ᱨᱟᱺᱪᱤ

ᱨᱟᱺᱪᱤ
ᱨᱟᱺᱪᱤ
ᱨᱟᱡᱽᱜᱟᱲ
	ᱨᱟᱺᱪᱤ ᱥᱚᱦᱚᱨ
	ᱮᱴᱟᱜ ᱧᱩᱛᱩᱢ: ᱫᱚᱨᱮᱭᱟ ᱥᱚᱦᱚᱨ
	Coordinates: 23°36′N 85°33′E / 23.600°N 85.550°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱡᱷᱟᱨᱠᱷᱚᱸᱰ
ᱦᱚᱱᱚᱛ	ᱨᱟᱺᱪᱤ
ᱥᱚᱨᱠᱟᱨ
• ᱪᱟᱪᱞᱟᱣ	ᱨᱟᱺᱪᱤ ᱢᱚᱦᱟᱱᱚᱜᱚᱨ ᱱᱤᱜᱚᱢ
• ᱢᱮᱭᱟᱨ	ᱟᱥᱟ ᱞᱟᱠᱲᱟ (BJP)
• ᱱᱚᱜᱚᱨ ᱠᱚᱢᱤᱥᱱᱚᱨ	ᱥᱚᱱᱡᱤᱣ ᱵᱷᱤᱡᱚᱭᱣᱚᱨᱜᱮᱭᱟ
ᱮᱨᱤᱭᱟ
• ᱨᱟᱡᱽᱜᱟᱲ	652.02 ᱠᱤᱢᱤ২ (251.75 ᱜᱟᱺᱴ ᱢᱟᱭᱤᱞ)
• ᱱᱟᱜᱟᱨ	1295 ᱠᱤᱢᱤ২ (500 ᱜᱟᱺᱴ ᱢᱟᱭᱤᱞ)
ᱩᱥᱩᱞ	651 ᱢᱤᱴᱚᱨ (2136 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱨᱟᱡᱽᱜᱟᱲ	᱑᱔,᱕᱖,᱕᱒᱘
• ᱰᱮᱱᱥᱤᱴᱤ	6146/ᱠᱤᱢᱤ2 (15920/ᱜᱟᱺᱴ ᱢᱟᱹᱭᱤᱞ)
• ᱢᱟᱦᱟᱱᱟᱜᱟᱨ	᱓᱒,᱕᱔,᱗᱙᱕
Demonym(s)	ᱨᱟᱺᱪᱤᱛᱮ
ᱯᱟᱹᱨᱥᱤ
• ᱥᱚᱨᱠᱟᱨᱤ	ᱦᱤᱱᱫᱤ
• ᱮᱢᱟᱱ ᱛᱮᱭᱟᱜ	ᱥᱟᱱᱛᱟᱲᱤ ᱯᱟᱹᱨᱥᱤ
	ᱟᱤ. ᱮᱥ. ᱴᱤ (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ	᱘᱓᱔᱐᱐᱑
ᱴᱮᱞᱤᱯᱷᱚᱱ	+᱙᱑᱖᱕᱑
ᱜᱟᱹᱰᱤ ᱨᱤᱡᱤᱥᱴᱨᱤ	JH-01-
ᱥᱮᱪᱮᱫ	᱘᱗.᱖᱘%
ᱣᱮᱵᱽᱥᱟᱭᱤᱴ	www.ranchi.nic.in www.ranchimunicipal.com

ᱨᱟᱺᱪᱤ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱱᱚᱶᱟ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ (ᱪᱟᱸᱫᱚ ᱨᱟᱠᱟᱵ ᱱᱟᱠᱷᱟ) ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱟᱹᱰᱤ ᱧᱩᱛᱩᱢᱟᱱ ᱥᱚᱦᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱡᱷᱟᱨᱱᱟ ᱥᱚᱦᱚᱨ ᱦᱚᱸ ᱠᱚ ᱢᱮᱛᱟᱜᱼᱟ ᱾^[᱒] ᱨᱟᱺᱪᱤ ᱡᱷᱟᱨᱠᱷᱚᱸᱰ ᱟᱱᱫᱚᱞᱟᱱ ᱨᱮᱱᱟᱜ ᱛᱟᱞᱢᱟ ᱛᱟᱦᱮᱸ ᱠᱟᱱᱟ,^[᱓] ᱡᱟᱸᱦᱟ ᱫᱚ ᱮᱛᱚᱢ ᱵᱤᱦᱟᱨ, ᱠᱚᱧᱮ ᱳᱰᱤᱥᱟ, ᱯᱟᱪᱮ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱟᱹᱫᱤᱵᱟᱹᱥᱤ ᱴᱚᱴᱷᱟ ᱟᱨ ᱱᱤᱛᱚᱜ ᱪᱷᱚᱛᱤᱥᱜᱚᱲ ᱨᱮᱱᱟᱜ ᱥᱟᱢᱟᱝ ᱴᱚᱴᱷᱟ ᱨᱮᱱᱟᱜ ᱢᱤᱫ ᱟᱞᱟᱜᱽ ᱯᱚᱱᱚᱛ ᱨᱮᱱᱟᱜ ᱫᱟᱹᱵᱤ ᱟᱠᱟᱱᱟ ᱾ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱛᱷᱟᱯᱚᱱ ᱑᱕ ᱱᱚᱵᱷᱮᱢᱵᱚᱨ ᱒᱐᱐᱐ ᱥᱟᱞᱮ ᱨᱮ ᱪᱷᱚᱴᱟᱱᱟᱜᱽᱯᱩᱨ ᱟᱨ ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱱᱟᱜ ᱵᱤᱦᱟᱨ ᱠᱷᱚᱸᱰ ᱠᱚ ᱢᱮᱥᱟ ᱠᱟᱛᱮ ᱦᱩᱭ ᱞᱮᱱᱟ ᱛᱟᱦᱮᱸᱫ ᱾ ᱨᱟᱺᱪᱤ ᱫᱚ ᱢᱟᱨᱟᱝ ᱢᱚᱱᱛᱨᱤ ᱱᱚᱨᱮᱱᱫᱽᱨᱚ ᱢᱳᱫᱤ ᱟᱜ ᱢᱩᱬ ᱥᱢᱟᱨᱴ ᱥᱚᱦᱚᱨ ᱢᱤᱥᱚᱱ ᱨᱮᱱᱟᱜ ᱥᱢᱟᱨᱴ ᱥᱚᱦᱚᱨ ᱞᱮᱠᱟᱛᱮ ᱩᱴᱷᱱᱟᱹᱣ ᱟᱜ ᱢᱤᱫᱥᱟᱭ ᱥᱤᱧᱚᱛᱤᱭᱟᱹ ᱥᱚᱦᱚᱨ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱞᱮᱠᱟᱛᱮ ᱵᱟᱪᱷᱱᱟᱣ ᱟᱠᱟᱱᱟ ᱾^[᱔]

