ᱵᱚᱨᱟᱦᱜᱤᱨᱤ ᱵᱮᱸᱠᱚᱴ ᱜᱤᱨᱤ
ᱵᱚᱨᱟᱦᱜᱤᱨᱤ ᱵᱮᱸᱠᱚᱴ ᱜᱤᱨᱤ ᱟᱨᱵᱟᱝ ᱵᱷᱤ. ᱵᱷᱤ. ᱜᱤᱨᱤ (᱑᱐ ᱚᱜᱚᱥᱴ ᱑᱘᱙᱔ - ᱒᱔ ᱡᱩᱱ ᱑᱙᱘᱐) ᱫᱚ ᱥᱤᱧᱚᱛ ᱨᱤᱱᱤᱡ ᱛᱮᱥᱟᱨ ᱡᱚᱜᱚ ᱫᱤᱥᱚᱢ ᱜᱚᱢᱠᱮ ᱟᱨ ᱔ ᱟᱹᱱᱤᱡ ᱫᱤᱥᱚᱢ ᱜᱚᱢᱠᱮᱭ ᱛᱟᱦᱮᱸ ᱠᱟᱱᱟ ᱾ ᱟᱡᱟᱜ ᱡᱟᱱᱟᱢ ᱫᱚ ᱵᱚᱨᱦᱚᱢᱯᱩᱨ, ᱳᱰᱤᱥᱟ ᱯᱚᱱᱚᱛ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱟᱡ ᱫᱚ ᱑᱙᱗᱕ ᱨᱮ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱱᱟᱜᱟᱨᱤᱭᱟᱹ ᱥᱤᱨᱯᱷᱟᱹ ᱵᱷᱟᱨᱚᱛ ᱨᱚᱛᱱᱚ ᱛᱮᱭ ᱢᱟᱹᱱ ᱦᱟᱞᱟᱝ ᱟᱠᱟᱱᱟ ᱾ [᱑][᱒]
| ᱵᱚᱨᱟᱦᱜᱤᱨᱤ ᱵᱮᱸᱠᱚᱴ ᱜᱤᱨᱤ | |
|---|---|
 V. V. Giri | |
| ᱔ ᱟᱹᱱᱤᱡ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠ | |
| ᱟᱹᱢᱟᱹᱞᱤ ᱨᱮ ᱒᱔ ᱚᱜᱚᱥᱴ ᱑᱙᱖᱙ – ᱒᱔ ᱚᱜᱚᱥᱴ ᱑᱙᱗᱔ | |
| Vice President | ᱜᱳᱯᱟᱞ ᱥᱣᱚᱨᱩᱯ ᱯᱟᱴᱷᱚᱠ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱢᱚᱦᱚᱢᱢᱚᱫᱽ ᱦᱤᱫᱟᱭᱟᱛᱩᱞᱞᱟᱦ (Acting) |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱯᱷᱟᱠᱷᱨᱩᱫᱤᱱ ᱚᱞᱤ ᱚᱦᱢᱚᱫᱽ |
| ᱟᱹᱢᱟᱹᱞᱤ ᱨᱮ ᱓ ᱢᱮᱸ ᱑᱙᱖᱙ – ᱒᱐ ᱡᱩᱞᱟᱭ ᱑᱙᱖᱙ | |
| ᱢᱟᱨᱟᱝ ᱢᱱᱛᱨᱤ | ᱤᱱᱫᱤᱨᱟ ᱜᱟᱱᱫᱷᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱡᱟᱠᱤᱨ ᱦᱩᱥᱮᱸᱱ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱢᱚᱦᱚᱢᱢᱚᱫᱽ ᱦᱤᱫᱟᱭᱟᱛᱩᱞᱞᱟᱦ (Acting) |
