ᱠᱤᱨᱤᱵᱩᱨᱩ
ᱠᱤᱨᱤᱵᱩᱨᱩ ᱫᱚ ᱡᱷᱟᱨᱠᱷᱚᱸᱰ ᱨᱮᱱᱟᱜ ᱢᱤᱫᱴᱟᱹᱝ ᱞᱮᱠᱷᱟ ᱡᱚᱠᱷᱟ ᱥᱚᱦᱚᱨ ᱠᱟᱱᱟ ᱾[᱑] ᱱᱚᱣᱟ ᱥᱚᱦᱚᱨ ᱢᱩᱬ ᱞᱮᱠᱟᱛᱮ ᱢᱟᱨᱟᱝ ᱢᱮᱬᱦᱮᱫ ᱠᱷᱟᱫᱟᱱ KIOM (ᱠᱤᱨᱤᱵᱩᱨᱩ ᱵᱮᱨᱮᱞᱼᱢᱮᱬᱦᱮᱫ ᱠᱷᱟᱫᱟᱱ) ᱟᱨ MIOM (ᱢᱮᱜᱷᱟᱦᱟᱛᱩᱵᱩᱨᱩ ᱵᱮᱨᱮᱞᱼᱢᱮᱬᱦᱮᱫ ᱠᱷᱟᱫᱟᱱ) ᱵᱟᱱᱟᱨ ᱜᱮ ᱥᱤᱧᱚᱛᱤᱭᱟᱹ ᱢᱮᱬᱦᱮᱫ ᱚᱴᱚᱨᱤᱴᱤ ᱞᱤᱢᱤᱴᱮᱰ (SAIL) ᱤᱫᱤ ᱛᱮ ᱪᱟᱪᱞᱟᱣ ᱞᱟᱹᱜᱤᱫ ᱛᱮ ᱵᱟᱰᱟᱭᱚᱜᱼᱟ ᱾ ᱠᱚᱞᱚᱱᱤ ᱫᱚ ᱠᱷᱟᱫᱟᱱ ᱠᱷᱚᱱ ᱡᱚᱲᱟᱣ ᱟᱜ ᱰᱟᱦᱟᱨ ᱳᱰᱤᱥᱟ ᱟᱨ ᱡᱷᱟᱨᱠᱷᱚᱸᱰ ᱥᱤᱢᱟᱹ ᱠᱷᱚᱱ ᱵᱷᱮᱡᱟᱨ ᱟᱠᱟᱱᱟ ᱾ ᱱᱚᱣᱟ ᱥᱟᱨᱚᱱᱰᱟ ᱵᱤᱨ ᱨᱮᱱᱟᱜ ᱚᱨᱤᱜᱤᱱᱟᱞ ᱨᱮ ᱢᱮᱱᱟᱜᱼᱟ ᱢᱤᱫᱴᱟᱹᱝ ᱯᱷᱮᱡᱚᱥ ᱦᱤᱞ ᱥᱴᱮᱥᱚᱱ ᱦᱚᱸ ᱢᱮᱱᱟᱜᱼᱟ ᱾ ᱥᱟᱨᱚᱱᱰᱟ ᱵᱤᱨ ᱮᱭᱟᱭ ᱥᱟᱭ ᱵᱩᱨᱩ ᱨᱮᱱᱟᱜ ᱚᱛᱮᱛ ᱠᱟᱱᱟ ᱾ ᱵᱤᱨ ᱥᱟᱨᱚᱱᱰᱟ ᱨᱮᱱᱟᱜ ᱧᱩᱛᱩᱢ ᱱᱚᱣᱟ ᱵᱤᱨ ᱨᱮ ᱢᱮᱱᱟᱜ ᱠᱚ ᱦᱟᱹᱛᱤ ᱭᱟᱜ ᱟᱹᱰᱤ ᱢᱟᱨᱟᱝ ᱮᱞ ᱨᱮᱱᱟᱜ ᱤᱫᱤ ᱛᱮ (ᱥᱟᱨᱚᱱᱰᱟ ᱨᱮᱱᱟᱜ ᱟᱹᱲᱟ ᱠᱟᱱᱟ ᱦᱟᱹᱛᱤ) ᱾ ᱵᱩᱨᱩ ᱨᱮ ᱟᱹᱰᱤ ᱜᱟᱱ ᱱᱟᱯᱟᱭ ᱡᱷᱟᱨᱱᱟ ᱟᱨ ᱵᱩᱨᱩ ᱧᱮᱞ ᱨᱮᱱᱟᱜ ᱢᱮᱱᱟᱜᱼᱟ ᱾
| ᱠᱤᱨᱤᱵᱩᱨᱩ | |
|---|---|
| ᱜᱩᱴ/ᱵᱩᱨᱩ ᱴᱚᱴᱷᱟ | |
  ᱠᱤᱨᱤᱵᱩᱨᱩ  ᱠᱤᱨᱤᱵᱩᱨᱩ | |
| Coordinates: 22°06′30″N 85°17′42″E / 22.1083°N 85.2951°ECoordinates: 22°06′30″N 85°17′42″E / 22.1083°N 85.2951°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱡᱷᱟᱨᱠᱷᱚᱸᱰ |
| ᱦᱚᱱᱚᱛ | ᱯᱟᱪᱮ ᱥᱤᱝᱵᱷᱩᱢ |
| ᱩᱥᱩᱞ | 1310.64 ᱢᱤᱴᱚᱨ (4300�00 ᱯᱷᱩᱴ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱐᱑) |
| • ᱞᱮᱠᱷᱟᱜᱩᱴ | ᱙,᱕᱔᱔ |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱳᱰᱤᱭᱟ, ᱦᱚ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱗᱕᱘᱐᱓᱕ |
| ᱴᱮᱞᱤᱯᱷᱚᱱ ᱠᱚᱰ | ᱐᱖᱗᱖᱗ |
| ᱜᱟᱹᱰᱤ ᱨᱤᱡᱤᱥᱴᱨᱤ | OD-09 |
ᱧᱮᱞ
ᱥᱟᱯᱲᱟᱣᱠᱤᱨᱤᱵᱩᱨᱩ ᱟᱨ ᱢᱮᱜᱷᱟᱦᱟᱛᱩᱵᱩᱨᱩ ᱥᱚᱦᱚᱨ ᱮᱢᱟᱱ ᱞᱚᱠᱟᱞ ᱵᱮᱵᱚᱥᱛᱟ ᱠᱚᱫᱚ ᱥᱟᱡᱷᱟᱣ ᱞᱟᱹᱜᱤᱫ ᱛᱮ ᱮᱢ ᱟᱠᱟᱱᱟ, ᱱᱚᱣᱟ ᱠᱤᱨᱤᱵᱩᱨᱩ ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱯᱟᱪᱮ ᱥᱤᱝᱵᱷᱩᱢ ᱦᱚᱱᱚᱛ ᱨᱮ ᱢᱮᱱᱟᱜᱼᱟ, ᱟᱹᱰᱤ ᱜᱟᱱ ᱦᱚᱲ ᱠᱚ ᱢᱮᱱᱟ (Claim) ᱱᱚᱣᱟ ᱳᱰᱤᱥᱟ ᱨᱮᱱᱟᱜ ᱠᱮᱱᱫᱩᱡᱷᱚᱨ ᱦᱚᱱᱚᱛ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱢᱮᱜᱷᱟᱦᱟᱛᱩᱵᱩᱨᱩ ᱫᱚ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱯᱟᱪᱮ ᱥᱤᱝᱵᱷᱩᱢ ᱦᱚᱱᱚᱛ ᱨᱮ ᱢᱮᱱᱟᱜᱼᱟ ᱾ ᱠᱤᱨᱤᱵᱩᱨᱩ ᱟᱨ ᱢᱮᱜᱷᱟᱦᱟᱛᱩᱵᱩᱨᱩ ᱨᱮᱱᱟᱜ ᱟᱹᱢᱟᱹᱞᱮᱛ ᱯᱤᱱ ᱠᱚᱰ ᱫᱚ ᱺ ᱘᱓᱓᱒᱒᱒ ᱟᱨ ᱘᱓᱓᱒᱒᱓ ᱠᱟᱱᱟ ᱾ ᱰᱮᱦᱮᱨ ᱛᱮᱫ ᱦᱚᱲ ᱥᱮᱞ ᱢᱮᱬᱦᱮᱫ ᱟᱨ ᱠᱷᱟᱫᱟᱱ ᱨᱮᱠᱚ ᱠᱟᱹᱢᱤᱭᱟ ᱾
