᱨ ᱱᱟᱶᱟ ᱫᱤᱞᱞᱤ ᱥᱟᱛᱟᱵᱟᱫᱤ ᱮᱠᱥᱯᱨᱮᱥ, ᱞᱚᱠᱷᱱᱚᱣ ᱥᱣᱟᱨᱬ ᱥᱟᱛᱟᱵᱟᱫᱤ ᱮᱠᱥᱯᱨᱮᱥ ᱟᱨ ᱟᱹᱰᱤ ᱜᱟᱱ ᱮᱴᱟᱜ ᱞᱮᱠᱟᱱ ᱟᱹᱰᱤ ᱞᱚᱜᱚᱱ ᱪᱟᱞᱟᱜᱟᱜ ᱴᱨᱮᱱ ᱠᱚ ᱛᱤᱸᱜᱩᱱᱟ ᱾ ᱤᱴᱟᱣᱟ ᱡᱚᱸᱠᱥᱚᱱ ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱟᱹᱰᱤ ᱯᱷᱩᱨᱪᱟᱹ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾

ᱥᱚᱲᱚᱠ

ᱤᱴᱟᱣᱟ ᱫᱚ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱛᱟᱨᱟ ᱯᱚᱱᱚᱛ ᱥᱟᱶ ᱥᱚᱲᱚᱠ ᱦᱚᱛᱮᱛᱮ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱤᱴᱟᱣᱟ ᱫᱚ ᱩᱛᱛᱚᱨ ᱯᱨᱚᱫᱮᱥ ᱥᱚᱲᱚᱠ ᱰᱟᱦᱟᱨ ᱨᱮᱱᱟᱜ ᱤᱴᱟᱣᱟ ᱴᱚᱴᱷᱟ ᱨᱮᱱᱟᱜ ᱡᱚᱛᱚ ᱴᱚᱴᱷᱟ ᱨᱮᱱᱟᱜ ᱴᱚᱴᱷᱟᱠᱤᱭᱟᱹ ᱚᱯᱷᱤᱥ ᱢᱮᱱᱟᱜᱼᱟ ᱾ ᱱᱚᱸᱰᱮ ᱑᱕ ᱴᱤᱯᱤᱡ ᱨᱮ ᱫᱤᱞᱞᱤ ᱞᱟᱹᱜᱤᱫ ᱵᱟᱥ ᱢᱮᱱᱟᱜᱼᱟ ᱾ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱙ ᱫᱚ ᱤᱴᱟᱣᱟ ᱞᱮᱠᱟᱛᱮ ᱥᱮᱱᱚᱜᱼᱟ, ᱱᱤᱭᱟᱹ ᱫᱤᱞᱞᱤ, ᱢᱚᱛᱷᱩᱨᱟ, ᱟᱜᱽᱨᱟ, ᱠᱟᱱᱯᱩᱨ, ᱤᱞᱞᱟᱦᱟᱵᱟᱫᱽ, ᱵᱟᱨᱟᱬᱚᱥᱤ, ᱜᱩᱨᱜᱟᱶ, ᱫᱷᱟᱱᱵᱟᱫᱽ ᱟᱨ ᱠᱚᱞᱠᱟᱛᱟ ᱞᱮᱠᱟᱱ ᱞᱟᱹᱠᱛᱤᱭᱟᱱ ᱥᱚᱦᱚᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱤᱴᱟᱣᱟ ᱥᱩᱨ ᱨᱮᱱᱟᱜ ᱯᱮᱭᱟ ᱢᱟᱨᱟᱝ ᱥᱚᱦᱚᱨ ᱫᱚ ᱜᱣᱟᱞᱤᱭᱚᱨ, ᱟᱜᱽᱨᱟ ᱟᱨ ᱠᱟᱱᱯᱩᱨ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾

ᱟᱜᱽᱨᱟ ᱞᱚᱠᱷᱱᱚᱣ ᱮᱠᱥᱯᱨᱮᱥᱣᱮ ᱨᱮ ᱟᱹᱰᱤ ᱜᱟᱱ ᱠᱟᱴᱟᱣ ᱟᱠᱟᱱᱟ, ᱡᱟᱦᱟᱸ ᱠᱷᱚᱱ ᱥᱚᱲᱚᱠ ᱱᱤᱭᱟᱹ ᱥᱚᱦᱚᱨ ᱠᱷᱚᱱ ᱡᱚᱲᱟᱣᱜᱼᱟ ᱡᱮᱞᱮᱠᱟ ᱼ ᱵᱚᱨᱞᱚᱠᱯᱩᱨ ᱴᱷᱮᱱ ᱫᱚ ᱯᱷᱚᱨᱨᱩᱠᱷᱟᱵᱟᱫᱽ ᱥᱚᱲᱚᱠ, ᱠᱚᱨᱦᱚᱞ ᱴᱷᱮᱱ ᱫᱚ ᱤᱴᱟᱣᱟᱼᱢᱮᱭᱱᱯᱩᱨᱤ ᱯᱚᱱᱚᱛ ᱨᱟᱡᱽᱰᱟᱦᱟᱨ, ᱵᱷᱟᱫᱚᱱ ᱴᱷᱮᱱ ᱫᱚ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱙ ᱥᱟᱞᱟᱜ ᱾

ᱥᱮᱪᱮᱫ

ᱥᱟᱹᱠᱷᱭᱟᱹᱛ

↑ "{title}". Archived from the original on 10 ᱯᱷᱮᱵᱽᱨᱩᱣᱟᱨᱤ 2017. Retrieved 19 ᱰᱤᱥᱮᱢᱵᱚᱨ 2016.
↑ [᱑]
↑ "Urban Agglomerations/Cities having population 1 lakh and above" (PDF). Provisional Population Totals, Census of India 2011. Archived from the original (PDF) on 13 ᱱᱚᱵᱷᱮᱢᱵᱚᱨ 2012. Retrieved 7 ᱡᱩᱞᱟᱭ 2012.

ᱵᱟᱦᱨᱮ ᱡᱚᱱᱚᱲ

[2011census-1] "{title}". Archived from the original on 10 ᱯᱷᱮᱵᱽᱨᱩᱣᱟᱨᱤ 2017. Retrieved 19 ᱰᱤᱥᱮᱢᱵᱚᱨ 2016.

[2] [᱑]

[3] "Urban Agglomerations/Cities having population 1 lakh and above" (PDF). Provisional Population Totals, Census of India 2011. Archived from the original (PDF) on 13 ᱱᱚᱵᱷᱮᱢᱵᱚᱨ 2012. Retrieved 7 ᱡᱩᱞᱟᱭ 2012.

[᱒]

[᱑]

[᱓]