ᱥᱣᱮᱛᱟ ᱵᱟᱥᱩ ᱯᱨᱚᱥᱟᱫᱽ

ᱥᱣᱮᱛᱟ ᱵᱟᱥᱩ ᱯᱨᱚᱥᱟᱫᱽ (ᱡᱟᱱᱟᱢ ᱑᱑ ᱡᱟᱱᱩᱭᱟᱨᱤ ᱑᱙᱙᱑) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱪᱚᱞᱟᱱ ᱪᱤᱛᱟ.ᱨ ᱟᱠᱴᱨᱮᱥ ᱠᱟᱱᱟᱭ ᱾ ᱥᱣᱮᱛᱟ ᱫᱚ ᱜᱤᱫᱽᱨᱟ. ᱵᱮᱲᱟ ᱠᱷᱚᱱᱟᱜ ᱜᱮ ᱪᱟᱭᱤᱞᱰ ᱟᱠᱴᱨᱮᱥ ᱞᱮᱠᱟᱛᱮ ᱠᱟ.ᱢᱤ ᱮᱦᱚᱵᱽ ᱞᱮᱫᱟ ᱦᱤᱱᱫᱤ ᱪᱚᱞᱚᱱ ᱪᱤᱛᱟ.ᱨ ᱟᱨ ᱴᱮᱞᱤᱵᱤᱡᱚᱱ ᱨᱮ ᱾ ᱟᱨ ᱛᱟᱭᱟᱢ ᱛᱮ ᱵᱟᱝᱞᱟ, ᱛᱮᱞᱩᱜᱩ ᱟᱨ ᱛᱟᱢᱤᱞᱤ ᱪᱚᱞᱚᱱ ᱪᱤᱛᱟ.ᱨ ᱠᱟᱨᱮ ᱠᱚ ᱤᱫᱤ ᱞᱮᱫᱮᱭᱟ ᱾ ᱒᱐᱐᱒ ᱨᱮ ᱢᱚᱠᱰᱤ ᱪᱚᱞᱚᱱ ᱪᱤᱛᱟ.ᱨ ᱠᱷᱟ.ᱛᱤᱨ ᱥᱣᱮᱨᱟ ᱫᱚ ᱱᱮᱥᱱᱟᱞ ᱯᱷᱤᱞᱢ ᱟᱣᱟᱰ ᱯᱷᱚᱨ ᱵᱮᱥᱴ ᱪᱟᱭᱤᱞᱰ ᱟᱴᱤᱥᱴ‌‌‌‌‌ᱟᱣᱟ ᱧᱟᱢ ᱞᱮᱭᱟ ᱾

ᱥᱣᱮᱛᱟ ᱵᱟᱥᱩ ᱯᱨᱚᱥᱟᱫᱽ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ	᱑᱑ ᱡᱟᱱᱩᱭᱟᱨᱤ ᱑᱙᱙᱑ ᱡᱟᱢᱥᱮᱫᱽᱯᱩᱨ, ᱵᱤᱦᱟᱨ, ᱥᱤᱧᱚᱛ (ᱱᱤᱛᱟᱜ ᱫᱚ ᱡᱷᱟᱨᱠᱷᱚᱸᱰ, ᱥᱤᱧᱚᱛ)
ᱚᱲᱟᱜ	ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ
ᱫᱤᱥᱚᱢᱤᱭᱟᱹ	ᱤᱱᱰᱤᱭᱟᱱ
ᱠᱟᱹᱢᱤ	ᱟᱠᱴᱨᱮᱥ
ᱠᱟᱹᱢᱤ ᱚᱠᱛᱚ	᱒᱐᱐᱒ ᱠᱷᱚᱱᱟᱜ
ᱡᱤᱭᱚᱱ ᱥᱚᱦᱮᱫ	ᱨᱳᱦᱤᱛ ᱢᱤᱛᱛᱟᱞ
ᱟᱯᱟᱛ ᱮᱸᱜᱟᱛ	ᱚᱧᱡᱩ ᱯᱨᱚᱥᱟᱫᱽ ᱥᱚᱨᱢᱤᱥᱴᱷᱟ ᱵᱟᱥᱩ
ᱯᱮᱲᱟ ᱥᱟᱹᱜᱟᱹᱭᱟᱱᱠᱚ	ᱨᱟᱦᱩᱞ (ᱠᱟᱲᱟ ᱵᱚᱭᱦᱟ)

