ᱢᱚᱱᱢᱚᱦᱚᱱ ᱥᱤᱝ
ᱢᱚᱱᱢᱚᱦᱚᱱ ᱥᱤᱝ (ᱯᱚᱧᱡᱟᱵᱤ: ਮਨਮੋਹਨ ਸਿੰਘ; ᱡᱟᱱᱟᱢ : ᱒᱓ ᱥᱮᱯᱴᱮᱢᱵᱚᱨ ᱑᱙᱓᱒) ᱫᱚ ᱥᱤᱧᱚᱛ ᱨᱤᱱᱤᱡ ᱢᱤᱫ ᱠᱟᱹᱣᱰᱤᱭᱟᱹᱨᱤᱭᱟᱹ ᱠᱟᱱᱟᱭ ᱟᱨ ᱒᱐᱐᱔ ᱠᱷᱚᱱ ᱒᱐᱑᱔ ᱦᱟᱹᱵᱤᱡ ᱥᱤᱧᱚᱛ ᱨᱤᱱᱤᱡ ᱑᱔ ᱟᱱᱤᱡ ᱢᱟᱨᱟᱝ ᱜᱚᱢᱠᱮ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾ ᱥᱤᱝ ᱫᱚ ᱥᱤᱧᱚᱛ ᱨᱤᱱᱤᱡ ᱯᱩᱭᱞᱩ ᱥᱤᱠᱷ ᱢᱟᱨᱟᱝ ᱢᱚᱱᱛᱨᱤ ᱠᱟᱱᱟᱭ ᱾ ᱱᱮᱦᱨᱩ ᱛᱟᱭᱚᱢ ᱢᱚᱬᱮ ᱥᱮᱨᱢᱟ ᱢᱟᱨᱟᱝ ᱜᱚᱢᱠᱮ ᱠᱟᱹᱢᱤ ᱛᱩᱞᱟᱹᱣ ᱠᱟᱛᱮ ᱫᱚᱥᱟᱨ ᱫᱷᱟᱣ ᱢᱟᱨᱟᱝ ᱜᱚᱢᱠᱮ ᱦᱩᱭᱩᱜ ᱨᱮᱱᱟᱜ ᱫᱟᱣ ᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾
| ᱢᱚᱱᱢᱚᱦᱚᱱ ᱥᱤᱝ | |
|---|---|
 | |
| ᱥᱤᱧᱚᱛ ᱨᱤᱱᱤᱡ ᱑᱓ ᱟᱱᱤᱡ ᱢᱟᱨᱟᱝ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱒᱒ ᱢᱮ ᱒᱐᱑᱘ – ᱒᱖ ᱢᱮ ᱒᱐᱑᱘ | |
| ᱫᱤᱥᱚᱢ ᱜᱚᱢᱠᱮ | ᱚᱵᱽᱫᱩᱞ ᱠᱚᱞᱟᱢ ᱯᱨᱚᱛᱤᱵᱷᱟ ᱫᱮᱵᱤᱥᱤᱝ ᱯᱟᱴᱤᱞ ᱯᱨᱚᱬᱚᱵᱽ ᱢᱩᱠᱷᱟᱨᱡᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱚᱴᱚᱞ ᱵᱤᱦᱟᱨᱤ ᱵᱟᱡᱽᱯᱮᱭᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱱᱚᱨᱮᱱᱫᱨᱚ ᱢᱚᱫᱤ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱒᱖ ᱥᱮᱯᱴᱮᱢᱵᱚᱨ ᱑᱙᱓᱒ ᱯᱚᱧᱡᱟᱵᱽ (ᱯᱟᱠᱤᱥᱛᱟᱱ), ᱯᱟᱠᱤᱥᱛᱟᱱ |
