ᱯᱷᱩᱥᱨᱚ
ᱯᱷᱩᱥᱨᱚ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱡᱷᱟᱨᱠᱷᱚᱸᱰ ᱨᱮ ᱵᱚᱠᱟᱨᱚ ᱦᱚᱱᱚᱛ ᱨᱮ ᱢᱤᱫ ᱱᱚᱴᱤᱯᱷᱤᱰ ᱮᱨᱤᱭᱟ (ᱱᱤᱛᱚᱜ ᱯᱷᱩᱥᱨᱚ ᱱᱟᱜᱟᱨ ᱵᱟᱹᱭᱥᱤ ᱨᱮ) ᱢᱮᱱᱟᱜᱼᱟ ᱾ ᱱᱚᱣᱟ ᱵᱚᱠᱟᱨᱚ ᱦᱚᱱᱚᱛ ᱨᱮᱱᱟᱜ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱠᱷᱚᱱ ᱓᱕ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾ ᱫᱟᱢᱚᱫᱚᱨ ᱜᱟᱰᱟ ᱱᱚᱸᱠᱟ ᱛᱮ ᱥᱮᱱᱚᱜ ᱠᱟᱱᱟ ᱾
| ᱯᱷᱩᱥᱨᱚ | |
|---|---|
| ᱥᱚᱦᱚᱨ | |
  ᱯᱷᱩᱥᱨᱚ  ᱯᱷᱩᱥᱨᱚ | |
| Coordinates: 23°46′N 85°59′E / 23.77°N 85.99°ECoordinates: 23°46′N 85°59′E / 23.77°N 85.99°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱡᱷᱟᱨᱠᱷᱚᱸᱰ |
| ᱦᱚᱱᱚᱛ | ᱵᱚᱠᱟᱨᱚ |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑)[᱑] |
| • ᱞᱮᱠᱷᱟᱜᱩᱴ | ᱑᱘᱕,᱕᱕᱕ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱘᱒᱙᱑᱔᱔ |
| ᱴᱮᱞᱤᱯᱷᱚᱱ ᱠᱳᱰ | ᱐᱖᱕᱔᱙ |
| ᱜᱟᱹᱰᱤ ᱨᱤᱡᱤᱥᱴᱨᱤ | JH-09 |
| ᱫᱤᱥᱚᱢ ᱫᱚᱨᱵᱟᱨ ᱵᱟᱪᱷᱱᱟᱣ | ᱜᱤᱨᱤᱰᱤᱦ |
| ᱯᱚᱱᱚᱛ ᱫᱚᱨᱵᱟᱨ ᱵᱟᱪᱷᱱᱟᱣ | ᱵᱮᱨᱢᱚ |
| ᱣᱮᱵᱽᱥᱟᱭᱤᱴ | http://www.phusro.in |
ᱦᱚᱲ ᱮᱞ ᱥᱟᱯᱲᱟᱣ
ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱯᱷᱩᱥᱨᱚ ᱥᱚᱦᱨᱤ ᱜᱩᱴ ᱨᱤᱱ ᱦᱚᱲ ᱮᱞ ᱫᱚ ᱑᱘᱖,᱑᱓᱙ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱙᱗,᱖᱖᱕ ᱠᱚᱲᱟ ᱟᱨ ᱘᱘,᱘᱗᱔ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾[᱒] ᱯᱷᱩᱥᱨᱚ ᱥᱚᱦᱨᱤ ᱜᱩᱴ ᱨᱮᱱᱟᱜ ᱯᱷᱩᱥᱨᱚ (ᱱᱚᱜᱚᱨ ᱵᱟᱹᱭᱥᱤ), ᱵᱮᱨᱢᱚ (ᱞᱮᱠᱷᱟ ᱡᱚᱠᱷᱟ ᱱᱚᱜᱚᱨ), ᱡᱟᱨᱤᱰᱤᱦ ᱵᱟᱡᱟᱨ (ᱥᱤᱴᱤ), ᱵᱚᱠᱟᱨᱚ (ᱥᱤᱴᱤ) ᱟᱨ ᱠᱩᱨᱯᱟᱹᱱᱤᱭᱟ ᱠᱷᱚᱱ ᱦᱩᱭ ᱟᱠᱟᱱᱟ ᱾[᱓]
᱒᱐᱑᱑ ᱥᱟᱞ ᱥᱟᱹᱦᱤᱛ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱯᱷᱩᱥᱨᱚ ᱱᱟᱜᱟᱨ ᱵᱟᱹᱭᱥᱤ ᱨᱤᱱ ᱜᱩᱴ ᱦᱚᱲ ᱮᱞ ᱫᱚ ᱘᱙,᱑᱗᱘ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱔᱖,᱖᱐᱕ ᱠᱚᱲᱟ ᱟᱨ ᱔᱒,᱕᱗᱓ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱮᱨ ᱟᱹᱫᱤᱵᱟᱹᱥᱤ ᱭᱟᱜ ᱮᱞ ᱑᱓,᱖᱓᱕ ᱟᱨ ᱟᱹᱫᱤᱵᱟᱹᱥᱤ ᱭᱟᱜ ᱦᱚᱲ ᱮᱞ ᱕,᱑᱐᱙ ᱦᱚᱲ ᱜᱟᱱ ᱠᱚ ᱛᱟᱦᱮᱸ ᱠᱟᱱᱟ ᱾ [᱔]
᱒᱐᱐᱑ ᱥᱟᱞ ᱥᱟᱹᱦᱤᱛ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,[᱕] ᱯᱷᱩᱥᱨᱚ ᱨᱤᱱ ᱦᱚᱲ ᱮᱞ ᱫᱚ ᱘᱓,᱔᱖᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱠᱚᱣᱟᱜ ᱦᱚᱲ ᱮᱞ ᱫᱚ ᱕᱔% ᱟᱨ ᱛᱤᱨᱞᱟᱹ ᱠᱚᱣᱟᱜ ᱫᱚ ᱔᱖% ᱢᱮᱱᱟᱜ ᱠᱚᱣᱟ ᱾ ᱯᱷᱩᱥᱨᱚ ᱨᱮ, ᱑᱕% ᱦᱚᱲ ᱮᱞ ᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾
ᱥᱮᱪᱮᱫ ᱥᱟᱯᱲᱟᱣ
᱒᱐᱑᱑ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱯᱷᱩᱥᱨᱚ ᱭᱩᱮ ᱨᱮ ᱜᱩᱴ ᱥᱮᱪᱮᱫ ᱑᱓᱑,᱒᱐᱒ (ᱜᱩᱴ ᱦᱚᱲ ᱮᱞ ᱨᱮᱱᱟᱜ ᱗᱙.᱙᱙%) ᱛᱟᱦᱮᱸ ᱠᱟᱱᱟ ᱟᱫᱚ ᱗᱕,᱘᱔᱗ (᱘᱘.᱒᱖% ᱠᱚᱲᱟ) ᱠᱚᱲᱟ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱕᱕,᱓᱕᱕ (᱗᱐-᱙᱐ ᱛᱤᱨᱞᱟᱹ) ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾[᱒] ᱒᱐᱑᱑ ᱨᱮᱱᱟᱜ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱯᱷᱩᱥᱨᱚ ᱱᱟᱜᱟᱨ ᱵᱟᱹᱭᱥᱤ ᱨᱮ ᱜᱩᱴ ᱥᱮᱪᱮᱫ ᱫᱚ ᱖᱐,᱙᱗᱓ ᱜᱟᱱ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱠᱷᱚᱱ ᱓᱕,᱐᱕᱕ ᱠᱚᱲᱟ ᱟᱨ ᱒᱕,᱙᱑᱘ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾[᱔]
ᱥᱮᱪᱮᱫ ᱥᱟᱯᱲᱟᱣ
ᱱᱚᱣᱟ ᱟᱹᱰᱤ ᱜᱟᱱ ᱱᱟᱯᱟᱭ ᱟᱥᱲᱟ ᱢᱮᱱᱟᱜᱼᱟ, ᱟᱹᱲᱟ ᱰᱤᱮᱵᱷᱤ ᱯᱟᱵᱞᱤᱠ ᱟᱥᱲᱟ, ᱵᱷᱟᱨᱚᱛ ᱥᱤᱝ ᱯᱟᱵᱞᱤᱠ ᱟᱥᱲᱟ, ᱨᱩᱠᱢᱤᱬᱤ ᱫᱮᱵᱤ ᱯᱟᱵᱞᱤᱠ ᱟᱥᱲᱟ,ᱟᱱᱟᱯᱟᱛᱤ ᱫᱮᱵᱤ ᱥᱚᱨᱥᱚᱛᱤ ᱥᱤᱥᱩ ᱵᱤᱫᱭᱟ ᱢᱚᱱᱫᱤᱨ (ᱯᱷᱩᱥᱨᱚ), ᱥᱚᱨᱥᱚᱛᱤ ᱥᱤᱥᱩ ᱵᱤᱫᱭᱟ ᱢᱚᱱᱫᱤᱨ (ᱫᱷᱚᱨᱤ), ᱨᱟᱢᱵᱤᱞᱟᱥ ᱩᱱᱩᱥᱩᱞ ᱟᱥᱲᱟ, ᱠᱟᱨᱢᱮᱥ ᱟᱥᱲᱟ, ᱨᱟᱢ ᱨᱚᱛᱚᱱ ᱩᱱᱩᱥᱩᱞ ᱟᱥᱲᱟ, ᱟᱨ ᱮᱢᱟᱱ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮ ᱢᱤᱫ ᱛᱤᱨᱞᱟᱹ ᱵᱤᱨᱫᱟᱹᱜᱟᱲ, JSM ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ ᱟᱫᱚ VBU, ᱦᱟᱡᱟᱨᱤᱵᱟᱜᱽ ᱠᱷᱚᱱ ᱥᱟᱢᱵᱟᱫ ᱢᱮᱱᱟᱜᱼᱟ ᱾ ᱟᱹᱰᱤ ᱜᱟᱱ ᱟᱹᱪᱮᱛ ᱱᱟᱯᱟᱭ ᱩᱱᱩᱥᱩᱞ ᱥᱮᱪᱮᱫ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱟᱵᱷᱟᱣ ᱛᱮ ᱯᱚᱱᱚᱛ ᱠᱷᱚᱱ ᱵᱟᱦᱨᱮ ᱨᱮ ᱯᱟᱲᱦᱟᱣ ᱟ ᱾
ᱦᱚᱨ ᱰᱟᱦᱟᱨ ᱥᱟᱯᱲᱟᱣ
ᱯᱷᱩᱥᱨᱚ ᱨᱮᱞ ᱥᱴᱮᱥᱚᱱ ᱥᱚᱡᱷᱮ ᱴᱨᱮᱱ ᱤᱫᱤ ᱛᱮ ᱠᱚᱞᱠᱟᱛᱟ, ᱵᱷᱚᱯᱟᱲ, ᱟᱡᱽᱢᱮᱨ, ᱡᱟᱵᱟᱞᱯᱩᱨ, ᱩᱡᱽᱡᱮᱱ, ᱯᱟᱴᱱᱟ ᱠᱷᱚᱱ ᱡᱚᱲᱟᱣ ᱦᱩᱭ ᱟᱠᱟᱱᱟ ᱾ ᱱᱚᱣᱟ ᱫᱚ ᱜᱚᱢᱚᱼᱵᱟᱨᱠᱟᱠᱟᱱᱟ ᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱾ ᱠᱚᱱᱰᱤᱥᱚᱱ ᱨᱮᱱᱟᱜ ᱨᱮᱞ ᱵᱩᱰᱜᱮᱴ (Budget) ᱨᱮ ᱥᱴᱮᱥᱚᱱ ᱫᱚ 'ᱟᱫᱟᱨᱥ ᱥᱴᱮᱥᱚᱱ' ᱞᱮᱠᱟᱛᱮ ᱩᱛᱷᱱᱟᱹᱣ ᱨᱮᱱᱟᱜ ᱵᱟᱪᱷᱟᱣ ᱟᱠᱟᱱᱟ ᱾ ᱯᱷᱩᱥᱨᱚ ᱟᱨ ᱮᱴᱟᱜ ᱥᱚᱦᱚᱨ ᱡᱮᱞᱮᱠᱟ ᱨᱟᱺᱪᱤ, ᱡᱟᱢᱥᱮᱫᱽᱯᱩᱨ, ᱫᱷᱟᱱᱵᱟᱫᱽ, ᱵᱚᱠᱟᱨᱚ ᱟᱨ ᱦᱟᱡᱟᱨᱤᱵᱟᱜᱽ ᱛᱟᱞᱟ ᱛᱮ ᱟᱹᱰᱤ ᱜᱟᱱ ᱵᱟᱥ ᱥᱮᱱᱚᱜᱼᱟ ᱾ ᱯᱷᱩᱥᱨᱚ ᱠᱷᱚᱱ ᱮᱛᱚᱢ ᱵᱤᱦᱟᱨ ᱨᱮᱱᱟᱜ ᱥᱚᱦᱚᱨ ᱞᱟᱹᱜᱤᱫ ᱵᱟᱥ ᱦᱚᱸ ᱥᱮᱱᱚᱜᱼᱟ ᱾
ᱦᱮᱞᱛᱷ ᱥᱚᱨᱵᱷᱤᱥ ᱥᱟᱯᱲᱟᱣ
ᱱᱚᱸᱰᱮ ᱵᱟᱨᱭᱟ ᱥᱤ.ᱥᱤ.ᱮᱞ. ᱟᱥᱯᱟᱛᱟᱞ ᱢᱮᱱᱟᱜᱼᱟ, ᱱᱚᱣᱟ ᱛᱟᱞᱢᱟ ᱟᱥᱯᱟᱛᱟᱞ,ᱫᱷᱚᱨᱤ ᱟᱨ ᱛᱟᱞᱢᱟ ᱟᱥᱯᱟᱛᱟᱞ, ᱠᱟᱨᱜᱟᱞᱤ ᱟᱨ ᱢᱤᱫ ᱥᱚᱨᱠᱟᱨᱤ ᱟᱥᱯᱟᱛᱟᱞ ᱢᱮᱱᱟᱜᱼᱟ, ᱚᱠᱚᱭ ᱭᱟᱜ ᱨᱮᱯᱷᱨᱟᱞ ᱟᱥᱯᱟᱛᱟᱞ ᱦᱚᱸ ᱠᱚ ᱢᱮᱱ ᱫᱟᱲᱮ ᱭᱟ ᱠᱚ ᱾ ᱢᱩᱬ ᱨᱩᱯ ᱠᱷᱚᱱ ᱯᱨᱟᱵᱷᱮᱴ ᱠᱞᱤᱱᱤᱠ ᱞᱚᱠᱟᱞ ᱦᱚᱲ ᱠᱚ ᱥᱮᱵᱟ ᱠᱚᱣᱟ ᱾ ᱥᱚᱨᱠᱟᱨ ᱤᱫᱤ ᱛᱮ ᱪᱟᱪᱞᱟᱣᱤᱭᱟᱹ ᱟᱥᱯᱟᱛᱟᱞ ᱨᱮ ᱟᱹᱰᱤ ᱠᱷᱟᱨᱟᱵ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱟᱫᱚ ᱯᱟᱨᱟᱭᱢᱟᱨᱤ ᱟᱥᱯᱟᱛᱟᱞ ᱟᱨ ᱮᱢᱟᱱ ᱯᱟᱨᱟᱭᱢᱟᱨᱤ ᱧᱮᱧᱮᱞ ᱞᱟᱹᱜᱤᱫ ᱛᱮ ᱱᱟᱯᱟᱭ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ ᱥᱟᱯᱲᱟᱣ
- ↑ "Census of India Search details". censusindia.gov.in. Retrieved 10 May 2015.
- ↑ ᱒.᱐ ᱒.᱑ "Provisional population totals, Census of India 2011" (PDF). Urban Agglomeration – Cities having population 1 lakh and above. Government of India. Retrieved 5 December 2015.
- ↑ "Provisional population totals, Census of India 2011" (PDF). Constituents of Urban Agglomerations haing population above 1 lakh and above, Census 2011. Government of India. Retrieved 5 December 2015.
- ↑ ᱔.᱐ ᱔.᱑ "2011 Census – Primary Census Abstract Data Tables". Jharkhand – District-wise. Registrar General and Census Commissioner, India. Retrieved 5 December 2015.
- ↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.