ᱱᱤᱡᱮᱨ ᱡᱤᱭᱚᱱ

ᱥᱣᱮᱛᱟ ᱵᱟᱥᱩ ᱯᱨᱟᱥᱟᱫᱽ ᱫᱟ ᱑᱑ ᱡᱟᱱᱩᱭᱟᱨᱤ ᱑᱙᱙᱑ ᱨᱮ ᱡᱟᱢᱥᱮᱫᱽᱯᱩᱨ ᱡᱷᱟᱨᱠᱷᱚᱸᱰ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱛᱟᱭᱚᱢ ᱛᱮ ᱱᱩᱠᱩ ᱜᱷᱟᱨᱚᱸᱡᱽ ᱫᱚ ᱢᱩᱢᱵᱟᱭ ᱠᱚ ᱩᱪᱟ.ᱲ ᱞᱮᱱᱟ ᱾ ᱱᱩᱭ ᱫᱚ ᱩᱱ ᱚᱠᱛᱚ ᱜᱤᱫᱽᱨᱟ. ᱜᱮ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱵᱟᱵᱟ ᱚᱸᱡᱩ ᱯᱨᱚᱥᱟᱫᱽ ᱫᱚ ᱵᱤᱦᱟᱨ ᱨᱤᱱᱤᱡ ᱠᱟᱱᱟᱭ ᱟᱨ ᱟᱭᱚ ᱥᱚᱨᱢᱤᱥᱴᱷᱟ ᱵᱟᱥᱩ ᱯᱨᱚᱥᱟᱫᱽ ᱫᱚ ᱯᱩᱪᱷᱤᱢ ᱵᱟᱝᱞᱟ ᱨᱤᱱᱤᱡ ᱠᱟᱱᱟᱭ ᱾

ᱥᱣᱮᱛᱟᱻᱤᱡ ᱜᱚᱲᱚᱢ ᱦᱟᱲᱟᱢ ᱫᱟ ᱪᱤᱯᱷ ᱚᱯᱮᱨᱮᱴᱤᱝ ᱚᱯᱷᱤᱥᱚᱨ ᱞᱮᱠᱟᱛᱮ ᱤᱱᱴᱮᱞᱤᱡᱮᱱᱥ ᱚᱯᱷ ᱵᱽᱭᱩᱥᱩ ᱠᱷᱚᱱ ᱚᱵᱚᱥᱚᱨ ᱦᱟᱛᱟᱣ ᱟᱠᱟᱫᱟᱭ ᱾ ᱟᱡ ᱵᱟᱵᱟ ᱫᱚ ᱥᱨᱤᱨᱟᱢ ᱥᱮᱱᱴᱟᱨ, ᱱᱟᱣᱟ ᱥᱤᱞᱞᱤ ᱠᱷᱟᱱ ᱰᱤᱨᱮᱠᱥᱚᱱ ᱟᱨ ᱟᱠᱴᱤᱝ ᱨᱮ ᱰᱤᱯᱞᱚᱢᱟ ᱞᱮᱭᱟ ᱾ ᱛᱟᱭᱚᱢ ᱛᱮ ᱡᱟᱢᱟᱮᱫᱽᱯᱩᱨ ᱨᱮ ᱵᱟᱥᱟ ᱥᱟ.ᱨᱤ ᱞᱮᱱᱟᱭ ᱾ ᱱᱚᱰᱮ ᱜᱮ ᱢᱤᱫ ᱥᱮᱨᱢᱟ ᱨᱮᱭᱟᱜ ᱫᱩᱞᱟ.ᱲ ᱥᱟ.ᱜᱟ.ᱭ ᱛᱟᱭᱚᱢ ᱥᱣᱮᱛᱟ ᱟᱡ ᱟᱭᱚ ᱥᱚᱨᱢᱤᱥᱴᱷᱟ ᱥᱟᱝ ᱑᱙᱙᱐ ᱨᱮ ᱵᱟᱯᱞᱟ ᱞᱮᱮᱱᱟᱭ ᱾ ᱥᱟᱨᱢᱤᱥᱴᱷᱟ ᱫᱚ ᱨᱟᱦᱟ ᱜᱟᱵᱟᱱᱳᱡ ᱟᱨ ᱚᱱᱚᱞᱤᱭᱟ. ᱠᱟᱱᱟᱭ ᱾

