ᱵᱚᱴᱷᱤᱱᱰᱟ
ᱵᱚᱴᱷᱤᱱᱰᱟ ᱫᱚ ᱥᱤᱧᱚᱛ ᱨᱮ ᱯᱚᱧᱡᱟᱵᱽ ᱨᱮᱱᱟᱜ ᱮᱛᱚᱢᱼᱯᱟᱪᱮ ᱥᱮᱦᱮᱫ ᱨᱮ ᱢᱤᱫ ᱥᱚᱦᱚᱨ ᱟᱨ ᱱᱚᱜᱚᱨ ᱱᱤᱜᱟᱢ ᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱵᱚᱴᱷᱤᱱᱰᱟ ᱦᱚᱱᱚᱛ ᱨᱮᱱᱟᱜ ᱥᱟᱥᱚᱱ ᱪᱟᱪᱞᱟᱣ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱠᱚᱧᱮ ᱯᱟᱪᱮ ᱥᱤᱧᱚᱛ ᱨᱮ ᱢᱟᱞᱣᱟ ᱴᱚᱴᱷᱟ ᱨᱮ ᱢᱮᱱᱟᱜᱼᱟ, ᱪᱚᱱᱰᱤᱜᱚᱰ ᱨᱮᱱᱟᱜ ᱨᱟᱡᱽᱜᱟᱲ ᱠᱷᱚᱱ ᱒᱒᱗ ᱠᱤᱞᱚᱢᱤᱴᱚᱨ ᱯᱟᱪᱮ ᱨᱮ ᱢᱮᱱᱟᱜᱼᱟ ᱟᱨ ᱯᱚᱧᱡᱟᱵᱽ ᱨᱮᱱᱟᱜ ᱢᱚᱬᱮ ᱟᱱᱟᱝ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾ ᱵᱚᱴᱷᱤᱱᱰᱟ ᱥᱚᱦᱚᱨ ᱨᱮᱱᱟᱜ ᱠᱚᱧᱮ ᱥᱮᱦᱮᱫ ᱨᱮ ᱱᱤᱛᱚᱜ ᱵᱚᱸᱫᱽ ᱛᱷᱚᱨᱢᱚᱞ ᱯᱟᱣᱟᱨ ᱯᱞᱟᱱᱴ ᱛᱮ ᱵᱷᱤᱲᱟᱹᱣ ᱟᱠᱟᱱ ᱯᱮᱭᱟ ᱠᱨᱤᱛᱨᱤᱢ ᱡᱷᱤᱞ ᱤᱫᱤ ᱛᱮ 'ᱡᱷᱤᱞ ᱥᱚᱦᱚᱨ' ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱾
| ᱵᱚᱴᱷᱤᱱᱰᱟ | |
|---|---|
| ᱥᱚᱦᱚᱨ | |
  Top: Qila Mubarak, the landmark of Bathinda City Bottom: Gurdwara Sahib, Bhatinda | |
  ᱵᱚᱴᱷᱤᱱᱰᱟ  ᱵᱚᱴᱷᱤᱱᱰᱟ | |
| Coordinates: 30°13′48″N 74°57′07″E / 30.23000°N 74.95194°ECoordinates: 30°13′48″N 74°57′07″E / 30.23000°N 74.95194°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱯᱚᱧᱡᱟᱵᱽ |
| ᱦᱚᱱᱚᱛ | ᱵᱚᱴᱷᱤᱱᱰᱟ |
| ᱥᱚᱨᱠᱟᱨ | |
| • ᱪᱟᱪᱞᱟᱣ | ᱱᱚᱜᱚᱨ ᱱᱤᱜᱟᱢ |
| • ᱠᱚᱢᱤᱥᱱᱚᱨ | ᱥ. ᱥᱟᱣᱟᱱ ᱠᱩᱢᱟᱨ |