| ᱓ ᱟᱹᱱᱤᱡ ᱥᱤᱧᱚᱛ ᱨᱤᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱑᱓ ᱢᱮ ᱑᱙᱖᱗ – ᱓ ᱢᱮ ᱑᱙᱖᱙ | |
| ᱫᱤᱥᱚᱢ ᱜᱚᱢᱠᱮ | ᱡᱟᱠᱤᱨ ᱦᱩᱥᱮᱸᱱ |
| ᱢᱟᱨᱟᱝ ᱢᱱᱛᱨᱤ | ᱤᱱᱫᱤᱨᱟ ᱜᱟᱱᱫᱷᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱡᱟᱠᱤᱨ ᱦᱩᱥᱮᱸᱱ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱜᱳᱯᱟᱞ ᱥᱣᱚᱨᱩᱯ ᱯᱟᱴᱷᱚᱠ |
| ᱠᱚᱨᱱᱟᱴᱚᱠ ᱨᱤᱱ ᱨᱟᱡᱽᱯᱟᱞ | |
| ᱟᱹᱢᱟᱹᱞᱤ ᱨᱮ ᱒ ᱮᱯᱨᱤᱞ ᱑᱙᱖᱕ – ᱑᱓ ᱢᱮ ᱑᱙᱖᱗ | |
| ᱢᱟᱨᱟᱝ ᱢᱱᱛᱨᱤ | ᱤᱱᱫᱤᱨᱟ ᱜᱟᱱᱫᱷᱤ |
| ᱥᱤᱨᱟᱹ ᱢᱚᱱᱛᱨᱤ | ᱮᱥ. ᱱᱤᱡᱟᱞᱤᱝᱜᱟᱯᱯᱟ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱚᱛᱭᱚᱣᱚᱸᱛ ᱢᱟᱞᱞᱟᱱᱟᱦ ᱥᱨᱤᱱᱟᱜᱮᱥ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱜᱳᱯᱟᱞ ᱥᱣᱚᱨᱩᱯ ᱯᱟᱴᱷᱚᱠ |
| ᱠᱮᱨᱚᱲ ᱨᱤᱱ ᱨᱟᱡᱽᱯᱟᱞ | |
| ᱟᱹᱢᱟᱹᱞᱤ ᱨᱮ ᱑ ᱡᱩᱞᱟᱭ ᱑᱙᱖᱐ – ᱒ ᱮᱯᱨᱤᱞ ᱑᱙᱖᱕ | |
| ᱥᱤᱨᱟᱹ ᱢᱚᱱᱛᱨᱤ | ᱯᱟᱛᱛᱚᱢ ᱛᱷᱟᱱᱩ ᱯᱤᱞᱟᱭᱤ ᱟᱨ. ᱥᱚᱝᱠᱚᱨ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱵᱚᱨᱜᱩᱞᱟ ᱨᱟᱢᱟᱠᱨᱤᱥᱱᱟ ᱨᱟᱣ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱚᱡᱤᱛ ᱯᱨᱚᱥᱟᱫᱽ ᱡᱮᱱ |
| ᱩᱛᱛᱚᱨ ᱯᱨᱚᱫᱮᱥ ᱨᱤᱱ ᱨᱟᱡᱽᱯᱟᱞ | |
| ᱟᱹᱢᱟᱹᱞᱤ ᱨᱮ ᱑᱐ ᱡᱩᱱ ᱑᱙᱕᱖ – ᱓᱐ ᱡᱩᱱ ᱑᱙᱖᱐ | |
