ᱰᱨᱟᱵᱷᱤᱰᱤᱭᱟᱱ ᱯᱟᱹᱨᱥᱤᱠᱚ

ᱰᱨᱟᱵᱷᱤᱰᱤᱭᱟᱱ ᱯᱟᱹᱨᱥᱤᱠᱚ ᱫᱚ ᱢᱤᱫ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱠᱟᱱᱟ ᱾ ᱱᱚᱶᱟ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱭᱟᱜ ᱯᱟᱹᱨᱥᱤ ᱠᱚ ᱛᱮ ᱢᱩᱬᱩᱛ ᱫᱚ ᱠᱚᱧᱮ ᱥᱤᱧᱚᱛ ᱟᱨ ᱮᱛᱚᱢ ᱥᱨᱤᱞᱚᱝᱠᱟ ᱨᱮᱱ ᱒᱒ ᱜᱮᱞ ᱢᱚᱲᱚᱭ (ᱠᱳᱴᱤ) ᱜᱟᱱ ᱦᱚᱲ ᱠᱚ ᱨᱚᱲᱼᱟ ᱾ ᱩᱯᱚᱱᱤᱵᱮᱥ ᱡᱩᱜᱽ ᱛᱟᱭᱚᱢ ᱠᱷᱚᱱ ᱠᱚᱧᱮ ᱮᱥᱤᱭᱟ ᱵᱟᱨᱦᱮ ᱢᱚᱨᱤᱥᱟᱥ, ᱦᱚᱝᱠᱚᱝ, ᱥᱤᱝᱜᱟᱯᱩᱨ, ᱢᱟᱞᱮᱥᱤᱭᱟ, ᱤᱱᱫᱳᱱᱮᱥᱤᱭᱟ, ᱯᱷᱤᱞᱤᱯᱟᱭᱤᱱ, ᱥᱮᱞᱮᱫ ᱫᱤᱥᱟᱹᱢ, ᱚᱥᱴᱨᱮᱞᱤᱭᱟ, ᱯᱷᱨᱟᱱᱥ, ᱠᱟᱱᱟᱰᱟ, ᱡᱟᱨᱢᱟᱱᱤ ᱟᱨ ᱥᱮᱞᱮᱫ ᱯᱚᱱᱚᱛ ᱠᱚᱨᱮ ᱠᱚᱢ ᱜᱮ ᱨᱮᱦᱚᱸ ᱧᱩᱢ ᱜᱟᱱᱚᱜ ᱞᱮᱠᱟᱱ ᱵᱟᱨᱦᱮ ᱫᱤᱥᱚᱢᱤᱭᱟᱹ (immigrant) ᱠᱚ ᱢᱮᱱᱟᱜ ᱠᱚᱣᱟ ᱾

ᱰᱨᱟᱵᱷᱤᱰᱤᱭᱟᱱ
ᱚᱛᱱᱚᱜ ᱪᱷᱮᱨ	ᱠᱚᱧᱮ ᱮᱥᱤᱭᱟ ᱟᱨ ᱥᱟᱢᱟᱝᱼᱠᱚᱧᱮ ᱮᱥᱤᱭᱟ, ᱢᱩᱬᱩᱛ ᱫᱚ ᱠᱚᱧᱮ ᱥᱤᱧᱚᱛ ᱟᱨ ᱮᱛᱚᱢ ᱥᱨᱤᱞᱚᱝᱠᱟ
ᱯᱟᱹᱱᱟᱹᱨᱥᱤ ᱦᱟᱹᱴᱤᱧ	ᱡᱮᱜᱮᱛ ᱨᱮᱱᱟᱜ ᱯᱳᱭᱞᱳ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱠᱚ ᱢᱩᱫ ᱨᱮ ᱢᱤᱫ ᱯᱟᱹᱨᱥᱤ ᱜᱷᱟᱨᱚᱸᱡᱽ
ᱯᱨᱳᱴᱳᱼᱯᱟᱹᱨᱥᱤ	ᱯᱨᱳᱴᱳᱼᱰᱨᱟᱵᱷᱤᱰᱤᱭᱟᱱ
ᱪᱟᱸᱜᱟ ᱦᱟᱹᱴᱤᱧ	ᱮᱛᱚᱢ ᱛᱟᱞᱟᱢ ᱠᱚᱧᱮᱼᱛᱟᱞᱟᱢ ᱠᱚᱧᱮᱭᱟᱭ
ᱟᱭᱮᱥᱳ ᱖᱓᱙ᱼ᱒ / ᱕	dra
ᱞᱤᱝᱜᱩᱣᱟᱥᱯᱷᱮᱭᱟᱨ	49= (phylozone)
ᱜᱽᱞᱚᱴᱴᱚᱞᱚᱜᱽ	drav1251
ᱰᱨᱟᱵᱷᱤᱰᱤᱭᱟᱱ ᱯᱟᱹᱨᱥᱤᱠᱚ ᱨᱮᱭᱟᱜ ᱯᱟᱥᱱᱟᱣ

ᱥᱟᱱᱟᱢ ᱠᱷᱚᱱ ᱡᱟᱹᱥᱛᱤ ᱨᱚᱼᱨᱚᱲ ᱠᱟᱱ ᱰᱨᱟᱵᱷᱤᱰᱤᱭᱟᱱ ᱯᱟᱹᱨᱥᱤ ᱠᱚ ᱫᱚ ᱦᱩᱭᱩᱜ ᱠᱟᱱᱟ (ᱨᱚᱲ ᱦᱚᱲ ᱞᱮᱠᱟᱛᱮ) ᱛᱮᱞᱮᱜᱩ, ᱛᱟᱢᱤᱞ, ᱠᱟᱱᱟᱰᱟ ᱟᱨ ᱢᱟᱞᱟᱭᱟᱞᱟᱢ, ᱱᱚᱶᱟ ᱠᱚ ᱥᱟᱱᱟᱢ ᱨᱮᱭᱟᱜ ᱜᱮ ᱡᱤᱞᱤᱝ ᱥᱟᱶᱦᱮᱫ ᱱᱟᱜᱟᱢ ᱢᱮᱱᱟᱜᱼᱟ ᱾ ᱦᱩᱰᱤᱝ ᱥᱟᱶᱦᱮᱫ ᱢᱮᱱᱟᱜ ᱯᱟᱹᱨᱥᱤ ᱠᱚ ᱫᱚ ᱛᱩᱞᱩ ᱟᱨ ᱠᱳᱰᱟᱵᱷᱟ ᱾ ᱥᱟᱢᱟᱝ ᱥᱤᱧᱚᱛ ᱨᱮᱭᱟᱜ ᱠᱩᱨᱩᱠᱷ ᱟᱨ ᱛᱟᱞᱢᱟ ᱥᱤᱧᱚᱛ ᱨᱮᱭᱟᱜ ᱜᱳᱱᱰ ᱞᱮᱠᱟᱱ ᱟᱭᱢᱟ ᱜᱟᱱ ᱟᱹᱫᱤᱵᱟᱹᱥᱤ ᱰᱨᱟᱵᱷᱤᱰ ᱯᱟᱹᱨᱥᱤ ᱨᱚᱲ ᱦᱚᱲ ᱢᱮᱱᱟᱜ ᱠᱚᱣᱟ ᱾

ᱯᱟᱥᱱᱟᱣ

ᱯᱟᱹᱨᱥᱤ ᱞᱮᱠᱟᱛᱮ ᱰᱨᱟᱵᱷᱤᱰᱤᱭᱟᱱ ᱯᱟᱹᱨᱥᱤ ᱨᱚᱲ ᱦᱚᱲ

  ᱛᱮᱞᱮᱜᱩ (32.6%)

  ᱛᱟᱢᱤᱞ (29.4%)

  ᱠᱟᱱᱱᱟᱰᱟ (16.6%)

  ᱢᱟᱞᱟᱭᱟᱞᱟᱢ (14.5%)

  ᱜᱳᱱᱰᱤ (1.2%)

  ᱵᱨᱟᱦᱩᱭ (0.9%)

  ᱛᱩᱞᱩ (0.8%)

  ᱠᱩᱨᱩᱠᱷ (0.8%)

  ᱵᱮᱭᱟᱨᱤ (0.7%)

  ᱮᱴᱟᱜ (2.5%)

ᱵᱟᱨᱦᱮ ᱡᱚᱱᱚᱲ

• Dravidian Etymological Dictionary. Burrow and Emeneau's A Dravidian etymological dictionary (2nd ed., 1984) in a searchable online form.