ᱨᱟᱺᱪᱤ ᱫᱚ ᱢᱤᱫ ᱩᱫᱽᱭᱚᱜᱤᱠ ᱛᱟᱞᱢᱟ ᱠᱟᱱᱟ ᱾ ᱡᱟᱦᱟᱸ ᱢᱩᱬᱩᱫ ᱞᱮᱠᱟᱛᱮ ᱮᱪ. ᱤ. ᱥᱤ. (ᱦᱮᱵᱤ ᱤᱸᱡᱤᱱᱤᱭᱟᱨᱤᱝ ᱠᱚᱨᱯᱚᱨᱮᱥᱚᱱ), ᱥᱤᱧᱚᱛᱤᱭᱟᱹ ᱢᱮᱬᱦᱮᱫ ᱯᱨᱟᱫᱷᱤᱠᱟᱨᱟᱬ, ᱢᱮᱠᱚᱱ ᱚᱱᱟ ᱠᱚ ᱟᱨ ᱦᱚᱸ ᱠᱟᱹᱨᱠᱷᱟᱱᱟ ᱢᱮᱱᱟᱜᱼᱟ ᱾ ᱨᱟᱺᱪᱤ ᱥᱟᱶᱛᱮ ᱡᱟᱢᱥᱮᱫᱽᱯᱩᱨ ᱟᱨ ᱵᱚᱠᱟᱨᱚ ᱱᱚᱣᱟ ᱯᱚᱱᱚᱛ ᱨᱮᱱᱟᱜ ᱵᱟᱨᱭᱟ ᱟᱨᱦᱚᱸ ᱢᱩᱬ ᱩᱫᱽᱭᱚᱜᱤᱠ ᱛᱟᱞᱢᱟ ᱢᱮᱱᱟᱜᱼᱟ ᱾

ᱨᱟᱺᱪᱤ ᱫᱚ ᱥᱤᱧᱚᱛᱤᱭᱟᱹ ᱠᱨᱤᱠᱮᱴ ᱢᱩᱲᱛᱮᱱ ᱢᱚᱦᱮᱱᱫᱽᱨᱚ ᱥᱤᱝ ᱫᱷᱚᱱᱤ ᱟᱜ ᱡᱚᱱᱚᱢ ᱴᱷᱟᱶ ᱤᱫᱤ ᱛᱮ ᱯᱷᱮᱢᱚᱥ ᱟᱠᱟᱱᱟ ᱾