| ᱨᱟᱡᱽᱟᱹᱨᱤ ᱫᱚᱞ | ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ |
| ᱡᱤᱭᱚᱱ ᱥᱚᱦᱮᱫ | ᱜᱩᱨᱥᱚᱨᱚᱬ ᱠᱚᱣᱨ |
᱑᱙᱙᱑ ᱥᱟᱞᱮ ᱨᱮ ᱥᱤᱧᱚᱛ ᱠᱟᱹᱣᱰᱤ ᱟᱱᱟᱴ ᱨᱮ ᱛᱟᱦᱮᱸ ᱠᱟᱱᱟ ᱚᱠᱛᱮ ᱱᱟᱶᱟ ᱵᱟᱪᱷᱚᱱᱤᱡ ᱢᱟᱨᱟᱝ ᱜᱚᱢᱠᱮ ᱱᱚᱨᱥᱤᱝ ᱨᱟᱣ ᱦᱟᱦᱟᱲᱟ ᱜᱮ ᱢᱚᱱᱢᱚᱦᱚᱱ ᱮ ᱵᱟᱪᱷᱟᱣ ᱞᱮᱫᱮ ᱛᱟᱦᱮᱸᱫ ᱠᱟᱹᱣᱰᱤ ᱢᱚᱱᱛᱨᱤ ᱞᱮᱠᱟᱛᱮ ᱾ ᱟᱹᱰᱤ ᱠᱮᱴᱮᱡ ᱵᱤᱨᱩᱫᱽ ᱛᱟᱭᱚᱢ ᱦᱚᱸ ᱥᱤᱧᱚᱛ ᱨᱮᱱᱟᱜ ᱠᱟᱹᱣᱰᱤ ᱵᱮᱵᱚᱥᱛᱟ ᱨᱮᱱᱟᱜ ᱰᱷᱚᱝ ᱥᱩᱫᱷᱟᱹᱨ ᱞᱟᱹᱜᱤᱫ ᱟᱹᱰᱤ ᱠᱮᱴᱮᱡ ᱜᱮ ᱠᱩᱨᱩᱢᱩᱴᱩ ᱞᱮᱫ ᱛᱟᱦᱮᱸᱫ ᱾ ᱱᱚᱝᱠᱟ ᱛᱮ ᱥᱤᱧᱚᱛ ᱨᱮᱱᱟᱜ ᱠᱟᱹᱣᱰᱤ ᱟᱱᱟᱴ ᱮ ᱥᱟᱦᱟ ᱞᱮᱫ ᱛᱟᱦᱮᱸᱫ ᱟᱨ ᱡᱮᱜᱮᱛ ᱫᱚᱨᱵᱟᱨ ᱨᱮ ᱢᱤᱫ ᱢᱟᱨᱟᱝ ᱠᱟᱹᱣᱰᱤᱭᱟᱹᱨᱤ ᱞᱮᱠᱟᱛᱮ ᱴᱷᱟᱶᱮ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱩᱱᱚᱠᱛᱚ ᱠᱚᱝᱜᱨᱮᱥ ᱫᱚᱞ ᱑᱙᱙᱖ ᱥᱟᱞᱮ ᱨᱮᱱᱟᱜ ᱵᱟᱪᱷᱱᱟᱣ ᱨᱮ ᱵᱷᱟᱹᱜᱤ ᱚᱨᱡᱚ ᱵᱟᱭ ᱧᱟᱢ ᱞᱮᱫ ᱛᱟᱦᱮᱸᱫ, ᱚᱱᱟ ᱛᱟᱭᱚᱢ ᱑᱙᱙᱘ ᱠᱷᱚᱱ ᱒᱐᱐᱔ ᱥᱟᱞᱮ ᱦᱟᱹᱵᱤᱡ ᱵᱤᱨᱩᱫᱽ ᱫᱚᱞ ᱨᱤᱱᱤᱡ ᱱᱮᱛᱟ ᱞᱮᱠᱛᱮ ᱠᱟᱹᱢᱤ ᱛᱚᱨᱟᱣ ᱞᱮᱫ ᱛᱟᱦᱮᱸᱫ ᱾ ᱒᱐᱐᱔ ᱥᱟᱞᱮ ᱨᱮ ᱠᱚᱝᱜᱨᱮᱥ ᱟᱜ ᱩᱯᱟ ᱥᱚᱨᱠᱟᱨ ᱨᱮ ᱥᱚᱱᱤᱭᱟ ᱜᱟᱱᱫᱷᱤ ᱢᱟᱨᱟᱝ ᱢᱚᱱᱛᱨᱤᱜ ᱵᱟᱭ ᱥᱟᱱᱟ ᱞᱮᱫᱮ ᱠᱷᱟᱱ, ᱢᱚᱱᱢᱚᱦᱚᱱ ᱥᱤᱝ ᱜᱮ ᱥᱤᱧᱚᱛ ᱨᱤᱱᱤᱡ ᱢᱟᱨᱟᱝ ᱜᱚᱢᱠᱮ ᱞᱮᱠᱟᱛᱮ ᱠᱚ ᱵᱟᱪᱷᱟᱣ ᱠᱮᱫᱮᱭᱟ ᱾
ᱡᱤᱭᱚᱱ ᱟᱨ ᱥᱮᱪᱮᱫ
