ᱦᱳ ᱟᱹᱫᱤᱵᱟᱹᱥᱤ
ᱦᱳ, ᱦᱳ-ᱢᱩᱱᱰᱟ,(ᱥᱮ ᱦᱚᱲ ᱛᱮ ᱫᱚ ᱦᱚᱲ ᱜᱮ) ᱞᱟᱲᱠᱟ, ᱠᱚᱞᱦᱳ ᱡᱟᱹᱛᱤ ᱠᱚ ᱫᱚ ᱥᱤᱧᱚᱛ ᱫᱤᱥᱚᱢ ᱨᱤᱱ ᱚᱥᱴᱨᱚ ᱮᱥᱤᱭᱮᱴᱤᱠ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱤᱱ ᱦᱳᱲ ᱠᱟᱱᱟ ᱠᱚ ᱾ ᱱᱩᱠᱩ ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮ ᱡᱚᱛᱚ ᱠᱷᱚᱱ ᱥᱟᱝᱜᱮ ᱩᱛᱟᱹᱨ ᱢᱮᱱᱟᱜ ᱠᱚᱣᱟ, ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱳᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟ ᱛᱮ ᱱᱩᱠᱩ ᱜᱚᱴᱟ ᱡᱷᱟᱨᱠᱷᱚᱸᱰ ᱨᱮ ᱟᱹᱫᱤᱵᱟᱹᱥᱤ ᱠᱚ ᱢᱩᱫᱽ ᱨᱮ ᱥᱟᱭ ᱠᱟᱲᱟ ᱑᱐ᱹ᱗% ᱦᱤᱸᱥ ᱛᱟᱸᱦᱮ ᱠᱟᱱᱟ ᱾ ᱒᱐᱐᱑ ᱥᱮᱨᱢᱟ ᱨᱮ ᱫᱚ ᱱᱩᱠᱩ ᱦᱳ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱗᱐᱐,᱐᱐᱐ ᱛᱟᱸᱦᱮ ᱠᱟᱱᱟ, ᱦᱳ ᱟᱹᱫᱤᱵᱟᱹᱥᱤ ᱡᱷᱟᱨᱠᱷᱚᱸᱰ ᱨᱤᱱ ᱯᱚᱱᱟᱜ ᱢᱟᱨᱟᱝ ᱡᱟᱹᱛᱤ ,ᱩᱫᱽ ᱨᱮ ᱢᱤᱫᱴᱮᱱ ᱠᱟᱱᱟ ᱠᱚ ᱥᱟᱱᱛᱟᱞ, ᱠᱩᱲᱩᱠᱷ ᱟᱨ ᱢᱩᱱᱰᱟᱹ ᱛᱟᱭᱚᱢ ᱦᱳ ᱫᱚ ᱯᱩᱱᱟᱜ ᱴᱷᱟᱶ ᱨᱮ ᱢᱮᱱᱟᱜ ᱟᱠᱟᱫ ᱠᱚᱣᱟ ᱾ ᱦᱳ ᱡᱟᱹᱛᱤ ᱫᱚ ᱟᱨᱦᱳᱸ ᱥᱩᱨ ᱥᱩᱯᱩᱨ ᱳᱰᱤᱥᱟ ᱯᱚᱱᱚᱛ ᱨᱮ ᱢᱮᱱᱮᱟᱜ ᱟᱠᱟᱫ ᱠᱚᱣᱟ, ᱟᱨ ᱯᱚᱪᱷᱤᱢ ᱵᱮᱝᱜᱚᱞ ᱨᱮ ᱦᱳᱸ ᱾ ᱒᱐᱐᱑ ᱥᱮᱨᱢᱟ ᱨᱮᱭᱟᱜ ᱦᱳᱲ ᱞᱮᱠᱷᱟ ᱛᱮ ᱯᱚᱪᱷᱤᱢ ᱵᱟᱸᱜᱽᱞᱟ ᱟᱨ ᱵᱤᱦᱟᱨ ᱨᱮ ᱞᱮᱠᱷᱟ ᱜᱩᱴ ᱘᱐᱖, ᱙᱒᱑ ᱡᱚᱱᱟ ᱠᱚ ᱛᱟᱦᱮᱸ ᱠᱟᱱᱟ ᱾ ᱩᱱᱠᱚᱣᱟᱜ ᱞᱮᱠᱷᱟ ᱡᱚᱠᱷᱟ ᱫᱚ ᱵᱟᱝᱞᱟᱫᱮᱥ ᱟᱨ ᱱᱮᱯᱟᱞ ᱨᱮ ᱦᱳᱸ ᱢᱮᱱᱟᱜ ᱟᱠᱟᱫ ᱜᱮᱭᱟ ᱾
 ᱢᱤᱫ ᱯᱟᱨᱟᱵᱽ ᱨᱮ ᱦᱳ ᱟᱹᱫᱤᱵᱟᱹᱥᱤ | |
| ᱜᱩᱴ ᱦᱚᱲ ᱮᱞ | |
|---|---|
| ᱑,᱐᱓᱓,᱐᱙᱕ (᱒᱐᱑᱑ ᱞᱮᱠᱷᱟ ᱡᱚᱠᱷᱟ)[᱑] | |
| ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ | |
 ᱥᱤᱧᱚᱛ | |
| ᱡᱷᱟᱨᱠᱷᱚᱸᱰ | ᱙᱒᱘,᱒᱘᱙[᱑] |
| ᱳᱰᱤᱥᱟ | ᱘᱐,᱖᱐᱘[᱑] |
| ᱯᱚᱪᱷᱤᱢ ᱵᱟᱸᱜᱽᱞᱟ | ᱒᱓,᱔᱘᱓[᱑] |
| ᱵᱤᱦᱟᱨ | ᱗᱑᱕[᱑] |
| ᱯᱟᱹᱨᱥᱤ ᱠᱚ | |
| ᱦᱳ | |
| ᱫᱷᱚᱨᱚᱢ | |
| ᱥᱟᱨᱱᱟ ᱫᱷᱚᱨᱚᱢ • ᱦᱤᱱᱫᱩ ᱫᱷᱚᱨᱚᱢ • ᱠᱨᱤᱥᱛᱟᱱ ᱫᱷᱚᱨᱚᱢ | |
| ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ | |
| ᱢᱩᱸᱰᱟ • ᱠᱷᱟᱰᱤᱭᱟ • ᱡᱩᱣᱟᱝᱜ • ᱥᱟᱱᱛᱟᱲ | |
ᱦᱳ ᱟᱹᱲᱟᱹ ᱫᱚ ᱦᱳ ᱯᱟᱹᱨᱥᱤ ᱠᱷᱚᱱ ᱚᱱᱚᱢ ᱟᱠᱟᱱᱟ, ᱦᱳ ᱟᱹᱲᱟᱹ ᱨᱮᱭᱟᱜ ᱢᱮᱱᱮᱛ ᱫᱚ ᱦᱳᱲ ᱥᱮ ᱢᱟᱱᱣᱟ ᱠᱟᱱᱟ ᱾ ᱱᱚᱣᱟ ᱧᱩᱛᱩᱢ ᱫᱚ ᱮᱴᱟᱜ ᱚᱥᱴᱨᱚ ᱮᱥᱤᱭᱟᱴᱤᱠ ᱯᱟᱹᱨᱥᱤ ᱨᱮᱦᱳᱸ ᱜᱟᱜ ᱜᱟᱵᱟᱱᱚᱜ-ᱟ, ᱡᱮᱞᱮᱠᱟ ᱥᱩᱨ ᱥᱩᱯᱩᱨ ᱢᱩᱱᱰᱟᱨᱤ ᱯᱟᱹᱨᱥᱤ ᱨᱮ ᱦᱳᱸ ᱾ ᱮᱛᱷᱱᱚᱞᱚᱜᱽ ᱞᱮᱠᱟ ᱛᱮ, ᱒᱐᱐᱑ ᱥᱮᱨᱢᱟ ᱨᱮ ᱞᱮᱠᱷᱟ ᱜᱩᱴ ᱑,᱐᱔᱐,᱐᱐᱐ ᱦᱳᱲ ᱜᱮ ᱦᱳ ᱯᱟᱹᱨᱥᱤ ᱠᱚ ᱨᱚᱲᱮᱫ ᱠᱟᱱ ᱛᱟᱸᱦᱮᱸ ᱠᱟᱱᱟ ᱾
