ᱢᱳᱨᱟᱨᱡᱤ ᱫᱮᱥᱟᱭᱤ
ᱢᱳᱨᱟᱨᱡᱤ ᱨᱟᱸᱪᱷᱚᱰᱡᱤ ᱫᱮᱥᱟᱭᱤ[᱑] (᱒᱙ ᱯᱷᱮᱵᱽᱨᱩᱣᱟᱨᱤ ᱑᱘᱙᱖ - ᱑᱐ ᱮᱯᱨᱤᱞ ᱑᱙᱙᱕)[᱒] (ᱜᱩᱡᱽᱨᱟᱛᱤ: મોરારજી રણછોડજી દેસાઈ) ᱫᱚ ᱥᱤᱧᱚᱛ ᱨᱤᱱᱤᱡ ᱯᱷᱩᱨᱜᱟᱹᱞ ᱞᱟᱹᱰᱷᱟᱹᱭᱤᱭᱟᱹ ᱟᱨ ᱫᱤᱥᱚᱢ ᱨᱤᱱᱤᱡ ᱯᱩᱱᱟᱱ ᱢᱟᱨᱟᱝ ᱢᱚᱱᱛᱨᱤ (ᱥᱮᱨᱢᱟ ᱑᱙᱗᱗ ᱠᱷᱚᱱ ᱗᱙) ᱫᱷᱟᱹᱵᱤᱡ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱯᱩᱭᱞᱩ ᱢᱟᱨᱟᱝ ᱢᱚᱱᱛᱨᱤᱭ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤᱭᱟᱹ ᱠᱚᱸᱜᱽᱨᱮᱥ ᱵᱟᱹᱜᱤ ᱠᱟᱛᱮ ᱮᱴᱟᱜ ᱜᱟᱫᱮᱞ ᱠᱷᱚᱱ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱜᱮ ᱢᱤᱫ ᱱᱚᱝᱠᱟᱱ ᱦᱚᱲ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱥᱚᱱᱢᱟᱱ ᱵᱷᱟᱨᱚᱛ ᱨᱚᱛᱱᱚ ᱟᱨ ᱯᱟᱠᱤᱥᱛᱟᱱ ᱨᱮᱱᱟᱜ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱢᱟᱹᱱ ᱱᱤᱥᱟᱱ-ᱮ-ᱯᱟᱠᱤᱥᱛᱟᱱ ᱛᱮᱠᱚ ᱢᱟᱹᱱ ᱦᱟᱞᱟᱝ ᱟᱠᱟᱫᱮᱭᱟ ᱾
| ᱢᱳᱨᱟᱨᱡᱤ ᱫᱮᱥᱟᱭᱤ | |
|---|---|
 | |
| ᱯᱩᱱᱟᱱ ᱥᱤᱧᱚᱛ ᱨᱤᱱᱤᱡ ᱢᱟᱨᱟᱝ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱒᱔ ᱢᱟᱨᱪ ᱑᱙᱗᱗ – ᱒᱘ ᱡᱩᱞᱟᱭ ᱑᱙᱗᱙ | |
| ᱫᱤᱥᱚᱢ ᱜᱚᱢᱠᱮ | Basappa Danappa Jatti (Acting) ᱱᱤᱞᱟᱢ ᱥᱚᱧᱡᱤᱵᱟ ᱨᱮᱰᱤ |
| Deputy | ᱪᱚᱨᱚᱱ ᱥᱤᱝ ᱡᱚᱜᱽᱡᱤᱵᱚᱱ ᱨᱟᱢ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱤᱱᱫᱤᱨᱟ ᱜᱟᱱᱫᱷᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱪᱚᱨᱚᱱ ᱥᱤᱝ |
