ᱟᱢᱵᱤᱠᱟᱯᱩᱨ, ᱪᱷᱚᱛᱛᱤᱥᱜᱚᱲ
ᱟᱢᱵᱤᱠᱟᱯᱩᱨ ᱫᱚ ᱥᱤᱧᱚᱛ ᱨᱮᱱᱟᱜ ᱪᱷᱚᱛᱛᱤᱥᱜᱚᱲ ᱯᱚᱱᱚᱛ ᱨᱮᱱᱟᱜ ᱥᱩᱨᱜᱩᱡᱟ ᱦᱚᱱᱚᱛ ᱨᱮᱱᱟᱜ ᱢᱤᱫ ᱥᱚᱦᱚᱨ ᱟᱨ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾ ᱱᱚᱣᱟ ᱫᱚ ᱥᱟᱢᱟᱝᱼᱛᱟᱞᱢᱟ ᱥᱤᱧᱚᱛ ᱨᱮ ᱯᱚᱱᱚᱛ ᱨᱮᱱᱟᱜ ᱟᱹᱰᱤ ᱢᱟᱨᱮ ᱥᱚᱦᱚᱨ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱟᱢᱵᱤᱠᱟᱯᱩᱨ ᱫᱚ ᱥᱩᱨᱜᱩᱡᱟ ᱠᱷᱚᱸᱰ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱦᱚᱸ ᱠᱟᱱᱟ ᱾
| ᱟᱢᱵᱤᱠᱟᱯᱩᱨ | |
|---|---|
| ᱥᱚᱦᱚᱨ | |
   | |
  ᱟᱢᱵᱤᱠᱟᱯᱩᱨ | |
| Coordinates: 23°07′N 83°12′E / 23.12°N 83.2°ECoordinates: 23°07′N 83°12′E / 23.12°N 83.2°E | |
| ᱫᱤᱥᱚᱢ |  ᱥᱤᱧᱚᱛ |
| ᱦᱚᱱᱚᱛ | ᱥᱩᱨᱜᱩᱡᱟ |
| ᱧᱩᱢ ᱟᱠᱟᱱᱟ | ᱢᱚᱦᱟᱢᱟᱭᱟ ᱢᱚᱱᱫᱤᱨ |
| ᱥᱚᱨᱠᱟᱨ | |
| • ᱪᱟᱪᱞᱟᱣ | ᱱᱟᱜᱟᱨ ᱱᱤᱜᱟᱢ ᱟᱢᱵᱤᱠᱟᱯᱩᱨ |
| • ᱢᱟᱭᱚᱨ | ᱟᱦᱟᱭ ᱴᱤᱨᱠᱤ (ᱥᱤᱧᱚᱛᱤᱭᱟᱹ ᱠᱚᱝᱜᱨᱮᱥ ᱯᱟᱨᱴᱤ) |
| ᱩᱥᱩᱞ | 623 ᱢᱤᱴᱚᱨ (2044 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑)[᱑] |
| • ᱥᱚᱦᱚᱨ | ᱑᱙᱕,᱕᱗᱕ |
| • ᱫᱷᱟᱹᱲ ᱮᱞ | ᱘ ᱟᱱᱟᱜ |
| • ᱢᱟᱦᱟᱱᱟᱜᱟᱨ[᱒] | ᱒᱒᱓᱑᱗᱓ |
| Demonym(s) | ᱟᱢᱵᱤᱠᱟᱯᱩᱨᱤ |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱦᱤᱱᱫᱤ, ᱪᱷᱚᱛᱤᱥᱜᱚᱲᱤ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱔᱙᱗᱐᱐᱑ |
| ᱮᱨᱤᱭᱟ ᱠᱳᱰ(ᱠᱚ) | ᱗᱗᱗᱔ |
| ᱜᱟᱹᱰᱤ ᱨᱤᱡᱤᱥᱴᱨᱤ | CG-15 |
| ᱣᱮᱵᱽᱥᱟᱭᱤᱴ | surguja |
ᱥᱤᱧᱚᱛᱤᱭᱟᱹ ᱯᱷᱩᱨᱜᱟᱹᱞ ᱢᱟᱲᱟᱝ ᱟᱢᱵᱤᱠᱟᱯᱩᱨ, ᱥᱩᱨᱜᱩᱡᱟ ᱫᱚ ᱥᱤᱭᱟᱥᱟᱛ ᱨᱮᱱᱟᱜ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾ ᱥᱚᱦᱚᱨ ᱨᱮᱱᱟᱜ ᱧᱩᱛᱩᱢ ᱫᱚ ᱦᱤᱱᱫᱩ ᱫᱮᱵᱤ ᱟᱢᱵᱤᱠᱟ (ᱢᱚᱦᱟᱢᱟᱭᱟ) ᱫᱮᱵᱤ ᱠᱷᱚᱱ ᱦᱟᱛᱟᱣ ᱟᱠᱟᱱᱟ, ᱱᱚᱣᱟ ᱴᱚᱴᱷᱟ ᱨᱮᱫᱚ ᱵᱚᱸᱜᱟ ᱨᱮᱱᱟᱜ ᱛᱟᱞᱢᱟ ᱵᱮᱱᱟᱣ ᱢᱮᱱᱟᱜᱼᱟ ᱾[᱓] ᱟᱢᱵᱤᱠᱟᱯᱩᱨ ᱫᱚ ᱪᱷᱚᱛᱛᱤᱥᱜᱚᱲ ᱨᱮᱱᱟᱜ ᱘ ᱟᱱᱟᱜ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾
ᱚᱛᱱᱚᱜ
ᱥᱟᱯᱲᱟᱣᱟᱢᱵᱤᱠᱟᱯᱩᱨ 23°12′N 83°2′E / 23.200°N 83.033°E ᱨᱮ ᱢᱮᱱᱟᱜᱼᱟ ᱾[᱔] ᱱᱚᱣᱟ ᱨᱮᱱᱟᱜ ᱩᱥᱩᱞ ᱫᱚ ᱖᱒᱓ ᱢᱤᱴᱚᱨ (᱒᱐᱗᱘ ᱯᱷᱤᱴ) ᱢᱮᱱᱟᱜᱼᱟ ᱾ ᱱᱚᱣᱟ ᱦᱚᱱᱚᱛ ᱫᱚ ᱒᱒,᱒᱓᱗ ᱫᱚᱦᱲᱟ ᱠᱤᱞᱚᱢᱤᱴᱚᱨ ᱴᱚᱴᱷᱟ ᱨᱮ ᱟᱴᱮᱫ ᱟᱠᱟᱱᱟ ᱾ ᱦᱚᱱᱚᱛ ᱨᱮᱱᱟᱜ ᱟᱹᱰᱤ ᱜᱟᱱ ᱮᱞᱟᱠᱟ ᱨᱮ ᱫᱚ ᱵᱤᱨ ᱵᱩᱨᱩ ᱢᱮᱱᱟᱜᱼᱟ ᱾
ᱧᱮᱞ ᱡᱚᱝ ᱴᱷᱟᱶ
ᱥᱟᱯᱲᱟᱣᱢᱩᱬ ᱧᱮᱞᱡᱚᱝ ᱴᱷᱟᱶ ᱞᱩᱵᱷᱟᱹᱣ ᱨᱮ ᱥᱮᱞᱮᱫ ᱢᱮᱱᱟᱜᱼᱟ :
- ᱫᱟᱜ ᱵᱟᱜᱟᱱ (ᱯᱩᱥᱚᱯ ᱵᱷᱟᱴᱤᱠᱟ)
- ᱢᱚᱦᱟᱢᱟᱭᱟ ᱢᱚᱱᱫᱤᱨ
- ᱦᱟᱹᱠᱩ ᱴᱩᱰᱟᱹᱝ,
- ᱪᱷᱮᱸᱫᱽᱨᱚ ᱡᱷᱟᱨᱱᱟ (ᱯᱤᱠᱱᱤᱠ ᱤᱥᱯᱳᱴ)
- ᱥᱤᱛᱟᱹᱵᱮᱱᱜᱟᱨᱟ,
- ᱥᱮᱢᱚᱨᱥᱚᱛ ᱟᱨ ᱛᱟᱢᱚᱨ ᱯᱤᱸᱜᱽᱞᱟ ᱵᱤᱨᱡᱤᱭᱟᱹᱞᱤ ᱨᱟᱠᱷᱟ ᱵᱤᱨ
- ᱢᱟ ᱵᱷᱟᱱᱮᱥᱚᱣᱟᱨᱤ ᱫᱮᱵᱤ ᱢᱚᱱᱫᱤᱨ,
- ᱫᱩᱨᱜᱟᱹ ᱢᱚᱱᱫᱤᱨ
ᱦᱚᱲ ᱮᱞ
ᱥᱟᱯᱲᱟᱣ᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱟᱢᱵᱤᱠᱟᱯᱩᱨ ᱱᱟᱜᱟᱨ ᱱᱤᱜᱟᱢ ᱨᱤᱱ ᱦᱚᱲ ᱮᱞ ᱫᱚ ᱑᱑᱔,᱕᱗᱕[᱑] ᱟᱨ ᱥᱚᱦᱨᱤ ᱜᱩᱴ ᱦᱚᱲ ᱮᱞ ᱑᱔᱓,᱑᱗᱓ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾[᱒] ᱱᱟᱜᱟᱨᱯᱟᱞᱤᱠᱟ ᱨᱮ ᱑᱐᱐᱐ ᱠᱚᱲᱟ ᱨᱮ ᱙᱒᱐ ᱛᱤᱨᱞᱟᱹ ᱭᱟᱜ ᱡᱟᱱᱟᱝ ᱛᱟᱦᱮᱸ ᱠᱟᱱᱟ ᱟᱨ ᱑᱑.᱓% ᱦᱚᱲ ᱮᱞ ᱫᱚ ᱛᱩᱨᱩᱭ ᱵᱚᱪᱷᱚᱨ ᱠᱷᱚᱱ ᱠᱚᱢ ᱠᱚ ᱢᱮᱱᱟᱜ ᱠᱚᱣᱟ ᱾[᱑] ᱥᱮᱪᱮᱫ ᱫᱚᱨ ᱫᱚ ᱘᱘.᱒᱐% ᱛᱟᱦᱮᱸ ᱠᱟᱱᱟ; ᱠᱚᱲᱟ ᱟᱜ ᱥᱮᱪᱮᱫ ᱫᱚᱨ ᱫᱚ ᱙᱒.᱗᱓% ᱟᱨ ᱛᱤᱨᱞᱟᱹ ᱭᱟᱜ ᱫᱚ ᱥᱮᱪᱮᱫ ᱫᱚᱨ ᱘᱓.᱒᱙% ᱛᱟᱦᱮᱸ ᱠᱟᱱᱟ ᱾[᱑]
ᱟᱢᱵᱤᱠᱟᱯᱩᱨ ᱵᱟᱡᱟᱨ ᱨᱮ ᱯᱩᱨᱟᱹ ᱥᱤᱧᱚᱛ ᱨᱤᱱ ᱦᱚᱲ ᱤᱫᱤ ᱛᱮ ᱵᱟᱥᱟ ᱦᱩᱭ ᱟᱠᱟᱱᱟ ᱾ ᱥᱚᱢᱟᱱ ᱫᱟᱜ ᱱᱚᱣᱟ ᱵᱮᱵᱚᱥᱛᱟ ᱞᱟᱹᱜᱤᱫ ᱛᱮ ᱢᱤᱫ ᱞᱩᱵᱷᱟᱹᱣ ᱛᱷᱟᱱ ᱵᱮᱱᱟᱣᱟ ᱾ ᱨᱟᱡᱽᱜᱟᱲ ᱥᱟᱢᱟᱝ, ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱨᱮ ᱯᱟᱱᱰᱚᱥ ᱟᱨ ᱠᱚᱨᱣᱟ ᱥᱟᱶᱛᱮ ᱟᱹᱫᱤᱵᱟᱹᱥᱤ ᱦᱚᱲ ᱮᱞ ᱥᱮᱞᱮᱫ ᱢᱮᱱᱟᱜ ᱠᱚᱣᱟ, ᱟᱨ ᱩᱱᱠᱩ ᱫᱚ ᱱᱤᱛᱚᱜ ᱦᱚᱸ ᱫᱮᱦᱟᱛ ᱮᱞᱟᱠᱟ ᱨᱮ ᱛᱟᱦᱮᱸ ᱱᱟᱠᱚ ᱾
ᱟᱢᱵᱤᱠᱟᱯᱩᱨ ᱫᱚ ᱛᱤᱵᱵᱟᱛᱤ ᱯᱚᱨᱫᱮᱥᱤ ᱟᱜ ᱢᱤᱫ ᱥᱟᱸᱜᱮ ᱮᱞ ᱚᱲᱟᱜ ᱢᱮᱱᱟᱜᱼᱟ, ᱚᱠᱚᱭ ᱫᱚ ᱑᱙᱕᱙ ᱥᱟᱞ ᱨᱮ ᱛᱤᱵᱵᱟᱛ ᱨᱤᱱ ᱪᱤᱱᱤ ᱵᱤᱱᱟᱥ ᱛᱟᱭᱚᱢ ᱥᱤᱧᱚᱛ ᱨᱮ ᱫᱩᱜ ᱚᱲᱟᱜ ᱤᱫᱤ ᱞᱮᱫ ᱛᱟᱦᱮᱸᱫ ᱾
ᱦᱚᱨ ᱰᱟᱦᱟᱨ
ᱥᱟᱯᱲᱟᱣ
ᱨᱮᱞ
ᱥᱟᱯᱲᱟᱣᱟᱢᱵᱤᱠᱟᱯᱩᱨ ᱫᱚ, ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱢᱤᱫ ᱞᱟᱹᱲᱦᱟᱹᱭ ᱜᱟᱨ ᱥᱚᱦᱚᱨ, ᱟᱱᱩᱯᱯᱩᱨ ᱨᱮᱞᱣᱮ ᱡᱚᱝᱥᱚᱱ ᱠᱷᱚᱱ ᱡᱚᱲᱟᱣ ᱟᱠᱟᱱᱟ, ᱢᱤᱫ ᱵᱨᱳᱰ ᱜᱮᱡᱽ ᱨᱮᱞᱣᱮ ᱤᱫᱤ ᱛᱮ ᱾ ᱴᱨᱮᱱ ᱫᱚ ᱠᱚᱴᱱᱤ, ᱥᱟᱛᱱᱟ, ᱡᱟᱵᱟᱞᱯᱩᱨ, ᱫᱩᱨᱜᱽ, ᱵᱷᱚᱯᱟᱞ ᱟᱨ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱨᱟᱭᱯᱩᱨ ᱠᱷᱚᱱ ᱟᱢᱵᱤᱠᱟᱯᱩᱨ ᱥᱮᱴᱮᱨᱚᱜᱼᱟ ᱾ ᱱᱟᱶᱟ ᱫᱤᱞᱞᱤ ᱞᱮᱠᱟᱱ ᱰᱮᱦᱮᱨ ᱛᱷᱟᱱ ᱟᱱᱩᱯᱯᱩᱨ ᱨᱮᱞᱣᱮ ᱡᱚᱝᱥᱚᱱ ᱠᱷᱚᱱ ᱥᱮᱴᱮᱨ ᱫᱟᱲᱮᱭᱟᱜ ᱟᱠᱚ ᱾
ᱡᱟᱵᱟᱞᱯᱩᱨ ᱼ ᱟᱢᱵᱤᱠᱟᱯᱩᱨ ᱮᱠᱥᱯᱨᱮᱥ, ᱟᱢᱵᱤᱠᱟᱯᱩᱨ ᱼ ᱥᱚᱦᱰᱚᱞ, ᱟᱢᱵᱤᱠᱟᱯᱩᱨ ᱼᱥᱩᱨᱚᱡᱽᱯᱩᱨ ᱼ ᱟᱱᱩᱯᱯᱩᱨ ᱼ ᱵᱤᱞᱟᱥᱯᱩᱨ ᱼ ᱨᱟᱭᱯᱩᱨ ᱼ ᱫᱩᱨᱜᱽ ᱮᱠᱥᱯᱨᱮᱥ ᱟᱨ ᱵᱷᱚᱯᱟᱞ ᱼ ᱢᱩᱬ ᱥᱚᱦᱚᱨ ᱵᱷᱚᱯᱟᱞ, ᱜᱣᱟᱞᱤᱭᱚᱨ, ᱠᱟᱴᱱᱤ, ᱨᱟᱭᱯᱩᱨ ᱟᱨ ᱡᱟᱵᱟᱞᱯᱩᱨ ᱠᱷᱚᱱ ᱪᱤᱨᱢᱤᱨᱤ ᱯᱟᱨᱮᱱᱡᱚᱨ ᱪᱟᱞᱟᱜᱼᱟ ᱾
ᱥᱚᱲᱚᱠ
ᱥᱟᱯᱲᱟᱣᱟᱢᱵᱤᱠᱟᱯᱩᱨ ᱪᱷᱚᱛᱤᱥᱜᱚᱰ ᱨᱮᱱᱟᱜ ᱮᱢᱟᱱ ᱢᱩᱬ ᱥᱚᱦᱚᱨ ᱞᱮᱠᱟᱱᱟᱜ ᱨᱟᱭᱯᱩᱨ, ᱵᱤᱲᱟᱥᱯᱩᱨ, ᱫᱩᱨᱜᱽ, ᱵᱷᱤᱞᱟᱭ, ᱠᱚᱨᱵᱟ ᱟᱨ ᱨᱟᱭᱜᱚᱰ ᱠᱷᱚᱱ ᱥᱚᱲᱚᱠ ᱰᱟᱦᱟᱨ ᱱᱟᱯᱟᱭ ᱛᱮ ᱡᱚᱲᱟᱣ ᱟᱠᱟᱱᱟ ᱾ ᱵᱟᱨᱚᱬᱟᱥᱤ ᱞᱟᱹᱜᱤᱫ ᱛᱮ ᱫᱤᱱᱟᱹᱢ ᱦᱤᱞᱚᱜ ᱵᱟᱥ ᱥᱮᱵᱟ ᱦᱚᱸ ᱥᱮᱱᱚᱜᱼᱟ, ᱩᱛᱚᱨ ᱯᱨᱚᱫᱮᱥ ᱨᱮ ᱨᱮᱬᱩᱠᱩᱴ (᱑᱗᱐ ᱠᱤᱞᱚᱢᱤᱴᱚᱨ), ᱨᱟᱭᱯᱩᱨ (᱓᱔᱕ ᱠᱤᱞᱚᱢᱤᱴᱚᱨ) ᱟᱨ ᱡᱷᱟᱨᱠᱷᱚᱸᱰ ᱨᱮ ᱜᱟᱲᱣᱟ (᱑᱖᱐ ᱠᱤᱞᱚᱢᱤᱴᱚᱨ) ᱾ ᱟᱱᱩᱯᱯᱩᱨ ᱠᱷᱚᱱ ᱟᱢᱵᱤᱠᱟᱯᱩᱨ ᱞᱟᱹᱜᱤᱫ ᱛᱮ ᱵᱟᱥ ᱥᱮᱵᱟ ᱢᱚᱱᱮᱱᱫᱽᱨᱚᱜᱚᱲ ᱟᱨ ᱥᱩᱨᱚᱡᱽᱯᱩᱨ ᱛᱟᱞᱟ ᱛᱮ ᱪᱟᱞᱟᱜᱼᱟ ᱾ ᱵᱤᱲᱟᱥᱯᱩᱨ ᱟᱨ ᱟᱱᱩᱯᱯᱩᱨ ᱠᱷᱚᱱ ᱵᱟᱫ ᱯᱟᱥᱮᱱᱡᱚᱨ ᱢᱚᱬᱮ ᱠᱷᱚᱱ ᱛᱩᱨᱩᱭ ᱴᱟᱲᱟᱝ ᱵᱷᱤᱛᱤᱨ ᱚᱠᱛᱚᱭ ᱦᱟᱛᱟᱣᱟ ᱾
ᱩᱰᱟᱹᱱ ᱰᱟᱦᱟᱨ
ᱥᱟᱯᱲᱟᱣᱟᱢᱵᱤᱠᱟᱯᱩᱨ ᱩᱰᱟᱹᱱ ᱰᱟᱹᱦᱤ ᱥᱚᱦᱚᱨ ᱠᱷᱚᱱ ᱑᱒ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱤᱢᱟᱨᱡᱮᱱᱥᱤ ᱟᱬᱜᱚ ᱟᱨ ᱨᱟᱠᱟᱵ ᱞᱟᱹᱜᱤᱫ ᱛᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚᱨᱤᱢᱟ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ ᱾ ᱥᱩᱨ ᱨᱮᱱᱟᱜ ᱠᱟᱹᱢᱤ ᱨᱮ ᱞᱟᱜᱟᱛᱚᱜ ᱞᱮᱠᱟᱱ ᱩᱰᱟᱹᱱ ᱰᱟᱹᱦᱤ ᱥᱣᱟᱢᱤ ᱩᱰᱟᱹᱱ ᱰᱟᱹᱦᱤ ᱢᱮᱱᱟᱜᱼᱟ, ᱱᱚᱣᱟ ᱪᱷᱚᱛᱤᱥᱜᱚᱰ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱟᱴᱟᱞ ᱱᱚᱜᱚᱨ (ᱢᱟᱲᱟᱝ ᱫᱚ ᱱᱟᱣᱟ ᱨᱟᱭᱯᱩᱨ) ᱨᱮ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ ᱑.᱐ ᱑.᱑ ᱑.᱒ ᱑.᱓ "Provisional Population Totals, Census of India 2011; Cities having population 1 lakh and above" (pdf). Office of the Registrar General & Census Commissioner, India. Retrieved 27 March 2012.
- ↑ ᱒.᱐ ᱒.᱑ "Provisional Population Totals, Census of India 2011; Urban Agglomerations/Cities having population 1 lakh and above" (pdf). Office of the Registrar General & Census Commissioner, India. Retrieved 27 March 2012.
- ↑ "Surguja". Archived from the original on 7 January 2013. Retrieved 28 January 2013.
- ↑ Falling Rain Genomics, Inc – Ambikapur