ᱡᱷᱟᱨᱠᱷᱚᱸᱰ ᱨᱮᱱᱟᱜ ᱨᱟᱡᱽᱜᱟᱲ ᱨᱟᱺᱪᱤ ᱨᱮ ᱥᱤᱨᱡᱚᱱᱤᱭᱟ ᱫᱚ ᱟᱡᱟᱜ ᱢᱚᱡᱽ ᱛᱮᱫ ᱡᱷᱤᱡ ᱠᱟᱛᱮ ᱨᱮᱡ ᱠᱮᱫᱮᱭᱟ ᱾ ᱥᱤᱨᱡᱚᱱᱤᱭᱟᱹ ᱢᱚᱡᱽ ᱨᱮᱭᱟᱜ ᱨᱟᱺᱪᱤ ᱫᱚ ᱟᱡᱟᱜ ᱢᱚᱡᱽ ᱧᱮᱞ ᱡᱚᱝ ᱴᱷᱟᱶ ᱨᱮᱭᱟᱜ ᱡᱤᱣ ᱵᱟᱨᱟᱵᱟᱨᱤ ᱨᱮ ᱡᱮᱜᱮᱫ ᱨᱮᱭᱟᱜ ᱧᱮᱞ ᱡᱚᱝ (ᱯᱟᱨᱭᱟᱛᱟᱱ) ᱱᱚᱠᱥᱟ ᱨᱮ ᱦᱚᱸ ᱧᱩᱢᱟᱱᱟᱜ ᱟᱢᱮᱴ ᱟᱠᱟᱫᱟ ᱾ ᱜᱚᱸᱰᱟ ᱦᱤᱞ ᱟᱨ ᱨᱚᱠ ᱜᱟᱨᱰᱮᱱ, ᱦᱟᱠᱩ ᱚᱲᱟᱜ, ᱵᱤᱨᱥᱟ ᱡᱮᱵᱤᱠ ᱵᱟᱜᱟᱱ, ᱴᱟᱭᱜᱚᱨ ᱦᱤᱞ, ᱢᱮᱠ ᱠᱞᱩᱥᱠᱤᱜᱟᱸᱡᱽ ᱟᱨ ᱟᱰᱤᱵᱟᱥᱤ ᱥᱟᱝᱜᱨᱟᱦᱟᱹᱞᱟᱹᱭ ᱱᱚᱣᱟ ᱢᱩᱬᱩᱫ ᱧᱮᱞᱡᱚᱝ ᱴᱷᱟᱶ ᱠᱟᱱᱟ ᱾ ᱱᱚᱣᱟ ᱧᱮᱞ ᱡᱚᱝ ᱴᱷᱟᱶ ᱫᱟᱬᱟ ᱞᱮᱠᱟᱱ ᱵᱟᱰᱟᱭ ᱧᱟᱢᱚᱜ ᱟ ᱡᱮ ᱡᱷᱟᱨ ᱡᱷᱚᱨ ᱡᱷᱟᱨᱱᱟ ᱨᱮ ᱯᱤᱠᱱᱤᱠ ᱨᱮᱱᱟᱜ ᱨᱟᱹᱥᱠᱟᱹ ᱥᱟᱨᱥᱟᱜ ᱣᱟ ᱾ ᱨᱟᱺᱪᱤ ᱨᱮᱱᱟᱜ ᱡᱷᱟᱨᱱᱟ ᱢᱮᱰ ᱨᱮ ᱢᱚᱬᱮ ᱜᱟᱜᱷ ᱨᱮ ᱡᱚᱛᱚ ᱠᱷᱚᱱ ᱥᱚᱨᱮᱥᱟ ᱾ ᱪᱮᱠᱟᱛᱮ ᱱᱚᱣᱟ ᱢᱚᱬᱮ ᱛᱷᱟᱨ ᱛᱮ ᱧᱩᱨᱩᱜ ᱠᱟᱱᱟ ᱾ ᱱᱚᱣᱟ ᱡᱷᱟᱨᱱᱟ ᱧᱮᱞ ᱡᱚᱝ ᱡᱟᱜᱟ ᱢᱮᱥᱟ ᱠᱟᱛᱮ ᱨᱟᱺᱪᱤ ᱫᱚ ᱥᱚᱨᱚᱠ ᱯᱩᱨᱤ ᱞᱮᱠᱟ ᱵᱩᱡᱷᱟᱹᱚᱜ ᱟ ᱟᱨ ᱧᱮᱧᱮᱞ ᱠᱚ ᱵᱩᱪᱨᱤ ᱱᱚᱣᱟ ᱡᱟᱜᱟ ᱠᱚ ᱥᱮᱛᱮᱨᱚᱜ ᱠᱟᱱᱟ ᱾

ᱚᱛᱱᱚᱜ ᱴᱷᱟᱶ

ᱨᱟᱺᱪᱤ ᱫᱚ ᱠᱚᱨᱚᱠ ᱨᱮᱠᱷᱟ ᱴᱷᱮᱱ ᱢᱮᱱᱟᱜᱼᱟ ᱾ ᱱᱚᱣᱟ ᱱᱚᱜᱚᱨᱯᱟᱞᱤᱠᱟ ᱮᱨᱤᱭᱟ ᱖᱕᱒.᱐᱒ ᱫᱚᱦᱨᱟ ᱠᱤᱞᱚᱢᱤᱴᱚᱨ (᱒᱕᱒ ᱫᱚᱦᱨᱟ ᱢᱤᱞ) ᱢᱮᱱᱟᱜᱼᱟ, ᱟᱨ ᱱᱚᱣᱟ ᱨᱮᱭᱟᱜ ᱛᱟᱞᱟ ᱩᱥᱩᱞ ᱫᱚᱨᱭᱟ ᱛᱟᱞ ᱠᱷᱚᱱ ᱖᱕᱑ ᱢᱤᱴᱚᱨ ᱢᱮᱱᱟᱜᱼᱟ ᱾ ᱨᱟᱺᱪᱤ ᱫᱚ ᱪᱷᱚᱴᱟᱱᱟᱜᱯᱩᱨ ᱯᱟᱴᱷᱟᱨ ᱨᱮᱭᱟᱜ ᱮᱛᱚᱢ ᱥᱮᱫ ᱨᱮ ᱢᱮᱱᱟᱜᱼᱟ ᱾ ᱨᱟᱺᱪᱤ ᱫᱚ ᱵᱩᱨᱩ ᱴᱷᱟᱶ ᱨᱮ ᱢᱮᱱᱟᱜᱼᱟ ᱾

