ᱵᱟᱨᱣᱟᱰᱤᱦ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ
ᱵᱟᱨᱣᱟᱰᱤᱦ ᱡᱚᱸᱠᱥᱚᱱ, ᱥᱴᱮᱥᱚᱱ ᱠᱳᱰ BRWD ᱫᱚ ᱵᱟᱨᱣᱟᱰᱤᱦ ᱥᱚᱦᱚᱨ ᱨᱮᱱᱟᱜ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ, ᱡᱟᱦᱟᱸ ᱫᱚ ᱞᱟᱛᱮᱦᱟᱨ ᱟᱨ ᱯᱟᱞᱟᱢᱩ ᱦᱚᱱᱚᱛ ᱨᱮᱱᱟᱜ ᱡᱚᱲᱟᱣ ᱴᱷᱟᱶ ᱠᱟᱱᱟ ᱾ ᱵᱟᱨᱣᱟᱰᱤᱦ ᱡᱚᱸᱠᱥᱚᱱ ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱥᱟᱢᱟᱝ ᱛᱟᱞᱢᱟ ᱨᱮᱞᱣᱮ ᱴᱚᱴᱷᱟ ᱨᱮ ᱢᱮᱱᱟᱜᱼᱟ ᱾ ᱵᱟᱨᱣᱟᱰᱤᱦ ᱫᱚ ᱵᱩᱨᱩ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾
ᱵᱟᱨᱣᱟᱰᱤᱦ ᱡᱚᱸᱠᱥᱚᱱ | |||||
|---|---|---|---|---|---|
 ᱥᱤᱧᱚᱛᱤᱭᱟᱹ ᱨᱮᱞᱣᱮ ᱥᱴᱮᱥᱚᱱ | |||||
| ᱢᱮᱱᱮᱞᱟ ᱠᱟᱛᱷᱟ | |||||
| ᱴᱷᱟᱶ | ᱵᱟᱨᱣᱟᱰᱤᱦ, ᱞᱟᱛᱮᱦᱟᱨ ᱦᱚᱱᱚᱛ, ᱡᱷᱟᱨᱠᱷᱚᱸᱰ ᱥᱤᱧᱚᱛ | ||||
| ᱚᱛᱱᱚᱜ ᱴᱷᱟᱶ | 23°50′38″N 84°07′00″E / 23.8438°N 84.1168°ECoordinates: 23°50′38″N 84°07′00″E / 23.8438°N 84.1168°E | ||||
| ᱩᱥᱩᱞ | 296 metres (971 ft) | ||||
| ᱢᱟᱹᱞᱤᱠ ᱛᱟᱹᱨᱤ ᱨᱮ | ᱥᱤᱧᱚᱛᱤᱭᱟᱹ ᱨᱮᱞᱣᱮ | ||||
| ᱪᱟᱪᱟᱣ | ᱥᱟᱢᱟᱝ ᱛᱟᱞᱢᱟ ᱨᱮᱞᱣᱮ | ||||
| ᱞᱟᱭᱤᱱ (ᱠᱚ) | ᱵᱟᱨᱠᱟᱠᱟᱱᱟ–ᱥᱳᱱ ᱱᱚᱜᱚᱨ ᱞᱟᱭᱤᱱ | ||||
| ᱯᱞᱮᱴᱯᱷᱚᱨᱢ | ᱓ | ||||
| ᱵᱮᱱᱟᱣ | |||||
