ᱡᱷᱟᱸᱥᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ

ᱡᱷᱟᱸᱥᱤ ᱡᱚᱸᱠᱥᱚᱱ
ᱡᱷᱟᱸᱥᱤ ᱡᱚᱸᱠᱥᱚᱱ
ᱥᱤᱧᱚᱛᱤᱭᱟᱹ ᱨᱮᱞ ᱥᱴᱮᱥᱚᱱ
	ᱡᱷᱟᱸᱥᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ
ᱢᱮᱱᱮᱞᱟ ᱠᱟᱛᱷᱟ
ᱮᱴᱟᱜ ᱧᱩᱛᱩᱢ	ᱵᱤᱨᱚᱝᱜᱚᱱᱟ ᱞᱚᱠᱷᱢᱤᱵᱟᱭ ᱡᱷᱟᱸᱥᱤ ᱨᱮᱞᱣᱮ ᱥᱴᱮᱥᱚᱱ
ᱴᱷᱟᱶ	ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ ᱢᱟᱨᱜᱽ, ᱡᱷᱟᱸᱥᱤ, ᱩᱛᱛᱚᱨ ᱯᱨᱚᱫᱮᱥ; ᱥᱤᱧᱚᱛ
ᱚᱛᱱᱚᱜ ᱴᱷᱟᱶ	25°26′38″N 78°33′12″E / 25.4439°N 78.5534°ECoordinates: 25°26′38″N 78°33′12″E / 25.4439°N 78.5534°E
ᱩᱥᱩᱞ	260 metres (850 ft)
ᱢᱟᱹᱞᱤᱠ ᱛᱟᱹᱨᱤ ᱨᱮ	ᱥᱤᱧᱚᱛᱤᱭᱟᱹ ᱨᱮᱞᱣᱮ
ᱪᱟᱪᱟᱣ	ᱠᱚᱧᱮ ᱛᱟᱞᱢᱟ ᱨᱮᱞᱣᱮ
ᱞᱟᱭᱤᱱ (ᱠᱚ)	ᱱᱟᱶᱟ ᱫᱤᱞᱞᱤ–ᱢᱩᱢᱵᱟᱭ CSMT; ᱟᱜᱽᱨᱟ–ᱵᱷᱚᱯᱟᱞ ᱥᱮᱠᱥᱚᱱ; ᱫᱤᱞᱞᱤ–ᱪᱮᱱᱱᱟᱭ ᱞᱟᱭᱤᱱ; ᱡᱷᱟᱸᱥᱤ–ᱠᱟᱱᱯᱩᱨ ᱥᱮᱠᱥᱚᱱ; ᱡᱷᱟᱸᱥᱤ–ᱢᱟᱱᱤᱠᱯᱩᱨ–ᱯᱨᱚᱭᱟᱜᱽᱨᱟᱡᱽ ᱥᱮᱠᱥᱚᱱ ᱡᱷᱟᱸᱥᱤ–ᱜᱣᱟᱞᱤᱭᱚᱨ–ᱤᱴᱟᱣᱟ ᱥᱮᱠᱥᱚᱱ ᱡᱷᱟᱸᱥᱤ–ᱥᱟᱣᱟᱭ ᱢᱟᱫᱷᱳᱯᱩᱨ ᱥᱮᱠᱥᱚᱱ (ᱯᱨᱚᱡᱮᱠᱴ)
ᱯᱞᱮᱴᱯᱷᱚᱨᱢ	᱘
ᱴᱨᱮᱠ	᱑᱓
ᱵᱮᱱᱟᱣ
ᱜᱚᱲᱦᱚᱱ ᱨᱮᱭᱟᱜ ᱫᱷᱚᱨᱚᱱ	Standard on ground
ᱯᱟᱨᱠᱤᱝ	ᱢᱮᱱᱟᱜᱼᱟ
ᱥᱟᱭᱠᱮᱞ ᱨᱮᱭᱟᱜ ᱥᱩᱵᱤᱫᱷᱟ	ᱢᱮᱱᱟᱜᱼᱟ
ᱮᱴᱟᱜ ᱠᱟᱛᱷᱟ ᱠᱚ
ᱦᱟᱞᱚᱛ	ᱠᱟᱹᱢᱤᱦᱚᱨᱟ
ᱥᱴᱮᱥᱚᱱ ᱠᱳᱰ	VGLJ (formerly JHS)
ᱴᱚᱴᱷᱟ (ᱠᱚ)	ᱠᱚᱧᱮ ᱛᱟᱞᱢᱟ ᱨᱮᱞᱣᱮ ᱴᱚᱴᱷᱟ
ᱦᱟᱹᱴᱤᱧ(ᱠᱚ)	ᱡᱷᱟᱸᱥᱤ
ᱱᱟᱜᱟᱢ
ᱪᱟᱹᱞᱩ	᱑᱘᱘᱐
ᱤᱞᱮᱠᱴᱨᱤᱯᱷᱤᱠᱮᱥᱚᱱ	᱑᱙᱘᱖-᱘᱗
	ᱪᱷᱟᱸᱪ:Infobox station/services
	ᱪᱷᱟᱸᱪ:Infobox station/services
	ᱪᱷᱟᱸᱪ:Infobox station/services
ᱴᱷᱟᱶ
	ᱡᱷᱟᱸᱥᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ Location within India

ᱡᱷᱟᱸᱥᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ (JHS), ᱥᱚᱨᱠᱟᱨᱤ ᱞᱮᱠᱟᱛᱮ ᱵᱤᱨᱚᱝᱜᱚᱱᱟ ᱞᱚᱠᱷᱢᱤᱵᱟᱭ ᱡᱷᱟᱸᱥᱤ ᱨᱮᱞᱣᱮ ᱥᱴᱮᱥᱚᱱ (VGLJ), ᱫᱚ ᱩᱛᱛᱚᱨ ᱯᱨᱚᱫᱮᱥ ᱨᱮᱱᱟᱜ ᱵᱩᱱᱫᱮᱞᱠᱷᱚᱸᱰ ᱴᱚᱴᱷᱟ ᱨᱮᱱᱟᱜ ᱡᱷᱟᱸᱥᱤ ᱥᱚᱦᱚᱨ ᱨᱮ ᱢᱤᱫ ᱢᱩᱬ ᱨᱮᱞᱣᱮ ᱡᱚᱸᱠᱥᱚᱱ ᱠᱟᱱᱟ ᱾^[᱑] ᱱᱚᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱠᱟᱹᱢᱤ ᱟᱨ ᱢᱟᱨᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]} ᱱᱚᱣᱟ ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱟᱹᱰᱤ ᱞᱮᱠᱟᱱ ᱴᱨᱮᱱ ᱠᱚ ᱡᱮᱞᱮᱠᱟ ᱜᱟᱛᱤᱢᱟᱱ ᱮᱠᱥᱯᱨᱮᱥ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱥᱚᱠᱛᱚ ᱥᱮᱱᱚᱜᱟᱜ ᱴᱨᱮᱱ ᱠᱟᱱᱟ, ᱥᱟᱶᱛᱮ ᱵᱩᱸᱰᱮᱞᱠᱷᱚᱸᱰ ᱮᱠᱥᱯᱨᱮᱥ ᱞᱮᱠᱟᱱ ᱮᱴᱟᱜ ᱴᱨᱮᱱ ᱠᱚᱦᱚᱸ ᱥᱮᱱᱚᱜᱼᱟ ᱾ ᱱᱚᱣᱟ ᱫᱚ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱟᱹᱰᱤᱜᱟᱱ ᱢᱩᱬ ᱴᱨᱮᱱ ᱡᱮᱞᱮᱠᱟ ᱢᱩᱢᱵᱟᱭ, ᱪᱮᱱᱱᱟᱭ, ᱵᱮᱝᱜᱟᱞᱩᱨᱩ, ᱦᱟᱭᱫᱽᱨᱟᱵᱟᱫᱽ ᱮᱢᱟᱱ ᱥᱮᱱᱚᱜ ᱞᱟᱹᱜᱤᱫ ᱨᱟᱡᱽᱫᱷᱟᱱᱤ ᱮᱠᱥᱯᱨᱮᱥ ᱨᱮᱱᱟᱜ ᱢᱚᱬᱮ ᱜᱚᱴᱟᱝ ᱥᱮᱴ ᱨᱮᱱᱟᱜ ᱢᱤᱫ ᱢᱩᱬᱩᱛ ᱴᱷᱟᱶ ᱠᱟᱱᱟ ᱾ ᱵᱷᱚᱯᱟᱞ ᱥᱚᱛᱟᱵᱽᱫᱤ ᱮᱠᱥᱯᱨᱮᱥ ᱨᱮᱱᱟᱜ ᱢᱤᱫ ᱥᱮᱴ, ᱯᱮᱭᱟ ᱫᱩᱨᱳᱱᱴᱳ ᱮᱠᱥᱯᱨᱮᱥ ᱴᱨᱮᱱ, ᱯᱚᱧᱡᱟᱵᱽ ᱢᱮᱞ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱪᱟᱞᱟᱜ ᱠᱟᱱ ᱴᱨᱮᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ, ᱠᱮᱨᱟᱞ ᱮᱠᱥᱯᱨᱮᱥ, ᱠᱚᱨᱱᱟᱴᱚᱠ ᱮᱠᱥᱯᱨᱮᱥ ᱮᱢᱟᱱ ᱾

