ᱠᱳᱨᱠᱩ ᱯᱟᱹᱨᱥᱤ
ᱠᱳᱨᱠᱩ (ᱠᱩᱨᱠᱩ ᱥᱮ ᱢᱩᱣᱟᱥᱤ ᱢᱮᱱᱛᱮ ᱦᱚᱸ ᱵᱟᱲᱟᱭᱚᱜᱼᱟ) ᱫᱚ ᱥᱤᱧᱚᱛ ᱨᱮᱭᱟᱜ ᱢᱚᱫᱷᱭᱚ ᱯᱨᱚᱫᱮᱥ ᱟᱨ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱨᱮᱠᱚ ᱨᱚᱲᱼᱮᱫ ᱠᱟᱱ ᱢᱤᱫ ᱚᱥᱴᱨᱳᱼᱮᱥᱤᱭᱟᱴᱤᱠ ᱯᱟᱹᱨᱥᱤ ᱠᱟᱱᱟ᱾ ᱱᱚᱣᱟ ᱫᱚ ᱰᱨᱟᱵᱷᱤᱰᱤᱭᱟᱱ ᱜᱳᱱᱰᱤ ᱦᱚᱲ ᱛᱟᱞᱟ ᱨᱮ ᱮᱠᱞᱟ ᱜᱮ ᱢᱮᱱᱟᱜᱼᱟ᱾ ᱟᱨ ᱱᱚᱣᱟ ᱯᱟᱹᱨᱥᱤ ᱥᱟᱶ ᱥᱩᱯᱩᱨᱼᱥᱟᱹᱜᱟᱹᱭᱟᱱ ᱯᱟᱹᱨᱥᱤ ᱠᱚᱫᱚ ᱥᱟᱢᱟᱝ ᱥᱤᱧᱚᱛ ᱨᱮ ᱢᱮᱱᱟᱜᱼᱟ᱾ ᱠᱳᱨᱠᱩ ᱫᱚ ᱯᱟᱪᱮ ᱩᱛᱟᱹᱨᱟᱱ ᱚᱥᱴᱨᱳᱼᱮᱥᱤᱭᱟᱴᱤᱠ ᱯᱟᱹᱨᱥᱤ ᱠᱟᱱᱟ᱾
| ᱠᱳᱨᱠᱩ | |
|---|---|
| कोरकू | |
| ᱮᱞᱟᱠᱟ | ᱛᱟᱞᱢᱟ ᱥᱤᱧᱚᱛ (ᱢᱚᱫᱷᱭᱚ ᱯᱨᱚᱫᱮᱥ, ᱢᱚᱦᱟᱨᱟᱥᱴᱨᱚ) |
| ᱡᱟᱹᱛ | ᱠᱳᱨᱠᱩ |
ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟ | ᱗᱒᱗,᱑᱓᱓, ᱠᱳᱨᱠᱩ ᱡᱟᱹᱛᱤ ᱨᱮᱱ ᱗᱓% (᱒᱐᱑᱑ ᱦᱚᱲᱞᱮᱠᱷᱟ)[᱑] |
ᱚᱞ ᱛᱚᱦᱚᱨ | ᱫᱮᱵᱽᱱᱟᱜᱽᱨᱤ(ᱵᱟᱞᱵᱳᱫᱷ ᱥᱴᱟᱭᱤᱞ)[᱒] |
| ᱯᱟᱹᱨᱥᱤ ᱠᱳᱰ | |
| ISO 639-3 | kfq |
| ᱜᱞᱳᱴᱳᱞᱳᱜᱽ | kork1243[᱓] |
ᱠᱳᱨᱠᱩ ᱫᱚ ᱟᱨᱦᱚᱸ ᱱᱤᱦᱟᱞᱤ ᱦᱚᱲ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ, ᱡᱟᱦᱟᱸᱭ ᱫᱚ ᱠᱳᱨᱠᱩ ᱟᱹᱛᱩ ᱨᱮᱜᱮ ᱠᱳᱨᱠᱩ ᱥᱟᱶ ᱠᱚ ᱛᱟᱦᱮᱸᱱᱟ᱾ ᱠᱳᱨᱠᱩ ᱫᱚ ᱗,᱐᱐,᱐᱐᱐ ᱜᱟᱱ ᱦᱚᱲ ᱠᱚ ᱨᱚᱲᱼᱮᱫ ᱠᱟᱱᱟ, ᱱᱚᱣᱟ ᱫᱚ ᱢᱩᱬᱩᱛ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱭᱟᱜ ᱯᱩᱱᱭᱟ ᱦᱚᱱᱚᱛ (ᱠᱷᱟᱸᱰᱣᱟ, ᱦᱟᱨᱫᱟ, ᱵᱮᱛᱩᱞ ᱟᱨ ᱦᱚᱸᱥᱟᱜᱟᱵᱟᱫᱽ) ᱟᱨ ᱠᱚᱸᱭᱮ ᱢᱚᱦᱟᱨᱟᱥᱴᱨᱚ ᱨᱮᱭᱟᱜ ᱯᱮᱭᱟ ᱦᱚᱱᱚᱛ (ᱟᱢᱨᱟᱣᱟᱛᱤ, ᱵᱩᱞᱫᱷᱟᱱᱟ ᱟᱨ ᱟᱠᱚᱞᱟ ᱨᱮᱠᱚ ᱨᱚᱲᱼᱮᱫ ᱠᱟᱱᱟ᱾
ᱠᱳᱨᱠᱩ ᱧᱩᱛᱩᱢ ᱫᱚ ᱠᱳᱨᱳᱼᱠᱩ (ᱼᱠᱩ ᱫᱚ ᱥᱟᱸᱜᱮ ᱜᱚᱴᱟᱱ), ᱠᱳᱨᱳ "ᱦᱚᱲ, ᱠᱳᱨᱠᱩ ᱥᱟᱶᱛᱟ ᱨᱮᱱ ᱦᱚᱲ" (ᱡᱟᱭᱮᱫ ᱒᱐᱐᱘)᱾[᱔]
ᱥᱟᱶᱛᱟᱠᱤᱭᱟᱹ ᱯᱟᱹᱱᱟᱹᱨᱥᱤ ᱥᱟᱬᱮᱥ
ᱥᱟᱯᱲᱟᱣ᱒᱐᱑᱑ ᱨᱮᱭᱟᱜ ᱥᱤᱧᱚᱛᱤᱭᱟᱹ ᱦᱚᱲᱞᱮᱠᱷᱟ ᱨᱮ ᱗,᱒᱗,᱑᱓᱓ ᱜᱟᱱ ᱦᱚᱲ ᱠᱳᱨᱠᱩ ᱯᱟᱹᱨᱥᱤ ᱠᱚ ᱨᱚᱲᱼᱮᱫ ᱠᱟᱱᱟ ᱢᱮᱱᱛᱮ ᱠᱚ ᱞᱮᱠᱷᱟ ᱟᱠᱟᱱᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱭᱟᱜ ᱥᱤᱰᱩᱞ ᱯᱟᱹᱨᱥᱤ ᱵᱟᱝ ᱠᱟᱱᱟ᱾[᱕] ᱛᱚᱵᱮ, ᱭᱩᱱᱮᱥᱠᱳ ᱠᱳᱨᱠᱩ ᱫᱚ ᱢᱤᱫ "ᱵᱷᱟᱨᱱᱟᱵᱮᱞ" ᱛᱷᱚᱠ ᱨᱮᱭ ᱦᱟᱹᱴᱤᱧ ᱟᱠᱟᱫᱟ, ᱮᱱᱛᱮᱨᱮᱦᱚᱸ ᱱᱚᱣᱟ ᱫᱚ ᱯᱟᱹᱨᱥᱤ ᱟᱫᱚᱜ ᱛᱷᱚᱠ ᱨᱮᱭᱟᱜ ᱥᱟᱱᱟᱢ ᱠᱷᱚᱱ ᱠᱚᱢ ᱪᱤᱱᱛᱟᱹ ᱨᱮᱭᱟᱜ ᱛᱟᱹᱞᱠᱟᱹ ᱨᱮ ᱢᱮᱱᱟᱜᱼᱟ᱾[᱖] ᱡᱟᱹᱥᱛᱤ ᱜᱟᱱ ᱡᱩᱣᱟᱹᱱ ᱦᱚᱲ ᱜᱮ ᱠᱳᱨᱠᱩ ᱥᱟᱶᱛᱮ ᱦᱤᱱᱫᱤ ᱦᱚᱠᱚ ᱵᱟᱲᱟᱭᱟ ᱟᱨ ᱟᱫᱚᱢ ᱠᱚᱫᱚ ᱦᱤᱱᱫᱤ ᱥᱟᱶᱛᱮ ᱴᱚᱴᱷᱟᱠᱤᱭᱟᱹ ᱰᱨᱟᱵᱷᱤᱰᱤᱭᱟᱱ ᱥᱟᱸᱜᱮ ᱯᱟᱹᱨᱥᱤ ᱠᱚ ᱨᱚᱲ ᱫᱟᱲᱮᱭᱟᱜᱼᱟ (ᱡᱟᱭᱮᱫ ᱒᱐᱐᱘:᱑᱕᱖)᱾ ᱱᱚᱣᱟ ᱨᱮᱭᱟᱜ ᱥᱤᱠᱷᱱᱟᱹᱛ ᱫᱚᱨ ᱫᱚ ᱟᱹᱰᱤ ᱠᱚᱢ ᱜᱮᱭᱟ᱾[᱗]
ᱱᱮᱼᱦᱟᱹᱞᱤ ᱨᱮᱭᱟᱜ ᱱᱟᱜᱟᱢ ᱨᱮ, ᱠᱳᱨᱠᱩ ᱯᱟᱹᱨᱥᱤ ᱵᱮᱵᱷᱟᱨ ᱨᱮ ᱢᱟᱨᱟᱝ ᱯᱟᱹᱨᱥᱤᱠᱚ ᱨᱮᱭᱟᱜ ᱚᱨᱥᱚᱝ ᱧᱩᱨ ᱟᱠᱟᱱᱟ, ᱡᱟᱹᱥᱛᱤ ᱠᱟᱭᱛᱮ ᱦᱤᱱᱫᱤ ᱯᱟᱹᱨᱥᱤ᱾
ᱪᱟᱸᱜᱟ ᱯᱟᱹᱨᱥᱤᱠᱚ
ᱥᱟᱯᱲᱟᱣᱡᱟᱭᱮᱫ (᱒᱐᱙᱘:᱒᱕᱖) ᱠᱳᱨᱠᱩ ᱫᱚ ᱵᱟᱨᱭᱟ ᱪᱟᱸᱜᱟ ᱯᱟᱹᱨᱥᱤ ᱨᱮᱭ ᱦᱟᱹᱴᱤᱧ ᱟᱠᱟᱫᱟ, ᱯᱟᱪᱮ ᱪᱟᱸᱜᱟ ᱯᱟᱹᱨᱥᱤ ᱟᱨ ᱥᱟᱢᱟᱝ ᱪᱟᱸᱜᱟ ᱯᱟᱹᱨᱥᱤ᱾ ᱯᱟᱪᱮᱭᱟᱭ ᱪᱟᱸᱜᱟ ᱢᱩᱸᱫᱽ ᱨᱮ ᱛᱷᱚᱨᱟ ᱜᱟᱱ ᱦᱩᱰᱤᱝ ᱪᱟᱸᱜᱟ ᱢᱮᱱᱟᱜᱼᱟ ᱡᱟᱦᱟᱸ ᱠᱚ ᱫᱚ ᱠᱳᱨᱠᱩ ᱦᱚᱠᱚ ᱢᱮᱛᱟᱜᱼᱟ᱾ ᱯᱟᱪᱮᱭᱟᱭ ᱪᱟᱸᱜᱟ ᱢᱩᱸᱫᱽ ᱨᱮ, ᱞᱚᱦᱤ ᱨᱮᱠᱚ ᱨᱚᱲᱼᱮᱫ ᱠᱟᱱ ᱪᱟᱸᱜᱟ ᱯᱟᱹᱨᱥᱤ ᱨᱮ ᱟᱡᱟᱜ ᱵᱟᱨ ᱜᱚᱴᱟᱱ ᱟᱫᱽ ᱞᱟᱹᱜᱤᱫ ᱵᱟᱲᱟᱭᱚᱜᱼᱟ᱾
- ᱯᱟᱪᱮᱭᱟᱭ (ᱟᱠᱟ ᱠᱳᱨᱠᱩ) ᱪᱟᱸᱜᱟ ᱯᱟᱹᱨᱥᱤ: ᱢᱮᱞᱜᱷᱟᱴ, ᱵᱮᱛᱩᱞ ᱟᱨ ᱦᱚᱸᱥᱟᱜᱟᱵᱟᱫᱽ ᱦᱚᱱᱚᱛ ᱨᱮᱠᱚ ᱨᱚᱲᱼᱟ᱾
- ᱥᱟᱢᱟᱝ (ᱟᱠᱟ ᱢᱩᱣᱟᱥᱤ/ᱢᱳᱣᱟᱥᱤ/ᱢᱟᱣᱟᱥᱤ, ᱥᱮ ᱠᱳᱨᱠᱩ): ᱮᱛᱚᱢ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱭᱟᱜ ᱪᱷᱤᱸᱫᱽᱣᱟᱲᱟ ᱦᱚᱱᱚᱛ ᱦᱚᱱᱚᱛ ᱨᱮᱠᱚ ᱨᱚᱲᱼᱟ᱾
ᱜᱽᱞᱚᱴᱴᱚᱞᱚᱜᱽ ᱠᱳᱨᱠᱩ ᱨᱮᱭᱟᱜ ᱯᱩᱱᱭᱟ ᱪᱟᱸᱜᱟ ᱯᱟᱹᱨᱥᱤ ᱮ ᱦᱟᱹᱴᱤᱧ ᱟᱠᱟᱫᱟ:[᱘]
- ᱨᱩᱢᱟ (ᱠᱳᱨᱠᱩ)
- ᱵᱳᱱᱫᱳᱭ
- ᱵᱳᱣᱨᱤᱭᱟ
- ᱢᱟᱣᱟᱥᱤ
ᱚᱛᱱᱚᱜ ᱪᱷᱮᱨ
ᱥᱟᱯᱲᱟᱣᱠᱳᱨᱠᱩ ᱫᱚ ᱞᱟᱛᱟᱨ ᱨᱮᱭᱟᱜ ᱱᱚᱣᱟ ᱠᱚ ᱴᱚᱴᱷᱟ ᱨᱮᱫᱚ ᱨᱚᱲᱼᱟ (ᱡᱟᱭᱮᱫ ᱒᱐᱐᱘:᱒᱕᱖):
- ᱮᱛᱚᱢ-ᱛᱟᱞᱢᱟ ᱢᱚᱫᱷᱭᱚ ᱯᱨᱚᱫᱮᱥ
- ᱠᱷᱟᱸᱰᱣᱟ ᱦᱚᱱᱚᱛ
- ᱵᱮᱛᱩᱞ ᱦᱚᱱᱚᱛ
- ᱦᱚᱥᱟᱸᱜᱟᱵᱟᱫᱽ ᱦᱚᱱᱚᱛ
- ᱪᱷᱤᱸᱫᱽᱣᱟᱲᱟ ᱦᱚᱱᱚᱛ (ᱢᱟᱣᱟᱥᱤ ᱨᱚᱲᱼᱦᱚᱲ)
- ᱠᱚᱸᱭᱮᱼᱥᱟᱢᱟᱝ ᱢᱚᱦᱟᱨᱟᱥᱴᱨᱚ
- ᱟᱢᱨᱟᱣᱟᱛᱤ ᱦᱚᱱᱚᱛ (ᱢᱚᱦᱟᱨᱟᱥᱴᱨᱚ ᱨᱮ ᱥᱟᱱᱟᱢ ᱠᱷᱚᱱ ᱰᱷᱮᱨ ᱨᱚᱲᱼᱦᱚᱲ)
- ᱵᱩᱞᱫᱷᱟᱱᱟ ᱦᱚᱱᱚᱛ
- ᱟᱠᱚᱞᱟ ᱦᱚᱱᱚᱛ
ᱟᱲᱟᱝ ᱥᱚᱜᱥᱮᱞᱮᱡ ᱥᱟᱬᱮᱥ
ᱥᱟᱯᱲᱟᱣᱟᱹᱭᱟᱹᱛᱨᱩᱯ ᱥᱟᱬᱮᱥ
ᱥᱟᱯᱲᱟᱣᱟᱹᱲᱟᱹ ᱢᱮᱱᱮᱛ
ᱥᱟᱯᱲᱟᱣᱮᱞᱠᱷᱟ
ᱥᱟᱯᱲᱟᱣᱥᱟᱫᱷᱟᱨᱚᱱ ᱠᱟᱨᱰᱤᱱᱟᱞ ᱮᱞ ᱫᱚ ᱑ ᱠᱷᱚᱱ ᱑᱐ ᱫᱚ (ᱡ.ᱟ.ᱪ ᱛᱮ ᱚᱞ ᱟᱠᱟᱱᱟ):
| ᱑ | miɲaʔ |
|---|---|
| ᱒ | bari |
| ᱓ | apʰai |
| ᱔ | apʰun |
| ᱕ | monoe |
| ᱖ | tuɾui |
| ᱗ | ei |
| ᱘ | ilaɾ |
| ᱙ | aɾei |
| ᱑᱐ | gel |
᱑᱑ ᱛᱟᱭᱚᱢ ᱨᱮᱭᱟᱜ ᱮᱞ ᱠᱚᱫᱚ ᱤᱱᱫᱳᱼᱟᱨᱡᱚ ᱠᱷᱚᱱ ᱦᱮᱡ ᱟᱠᱟᱱᱟ᱾[᱙]
ᱥᱟᱹᱭᱟᱹᱭᱟᱱ ᱟᱹᱲᱟᱹ ᱠᱚ
ᱥᱟᱯᱲᱟᱣᱚᱞ ᱛᱚᱦᱚᱨ
ᱥᱟᱯᱲᱟᱣᱠᱳᱨᱠᱩ ᱫᱚ ᱫᱮᱵᱽᱱᱟᱜᱽᱨᱤ ᱪᱤᱠᱤ ᱨᱮᱭᱟᱜ ᱵᱟᱞᱵᱳᱫᱷ ᱦᱚᱨᱟ ᱛᱮ ᱚᱞ ᱦᱩᱭᱩᱜ ᱠᱟᱱᱟ, ᱡᱟᱦᱟᱸ ᱫᱚ ᱢᱟᱨᱟᱴᱷᱤ ᱯᱟᱹᱨᱥᱤ ᱚᱞ ᱨᱮᱦᱚᱸ ᱵᱮᱵᱷᱟᱨᱚᱜᱼᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Statement 1: Abstract of speakers' strength of languages and mother tongues - 2011". www.censusindia.gov.in. Office of the Registrar General & Census Commissioner, India. Retrieved 2018-07-07.
- ↑ Sebeok, Thomas Albert, ed. (1971). Current Trends in Linguistics. Walter de Gruyter. p. 425. Archived from the original on 7 December 2014.
- ↑ Hammarström, Harald; Forkel, Robert; Haspelmath, Martin, eds. (2017). "Korku". Glottolog 3.0. Jena, Germany: Max Planck Institute for the Science of Human History.
{{cite book}}: Unknown parameter|chapterurl=ignored (help) - ↑ Cust, R. N. "Grammatical Note and Vocabulary of the Language of the Kor-ku, a Kolarian Tribe in Central India." The Journal of the Royal Asiatic Society of Great Britain and Ireland. no. 2 (1884): 164 - 179. ᱪᱷᱟᱸᱪ:Jstor
- ↑ Sengupta, Papia. "Endangered Languages: Some Concerns." Economic And Political Weekly. no. 32 (2009): 17-19. ᱪᱷᱟᱸᱪ:Jstor
- ↑ "Korku". UNESCO Atlas of the World's Languages in danger (in ᱟᱝᱜᱽᱨᱮᱡᱤ). UNESCO. Retrieved 2018-03-18.
- ↑ "Korku". Ethnologue.
- ↑ "Glottolog". Retrieved 2021-03-24.
- ↑ Paul., Sidwell (8 December 2014). The handbook of Austroasiatic languages. ISBN 978-90-04-28357-2. OCLC 1058188885.
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣ- YouTube.com ᱨᱮ ᱮᱭᱮ... ᱠᱟᱞᱟᱣᱟᱛᱤ... ᱢᱤᱫ ᱠᱳᱨᱠᱩ ᱥᱮᱨᱮᱧ