ᱫᱷᱟᱱᱵᱟᱫᱽ ᱨᱮᱱᱟᱜ ᱠᱟᱹᱣᱰᱤ ᱟᱹᱨᱤ

ᱫᱷᱟᱱᱵᱟᱫᱽ ᱨᱮᱱᱟᱜ ᱠᱟᱹᱣᱰᱤ ᱟᱹᱨᱤ ᱠᱷᱟᱫᱟᱱ, ᱭᱩᱴᱤᱞᱤᱴᱤᱡᱽ, ᱨᱤᱴᱮᱞ, ᱟᱭᱤᱴᱤ ᱟᱨ ᱥᱤᱢᱮᱸᱴ ᱮᱢᱟᱱ ᱞᱟᱹᱜᱤᱫ ᱛᱮ ᱯᱷᱮᱢᱚᱥ ᱟᱠᱟᱱᱟ ᱾ ᱫᱷᱟᱱᱵᱟᱫᱽ ᱫᱚ ᱡᱷᱟᱨᱠᱷᱚᱸᱰ ᱨᱮ ᱫᱚᱥᱟᱨ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱟᱱᱟ : ᱟᱨ ᱴᱚᱴᱷᱟ ᱨᱮᱦᱚᱸ ᱟᱨ ᱦᱚᱲ ᱮᱞ ᱞᱮᱠᱟᱛᱮ ᱦᱚᱸ ᱾ ᱦᱚᱲ ᱮᱞ ᱞᱮᱠᱟᱛᱮ ᱱᱚᱣᱟ ᱥᱤᱧᱚᱛ ᱨᱮ ᱓᱓ ᱟᱱᱟᱜ ᱴᱷᱟᱶ ᱨᱮ ᱢᱮᱱᱟᱜᱼᱟ ᱾ ᱱᱤᱭᱟᱹ "ᱥᱤᱧᱚᱛ ᱨᱮᱱᱟᱜ ᱠᱚᱭᱞᱟ ᱨᱟᱡᱽᱜᱟᱲ" ᱠᱚ ᱢᱮᱛᱟᱜᱼᱟ ᱾[᱑]