ᱨᱟᱺᱪᱤ ᱨᱮᱭᱟᱜ ᱢᱤᱫ ᱵᱩᱨᱩ ᱴᱚᱯᱚᱜᱨᱟᱯᱷᱤ ᱟᱨ ᱱᱚᱣᱟ ᱡᱷᱩᱨ ᱴᱨᱚᱯᱤᱠᱟᱞ ᱵᱩᱨᱩ ᱨᱮᱱᱟᱜ ᱢᱤᱫ ᱡᱟᱱᱟᱣᱨᱟ ᱠᱟᱱᱟ ᱚᱱᱟ ᱯᱚᱱᱚᱛ ᱨᱮᱱᱟᱜ ᱡᱟᱦᱟᱸ ᱛᱤᱱᱟᱹᱜ ᱡᱟᱜᱟ ᱢᱮᱱᱟᱜᱼᱟ ᱚᱱᱟ ᱛᱮᱜᱮ ᱜᱟᱵᱟᱣ ᱠᱟᱱᱟ ᱚᱱᱟ ᱤᱫᱤ ᱛᱮ ᱫᱟᱦ ᱨᱤᱢᱤᱞ ᱵᱮᱱᱟᱜ ᱠᱟᱱᱟ ᱾ ᱚᱱᱟ ᱤᱫᱤ ᱠᱟᱛᱮ ᱵᱮᱦᱤᱸᱥᱟᱵ ᱵᱤᱨ ᱫᱟᱨᱮ ᱠᱮᱴᱮᱭ ᱟᱨ ᱥᱟᱦᱨᱤ ᱠᱟᱨᱟᱱ ᱵᱟᱡᱟᱨ ᱪᱷᱟᱨᱟᱣ ᱠᱟᱱ ᱛᱮ ᱚᱱᱰᱮ ᱱᱟᱜ ᱞᱚᱞᱚ ᱵᱟᱲᱛᱤ ᱠᱟᱱᱟ ᱾

ᱦᱚᱭᱫᱟᱜ

ᱦᱚᱲ ᱮᱞ

᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,^[᱕] ᱨᱟᱺᱪᱤ ᱱᱚᱜᱚᱨᱯᱟᱞᱤᱠᱟ ᱨᱤᱱ ᱦᱚᱲ ᱮᱞ ᱑,᱑᱒᱖,᱗᱔᱑ ᱦᱚᱲ ᱢᱮᱱᱟᱜ ᱠᱚᱣᱟ, ᱱᱚᱣᱟ ᱥᱤᱧᱚᱛ ᱨᱮ ᱓᱖ ᱟᱱᱟᱜ ᱟᱰᱤ ᱢᱟᱨᱟᱝ ᱥᱚᱦᱨᱤ ᱥᱚᱦᱚᱨ ᱵᱮᱱᱟᱣᱟ ᱾ ᱠᱚᱲᱟ ᱟᱜ ᱦᱚᱲ ᱮᱞ ᱫᱚ ᱕᱒.᱑% ᱟᱨ ᱛᱤᱨᱞᱟᱹ ᱟᱜ ᱫᱚ ᱔᱗.᱙% ᱢᱮᱱᱟᱜᱼᱟ ᱾^[᱖] ᱨᱟᱺᱪᱤ ᱨᱮ ᱥᱮᱪᱮᱫ ᱫᱚᱨ ᱫᱚ ᱘᱗.᱖᱘% ᱢᱮᱱᱟᱜᱼᱟ ᱾

ᱠᱟᱹᱣᱰᱤ ᱟᱹᱨᱤ

ᱞᱟᱞᱯᱩᱨ - ᱨᱟᱺᱪᱤ ᱥᱚᱦᱚᱨ ᱨᱮᱱᱟᱜ ᱢᱤᱫᱴᱟᱹᱝ ᱢᱩᱬ ᱯᱷᱟᱹᱭᱱᱮᱱᱥᱚᱱ ᱟᱨ ᱠᱚᱢᱮᱨᱥᱚᱞ ᱱᱮᱵᱽᱦᱩᱰ ᱦᱟᱵᱽ ᱦᱚᱱᱚᱛ ᱠᱟᱱᱟ ᱾

ᱨᱮᱫ:Software Technology Parks of India, Ranchi.png

ᱨᱟᱺᱪᱤ ᱨᱮᱱᱟᱜ ᱱᱟᱢᱠᱩᱢ ᱨᱮ ᱥᱤᱧᱚᱛ ᱨᱮᱱᱟᱜ ᱥᱳᱯᱷᱴᱣᱮᱭᱟᱨ ᱴᱮᱠᱱᱚᱞᱳᱡᱤ ᱵᱟᱜᱟᱱ (STPI)

ᱩᱰᱟᱹᱱ ᱦᱚᱨ

ᱵᱤᱨᱥᱟᱹ ᱢᱩᱸᱰᱟᱹ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ

ᱵᱤᱨᱥᱟᱹ ᱢᱩᱸᱰᱟᱹ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱢᱤᱫᱴᱟᱝ ᱜᱮ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱾ ᱱᱚᱣᱟ ᱫᱚ ᱵᱤᱨᱥᱟᱹ ᱢᱩᱸᱰᱟᱹ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱢᱮᱱᱚᱜᱚᱼᱟ ᱾

ᱪᱤᱛᱟᱹᱨ

ᱦᱩᱸᱰᱨᱩ ᱡᱷᱟᱨᱱᱟ, ᱨᱟᱺᱪᱤ
ᱠᱟᱸᱠᱮ ᱰᱮᱢ , ᱨᱟᱺᱪᱤ
ᱨᱟᱺᱪᱤ

ᱨᱟᱺᱪᱤ

ᱥᱮᱪᱮᱫ ᱵᱮᱵᱚᱥᱛᱟ

ᱥᱟᱹᱠᱷᱭᱟᱹᱛ

↑ "Provisional Population Totals". Census of India 2011. The Registrar General & Census Commissioner, Government of India. Retrieved 2012-03-30.
↑ "Netarhat: Jharkhand's Secret Hill Station". Outlook.
↑ "Jharkhand Movement". Country Studies. Archived from the original on 2005-03-18. Retrieved 2009-05-07.
↑ "Only 98 cities instead of 100 announced: All questions answered about the smart cities project". Firstpost. 28 ᱚᱜᱚᱥᱴ 2015. Archived from the original on 19 ᱡᱟᱱᱩᱣᱟᱨᱤ 2017. Retrieved 14 ᱢᱟᱨᱪ 2017.
↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.
↑ "About Ranchi City".

ᱵᱟᱦᱨᱮ ᱡᱚᱱᱚᱲ

[censusofindia-1] "Provisional Population Totals". Census of India 2011. The Registrar General & Census Commissioner, Government of India. Retrieved 2012-03-30.

[2] "Netarhat: Jharkhand's Secret Hill Station". Outlook.

[3] "Jharkhand Movement". Country Studies. Archived from the original on 2005-03-18. Retrieved 2009-05-07.

[4] "Only 98 cities instead of 100 announced: All questions answered about the smart cities project". Firstpost. 28 ᱚᱜᱚᱥᱴ 2015. Archived from the original on 19 ᱡᱟᱱᱩᱣᱟᱨᱤ 2017. Retrieved 14 ᱢᱟᱨᱪ 2017.

[5] "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.

[6] "About Ranchi City".

[᱒]

[᱓]

[᱔]

[᱑]

[᱕]

[᱖]