ᱥᱣᱮᱛᱟ ᱟᱨ.ᱮᱱ. ᱯᱳᱫᱟᱨ ᱞᱟᱯᱷᱟᱝ ᱟᱥᱲᱟ ᱥᱟᱱᱴᱟᱠᱨᱩᱡᱽ,ᱢᱩᱢᱵᱟᱭᱤ ᱨᱮ ᱠᱚᱢᱚᱨᱥ ᱚᱞ ᱞᱮᱭᱟ ᱾ ᱟᱨ ᱢᱟᱥ ᱢᱮᱰᱤᱭᱟ ᱮᱸᱰ ᱡᱚᱨᱱᱟᱞᱤᱥᱴ ᱨᱮ ᱜᱽᱨᱟᱡᱩᱭᱮᱥᱚᱱ ᱠᱚᱢᱯᱞᱤᱴ ᱞᱮᱭᱟ ᱾ ᱱᱩᱭ ᱫᱟ ᱱᱤᱛᱚᱜ ᱤᱱᱰᱤᱭᱟᱱ ᱮᱠᱥᱯᱨᱮᱥ ᱞᱟ.ᱜᱤᱱ ᱚᱞ ᱠᱟᱱᱟᱭ ᱾

ᱱᱩᱭ ᱫᱚ ᱟᱡᱟᱜ ᱧᱩᱛᱩᱢ ᱥᱟᱝ ᱟᱡ ᱟᱭᱚᱻᱟᱜ ᱠᱞᱟᱱ ᱵᱟᱥᱩ ᱞᱟᱜᱟᱣ ᱟᱠᱟᱫᱟᱭ ᱾ ᱱᱚᱶᱟ ᱫᱚ ᱯᱚᱨᱫᱟ ᱧᱩᱛᱩᱢ ᱞᱟ.ᱜᱤᱱ ᱜᱮ ᱾ ᱟᱨ ᱪᱚᱞᱟᱱ ᱪᱤᱛᱟ.ᱨ ᱥᱟᱯᱲᱟᱣᱻᱤᱡ ᱨᱳᱦᱤᱛ ᱢᱤᱛᱛᱟᱞ ᱥᱟᱝ ᱵᱟᱯᱞᱟ ᱠᱟᱱᱟᱭ ᱑᱓ ᱰᱤᱥᱮᱢᱵᱚᱨ ᱒᱐᱑᱘ ᱨᱮ ᱾ ᱛᱚᱵᱮ ᱑᱐ ᱰᱤᱥᱮᱢᱵᱚᱨ ᱒᱐᱑᱙ ᱨᱮ ᱟᱠᱟᱜ ᱵᱟᱯᱟᱜᱽ ᱠᱷᱚᱵᱚᱨ ᱤᱱᱥᱴᱟᱜᱽᱨᱟᱢ ᱨᱮ ᱟᱲᱟᱜ ᱞᱮᱭᱟ ᱾

ᱠᱟ.ᱢᱤ‌ᱡᱤᱭᱚᱱ

ᱥᱣᱮᱛᱟ ᱫᱚ ᱠᱟ.ᱡ ᱩᱢᱮᱨ ᱠᱷᱚᱱ ᱴᱮᱞᱤᱵᱤᱡᱚᱱ ᱨᱮ ᱠᱟ.ᱢᱤ ᱮᱦᱚᱵ ᱞᱮᱭᱟ ᱾ ᱛᱚᱵᱮ ᱵᱟᱞᱤᱣᱩᱰ ᱛᱮ ᱩᱪᱟ.ᱲ ᱞᱮᱱᱟᱭ ᱾ ᱒᱐᱐᱒ ᱨᱮ ᱢᱚᱠᱰᱤ ᱪᱚᱞᱟᱱ ᱪᱤᱛᱟ.ᱨ ᱨᱮ ᱟᱠᱴᱤᱝ ᱤᱠᱟ.ᱛᱮ ᱱᱟᱯᱟᱭ ᱜᱤᱫᱽᱨᱟ. ᱟᱴᱤᱥᱴ ᱞᱟ.ᱜᱤᱱ ᱱᱮᱥᱱᱟᱞ ᱟᱣᱟᱰ ᱧᱟᱢ ᱞᱮᱭᱟ ᱾ ᱟᱡᱟᱜ ᱥᱤᱞᱵᱟᱨ ᱯᱟᱨᱫᱟ ᱨᱮ ᱱᱟᱯᱟᱭ ᱚᱠᱟᱡ ᱠᱟ.ᱢᱤ ᱠᱷᱟ.ᱛᱤᱨ ᱠᱟᱦᱟᱱᱤ ᱜᱷᱚᱨ ᱜᱷᱚᱨ ᱠᱤ, ᱠᱟᱨᱤᱥᱢᱟ ᱠᱟ ᱠᱚᱨᱤᱥᱢᱟ ᱞᱮᱠᱟᱱ ᱴᱮᱞᱤᱵᱤᱡᱚᱱ ᱥᱤᱨᱤᱡᱽ ᱠᱚᱨᱮ ᱨᱳᱞ ᱧᱟᱢ ᱞᱮᱭᱟ ᱾ ᱒᱐᱐᱕ ᱨᱮ ᱴᱟᱞᱮᱸᱴ ᱧᱮᱞ ᱠᱟᱛᱮ,ᱰᱤᱨᱮᱠᱴᱚᱨ ᱱᱚᱜᱮᱥ ᱠᱩᱠᱩᱱᱳᱨ ᱤᱠᱵᱚᱞ ᱪᱚᱞᱚᱱ ᱪᱤᱛᱟ.ᱨ ᱨᱮ ᱠᱟ.ᱢᱤ ᱚᱯᱷᱚᱨ ᱟᱫᱮ ᱛᱟᱦᱮᱫ ᱾ “ᱠᱷᱟᱫᱤᱡᱟ” ᱠᱮᱨᱮᱠᱴᱚᱨ ᱨᱮ ᱠᱟ.ᱢᱤ ᱠᱟᱛᱮ ᱡᱷᱚᱛᱚ ᱚᱲᱟᱜ ᱟᱲᱟᱜ ᱨᱮ ᱧᱩᱛᱩᱢ ᱟᱨᱡᱟᱣ ᱞᱮᱭᱟ ᱾ ᱤᱠᱵᱚᱞ ᱪᱚᱞᱚᱱ ᱪᱤᱛᱟ.ᱨ ᱞᱟ.ᱜᱤᱱ ᱕ ᱜᱚᱴᱟᱝᱻᱟᱜ ᱠᱚᱨᱟᱪᱤ ᱤᱱᱴᱚᱨᱱᱮᱥᱱᱟᱞ ᱯᱷᱤᱞᱢ ᱯᱷᱮᱥᱴᱤᱵᱟᱞ ᱧᱟᱢ ᱞᱮᱭᱟ ᱾