ᱱᱚᱣᱟ ᱫᱚ ᱢᱤᱫ ᱢᱩᱬ ᱤᱱᱴᱟᱨᱥᱤᱴᱤ ᱛᱟᱞᱢᱟ ᱠᱟᱱᱟ ᱟᱨ ᱡᱷᱟᱸᱥᱤ ᱞᱮᱠᱟᱛᱮ ᱥᱮᱱᱚᱜ ᱠᱟᱱ ᱡᱚᱛᱚ ᱨᱮᱞᱣᱮ ᱠᱚ ᱞᱟᱹᱜᱤᱫ ᱢᱤᱫ ᱴᱮᱠᱱᱤᱠᱟᱞ ᱟᱨ ᱵᱮᱯᱟᱨᱤ ᱥᱴᱚᱯᱮᱡᱽ ᱠᱟᱱᱟ ᱾

ᱱᱟᱜᱟᱢ

᱑᱘᱘᱐ ᱥᱮᱨᱢᱟ ᱨᱮ ᱡᱷᱟᱸᱥᱤ ᱥᱴᱮᱥᱚᱱ ᱨᱮ

ᱨᱮᱞᱣᱮ ᱥᱴᱮᱥᱚᱱ ᱫᱚ ᱑᱘᱘᱐ ᱥᱮᱨᱢᱟ ᱨᱮᱱᱟᱜ ᱢᱩᱪᱟᱹᱫ ᱨᱮ ᱵᱨᱤᱴᱤᱥ ᱠᱚ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ᱯᱮᱭᱟ ᱴᱷᱟᱶ ᱨᱮᱱᱟᱜ ᱟᱹᱰᱤ ᱫᱤᱱ ᱫᱷᱟᱹᱨᱤᱡ ᱥᱟᱵᱷᱮ ᱛᱟᱭᱚᱢ ᱥᱴᱮᱥᱚᱱ ᱞᱟᱹᱜᱤᱫ ᱱᱤᱛᱚᱜᱟᱜ ᱴᱷᱟᱶ ᱵᱟᱪᱷᱟᱣ ᱮᱱᱟ ᱾ ᱥᱴᱮᱥᱚᱱ ᱨᱮ ᱢᱤᱫ ᱢᱟᱨᱟᱝ ᱠᱤᱞᱟ ᱞᱮᱠᱟᱱᱟᱜ ᱚᱲᱟᱜ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱟᱨᱟᱜ ᱟᱨ ᱯᱩᱸᱰ ᱨᱚᱝ ᱛᱮ ᱨᱚᱝ ᱟᱠᱟᱱᱟ ᱾

ᱢᱟᱨᱮ ᱡᱩᱜᱽ ᱨᱮ, ᱡᱷᱟᱸᱥᱤ ᱪᱟᱱᱰᱮᱞ ᱨᱟᱡᱽᱯᱩᱛ ᱨᱟᱡᱟ ᱠᱚᱣᱟᱜ ᱜᱟᱲ ᱛᱟᱦᱮᱸ ᱠᱟᱱᱟ ᱟᱨ ᱱᱚᱣᱟ ᱫᱚ ᱵᱚᱞᱵᱷᱟᱱᱴ ᱱᱚᱜᱚᱨ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱑᱑ ᱥᱟᱭ ᱥᱮᱨᱢᱟ ᱨᱮ ᱪᱚᱱᱫᱮᱞ ᱨᱟᱡᱽᱵᱚᱝᱥᱚ ᱟᱜ ᱠᱚᱢᱚᱜ ᱛᱟᱭᱚᱢ ᱱᱚᱣᱟ ᱨᱮᱱᱟᱜ ᱢᱩᱬᱩᱛ ᱟᱹᱭᱫᱟᱹᱨᱤ ᱫᱚ ᱠᱚᱢ ᱞᱮᱱᱟ ᱾ ᱱᱚᱣᱟ ᱫᱚ ᱑᱗ ᱥᱟᱭ ᱥᱮᱨᱢᱟ ᱨᱮ ᱩᱛᱷᱱᱟᱹᱣ ᱞᱮᱱᱟ ᱡᱚᱠᱷᱚᱱ ᱚᱨᱪᱷᱟ ᱯᱚᱱᱚᱛ ᱨᱤᱱᱤᱡ ᱨᱟᱡᱟ ᱵᱤᱨ ᱥᱤᱝ ᱫᱮᱵᱽ ᱫᱚ ᱑᱖᱑᱓ ᱥᱟᱞ ᱨᱮ ᱡᱷᱟᱸᱥᱤ ᱠᱤᱞᱟ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾

ᱮᱛᱚᱦᱚᱵ ᱨᱮ ᱥᱴᱮᱥᱚᱱ ᱨᱮ ᱯᱮᱭᱟ ᱯᱞᱮᱴᱯᱷᱚᱨᱢ ᱛᱟᱦᱮᱸ ᱠᱟᱱᱟ ᱾ ᱯᱞᱮᱴᱯᱷᱚᱨᱢ ᱢᱤᱫ ᱫᱚ ᱒,᱕᱒᱕ ᱯᱷᱩᱴ (᱗᱗᱐ ᱢᱤᱴᱚᱨ) ᱡᱤᱞᱤᱧᱟ, ᱡᱟᱦᱟᱸ ᱫᱚ ᱱᱚᱣᱟ ᱫᱚ ᱥᱤᱧᱚᱛ ᱨᱮ ᱕ ᱟᱱᱟᱜ ᱟᱹᱰᱤ ᱡᱤᱞᱤᱧ ᱮ ᱵᱮᱱᱟᱣᱟ ᱾ ᱱᱚᱣᱟ ᱫᱚ ᱢᱤᱫ ᱫᱷᱟᱣ ᱨᱮ ᱵᱟᱨᱭᱟ ᱴᱨᱮᱱ ᱜᱮ ᱦᱟᱛᱟᱣ ᱫᱟᱲᱮᱭᱟᱜᱼᱟ (ᱯᱞᱮᱴᱯᱷᱚᱨᱢ ᱵᱟᱨ ᱟᱨ ᱯᱮ ᱨᱮᱦᱚᱸ ᱱᱚᱣᱟ ᱜᱮ ᱢᱮᱱᱟᱜᱼᱟ) ᱾

ᱱᱚᱣᱟ ᱥᱴᱮᱥᱚᱱ ᱫᱚ ᱤᱱᱰᱤᱭᱟᱱ ᱢᱤᱰᱞᱮᱱᱰ ᱨᱮᱞᱣᱮ ᱠᱚᱢᱯᱟᱹᱱᱤ ᱟᱜ ᱛᱟᱞᱢᱟ ᱴᱷᱟᱶ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱡᱷᱟᱸᱥᱤ ᱠᱷᱚᱱ ᱡᱚᱛᱚ ᱰᱟᱦᱟᱨ ᱨᱮ ᱨᱟᱰᱤᱭᱟᱞ ᱞᱮᱠᱟᱛᱮ ᱞᱟᱭᱤᱱ ᱠᱚ ᱛᱷᱟᱯᱚᱱ ᱞᱮᱫᱼᱟ ᱟᱨ ᱡᱷᱟᱸᱥᱤ ᱨᱮ ᱟᱹᱰᱤ ᱢᱟᱨᱟᱝ ᱠᱟᱹᱢᱤᱦᱚᱨᱟ ᱠᱚ ᱪᱟᱞᱟᱣ ᱞᱮᱫᱼᱟ ᱾^[᱒]

ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱥᱚᱛᱟᱵᱽᱫᱤ ᱮᱠᱥᱯᱨᱮᱥ ᱫᱚ ᱱᱟᱶᱟ ᱫᱤᱞᱞᱤ ᱟᱨ ᱡᱷᱟᱸᱥᱤ ᱛᱟᱞᱟ ᱠᱷᱚᱱ ᱮᱛᱚᱦᱚᱵ ᱞᱮᱱᱟ ᱾

ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱥᱚᱠᱛᱚ ᱥᱮᱱᱚᱜᱟᱜ ᱨᱮᱞ ᱜᱟᱹᱰᱤ ᱜᱟᱛᱤᱢᱟᱱ ᱮᱠᱥᱯᱨᱮᱥ ᱱᱟᱶᱟ ᱫᱤᱞᱞᱤ ᱟᱨ ᱡᱷᱟᱸᱥᱤ ᱛᱟᱞᱟ ᱛᱮ ᱥᱮᱱᱚᱜᱼᱟ ᱾ ᱱᱚᱣᱟ ᱫᱚ ᱟᱹᱰᱤ ᱩᱥᱩᱞ ᱴᱨᱮᱱ ᱠᱟᱱᱟ ᱡᱟᱦᱟᱸ ᱫᱚ ᱫᱟᱬᱟᱱ ᱠᱚ ᱟᱨ ᱵᱮᱯᱟᱨᱤ ᱠᱚ ᱵᱮᱵᱷᱟᱨᱟ ᱾ ᱔ ᱴᱟᱲᱟᱝ ᱑᱐ ᱴᱤᱯᱤᱡ ᱨᱮ ᱥᱮᱴᱮᱨᱚᱜᱼᱟ ᱾

ᱢᱟᱲᱟᱝ ᱡᱷᱟᱸᱥᱤ ᱫᱚ ᱛᱟᱞᱢᱟ ᱨᱮᱞᱣᱮ ᱴᱚᱴᱷᱟ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱢᱩᱢᱵᱟᱭ ᱨᱮ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱱᱤᱛᱚᱜ ᱱᱚᱣᱟ ᱠᱚᱧᱮ ᱛᱟᱞᱢᱟ ᱨᱮᱞᱣᱮ ᱴᱚᱴᱷᱟ ᱨᱮᱱᱟᱜ ᱴᱷᱟᱶ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱟᱞᱟᱦᱟᱵᱟᱫᱽ ᱨᱮ ᱢᱮᱱᱟᱜᱼᱟ ᱾