ᱫᱷᱟᱱᱵᱟᱫᱽ ᱨᱮᱱᱟᱜ ᱵᱟᱦᱨᱮ ᱮᱞᱟᱠᱟ ᱨᱮ ᱡᱷᱤᱜᱟᱦ ᱵᱮᱨᱮᱞ ᱠᱷᱟᱫᱟᱱ

ᱠᱷᱟᱫᱟᱱ ᱥᱟᱯᱲᱟᱣ

 
ᱫᱷᱟᱱᱵᱟᱫᱽ ᱠᱚᱭᱞᱟ ᱴᱚᱴᱷᱟ

ᱫᱷᱟᱱᱵᱟᱫᱽ ᱫᱚ "ᱥᱤᱧᱚᱛ ᱨᱮᱱᱟᱜ ᱠᱚᱭᱞᱟ ᱨᱟᱡᱽᱜᱟᱲ" ᱠᱚ ᱢᱮᱱᱟᱜᱼᱟ ᱾ ᱱᱚᱣᱟ ᱠᱚᱭᱞᱟ ᱨᱮ ᱠᱤᱥᱟᱹᱬ ᱜᱮᱭᱟ ᱾ ᱚᱱᱟ ᱞᱟᱹᱜᱤᱫ ᱛᱮᱜᱮ ᱫᱷᱟᱱᱵᱟᱫᱽ ᱨᱮ ᱟᱹᱰᱤ ᱜᱟᱱ ᱠᱚᱭᱞᱟ ᱠᱚᱢᱯᱟᱹᱱᱤ ᱟᱜ ᱱᱤᱸᱵᱽ ᱟᱨ ᱡᱷᱤᱦ ᱥᱟᱹᱜᱩᱱ ᱟᱠᱟᱱᱟ ᱾ ᱥᱤᱧᱚᱛ ᱠᱚᱠᱤᱝ ᱠᱚᱭᱞᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱫᱷᱟᱱᱵᱟᱫᱽ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱛᱟᱞᱢᱟ ᱠᱚᱭᱞᱟ ᱚᱛᱮᱛ ᱨᱮᱱᱟᱜ ᱜᱚᱲᱚ ᱠᱚᱢᱯᱟᱹᱱᱤ ᱠᱟᱱᱟ ᱾ ᱱᱚᱣᱟ ᱠᱚᱭᱞᱟ ᱠᱷᱟᱫᱟᱱ ᱠᱚᱢᱯᱟᱹᱱᱤ ᱠᱟᱱᱟ ᱟᱨ ᱱᱚᱣᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱨᱟᱺᱪᱤ ᱨᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱟᱹᱰᱤ ᱜᱟᱱ ᱠᱚᱭᱞᱟ ᱴᱚᱴᱷᱟ ᱢᱮᱱᱟᱜᱼᱟ ᱾ ᱫᱷᱟᱱᱵᱟᱫᱽ ᱨᱮ ᱟᱹᱰᱤ ᱜᱟᱱ ᱠᱚᱭᱞᱟ ᱠᱷᱟᱫᱟᱱ ᱠᱚᱢᱯᱟᱹᱱᱤ ᱢᱮᱱᱟᱜ ᱠᱚᱣᱟ ᱡᱮᱞᱮᱠᱟ ᱥᱮᱱᱴᱨᱟᱞ ᱠᱚᱞᱯᱷᱤᱞᱴ ᱟᱨ ᱵᱤᱥᱤᱥᱤᱮᱞ ᱮᱢᱟᱱ ᱾ ᱫᱷᱟᱱᱵᱟᱫᱽ ᱨᱮ ᱑᱑᱒ ᱜᱚᱴᱟᱝ ᱠᱷᱟᱫᱟᱱ ᱢᱮᱱᱟᱜᱼᱟ ᱾ ᱱᱚᱣᱟ ᱫᱷᱟᱱᱵᱟᱫᱽ ᱥᱚᱦᱚᱨ ᱨᱮ ᱯᱩᱨᱟᱹ ᱰᱮᱦᱮᱨ ᱢᱮᱱᱟᱜᱼᱟ ᱾[᱒]

ᱥᱤᱢᱮᱸᱴ ᱥᱟᱯᱲᱟᱣ

ᱮᱥᱤᱥᱤ (ᱠᱚᱢᱯᱟᱹᱱᱤ) ᱫᱚ ᱫᱷᱚᱨᱚᱢ ᱨᱮ ᱢᱤᱫᱴᱟᱹᱝ ᱥᱤᱢᱮᱸᱴ ᱯᱞᱟᱸᱴ ᱛᱷᱟᱯᱚᱱ ᱟᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱢᱩᱢᱵᱟᱭ (ᱵᱚᱢᱵᱮ), ᱢᱚᱦᱟᱨᱟᱥᱴᱨᱚ ᱢ ᱥᱤᱧᱚᱛ ᱨᱮ ᱢᱮᱱᱟᱜᱼᱟ ᱾ ᱱᱩᱭ ᱠᱚᱢᱯᱟᱹᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱵᱷᱤᱱᱮ ᱵᱷᱤᱱᱮ ᱴᱷᱟᱶ ᱟᱨ ᱥᱚᱦᱚᱨ ᱨᱮ ᱥᱤᱢᱮᱸᱴ ᱯᱞᱟᱸᱴ ᱛᱷᱟᱯᱚᱱ ᱟᱠᱟᱱᱟ ᱾ ᱫᱷᱟᱱᱵᱟᱫᱽ ᱨᱮ ᱥᱤᱸᱫᱽᱨᱤ ᱨᱮ ᱥᱤᱢᱮᱸᱴ ᱯᱞᱟᱸᱴ ᱟᱨ ᱠᱚᱨᱯᱚᱨᱮᱴ ᱳᱯᱷᱤᱥ ᱨᱮᱱᱟᱜ ᱪᱟᱸᱠᱟ ᱢᱮᱱᱟᱜᱼᱟ ᱾ ᱮᱥᱤᱥᱤ ᱥᱤᱢᱮᱸᱴ ᱫᱚ ᱥᱤᱧᱚᱛ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱥᱤᱢᱮᱸᱴ ᱵᱮᱱᱟᱣ ᱠᱚᱢᱯᱟᱹᱱᱤ ᱠᱷᱚᱱᱫᱚ ᱢᱤᱫᱴᱟᱹᱝ ᱜᱮᱭᱟ ᱾ ᱱᱚᱣᱟ ᱟᱞᱴᱨᱟ ᱴᱮᱠ ᱥᱤᱢᱮᱸᱴ ᱟᱨ ᱚᱢᱵᱩᱡᱟ ᱥᱤᱢᱮᱸᱴ ᱮᱢᱟᱱ ᱥᱟᱶ ᱥᱤᱧᱚᱛ ᱨᱮ ᱚᱜᱽᱨᱚᱱᱤ ᱥᱤᱢᱮᱸᱴ ᱠᱚᱢᱯᱟᱹᱱᱤ ᱠᱷᱚᱱ ᱫᱚ ᱢᱤᱫᱴᱟᱹᱝ ᱜᱮᱭᱟ ᱾