ᱥᱣᱮᱛᱟ ᱫᱚ ᱤᱠᱵᱚᱞ ᱪᱚᱞᱟᱱ ᱪᱤᱛᱟ.ᱨ ᱨᱮ ᱠᱟ.ᱢᱤ ᱛᱟᱭᱚᱢ ᱟᱠᱴᱳᱝ ᱠᱷᱚᱱ ᱥᱟᱦᱟ ᱞᱮᱱᱟᱭ ᱟᱨ ᱟᱡᱟᱜ ᱚᱞ ᱡᱤᱭᱚᱱ ᱨᱮ ᱫᱷᱮᱭᱟᱱ ᱮᱢ ᱞᱮᱭᱟ ᱾ ᱱᱩᱭ ᱫᱚ ᱢᱟᱥ,ᱢᱮᱰᱤᱭᱟ ᱮᱸᱰ ᱡᱚᱨᱱᱟᱞᱤᱡᱢ ᱨᱮ ᱜᱽᱨᱟᱡᱩᱭᱮᱥᱚᱱ ᱠᱮᱫ ᱛᱟᱭᱚᱢ ᱤᱱᱰᱤᱭᱟᱱ ᱠᱞᱟᱥᱤᱠᱟᱞ ᱢᱭᱩᱡᱤᱠ ᱪᱮᱛᱟᱱ ᱨᱮ ᱢᱤᱫ ᱰᱚᱠᱭᱩᱢᱮᱱᱴᱟᱨᱤ ᱥᱟᱯᱲᱟᱣ ᱞᱮᱭᱟ ᱾ ᱥᱣᱮᱛᱟ ᱫᱚ ᱒᱐᱑᱒ ᱠᱷᱚᱱ ᱒᱐᱑᱖ ᱦᱟ.ᱵᱤᱡ ᱯᱩᱱ ᱥᱮᱨᱢᱟ ᱟᱡᱟᱜ ᱰᱚᱠᱭᱩᱢᱮᱱᱴᱟᱨᱤ ᱯᱷᱳᱞᱢ ᱵᱟᱵᱚᱫ ᱛᱮ ᱠᱷᱚᱡᱽ ᱥᱮᱫᱽᱨᱟ ᱞᱮᱭᱟ ᱡᱟᱦᱟᱸᱨᱮ ᱫᱟ ᱮ‌.ᱟᱨ. ᱨᱮᱦᱢᱚᱱ,ᱯᱚᱱᱰᱤᱛ ᱥᱤᱵᱽ ᱠᱩᱢᱟᱨ ᱥᱚᱨᱢᱟ,ᱯᱚᱱᱰᱤᱛ ᱦᱚᱨᱤ ᱯᱨᱚᱥᱟᱫᱽ ᱪᱚᱣᱩᱨᱚᱥᱤᱭᱟ,ᱵᱤᱥᱟᱞ ᱵᱷᱚᱨᱚᱫᱽᱣᱟᱡᱽ, ᱚᱢᱤᱛ ᱛᱨᱤᱣᱮᱫᱤ, ᱩᱥᱛᱟᱫᱽ ᱟᱢᱡᱟᱫᱽ ᱚᱞᱤ ᱠᱷᱟᱱ ᱟᱨ ᱥᱩᱠᱷᱚ ᱢᱩᱫᱽᱜᱚᱞ ᱮᱢᱟᱱ ᱥᱮᱬᱟ ᱥᱮᱬᱟ ᱥᱮᱨᱮᱧ ᱥᱩᱥᱟ.ᱨᱤᱭᱟ.ᱭ ᱥᱮᱞᱮᱫ ᱞᱮᱫ ᱠᱚᱣᱟ ᱾ ᱱᱚᱶᱟ ᱪᱚᱞᱟᱱ ᱪᱤᱛᱟ.ᱨ ᱨᱮ ᱑᱐ ᱢᱤᱱᱤᱴ ᱨᱮᱭᱟᱜ ᱵᱤᱰᱤᱭᱚ ᱨᱮ ᱕᱐᱐᱐ ᱥᱟᱞ ᱯᱟ.ᱪᱷᱞᱟ. ᱨᱮᱭᱟᱜ ᱵᱷᱟᱨᱚᱛᱤᱭᱚ ᱥᱮᱨᱮᱧ ᱠᱟᱛᱷᱟ ᱫᱟᱨᱥᱟᱣ ᱟᱠᱟᱫᱟᱭ ᱾ ᱱᱚᱶᱟ ᱰᱚᱠᱭᱩᱢᱮᱱᱴᱟᱨᱤ ᱯᱷᱤᱞᱢ, ᱨᱳᱴᱥ, ᱫᱚ ᱱᱤᱛᱚᱫ ᱱᱮᱴᱯᱷᱞᱤᱠᱥ ᱨᱮ ᱢᱮᱱᱟᱜᱻᱟ ᱾

ᱥᱣᱮᱛᱟ ᱒᱐᱐᱘ ᱨᱮ ᱠᱳᱛᱷᱟ ᱵᱟᱱᱜᱩᱨᱩ ᱞᱳᱠᱟᱢ ᱛᱮᱞᱩᱜᱩ ᱪᱚᱞᱚᱱ ᱪᱤᱛᱟ.ᱨ ᱨᱮ ᱯᱩᱭᱞᱩ ᱞᱮᱠᱟᱛᱮ ᱛᱮᱞᱩᱜᱩ ᱤᱱᱰᱚᱥᱴᱨᱤ ᱨᱮ ᱟᱠᱴᱤᱝ ᱮᱦᱟᱵ ᱞᱮᱭᱟ ᱾ ᱱᱩᱭ ᱫᱚ ᱘ ᱜᱚᱴᱟᱝ ᱛᱮᱞᱩᱜᱩ,ᱛᱟᱢᱤᱞᱤ,ᱵᱟᱝᱞᱟ ᱪᱚᱞᱚᱱ ᱪᱤᱛᱟ.ᱨ ᱨᱮ ᱠᱟ.ᱢᱤ ᱟᱠᱟᱫᱟᱭ ᱾

ᱟᱠᱴᱤᱝ ᱡᱤᱭᱚᱱ ᱵᱟ.ᱜᱤ ᱠᱟᱛᱮ ᱥᱣᱮᱛᱟ ᱫᱚ ᱯᱷᱟᱱᱴᱚᱢ ᱯᱷᱳᱞᱢ ᱞᱟ.ᱜᱤᱱ ᱥᱠᱨᱤᱯᱴ ᱠᱚᱭ ᱟᱞ ᱵᱟᱲᱟᱭ ᱠᱟᱱᱟ ᱾

ᱥᱣᱮᱛᱟ ᱫᱚ ᱵᱟᱞᱟᱡᱤ ᱴᱮᱞᱤᱯᱷᱤᱞᱢ ᱨᱮᱭᱟᱜ ᱴᱮᱞᱤᱵᱤᱡᱚᱱ ᱥᱤᱨᱤᱡᱽ ᱪᱚᱱᱫᱽᱨᱟ ᱱᱚᱱᱫᱤᱱᱤ ᱨᱮ ᱞᱤᱰ ᱨᱳᱞ ᱱᱚᱱᱫᱤᱱᱤ ᱨᱮ ᱠᱟ.ᱢᱤ ᱮᱦᱚᱵᱽ ᱟᱠᱟᱫᱟᱭ ᱾ ᱟᱨ ᱚᱱᱟ ᱛᱟᱭᱚᱢ ᱦᱤᱱᱫᱤ ᱪᱚᱞᱚᱱ ᱪᱤᱛᱟ.ᱨ ᱵᱚᱫᱽᱨᱤᱱᱟᱛᱷ ᱠᱤ ᱫᱩᱞᱦᱚᱱᱤᱭᱟ ᱟᱠᱴᱤᱝ ᱞᱮᱭᱟ ᱾

ᱵᱤᱵᱮᱠ ᱚᱜᱽᱱᱤᱦᱳᱛᱨᱤᱻᱟᱜ ᱰᱤᱨᱮᱠᱥᱚᱱ ᱛᱮ ᱵᱮᱮᱱᱟᱣ ᱟᱠᱟᱱ ᱦᱤᱱᱫᱤ ᱯᱷᱤᱞᱢ ᱫᱤ ᱛᱟᱸᱥᱠᱮᱸᱴ ᱯᱷᱟᱭᱤᱞᱥ ᱨᱮ ᱥᱣᱮᱛᱟ ᱢᱮᱱᱟᱭᱟ ᱾ ᱱᱚᱣᱶᱟ ᱫᱚ ᱵᱷᱟᱨᱟᱛ ᱨᱤᱱᱤᱡ ᱫᱟᱥᱟᱨ ᱯᱨᱚᱫᱷᱟᱱ ᱢᱩᱱᱛᱨᱤ ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤᱻᱟᱜ ᱜᱩᱡᱩᱜ ᱠᱟᱛᱷᱟ ᱠᱚ ᱯᱟᱸᱡᱟ ᱥᱚᱫᱟᱨ ᱟᱠᱟᱫᱟ ᱾ ᱱᱚᱶᱟ ᱯᱷᱤᱞᱢ ᱦᱚᱸ ᱒᱐᱑᱙ ᱨᱮ ᱵᱚᱠᱥ ᱚᱯᱷᱤᱥ ᱨᱮ ᱱᱟᱯᱟᱭ ᱴᱟᱠᱟ ᱪᱷᱟᱬᱟᱣ ᱞᱮᱭᱟ ᱾

ᱵᱟ.ᱲᱛᱤ ᱡᱚᱱᱟᱲ

• ᱥᱣᱮᱛᱟ ᱵᱟᱥᱩ ᱯᱨᱚᱥᱟᱫᱽ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)