| ᱥᱤᱨᱟᱹ ᱢᱚᱱᱛᱨᱤ | ᱥᱚᱢᱯᱩᱨᱱᱚᱱᱚᱸᱫᱽ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱠᱟᱱᱦᱟᱭᱭᱟᱞᱟᱞ ᱢᱟᱱᱮᱠᱞᱟᱞ ᱢᱩᱱᱥᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱚᱨᱜᱩᱞᱟ ᱨᱟᱢᱟᱠᱨᱤᱥᱱᱟ ᱨᱟᱣ |
| Minister of Labour and Industry for Madras Presidency | |
| ᱟᱹᱢᱟᱹᱞᱤ ᱨᱮ ᱓᱐ ᱮᱯᱨᱤᱞ ᱑᱙᱔᱖ – ᱒᱓ ᱢᱟᱨᱪ ᱑᱙᱔᱗ | |
| ᱥᱤᱨᱟᱹ ᱢᱚᱱᱛᱨᱤ | ᱛᱚᱝᱜᱩᱛᱩᱨᱤ ᱯᱨᱚᱠᱟᱥᱚᱢ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱵᱚᱨᱟᱦᱜᱤᱨᱤ ᱵᱮᱸᱠᱚᱴ ᱜᱤᱨᱤ ᱑᱐ ᱚᱜᱚᱥᱴ ᱑᱘᱙᱔ ᱵᱚᱨᱦᱚᱢᱯᱩᱨ in ᱳᱰᱤᱥᱟ, ᱥᱤᱧᱚᱛ |
| ᱜᱩᱨ | ᱒᱔ ᱡᱩᱱ ᱑᱙᱘᱐ (᱘᱕ ᱵᱚᱭᱚᱥ) ᱢᱟᱫᱽᱨᱟᱥ, ᱛᱟᱢᱤᱞ ᱱᱟᱰᱩ, ᱥᱤᱧᱚᱛ (ᱱᱤᱛᱚᱜ ᱪᱮᱱᱱᱟᱭ) |
| ᱨᱟᱡᱽᱟᱹᱨᱤ ᱫᱚᱞ | ᱤᱱᱰᱤᱯᱮᱱᱰᱮᱸᱴ |
| ᱡᱤᱭᱚᱱ ᱥᱚᱦᱮᱫ | ᱥᱚᱨᱚᱥᱣᱚᱛᱤ ᱵᱟᱭᱤ (᱑᱙᱐᱔ - ᱑᱙᱗᱘) |
| ᱥᱮᱪᱮᱫ ᱟᱠᱷᱲᱟ | ᱠᱷᱚᱞᱤᱠᱳᱴ ᱵᱤᱨᱫᱟᱹᱜᱟᱲ University College Dublin |
| ᱥᱤᱨᱯᱷᱟᱹ | ᱵᱷᱟᱨᱚᱛ ᱨᱚᱛᱱᱚ (᱑᱙᱗᱕) |
| ᱥᱩᱦᱤ | Varahagiri Venkatagiri Signature in English |
ᱮᱛᱚᱦᱚᱵ ᱡᱤᱭᱚᱱ
ᱥᱟᱯᱲᱟᱣᱵᱤᱹ ᱵᱤᱹ ᱜᱤᱨᱤᱭᱟᱜ ᱡᱟᱱᱟᱢ ᱫᱚ ᱑᱐ ᱚᱜᱚᱥᱴ ᱑᱘᱙᱔ ᱨᱮ ᱢᱟᱫᱽᱨᱟᱥ ᱯᱨᱮᱥᱤᱰᱮᱱᱥᱤ ᱨᱮᱱᱟᱜ ᱵᱚᱨᱦᱚᱢᱯᱩᱨ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱡᱟᱦᱟᱸ ᱫᱚ ᱱᱤᱛᱚᱜ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾ ᱟᱡ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱢᱟᱱᱚᱛᱟᱱ ᱡᱳᱜᱤᱦ ᱯᱚᱱᱛᱩᱞᱩ ᱛᱟᱦᱮᱸ ᱠᱟᱱᱟ ᱟᱨ ᱟᱡ ᱫᱚ ᱢᱤᱫ ᱳᱠᱤᱞ ᱮ ᱛᱟᱦᱮᱸ ᱠᱟᱱᱟ ᱾ ᱮᱛᱚᱦᱚᱵ ᱥᱮᱪᱮᱫ ᱫᱚ ᱩᱱᱤ ᱵᱚᱨᱦᱚᱢᱯᱩᱨ ᱠᱷᱚᱱ ᱜᱮᱭ ᱟᱢᱮᱴ ᱞᱮᱫ ᱛᱟᱦᱮᱸᱫ ᱾ ᱑᱙᱑᱓ ᱨᱮ ᱠᱟᱱᱩᱱ ᱯᱟᱲᱦᱟᱣᱜ ᱞᱟᱹᱜᱤᱫ ᱩᱱᱤ ᱫᱚ ᱰᱚᱵᱽᱞᱤᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱮ ᱪᱟᱞᱟᱣᱮᱱᱟ , ᱤᱠᱷᱟᱹᱱ ᱟᱭᱤᱨᱤᱥ ᱡᱟᱹᱛᱤᱭᱟᱹᱨᱤ ᱴᱩᱨᱱᱟᱢᱮᱸᱴ ᱨᱮᱭ ᱥᱮᱞᱮᱫ ᱮᱱ ᱠᱷᱟᱹᱛᱤᱨ ᱑᱙᱑᱖ ᱨᱮ ᱟᱭᱚᱨᱞᱮᱸᱰ ᱠᱷᱚᱱ ᱠᱚ ᱚᱰᱚᱠ ᱠᱮᱫᱮᱭᱟ ᱾ ᱥᱤᱧᱚᱛ ᱨᱩᱣᱟᱹᱲ ᱦᱮᱡ ᱠᱟᱛᱮ ᱩᱱᱤ ᱫᱚ ᱢᱟᱫᱽᱨᱟᱥ ᱨᱮ ᱩᱠᱤᱞᱟᱛᱤᱭ ᱮᱛᱚᱦᱚᱵ ᱠᱮᱫ-ᱟ ᱾[᱓]
ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱚᱠᱛᱚᱨᱮ
ᱥᱟᱯᱲᱟᱣᱥᱤᱧᱚᱛ ᱮ ᱨᱩᱣᱟᱹᱲ ᱮᱱ ᱛᱟᱭᱚᱢ ᱟᱡ ᱫᱚ ᱠᱷᱟᱴᱟᱣ ᱦᱩᱞᱥᱟᱹᱭ ᱨᱮᱭ ᱥᱮᱞᱮᱫ ᱮᱱᱟ ᱟᱨ ᱥᱟᱶᱛᱮ ᱠᱚᱸᱜᱽᱨᱮᱥ ᱥᱟᱶ ᱦᱚᱸᱭ ᱡᱩᱲᱟᱹᱭ ᱮᱱᱟ ᱾ ᱟᱡ ᱫᱚ ᱢᱟᱫᱽᱨᱟᱥ ᱟᱨ ᱱᱟᱜᱽᱯᱩᱨ ᱨᱮᱱᱟᱜ ᱨᱮᱞᱣᱮ ᱠᱷᱟᱹᱴᱣᱟᱹᱱ ᱴᱨᱮᱰ ᱭᱩᱱᱤᱭᱚᱱ ᱮ ᱵᱮᱱᱟᱣ ᱠᱮᱫ-ᱟ ᱡᱟᱦᱟᱸ ᱫᱚ ᱢᱟᱬᱟᱝ ᱥᱮᱫ ᱪᱟᱞᱟᱣ ᱠᱟᱛᱮ ᱵᱷᱟᱨᱚᱛ ᱡᱟᱠᱟᱛ ᱨᱮᱞ ᱠᱟᱹᱢᱤᱭᱟᱹ ᱜᱟᱶᱛᱟ ᱧᱩᱛᱩᱢ ᱛᱮ ᱵᱟᱱᱟᱰᱟᱭ ᱮᱱᱟ ᱾ ।[᱔] ᱩᱱᱤ ᱫᱚ ᱡᱤᱱᱮᱣᱟ ᱨᱮ ᱑᱙᱒᱗ ᱨᱮ ᱦᱩᱭ ᱞᱮᱱ ᱡᱮᱡᱟᱹᱛᱤᱭᱟᱹᱨᱤ ᱠᱷᱟᱹᱴᱣᱟᱹᱱ ᱥᱮᱱᱮᱞᱮᱫ ᱨᱮ ᱠᱷᱟᱹᱴᱣᱟᱹᱱ ᱠᱚ ᱯᱟᱦᱴᱟ ᱠᱷᱚᱱ ᱮ ᱥᱮᱞᱮᱫ ᱞᱮᱱᱟ ᱾
᱑᱙᱓᱗-᱓᱙ ᱟᱨ ᱑᱙᱔᱖ - ᱔᱗ ᱨᱮᱱᱟᱜ ᱛᱟᱞᱟᱨᱮ ᱟᱡ ᱫᱚ ᱢᱟᱫᱽᱨᱟᱥ ᱥᱚᱨᱠᱟᱨ ᱨᱮ ᱠᱷᱟᱴᱟᱣ, ᱤᱱᱰᱚᱥᱴᱨᱤ, ᱥᱚᱯᱚᱦᱚᱫ ᱟᱨ ᱵᱟᱹᱱᱤᱡ ᱵᱤᱵᱷᱟᱜᱽ ᱨᱮ ᱢᱚᱱᱛᱨᱤᱭ ᱛᱟᱦᱮᱸ ᱮᱱᱟ ᱾ [᱕] ᱤᱱᱟᱹ ᱛᱟᱭᱚᱢ ᱫᱚᱥᱟᱨ ᱫᱷᱟᱹᱨᱛᱤ ᱞᱟᱹᱰᱷᱟᱹᱭ ᱟᱨ ᱥᱤᱧᱚᱛ ᱵᱟᱹᱜᱤᱱ ᱦᱩᱞᱥᱟᱹᱞ ᱚᱛᱠᱚ ᱨᱮ ᱩᱱᱤ ᱫᱚ ᱡᱤᱦᱚᱞ ᱦᱚᱸᱭ ᱪᱟᱞᱟᱣ ᱞᱮᱱᱟ ᱾ [᱖]
ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱛᱟᱭᱚᱢ ᱨᱟᱡᱽᱟᱹᱨᱤ ᱡᱤᱭᱚᱱ
ᱥᱟᱯᱲᱟᱣ᱑᱙᱔᱗-᱕᱑ ᱛᱟᱞᱟᱨᱮ ᱟᱡ ᱫᱚ ᱥᱤᱞᱳᱱ ᱨᱮ ᱥᱤᱧᱚᱛ ᱨᱤᱱᱤᱡ ᱦᱟᱭ ᱠᱚᱢᱤᱥᱚᱱᱚᱨ ᱞᱮᱠᱟᱛᱮᱭ ᱟᱹᱪᱩᱭᱮᱱᱟ ᱾ [᱕] ᱑᱙᱕᱒ ᱨᱮ ᱯᱩᱭᱞᱩ ᱫᱚ ᱥᱟᱱᱟᱱᱟᱢ ᱵᱟᱪᱷᱱᱟᱣ ᱨᱮ ᱥᱟᱝᱥᱚᱫᱽ ᱮ ᱵᱟᱪᱷᱚᱱ ᱮᱱᱟ ᱟᱨ ᱠᱚᱸᱜᱽᱨᱮᱥ ᱯᱟᱴᱤ ᱨᱮᱱᱟᱜ ᱥᱚᱨᱠᱟᱨ ᱨᱮ ᱟᱡ ᱫᱚ ᱯᱩᱭᱞᱩ ᱠᱷᱟᱴᱟᱣ ᱢᱚᱱᱛᱨᱤᱭ ᱵᱮᱱᱟᱣ ᱮᱱᱟ ᱾ ᱵᱤᱹ ᱵᱤ. ᱜᱤᱨᱤᱭᱟᱜ ᱥᱚᱢᱟᱡᱽᱵᱟᱫᱤ ᱨᱟᱡᱽᱟᱹᱨᱤᱭᱟᱹᱛ ᱩᱭᱦᱟᱹᱨᱛᱚᱦᱚᱨ ᱠᱷᱟᱹᱴᱣᱟᱹᱱ ᱠᱚ ᱪᱮᱛᱟᱱ ᱨᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱠᱷᱟᱴᱟᱣ ᱢᱚᱱᱛᱨᱤ ᱯᱚᱫᱽ ᱫᱚᱭ ᱵᱟᱹᱜᱤᱭᱟᱫ-ᱟ ᱤᱠᱷᱟᱹᱱ ᱑᱙᱕᱗ ᱨᱮᱱᱟᱜ ᱵᱟᱪᱷᱱᱟᱣ ᱦᱚᱸᱭ ᱦᱟᱨᱟᱣ ᱮᱱᱟ ᱾
ᱟᱡ ᱫᱚ ᱱᱟᱯᱟᱭ ᱚᱨᱡᱚ ᱥᱟᱶᱛᱮ ᱩᱛᱚᱨ ᱯᱨᱚᱫᱮᱥ (᱑᱙᱕᱗-᱑᱙᱖᱐), ᱠᱮᱨᱚᱲ (᱑᱙᱖᱐-᱑᱙᱖᱕), ᱟᱨ ᱢᱮᱭᱥᱩᱨ (᱑᱙᱖᱕-᱑᱙᱖᱗) ᱨᱤᱱᱤᱡ ᱨᱟᱡᱽᱯᱟᱞ ᱞᱮᱠᱟᱛᱮᱭ ᱠᱟᱹᱢᱤ ᱠᱮᱫ-ᱟ ᱾ ᱟᱡ ᱫᱚ ᱑᱙᱖᱗ ᱨᱮ ᱥᱤᱧᱚᱛ ᱨᱤᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮᱭ ᱵᱟᱪᱷᱚᱱ ᱮᱱᱟ ᱾
ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ
ᱥᱟᱯᱲᱟᱣᱡᱟᱠᱤᱨ ᱦᱩᱥᱮᱸᱱ ᱟᱜ ᱑᱙᱖᱙ ᱨᱮ ᱠᱟᱹᱢᱤᱠᱛᱚ ᱨᱮᱜᱮᱭ ᱜᱩᱨᱮᱱ ᱠᱷᱟᱱ ᱫᱤᱥᱚᱢ ᱜᱚᱢᱠᱮ ᱵᱟᱪᱷᱱᱟᱣ ᱦᱩᱭ ᱮᱱᱟ ᱾ [᱗] ᱫᱤᱥᱚᱢ ᱜᱚᱢᱠᱮᱭᱟᱜ ᱵᱟᱪᱷᱱᱟᱣ ᱟᱨ ᱵᱟᱪᱷᱱᱟᱣ ᱨᱮᱱᱟᱜ ᱚᱨᱡᱚ ᱛᱟᱞᱟ ᱛᱮ ᱛᱤᱱᱟᱹᱝ ᱫᱤᱱ ᱞᱟᱹᱜᱤᱫ ᱫᱚ ᱥᱤᱧᱚᱛ ᱨᱮ ᱤᱱᱟᱹ ᱚᱠᱛᱚ ᱨᱤᱱᱤᱡ ᱪᱤᱯ ᱡᱚᱥᱴᱤᱥ ᱢᱚᱦᱚᱢᱢᱚᱫᱽ ᱦᱤᱫᱟᱭᱟᱛᱩᱞᱞᱟᱦ ᱠᱟᱹᱢᱤ ᱥᱟᱸᱵᱽᱲᱟᱣ ᱫᱤᱥᱚᱢ ᱜᱚᱢᱠᱮᱭ ᱛᱟᱦᱮᱸ ᱮᱱᱟ ᱾ ᱠᱚᱸᱜᱽᱨᱮᱥ ᱯᱟᱴᱤ ᱫᱚ ᱫᱤᱥᱚᱢ ᱜᱚᱢᱠᱮ ᱦᱮᱯᱨᱟᱣᱤᱭᱟᱹ ᱞᱮᱠᱟᱛᱮ ᱱᱤᱞᱤᱢᱟ ᱥᱚᱧᱡᱤᱵᱽ ᱨᱮᱰᱰᱤ ᱠᱚ ᱧᱩᱢ ᱨᱟᱠᱟᱵ ᱠᱮᱫᱮᱭᱟ ᱟᱨ ᱵᱤ. ᱵᱤ. ᱜᱤᱨᱤ ᱫᱚ ᱤᱱᱰᱤᱯᱮᱱᱰᱮᱸᱴ ᱠᱮᱱᱰᱤᱰᱮᱸᱴ ᱞᱮᱠᱟᱛᱮ ᱫᱤᱥᱚᱢ ᱜᱚᱢᱠᱮ ᱵᱟᱪᱷᱱᱟᱣ ᱮ ᱞᱟᱹᱰᱷᱟᱹᱭ ᱮᱱᱟ ᱾ ᱥᱤᱧᱚᱛᱤᱭᱟᱹ ᱱᱟᱜᱟᱢ ᱨᱮ ᱯᱩᱭᱞᱩ ᱫᱷᱟᱣ ᱵᱤ. ᱵᱤ. ᱜᱤᱨᱤ ᱠᱚᱸᱜᱽᱨᱮᱥ ᱠᱮᱱᱰᱤᱰᱮᱸᱴ ᱫᱚᱭ ᱦᱟᱨᱟᱣ ᱠᱮᱫᱮ ᱛᱮ ᱫᱤᱥᱚᱢ ᱜᱚᱢᱠᱮ ᱵᱟᱪᱷᱱᱟᱣ ᱮ ᱡᱤᱛᱠᱟᱹᱨ ᱮᱱᱟ ᱾ [᱘]
ᱩᱱᱤᱭᱟᱜ ᱥᱚᱱᱢᱟᱱ ᱨᱮ ᱥᱤᱧᱚᱛᱤᱭᱟᱹ ᱰᱟᱠ ᱟᱨ ᱴᱮᱞᱮᱜᱽᱨᱟᱯᱷ ᱰᱤᱯᱟᱴᱢᱮᱸᱴ ᱫᱚ ᱒᱕ ᱯᱩᱭᱥᱟᱹ ᱨᱮᱱᱟᱜ ᱰᱟᱠ ᱴᱤᱠᱮᱴ ᱦᱚᱸᱭ ᱵᱮᱱᱟᱣ ᱟᱠᱟᱫ-ᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "List of recipients of the Bharat Ratna" (PDF). Ministry of Home Affairs, Government of India. Retrieved 17 January 2015.
- ↑ "List of all Bharat Ratna award winners". NDTV. 24 January 2011. Retrieved 17 January 2015.
