ᱵᱤᱨᱵᱟᱦᱟ ᱦᱟᱸᱥᱫᱟᱜ
ᱱᱚᱣᱟ ᱫᱚ ᱢᱟᱱᱢᱤ ᱟᱜ ᱡᱤᱣᱚᱱ ᱥᱟᱠᱟᱢ ᱟᱭᱢᱟ ᱥᱟ.ᱠᱷᱭᱟ.ᱛ ᱥᱤᱴᱮᱥᱟᱱ ᱞᱟ.ᱠᱛᱤ-ᱟ,ᱵᱤᱰᱟ.ᱣ ᱞᱟ.ᱜᱤᱫ. (Learn how and when to remove this template message) |
ᱵᱤᱨᱵᱟᱦᱟ ᱦᱟᱸᱥᱫᱟᱜ ᱫᱚ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱤᱱᱤᱡ ᱵᱤᱨ ᱫᱚᱯᱛᱚᱨ ᱨᱤᱱᱤᱡ ᱯᱨᱚᱛᱤ ᱢᱚᱱᱛᱨᱤ ᱠᱟᱱᱟᱭ[᱑] ᱟᱨ ᱡᱷᱟᱲᱜᱨᱟᱢ ᱵᱤᱫᱷᱟᱱᱥᱚᱵᱷᱟ ᱠᱮᱱᱫᱽᱨᱚ ᱨᱮᱱ ᱥᱚᱦᱮᱫ ᱠᱟᱱᱟᱭ ᱾ ᱟᱨᱦᱚᱸ ᱥᱤᱧᱚᱛ ᱨᱤᱱᱤᱡ ᱥᱟᱱᱛᱟᱲᱤ ᱥᱤᱱᱮᱢᱟ ᱨᱮᱱ ᱢᱤᱫᱴᱟᱹᱝ ᱞᱟᱹᱴᱩ ᱠᱷᱮᱞᱚᱸᱰᱟᱹᱱᱤ ᱠᱟᱱᱟᱭ ᱾ ᱩᱱᱤ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱡᱷᱟᱲᱜᱨᱟᱢ ᱨᱮᱭᱟᱜ ᱵᱤᱱᱯᱩᱨ ᱵᱚᱱᱚᱛ ᱨᱮ ᱟᱸᱠᱨᱳ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱵᱚᱸᱜᱟ ᱛᱟᱞᱟᱣ ᱠᱟᱱ ᱟᱡ ᱵᱟᱵᱟ ᱱᱚᱨᱮᱱ ᱦᱟᱸᱥᱫᱟᱜ ᱫᱚ ᱡᱷᱟᱨᱠᱷᱚᱸᱰ ᱯᱟᱨᱴᱤ (ᱱᱚᱨᱮᱱ) ᱨᱤᱱᱤᱡ ᱵᱩᱱᱤᱭᱟᱹᱫᱤᱭᱟᱹ ᱠᱟᱱᱟᱭ ᱾ ᱱᱚᱣᱟ ᱯᱟᱨᱴᱤ ᱠᱷᱚᱱ ᱟᱡ ᱵᱟᱵᱟ ᱟᱨ ᱟᱡ ᱜᱚᱜᱚ ᱪᱩᱱᱤᱵᱟᱞᱟ ᱦᱚᱸ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱨᱟᱹᱥᱤᱭᱟᱹ ᱠᱤᱱ ᱛᱟᱸᱦᱮᱸ ᱠᱟᱱᱟ ᱾ ᱵᱤᱨᱵᱟᱦᱟ ᱦᱟᱸᱥᱫᱟ ᱦᱚᱸ ᱢᱤᱫ ᱫᱷᱟᱣ ᱱᱤᱨᱵᱟᱪᱚᱱ ᱨᱮᱭ ᱛᱤᱸᱜᱩ ᱞᱮᱱᱟ ᱾ ᱩᱱᱤ ᱫᱚ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱱᱟᱜᱟᱢ ᱥᱟᱛᱟᱢ ᱨᱮ ᱚᱱᱟᱨᱥ ᱟᱨ ᱢᱟᱥᱴᱟᱨᱥ ᱮ ᱢᱩᱪᱟᱹᱫ ᱟᱠᱟᱫᱟ ᱾ ᱱᱤᱛ ᱫᱷᱟᱹᱵᱤᱡ ᱟᱡ ᱫᱚ ᱰᱟᱺᱜᱩᱣᱟᱹ ᱜᱮ ᱢᱮᱱᱟᱭᱟ ᱾ ᱱᱤᱛ ᱫᱷᱟᱹᱵᱤᱡ ᱑᱔ ᱜᱚᱴᱟᱝ ᱥᱤᱱᱮᱢᱟ ᱨᱮ ᱟᱡ ᱮ ᱠᱷᱮᱞᱚᱸᱰ ᱟᱠᱟᱫᱟ ᱾ ᱥᱟᱱᱛᱟᱲᱤ ᱥᱤᱱᱮᱢᱟ ᱵᱟᱫᱽ ᱠᱟᱛᱮ ᱦᱚᱸ ᱩᱱᱤ ᱵᱟᱝᱞᱟ ᱟᱨ ᱦᱤᱱᱫᱤ ᱥᱤᱱᱮᱢᱟ ᱨᱮ ᱦᱚᱸᱭ ᱠᱷᱮᱞᱚᱸᱰ ᱟᱠᱟᱫᱟ ᱾[᱒]
| ᱵᱤᱨᱵᱟᱦᱟ ᱦᱟᱸᱥᱫᱟᱜ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱘ ᱚᱠᱴᱚᱵᱚᱨ ᱑᱙᱘᱒ ᱵᱤᱱᱯᱩᱨ, ᱡᱷᱟᱲᱜᱨᱟᱢ, ᱥᱤᱧᱚᱛ |
| ᱱᱟᱹᱜᱟᱹᱨᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱠᱷᱮᱞᱚᱸᱰᱟᱹᱱᱤ ᱟᱨ ᱨᱟᱡᱽᱟᱹᱨᱤ |
| ᱠᱟᱹᱢᱤ ᱚᱠᱛᱚ | ᱒᱐᱐᱘-ᱱᱤᱛ ᱫᱷᱟᱹᱵᱤᱡ |
| ᱨᱟᱡᱽᱟᱹᱨᱤ ᱫᱚᱞ | ᱵᱷᱟᱨᱚᱛ ᱡᱟᱠᱟᱛ ᱛᱨᱤᱱᱚᱢᱩᱞ ᱠᱚᱝᱜᱽᱨᱮᱥ |
| ᱥᱤᱨᱯᱷᱟᱹ |
|
| Minister of State for Forest Affairs, Government of West Bengal | |
ᱵᱟᱭᱴᱷᱮᱨ ᱟᱠᱟᱱᱤᱡ | |
| Assumed office ᱑᱐ ᱢᱮ ᱒᱐᱒᱑ | |
| ᱢᱚᱱᱛᱨᱤ | Jyotipriya Mallick |
| ᱯᱚᱱᱚᱛᱤᱭᱟᱹ | ᱡᱟᱜᱽᱫᱤᱯ ᱫᱷᱟᱱᱠᱟᱨ |