᱑ ᱡᱟᱱᱩᱣᱟᱨᱤ ᱒᱐᱒᱒ ᱨᱮ, ᱵᱨᱤᱴᱤᱥ ᱥᱟᱞᱟᱜ ᱞᱟᱹᱲᱦᱟᱹᱭ ᱟᱠᱟᱱ ᱡᱷᱟᱸᱥᱤ ᱨᱤᱱᱤᱡ ᱨᱟᱹᱱᱤ ᱞᱚᱠᱷᱢᱤᱵᱟᱭ ᱭᱟᱜ ᱚᱱᱚᱬᱦᱮ ᱛᱮ, ᱱᱚᱣᱟ ᱨᱮᱞᱣᱮ ᱥᱴᱮᱥᱚᱱ ᱨᱮᱱᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮ ᱡᱷᱟᱸᱥᱤ ᱡᱚᱸᱠᱥᱚᱱ ᱠᱷᱚᱱ ᱵᱤᱨᱚᱝᱜᱟᱱᱟ ᱞᱚᱠᱷᱢᱤᱵᱟᱭ ᱨᱮᱞᱣᱮ ᱥᱴᱮᱥᱚᱱ ᱠᱚ ᱧᱩᱛᱩᱢ ᱠᱮᱫᱼᱟ ᱾^[᱓] ᱱᱚᱣᱟ ᱵᱚᱫᱚᱞ ᱛᱮ ᱥᱴᱮᱥᱚᱱ ᱠᱳᱰ JHS ᱠᱷᱚᱱ VGLB ᱨᱮ ᱟᱨ ᱞᱮᱠᱷᱟᱥᱤᱫ ᱠᱳᱰ ᱑᱓᱓᱐᱙᱗᱒᱗ ᱨᱮ ᱵᱚᱫᱚᱞ ᱞᱮᱱᱟ ᱾^[᱓]^[᱔] ᱱᱟᱣᱟ ᱧᱩᱛᱩᱢ ᱞᱟᱹᱜᱤᱫ ᱛᱮ ᱥᱳᱥᱤᱭᱟᱞ ᱢᱤᱰᱤᱭᱟ ᱨᱮ ᱢᱩᱦᱤᱢ ᱪᱟᱞᱟᱜ ᱠᱟᱱᱟ ᱟᱨ ᱟᱭᱢᱟ ᱦᱚᱲ ᱠᱚ ᱱᱚᱣᱟ ᱧᱩᱛᱩᱢ ᱵᱟᱵᱚᱛ ᱛᱮ ᱡᱷᱟᱸᱥᱤ ᱨᱤᱱᱤᱡ ᱥᱚᱝᱥᱚᱫᱽ ᱥᱚᱦᱮᱫ ᱚᱱᱩᱨᱟᱜᱽ ᱥᱚᱨᱢᱟ ᱴᱷᱮᱱ ᱠᱚ ᱞᱟᱹᱭ ᱟᱠᱟᱫᱟ ᱡᱮ "ᱡᱷᱟᱸᱥᱤ" ᱫᱚ ᱥᱴᱮᱥᱚᱱ ᱨᱮᱱᱟᱜ ᱧᱩᱛᱩᱢ ᱨᱮ ᱛᱟᱦᱮᱸᱱᱟ ᱾^[᱓]

ᱡᱚᱲᱟᱣ

ᱡᱷᱟᱸᱥᱤ ᱡᱚᱸᱠᱥᱚᱱ ᱯᱞᱮᱴᱯᱷᱚᱨᱢ ᱔

ᱵᱤᱨᱚᱝᱜᱚᱱᱟ ᱞᱚᱠᱷᱢᱤᱵᱟᱭ ᱡᱷᱟᱸᱥᱤ ᱡᱚᱸᱠᱥᱚᱱ (ᱡᱷᱟᱸᱥᱤ ᱡᱚᱸᱠᱥᱚᱱ) ᱨᱮᱞᱣᱮ ᱥᱴᱮᱥᱚᱱ ᱥᱤᱧᱚᱛ ᱨᱮᱱᱟᱜ ᱟᱭᱢᱟ ᱤᱱᱰᱟᱥᱴᱨᱤᱭᱟᱞ ᱟᱨ ᱢᱩᱬ ᱥᱚᱦᱚᱨ ᱠᱷᱚᱱ ᱱᱟᱶᱟ ᱫᱤᱞᱞᱤ, ᱯᱨᱚᱭᱟᱜᱽᱨᱟᱡᱽ, ᱢᱩᱢᱵᱟᱭ, ᱵᱮᱝᱜᱟᱞᱩᱨᱩ, ᱠᱚᱞᱠᱟᱛᱟ, ᱥᱟᱜᱚᱨ, ᱞᱚᱠᱷᱱᱚᱣ, ᱤᱴᱟᱣᱟ, ᱵᱟᱨᱟᱬᱚᱥᱤ, ᱡᱟᱵᱟᱞᱯᱩᱨ, ᱯᱩᱱᱮ, ᱦᱟᱭᱫᱽᱨᱟᱵᱟᱫᱽ, ᱵᱷᱩᱵᱽᱱᱮᱥᱚᱨ, ᱠᱟᱱᱯᱩᱨ, ᱵᱚᱥᱠᱳ ᱫᱟ ᱜᱟᱢᱟ, ᱵᱤᱡᱚᱭᱣᱟᱰᱟ, ᱵᱤᱥᱟᱠᱷᱟᱯᱟᱴᱱᱟᱢ, ᱩᱫᱚᱭᱯᱩᱨ, ᱟᱢᱨᱤᱛᱥᱚᱨ, ᱯᱚᱴᱷᱟᱱᱠᱚᱴ, ᱵᱷᱚᱯᱟᱞ, ᱪᱮᱱᱱᱟᱭ, ᱜᱳᱨᱟᱠᱷᱯᱩᱨ, ᱠᱚᱭᱟᱢᱵᱟᱴᱩᱨ, ᱡᱟᱹᱢᱢᱩ, ᱟᱜᱽᱨᱟ, ᱚᱢᱚᱨᱟᱵᱚᱛᱤ, ᱨᱟᱭᱯᱩᱨ, ᱚᱦᱢᱚᱫᱟᱵᱟᱫᱽ, ᱵᱟᱱᱫᱟ, ᱱᱟᱜᱽᱯᱩᱨ, ᱛᱤᱨᱩᱵᱚᱱᱚᱱᱚᱱᱛᱯᱩᱨᱚᱢ, ᱠᱚᱪᱤ, ᱠᱚᱡᱷᱤᱠᱚᱰ ᱮᱢᱟᱱ ᱠᱷᱚᱱ ᱞᱟᱹᱠᱛᱤᱭᱟᱱ ᱴᱨᱮᱱ ᱛᱮ ᱡᱚᱲᱟᱣ ᱟᱠᱟᱱᱟ ᱾