| Minister of Home Affairs | |
| ᱟᱹᱢᱟᱹᱞᱤ ᱨᱮ ᱑ ᱡᱩᱞᱟᱭ ᱑᱙᱗᱘ – ᱒᱔ ᱡᱟᱱᱩᱣᱟᱨᱤ ᱑᱙᱗᱙ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱪᱚᱨᱚᱱ ᱥᱤᱝ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱦᱤᱨᱩᱵᱷᱟᱭᱤ ᱮᱢ. ᱯᱟᱴᱮᱞ |
| ᱫᱚᱥᱟᱨ Deputy Prime Minister of India | |
| ᱟᱹᱢᱟᱹᱞᱤ ᱨᱮ ᱑᱓ ᱢᱟᱨᱪ ᱑᱙᱖᱗ – ᱑᱖ ᱡᱩᱞᱟᱭ ᱑᱙᱖᱙ | |
| ᱢᱟᱨᱟᱝ ᱢᱱᱛᱨᱤ | ᱤᱱᱫᱤᱨᱟ ᱜᱟᱱᱫᱷᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱚᱨᱫᱟᱨ ᱵᱚᱞᱞᱚᱵᱽᱵᱷᱟᱭᱤ ᱯᱚᱴᱮᱞ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱪᱚᱨᱚᱱ ᱥᱤᱝ ᱡᱚᱜᱽᱡᱤᱵᱚᱱ ᱨᱟᱢ |
| Minister of Finance | |
| ᱟᱹᱢᱟᱹᱞᱤ ᱨᱮ ᱑᱓ ᱢᱟᱨᱪ ᱑᱙᱖᱗ – ᱑᱖ ᱡᱩᱞᱟᱭ ᱑᱙᱖᱙ | |
| ᱢᱟᱨᱟᱝ ᱢᱱᱛᱨᱤ | ᱤᱱᱫᱤᱨᱟ ᱜᱟᱱᱫᱷᱤ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱚᱪᱤᱱᱫᱽᱨᱚ ᱪᱚᱣᱫᱷᱩᱨᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱤᱱᱫᱤᱨᱟ ᱜᱟᱱᱫᱷᱤ |
| ᱟᱹᱢᱟᱹᱞᱤ ᱨᱮ ᱑᱓ ᱢᱟᱨᱪ ᱑᱙᱕᱘ – ᱒᱙ ᱚᱜᱚᱥᱴ ᱑᱙᱖᱓ | |
| ᱢᱟᱨᱟᱝ ᱢᱱᱛᱨᱤ | ᱡᱚᱵᱟᱦᱚᱨᱞᱟᱞ ᱱᱮᱦᱨᱩ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱡᱚᱵᱟᱦᱚᱨᱞᱟᱞ ᱱᱮᱦᱨᱩ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱴᱤ.ᱴᱤ. ᱠᱨᱤᱥᱱᱟᱢᱚᱪᱟᱨᱤ |