| ᱥᱤᱨᱟᱹ ᱢᱚᱱᱛᱨᱤ | ᱢᱚᱢᱚᱛᱟ ᱵᱟᱱᱟᱨᱡᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱩᱡᱤᱛ ᱵᱳᱥ |
| ᱯᱚᱪᱷᱤᱢ ᱵᱟᱝᱞᱟ ᱵᱤᱫᱷᱟᱱᱥᱚᱵᱷᱟ ᱨᱮᱱ ᱨᱟᱹᱥᱤᱭᱟᱹ | |
ᱵᱟᱭᱴᱷᱮᱨ ᱟᱠᱟᱱᱤᱡ | |
| Assumed office ᱖ ᱢᱮᱭ ᱒᱐᱒᱑ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱩᱠᱩᱢᱟᱨ ᱦᱟᱸᱥᱫᱟᱜ |
| ᱵᱟᱪᱱᱟᱣ ᱮᱞᱮᱠᱟ | ᱡᱷᱟᱲᱜᱨᱟᱢ |
ᱮᱛᱦᱚᱵ ᱡᱤᱭᱚᱱ
ᱥᱟᱯᱲᱟᱣᱵᱤᱨᱵᱟᱦᱟ ᱦᱟᱸᱥᱫᱟ ᱟᱭᱟᱜ ᱯᱟᱹᱴᱷᱩᱣᱟᱹ ᱡᱤᱭᱚᱱ ᱨᱮ ᱵᱷᱟᱨᱚᱛᱱᱟᱴᱴᱚᱢᱮ ᱪᱮᱫ ᱞᱮᱫᱟ ᱾ ᱜᱷᱟᱴᱥᱤᱞᱟᱹ ᱠᱚᱞᱮᱡᱽ ᱠᱷᱚᱱ ᱟᱡ ᱫᱚ ᱟᱥᱲᱟ ᱨᱮᱱᱟᱜ ᱚᱞ ᱯᱟᱲᱦᱟᱣᱮ ᱪᱟᱵᱟ ᱞᱮᱫᱟ ᱾ ᱤᱱᱟᱹ ᱛᱟᱭᱚᱢ ᱠᱚᱞᱠᱟᱛᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱱᱟᱜᱟᱢ ᱥᱟᱛᱟᱢ ᱨᱮ ᱚᱱᱟᱨᱥ ᱟᱨ ᱢᱟᱥᱴᱟᱨᱥ ᱮ ᱢᱩᱪᱟᱹᱫ ᱟᱠᱟᱫᱟ ᱾ ᱟᱡ ᱜᱚᱜᱚ ᱪᱩᱱᱤᱵᱟᱞᱟ ᱦᱚᱸ ᱮᱱᱮᱡ ᱥᱮᱨᱮᱧ ᱪᱮᱛᱟᱱ ᱟᱹᱰᱤᱜᱮ ᱨᱟᱹᱥᱠᱟᱹ ᱨᱚᱢᱚᱡᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱵᱤᱨᱵᱟᱦᱟ ᱦᱚᱸ ᱮᱱᱮᱡ ᱥᱮᱨᱮᱧ ᱪᱮᱫ ᱛᱮ ᱡᱟᱦᱟᱸ ᱮᱴᱠᱮᱴᱚᱬᱮ ᱨᱮ ᱵᱟᱭ ᱯᱟᱲᱟᱣ ᱟᱠᱟᱱᱟ ᱾ ᱦᱩᱰᱤᱧ ᱵᱚᱭᱚᱥ ᱠᱷᱚᱱ ᱜᱮ ᱟᱡ ᱫᱚ ᱠᱷᱮᱞᱚᱸᱰ ᱪᱮᱪᱮᱫᱮ ᱫᱷᱩᱨᱟᱹᱣ ᱞᱮᱱᱟ ᱾ ᱟᱨ ᱱᱚᱝᱠᱟ ᱛᱮᱜᱮ ᱟᱡ ᱠᱷᱮᱞᱚᱸᱰᱟᱱᱤ ᱦᱚᱸᱭ ᱵᱮᱱᱟᱣ ᱮᱱᱟ ᱾
ᱨᱟᱡᱽᱟᱹᱨᱤ ᱡᱤᱭᱚᱱ
ᱥᱟᱯᱲᱟᱣ᱒᱐᱑᱑ ᱥᱮᱨᱢᱟ ᱨᱮ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱵᱤᱫᱷᱟᱱᱥᱚᱵᱷᱟ ᱱᱤᱨᱵᱟᱪᱚᱱ ᱞᱟᱦᱟᱨᱮ ᱛᱨᱤᱱᱚᱢᱩᱞ ᱠᱚᱝᱜᱽᱨᱮᱥ ᱠᱷᱚᱱ ᱴᱤᱠᱤᱴ ᱧᱟᱢ ᱠᱟᱛᱮ ᱡᱷᱟᱲᱜᱨᱟᱢ ᱵᱤᱫᱷᱟᱱᱥᱚᱵᱷᱟ ᱴᱚᱴᱷᱟ ᱠᱷᱚᱱ ᱱᱤᱨᱵᱟᱪᱚᱱ ᱨᱮᱭ ᱛᱤᱸᱜᱩ ᱞᱮᱱᱟ ᱟᱨ ᱡᱤᱛᱠᱟᱹᱨᱮ ᱦᱟᱹᱥᱤᱞ ᱟᱠᱟᱫᱟ ᱾ ᱚᱱᱟ ᱥᱟᱶ - ᱥᱟᱶ ᱯᱩᱭᱞᱩ ᱫᱷᱟᱣ ᱞᱮᱠᱟᱛᱮ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱵᱚᱱ ᱫᱚᱯᱛᱚᱨ ᱨᱮᱱᱟᱜ ᱯᱨᱚᱛᱤ ᱢᱚᱱᱛᱨᱤ ᱦᱤᱥᱟᱹᱵ ᱛᱮ ᱦᱚᱸ ᱢᱚᱢᱚᱛᱟ ᱵᱟᱱᱟᱨᱡᱤ ᱠᱷᱚᱱᱮ ᱟᱹᱭᱫᱟᱹᱨᱤᱭ ᱧᱟᱢ ᱠᱮᱫᱟ ᱾
ᱪᱟᱞᱟᱣᱮᱱ ᱵᱤᱫᱷᱟᱱᱥᱚᱵᱷᱟ ᱱᱤᱨᱵᱟᱪᱚᱱ ᱨᱮᱦᱚᱸ ᱵᱤᱨᱵᱟᱦᱟ ᱦᱟᱸᱥᱫᱟᱜ ᱟᱡ ᱵᱟᱵᱟ ᱟᱜ ᱯᱟᱨᱴᱤ (ᱡᱷᱟᱨᱠᱷᱚᱸᱰ ᱯᱟᱨᱴᱤ) ᱠᱷᱚᱱᱮ ᱛᱤᱸᱜᱩ ᱞᱮᱱᱟ ᱾ ᱟᱫᱚ ᱵᱟᱭ ᱡᱤᱛᱟᱹᱣ ᱞᱮᱱ ᱛᱟᱦᱮᱸᱱᱟ ᱾
ᱟᱡᱟᱜ ᱡᱤᱭᱚᱱ
ᱥᱟᱯᱲᱟᱣᱟᱭᱟᱜ ᱠᱟᱹᱢᱤ ᱡᱤᱭᱚᱱ ᱨᱮ ᱯᱩᱭᱞᱩ ᱫᱚ ᱥᱟᱱᱛᱟᱲᱤ ᱠᱷᱮᱞᱚᱸᱰᱤᱭᱟᱹ ᱯᱨᱮᱢ ᱢᱟᱹᱨᱰᱤ ᱥᱟᱶᱛᱮ ᱠᱷᱮᱞᱚᱸᱰᱮ ᱮᱛᱦᱚᱵ ᱞᱮᱫᱟ ᱾ ᱒᱐᱐᱘ ᱥᱮᱨᱢᱟ ᱨᱮ ᱟᱭᱟᱜ ᱯᱩᱭᱞᱩ ᱥᱤᱱᱮᱢᱟ ᱫᱚ ᱛᱚᱦᱮᱸ ᱠᱟᱱᱟ 'ᱟᱫᱚ ᱟᱞᱚᱢ ᱟᱸᱥᱚᱜᱼᱟ'᱾ ᱱᱚᱣᱟ ᱥᱤᱱᱮᱢᱟ ᱫᱟᱨᱟᱭᱛᱮ ᱟᱭᱟᱜ ᱧᱩᱛᱩᱢ ᱟᱹᱰᱤ ᱠᱟᱡᱟᱠ ᱯᱟᱥᱱᱟᱣ ᱮᱱᱟ ᱟᱨ ᱚᱱᱟ ᱠᱷᱟᱹᱛᱤᱨ ᱯᱩᱭᱞᱩ ᱫᱷᱟᱣ ᱨᱟᱹᱥᱠᱟᱹ ᱥᱤᱨᱯᱟᱹᱭ ᱧᱟᱢ ᱠᱮᱫᱟ ᱾ ᱤᱱᱟᱹ ᱛᱟᱭᱚᱢ 'ᱟᱪᱪᱷᱟ ᱴᱷᱤᱠ ᱜᱮᱭᱟ', 'ᱟᱸᱥ ᱛᱟᱦᱮᱸ ᱮᱱᱟ ᱟᱢᱨᱮ', 'ᱟᱢᱜᱮ ᱥᱟᱹᱨᱤ ᱫᱩᱞᱟᱹᱲᱤᱭᱟᱹ (᱒᱐᱑᱒)', 'ᱛᱚᱲᱮ ᱥᱩᱛᱟᱹᱢ (᱒᱐᱑᱓)', 'ᱡᱩᱯᱩᱨ ᱡᱩᱞᱤ', 'ᱟᱞᱚᱢ ᱨᱮᱜᱮᱹᱧᱟᱹ ᱥᱟᱠᱚᱢ ᱥᱸᱫᱩᱨ', 'ᱡᱟᱶᱟᱭ ᱚᱲᱟᱜ ᱵᱚᱸᱜᱟᱭ ᱪᱟᱯᱟᱞ ᱠᱤᱫᱤᱧ', 'ᱢᱚᱞᱚᱝ', 'ᱯᱷᱩᱞᱢᱳᱱᱤ' ᱞᱮᱠᱟᱱ ᱥᱤᱱᱮᱢᱟ ᱨᱮᱭ ᱠᱷᱮᱞᱚᱸᱰ ᱟᱠᱟᱫᱟ ᱾ ᱟᱨ 'ᱟᱢᱜᱮ ᱥᱟᱹᱨᱤ ᱫᱩᱞᱟᱹᱲᱤᱭᱟᱹ (᱒᱐᱑᱒)' ᱥᱤᱱᱮᱢᱟ ᱞᱟᱹᱜᱤᱫ ᱥᱮᱨᱟ ᱠᱷᱮᱞᱚᱸᱰᱟᱹᱱᱤ ᱨᱮᱱᱟᱜ ᱥᱤᱨᱯᱟᱹ ᱦᱚᱸᱭ ᱧᱟᱢ ᱞᱮᱫᱟ ᱾
ᱥᱤᱱᱮᱢᱟ ᱨᱮ ᱠᱷᱮᱞᱚᱸᱰ ᱵᱟᱫᱽ ᱠᱟᱛᱮ ᱦᱚᱸ ᱟᱡ ᱟᱭᱢᱟ ᱥᱮᱨᱮᱧ ᱨᱮᱱᱟᱜ ᱵᱷᱤᱰᱤᱭᱳ ᱨᱮᱭ ᱠᱟᱹᱢᱤ ᱟᱠᱟᱫᱟ ᱾ ᱚᱱᱟᱠᱚ ᱵᱷᱤᱛᱨᱤᱨᱮ 'ᱮ ᱱᱟ ᱢᱚᱥᱞᱟ ᱵᱟᱦᱟ', 'ᱮ ᱰᱚᱜᱚᱨ ᱱᱟ', 'ᱪᱟᱜ ᱪᱚᱝ ᱪᱟᱸᱫᱚ', 'ᱜᱚᱲᱟᱢ ᱥᱟᱹᱨᱤ ᱥᱟᱹᱨᱤ' ᱮᱢᱟᱱᱛᱮᱭᱟᱜ ᱢᱮᱱᱟᱜᱼᱟ ᱾[᱓]
ᱥᱤᱨᱯᱟᱹᱠᱚ
ᱥᱟᱯᱲᱟᱣ- ᱨᱟᱹᱥᱠᱟᱹ ᱥᱤᱨᱯᱟᱹ ᱾
- ᱒᱐᱐᱘ ᱥᱮᱨᱢᱟ ᱠᱷᱚᱱ ᱒᱐᱑᱒ ᱥᱮᱨᱢᱟ ᱫᱷᱟᱹᱵᱤᱡ ᱥᱟᱱᱛᱟᱲᱤ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱟᱹ ᱾
- ᱫᱤᱞᱞᱤ ᱡᱮᱜᱮᱛᱟᱹᱨᱤᱭᱟᱹ ᱯᱷᱤᱞᱢ ᱯᱚᱨᱚᱵᱽ ᱨᱮ ᱯᱷᱩᱞᱢᱳᱱᱤ ᱥᱤᱱᱮᱢᱟ ᱑᱒᱒ ᱟᱜ ᱴᱷᱟᱶᱮ ᱧᱟᱢ ᱞᱮᱫᱟ (᱒᱐᱑᱘) ᱾[᱔]