| ᱜᱚᱲᱦᱚᱱ ᱨᱮᱭᱟᱜ ᱫᱷᱚᱨᱚᱱ | ᱥᱴᱟᱰᱟᱨᱰ (ᱯᱷᱮᱰᱟᱛ ᱨᱮ ᱥᱴᱮᱥᱚᱱ)) | ||||
| ᱯᱟᱨᱠᱤᱝ | ᱢᱮᱱᱟᱜᱼᱟ | ||||
| ᱮᱴᱟᱜ ᱠᱟᱛᱷᱟ ᱠᱚ | |||||
| ᱦᱟᱞᱚᱛ | ᱠᱟᱹᱢᱤ | ||||
| ᱥᱴᱮᱥᱚᱱ ᱠᱳᱰ | BRWD | ||||
| ᱴᱚᱴᱷᱟ (ᱠᱚ) | ᱥᱟᱢᱟᱝ ᱛᱟᱞᱢᱟ ᱨᱮᱞᱣᱮ ᱴᱚᱴᱷᱟ | ||||
| ᱦᱟᱹᱴᱤᱧ(ᱠᱚ) | ᱫᱷᱟᱱᱵᱟᱫᱽ | ||||
| |||||
| ᱴᱷᱟᱶ | |||||
  ᱵᱟᱨᱣᱟᱰᱤᱦ ᱡᱚᱸᱠᱥᱚᱱ Location within Jharkhand | |||||
ᱱᱟᱜᱟᱢ
ᱥᱟᱯᱲᱟᱣᱱᱚᱣᱟ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱞᱟᱛᱮᱦᱟᱨ ᱟᱨ ᱯᱟᱞᱟᱢᱩ ᱦᱚᱱᱚᱛ ᱠᱚ ᱡᱚᱲᱟᱣ ᱟᱠᱟᱱ ᱡᱚᱸᱠᱥᱚᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱨᱮᱞᱣᱮ ᱢᱚᱱᱛᱨᱤ ᱫᱚ ᱟᱢᱵᱤᱠᱟᱯᱩᱨ (ᱪᱷᱚᱛᱛᱤᱥᱜᱚᱲ) ᱟᱨ ᱵᱟᱨᱣᱟᱰᱤᱦ (ᱡᱷᱟᱨᱠᱷᱚᱸᱰ) ᱛᱟᱞᱟ ᱞᱟᱭᱤᱱ ᱵᱮᱱᱟᱣ ᱞᱟᱹᱜᱤᱫ ᱮᱱᱮᱢ ᱢᱮᱱᱟᱜᱼᱟ ᱾ ᱱᱚᱣᱟ ᱞᱟᱹᱠᱛᱤᱭᱟᱱ ᱞᱟᱭᱤᱱ ᱫᱚ ᱢᱩᱢᱵᱟᱭ ᱟᱨ ᱦᱟᱣᱲᱟ ᱛᱟᱞᱟ ᱡᱟᱵᱟᱞᱯᱩᱨ ᱰᱟᱦᱟᱨ ᱠᱷᱚᱱ ᱔᱒᱐.᱒᱕ ᱠᱤᱞᱚᱢᱤᱴᱚᱨ (᱒᱖᱑ ᱢᱟᱭᱤᱞ) ᱥᱟᱺᱜᱤᱧ ᱠᱚᱢᱚᱜᱼᱟ ᱾
᱑᱙᱒᱕ ᱥᱮᱨᱢᱟ ᱵᱨᱤᱴᱤᱥ ᱠᱚ ᱯᱩᱭᱞᱩ ᱨᱮ ᱱᱚᱣᱟ ᱠᱟᱛᱷᱟ ᱠᱚ ᱮᱢ ᱞᱮᱫᱟ, ᱟᱢᱵᱤᱠᱟᱯᱩᱨ ᱟᱨ ᱵᱟᱨᱣᱟᱰᱤᱦ, ᱵᱟᱱᱟᱨ ᱠᱚᱭᱞᱟ–ᱠᱤᱥᱟᱹᱬ ᱴᱚᱴᱷᱟ ᱨᱮᱞ ᱰᱟᱦᱟᱨ ᱛᱮ ᱡᱚᱲᱟᱣ ᱨᱮᱱᱟᱜ ᱯᱨᱚᱯᱷᱮᱥᱚᱱ ᱫᱚᱦᱚ ᱞᱮᱫ ᱛᱟᱦᱮᱸᱫ ᱾ ᱱᱚᱣᱟ ᱡᱚᱡᱚᱱᱟ ᱨᱮᱱᱟᱜ ᱡᱚᱥ ᱛᱟᱦᱮᱸ ᱠᱟᱱᱟ ᱠᱟᱹᱣᱰᱤ ᱩᱯᱟᱹᱫᱽ ᱨᱮᱱᱟᱜ ᱰᱟᱦᱟᱨ ᱥᱟᱧᱪᱟᱣ ᱠᱚᱨᱟᱣ ᱾[᱑]