ᱵᱤᱨᱚᱝᱜᱟᱱᱟ ᱞᱚᱠᱷᱢᱤᱵᱟᱭ ᱡᱷᱟᱸᱥᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱯᱩᱱᱭᱟ ᱵᱨᱚᱰ ᱜᱮᱡᱽ ᱰᱟᱦᱟᱨ ᱛᱮ ᱥᱮᱵᱟ ᱮᱫᱟ:

ᱵᱤᱨᱚᱝᱜᱟᱱᱟ ᱞᱚᱠᱷᱢᱤᱵᱟᱭ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱟᱨ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱥᱤᱵᱽᱯᱩᱨᱤ ᱛᱟᱞᱟ ᱨᱮ ᱢᱤᱫ ᱱᱟᱣᱟ ᱞᱟᱭᱤᱱ ᱞᱟᱹᱜᱤᱫ ᱥᱟᱨᱵᱷᱮ ᱪᱟᱞᱟᱜ ᱠᱟᱱᱟ ᱡᱟᱦᱟᱸ ᱫᱚ ᱥᱟᱣᱟᱭ ᱢᱟᱫᱷᱳᱯᱩᱨ ᱟᱨ ᱡᱚᱭᱯᱩᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾

ᱥᱤᱧᱚᱛᱤᱭᱟᱹ ᱨᱮᱞᱣᱮ ᱨᱮᱱᱟᱜ ᱟᱹᱰᱤ ᱜᱟᱱ ᱨᱮᱞ ᱡᱷᱟᱸᱥᱤ ᱞᱮᱠᱟᱛᱮ ᱪᱟᱞᱟᱜᱼᱟ, ᱡᱟᱦᱟᱸ ᱨᱮ ᱜᱟᱛᱤᱢᱟᱱ ᱮᱠᱥᱯᱨᱮᱥ (ᱱᱤᱛᱚᱜ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱥᱚᱠᱛᱚ ᱪᱟᱞᱟᱜᱟᱜ ᱨᱮᱞ) ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ ᱾

ᱜᱟᱛᱤᱢᱟᱱ ᱮᱠᱥᱯᱨᱮᱥ (ᱡᱷᱟᱸᱥᱤ ᱠᱷᱚᱱ ᱚᱸᱰᱚᱠᱚᱜᱼᱟ),
ᱥᱚᱛᱟᱵᱽᱫᱤ ᱮᱠᱥᱯᱨᱮᱥ
ᱨᱟᱡᱽᱫᱷᱟᱱᱤ ᱮᱠᱥᱯᱨᱮᱥ
ᱛᱟᱡᱽ ᱮᱠᱥᱯᱨᱮᱥ (ᱡᱷᱟᱸᱥᱤ ᱠᱷᱚᱱ ᱚᱸᱰᱚᱠᱚᱜᱼᱟ),
ᱟᱱᱫᱷᱨᱚ ᱯᱨᱚᱫᱮᱥ ᱮᱠᱥᱯᱨᱮᱥ
ᱠᱚᱨᱱᱟᱴᱚᱠ ᱮᱠᱥᱯᱨᱮᱥ
ᱛᱟᱢᱤᱞᱱᱟᱰᱩ ᱮᱠᱥᱯᱨᱮᱥ
ᱠᱮᱨᱚᱞ ᱮᱠᱥᱯᱨᱮᱥ
ᱛᱮᱞᱮᱝᱜᱟᱱᱟ ᱮᱠᱥᱯᱨᱮᱥ
ᱵᱷᱚᱯᱟᱞ ᱮᱠᱥᱯᱨᱮᱥ
ᱫᱚᱠᱷᱤᱱ ᱮᱠᱥᱯᱨᱮᱥ
ᱯᱩᱥᱯᱟᱠ ᱮᱠᱥᱯᱨᱮᱥ
ᱵᱩᱱᱫᱮᱞᱠᱷᱚᱸᱰ ᱮᱠᱥᱯᱨᱮᱥ
ᱜᱳᱣᱟ ᱮᱠᱥᱯᱨᱮᱥ
ᱫᱩᱨᱚᱱᱴᱳ ᱮᱠᱥᱯᱨᱮᱥ

