ᱩᱭᱦᱟᱹᱨ ᱢᱟᱦᱟ

• ᱱᱟᱥᱮ ᱱᱟᱜᱟᱢ

ᱢᱛᱹ᱒᱙.᱐᱑.᱒᱐᱑᱙ ᱠᱷᱚᱱ ᱢᱛ.᱒.᱒.᱒᱐᱑᱙ ᱫᱷᱟᱹᱨᱤᱡ ᱚᱯᱮᱯᱟ ᱥᱩᱵᱚᱨᱱᱚ ᱨᱮᱠᱷᱟ ᱠᱟᱱᱫᱷᱟ, ᱵᱷᱩᱵᱚᱱᱮᱥᱚᱨ ᱨᱮ ᱠᱩᱠᱞᱤ ᱥᱟᱠᱟᱢ ᱵᱮᱱᱟᱣ ᱞᱮᱱᱟ ᱾ ᱚᱱᱟ ᱫᱚ ᱪᱟᱱᱚᱪ ᱑ᱟᱜ, ᱒ᱟᱜ, ᱓ᱟᱜ, ᱔ᱟᱜ,᱕ᱟᱜ ᱞᱟᱹᱜᱤᱫ ᱵᱮᱱᱟᱣ ᱞᱮᱱᱟ ᱾ ᱥᱟᱛᱟᱢ ᱠᱚᱫᱚᱼ ᱥᱟᱶᱦᱮᱫ, ᱮᱞᱠᱷᱟ, ᱥᱟᱦᱮ ᱟᱨ ᱪᱤᱛᱟᱹᱨ ᱫᱚ ᱢᱤᱫ, ᱵᱟᱨ ᱪᱟᱱᱟᱪ ᱞᱟᱹᱜᱤᱫ ᱟᱨ ᱥᱟᱶᱦᱮᱫ ᱥᱩᱢᱩᱝ ᱫᱚ ᱪᱟᱱᱟᱪ ᱯᱮ, ᱯᱩᱱ ᱟᱨ ᱢᱚᱬᱮ ᱞᱟᱹᱜᱤᱫ ᱵᱮᱱᱟᱣ ᱞᱮᱱᱟ ᱾ ᱚᱱᱟ ᱠᱟᱹᱢᱤᱨᱮ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ ᱢᱟᱹᱱ ᱥᱩᱱᱫᱚᱨ ᱢᱚᱦᱚᱱ ᱥᱚᱨᱮᱱ ᱟᱹᱛᱩᱼᱩᱢᱤᱨᱫᱟ, ᱵᱮᱸᱛᱞᱩᱴᱤ, ᱵᱷᱚᱸᱡᱽ, ᱢᱟᱹᱱ ᱵᱤᱥᱣᱚᱱᱟᱛᱷ ᱥᱚᱨᱮᱱ ᱟᱹᱛᱩᱼᱪᱷᱟᱛᱱᱟ, ᱵᱷᱚᱸᱡᱽ, ᱢᱟᱹᱱ ᱱᱚᱵᱤᱱ ᱢᱟᱹᱨᱰᱤ ᱟᱹᱛᱩᱼᱢᱟᱺᱭᱥᱩ ᱰᱤᱦᱤ, ᱵᱷᱚᱸᱡᱽ ᱾ ᱱᱩᱠᱩ ᱫᱚ ᱡᱚᱛᱚ ᱥᱟᱱᱛᱟᱲᱤ ᱢᱟᱪᱮᱫ ᱠᱟᱱᱟ ᱠᱚ ᱾