| ᱫᱚᱥᱟᱨ ᱵᱚᱢᱵᱮ ᱯᱚᱱᱚᱛ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ | |
| ᱟᱹᱢᱟᱹᱞᱤ ᱨᱮ ᱒᱑ ᱮᱯᱨᱤᱞ ᱑᱙᱕᱒ – ᱓᱑ ᱚᱠᱴᱚᱵᱚᱨ ᱑᱙᱕᱖ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱵᱤᱹᱡᱤᱹ ᱠᱷᱮᱨ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱭᱚᱥᱣᱚᱱᱛᱨᱟᱣ ᱪᱚᱣᱚᱱ |
| ᱯᱟᱨᱞᱤᱭᱟᱢᱮᱸᱴ ᱥᱚᱦᱮᱛ, ᱞᱳᱠ ᱥᱚᱵᱷᱟ | |
| ᱟᱹᱢᱟᱹᱞᱤ ᱨᱮ ᱑᱙᱕᱗ – ᱑᱙᱘᱐ | |
| ᱵᱟᱪᱱᱟᱣ ᱮᱞᱮᱠᱟ | ᱥᱩᱨᱚᱛ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | Morarji Ranchhodji Desai ᱒᱙ ᱯᱷᱮᱵᱽᱨᱩᱣᱟᱨᱤ ᱑᱘᱙᱖ Bhadeli, ᱵᱚᱞᱥᱚᱨ ᱦᱚᱱᱚᱛ, ᱵᱚᱢᱵᱮ ᱯᱨᱮᱥᱤᱰᱮᱱᱥᱤ, ᱵᱽᱨᱤᱴᱤᱥ ᱤᱱᱰᱤᱭᱟ (present-day ᱵᱚᱞᱥᱚᱫᱽ ᱦᱚᱱᱚᱛ, ᱜᱩᱡᱽᱨᱟᱴ, ᱥᱤᱧᱚᱛ) |
| ᱜᱩᱨ | ᱑᱐ ᱮᱯᱨᱤᱞ ᱑᱙᱙᱕ (᱙᱙ ᱵᱚᱭᱚᱥ) ᱢᱩᱢᱵᱟᱭ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱨᱟᱡᱽᱟᱹᱨᱤ ᱫᱚᱞ | ᱡᱚᱱᱚᱛᱟ ᱫᱚᱞ (᱑᱙᱘᱘–᱑᱙᱙᱕) |
| ᱮᱴᱟᱜ ᱨᱟᱡᱽᱟᱹᱨᱤ ᱥᱟᱹᱜᱟᱹᱭ | ᱤᱱᱰᱤᱭᱟᱱ ᱱᱮᱥᱱᱟᱞ ᱠᱚᱸᱜᱽᱨᱮᱥ (᱑᱙᱓᱔–᱑᱙᱖᱙) Indian National Congress-Organisation (᱑᱙᱖᱙–᱑᱙᱗᱗) ᱡᱚᱱᱚᱛᱟ ᱯᱟᱴᱤ (᱑᱙᱗᱗–᱑᱙᱘᱘) |
| ᱡᱤᱭᱚᱱ ᱥᱚᱦᱮᱫ | Gujraben Desai (m. ᱑᱙᱑᱑) |
| ᱥᱮᱪᱮᱫ ᱟᱠᱷᱲᱟ | ᱢᱩᱢᱵᱟᱭ ᱡᱮᱦᱮᱛ ᱵᱤᱨᱫᱟᱹᱜᱟᱲ |
| ᱠᱟᱹᱢᱤ | |
| ᱥᱤᱨᱯᱷᱟᱹ | ᱵᱷᱟᱨᱚᱛ ᱨᱚᱛᱱᱚ (1991) ᱱᱤᱥᱟᱱ-ᱮ-ᱯᱟᱠᱤᱥᱛᱟᱱ (᱑᱙᱙᱐) |