- ↑ Kumar, Rajendra (2015-01-01). Bharat Ke Rashtrapati Va Pradhanmantri (in ᱦᱤᱱᱫᱤ). Prabhat Prakashan. ISBN 978-93-5048-424-1.
- ↑ Bharat Ratna Sammanit Vibhutiyan (in ᱦᱤᱱᱫᱤ). Atmaram & Sons.
- ↑ ᱕.᱐ ᱕.᱑ "ᱥᱨᱤ ᱵᱤ.ᱵᱤ. ᱜᱤᱨᱤ | ᱥᱤᱧᱚᱛ ᱨᱤᱱᱤᱡ ᱡᱚᱜᱚ ᱫᱤᱥᱚᱢ ᱜᱚᱢᱠᱮ | ᱥᱤᱧᱚᱛ ᱥᱚᱨᱠᱟᱨ". vicepresidentofindia.nic.in. Retrieved 2019-11-26.
- ↑ ᱵᱷᱚᱠᱫᱽᱣᱟᱡᱽ, ᱚᱱᱩᱨᱟᱜᱽ. "ᱵᱤᱹ ᱵᱤᱹ ᱜᱤᱨᱤ : ᱠᱷᱟᱹᱴᱣᱟᱹᱱ ᱠᱚ ᱞᱟᱹᱜᱤᱫ ᱢᱚᱱᱛᱨᱤ ᱯᱚᱫᱽ ᱮ ᱵᱟᱹᱜᱤᱭᱟᱫ ᱨᱮ ᱫᱤᱥᱚᱢ ᱜᱚᱢᱠᱮᱭᱟᱜ ᱨᱚᱵᱚᱨ ᱥᱴᱟᱸᱯ ᱵᱮᱱᱟᱣ ᱮᱱᱟ". Satyagrah (in ᱦᱤᱱᱫᱤ). Retrieved 2019-11-26.
- ↑ Laxmikanth. Bharat Ki Rajayavyavastha (in ᱦᱤᱱᱫᱤ). McGraw-Hill Education (India) Pvt Limited. ISBN 978-0-07-062032-2.
- ↑ JAI, JANAK RAJ. BHARTIYA LOKTANTRA OR HAMARE RASHTRAPATI (in ᱦᱤᱱᱫᱤ). Kitabghar Prakashan. ISBN 978-81-88121-85-4.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ V. V. Giri ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
| ᱣᱤᱠᱤᱠᱩᱣᱚᱴ ᱨᱮ ᱵᱚᱨᱟᱦᱜᱤᱨᱤ ᱵᱮᱸᱠᱚᱴ ᱜᱤᱨᱤ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾ |
- V. V. Giri at Encyclopædia Britannica