ᱜᱩᱨ ᱢᱟᱦᱟ

ᱛᱮᱦᱮᱧ ᱢᱛᱹ ᱐᱑ ᱾ ᱐᱒ ᱾ ᱒᱐᱑᱙ ᱡᱟᱹᱨᱩᱢ ᱢᱟᱦᱟ ᱫᱚ ᱚᱞ ᱜᱩᱨᱩ ᱜᱚᱝᱠᱮ ᱯᱟᱹᱨᱥᱤ ᱥᱤᱧ ᱪᱟᱸᱫᱚ ᱯᱚᱸᱰᱮᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩᱣᱟᱜ ᱜᱩᱨ ᱱᱟᱦᱟ ᱠᱟᱱᱟ ᱾ ᱛᱮᱦᱮᱧ ᱜᱮ ᱵᱟᱝᱞᱟᱫᱮᱥ ᱨᱤᱱ ᱢᱟᱹᱱ ᱢᱟᱬᱤᱠ ᱥᱚᱨᱮᱱ ᱢᱱ ᱦᱩᱨᱮᱱ ᱢᱩᱨᱢᱩ ᱱᱮᱯᱟᱲ ᱫᱤᱥᱚᱢ ᱠᱷᱚᱱ ᱢᱟᱹᱱ ᱥᱤᱵᱩ ᱢᱩᱨᱢᱩ ᱢᱟᱹᱱ ᱥᱤᱵᱩ ᱢᱟᱹᱡᱷᱤ ᱢᱩᱨᱢᱩ ᱛᱟᱠᱚ ᱥᱟᱹᱜᱩᱱ ᱫᱟᱨᱟᱢ ᱫᱩᱯᱲᱩᱵ ᱵᱩᱫᱷᱚ ᱢᱚᱱᱫᱤᱨ ᱵᱟᱹᱠᱷᱩᱞ ᱨᱮ ᱟᱹᱭᱩᱵ ᱗ ᱴᱟᱲᱟᱝ ᱠᱷᱚᱱ ᱙ ᱴᱟᱲᱟᱝ ᱨᱮ ᱦᱩᱭ ᱥᱟᱹᱛ ᱞᱮᱱᱟ ᱾ ᱚᱱᱟ ᱢᱤᱫᱩᱱ ᱨᱮ ᱥᱟᱯᱲᱟᱣ ᱞᱮᱫᱼᱯᱷᱟᱹᱜᱩᱱ ᱵᱮᱣᱨᱟ ᱨᱤᱱ ᱥᱟᱯᱲᱮᱛ ᱢᱟᱹᱱ ᱢᱟᱲᱚᱛᱤ ᱢᱩᱨᱢᱩ ᱯᱮᱲᱟ ᱞᱮᱠᱟᱛᱮ ᱥᱮᱴᱮᱨ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱢᱟᱹᱱ ᱢᱟᱜᱟᱛ ᱢᱩᱨᱢᱩ ᱢᱟᱹᱱ ᱩᱫᱟᱹᱭ ᱢᱟᱹᱡᱷᱤ ᱢᱟᱹᱱ ᱪᱚᱭᱤᱛᱚᱱ ᱯᱨᱚᱥᱟᱫ ᱢᱟᱹᱡᱷᱤ ᱡᱤ ᱠᱚᱲᱤᱝᱜᱚ ᱠᱟᱹᱢᱤᱭᱟᱸ ᱵᱟᱹᱯᱤ ᱦᱟᱸᱥᱫᱟᱜ ᱢᱟᱹᱱ ᱥᱩᱱᱫᱚᱨ ᱢᱚᱦᱚᱱ ᱥᱚᱨᱮᱱ ᱢᱟᱹᱱ ᱵᱤᱥᱣᱚᱱᱟᱛᱷ ᱥᱚᱨᱮᱱ ᱢᱟᱹᱱ ᱱᱚᱵᱤᱱ ᱢᱟᱹᱨᱰᱤ ᱥᱟᱶ ᱟᱭᱢᱟ ᱪᱤᱠᱤ ᱯᱟᱹᱨᱥᱤ ᱜᱚᱨᱚᱡᱤᱭᱟᱹ ᱠᱚ ᱥᱮᱴᱮᱨ ᱠᱚ ᱛᱟᱸᱦᱮᱸ ᱠᱟᱱᱟ ᱾

ᱣᱤᱠᱤᱯᱮᱰᱤᱭᱟ ᱠᱟᱞᱟᱦᱟ

ᱛᱮᱦᱮᱧ ᱢᱛ ᱓.᱒.᱒᱐᱑᱙ ᱥᱤᱸᱜᱤ ᱢᱟᱦᱟ ᱥᱮᱛᱟᱜ ᱙ ᱴᱟᱲᱟᱲ ᱚᱠᱛᱚ ᱠᱤᱥ᱓ ᱵᱷᱩᱵᱚᱱᱮᱥᱚᱨ ᱳᱰᱤᱥᱟ ᱨᱮ ᱢᱤᱫ ᱠᱟᱞᱟᱦᱟ [ᱣᱟᱨᱠᱥᱳᱯ] ᱦᱩᱭ ᱞᱮᱱᱟ ᱾ ᱚᱱᱟ ᱠᱟᱞᱟᱦᱟ ᱨᱮ ᱵᱟᱝᱞᱟ ᱫᱤᱥᱚᱢ ᱠᱷᱚᱱ ᱢᱱ ᱱᱟᱬᱤᱠ ᱥᱚᱨᱮᱱ ᱢᱱ ᱦᱩᱨᱮᱱ ᱢᱩᱨᱢᱩ ᱱᱮᱯᱟᱞ ᱫᱤᱥᱚᱢ ᱠᱷᱚᱱ ᱢᱟᱹᱱ ᱥᱤᱵᱩ ᱢᱩᱨᱢᱩ ᱢᱟᱹᱱ ᱥᱤᱵᱩ ᱢᱟᱹᱡᱷᱤ ᱢᱩᱨᱢᱩ ᱮᱢᱟ ᱯᱮᱲᱟ ᱠᱚ ᱛᱟᱦᱮ ᱠᱟᱱᱟ ᱾ ᱢᱟᱱᱟᱱ ᱯᱮᱲᱟ ᱞᱮᱠᱟᱛᱮ ᱢᱱ ᱩᱫᱟᱭ ᱱᱟᱪᱷ ᱢᱟᱹᱡᱷᱤ ᱠᱤᱴ ᱭᱩᱱᱤᱵᱷᱟᱨ ᱥᱤᱴᱤ ᱪᱟᱱᱥᱮᱞᱚᱨ, ᱨᱮᱡᱤᱥᱴᱨᱟᱨ ᱛᱟᱞᱢᱟ ᱥᱟᱶᱦᱮᱫ ᱟᱠᱲᱟ ᱨᱤᱱᱤᱡ ᱥᱚᱦᱮᱫ ᱮᱢᱟᱱ ᱠᱚ ᱛᱟᱦᱮᱸᱭᱟ ᱾ ᱟᱛᱟᱝ ᱫᱟᱨᱟᱢ ᱨᱮ ᱟᱨ ᱠᱟᱹᱢᱤ ᱩᱨᱟᱹᱞ ᱨᱮ ᱢᱱ ᱚᱥᱱᱤ ᱵᱚᱧᱡᱚᱱ ᱢᱟᱹᱡᱷᱤ, ᱦᱚᱯᱚᱱ ᱵᱮᱴᱟ ᱯᱷᱟᱹᱜᱩ ᱵᱟᱥᱠᱮ ᱥᱟᱶ ᱵᱟᱨᱭᱟ ᱫᱤᱠᱩ ᱵᱚᱭᱦᱟ ᱟᱨ ᱠᱤᱥ ᱠᱤᱴ ᱨᱤᱱ ᱠᱩᱲᱤ ᱜᱤᱫᱽᱨᱟᱹ ᱟᱨ ᱠᱚᱲᱟ ᱜᱤᱫᱽᱨᱟᱹ ᱠᱚ ᱛᱟᱦᱮᱸᱭᱟ ᱾ ᱣᱤᱠᱤᱯᱮᱰᱤᱭᱟ ᱪᱮᱛᱟᱱ ᱨᱮ ᱟᱹᱰᱤ ᱠᱟᱛᱷᱟ ᱨᱚᱯᱚᱲ ᱞᱟᱹᱯᱟᱹᱭ ᱜᱩᱭ ᱞᱮᱱᱟ ᱾