| ᱥᱩᱦᱤ |  |
ᱩᱱᱤ ᱫᱚ ᱘᱑ ᱥᱮᱨᱢᱟ ᱨᱤᱱᱤᱡ ᱵᱚᱭᱚᱥ ᱨᱮ ᱢᱟᱨᱟᱝ ᱢᱚᱱᱛᱨᱤ ᱫᱚᱭ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱱᱚᱶᱟ ᱠᱷᱚᱱ ᱞᱟᱦᱟᱨᱮ ᱟᱹᱰᱤ ᱫᱷᱟᱣ ᱟᱡ ᱫᱚ ᱢᱟᱨᱟᱝ ᱢᱚᱱᱛᱨᱤ ᱵᱮᱱᱟᱣᱜ ᱞᱟᱹᱜᱤᱫ ᱨᱤᱠᱟᱹ ᱛᱟᱦᱮᱸ ᱠᱟᱱ ᱛᱟᱭᱟ ᱤᱠᱷᱟᱹᱱ ᱵᱟᱭ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱫ ᱾ ᱤᱠᱷᱟᱹᱱ ᱱᱚᱝᱠᱟ ᱠᱟᱛᱷᱟ ᱫᱚ ᱵᱟᱝ ᱠᱟᱱᱟ ᱡᱮ ᱢᱚᱨᱟᱨᱡᱤ ᱢᱟᱨᱟᱝ ᱢᱚᱱᱛᱨᱤ ᱵᱮᱱᱟᱣᱜ ᱞᱟᱹᱜᱤᱫ ᱜᱩᱱ ᱛᱟᱭ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱫᱩᱠ ᱠᱟᱛᱷᱟ ᱫᱚ ᱱᱚᱶᱟ ᱜᱮ ᱡᱮ ᱢᱟᱨᱟᱝ ᱟᱨ ᱜᱟᱹᱠᱷᱳᱲᱟᱱ ᱱᱮᱛᱟ ᱦᱩᱭ ᱠᱟᱛᱮ ᱨᱮᱦᱚᱸ ᱩᱱᱤ ᱫᱚ ᱯᱚᱸᱰᱤᱛ ᱱᱮᱦᱨᱩ ᱟᱨ ᱞᱟᱞᱵᱟᱦᱟᱫᱩᱨ ᱥᱟᱥᱛᱨᱤᱭᱟᱜ ᱜᱩᱨ ᱛᱟᱭᱚᱢ ᱦᱚᱸ ᱢᱟᱨᱟᱝ ᱢᱚᱱᱛᱨᱤ ᱵᱟᱝ ᱠᱚ ᱵᱮᱱᱟᱣ ᱞᱮᱫᱮᱭᱟ ᱾ ᱢᱳᱨᱟᱨᱡᱤ ᱫᱮᱥᱟᱭᱤ ᱫᱚ ᱢᱟᱨᱪ ᱑᱙᱗᱗ ᱨᱮ ᱫᱤᱥᱚᱢ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤᱭ ᱵᱮᱱᱟᱣ ᱮᱱᱟ ᱤᱠᱷᱟᱹᱱ ᱢᱟᱨᱟᱝ ᱢᱚᱱᱛᱨᱤ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤᱱᱟᱝ ᱫᱚ ᱵᱟᱝ ᱯᱩᱨᱟᱹᱣ ᱫᱟᱲᱮᱭᱟᱫ ᱛᱟᱭᱟ ᱾ ᱪᱚᱣᱫᱷᱚᱨᱤ ᱪᱚᱨᱚᱱ ᱥᱤᱝ ᱥᱟᱶ ᱢᱚᱱᱵᱷᱮᱯᱮᱫ ᱠᱷᱟᱹᱛᱤᱨ ᱟᱡ ᱫᱚ ᱢᱟᱨᱟᱝ ᱢᱚᱱᱛᱨᱤ ᱯᱚᱫᱽ ᱵᱟᱹᱜᱤ ᱦᱩᱭ ᱟᱫᱮᱭᱟ ᱾
ᱡᱤᱭᱚᱱ ᱩᱯᱨᱩᱢ