ᱡᱷᱟᱸᱥᱤ ᱫᱚ ᱭᱩᱱᱮᱥᱠᱳ ᱡᱮᱜᱮᱛ ᱱᱟᱜᱟᱨᱤᱭᱟᱹ ᱢᱟᱹᱱ ᱟᱨᱡᱟᱣ ᱴᱚᱴᱷᱟ ᱠᱷᱚᱡᱩᱨᱟᱦᱳ ᱟᱨ ᱳᱨᱪᱟ ᱥᱮᱱᱚᱜ ᱞᱟᱹᱜᱤᱫ ᱢᱤᱫ ᱢᱩᱬ ᱴᱷᱟᱶ ᱠᱟᱱᱟ ᱾

ᱥᱩᱵᱤᱫᱷᱟ

ᱡᱷᱟᱸᱥᱤ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱨᱮ ᱘ ᱜᱚᱴᱟᱝ ᱯᱞᱮᱴᱯᱷᱚᱨᱢ ᱟᱨ ᱯᱩᱱᱭᱟᱹ ᱚᱥᱟᱨ ᱯᱚᱞ ᱢᱮᱱᱟᱜᱼᱟ ᱾ ᱟᱹᱰᱤ ᱵᱮᱵᱷᱟᱨᱚᱜ ᱠᱟᱱ ᱠᱷᱟᱹᱛᱤᱨ ᱵᱟᱨᱭᱟ ᱱᱟᱣᱟ ᱯᱞᱮᱴᱯᱷᱚᱨᱢ ᱵᱮᱱᱟᱣ ᱨᱮᱱᱟᱜ ᱡᱚᱡᱚᱱᱟ ᱵᱮᱱᱟᱣ ᱟᱠᱟᱱᱟ, ᱡᱟᱦᱟᱸ ᱫᱚ ᱜᱩᱴ ᱮᱞᱮᱞ ᱵᱟᱲᱦᱟᱣ ᱠᱟᱛᱮ ᱑᱑ ᱜᱚᱴᱟᱝ ᱦᱩᱭᱩᱜᱼᱟ ᱾
᱖ ᱜᱚᱴᱟᱝ ᱨᱟᱡᱽᱫᱷᱟᱱᱤ ᱮᱠᱥᱯᱨᱮᱥ ᱟᱨ ᱥᱟᱶᱛᱮ ᱵᱷᱚᱯᱟᱞ-ᱱᱟᱶᱟ ᱫᱤᱞᱞᱤ ᱥᱚᱛᱟᱵᱽᱫᱤ ᱮᱠᱥᱯᱨᱮᱥ ᱡᱷᱟᱸᱥᱤ ᱞᱮᱠᱟᱛᱮ ᱪᱟᱞᱟᱜᱼᱟ ᱾ ᱫᱩᱨᱚᱱᱴᱳ ᱮᱠᱥᱯᱨᱮᱥ ᱨᱮᱱᱟᱜ ᱯᱮ ᱡᱚᱲᱟ ᱟᱜ ᱛᱤᱸᱜᱩ ᱣᱟᱜ ᱡᱷᱟᱸᱥᱤ ᱨᱮᱦᱚᱸ ᱢᱮᱱᱟᱜᱼᱟ ᱾ ᱡᱷᱟᱸᱥᱤ ᱞᱮᱠᱟᱛᱮ ᱪᱟᱞᱟᱜ ᱟᱠᱟᱱ ᱡᱚᱛᱚ ᱯᱚᱱᱚᱛ ᱥᱟᱢᱯᱟᱨᱠ ᱠᱨᱟᱱᱴᱤᱥ ᱨᱮᱱᱟᱜ ᱥᱚᱨᱠᱟᱨᱤ ᱴᱷᱟᱶ ᱫᱚ ᱡᱷᱟᱸᱥᱤ ᱨᱮ ᱢᱮᱱᱟᱜᱼᱟ ᱾ ᱵᱤᱨᱚᱝᱜᱚᱱᱟ ᱞᱚᱠᱷᱢᱤᱵᱟᱭ ᱨᱮᱞᱣᱮ ᱥᱴᱮᱥᱚᱱ ᱨᱮ ᱫᱤᱱᱟᱹᱢ ᱦᱤᱞᱚᱜ ᱑᱕᱐ ᱠᱷᱚᱱ ᱡᱟᱹᱥᱛᱤ ᱨᱮᱞ ᱮ ᱛᱤᱸᱜᱩᱭᱟ ᱾
ᱢᱟᱲᱟᱝ ᱓᱐ ᱢᱤᱱᱤᱴ ᱞᱟᱹᱜᱤᱫ ᱛᱮ ᱨᱮᱞᱣᱮ ᱣᱟᱭ-ᱯᱷᱟᱭ ᱥᱴᱮᱥᱚᱱ ᱟᱨ ᱤᱱᱴᱟᱨᱱᱮᱴ ᱠᱚᱱᱮᱠᱴᱤᱵᱤᱴᱤ ᱯᱷᱨᱤ ᱾

ᱞᱳᱠᱳ ᱥᱮᱰ

ᱡᱷᱟᱸᱥᱤ ᱨᱮ ᱤᱞᱮᱠᱴᱨᱤᱠ ᱟᱨ ᱰᱤᱡᱮᱞ ᱵᱟᱱᱟᱨ ᱜᱮ ᱞᱳᱠᱳ ᱥᱮᱰ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮ ᱢᱤᱫᱴᱟᱹᱝ ᱥᱟᱶᱛᱮ ᱟᱭᱢᱟ ᱤᱞᱮᱠᱴᱨᱤᱠ ᱟᱨ ᱰᱤᱡᱮᱞ ᱞᱳᱠᱳ ᱢᱮᱱᱟᱜᱼᱟ ᱾

ᱡᱷᱟᱸᱥᱤ ᱨᱮ ᱤᱞᱮᱠᱴᱨᱤᱠ ᱞᱳᱠᱳ ᱥᱮᱰ, ᱑᱕᱐ ᱞᱳᱠᱳ ᱨᱮᱱᱟᱜ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮ ᱒᱑᱕ ᱜᱚᱴᱟᱝ ᱨᱮᱞᱣᱮ ᱢᱮᱱᱟᱜᱼᱟ, ᱓᱓ WAP ᱔, ᱑᱑᱗ WAG ᱕ ᱟᱨ ᱖᱕ WAG ᱗ ᱛᱷᱚᱠ ᱨᱮᱱᱟᱜ ᱨᱮᱞᱣᱮ ᱢᱮᱱᱟᱜᱼᱟ ᱾
ᱰᱤᱡᱮᱞ ᱞᱳᱠᱳ ᱥᱮᱰ, ᱡᱷᱟᱸᱥᱤ ᱨᱮ ᱡᱟᱹᱥᱛᱤ ᱜᱟᱱ ᱮᱞᱠᱳ ᱟᱨ ᱤ.ᱮᱢ.ᱰᱤ. ᱰᱤᱡᱮᱞ ᱛᱷᱚᱠ ᱨᱮᱱᱟᱜ ᱤᱱᱡᱤᱱ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ

↑ Azhar. "Virangana Lakshmibai Jhansi Railway Station Map/Atlas NCR/North Central Zone - Railway Enquiry". indiarailinfo.com. Retrieved 1 October 2022.
↑ "[IRFCA] Ian Manning on the Indian Railways - Along The First Routes". Irfca.org. Retrieved 6 October 2017.
↑ ^᱓.᱐ ^᱓.᱑ ^᱓.᱒ "Jhansi railway station is now 'Virangana Lakshmibai'. The station also got its new code abbreviation VGLB against the earlier one JHS". The Deccan Herald. 2 January 2022.
↑ "New code to book tickets for Jhansi Railway Station post name change. Passengers going to Jhansi Railway Station will now have to use 'VJLB' as code to book tickets instead of 'JHS', as per the changed name, a railways official said on Thursday". The Business Standard. PTI. 31 December 2021.

ᱵᱟᱦᱨᱮ ᱡᱚᱱᱚᱲ

[1] Azhar. "Virangana Lakshmibai Jhansi Railway Station Map/Atlas NCR/North Central Zone - Railway Enquiry". indiarailinfo.com. Retrieved 1 October 2022.

[2] "[IRFCA] Ian Manning on the Indian Railways - Along The First Routes". Irfca.org. Retrieved 6 October 2017.

[DeccanHerald02Jan2022-3] ᱓.᱐ ^᱓.᱑ ^᱓.᱒ "Jhansi railway station is now 'Virangana Lakshmibai'. The station also got its new code abbreviation VGLB against the earlier one JHS". The Deccan Herald. 2 January 2022.

[4] "New code to book tickets for Jhansi Railway Station post name change. Passengers going to Jhansi Railway Station will now have to use 'VJLB' as code to book tickets instead of 'JHS', as per the changed name, a railways official said on Thursday". The Business Standard. PTI. 31 December 2021.

[᱑]

[᱒]

[᱓]

[᱔]