ᱥᱩᱱᱟᱹᱨᱟᱢ ᱥᱚᱨᱮᱱ ᱡᱟᱱᱟᱢ ᱢᱟᱦᱟ

ᱵᱷᱚᱸᱡᱽ ᱵᱤᱨ ᱵᱷᱚᱸᱡᱽ ᱛᱟᱹᱨᱩᱵ ᱵᱷᱩᱨᱠᱟᱹᱜ ᱤᱯᱤᱞ ᱜᱚᱢᱠᱮ ᱥᱩᱱᱟᱹᱨᱟᱢ ᱥᱚᱨᱮᱱ ᱫᱚ ᱢᱟᱹᱦᱤᱛ ᱐᱔ . ᱐᱒ . ᱑᱙᱑᱘ ᱨᱮ ᱫᱟᱢᱠᱚᱢ ᱦᱮᱸᱥᱞᱟ ᱟᱹᱛᱩ ᱨᱮ ᱢᱟᱹᱱ ᱪᱟᱹᱢᱯᱟᱹᱭᱨᱟᱢ ᱥᱚᱨᱮᱱ ᱟᱨ ᱫᱩᱨᱜᱤ ᱥᱚᱨᱮᱱ ᱠᱚᱞᱮᱨᱮᱭ ᱡᱟᱱᱟᱢ ᱞᱮᱱᱟ ᱾

ᱜᱩᱸᱰᱩᱨᱤᱭᱟᱹ ᱡᱤᱭᱟᱹᱛ ᱢᱟᱦᱟ

ᱛᱮᱦᱮᱧ ᱢᱟᱹᱦᱤᱛ ᱖.᱒. ᱫᱚ ᱜᱩᱸᱰᱩᱨᱤᱭᱟᱹ ᱡᱤᱭᱟᱹᱛ ᱢᱟᱦᱟ ᱠᱟᱱᱟ ᱾ ᱢᱟᱹᱦᱤᱛ ᱖.᱒.᱑᱙᱔᱙ ᱥᱮᱥᱟᱭ ᱨᱮ ᱵᱷᱚᱸᱡᱽ ᱫᱤᱥᱚᱢ ᱨᱮᱱᱟᱜ ᱨᱟᱭᱨᱚᱢᱯᱩᱨ ᱡᱟᱯᱟᱜ ᱜᱩᱸᱰᱩᱨᱤᱭᱟᱹ ᱟᱹᱛᱩ ᱨᱮ ᱢᱤᱫ ᱫᱤᱥᱚᱢ ᱫᱩᱜ ᱢᱤᱫᱩᱱ ᱦᱩᱭ ᱞᱮᱱᱟ ᱾ ᱵᱷᱚᱸᱡᱽ ᱫᱤᱥᱚᱢ ᱫᱚ ᱱᱤᱛᱚᱜᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱮᱱᱟᱝ ᱟᱜ ᱵᱤᱦᱟᱨ ᱯᱚᱱᱚᱛ ᱥᱟᱞᱟᱜ ᱢᱮᱥᱟᱜ ᱢᱟ ᱢᱮᱱᱛᱮ ᱵᱷᱚᱸᱡᱽ ᱫᱤᱥᱚᱢ ᱦᱚᱲᱠᱚ ᱫᱩᱲᱩᱵ ᱠᱟᱛᱮᱠᱚ ᱨᱚᱯᱚᱲ ᱜᱚᱴᱟᱜᱼᱟ ᱢᱮᱱᱛᱮ ᱾ ᱮᱱᱠᱷᱟᱱ ᱳᱰᱤᱥᱟ ᱥᱚᱨᱠᱟᱨ ᱵᱟᱹᱭᱨᱤ ᱮᱱᱛᱮ ᱢᱮᱫ ᱡᱟᱹᱯᱤᱫ ᱠᱟᱛᱮ ᱢᱤᱫᱩᱱ ᱨᱮ ᱥᱮᱞᱮᱫ ᱞᱮᱱ ᱥᱟᱱᱛᱟᱲ ᱠᱚ ᱥᱮᱸᱜᱮᱞ ᱥᱟᱨᱛᱮ ᱛᱩᱧ ᱜᱚᱡ ᱞᱮᱫ ᱠᱚᱣᱟᱭ ᱾ ᱚᱱᱟᱜᱮ ᱩᱭᱦᱟᱹᱨ ᱫᱚᱦᱚᱭ ᱞᱟᱹᱜᱤᱫ ᱜᱮ ᱜᱩᱸᱰᱩᱨᱤᱭᱟᱹ ᱡᱤᱭᱟᱹᱛ ᱢᱟᱦᱟ ᱫᱚ ᱥᱮᱨᱢᱟ ᱯᱤᱪᱷᱤ ᱢᱟᱹᱦᱤᱛ ᱖. ᱒. ᱨᱮ ᱢᱟᱱᱟᱣᱜ ᱠᱟᱱᱟ ᱾