- ᱯᱟᱹᱪᱷᱤᱢ ᱵᱟᱝᱞᱟ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱢᱚᱢᱚᱛᱟ ᱵᱚᱱᱫᱚᱯᱟᱫᱽᱫᱷᱟᱭ ᱴᱷᱮᱱ ᱠᱷᱚᱱ ᱥᱚᱢᱵᱚᱨᱫᱷᱚᱱᱟ (᱒᱐᱑᱙)᱾
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "ᱥᱟᱱᱛᱟᱲᱤ ᱥᱤᱱᱮᱢᱟ ᱠᱷᱚᱱ ᱢᱚᱢᱚᱛᱟ ᱟᱜ ᱢᱚᱱᱛᱨᱤ ᱥᱚᱵᱷᱟ ᱨᱮ (ᱵᱟᱝᱞᱟ ᱛᱮ)". bengali.indianexpress.com. 10 May 2021.
- ↑ ᱯᱟᱨᱵᱳᱛᱤᱯᱩᱨ ᱨᱮ ᱥᱤᱧᱚᱛ ᱨᱮᱱ ᱠᱷᱮᱞᱚᱸᱰᱟᱹᱱᱤ[permanent dead link], ᱡᱚᱱᱚᱠᱚᱱᱴᱷᱚ, ᱒᱕-᱐᱓-᱒᱐᱑᱘
- ↑ [https://economictimes.indiatimes.com/news/politics-and-nation/santhali-actress-birbaha-hansda-to-fight-west-bengal-polls/articleshow/51654930.cms?from=mdrᱥᱟᱱᱛᱟᱲᱤ ᱥᱤᱱᱮᱢᱟ ᱨᱮᱱ ᱠᱷᱮᱞᱚᱸᱰᱟᱹᱱᱤ ᱵᱤᱨᱵᱟᱦᱟ ᱦᱟᱸᱥᱫᱟᱜ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱱᱤᱨᱵᱟᱪᱚᱱ ᱨᱮᱭ ᱛᱤᱸᱜᱩᱜᱼᱟ᱾
- ↑ "ᱵᱤᱨᱵᱟᱦᱟᱨ ᱥᱤᱱᱮᱢᱟ ᱫᱤᱞᱞᱤᱨ ᱥᱤᱱᱮᱢᱟ ᱯᱚᱨᱚᱵᱮ". Archived from the original on 2019-04-08. Retrieved 2019-02-20.