ᱠᱷᱩᱫᱽᱨᱟ, ᱵᱮᱯᱟᱨ ᱟᱨ ᱵᱟᱹᱱᱤᱡ ᱥᱟᱯᱲᱟᱣ

 
ᱥᱚᱦᱚᱨ ᱛᱟᱞᱢᱟ ᱫᱷᱟᱱᱵᱟᱫᱽ
 
ᱳᱡᱚᱱ ᱜᱮᱞᱮᱨᱤᱭᱟ ᱢᱳᱞ

ᱠᱷᱩᱫᱽᱨᱟ ᱫᱚ ᱫᱷᱟᱱᱵᱟᱫᱽ ᱨᱮᱱᱟᱜ ᱢᱤᱫᱴᱟᱹᱝ ᱢᱩᱬ ᱠᱟᱹᱣᱰᱤ ᱟᱹᱨᱤ ᱴᱷᱟᱶ ᱠᱟᱱᱟ ᱾ ᱨᱟᱺᱪᱤ ᱟᱨ ᱡᱟᱢᱥᱮᱫᱽᱯᱩᱨ ᱛᱟᱭᱚᱢ ᱾ ᱫᱷᱟᱱᱵᱟᱫᱽ ᱨᱮ ᱱᱚᱸᱰᱮ ᱱᱟᱜ ᱥᱳᱯᱤᱝ ᱢᱳᱞ ᱨᱮᱱᱟᱜ ᱮᱞ ᱰᱮᱦᱮᱨ ᱜᱮᱭᱟ ᱾ ᱮᱴᱟᱜ ᱥᱚᱦᱚᱨ ᱨᱤᱱ ᱦᱚᱲ ᱢᱟᱨᱠᱮᱴᱤᱝ ᱞᱟᱹᱜᱤᱫ ᱛᱮ ᱫᱷᱟᱱᱵᱟᱫᱽ ᱠᱚ ᱦᱤᱡᱩᱜᱼᱟ ᱾ ᱫᱷᱟᱱᱵᱟᱫᱽ ᱨᱮ ᱟᱹᱰᱤ ᱜᱟᱱ ᱵᱨᱟᱸᱰᱮᱝ ᱨᱤᱴᱮᱞ ᱥᱴᱚᱨ ᱞᱮᱠᱟᱱ ᱴᱨᱮᱸᱰᱥ, ᱢᱮᱭᱠᱥ ᱮᱢᱟᱱ ᱦᱚᱸ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. "There is a path to prosperity for India's coal-dependent towns, but it's tough". Mongabay-India (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2020-11-24. Retrieved 2020-12-07.
  2. Pioneer, The. "CCL pays tribute to Ambedkar". The Pioneer (in ᱟᱝᱜᱽᱨᱮᱡᱤ). Retrieved 2020-12-07.