ᱵᱨᱤᱴᱤᱥ ᱠᱚ ᱨᱮᱞ ᱰᱟᱦᱟᱨ ᱨᱮᱱᱟᱜ ᱞᱟᱹᱠᱛᱤᱭᱟᱱ ᱠᱚ ᱵᱟᱰᱟᱭ ᱛᱟᱦᱮᱸᱫ ᱟᱨ ᱑᱙᱓᱐ ᱜᱮᱞᱟᱝ ᱨᱮᱱᱟᱜ ᱮᱛᱚᱦᱚᱵ ᱥᱮᱫ ᱥᱟᱨᱵᱷᱮ ᱪᱟᱞᱟᱣ ᱛᱟᱭᱚᱢ ᱠᱟᱹᱢᱤ ᱮᱛᱚᱦᱚᱵ ᱞᱮᱱᱟ ᱾[᱒] ᱱᱚᱣᱟ ᱯᱟᱱᱛᱷᱟ ᱞᱟᱹᱜᱤᱫ ᱞᱟᱹᱠᱛᱤ ᱟᱱᱟᱜ ᱚᱛᱚᱢ ᱦᱚᱸ ᱦᱟᱛᱟᱣ ᱦᱩᱭ ᱞᱮᱱᱟ ᱾ ᱢᱮᱱᱠᱷᱟᱱ ᱫᱚᱥᱟᱨ ᱡᱮᱜᱮᱛ ᱞᱟᱹᱲᱦᱟᱹᱭ ᱚᱠᱛᱚ ᱠᱟᱹᱢᱤ ᱯᱮᱱᱰᱤᱝ ᱦᱩᱭ ᱞᱮᱱᱟ ᱟᱨ ᱩᱱ ᱠᱷᱚᱱ ᱱᱚᱶᱟ ᱯᱟᱱᱛᱷᱟ ᱫᱚ ᱵᱟᱝ ᱫᱚᱦᱚ ᱦᱩᱭ ᱞᱮᱱᱟ ᱾[᱒]
ᱱᱚᱣᱟ ᱨᱮᱞ ᱞᱟᱭᱤᱱ ᱫᱚ ᱦᱟᱵᱽᱲᱟ, ᱫᱷᱟᱱᱵᱟᱫᱽ ᱟᱨ ᱨᱟᱺᱪᱤ ᱠᱷᱚᱱ ᱞᱚᱦᱟᱨᱫᱟᱜᱟ, ᱵᱟᱨᱠᱟᱠᱟᱱᱟ, ᱞᱟᱛᱮᱦᱟᱨ, ᱵᱟᱨᱣᱟᱰᱤᱦ, ᱟᱢᱵᱤᱠᱟᱯᱩᱨ, ᱠᱟᱴᱱᱤ, ᱡᱟᱵᱟᱞᱯᱩᱨ ᱟᱨ ᱤᱴᱟᱨᱥᱤ ᱞᱮᱠᱟᱛᱮ ᱢᱩᱢᱵᱟᱭ ᱫᱷᱟᱹᱨᱤᱡ ᱡᱚᱲᱟᱣ ᱮᱢᱚᱜᱼᱟ ᱾ ᱱᱚᱣᱟ ᱫᱚ ᱵᱟᱨᱭᱟ ᱢᱟᱨᱟᱝ ᱥᱚᱦᱚᱨ ᱛᱟᱞᱟ ᱨᱮᱞ ᱰᱟᱦᱟᱨ ᱥᱟ:ᱜᱤᱧ ᱠᱚᱢᱚᱜ ᱨᱮ ᱜᱚᱲᱚ ᱮᱢᱚᱜᱼᱟ ᱾ ᱱᱤᱛᱚᱜ, ᱵᱟᱱᱟᱨ ᱢᱟᱨᱟᱝ ᱥᱚᱦᱚᱨ ᱫᱚ ᱵᱟᱨᱭᱟ ᱵᱷᱮᱜᱟᱨ ᱵᱷᱮᱜᱟᱨ ᱨᱮᱞ ᱰᱟᱦᱟᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ, ᱢᱤᱫ ᱫᱚ ᱱᱟᱜᱽᱯᱩᱨ ᱟᱨ ᱵᱤᱞᱟᱥᱯᱩᱨ ᱟᱨ ᱫᱚᱥᱟᱨ ᱫᱚ ᱤᱴᱟᱨᱥᱤ ᱟᱨ ᱡᱟᱵᱟᱞᱯᱩᱨ ᱞᱮᱠᱟᱛᱮ ᱾
ᱡᱟᱵᱟᱞᱯᱩᱨ ᱞᱮᱠᱟᱛᱮ ᱦᱟᱣᱲᱟ ᱟᱨ ᱢᱩᱢᱵᱟᱭ ᱛᱟᱞᱟ ᱨᱮᱱᱟᱜ ᱥᱟᱺᱜᱤᱧ ᱫᱚ ᱒,᱑᱖᱒.᱕ ᱠᱤᱞᱚᱢᱤᱴᱚᱨ (᱑,᱓᱔᱔ ᱢᱤᱞ) ᱢᱮᱱᱟᱜᱼᱟ, ᱡᱚᱠᱷᱚᱱ ᱱᱟᱜᱽᱯᱩᱨ ᱦᱚᱛᱮᱛᱮ ᱱᱚᱣᱟ ᱥᱟᱺᱜᱤᱧ ᱫᱚ ᱑,᱙᱗᱐.᱕ ᱠᱤᱞᱚᱢᱤᱴᱚᱨ (᱑,᱒᱒᱔ ᱢᱤᱞ) ᱢᱮᱱᱟᱜᱼᱟ ᱾ ᱨᱮᱞᱣᱮ ᱫᱚ ᱵᱟᱱᱟᱨ ᱢᱟᱨᱟᱝ ᱥᱚᱦᱚᱨ ᱛᱟᱞᱟ ᱠᱷᱚᱱ ᱡᱟᱹᱥᱛᱤ ᱜᱟᱱ ᱨᱮᱞᱣᱮ ᱱᱟᱜᱽᱯᱩᱨ-ᱵᱤᱞᱟᱥᱯᱩᱨ ᱥᱮᱠᱥᱚᱱ ᱦᱚᱛᱮᱛᱮ ᱥᱮᱱᱚᱜᱼᱟ ᱾ ᱫᱤᱱᱟᱹᱢ ᱦᱤᱞᱚᱜ ᱠᱚᱞᱠᱟᱛᱟ ᱢᱮᱞ ᱵᱮᱜᱚᱨ, ᱡᱟᱵᱟᱞᱯᱩᱨ-ᱤᱴᱟᱨᱥᱤ ᱠᱷᱚᱸᱰ ᱨᱮ ᱛᱤᱱᱟᱹᱝ ᱜᱟᱱ ᱦᱟᱯᱛᱟ ᱨᱮ ᱴᱨᱮᱱ ᱪᱟᱞᱟᱜᱼᱟ ᱾
ᱱᱚᱣᱟ ᱫᱚ ᱱᱟᱣᱟ ᱑᱗᱘ ᱠᱤᱞᱚᱢᱤᱴᱚᱨ (᱑᱑᱑ ᱢᱟᱭᱤᱞ) ᱵᱟᱨᱣᱟᱰᱤᱦ-ᱟᱢᱵᱤᱠᱟᱯᱩᱨ ᱞᱟᱭᱤᱱ ᱦᱟᱣᱲᱟ ᱟᱨ ᱢᱩᱢᱵᱟᱭ ᱛᱟᱞᱟ ᱨᱮᱞ ᱢᱟᱱᱪᱤᱛᱟᱹᱨ ᱰᱟᱦᱟᱨ ᱨᱮᱱᱟᱜ ᱰᱟᱦᱟᱨ ᱠᱚ ᱵᱚᱫᱚᱞ ᱮᱫᱟ ᱾ ᱡᱩᱫᱤ ᱱᱟᱣᱟ ᱞᱟᱭᱤᱱ ᱮᱛᱚᱦᱚᱵ ᱦᱩᱭᱩᱜᱼᱟ, ᱮᱱᱠᱷᱟᱱ ᱱᱚᱣᱟ ᱵᱟᱱᱟᱨ ᱢᱟᱦᱟᱱᱚᱜᱚᱨ ᱛᱟᱞᱟ ᱨᱮᱱᱟᱜ ᱥᱟᱺᱜᱤᱧ ᱔᱒᱐.᱒᱕ ᱠᱤᱞᱚᱢᱤᱴᱚᱨ (᱒᱖᱑ ᱢᱟᱭᱤᱞ) ᱠᱷᱚᱱ ᱦᱚᱸ ᱰᱷᱮᱨ ᱠᱚᱢᱚᱜᱼᱟ, ᱡᱟᱦᱟᱸ ᱫᱚ ᱢᱩᱢᱵᱟᱭ ᱟᱨ ᱦᱟᱣᱲᱟ ᱛᱟᱞᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱦᱩᱰᱤᱧ ᱰᱟᱦᱟᱨ ᱵᱮᱱᱟᱜᱼᱟ ᱾ ᱡᱟᱦᱟᱸ ᱛᱮ ᱥᱮᱱᱚᱜ ᱨᱮᱭᱟᱜ ᱚᱠᱛᱚ ᱠᱚᱢ ᱠᱷᱚᱱ ᱠᱚᱢ ᱜᱟᱱ ᱚᱠᱛᱚ ᱠᱚ ᱦᱟᱛᱟᱣᱟ ᱾[᱓]
ᱥᱩᱵᱤᱫᱷᱟ
ᱥᱟᱯᱲᱟᱣᱢᱩᱬᱩᱛ ᱵᱮᱵᱚᱥᱛᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱣᱮᱭᱴᱤᱝ ᱞᱟᱭᱤᱵᱽ, ᱨᱤᱴᱟᱨᱤᱝ ᱨᱩᱢ, ᱠᱚᱢᱯᱩᱴᱟᱨᱤᱡᱮᱰ ᱨᱤᱡᱟᱨᱵᱮᱥᱚᱱ ᱥᱩᱵᱤᱫᱷᱟ, ᱨᱤᱡᱟᱨᱵᱮᱥᱚᱱ ᱠᱟᱣᱩᱱᱴᱟᱨ, ᱵᱷᱮᱭᱡᱤᱠᱚᱞ ᱯᱟᱨᱠᱤᱝ ᱮᱢᱟᱱ ᱾
ᱯᱞᱮᱴᱯᱷᱚᱨᱢ
ᱥᱟᱯᱲᱟᱣᱯᱞᱮᱴᱯᱷᱚᱨᱢ ᱯᱷᱩᱴ ᱳᱵᱟᱨ ᱵᱨᱤᱰᱡᱽ (ᱮᱯᱷ.ᱳ.ᱵᱤ.) ᱛᱮ ᱡᱚᱲᱟᱣ ᱟᱠᱟᱱᱟ ᱾
ᱴᱨᱮᱱ ᱠᱚ
ᱥᱟᱯᱲᱟᱣᱵᱟᱨᱣᱟᱰᱤᱦ ᱠᱷᱚᱱ ᱥᱩᱨ ᱥᱩᱯᱩᱨ ᱰᱮᱥᱴᱤᱱᱮᱥᱚᱱ ᱠᱚ ᱞᱟᱹᱜᱤᱫ ᱟᱹᱰᱤ ᱜᱟᱱ ᱤᱞᱮᱠᱴᱨᱤᱠ ᱞᱳᱠᱟᱞ ᱯᱟᱥᱮᱱᱡᱚᱨ ᱴᱨᱮᱱ ᱦᱚᱸ ᱥᱮᱱᱚᱜᱼᱟ ᱾
| ᱴᱨᱮᱱ ᱧᱩᱛᱩᱢ | ᱴᱨᱮᱱ ᱮᱞ | ᱯᱷᱮᱰᱟᱛ | ᱰᱮᱥᱴᱤᱱᱮᱥᱚᱱ |
|---|---|---|---|
| ᱵᱤ.ᱮᱥ.ᱵᱤ. ᱟᱨ.ᱮᱱ.ᱥᱤ. ᱮᱠᱥᱯᱨᱮᱥ | ᱑᱘᱖᱑᱒ | ᱵᱟᱨᱟᱱᱟᱥᱤ ᱡᱚᱸᱠᱥᱚᱱ | ᱨᱟᱺᱪᱤ |
| ᱥᱟᱠᱛᱤᱯᱩᱧᱡᱽ ᱮᱠᱥᱯᱨᱮᱥ | ᱑᱑᱔᱔᱘ | ᱦᱟᱵᱽᱲᱟ ᱡᱚᱸᱠᱥᱚᱱ | ᱡᱟᱵᱟᱞᱯᱩᱨ ᱡᱚᱸᱠᱥᱚᱱ |
| ᱑᱑᱔᱔᱗ | ᱡᱟᱵᱟᱞᱯᱩᱨ ᱡᱚᱸᱠᱥᱚᱱ | ᱦᱟᱵᱽᱲᱟ ᱡᱚᱸᱠᱥᱚᱱ | |
| HTE - ANVT ᱡᱷᱟᱨᱠᱷᱚᱸᱰ ᱮᱠᱥᱯᱨᱮᱥ | ᱑᱒᱘᱗᱓ | ᱦᱟᱴᱤᱭᱟ | ᱟᱱᱚᱱᱫᱽ ᱵᱤᱦᱟᱨ ᱴᱟᱨᱢᱤᱱᱟᱞ |
| RNC CPU ᱮᱠᱥᱯᱨᱮᱥ | ᱑᱘᱖᱓᱑ | ᱨᱟᱺᱪᱤ | ᱪᱳᱯᱟᱱ ᱡᱚᱸᱠᱥᱚᱱ |
| SBP BSB ᱮᱠᱥᱯᱨᱮᱥ | ᱑᱘᱓᱑᱑ | ᱥᱚᱢᱵᱚᱞᱯᱩᱨ | ᱵᱟᱨᱟᱱᱟᱥᱤ ᱡᱚᱸᱠᱥᱚᱱ |
| HWH BPL ᱦᱟᱯᱛᱟ ᱮᱠᱥᱯᱨᱮᱥ | ᱑᱓᱐᱒᱕ | ᱦᱟᱵᱽᱲᱟ ᱡᱚᱸᱠᱥᱚᱱ | ᱵᱷᱚᱯᱟᱞ |
| TATA JAT ᱮᱠᱥᱯᱨᱮᱥ | ᱑᱘᱑᱐᱑ | ᱴᱟᱴᱱᱚᱜᱚᱨ ᱡᱚᱸᱠᱥᱚᱱ | ᱡᱟᱹᱢᱢᱩ ᱛᱟᱣᱤ |
| ᱯᱟᱞᱟᱢᱩ ᱮᱠᱥᱯᱨᱮᱥ | ᱑᱓᱓᱔᱗ | ᱵᱟᱨᱠᱟᱠᱟᱱᱟ ᱡᱚᱸᱠᱥᱚᱱ | ᱯᱟᱴᱱᱟ ᱡᱚᱸᱠᱥᱚᱱ |
| ᱑᱓᱓᱔᱘ | ᱯᱟᱴᱱᱟ ᱡᱚᱸᱠᱥᱚᱱ | ᱵᱟᱨᱠᱟᱠᱟᱱᱟ ᱡᱚᱸᱠᱥᱚᱱ |
ᱡᱚᱛᱚ ᱠᱷᱚᱱ ᱥᱩᱨ ᱩᱰᱟᱹᱱ ᱰᱟᱹᱦᱤ
ᱥᱟᱯᱲᱟᱣᱵᱟᱨᱣᱟᱰᱤᱦ ᱥᱴᱮᱥᱚᱱ ᱠᱷᱚᱱ ᱥᱩᱨ ᱨᱮ ᱢᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱠᱚᱫᱚ ᱦᱩᱭᱩᱜ ᱠᱟᱱᱟ:
- ᱵᱤᱨᱥᱟ ᱢᱩᱱᱰᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ, ᱨᱟᱺᱪᱤ ᱑᱘᱐ ᱠᱤᱞᱚᱢᱤᱴᱚᱨ (᱑᱑᱐ ᱢᱤᱞ)
- ᱜᱟᱭᱟ ᱩᱰᱟᱹᱱ ᱰᱟᱹᱦᱤ, ᱜᱟᱭᱟ ᱑᱖᱓ ᱠᱤᱞᱚᱢᱤᱴᱚᱨ (᱑᱐᱑ ᱢᱟᱭᱤᱞ)
- ᱡᱚᱭᱯᱨᱚᱠᱟᱥ ᱩᱰᱟᱹᱱ ᱰᱟᱹᱦᱤ, ᱯᱟᱴᱱᱟ ᱒᱗᱖ ᱠᱤᱞᱚᱢᱤᱴᱚᱨ (᱑᱗᱑ ᱢᱤᱞ)
- ᱱᱮᱛᱟᱡᱤ ᱥᱩᱵᱷᱟᱥ ᱪᱚᱸᱫᱽᱨᱚ ᱵᱳᱥ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ, ᱠᱚᱞᱠᱟᱛᱟ
ᱟᱨᱦᱚᱸ ᱧᱮᱞ ᱢᱮ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "जानें अंबिकापुर-बरवाडीह रेल लाइन के 70 साल के संघर्ष की कहानी, पटरी तो दूर एक तगाड़ी गिट्टी भी नहीं हुई नसीब | Know Ambikapur-Barwadih rail line history". Patrika News (in ᱦᱤᱱᱫᱤ). 2019-01-13. Retrieved 2023-01-30.
- ↑ ᱒.᱐ ᱒.᱑ "अंग्रेजों की बिछाई अधूरी रेललाइन के आजाद भारत में पूर्ण होने की प्रतीक्षा". Nai Dunia (in ᱦᱤᱱᱫᱤ). 2022-08-27. Retrieved 2023-01-30.
- ↑ Das, R. Krishna (2010-03-03). "Proposed new rail line to bring Mumbai, Kolkata closer". Business Standard India. Retrieved 2023-01-30.