ᱫᱟᱦᱚᱫᱽ
ᱫᱟᱦᱚᱫᱽ ᱫᱚ ᱥᱤᱧᱚᱛ ᱨᱮᱱᱟᱜ ᱜᱩᱡᱽᱨᱟᱴ ᱯᱚᱱᱚᱛ ᱨᱮ ᱫᱟᱦᱚᱫᱽ ᱦᱚᱱᱚᱛ ᱨᱮ ᱫᱩᱫᱷᱢᱚᱛᱤ ᱜᱟᱰᱟ ᱫᱷᱟᱨᱮ ᱨᱮ ᱢᱮᱱᱟᱜ ᱢᱤᱫ ᱥᱚᱦᱚᱨ ᱠᱟᱱᱟ ᱾ ᱢᱮᱱ ᱟᱠᱚ ᱡᱮ ᱚᱱᱰᱮ ᱟᱡᱟᱜ ᱧᱩᱛᱩᱢ ᱥᱟᱸᱛ ᱫᱚᱫᱷᱤᱪᱤ ᱠᱷᱚᱱ ᱦᱟᱨᱟᱣ ᱟᱠᱟᱱᱟ, ᱚᱠᱚᱭᱟᱜ ᱫᱩᱫᱷᱢᱚᱛᱤ ᱜᱟᱰᱟ ᱫᱷᱟᱨᱮ ᱨᱮ ᱢᱤᱫ ᱟᱥᱨᱚᱢ ᱛᱟᱦᱮᱸ ᱠᱟᱱᱟ ᱾ ᱥᱚᱦᱚᱨ ᱫᱟᱦᱚᱫᱽ ᱦᱚᱱᱚᱛ ᱞᱟᱹᱜᱤᱫ ᱛᱮ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱞᱮᱠᱟᱛᱮ ᱠᱟᱹᱢᱤᱭᱟ ᱾ ᱱᱚᱣᱟ ᱚᱦᱢᱚᱫᱟᱵᱟᱫᱽ ᱠᱷᱚᱱ ᱒᱑᱔ ᱠᱤᱞᱚᱢᱤᱴᱚᱨ (᱑᱓᱓ ᱢᱤᱞ) ᱟᱨ ᱵᱚᱰᱳᱫᱚᱨᱟ ᱠᱷᱚᱱ ᱑᱕᱙ ᱠᱤᱞᱚᱢᱤᱴᱚᱨ (᱙᱙ ᱢᱤᱞ) ᱢᱮᱱᱟᱜᱼᱟ ᱾ ᱱᱤᱭᱟᱹ ᱫᱚᱦᱟᱫᱽ ᱞᱮᱠᱟᱛᱮ ᱦᱚᱸ ᱵᱟᱰᱟᱭᱚᱜᱼᱟ (ᱚᱠᱚᱭᱟᱜ ᱢᱮᱱᱮᱛ ᱠᱟᱱᱟ "ᱵᱟᱨᱭᱟ ᱥᱤᱢᱟᱹ", ᱪᱮᱫᱟᱜ ᱪᱮ ᱨᱟᱡᱚᱥᱛᱷᱟᱱ ᱟᱨ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱥᱤᱢᱟᱹ ᱥᱩᱨ ᱨᱮ ᱢᱮᱱᱟᱜᱼᱟ) ᱾[᱒]
| ᱫᱟᱦᱚᱫᱽ ᱫᱚᱦᱟᱫᱽ Dhd | |
|---|---|
| ᱤᱥᱢᱟᱨᱴ ᱥᱚᱦᱚᱨ | |
| ᱮᱴᱟᱜ ᱧᱩᱛᱩᱢ: Dhd | |
  ᱫᱟᱦᱚᱫᱽ | |
| Coordinates: 22°50′05″N 74°15′20″E / 22.83472°N 74.25556°ECoordinates: 22°50′05″N 74°15′20″E / 22.83472°N 74.25556°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱜᱩᱡᱽᱨᱟᱴ |
| ᱦᱚᱱᱚᱛ | ᱫᱟᱦᱚᱫᱽ |
| Collector & DM | ᱥᱨᱤ ᱵᱤᱡᱚᱭᱠᱩᱢᱟᱨ ᱠᱷᱟᱨᱟᱰᱤ, I.A.S |
| ᱮᱨᱤᱭᱟ | |
| • ᱤᱥᱢᱟᱨᱴ ᱥᱚᱦᱚᱨ | 14 ᱠᱤᱢᱤ২ (5 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑)[᱑] |