| • Member of Parliament | Harsimrat Kaur Badal (SAD) |
| • ᱢᱮᱭᱟᱨ | ᱥ. ᱥᱟᱣᱟᱱ ᱠᱩᱢᱟᱨ |
| ᱩᱥᱩᱞ | 210 ᱢᱤᱴᱚᱨ (690 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱒᱘᱕,᱘᱑᱓ |
| • ᱫᱷᱟᱹᱲ ᱮᱞ | ᱯᱚᱧᱡᱟᱵᱽ: ᱑᱕ ᱟᱱᱟᱜ, ᱥᱤᱧᱚᱛ: ᱑᱖᱑ ᱟᱱᱟᱜ |
| ᱯᱟᱹᱨᱥᱤ | |
| • ᱥᱚᱨᱠᱟᱨᱤ ᱯᱟᱹᱨᱥᱤ | ᱯᱚᱧᱡᱟᱵᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱑᱕᱑᱐᱐X |
| ᱴᱮᱞᱤᱯᱷᱚᱱ ᱠᱳᱰ | +᱙᱑-᱑᱖᱔-XXX XXXX |
| ᱜᱟᱹᱰᱤ ᱨᱤᱡᱤᱥᱴᱨᱤ | PB-03 |
| ᱥᱚᱦᱚᱨ ᱨᱮ ᱨᱮᱞᱣᱮ ᱥᱴᱮᱥᱚᱱ | ᱵᱚᱴᱷᱤᱱᱰᱟ ᱨᱮᱞᱣᱮ ᱥᱴᱮᱥᱚᱱ |
| ᱣᱮᱵᱽᱥᱟᱭᱤᱴ | www |
ᱯᱩᱭᱞᱩ ᱥᱚᱢᱨᱟᱡᱽ ᱫᱤᱞᱞᱤ ᱥᱩᱞᱛᱟᱱ ᱨᱟᱡᱤᱭᱟ ᱥᱩᱞᱛᱟᱱ ᱵᱚᱴᱷᱤᱱᱰᱟ ᱨᱮᱱᱟᱜ ᱪᱚᱣᱦᱟᱱ ᱫᱩᱨᱜᱽ ᱠᱤᱞᱟ ᱨᱮ ᱦᱟᱡᱮᱛ (Imprisonment) ᱞᱮᱫ ᱠᱤᱱᱟ ᱠᱚ ᱛᱟᱦᱮᱸᱫ ᱾[᱑] ᱦᱟᱡᱤ ᱨᱚᱛᱚᱱᱟᱜ ᱜᱩᱨᱩᱫᱽᱣᱟᱨᱟ ᱵᱚᱴᱷᱤᱱᱰᱟ ᱨᱮᱱᱟᱜ ᱢᱤᱫ ᱧᱩᱛᱩᱢᱟᱱ ᱧᱮᱞᱡᱚᱝ ᱛᱟᱞᱢᱟ ᱠᱟᱱᱟ, ᱡᱟᱦᱟᱸ ᱨᱮ ᱧᱩᱛᱩᱢᱟᱱ ᱞᱮᱜᱮᱱᱰ (legends) ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾[᱒]
ᱱᱟᱜᱟᱢ
ᱥᱟᱯᱲᱟᱣᱦᱚᱲ ᱞᱮᱠᱷᱟ
ᱥᱟᱯᱲᱟᱣᱦᱚᱲ ᱮᱞ
ᱥᱟᱯᱲᱟᱣᱦᱚᱲ ᱞᱮᱠᱷᱟ ᱡᱚᱠᱷᱟ ᱥᱤᱧᱚᱛ ᱨᱮᱱᱟᱜ ᱢᱩᱪᱟᱹᱫ ᱠᱷᱚᱵᱚᱨ ᱞᱮᱠᱟᱛᱮ, ᱒᱐᱑᱑ ᱨᱮ ᱵᱚᱴᱷᱤᱱᱰᱟ ᱥᱚᱦᱚᱨ ᱨᱤᱱ ᱒᱘᱕,᱘᱑᱓ ᱦᱚᱲ ᱢᱮᱱᱟᱜ ᱠᱚᱣᱟ; ᱠᱚᱲᱟ ᱑᱕᱑,᱗᱗᱒ ᱟᱨ ᱛᱤᱨᱞᱟᱹ ᱑᱓᱔,᱐᱓᱑ ᱜᱟᱱ ᱢᱮᱱᱟᱜ ᱠᱚᱣᱟ ᱾ ᱵᱚᱴᱷᱤᱱᱰᱟ ᱥᱚᱦᱚᱨ ᱨᱮᱱᱟᱜ ᱡᱟᱱᱟᱝ ᱡᱟᱹᱱᱤ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱘᱖᱘ ᱛᱤᱨᱞᱟᱹ ᱟᱜ ᱢᱮᱱᱟᱜᱼᱟ ᱾ ᱵᱚᱴᱷᱤᱱᱰᱟ ᱥᱚᱦᱚᱨ ᱨᱮ ᱥᱮᱪᱮᱫ ᱦᱚᱲ ᱟᱜ ᱮᱞ ᱒᱑᱑,᱓᱑᱘ ᱜᱟᱱ ᱢᱮᱱᱟᱜ ᱠᱚᱣᱟ, ᱚᱠᱟᱨᱮ ᱑᱑᱘,᱘᱘᱘ ᱠᱚᱲᱟ ᱢᱮᱱᱟᱜ ᱠᱚᱣᱟ, ᱟᱫᱚ ᱙᱒,᱔᱓᱐ ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ, ᱚᱠᱟᱨᱮ ᱠᱚᱲᱟ ᱟᱜ ᱥᱮᱪᱮᱫ ᱘᱗.᱘᱖ ᱥᱟᱭᱠᱚᱲᱟ ᱢᱮᱱᱟᱜᱼᱟ ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱗᱗.᱑᱖ ᱥᱟᱭᱠᱚᱲᱟ ᱢᱮᱱᱟᱜᱼᱟ ᱾ ᱵᱚᱴᱷᱤᱱᱰᱟ ᱥᱚᱦᱚᱨ ᱨᱮ ᱜᱩᱴ ᱜᱤᱫᱽᱨᱟᱹ (ᱩᱢᱚᱨ ᱐ ᱠᱷᱚᱱ ᱖) ᱓᱐,᱗᱑᱓; ᱑᱖,᱔᱗᱒ ᱠᱚᱲᱟ ᱟᱨ ᱑᱔,᱒᱔᱑ ᱠᱩᱲᱤ ᱢᱮᱱᱟᱜ ᱠᱚᱣᱟ ᱾ ᱠᱩᱲᱤ ᱜᱤᱫᱽᱨᱟᱹ ᱟᱜ ᱡᱟᱱᱟᱝ ᱡᱟᱹᱱᱤ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ᱘᱖᱕ ᱢᱮᱱᱟᱜᱼᱟ ᱾[᱓]
ᱫᱷᱚᱨᱚᱢ
ᱥᱟᱯᱲᱟᱣᱯᱟᱹᱴᱤᱭᱟᱹᱣ ᱛᱟᱭᱚᱢ ᱖᱒.᱖᱑% ᱦᱚᱲ ᱥᱟᱶ ᱦᱤᱱᱫᱩ ᱫᱷᱚᱨᱚᱢ ᱵᱚᱴᱷᱤᱱᱰᱟ ᱥᱚᱦᱚᱨ ᱨᱮ ᱟᱹᱰᱤ ᱥᱟᱸᱜᱮ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱥᱤᱠᱷ ᱫᱷᱚᱨᱚᱢ ᱥᱚᱦᱚᱨ ᱨᱮᱱᱟᱜ ᱫᱚᱥᱟᱨ ᱟᱹᱰᱤ ᱧᱩᱛᱩᱢᱟᱱ ᱫᱷᱚᱨᱚᱢ ᱠᱟᱱᱟ ᱚᱠᱟ ᱛᱟᱭᱚᱢ ᱓᱕.᱐᱔% ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱟᱹᱰᱤ ᱠᱚᱢ ᱮᱞ ᱢᱩᱥᱞᱤᱢ, ᱤᱥᱟᱹᱭ, ᱵᱩᱫᱫᱷᱚ ᱟᱨ ᱡᱳᱭᱱᱳ ᱢᱮᱱᱟᱜ ᱠᱚᱣᱟ ᱾ ᱥᱤᱠᱷ ᱟᱜ ᱮᱞ ᱵᱚᱴᱷᱤᱱᱰᱟ ᱦᱚᱱᱚᱛ ᱨᱮ ᱗᱐.᱘᱙% ᱢᱮᱱᱟᱜᱼᱟ, ᱱᱚᱣᱟ ᱥᱚᱦᱚᱨ ᱨᱮ ᱟᱹᱰᱤ ᱥᱟᱸᱜᱮ ᱵᱟᱝ ᱦᱩᱭᱩᱜ ᱛᱮ ᱵᱤᱨᱚᱫᱽ ᱨᱮ ᱯᱩᱨᱟᱹ ᱥᱟᱹᱜᱮ ᱢᱮᱱᱟᱜ ᱠᱚᱣᱟ ᱾[᱔]
ᱚᱛᱱᱚᱜ
ᱥᱟᱯᱲᱟᱣᱦᱤᱡᱩᱜ ᱥᱮᱱᱚᱜ ᱰᱟᱦᱟᱨ