ᱯᱟᱹᱨᱥᱤ
ᱥᱟᱯᱲᱟᱣᱦᱳ ᱟᱹᱫᱤᱵᱟᱹᱥᱤ ᱫᱚ ᱦᱳ ᱯᱟᱹᱨᱥᱤ ᱠᱚ ᱨᱚᱲᱟ, ᱚᱠᱟ ᱫᱚ ᱚᱥᱴᱨᱚ ᱮᱥᱤᱭᱮᱴᱤᱠ ᱯᱟᱹᱨᱥᱤ ᱜᱷᱟᱨᱚᱧᱡᱽ ᱨᱮᱭᱟᱜ ᱯᱟᱹᱨᱥᱤ ᱠᱟᱱ, ᱱᱤᱭᱟᱹ ᱯᱟᱹᱨᱥᱤ ᱫᱚ ᱢᱩᱱᱰᱟᱨᱤ ᱯᱟᱹᱨᱥᱤ ᱥᱟᱶ ᱟᱹᱰᱤ ᱥᱩᱯᱩᱨ ᱥᱟᱹᱜᱟᱹᱭ ᱢᱮᱱᱟᱜ ᱟᱠᱟᱫᱟ, ᱟᱨ ᱢᱚᱱ ᱠᱷᱢᱮᱨ ᱯᱟᱹᱮᱥᱤ ᱥᱟᱶ ᱫᱚ ᱥᱟᱹᱝᱜᱤᱧ ᱥᱟᱹᱜᱟᱹᱭ|
ᱥᱟᱭ ᱠᱟᱲᱟ ᱢᱚᱬᱮ ᱦᱤᱸᱥ ᱠᱷᱚᱱ ᱦᱳᱸ ᱠᱚᱢ ᱜᱮ ᱦᱳ ᱯᱟᱹᱨᱥᱤ ᱛᱮ ᱥᱮᱪᱮᱫ ᱢᱮᱱᱟᱜ ᱠᱚᱣᱟ, ᱦᱳ ᱠᱚ ᱫᱚ ᱟᱥᱚᱠᱭ ᱛᱮ ᱫᱮᱶ ᱱᱟᱜᱟᱨᱤ ᱟᱨ ᱞᱮᱴᱤᱱ ᱪᱤᱠᱤ ᱛᱮᱠᱚ ᱚᱞᱚᱜ-ᱟ| ᱢᱮᱱ ᱠᱷᱟᱱ ᱱᱟᱦᱟᱜ ᱫᱚ ᱹᱦᱳ ᱠᱚ ᱵᱟᱹᱲᱛᱤ ᱣᱟᱨᱟᱝ ᱥᱤᱛᱤ ᱧᱩᱛᱩᱢᱟᱱ ᱪᱤᱠᱤ ,ᱠᱚ ᱵᱮᱵᱷᱟᱨ ᱮᱰᱟ, ᱚᱠᱟ ᱫᱚ ᱞᱟᱠᱚ ᱵᱚᱫᱽᱨᱟ ᱦᱳᱛᱮ ᱛᱮ ᱥᱤᱨᱡᱟᱹᱣ ᱞᱮᱱ ᱒᱐ ᱥᱮᱞ ᱥᱟᱭᱟᱱᱟᱜ ᱥᱮᱨᱢᱟ ᱚᱠᱛᱮ ᱨᱮ|
ᱠᱟᱹᱣᱰᱤ ᱟᱹᱨᱤ
ᱥᱟᱯᱲᱟᱣᱦᱳ ᱟᱹᱫᱤᱵᱟᱹᱥᱤ ᱠᱚ ᱫᱚ ᱟᱠᱚᱣᱟᱜ ᱞᱮᱠᱷᱟ ᱨᱮᱭᱟᱜ ᱵᱟᱨᱟ ᱵᱟᱨᱤ ᱞᱮᱠᱦᱟ ᱜᱮ ᱪᱟᱥ ᱟᱵᱟᱫᱽ ᱨᱮ ᱡᱚᱲᱟᱣ ᱢᱮᱱᱟᱜ ᱟᱠᱟᱫ ᱠᱚᱣᱟ ᱟᱨ ᱮᱴᱟᱜ ᱯᱮᱱᱮ ᱢᱤᱫ ᱦᱤᱸᱥ ᱫᱚ ᱵᱤᱱ ᱦᱟᱥᱟᱣᱟᱱ ᱪᱟᱥᱟ ᱢᱩᱱᱤᱥ ᱞᱮᱠᱟ ᱠᱚ ᱠᱟᱹᱢᱤ ᱠᱟᱱᱟ| ᱦᱳ ᱟᱹᱫᱤᱵᱟᱹᱥᱤ ᱠᱚ ᱫᱚ ᱩᱨᱟᱺᱣ ᱟᱨ ᱢᱩᱱᱰᱟᱹ ᱠᱷᱚᱱ ᱪᱟᱥᱟ ᱨᱮ ᱠᱚ ᱞᱟᱦᱟ ᱜᱮᱭᱟ|