ᱛᱤᱞᱠᱟᱹ ᱵᱟᱵᱟ ᱡᱟᱱᱟᱢ ᱢᱟᱦᱟ

ᱢᱟᱹᱦᱤᱛ ᱑᱑.᱐᱒.᱑᱗᱕᱐ ᱥᱮᱥᱟᱭ ᱨᱮ ᱵᱟᱵᱟ ᱛᱤᱞᱠᱟᱹ ᱢᱟᱹᱡᱷᱤ ᱫᱚ ᱵᱤᱦᱟᱨ ᱯᱚᱱᱚᱛ ᱨᱮᱱᱟᱜ ᱵᱷᱟᱜᱚᱞᱯᱩᱨ ᱦᱚᱱᱚᱛ ᱛᱤᱞᱚᱠᱯᱩᱨ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱯᱩᱭᱞᱩ ᱦᱩᱞᱜᱟᱹᱨᱤᱟᱹ ᱠᱟᱱᱟᱭ ᱾ ᱩᱱᱤᱭᱟᱜ ᱫᱤᱞ ᱫᱟᱲᱮ ᱠᱟᱨᱫᱷᱟᱱᱤ ᱩᱭᱦᱟᱹᱨ ᱫᱚᱦᱚᱭ ᱞᱟᱹᱜᱤᱫ ᱜᱮ ᱯᱮᱵᱨᱩᱣᱟᱨᱤ ᱑᱑ ᱫᱚᱵᱚ ᱢᱟᱱᱟᱣᱟ ᱾

ᱠᱟᱨᱣᱟᱞ ᱡᱤᱭᱟᱹᱛ ᱢᱟᱦᱟ

ᱢᱛ.᱑᱒.᱒.᱒᱐᱑᱙ ᱵᱟᱞᱮ ᱢᱟᱦᱟ ᱦᱤᱞᱚᱜ ᱥᱤᱧᱚᱛ ᱨᱤᱱ ᱔᱐ ᱠᱟᱨᱣᱟᱞ ᱡᱟᱢᱩ ᱠᱟᱥᱢᱤᱨ ᱮᱱᱟᱜ ᱯᱟᱞᱣᱟᱢᱟᱨᱮ ᱵᱟᱹᱭᱨᱤ ᱠᱚᱣᱟᱜ ᱵᱚᱢ ᱠᱟᱨ ᱨᱮᱱᱟᱜ ᱓᱕᱐ ᱠᱤᱞᱳ ᱦᱟᱢᱟᱞᱟᱜ ᱵᱳᱢ ᱯᱚᱥᱟᱜ ᱠᱟᱛᱮ ᱠᱚ ᱞᱚ ᱜᱚᱡ ᱮᱱᱟ ᱾ ᱩᱱ ᱠᱩᱣᱟᱜ ᱦᱚᱢᱚᱨ ᱢᱟᱦᱟ ᱫᱚ ᱢᱛ ᱑᱖.᱒.᱒᱐᱑᱙ ᱦᱤᱞᱚᱜ ᱥᱟᱱᱟᱢ ᱥᱚᱨᱠᱟᱨᱤ ᱳᱯᱷᱤᱥ ᱨᱮ ᱢᱟᱱᱟᱣ ᱮᱱ ᱾