ᱦᱚᱲ ᱮᱞ
ᱥᱟᱯᱲᱟᱣ᱒᱐᱐᱑ ᱨᱮᱱᱟᱜ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,[᱒] ᱠᱤᱨᱤᱵᱩᱨᱩ ᱨᱤᱱ ᱦᱚᱲ ᱮᱞ ᱙,᱕᱔᱕ ᱜᱟᱱ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱠᱚᱲᱟ ᱟᱜ ᱦᱚᱲ ᱮᱞ ᱕᱒% ᱟᱨ ᱛᱤᱨᱞᱟᱹ ᱟᱜ ᱫᱚ ᱔᱘% ᱢᱮᱱᱟᱜᱼᱟ ᱾ ᱠᱤᱨᱤᱵᱩᱨᱩ ᱨᱮᱱᱟᱜ ᱥᱮᱪᱮᱫ ᱫᱚᱨ ᱖᱗% ᱢᱮᱱᱟᱜᱼᱟ, ᱱᱚᱣᱟ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱫᱚᱨ ᱕᱙.᱕ ᱠᱷᱚᱱ ᱫᱚ ᱰᱮᱦᱮᱨ ᱜᱮᱭᱟᱺ ᱠᱚᱲᱟ ᱟᱜ ᱥᱮᱪᱮᱫ ᱗᱖% ᱢᱮᱱᱟᱜᱼᱟ, ᱟᱨ ᱛᱤᱨᱞᱟᱹ ᱟᱜ ᱥᱮᱪᱮᱫ ᱕᱗% ᱢᱮᱱᱟᱜᱼᱟ ᱾ ᱠᱤᱨᱤᱵᱩᱨᱩ ᱨᱮ, ᱑᱔% ᱦᱚᱲ ᱮᱞ ᱖ ᱥᱟᱞ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ, ᱟᱫᱚ ᱥᱚᱨᱢᱟ ᱤᱫᱤ ᱛᱮ ᱞᱮᱭᱰ ᱰᱟᱣᱩᱱ ᱢᱮᱱᱟᱜᱼᱟ ᱾ ᱱᱚᱣᱟ ᱢᱟᱣᱚᱵᱟᱫᱤ ᱵᱮᱞᱴ ᱨᱮ ᱦᱚᱸ ᱢᱮᱱᱟᱜᱼᱟ ᱾
ᱠᱤᱨᱤᱵᱩᱨᱩ ᱟᱞᱜᱟ ᱛᱮ ᱥᱮᱴᱮᱨ ᱫᱟᱲᱮᱭᱟᱜ ᱟᱠᱚ ᱟᱨ ᱵᱷᱤᱱᱟᱹ ᱵᱷᱤᱱᱟᱹ ᱞᱟᱹᱠᱛᱤᱭᱟᱱ ᱴᱷᱟᱶ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱠᱤᱨᱤᱵᱩᱨᱩ ᱠᱷᱚᱱ ᱡᱟᱢᱥᱮᱫᱽᱯᱩᱨ ᱟᱨ ᱨᱟᱺᱪᱤ ᱫᱷᱟᱹᱵᱤᱡ ᱟᱜ ᱥᱚᱲᱚᱠ ᱢᱮᱬᱦᱮᱫ ᱠᱚᱢᱯᱟᱹᱱᱤ ᱤᱫᱤ ᱛᱮ ᱟᱯᱜᱽᱨᱮᱰ ᱟᱠᱟᱱᱟ ᱾ ᱮᱴᱟᱜ ᱰᱟᱦᱟᱨ ᱳᱰᱤᱥᱟ (ᱵᱟᱨᱵᱤᱞ) ᱟᱨ ᱢᱟᱱᱚᱦᱟᱨᱯᱩᱨ ᱥᱴᱮᱥᱚᱱ ᱢᱮᱱᱟᱜᱼᱟ ᱾ ᱱᱚᱣᱟ ᱴᱟᱴᱟᱱᱚᱜᱚᱨ ᱠᱷᱚᱱ ᱥᱚᱲᱚᱠ ᱰᱟᱦᱟᱨ ᱟᱨᱵᱟᱝ ᱨᱮᱞ ᱦᱚᱛᱮᱛᱮ ᱥᱮᱴᱮᱨ ᱫᱟᱲᱮᱭᱟᱜᱼᱟ, ᱥᱩᱨ ᱨᱮᱱᱟᱜ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱒᱔ ᱠᱤᱞᱚᱢᱤᱴᱚᱨ ᱥᱟᱸᱜᱤᱧᱟ ᱢᱟᱨᱟᱝ ᱡᱟᱢᱫᱟ ᱾ ᱳᱰᱤᱥᱟ ᱨᱮᱱᱟᱜ ᱠᱮᱱᱫᱩᱡᱷᱚᱨ ᱦᱚᱱᱚᱛ ᱨᱮᱱᱟᱜ ᱵᱟᱨᱵᱤᱞ ᱨᱮᱱᱟᱜ ᱠᱷᱟᱫᱟᱱ ᱥᱚᱦᱚᱨ ᱥᱚᱲᱚᱠ ᱰᱟᱦᱟᱨ ᱠᱷᱚᱱ ᱢᱮᱜᱷᱟᱦᱟᱛᱩᱵᱩᱨᱩ ᱠᱷᱚᱱ ᱒᱘ ᱠᱤᱞᱚᱢᱤᱴᱚᱨ ᱥᱟᱸᱜᱤᱧ ᱨᱮ ᱢᱮᱱᱟᱜᱼᱟ ᱾ ᱥᱚᱡᱷᱮ ᱴᱨᱮᱱ ᱼ ᱡᱟᱱ ᱥᱟᱛᱟᱵᱽᱫᱤᱼᱦᱟᱵᱽᱲᱟ (ᱯᱚᱪᱷᱤᱢ ᱵᱟᱸᱜᱽᱞᱟ) ᱠᱷᱚᱱ ᱵᱟᱨᱵᱤᱞ ᱫᱷᱟᱹᱵᱤᱡ ᱵᱮᱵᱚᱥᱛᱟ ᱢᱮᱱᱟᱜᱼᱟ, ᱡᱟᱦᱟᱸ ᱠᱷᱚᱱ ᱟᱢ ᱠᱤᱨᱤᱵᱩᱨᱩ ᱟᱨᱵᱟᱝ ᱢᱮᱜᱷᱟᱦᱟᱛᱩᱵᱩᱨᱩ ᱨᱮ ᱞᱟᱹᱜᱤᱫ ᱴᱮᱠᱥᱤ / ᱥᱮᱞ ᱠᱚᱢᱯᱟᱹᱱᱤ ᱟᱜ ᱵᱟᱥ ᱥᱟᱵ ᱫᱟᱨᱮᱭᱟᱜ ᱟᱢ ᱾
ᱠᱤᱨᱤᱵᱩᱨᱩ ᱵᱤᱨ ᱟᱨ ᱵᱤᱨ ᱵᱩᱨᱩ ᱫᱟᱨᱮ ᱛᱮ ᱚᱛᱮᱛ ᱫᱚ ᱧᱮᱧᱮᱞ ᱞᱟᱹᱜᱤᱫ ᱢᱤᱫ ᱱᱟᱯᱟᱭ ᱴᱷᱟᱶ ᱠᱟᱱᱟ, ᱟᱨ ᱫᱟᱜ ᱥᱟᱠᱤᱞ ᱨᱮ ᱱᱟᱯᱟᱭ ᱦᱩᱭᱩᱜᱼᱟ ᱾ ᱱᱚᱣᱟ ᱥᱟᱠᱤᱞ ᱨᱮ ᱥᱤᱢᱞᱟ ᱟᱨ ᱪᱮᱨᱟᱯᱩᱸᱡᱤ ᱨᱮᱱᱟᱜ ᱛᱩᱞᱟᱹ ᱯᱟᱹᱭᱞᱟᱹ ᱠᱷᱟᱱᱮᱢ ᱢᱤᱫ ᱴᱷᱟᱶ ᱠᱟᱱᱟ ᱾ ᱢᱤᱫ ᱵᱚᱪᱷᱚᱨ ᱨᱮ ᱠᱤᱨᱤᱵᱩᱨᱩ ᱨᱮ ᱒᱐᱐ ᱥᱮᱢᱤ ᱫᱟᱜ ᱜᱟ ᱾ ᱢᱮᱜᱷᱟᱦᱟᱛᱩᱵᱩᱨᱩ ᱨᱮ, ᱥᱚᱦᱚᱨ ᱨᱮᱱᱟᱜ ᱢᱤᱫ ᱠᱚᱸᱰ ᱨᱮ ᱢᱤᱫᱴᱟᱹᱝ ᱜᱮᱨᱴ ᱦᱟᱣᱩᱥ ᱢᱮᱱᱟᱜᱼᱟ, ᱚᱱᱰᱮ ᱠᱷᱚᱱ ᱟᱢ ᱗᱐᱐ ᱵᱩᱨᱩ ᱨᱮᱱᱟᱜ ᱢᱚᱡᱽ ᱮᱢ ᱧᱮᱞ ᱫᱟᱲᱮᱭᱟᱼᱟ, ᱟᱨ ᱛᱟᱨᱟᱥᱤᱧ ᱫᱚ ᱪᱟᱸᱫᱚ ᱦᱟᱥᱩᱨ ᱦᱩᱭᱩᱜᱼᱟ ᱱᱚᱣᱟ ᱨᱤᱫᱟᱹᱭ ᱫᱚ ᱛᱤ ᱞᱟᱜᱟᱣᱜᱼᱟ ᱧᱮᱧᱮᱞ ᱞᱟᱹᱜᱤᱫ ᱮ ᱮᱢᱚᱜᱼᱟ, ᱱᱚᱣᱟ ᱢᱮᱜᱷᱟᱦᱟᱛᱩᱵᱩᱨᱩ ᱨᱮᱱᱟᱜ ᱢᱤᱫ ᱢᱟᱨᱟᱝ ᱡᱟᱴᱟᱜᱚᱜᱼᱟ ᱾
ᱚᱱᱰᱮ ᱫᱚ ᱢᱤᱫᱴᱟᱹᱝ ᱦᱚᱸ ᱵᱤᱨᱫᱟᱹᱜᱟᱲ ᱵᱟᱱᱩᱜᱼᱟ, ᱱᱚᱣᱟ ᱢᱩᱬ ᱞᱮᱠᱟᱛᱮ ᱵᱟᱨᱭᱟ ᱟᱥᱲᱟ ᱢᱮᱱᱟᱜᱼᱟ, ᱠᱤᱨᱤᱵᱩᱨᱩ ᱨᱮ ᱯᱨᱚᱡᱮᱠᱴ ᱛᱟᱞᱢᱟ ᱟᱥᱲᱟ ᱟᱨ ᱢᱮᱜᱷᱟᱦᱟᱛᱩᱵᱩᱨᱩ ᱨᱮ ᱛᱟᱞᱢᱟ ᱟᱥᱲᱟ ᱢᱮᱱᱟᱜᱼᱟ ᱾ ᱵᱟᱱᱟᱨ C.B.S.E ᱵᱚᱨᱰ ᱢᱮᱱᱟᱜᱼᱟ ᱟᱨ ᱑᱒ ᱪᱟᱱᱚᱪ ᱫᱷᱟᱹᱵᱤᱡ ᱥᱟᱬᱮᱥ, ᱟᱨᱥᱴ ᱟᱨ ᱠᱚᱢᱟᱥ (ᱠᱮ.ᱣᱤ.) ᱞᱮᱠᱟᱱᱟᱜ ᱥᱟᱛᱟᱢ ᱨᱮᱱᱟᱜ ᱪᱮᱥᱴᱟ (ᱳᱯᱷᱟᱨ) ᱦᱩᱭᱩᱜᱼᱟ ᱾ ᱟᱹᱪᱮᱛ ᱟᱢᱛᱚᱨ ᱨᱮ ᱥᱴᱟᱰᱤ ᱞᱟᱹᱜᱤᱫ ᱛᱮ ᱟᱥᱲᱟ ᱟᱨ ᱦᱚᱲ ᱠᱚᱪᱤᱝ ᱨᱮ ᱵᱷᱚᱨᱥᱟ ᱢᱮᱱᱟᱜᱼᱟ ᱾ ᱵᱟᱱᱟᱨ ᱟᱥᱲᱟ ᱨᱮ ᱥᱚᱦᱚᱨ ᱨᱮᱱᱟᱜ ᱢᱟᱨᱟᱝ ᱠᱷᱮᱞᱚᱸᱰ ᱟᱜ ᱴᱟᱺᱰᱤ ᱢᱮᱱᱟᱜᱼᱟ ᱟᱨ ᱠᱨᱤᱠᱮᱴ, ᱯᱷᱩᱴᱵᱚᱞ, ᱦᱮᱸᱰᱵᱚᱞ ᱟᱨ ᱵᱷᱤᱱᱟᱹ ᱵᱷᱤᱱᱤ ᱞᱚᱠᱟᱞ ᱮᱱᱮᱡ ᱞᱮᱠᱟᱱᱟᱜ ᱮᱱᱮᱡᱟᱜ ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ odisha.gov.in[permanent dead link]
- ↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.