ᱥᱟᱯᱲᱟᱣᱢᱚᱱᱢᱚᱦᱚᱱ ᱥᱤᱝ ᱫᱚ ᱒᱖ ᱥᱮᱯᱴᱮᱢᱵᱚᱨ ᱑᱙᱓᱒ ᱥᱟᱞᱮ ᱨᱮ ᱜᱟᱦᱚ (ᱱᱤᱛ ᱫᱚ ᱯᱟᱠᱤᱥᱛᱟᱱ ᱨᱮ) ᱧᱩᱛᱩᱢᱟᱱ ᱴᱷᱟᱣ ᱨᱮ ᱡᱟᱱᱟᱢ ᱞᱮᱱᱛᱟᱦᱮᱸᱫ ᱢᱤᱫ ᱥᱤᱠᱷ ᱜᱷᱟᱨᱚᱡᱽ ᱨᱮ ᱾
ᱵᱷᱟᱨᱚᱛ ᱟᱨ ᱯᱟᱠᱤᱥᱛᱟᱱ ᱦᱟᱹᱴᱤᱧᱮᱱ ᱛᱟᱭᱚᱢ ᱩᱱᱠᱩ ᱫᱚ ᱚᱢᱨᱤᱛᱥᱚᱨ ᱠᱚ ᱦᱮᱡ ᱞᱮᱱᱟ, ᱚᱸᱰᱮ ᱦᱤᱱᱫᱩ ᱵᱤᱨᱫᱟᱹᱜᱟᱲ ᱨᱮ ᱚᱞ ᱯᱟᱲᱦᱟᱣ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱪᱚᱱᱰᱤᱜᱚᱰ ᱨᱮ ᱢᱮᱱᱟᱜ ᱯᱚᱧᱡᱟᱵᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱥᱮᱞᱮᱫ ᱠᱟᱛᱮ ᱠᱟᱹᱣᱰᱤ ᱟᱹᱨᱤ ᱨᱮ ᱥᱚᱱᱮᱨᱮ ᱥᱤᱫ ᱞᱮᱫ ᱛᱟᱦᱮᱸᱫ ᱾ ᱥᱤᱝ ᱫᱚ ᱜᱩᱨᱥᱚᱨᱚᱸ ᱠᱚᱣᱨ ᱥᱟᱶ ᱵᱟᱯᱞᱟ ᱦᱟᱠᱟᱱᱟᱭ ᱾ ᱩᱱᱠᱤᱱ ᱨᱤᱱ ᱯᱮᱭᱟ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱜ ᱠᱚᱣᱟ ᱩᱯᱤᱱᱫᱚᱨ ᱥᱤᱝ, ᱫᱟᱢᱚᱱ ᱥᱤᱝ ᱟᱨ ᱚᱢᱨᱤᱛ ᱥᱤᱝ ᱾[᱑]
ᱢᱟᱨᱟᱝ ᱢᱚᱱᱛᱨᱤ ᱚᱠᱛᱚ ᱨᱮᱱᱟᱜ ᱠᱟᱹᱢᱤ
ᱥᱟᱯᱲᱟᱣᱟᱡ ᱢᱟᱨᱟᱝ ᱢᱚᱱᱛᱨᱤ ᱛᱟᱦᱮᱸ ᱠᱟᱱ ᱚᱠᱛᱚ ᱨᱮ ᱟᱭᱢᱟ ᱩᱛᱱᱟᱹᱣᱟᱱ ᱠᱟᱹᱢᱤᱦᱚᱨᱟ ᱮᱦᱚᱵ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱠᱚ ᱢᱩᱸᱫᱽ ᱨᱮ ᱟᱹᱛᱩ ᱫᱤᱥᱚᱢ ᱦᱚᱲᱢᱚᱥᱟᱶᱟᱨ ᱡᱚᱥ (ᱜᱨᱟᱢᱤᱬ ᱥᱣᱟᱥᱛᱷᱚ ᱢᱤᱥᱚᱱ), ᱨᱚᱡᱽᱜᱟᱨ ᱜᱟᱨᱮᱱᱴᱤ ᱟᱠᱴ ᱮᱢᱟᱱ ᱮᱢᱟᱱ ᱾ ᱥᱤᱧᱚᱛ ᱨᱮᱱᱟᱜ ᱠᱟᱹᱣᱰᱤ ᱵᱮᱵᱚᱥᱛᱟ ᱟᱹᱰᱤ ᱜᱮ ᱩᱛᱱᱟᱹᱣ ᱞᱮᱱ ᱛᱟᱦᱮᱸᱫ ᱾ ᱒᱐᱐᱙ ᱥᱟᱞᱮ ᱨᱮ ᱥᱟᱝᱜᱮ ᱫᱤᱥᱣᱟᱹ ᱥᱚᱦᱚᱫ ᱛᱮ ᱩᱯᱟ ᱒ ᱥᱚᱨᱠᱟᱨ ᱛᱮᱭᱟᱨ ᱞᱮᱱ ᱛᱟᱦᱮᱸᱫ ᱟᱨ ᱢᱚᱱᱢᱚᱦᱚᱱ ᱫᱚ ᱫᱚᱥᱟᱨ ᱫᱷᱟᱣ ᱢᱟᱨᱟᱝ ᱜᱚᱢᱠᱮ ᱞᱮᱠᱟᱛᱮ ᱠᱚ ᱵᱟᱪᱷᱟᱣ ᱞᱮᱫᱮᱭᱟ ᱾ ᱒᱐᱑᱔ ᱥᱟᱞᱮ ᱨᱮ ᱫᱚ ᱢᱚᱱᱢᱚᱦᱚᱱ ᱵᱟᱪᱷᱱᱟᱣ ᱨᱮ ᱵᱟᱭ ᱥᱮᱞᱮᱫ ᱞᱮᱱᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ "Dr. Manmohan Singh: Personal Profile". Prime Minister's Office, Government of India. Archived from the original on 3 March 2009. Retrieved 4 April 2009.
{{cite web}}: Unknown parameter|deadurl=ignored (help)
ᱵᱟᱨᱦᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Manmohan Singh ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
| ᱣᱤᱠᱤᱠᱩᱣᱚᱴ ᱨᱮ ᱢᱚᱱᱢᱚᱦᱚᱱ ᱥᱤᱝ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾ |
- Prime Minister Manmohan Singh Prime Ministers Office, Archived
- Profile and CV of Prime Minister Manmohan Singh Prime Ministers Office, Archived
- Cabinet of Prime Minister Manmohan Singh Prime Ministers Office, Archived