ᱡᱮᱜᱮᱛ ᱟᱭᱳ ᱟᱲᱟᱝ ᱢᱟᱦᱟ

ᱢᱛ.ᱯᱷᱮᱵᱨᱩᱣᱟᱠᱤ ᱒᱑ ᱫᱚ ᱡᱮᱜᱮᱛ ᱟᱭᱳ ᱟᱲᱟᱝ ᱢᱟᱦᱟ ᱠᱟᱱᱟ ᱾ ᱛᱮᱦᱮᱧ ᱫᱚ ᱡᱮᱜᱮᱛ ᱡᱟᱠᱟᱛ ᱨᱤᱱ ᱢᱟᱹᱱᱢᱤ ᱟᱯᱟᱱ ᱟᱹᱯᱤᱱ ᱟᱭᱳ ᱟᱲᱟᱝ ᱛᱮ ᱨᱚᱲ ᱡᱚᱝ ᱥᱮᱨᱮᱧ ᱡᱚᱝ ᱚᱞ ᱡᱚᱝ ᱨᱮ ᱨᱟᱹᱥᱠᱟᱹ ᱡᱚᱝ ᱨᱮᱱᱟᱜ ᱦᱟ ᱠᱟᱱᱟ ᱾ ᱟᱭᱳ ᱟᱲᱟᱝ ᱟᱞᱚᱵᱚ ᱦᱤᱲᱤᱧ ᱢᱟ ᱟᱞᱚᱵᱚ ᱰᱷᱤᱞᱟᱣᱢᱟ ᱟᱨ ᱟᱞᱚᱵᱚ ᱟᱫᱚᱜ ᱢᱟ ᱾

᱕ ᱟᱱᱟᱜ ᱢᱟᱹᱡᱷᱤ ᱯᱟᱨᱜᱟᱱᱟ ᱢᱚᱦᱚᱞ ᱫᱩᱯᱲᱩᱵ

ᱛᱮᱦᱮᱧ ᱢᱛ ᱒᱓ ᱾ ᱒ ᱾ ᱒᱐᱑᱙ ᱦᱤᱞᱚᱜ, ᱳᱰᱤᱥᱟ ᱯᱚᱱᱚᱛ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱵᱟᱹᱨᱯᱟᱫᱟ ᱥᱩᱨ ᱤᱸᱫᱽᱯᱟᱹᱦᱤ ᱟᱹᱛᱩ ᱯᱟᱨᱟᱱ ᱦᱮᱢᱵᱽᱨᱚᱢ ᱵᱟᱹᱠᱷᱩᱞ ᱨᱮ ᱕ ᱟᱱᱟᱜ ᱵᱷᱟᱨᱚᱛ ᱡᱟᱠᱟᱛ ᱢᱟᱹᱡᱷᱤ ᱯᱟᱨᱜᱟᱱ ᱢᱚᱦᱚᱞ ᱩᱯᱲᱩᱵ ᱦᱩᱭ ᱥᱟᱹᱛ ᱮᱱᱟ ᱾ ᱚᱱᱟᱫᱚ ᱫᱚᱥᱟᱨ ᱦᱤᱞᱚᱜ ᱢᱛ ᱒᱔ ᱾ ᱒ ᱾ ᱒᱐᱑᱙ ᱫᱷᱟᱹᱨᱤᱡ ᱜᱟᱞ ᱢᱟᱨᱟᱣ ᱦᱩᱭ ᱥᱟᱹᱛ ᱞᱮᱱᱟ ᱾

ᱜᱟᱞᱚᱪ ᱥᱟᱛᱟᱢ ᱫᱚ

᱑ - ᱥᱟᱱᱛᱟᱲ ᱥᱮᱨᱣᱟ ᱨᱮᱱᱟᱜ ᱟᱹᱨᱤ ᱪᱟᱹᱞᱤ ᱾

᱒ - ᱥᱟᱱᱛᱟᱲ ᱠᱮᱞᱮᱱᱰᱟᱨ ᱥᱮ ᱱᱮᱰᱟ ᱢᱟᱦᱟ ᱾ ᱵᱟᱱᱟᱨ ᱠᱟᱛᱷᱟᱜᱮ ᱵᱷᱟᱨᱚᱛ ᱡᱟᱠᱟᱛ ᱦᱚᱲᱛᱮ ᱦᱮᱸ ᱥᱟᱹᱨᱤ ᱮᱱᱟ ᱾ ᱠᱟᱞᱮᱱᱰᱟᱨ ᱫᱚ ᱢᱟᱡᱷᱮᱨᱟ ᱘᱕᱐᱐ ᱠᱷᱚᱱ ᱫᱚ ᱮᱛᱚᱦᱚᱵ ᱞᱮᱠᱷᱟ ᱠᱟᱱᱟ ᱾ ᱞᱮᱠᱷᱟ ᱫᱚ ᱒᱐᱐᱐ ᱥᱮᱥᱟᱭ ᱠᱷᱚᱱ ᱮᱭᱦᱚᱵᱚᱜᱼᱟ ᱾ ᱚᱱᱟᱛᱮ ᱤᱝᱨᱟᱡᱤ ᱒᱐᱑᱙ ᱫᱚ ᱥᱟᱱᱛᱟᱲ ᱞᱮᱠᱷᱟ ᱫᱚ ᱘᱕᱑᱙ ᱦᱩᱭᱩᱜᱼᱟ ᱾ ᱚᱱᱟᱫᱚ ᱫᱤᱥᱚᱢ ᱯᱟᱨᱜᱟᱱᱟ ᱢᱟᱢᱚᱛᱟᱱ ᱱᱤᱛᱭᱟ ᱱᱚᱱᱫᱚ ᱦᱮᱢᱵᱽᱨᱚᱢ ᱛᱟᱹᱠᱤᱱ ᱠᱤᱱ ᱪᱷᱟᱹᱴᱤᱭᱟᱹᱨ ᱠᱮᱫᱼᱟ ᱾ ᱛᱟᱦᱮᱸᱠᱟᱱ ᱜᱚᱢᱠᱮ ᱠᱚᱫᱚ ᱵᱷᱟᱨᱚᱛ ᱫᱤᱥᱚᱢ ᱯᱟᱨᱜᱟᱱᱟ ᱢᱟᱹᱱ ᱱᱤᱛᱭᱟ ᱱᱚᱱᱫᱚ ᱦᱮᱢᱵᱽᱨᱚᱢ ᱵᱷᱟᱨᱚᱛ ᱫᱤᱥᱚᱢ ᱯᱟᱨᱟᱱᱤᱠ ᱢᱟᱹᱱ ᱨᱟᱢᱪᱚᱸᱫᱽᱨᱚ ᱢᱩᱨᱢᱩ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱢᱟᱹᱱ ᱜᱚᱸᱜᱟ ᱫᱷᱚᱨ ᱦᱟᱸᱥᱫᱟᱜ ᱥᱟᱶ ᱵᱮᱸᱜᱚᱞ ᱯᱚᱱᱚᱛ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱤᱱ ᱯᱚᱱᱚᱛ, ᱛᱚᱞᱟᱴ, ᱢᱩᱞᱩᱠ ᱯᱟᱨᱜᱟᱱᱟ ᱠᱚ ᱥᱮᱴᱮᱨ ᱠᱚ ᱛᱟᱦᱮᱸᱭᱟ ᱾ ᱤᱱᱟᱹ ᱦᱤᱞᱚᱜ ᱜᱮ ᱥᱟᱱᱛᱟᱲ ᱠᱚ ᱞᱟᱹᱜᱤᱫ ᱞᱟᱹᱠᱛᱤᱜ ᱠᱟᱱ ᱠᱟᱞᱮᱱᱰᱟᱨ ᱞᱟᱹᱜᱤᱫ ᱦᱚᱸ ᱱᱟᱥᱮ ᱨᱚᱯᱚᱲ ᱢᱟᱬᱟᱝ ᱞᱮᱱᱟ ᱾ ᱚᱱᱟ ᱨᱮ ᱛᱤᱱᱟᱜ ᱜᱟᱱ ᱦᱚᱲ ᱪᱚᱝ ᱵᱮᱸᱛᱠᱩᱸᱫᱽ ᱰᱟᱹᱦᱤ ᱨᱮᱱᱟᱜ ᱠᱟᱞᱮᱱᱰᱟᱨ ᱜᱮᱵᱚ ᱢᱟᱱᱟᱣᱟ ᱢᱮᱱᱛᱮ ᱠᱚ ᱨᱚᱲ ᱨᱟᱠᱟᱵ ᱞᱮᱫᱼᱟ ᱾ ᱚᱱᱟᱫᱚ ᱳᱰᱤᱥᱟ ᱟᱥᱮᱠᱟ ᱦᱚᱸ ᱚᱱᱟ ᱠᱮᱞᱮᱱᱰᱟᱨ ᱜᱮᱭ ᱥᱟᱨᱫᱷᱟᱨ ᱟᱠᱟᱫᱼᱟ ᱾ ᱥᱟᱱᱛᱟᱲ ᱠᱮᱞᱮᱱᱰᱟᱨ ᱨᱮᱱᱟᱜ ᱧᱩᱛᱩᱢ ᱫᱚ ᱢᱟᱡᱷᱤᱨᱟ ᱾ ᱞᱮᱠᱷᱟ ᱫᱚ ᱘᱕᱑᱙ ᱾ ᱱᱮᱥᱟᱜ ᱠᱟᱞᱮᱱᱰᱟᱨ ᱞᱮᱠᱷᱟ ᱫᱚ " ᱢᱟᱹᱡᱷᱤᱨᱟ ᱘᱕᱑᱙" ᱾ ᱱᱚᱶᱟ ᱫᱚ ᱵᱷᱟᱨᱚᱛ ᱫᱤᱥᱚᱢ ᱯᱟᱨᱜᱟᱱᱟ ᱢᱱ ᱱᱤᱛᱭᱟᱱᱚᱱᱫᱚ ᱦᱮᱢᱵᱽᱨᱚᱢ ᱛᱟᱹᱠᱤᱱ ᱠᱤᱱ ᱪᱷᱟᱹᱴᱤᱭᱟᱹᱨ ᱞᱮᱫᱼᱟ ᱾ ᱚᱱᱟ ᱠᱟᱛᱷᱟ ᱫᱤᱥᱚᱢ ᱡᱟᱠᱟᱛ ᱦᱚᱲ ᱛᱤ ᱛᱷᱟᱭᱚ ᱠᱟᱛᱮ ᱠᱚ ᱦᱮᱸ ᱥᱟᱹᱨᱤ ᱞᱮᱫᱼᱟ ᱾

ᱢᱟᱹᱡᱷᱮᱨᱟ

ᱢᱛ.᱒᱓ ᱾ ᱐᱒ ᱾ ᱒᱐᱑᱙ ᱨᱮ ᱥᱟᱱᱛᱟᱲ ᱠᱟᱞᱮᱱᱰᱟᱨ ᱵᱟᱝ ᱱᱮᱰᱟ ᱢᱟᱦᱟ ᱢᱟᱹᱡᱷᱮᱨᱟ ᱫᱚ ᱧᱩᱢ ᱪᱷᱟᱹᱴᱭᱟᱨ ᱞᱮᱱᱟ ᱾ ᱢᱟᱹᱡᱷᱤ ᱟᱨ ᱮᱨᱟ ᱛᱟᱭᱟᱜ ᱧᱩᱛᱩᱢ ᱛᱮ ᱚᱱᱟᱫᱚ ᱢᱟᱹᱡᱷᱮᱨᱟ ᱧᱩᱛᱩᱢ ᱟᱠᱟᱱᱟ ᱾ ᱮᱱ ᱥᱮᱨᱢᱟ ᱫᱚ ᱥᱟᱨᱱᱟ ᱠᱮᱞᱮᱱᱰᱟᱨ ᱱᱮᱰᱟ ᱢᱟᱹᱡᱷᱮᱨᱟ ᱞᱮᱠᱟ ᱛᱮᱫᱚ ᱒᱓ ᱾ ᱐᱒ ᱾ ᱘᱕᱑᱙ ᱦᱩᱭ ᱞᱮᱱ ᱛᱟᱦᱮᱫ ᱾

ᱢᱛ. ᱑᱑ ᱾ ᱑᱑ ᱾ ᱒᱐᱒᱐

ᱥᱤᱧᱚᱛ ᱨᱤᱱ ᱥᱟᱸᱜᱮ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱫᱷᱚᱨᱚᱢ ᱥᱟᱨᱱᱟ ᱫᱷᱚᱨᱚᱢ ᱡᱷᱟᱨᱠᱷᱚᱸᱰ ᱥᱤᱨᱟᱹ ᱢᱚᱱᱛᱨᱤ ᱢᱟᱱᱚᱛᱟᱱ ᱦᱮᱢᱚᱱᱛ ᱥᱚᱨᱮᱱ ᱛᱟᱹᱠᱤᱱ ᱢᱟᱹᱦᱤᱛ ᱑᱑ ᱾ ᱑᱑ ᱾ ᱒᱐᱒᱐ ᱦᱤᱞᱚᱜ ᱠᱤᱱ ᱪᱷᱟᱹᱴᱤᱭᱟᱹᱨ ᱞᱮᱫᱼᱟ ᱾

ᱢᱛ.᱒᱔ ᱾ ᱐᱔ ᱾ ᱒᱐᱒᱒

ᱢᱛ.᱒᱔ ᱾ ᱐᱔ ᱾ ᱒᱐᱐᱒᱒ ᱥᱤᱸᱜᱤ ᱢᱟᱦᱟ ᱦᱤᱞᱚᱜ ᱯᱟᱪᱮ ᱵᱟᱝᱞᱟ ᱯᱚᱱᱚᱛ ᱡᱷᱟᱲᱜᱨᱟᱢ ᱦᱚᱱᱚᱛ ᱡᱷᱟᱲᱜᱨᱟᱢ ᱡᱟᱯᱟᱜ ᱵᱮᱸᱛᱠᱩᱫᱽᱨᱤ ᱰᱟᱹᱦᱤ ᱨᱮ ᱢᱤᱫ ᱢᱟᱨᱟᱝ ᱫᱩᱯᱲᱩᱵ ᱦᱩᱭ ᱥᱟᱹᱛ ᱟᱠᱟᱱᱟ ᱾ ᱚᱱᱟ ᱫᱩᱯᱲᱩᱵ ᱨᱮ ᱠᱚ ᱥᱮᱴᱮᱨ ᱞᱮᱱᱟ ᱟᱥᱟᱢ, ᱡᱷᱟᱨᱠᱷᱚᱸᱰ, ᱳᱰᱤᱥᱟ ᱟᱨ ᱯᱟᱪᱮ ᱵᱟᱝᱞᱟ ᱨᱮᱱᱟᱜ ᱟᱥᱮᱠᱟ ᱥᱟᱶ ᱟᱭᱢᱟ ᱜᱚᱱᱚᱴ ᱠᱚ ᱨᱤᱱ ᱠᱟᱹᱢᱤᱭᱟᱹ ᱾ ᱫᱩᱯᱲᱩᱵ ᱨᱮᱱᱟᱜ ᱡᱚᱥ ᱫᱚ ᱑᱘/᱑᱙/᱒᱐ ᱯᱷᱮᱵᱽᱨᱩᱣᱟᱨᱤ ᱑᱙᱗᱗ ᱟᱛᱨᱟ ᱦᱟᱠᱟᱱ ᱠᱟᱹᱢᱤ ᱠᱚ ᱯᱩᱨᱟᱹᱣ ᱞᱟᱹᱜᱤᱫ ᱠᱟᱹᱢᱤᱭᱟᱹ ᱠᱚ ᱵᱟᱪᱷᱟᱣᱮᱱᱟ ᱾ ᱱᱩᱠᱩ ᱠᱟᱹᱢᱤᱭᱟᱹ ᱫᱚ ᱵᱷᱟᱨᱚᱛ ᱡᱟᱠᱟᱛ ᱟᱹᱫᱤᱵᱟᱹᱥᱤ [ᱥᱟᱱᱛᱟᱲ] ᱠᱟᱣᱱᱥᱤᱞ ᱒᱐᱐᱘ ᱥᱮᱥᱟᱭ ᱨᱮ ᱧᱩᱢ ᱟᱹᱨᱩ ᱟᱠᱟᱱ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲ ᱥᱮᱢᱞᱮᱫ ᱨᱮᱠᱚ ᱠᱟᱹᱢᱤᱭᱟ ᱾ ᱯᱟᱨᱥᱮᱫ ᱞᱮᱠᱟ ᱛᱮ ᱢᱟᱹᱱ ᱱᱤᱛᱭᱟᱱᱚᱫᱚ ᱦᱮᱢᱵᱽᱨᱚᱢ ᱯᱟᱪᱮ ᱵᱟᱝᱞᱟ, ᱢᱟᱬᱛᱮ ᱥᱩᱛᱨᱮᱫ ᱞᱮᱠᱟᱛᱮ ᱢᱟᱹᱱ ᱦᱚᱨᱯᱟᱞ ᱦᱮᱢᱵᱽᱨᱚᱢ ᱳᱰᱤᱥᱟ ᱟᱥᱮᱠᱟ, ᱢᱟᱹᱱ ᱥᱩᱵᱳᱫᱷ ᱦᱟᱸᱥᱫᱟᱜ ᱯᱟᱪᱮ ᱵᱟᱝᱞᱟ ᱛᱟᱹᱠᱤᱱ ᱠᱤᱱ ᱵᱟᱪᱷᱚᱱ ᱞᱮᱱᱟ ᱾

᱒᱑ ᱾ ᱐᱗ ᱾ ᱒᱐᱒᱒ ᱫᱤᱥᱚᱢ ᱜᱚᱢᱠᱮ ᱵᱟᱪᱷᱱᱟᱣ

ᱫᱤᱥᱚ ᱜᱚᱢᱠᱮ ᱢᱚᱦᱟᱢᱚᱦᱤᱢ ᱢᱟᱹᱱᱤᱡ ᱫᱨᱚᱣᱯᱚᱫᱤ ᱢᱩᱨᱢᱩ ᱛᱟᱹᱠᱤᱱ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱵᱟᱪᱷᱟᱣ ᱾

ᱢᱟᱪᱮᱛ ᱠᱚᱣᱟᱜ ᱯᱟᱹᱨᱥᱤ ᱦᱩᱞ

ᱢᱛᱹ ᱑᱒ ᱾ ᱑᱐ ᱾ ᱒᱐᱒᱒ ᱠᱷᱚᱱ ᱢᱟᱪᱮᱫ ᱠᱚ ᱯᱟᱹᱨᱥᱤ ᱦᱩᱞ ᱠᱚ ᱮᱭᱦᱚᱵ ᱞᱮᱫᱼᱟ ᱾ ᱓᱔ ᱢᱟᱦᱟ ᱰᱤ.ᱯᱤ.ᱥᱤ.ᱚᱯᱷᱤᱥ ᱥᱟᱢᱟᱝ ᱨᱮ ᱩᱥᱟᱹᱫ ᱫᱩᱲᱩᱵ ᱾ ᱒᱘ ᱢᱟᱦᱟ ᱰᱟᱸᱰᱵᱚᱥ ᱯᱩᱠᱷᱩᱨᱤᱭᱟᱹ ᱠᱷᱚᱱ ᱵᱷᱩᱵᱚᱱᱮᱥᱚᱨ ᱛᱟᱲᱟᱢ ᱛᱮ ᱪᱟᱞᱟᱣ ᱾ ᱑᱘ ᱢᱟᱦᱟ ᱵᱷᱩᱵᱚᱱᱮᱥᱚᱨ ᱯᱟᱣᱟᱨ ᱦᱟᱣᱥ ᱪᱷᱚᱠᱚᱨᱮ ᱥᱚᱨᱠᱟᱨᱟᱜ ᱵᱤᱪᱟᱹᱨ ᱟᱨ ᱥᱤᱨᱟᱹ ᱢᱚᱱᱛᱨᱤ ᱥᱟᱞᱟᱜ ᱧᱟᱯᱟᱢ ᱛᱟᱹᱜᱤ ᱠᱟᱛᱮ ᱫᱩᱲᱩᱵ ᱾

ᱪᱟᱸᱫᱚ ᱢᱟᱢᱚ ᱨᱮ ᱫᱮᱡᱚᱜ

ᱢᱛᱹ ᱒᱓ ᱐᱘ ᱒᱐᱒᱓ ᱥᱟᱹᱜᱩᱱ ᱢᱟᱦᱟ ᱟᱹᱭᱩᱵ ᱕.᱓᱐ ᱴᱟᱲᱟᱝ ᱠᱷᱚᱱ ᱖.᱓᱐ ᱴᱟᱲᱟᱝ ᱨᱮ ᱪᱚᱱᱫᱽᱨᱚᱡᱟᱱ ᱪᱟᱸᱫᱚ ᱢᱟᱢᱚ ᱨᱮ ᱛᱤᱸᱜᱩ ᱞᱮᱱᱟ ᱾