| • ᱢᱟᱦᱟᱱᱟᱜᱟᱨ | ᱑᱓᱐,᱕᱐᱓ |
| ᱯᱟᱹᱨᱥᱤ | |
| • ᱥᱚᱨᱠᱟᱨᱤ ᱯᱟᱹᱨᱥᱤ | ᱜᱩᱡᱽᱨᱟᱴᱤ, ᱦᱤᱱᱫᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱓᱘᱙᱑᱕᱑ |
| ᱴᱮᱞᱤᱯᱷᱚᱱ ᱠᱳᱰ | ᱒᱖᱗᱓ |
| ᱜᱟᱹᱰᱤ ᱨᱤᱡᱤᱥᱴᱨᱤ | GJ-20 |
| ᱣᱮᱵᱽᱥᱟᱭᱤᱴ | https://dahod.gujarat.gov.in |
ᱦᱚᱲ ᱞᱮᱠᱷᱟ
ᱥᱟᱯᱲᱟᱣ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,[᱑] ᱫᱟᱦᱚᱫᱽ ᱨᱤᱱ ᱦᱚᱲ ᱮᱞ ᱑᱓᱐,᱕᱐᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱕᱑% ᱦᱚᱲ ᱮᱞ ᱟᱨ ᱛᱤᱨᱞᱟᱹ ᱔᱙% ᱜᱚᱴᱷᱚᱱ ᱟᱠᱟᱱᱟ ᱾ ᱫᱟᱦᱚᱫᱽ ᱨᱮᱱᱟᱜ ᱥᱮᱪᱮᱫ ᱫᱚᱨ ᱘᱓.᱕᱗% ᱛᱟᱦᱮᱸ ᱠᱟᱱᱟ, ᱱᱤᱭᱟᱹ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱗᱔.᱐᱔% ᱠᱷᱚᱱ ᱰᱮᱦᱮᱨ ᱛᱟᱦᱮᱸ ᱠᱟᱱᱟ ᱾
ᱦᱤᱡᱩᱜ ᱥᱮᱱᱚᱜ ᱰᱟᱦᱟᱨ
ᱥᱟᱯᱲᱟᱣ
ᱥᱚᱲᱚᱠ ᱰᱟᱦᱟᱨ
ᱡᱤᱮᱥᱟᱨᱴᱤᱥᱤ ᱤᱫᱤ ᱛᱮ ᱪᱟᱪᱞᱟᱣ ᱫᱤᱥᱩᱣᱟᱹ ᱯᱚᱨᱤᱣᱚᱦᱚᱱ ᱥᱮᱵᱟ ᱤᱫᱤ ᱛᱮ ᱥᱚᱲᱚᱠ ᱡᱚᱲᱟᱣ ᱟᱠᱟᱱ ᱫᱟᱦᱚᱫᱽ ᱜᱩᱡᱽᱨᱟᱴ ᱨᱮᱱᱟᱜ ᱡᱚᱛᱚ ᱢᱩᱬ ᱥᱚᱦᱚᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾
ᱨᱮᱞᱣᱮ
ᱫᱟᱦᱚᱫᱽ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱯᱟᱪᱮ ᱨᱮᱞᱣᱮ ᱵᱷᱤᱛᱤᱨ ᱨᱮ ᱦᱤᱡᱩᱜᱼᱟ ᱟᱨ ᱱᱚᱣᱟ ᱱᱟᱶᱟ ᱫᱤᱞᱞᱤᱼᱢᱩᱢᱵᱟᱭ ᱢᱩᱬ ᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱾ ᱥᱟᱦᱤᱵᱽ ᱨᱮᱱᱟᱜ ᱥᱚᱨᱚᱥ ᱜᱩᱱ ᱱᱚᱣᱟ ᱢᱮᱱᱟᱜᱼᱟ ᱡᱮ ᱱᱚᱣᱟ ᱯᱟᱪᱮ ᱨᱮᱞᱣᱮ ᱞᱟᱭᱤᱱ ᱨᱮ ᱜᱩᱡᱽᱨᱟᱴ ᱨᱮᱱᱟᱜ ᱮᱛᱚᱦᱚᱵ ᱟᱨ ᱪᱟᱵᱟ ᱨᱮᱱᱟᱜ ᱪᱤᱱᱦᱟᱹ ᱢᱮᱱᱟᱜᱼᱟ ᱾ ᱠᱮᱡ ᱢᱟᱲᱟᱝ ᱥᱮᱨᱢᱟ ᱫᱟᱦᱚᱫᱽ ᱨᱮᱞᱣᱮ ᱥᱴᱮᱥᱚᱱ ᱨᱮᱱᱟᱜ ᱢᱚᱦᱰᱟ ᱦᱚᱸ ᱢᱚᱰᱮᱨᱱᱤᱡᱟᱥᱚᱱ (Modernization) ᱠᱟᱹᱢᱤ ᱞᱮᱱᱟ ᱛᱟᱦᱮᱸᱫ ᱾ ᱫᱟᱦᱚᱫᱽ ᱠᱷᱚᱱ ᱢᱩᱢᱵᱟᱭ ᱟᱨᱵᱟᱝ ᱱᱟᱶᱟ ᱟᱨᱵᱟᱝ ᱱᱟᱶᱟ ᱫᱤᱞᱞᱤ (ᱦᱟᱡᱽᱨᱟᱛ ᱱᱤᱡᱟᱢᱩᱫᱫᱤᱱ) ᱥᱮᱴᱮᱨᱚᱜ ᱞᱟᱹᱜᱤᱫ ᱛᱮ ᱟᱹᱰᱤ ᱞᱚᱜᱚᱱ ᱴᱨᱮᱱ ᱚᱜᱚᱥᱴ ᱠᱨᱟᱸᱛᱤ ᱨᱟᱡᱽᱫᱷᱟᱱᱤ ᱮᱠᱥᱯᱨᱮᱥ ᱠᱟᱱᱟ ᱾ ᱒᱕ ᱟᱯᱨᱤᱞ ᱒᱐᱑᱘ ᱨᱮ ᱨᱮᱞ ᱢᱚᱱᱛᱨᱤ ᱫᱚ ᱫᱟᱦᱚᱫᱽ ᱯᱞᱟᱥ (plus) ᱨᱮ ᱜᱚᱴᱟ ᱠᱮᱫᱼᱟ, ᱥᱚᱱᱟ ᱢᱚᱱᱫᱤᱨ ᱢᱮᱞ, ᱟᱣᱟᱸᱛᱤᱠᱟ ᱮᱠᱥᱯᱨᱮᱥ, ᱯᱚᱪᱷᱤᱢ ᱮᱠᱥᱯᱨᱮᱥ ᱟᱨ ᱢᱩᱢᱵᱟᱭ ᱡᱚᱭᱯᱩᱨ (ᱜᱟᱱᱜᱳᱨ) ᱥᱩᱯᱟᱨᱯᱷᱟᱥᱴ ᱞᱮᱠᱟᱱ ᱥᱚᱨᱚᱥ ᱴᱨᱮᱱ ᱦᱚᱸ ᱫᱟᱦᱚᱫᱽ ᱨᱮ ᱛᱤᱸᱜᱩᱭᱟ ᱾ ᱚᱱᱟ ᱥᱟᱶᱛᱮ ᱫᱟᱦᱚᱫᱽ ᱥᱤᱧᱚᱛ ᱨᱮᱱᱟᱜ ᱢᱩᱬ ᱥᱚᱦᱚᱨ ᱠᱷᱚᱱ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱫᱟᱦᱚᱫᱽ ᱠᱷᱚᱱ ᱑᱐᱖ ᱴᱨᱮᱱ ᱦᱤᱡᱩᱜ ᱥᱮᱱᱚᱜᱼᱟ, ᱚᱱᱰᱮ ᱠᱷᱚᱱ ᱗ ᱴᱨᱮᱱ ᱫᱟᱦᱚᱫᱽ ᱨᱮ ᱚᱱᱰᱚᱠᱚᱜᱼᱟ ᱟᱨ ᱪᱟᱵᱟᱜᱼᱟ ᱾ ᱫᱟᱦᱚᱫᱽ ᱼ ᱤᱱᱫᱚᱨ ᱨᱮᱞ ᱞᱟᱭᱤᱱ ᱯᱨᱚᱡᱮᱠᱴ ᱯᱩᱨᱟᱹᱣ ᱠᱟᱛᱮ ᱛᱟᱭᱚᱢ ᱫᱚ ᱫᱟᱦᱚᱫᱽ ᱢᱤᱫ ᱡᱚᱸᱠᱥᱚᱱ ᱨᱮ ᱵᱚᱫᱚᱞᱚᱜᱼᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ ᱑.᱐ ᱑.᱑ "Dohad Metropolitan Urban Region Population 2011 Census". www.census2011.co.in. Retrieved 23 October 2017.
- ↑ Anjali H. Desai (2007). India Guide Gujarat. India Guide Publications. p. 180. ISBN 978-0-9789517-0-2. Retrieved 28 August 2017.