ᱥᱟᱯᱲᱟᱣᱵᱚᱴᱷᱤᱱᱰᱟ ᱨᱮᱞᱣᱮ ᱥᱴᱮᱥᱚᱱ ᱥᱤᱧᱚᱛ ᱨᱮᱱᱟᱜ ᱫᱮᱦᱮᱨ ᱛᱮᱫ ᱢᱩᱬ ᱥᱚᱦᱚᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱯᱩᱱᱭᱟ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ: NH 7 (ᱯᱷᱟᱡᱤᱞᱠᱟ - ᱵᱚᱫᱽᱨᱤᱱᱟᱛᱷ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ), NH 54 (ᱠᱮᱸᱪᱤᱭᱚᱱ, ᱜᱚᱱᱩᱢᱟᱱᱜᱚᱲ - ᱯᱟᱴᱷᱟᱱᱠᱚᱴ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ), NH 148B (ᱵᱚᱴᱷᱤᱱᱰᱟ ᱠᱷᱚᱱ ᱠᱚᱴᱯᱩᱴᱞᱤ) ᱟᱨ NH 754 (ᱵᱚᱴᱷᱤᱱᱰᱟ ᱠᱷᱚᱱ ᱡᱚᱞᱞᱟᱵᱟᱫᱽ, ᱯᱷᱟᱡᱤᱞᱠᱟ) ᱥᱚᱦᱚᱨ ᱥᱩᱨ ᱞᱮᱠᱟᱛᱮ ᱥᱮᱱᱚᱜᱼᱟ ᱾[᱖]
ᱥᱮᱪᱮᱫ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Raziya Sultan". Archived from the original on 31 ᱢᱟᱨᱪ 2012. Retrieved 7 ᱢᱮ 2012.
- ↑ https://www.nativeplanet.com/bathinda/attractions/mazaar-of-peer-haji-rattan/#overview
- ↑ "Census 2011".
- ↑ "Bathinda District Population Census 2011, Punjab literacy sex ratio and density".
- ↑ "Bathinda City Population Census 2011 - Punjab".
- ↑ "National Highways of India" (PDF). National Highway Authority of India. Wayback Machine. Archived from the original (PDF) on 27 January 2018. Retrieved 27 January 2018.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱵᱚᱴᱷᱤᱱᱰᱟ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |