ᱣᱤᱠᱤᱯᱤᱰᱤᱭᱟ

ᱵᱤᱨᱥᱟ ᱢᱩᱱᱰᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ

ᱨᱟᱺᱪᱤ ᱨᱮ ᱢᱮᱱᱟᱜ ᱩᱰᱟᱹᱱ ᱰᱟᱹᱦᱤ
(ᱵᱤᱨᱥᱟᱹ ᱢᱩᱸᱰᱟᱹ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)

ᱵᱤᱨᱥᱟ ᱢᱩᱱᱰᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ (IATA: IXR, ICAO: VERC)[᱒][᱓] ᱫᱚ ᱢᱤᱫ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱨᱟᱺᱪᱤ ᱨᱮ ᱥᱮᱵᱟ ᱮᱫᱼᱟ ᱾ ᱱᱚᱶᱟ ᱨᱮᱱᱟᱜ ᱧᱩᱛᱩᱢ ᱧᱩᱛᱩᱢᱟᱱ ᱥᱤᱧᱚᱛᱤᱭᱟᱹ ᱟᱹᱫᱤᱵᱟᱹᱥᱤ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱤᱡ ᱵᱤᱨᱥᱟ ᱢᱩᱱᱰᱟ ᱟᱜ ᱧᱩᱛᱩᱢ ᱨᱮ ᱫᱚᱦᱚ ᱟᱠᱟᱱᱟ, ᱟᱨ ᱱᱤᱛᱚᱜ ᱱᱚᱶᱟ ᱨᱮᱱᱟᱜ ᱜᱚᱲᱦᱚᱱ ᱥᱤᱧᱚᱛᱤᱭᱟᱹ ᱩᱰᱟᱹᱱ ᱰᱟᱹᱦᱤ ᱯᱨᱟᱫᱷᱤᱠᱚᱨᱚᱱ ᱦᱚᱛᱮᱛᱮ ᱦᱩᱭᱩᱜ ᱠᱟᱱᱟ ᱾[᱔] ᱱᱚᱶᱟ ᱰᱚ ᱨᱟᱺᱪᱤ ᱱᱟᱜᱟᱨ ᱛᱟᱞᱢᱟ ᱠᱷᱚᱱ ᱗ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱫᱚ ᱑,᱕᱖᱘ ᱮᱠᱚᱲ ᱴᱚᱴᱷᱟ ᱨᱮ ᱯᱟᱥᱱᱟᱣ ᱟᱠᱟᱱᱟ ᱾[᱕] ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱨᱮ ᱥᱮᱨᱢᱟ ᱨᱮ ᱒.᱕ ᱢᱤᱞᱤᱭᱚᱱ ᱠᱷᱚᱱ ᱦᱚᱸ ᱵᱟᱹᱲᱛᱤ ᱦᱚᱲ ᱠᱚ ᱦᱤᱡᱩᱜ ᱥᱮᱱᱚᱜᱼᱟ ᱾ ᱱᱚᱶᱟ ᱫᱚ ᱥᱤᱧᱚᱛ ᱨᱮᱱᱟᱜ ᱒᱘ ᱟᱱᱟᱜ ᱵᱟᱹᱲᱛᱤ ᱠᱟᱹᱢᱤ ᱟᱠᱟᱱ ᱩᱰᱟᱹᱱ ᱰᱟᱹᱦᱤ ᱠᱟᱱᱟ ᱾[᱖]

ᱵᱤᱨᱥᱟ ᱢᱩᱱᱰᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ
ᱡᱟᱭᱚᱝᱜᱚᱥ
ᱩᱰᱟᱹᱱ ᱰᱟᱹᱦᱤ ᱞᱮᱠᱟᱱᱫᱤᱥᱩᱣᱟᱹ
ᱢᱟᱹᱞᱤᱠᱥᱤᱧᱚᱛ ᱥᱚᱨᱠᱟᱨ
ᱪᱟᱪᱞᱟᱣᱤᱭᱟᱹᱥᱤᱧᱚᱛᱤᱭᱟᱹ ᱩᱰᱟᱹᱱ ᱰᱟᱹᱦᱤ
ᱥᱮᱵᱟᱜ ᱠᱟᱱᱟᱨᱟᱺᱪᱤ
ᱞᱚᱠᱮᱥᱚᱱᱦᱤᱱᱩ, ᱨᱟᱺᱪᱤ, ᱡᱷᱟᱨᱠᱷᱚᱸᱰ
ᱩᱥᱩᱞ AMSL᱒,᱑᱔᱘ ft / ᱖᱔᱖ m
ᱠᱚ-ᱚᱨᱰᱤᱱᱟᱴᱥ23°18′51″N 085°19′18″E / 23.31417°N 85.32167°E / 23.31417; 85.32167Coordinates: 23°18′51″N 085°19′18″E / 23.31417°N 85.32167°E / 23.31417; 85.32167
ᱣᱮᱵᱽᱥᱟᱭᱤᱴwww.bmia.com.in
Map
ᱵᱤᱨᱥᱟ ᱢᱩᱱᱰᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ is located in India
ᱵᱤᱨᱥᱟ ᱢᱩᱱᱰᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ
ᱵᱤᱨᱥᱟ ᱢᱩᱱᱰᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ
ᱥᱤᱧᱚᱛ ᱨᱮ ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱴᱷᱟᱶ
ᱫᱟᱹᱲᱦᱚᱨ
Direction ᱡᱤᱞᱤᱧ ᱥᱚᱨᱯᱷᱮᱥ
m ft
13/31 ᱒,᱗᱔᱘ ᱙,᱐᱑᱖ ᱟᱥᱯᱷᱟᱞᱴ
Helipads
Number ᱡᱤᱞᱤᱧ ᱥᱚᱨᱯᱷᱮᱥ
m ft
H1 ᱑᱙ ᱖᱓ ᱟᱥᱯᱷᱟᱞᱴ
Statistics (ᱟᱯᱨᱤᱞ ᱒᱐᱒᱓ ᱼ ᱢᱟᱨᱪ ᱒᱐᱒᱔)
ᱯᱟᱥᱮᱧᱡᱚᱨ᱒,᱕᱗᱗,᱔᱐᱖ (Decrease ᱖.᱖%)
ᱥᱟᱢᱟᱱ (ᱴᱚᱱ ᱛᱮ)᱑᱘,᱓᱐᱐ (increase᱒.᱖)
ᱩᱰᱟᱹᱱ ᱞᱟᱲᱟᱣᱱᱟ᱕,᱙᱔᱕ (increase᱘.᱘)

ᱴᱟᱨᱢᱤᱱᱟᱞ ᱠᱚ

ᱥᱟᱯᱲᱟᱣ

ᱯᱩᱨᱟᱹᱣ ᱴᱟᱨᱢᱤᱱᱟᱞ

ᱥᱟᱯᱲᱟᱣ
 
ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱴᱟᱨᱢᱤᱱᱟᱞ ᱨᱮᱱᱟᱜ ᱥᱟᱢᱟᱝ ᱥᱮᱫ ᱧᱮᱞ
 
ᱴᱟᱨᱢᱤᱱᱟᱞ ᱵᱷᱤᱛᱤᱨ ᱨᱮᱱᱟᱜ
 
ᱮᱯᱨᱚᱱ ᱠᱷᱚᱱ ᱴᱟᱨᱢᱤᱱᱟᱞ ᱨᱮᱱᱟᱜ ᱧᱮᱞ

ᱩᱰᱟᱹᱱ ᱰᱟᱹᱦᱤ ᱨᱮ ᱱᱟᱣᱟ ᱯᱩᱨᱟᱹᱣ ᱟᱠᱟᱱ ᱯᱟᱥᱮᱱᱡᱚᱨ ᱴᱟᱨᱢᱤᱱᱟᱞ ᱵᱤᱞᱰᱤᱝ ᱫᱚ ᱒᱔ ᱢᱟᱨᱪ ᱒᱐᱑᱓ ᱨᱮ ᱥᱤᱵᱷᱤᱞ ᱩᱰᱟᱹᱱ ᱢᱚᱱᱛᱨᱤ ᱚᱡᱤᱛ ᱥᱤᱝ ᱦᱚᱛᱮᱛᱮ ᱩᱰᱷᱟᱹᱣ ᱥᱟᱹᱜᱩᱱ ᱞᱮᱱᱟ ᱛᱟᱦᱮᱸᱫ ᱾[᱗]

ᱴᱟᱨᱢᱤᱱᱟᱞ ᱵᱷᱚᱵᱚᱱ ᱫᱚ ᱑᱙,᱖᱐᱐ ᱥᱠᱚᱭᱟᱨ ᱢᱤᱴᱚᱨ (᱐.᱐᱑᱙᱖ ᱥᱠᱚᱭᱟᱨ ᱠᱤᱞᱚᱢᱤᱴᱚᱨ) ᱨᱮ ᱯᱟᱥᱱᱟᱣ ᱟᱠᱟᱱᱟ ᱟᱨ ᱱᱚᱶᱟ ᱫᱚ ᱑᱓᱘ ᱠᱳᱴᱤ (᱒᱐᱒᱓ ᱥᱟᱞ ᱨᱮ ᱒᱓᱕ ᱠᱳᱴᱤ ᱥᱮ ᱒᱘ ᱢᱤᱞᱤᱭᱚᱱ ᱟᱢᱮᱨᱤᱠᱟ ᱰᱚᱞᱟᱨ ᱵᱟᱨᱟᱵᱟᱹᱨᱤ) ᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱶᱟ ᱨᱮ ᱪᱤᱱ, ᱡᱟᱨᱢᱟᱱᱤ ᱟᱨ ᱥᱤᱝᱜᱟᱯᱩᱨ ᱠᱷᱚᱱ ᱮᱢᱯᱳᱨᱴ ᱟᱠᱟᱱ ᱯᱩᱱᱭᱟᱹ ᱮᱭᱨᱚᱵᱨᱤᱡᱽ ᱟᱨ ᱛᱩᱨᱩᱭ ᱜᱚᱴᱟᱝ ᱮᱥᱠᱮᱞᱮᱴᱚᱨ ᱢᱮᱱᱟᱜᱼᱟ ᱾ ᱴᱟᱨᱢᱤᱱᱟᱞ ᱨᱮᱱᱟᱜ ᱠᱮᱯᱟᱥᱤᱴᱤ ᱫᱚ ᱢᱤᱫ ᱚᱠᱛᱚ ᱨᱮ ᱕᱐᱐ ᱜᱚᱴᱟᱝ ᱰᱚᱢᱮᱥᱴᱤᱠ ᱟᱨ ᱒᱐᱐ ᱜᱚᱴᱟᱝ ᱤᱱᱴᱟᱨᱱᱮᱥᱱᱟᱞ ᱯᱟᱥᱮᱱᱡᱚᱨ ᱠᱚ ᱦᱟᱛᱟᱣ ᱨᱮᱱᱟᱜ ᱢᱮᱱᱟᱜᱼᱟ ᱾[᱘]

ᱢᱟᱨᱪ ᱒᱐᱑᱓ ᱨᱮ, ᱥᱚᱦᱚᱨ ᱨᱮ ᱵᱟᱹᱲᱛᱤ ᱮᱭᱟᱨᱞᱟᱭᱤᱱᱥ ᱠᱚ ᱞᱟᱹᱜᱤᱫ ᱛᱮ ᱩᱰᱟᱹᱱ ᱰᱟᱹᱦᱤ ᱨᱮ ᱵᱮᱵᱚᱥᱛᱟ ᱟᱠᱟᱱ ᱩᱰᱟᱹᱱ ᱴᱟᱨᱵᱟᱭᱤᱱ ᱤᱸᱡᱤᱱ ᱨᱮ ᱴᱮᱠᱥ ᱫᱚ ᱒᱐% ᱠᱷᱚᱱ ᱠᱚᱢ ᱠᱟᱛᱮ ᱔% ᱟᱠᱟᱱᱟ ᱾ ᱩᱰᱟᱹᱱ ᱰᱟᱹᱦᱤ ᱨᱮ ᱩᱰᱟᱹᱜ ᱜᱟᱹᱰᱤ ᱨᱮᱱᱟᱜ ᱧᱤᱫᱟᱹ ᱯᱟᱨᱠᱤᱝ ᱫᱚ ᱯᱷᱨᱤ ᱛᱮ ᱦᱩᱭ ᱟᱠᱟᱱᱟ, ᱚᱱᱟᱛᱮ ᱮᱭᱟᱨᱞᱟᱭᱤᱱᱥ ᱠᱚᱣᱟᱜ ᱱᱤᱡᱮᱨᱟᱜ ᱩᱰᱟᱹᱜ ᱜᱟᱹᱰᱤ ᱫᱚ ᱧᱤᱫᱟᱹ ᱛᱟᱦᱮᱸᱱ ᱞᱟᱹᱜᱤᱫ ᱮᱱᱮᱢ ᱦᱩᱭ ᱫᱟᱲᱮᱭᱟᱜᱼᱟ, ᱚᱱᱟᱛᱮ ᱢᱮᱴᱨᱚ ᱥᱚᱦᱚᱨ ᱠᱚ ᱞᱟᱹᱜᱤᱫ ᱥᱮᱛᱟᱜ-ᱥᱮᱛᱟᱜ ᱰᱷᱮᱨ ᱩᱰᱟᱹᱣ ᱫᱟᱲᱮᱭᱟᱜ ᱢᱟ ᱾[᱙]

ᱥᱤᱧᱚᱛᱤᱭᱟᱹ ᱩᱰᱟᱹᱱ ᱰᱟᱹᱦᱤ ᱚᱛᱷᱚᱨᱤᱴᱤ ᱫᱚ ᱯᱮᱭᱟ ᱟᱨ ᱯᱟᱨᱠᱤᱝ ᱵᱮ ᱦᱚᱸ ᱵᱮᱱᱟᱣ ᱞᱮᱫᱟ, ᱡᱟᱦᱟᱸ ᱫᱚ ᱱᱚᱣᱟ ᱫᱚ ᱤᱨᱟᱹᱞ ᱜᱚᱴᱟᱝ ᱩᱰᱟᱹᱜ ᱜᱟᱹᱰᱤ ᱯᱟᱨᱠᱤᱝ ᱵᱮ ᱭᱟᱜ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱴᱤᱭᱟᱨ-II ᱩᱰᱟᱹᱱ ᱰᱟᱹᱦᱤ ᱵᱮᱱᱟᱣ ᱮᱱᱟ ᱾[᱑᱐][᱑᱑][᱑᱒] ᱴᱟᱨᱢᱤᱱᱟᱞ ᱨᱮ ᱵᱟᱨᱭᱟ ᱱᱟᱣᱟ ᱮᱭᱨᱳᱵᱨᱤᱡᱽ ᱠᱚ ᱥᱮᱞᱮᱫ ᱟᱠᱟᱱᱟ[᱑᱒][᱑᱓] ᱟᱨ ᱨᱟᱱᱣᱮ ᱦᱚᱸ ᱵᱟᱹᱲᱛᱤ ᱟᱠᱟᱱᱟ ᱾[᱑᱔][᱑᱕]

ᱠᱟᱨᱜᱳ ᱴᱟᱨᱢᱤᱱᱟᱞ

ᱥᱟᱯᱲᱟᱣ

ᱯᱷᱮᱵᱨᱩᱣᱟᱨᱤ ᱒᱐᱑᱗ ᱨᱮ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱨᱟᱹᱜᱷᱩᱵᱚᱨ ᱫᱟᱥ ᱢᱤᱫ ᱱᱟᱣᱟ ᱠᱟᱨᱜᱳ ᱴᱟᱨᱢᱤᱱᱟᱞ ᱮ ᱩᱰᱷᱟᱹᱣ ᱥᱟᱹᱜᱩᱱ ᱞᱮᱫ ᱛᱟᱦᱮᱸᱫ ᱾ ᱴᱟᱨᱢᱤᱱᱟᱞ ᱫᱤᱱᱟᱹᱢ ᱦᱤᱞᱚᱜ ᱕᱐ ᱢᱤᱴᱨᱤᱠ ᱴᱚᱱ (MT) ᱠᱟᱨᱜᱳ ᱦᱟᱛᱟᱣ ᱫᱟᱲᱮᱭᱟᱜᱼᱟ ᱟᱨ ᱵᱤᱥᱯᱷᱚᱴᱟᱠ ᱴᱨᱮᱥ ᱰᱤᱴᱮᱠᱥᱚᱱ ᱴᱩᱞᱥ, ᱠᱟᱨᱜᱳ ᱮᱠᱥ-ᱨᱮ ᱢᱤᱥᱤᱱ, ᱦᱟᱨᱰᱣᱮᱭᱟᱨ ᱨᱩᱠᱷᱤᱭᱟᱹ ᱢᱤᱥᱤᱱ ᱟᱨ ᱥᱤ.ᱥᱤ.ᱴᱤ.ᱵᱤ. ᱠᱮᱢᱮᱨᱟ ᱛᱮ ᱥᱟᱡᱟᱣ ᱟᱠᱟᱱᱟ ᱾[᱑᱖][᱑᱗]

ᱵᱟᱲᱦᱟᱣ ᱟᱨ ᱢᱚᱰᱟᱨᱱᱤᱡᱮᱥᱚᱱ

ᱥᱟᱯᱲᱟᱣ

ᱢᱮᱱᱠᱷᱟᱱ ᱯᱟᱨᱚᱢᱮᱱ ᱠᱤᱪᱷᱩ ᱥᱮᱨᱢᱟ ᱨᱮ ᱯᱟᱥᱮᱱᱡᱚᱨ ᱠᱚᱣᱟᱜ ᱞᱮᱠᱷᱟ ᱵᱟᱹᱲᱛᱤ ᱦᱩᱭ ᱟᱠᱟᱱᱟ, ᱮᱱᱦᱚᱸ ᱵᱟᱲᱦᱟᱣ ᱨᱟᱱᱣᱮ, ᱨᱟᱱᱣᱮ ᱥᱴᱨᱤᱯ ᱮᱠᱥᱴᱮᱱᱥᱚᱱ, ᱮᱴᱟᱜ ᱯᱟᱨᱠᱤᱝ ᱵᱮ, ᱢᱤᱫᱴᱟᱹᱝ ᱟᱭᱤᱥᱚᱞᱮᱥᱚᱱ ᱵᱮ, ᱟᱹᱰᱤ ᱢᱟᱨᱟᱝ ᱴᱟᱨᱢᱤᱱᱟᱞ ᱵᱷᱚᱵᱚᱱ ᱟᱨ ᱰᱷᱮᱨ ᱮᱭᱨᱳ ᱵᱨᱤᱡᱽ ᱞᱮᱠᱟᱱ ᱤᱱᱯᱨᱟᱥᱴᱨᱚᱠᱪᱚᱨᱟᱜ ᱵᱟᱱᱫᱷᱟᱣ ᱠᱷᱟᱹᱛᱤᱨ ᱱᱚᱶᱟ ᱩᱰᱟᱹᱱ ᱰᱟᱹᱦᱤ ᱫᱚ ᱱᱤᱛ ᱦᱚᱸ ᱢᱤᱫᱴᱟᱹᱝ ᱡᱮᱡᱟᱹᱛᱤᱭᱟᱹᱨᱤ ᱴᱮᱜᱽ ᱮ ᱧᱟᱢ ᱟᱠᱟᱫᱼᱟ ᱾ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱫᱚ ᱚᱱᱟᱛᱮ ᱓᱐᱓.᱖᱒ ᱮᱠᱚᱲ ᱚᱛ ᱦᱟᱥᱟ ᱦᱟᱛᱟᱣ ᱞᱟᱹᱜᱤᱫ ᱒᱗ ᱡᱩᱱ, ᱒᱐᱒᱒ ᱦᱤᱞᱚᱜ ᱥᱤᱧᱚᱛᱤᱭᱟᱹ ᱩᱰᱟᱹᱱ ᱰᱟᱹᱦᱤ ᱯᱨᱟᱫᱷᱤᱠᱚᱨᱚᱱ ᱟᱨ ᱡᱷᱟᱨᱠᱷᱚᱸᱰ ᱥᱚᱨᱠᱟᱨ ᱛᱟᱞᱟ ᱨᱮ ᱟᱹᱰᱤ ᱫᱤᱱ ᱠᱷᱚᱱ ᱞᱟᱦᱟᱱᱛᱤ ᱟᱠᱟᱱ ᱨᱮᱵᱮᱱ ᱢᱮᱢᱳᱨᱮᱱᱰᱚᱢ (MOU) ᱨᱮ ᱮᱢ ᱦᱩᱭ ᱞᱮᱱᱟ ᱾

ᱮᱢ.ᱳ.ᱭᱩ. ᱞᱮᱠᱟᱛᱮ ᱯᱚᱱᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱓᱐᱓.᱖᱒ ᱮᱠᱚᱲ ᱡᱟᱭᱜᱟ ᱮ.ᱮ.ᱟᱭᱤ. (AAI) ᱴᱷᱮᱱ ᱮᱢ ᱦᱩᱭᱩᱜᱼᱟ, ᱡᱟᱦᱟᱸ ᱠᱷᱚᱱ ᱓᱐᱑.᱑᱒ ᱮᱠᱚᱲ ᱡᱟᱭᱜᱟ ᱯᱩᱭᱞᱩ ᱛᱷᱚᱠ ᱨᱮ ᱮᱢ ᱦᱩᱭᱩᱜᱼᱟ ᱾ ᱥᱚᱨᱠᱟᱨ ᱦᱚᱛᱮᱛᱮ ᱦᱟᱛᱟᱣ ᱟᱠᱟᱱ ᱓᱐᱑.᱑᱒ ᱮᱠᱚᱲ ᱡᱟᱭᱜᱟ ᱠᱷᱚᱱ ᱫᱛ ᱒᱗᱓.᱗᱘ ᱮᱠᱚᱲ ᱡᱟᱭᱜᱟ ᱫᱚ ᱥᱮᱨᱢᱟ ᱨᱮ ᱑.᱐᱐ ᱴᱟᱠᱟ ᱛᱮ ᱓᱐ ᱥᱮᱨᱢᱟ ᱞᱟᱹᱜᱤᱫ ᱛᱮ ᱯᱟᱴᱟ ᱨᱮ ᱮᱢ ᱦᱩᱭᱩᱜᱼᱟ ᱾ ᱥᱟᱨᱮᱡ ᱒᱗.᱓᱔ ᱮᱠᱚᱲ ᱡᱟᱭᱜᱟ ᱫᱚ ᱯᱷᱟᱹᱫᱽ ᱟᱜ ᱒᱗.᱓᱑ ᱮᱠᱚᱲ ᱡᱟᱭᱜᱟ ᱠᱷᱚᱱ ᱵᱚᱫᱚᱞ ᱞᱟᱹᱜᱤᱫ ᱛᱮ ᱱᱤᱡᱮᱨ ᱫᱟᱲᱮ ᱞᱮᱠᱟᱛᱮ ᱯᱷᱨᱤ ᱛᱮ ᱮᱢᱚᱜ ᱦᱩᱭᱩᱜᱼᱟ ᱾[᱑᱘]

ᱰᱤᱯᱴᱤ ᱥᱮᱠᱨᱮᱴᱟᱨᱤ, ᱥᱤᱵᱷᱤᱞ ᱮᱵᱤᱭᱮᱥᱚᱱ ᱰᱤᱵᱷᱤᱡᱚᱱ, ᱡᱷᱟᱨᱠᱷᱚᱸᱰ ᱥᱚᱨᱠᱟᱨ, ᱚᱠᱷᱤᱞᱮᱥ ᱠᱩᱢᱟᱨ ᱥᱤᱱᱦᱟ ᱟᱨ ᱩᱰᱟᱹᱱ ᱰᱟᱹᱦᱤ ᱰᱟᱭᱨᱮᱠᱴᱚᱨ, ᱵᱤᱨᱥᱟ ᱢᱩᱱᱰᱟ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ, ᱠᱮ.ᱮᱞ. ᱚᱜᱽᱨᱚᱣᱟᱞ ᱫᱚ ᱡᱟᱭᱜᱟ ᱮᱢ ᱞᱟᱹᱜᱤᱫ ᱛᱮ ᱥᱩᱦᱤ ᱠᱮᱜᱼᱟᱭ ᱠᱟᱨᱵᱟᱨ ᱨᱮᱱᱟᱜ ᱚᱫᱚᱞ-ᱵᱚᱫᱚᱞ ᱠᱮᱜᱼᱟ ᱾

ᱮ.ᱮ.ᱟᱭᱤ. ᱥᱚᱨᱠᱟᱨᱤ ᱠᱚ ᱢᱮᱱ ᱠᱮᱫᱟ ᱡᱮ ᱮᱠᱥᱴᱨᱮᱥᱚᱱ ᱡᱟᱭᱜᱟ ᱨᱮ ᱢᱤᱫᱴᱟᱹᱝ ᱱᱟᱣᱟ ᱴᱟᱨᱢᱤᱱᱟᱞ ᱵᱷᱚᱵᱚᱱ, ᱟᱭᱤᱥᱳᱞᱮᱥᱚᱱ ᱵᱮ, ᱠᱚᱱᱴᱨᱚᱞ ᱴᱟᱣᱟᱨ, ᱯᱷᱟᱭᱚᱨ ᱥᱴᱮᱥᱚᱱ ᱮᱢᱟᱱ ᱠᱚ ᱵᱮᱱᱟᱣ ᱦᱩᱭᱩᱜᱼᱟ ᱾ ᱱᱚᱶᱟ ᱵᱮᱜᱚᱨ, ᱨᱟᱱᱣᱮ ᱫᱚ ᱒,᱗᱔᱘ ᱢᱤᱴᱚᱨ ᱠᱷᱚᱱ ᱓,᱖᱕᱕ ᱢᱤᱴᱚᱨ ᱫᱷᱟᱹᱨᱤᱡ ᱵᱟᱲᱦᱟᱣ ᱦᱩᱭᱩᱜᱼᱟ ᱟᱨ ᱨᱟᱱᱣᱮ ᱥᱴᱨᱤᱯ ᱫᱚ ᱔᱕ ᱢᱤᱴᱚᱨ ᱠᱷᱚᱱ ᱖᱐ ᱢᱤᱴᱚᱨ ᱫᱷᱟᱹᱨᱤᱡ ᱵᱟᱲᱦᱟᱣ ᱦᱩᱭᱩᱜᱼᱟ ᱾ ᱣᱟᱭᱤᱰ-ᱵᱚᱰᱤ ᱩᱰᱟᱹᱜ ᱜᱟᱹᱰᱤ ᱠᱚ ᱪᱟᱪᱞᱟᱣ ᱞᱟᱹᱜᱤᱫ ᱞᱟᱹᱠᱛᱤᱭᱟᱱ ᱱᱮᱵᱤᱜᱮᱥᱚᱱᱟᱞ ᱮᱥᱤᱰᱮᱸᱴ, ᱵᱷᱤᱥᱩᱭᱟᱞ ᱮᱥᱤᱰᱮᱸᱴ ᱟᱨ ᱜᱨᱟᱣᱱᱰ ᱞᱟᱭᱤᱴᱤᱝ ᱥᱩᱵᱤᱫᱷᱟ ᱠᱚ ᱩᱛᱱᱟᱹᱣ ᱦᱩᱭᱩᱜᱼᱟ ᱾ ᱩᱰᱟᱹᱱ ᱯᱟᱴᱴᱤ ᱥᱩᱨ ᱨᱮ ᱵᱟᱹᱲᱛᱤ ᱡᱟᱭᱜᱟ ᱤᱫᱤ ᱛᱮ ᱞᱟᱹᱠᱛᱤᱭᱟᱱ ᱚᱠᱛᱚ ᱨᱮ ᱩᱰᱟᱹᱜ ᱜᱟᱹᱰᱤ ᱠᱚ ᱵᱮᱞᱤ ᱞᱟᱱᱰᱤᱝ ᱫᱟᱲᱮᱭᱟᱜᱼᱟ ᱾

ᱥᱤᱵᱷᱤᱞ ᱮᱵᱤᱭᱮᱴᱚᱱ ᱰᱤᱯᱟᱨᱴᱢᱮᱱᱴ ᱨᱤᱱ ᱥᱚᱨᱠᱟᱨᱤ ᱠᱚ ᱢᱮᱱ ᱠᱮᱫᱟ ᱡᱮ ᱯᱚᱱᱚᱛ ᱥᱚᱨᱠᱟᱨ ᱵᱤᱨᱥᱟ ᱢᱩᱱᱰᱟ ᱡᱮᱛᱞᱮᱫ ᱩᱰᱟᱹᱱ ᱰᱟᱹᱦᱤ ᱨᱮ ᱟᱡᱟᱜ ᱦᱮᱸᱜᱟᱨ ᱦᱚᱸ ᱵᱟᱹᱲᱛᱤ ᱩᱰᱟᱹᱜ ᱜᱟᱹᱰᱤ ᱟᱨ ᱦᱮᱞᱤᱠᱚᱯᱴᱚᱨ ᱠᱚ ᱨᱮᱱᱟᱜ ᱯᱟᱨᱠᱤᱝ ᱞᱟᱹᱜᱤᱫ ᱛᱮ ᱵᱟᱹᱲᱛᱤ ᱛᱮᱭᱟᱨ ᱮᱫᱟ ᱾

ᱢᱤᱫ ᱱᱟᱣᱟ ᱓᱕.᱔᱕ ᱢᱤᱴᱚᱨ ᱩᱥᱩᱞ ᱠᱚᱱᱴᱨᱚᱞ ᱴᱟᱣᱟᱨ ᱪᱟᱹᱞᱩ ᱟᱠᱟᱱᱟ ᱾[᱑᱙]

ᱫᱟᱹᱲ ᱦᱚᱨ

ᱥᱟᱯᱲᱟᱣ

ᱦᱚᱨ

ᱥᱟᱯᱲᱟᱣ
ᱩᱰᱟᱹᱱ ᱰᱟᱹᱦᱤ ᱨᱮᱱᱟᱜ ᱦᱚᱨ[᱒᱐]
ᱱᱚᱢᱵᱚᱨ Length Width Approach Lights/Instrument landing system
13/31 2,748 m (9,016 ft) 45 m (148 ft) CAT I / CAT I

ᱮᱭᱟᱨᱞᱟᱭᱤᱱᱥ ᱟᱨ ᱰᱮᱥᱴᱤᱱᱮᱥᱚᱱ ᱠᱚ

ᱥᱟᱯᱲᱟᱣ
AirlinesDestinations
AIX ᱠᱚᱱᱱᱮᱠᱴ ᱵᱮᱝᱜᱟᱞᱩᱨᱩ, ᱫᱤᱞᱞᱤ, ᱢᱩᱢᱵᱟᱭ
ᱟᱞᱤᱭᱟᱸᱥ ᱮᱭᱟᱨᱠᱚᱞᱠᱟᱛᱟ[᱒᱑]
ᱤᱱᱰᱤᱜᱳ ᱚᱦᱢᱚᱫᱟᱵᱟᱫᱽ, ᱵᱮᱝᱜᱟᱞᱩᱨᱩ, ᱵᱷᱩᱵᱽᱱᱮᱥᱚᱨ, ᱪᱮᱱᱱᱟᱭ, ᱫᱤᱞᱞᱤ, ᱫᱮᱣᱜᱷᱚᱨ,[᱒᱒] ᱜᱳᱣᱟ–ᱢᱳᱯᱟ,[᱒᱒] ᱦᱟᱭᱫᱽᱨᱟᱵᱟᱫᱽ, ᱠᱚᱞᱠᱟᱛᱟ, ᱞᱚᱠᱷᱱᱚᱣ, ᱢᱟᱝᱜᱟᱞᱳᱨ,[᱒᱓] ᱢᱩᱢᱵᱟᱭ, ᱯᱟᱴᱱᱟ,[᱒᱔] ᱯᱩᱱᱮ
ᱵᱤᱥᱛᱟᱨᱟᱫᱤᱞᱞᱤ[᱒᱕]

ᱥᱟᱹᱠᱷᱭᱟᱹᱛ

ᱥᱟᱯᱲᱟᱣ
  1. ↑ "TRAFFIC STATISTICS - DOMESTIC & INTERNATIONAL PASSENGERS" (jsp). Aai.aero. Retrieved 31 December 2014.
  2. ↑ "Airline and Location Code Search". www.iata.org.
  3. ↑ "Ranchi Birsa Munda on ch-aviation". ch-aviation.
  4. ↑ "AAI Airport's". www.aai.aero.
  5. ↑ "Ranchi Airport Information" (in ᱟᱝᱜᱽᱨᱮᱡᱤ). Airports Authority of India. 24 February 2023. Archived from the original on 29 March 2023. Retrieved 17 April 2023.
  6. ↑ Ranjan, Mukesh (6 April 2017). "Ranchi Airport crosses 1 million mark of passengers". The Pioneer (in ᱟᱝᱜᱽᱨᱮᱡᱤ). Retrieved 2 February 2021.
  7. ↑ "New terminal at Ranchi airport to be inaugurated on Sunday". The Times of India. 19 March 2013. Retrieved 9 August 2022.
  8. ↑ "New terminal at Ranchi airport to be inaugurated on Sunday". The Times of India. 19 March 2013. Archived from the original on 18 September 2020. Retrieved 7 May 2021.
  9. ↑ Mishra, Alok K N (31 March 2013). "Ranchi's double treat for flyers, airlines". The Times of India. Archived from the original on 3 April 2013. Retrieved 3 April 2013.
  10. ↑ Mishra, Alok K N (1 April 2013). "Ranchi airport to get 3 more parking bays". The Times of India. Archived from the original on 19 April 2013. Retrieved 3 April 2013.
  11. ↑ Bisoee, Animesh (29 August 2019). "Birsa airport ready for more planes". The Telegraph. Retrieved 9 August 2022.
  12. ↑ ᱑᱒.᱐ ᱑᱒.᱑ "Infra-boost to cater for increasing passenger flow to airport". The Pioneer (in ᱟᱝᱜᱽᱨᱮᱡᱤ). 18 May 2018. Retrieved 9 August 2022.
  13. ↑ "News for Airlines, Airports and the Aviation Industry | CAPA". Centreforaviation.com. 11 December 2017. Retrieved 16 June 2018.
  14. ↑ Chaudhury, Sumedha (2 November 2016). "Decks cleared for Birsa Munda airport expansion". The Times of India. Retrieved 9 August 2022.
  15. ↑ Mukesh, A.S.R.P. (17 January 2018). "Runway extension on radar". The Telegraph. Retrieved 9 August 2022.
  16. ↑ "Cargo terminal for Ranchi airport ahead of business meet | Ranchi News". Times of India. 9 February 2017. Retrieved 4 November 2018.
  17. ↑ "अब तक नहीं बदली कार्गो टर्मिलन की तस्वीर". Dainik Jagran (in ᱦᱤᱱᱫᱤ). 3 February 2018. Retrieved 16 January 2021.
  18. ↑ Infra, Khabar (29 June 2022). "After 'land' boost, Ranchi's Birsa Munda airport set to vie for int'l tag". Khabar Infra (in ᱵᱨᱤᱴᱤᱥ ᱟᱝᱜᱽᱨᱮᱡᱤ). Retrieved 25 April 2023.
  19. ↑ Jha, Mithilesh (7 June 2023). "birsa munda airport ranchi new control tower summer schedule". Prabhat Khabar (in ᱦᱤᱱᱫᱤ). Retrieved 18 June 2024.
  20. ↑ "Birsa Munda Airport of Ranchi gets Instrument Landing System". ANI News (in ᱟᱝᱜᱽᱨᱮᱡᱤ). Retrieved 26 April 2023.
  21. ↑ "Alliance Air to operate flights on Kolkata-Ranchi-Bhubaneswar route from August 11".
  22. ↑ ᱒᱒.᱐ ᱒᱒.᱑ "Indigo 1H23 Domestic Routes Addition Summary – 05Mar23". Aeroroutes. Retrieved 7 March 2023.
  23. ↑ "Ranchi to get direct flights to Lucknow, Bhubaneshwar". Archived from the original on 3 August 2021. Retrieved 3 August 2021.
  24. ↑ "Airport Movement Report" (PDF). Dgca.nic.in. 28 October 2018. Archived from the original (PDF) on 23 November 2018. Retrieved 23 January 2019.
  25. ↑ "Airport Movement Report" (PDF). Dgca.nic.in. 28 October 2018. Archived from the original (PDF) on 4 January 2019. Retrieved 23 January 2019.

ᱵᱟᱨᱦᱮ ᱡᱚᱱᱚᱲ

ᱥᱟᱯᱲᱟᱣ
"https://sat.wikipedia.org/w/index.php?title=ᱵᱤᱨᱥᱟ_ᱢᱩᱱᱰᱟ_ᱡᱮᱡᱟᱹᱛᱤᱭᱟᱹᱨᱤ_ᱩᱰᱟᱹᱱ_ᱰᱟᱹᱦᱤ&oldid=154588" ᱠᱷᱚᱱ ᱧᱟᱢ ᱟᱹᱜᱩᱭ