ᱥᱟᱯᱲᱟᱣᱢᱳᱨᱟᱨᱡᱤ ᱫᱮᱥᱟᱭᱤ ᱟᱜ ᱡᱟᱱᱟᱢ ᱫᱚ ᱒᱙ ᱯᱷᱮᱵᱽᱨᱩᱣᱟᱨᱤ ᱑᱘᱙᱖ ᱨᱮ ᱜᱩᱡᱽᱨᱟᱴ ᱨᱮᱱᱟᱜ ᱵᱷᱚᱫᱮᱞᱤ ᱧᱩᱛᱩᱢᱟᱱ ᱴᱚᱴᱷᱟ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ [᱓] ᱩᱱᱤᱭᱟᱜ ᱥᱟᱹᱜᱟᱹᱭ ᱫᱚ ᱢᱤᱫ ᱵᱟᱵᱽᱬᱮ ᱜᱷᱟᱨᱚᱸᱡᱽ ᱥᱟᱶ ᱛᱟᱦᱮᱸ ᱠᱟᱱᱟ ᱾ ᱟᱡ ᱵᱟᱵᱟ ᱫᱚ ᱨᱚᱬᱪᱷᱚᱰᱡᱤ ᱫᱮᱥᱟᱭᱤ ᱵᱷᱟᱣᱱᱚᱜᱚᱨ ᱨᱤᱱᱤᱡ ᱢᱤᱫ ᱵᱤᱨᱫᱟᱹᱜᱟᱲ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱞᱮᱛᱟᱲ ᱜᱮ ᱫᱩᱠᱫᱟᱺᱫᱤ ᱛᱮᱭ ᱩᱱᱩᱢ ᱠᱚᱜ ᱠᱟᱱ ᱛᱟᱦᱮᱸᱫ ᱾ ᱡᱟᱦᱟᱸ ᱠᱷᱟᱹᱛᱤᱨ ᱩᱱᱤ ᱫᱚ ᱠᱩᱸᱭ ᱨᱮ ᱫᱚᱱ ᱪᱟᱹᱰᱩ ᱠᱟᱛᱮ ᱟᱡᱟᱜ ᱡᱤᱭᱚᱱ ᱫᱚᱭ ᱢᱩᱪᱟᱹᱫ ᱞᱮᱫ ᱛᱟᱭᱟ ᱾ ᱵᱟᱵᱟᱦᱟᱜ ᱜᱩᱨ ᱨᱮᱱᱟᱜ ᱛᱮᱥᱟᱨ ᱢᱟᱦᱟᱸ ᱠᱷᱟᱱ ᱜᱮ ᱢᱳᱨᱟᱨᱡᱤ ᱫᱮᱥᱟᱭᱤ ᱫᱚᱠᱚ ᱵᱟᱯᱞᱟ ᱠᱟᱫᱮ ᱛᱟᱦᱮᱸᱫ ᱾
ᱢᱳᱨᱟᱨᱡᱤ ᱫᱮᱥᱟᱭᱤ ᱟᱜ ᱚᱞ ᱯᱟᱲᱦᱟᱣ ᱫᱚ ᱢᱩᱢᱵᱟᱭᱤ ᱨᱮᱱᱟᱜ ᱮᱞᱯᱷᱤᱝᱥᱴᱚᱱ ᱵᱤᱨᱫᱟᱹᱜᱟᱲ ᱨᱮ ᱦᱩᱭ ᱞᱮᱱᱟ ᱡᱟᱦᱟᱸ ᱫᱚ ᱚᱱᱟ ᱚᱠᱛᱚ ᱨᱮᱱᱟᱜ ᱟᱹᱰᱤ ᱫᱟᱢᱟᱱ ᱟᱨ ᱟᱹᱰᱤ ᱠᱷᱚᱨᱪᱟᱦᱟᱱ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱛᱟᱦᱮᱸ ᱠᱟᱱᱟ ᱾ ᱢᱩᱢᱵᱟᱭ ᱨᱮ ᱢᱳᱨᱟᱨᱡᱤ ᱫᱮᱥᱟᱭᱤ ᱫᱚ ᱩᱞᱯᱷᱟᱹ ᱫᱚᱞᱟᱱ ᱚᱲᱟᱜ ᱨᱮᱭ ᱛᱟᱦᱮᱸ ᱮᱱᱟ ᱡᱟᱦᱟᱸ ᱫᱚ ᱜᱳᱠᱩᱞᱫᱟᱥ ᱛᱮᱡᱽᱯᱟᱞ ᱟᱜ ᱧᱩᱛᱩᱢ ᱨᱮ ᱧᱩᱢᱛᱷᱟᱯᱚᱱ ᱛᱟᱦᱮᱸ ᱠᱟᱱᱟ ᱾ ᱢᱤᱫ ᱫᱷᱟᱣ ᱨᱮ ᱚᱸᱰᱮ ᱫᱚ ᱔᱐ ᱦᱚᱲ ᱟᱪᱮᱛᱤᱭᱟᱹ ᱠᱚ ᱛᱟᱦᱮᱸ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱾ ᱟᱪᱮᱛᱤᱭᱟᱹ ᱡᱤᱭᱚᱱ ᱨᱮ ᱢᱳᱨᱟᱨᱡᱤ ᱫᱮᱥᱟᱭᱤ ᱫᱚ ᱟᱹᱰᱤ ᱜᱮ ᱵᱩᱫᱷᱤ ᱟᱨ ᱦᱩᱱᱟᱹᱨᱟᱱ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱵᱤᱨᱫᱟᱹᱜᱟᱲ ᱨᱮ ᱛᱚᱠᱨᱟᱱ ᱜᱟᱫᱮᱞ ᱨᱤᱱᱤᱡ ᱥᱩᱛᱨᱮᱛ ᱦᱚᱸᱠᱚ ᱵᱮᱱᱟᱣ ᱞᱮᱫᱮ ᱛᱟᱦᱮᱸᱫ ᱤᱠᱷᱟᱹᱱ ᱟᱡᱛᱮᱫ ᱢᱳᱨᱟᱨᱡᱤ ᱦᱚᱸ ᱢᱩᱞᱠᱤᱞ ᱛᱮᱜᱮ ᱡᱟᱦᱟᱸᱱ ᱛᱚᱠᱨᱟᱱ ᱦᱮᱯᱨᱟᱣ ᱨᱮ ᱫᱟᱣ ᱮ ᱦᱟᱛᱟᱣ ᱛᱟᱦᱮᱸᱫ ᱾ ᱢᱳᱨᱟᱨᱡᱤ ᱫᱮᱥᱟᱭᱤ ᱫᱚ ᱟᱡᱟᱜ ᱵᱤᱨᱫᱟᱹᱜᱟᱲ ᱡᱤᱭᱚᱱ ᱨᱮᱜᱮ ᱢᱚᱦᱟᱛᱢᱟ ᱜᱟᱱᱫᱷᱤ, ᱵᱟᱞ ᱜᱚᱝᱜᱟᱫᱷᱚᱨ ᱛᱤᱞᱚᱠ ᱟᱨ ᱮᱴᱟᱜ ᱠᱚᱸᱜᱽᱨᱮᱥᱤᱭᱟᱹ ᱱᱮᱛᱟ ᱠᱚᱣᱟᱜ ᱜᱟᱱᱟᱞᱚᱪ ᱫᱚᱭ ᱟᱸᱡᱚᱢ ᱞᱮᱫ ᱛᱟᱦᱮᱸᱫ ᱾
ᱨᱟᱡᱽᱟᱹᱨᱤ ᱡᱤᱭᱚᱱ
ᱥᱟᱯᱲᱟᱣᱢᱳᱨᱟᱨᱡᱤ ᱫᱮᱥᱟᱭᱤ ᱫᱚ ᱑᱙᱓᱐ ᱨᱮ ᱵᱽᱨᱤᱴᱤᱥ ᱥᱚᱨᱠᱟᱨᱟᱜ ᱪᱟᱹᱠᱨᱤᱭ ᱵᱟᱹᱜᱤᱭᱟᱫᱼᱟ ᱾ ᱟᱨ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱨᱤᱱᱤᱡ ᱯᱟᱹᱭᱠᱚᱭ ᱵᱮᱱᱟᱣ ᱮᱱᱟ ᱾ ᱑᱙᱓᱑ ᱨᱮ ᱟᱡ ᱫᱚ ᱜᱩᱡᱽᱨᱟᱴ ᱯᱨᱚᱫᱮᱥ ᱨᱮ ᱠᱚᱸᱜᱽᱨᱮᱥ ᱠᱩᱢᱩᱴ ᱨᱤᱱᱤᱡ ᱥᱩᱛᱨᱮᱛ ᱮ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱯᱩᱨᱟᱹ ᱵᱷᱟᱨᱚᱛᱤᱭᱟᱹ ᱡᱩᱣᱟᱹᱱ ᱠᱚᱸᱜᱽᱨᱮᱥ ᱠᱚᱣᱟᱜ ᱪᱟᱸᱜᱟᱭ ᱛᱷᱟᱯᱚᱱ ᱠᱮᱫᱼᱟ ᱟᱨ ᱥᱚᱨᱫᱟᱨ ᱯᱚᱴᱮᱞᱟᱜ ᱫᱤᱥᱟᱹ ᱩᱫᱩᱜ ᱛᱮ ᱚᱱᱟ ᱨᱤᱱᱤᱡ ᱯᱟᱨᱥᱮᱛ ᱮ ᱵᱮᱱᱟᱣ ᱮᱱᱟ ᱾ ᱑᱙᱓᱒ ᱨᱮ ᱢᱳᱨᱟᱨᱡᱤ ᱫᱚ ᱵᱟᱨ ᱥᱮᱨᱢᱟ ᱞᱟᱹᱜᱤᱫ ᱡᱤᱦᱚᱞ ᱨᱮ ᱵᱷᱩᱸᱡᱟᱹᱣ ᱦᱩᱭ ᱟᱫᱮᱭᱟ ᱾ ᱢᱳᱨᱟᱨᱡᱤ ᱫᱚ ᱑᱙᱓᱗ ᱫᱷᱟᱹᱵᱤᱡ ᱜᱩᱫᱽᱨᱟᱴ ᱯᱨᱚᱫᱮᱥ ᱨᱤᱱᱤᱡ ᱠᱚᱸᱜᱽᱨᱮᱥ ᱠᱩᱢᱩᱴ ᱨᱮ ᱥᱩᱛᱨᱮᱛ ᱮ ᱛᱟᱦᱮᱸ ᱮᱱᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱵᱚᱸᱵᱚᱭ ᱯᱚᱱᱚᱛ ᱨᱮ ᱠᱚᱸᱜᱽᱨᱮᱥ ᱢᱚᱱᱛᱨᱤ ᱢᱟᱰᱮᱨ ᱨᱮᱭ ᱥᱮᱞᱮᱫ ᱮᱱᱟ ᱾ ᱱᱤᱭᱟᱹ ᱚᱠᱛᱚ ᱨᱮ ᱱᱚᱶᱟ ᱠᱚ ᱢᱟᱱᱟᱣ ᱛᱟᱦᱮᱸᱱ ᱡᱮ ᱢᱳᱨᱟᱨᱡᱤ ᱫᱮᱥᱟᱭᱤ ᱫᱚ ᱟᱯᱚᱱᱟᱱ ᱢᱚᱱᱚᱛ ᱨᱮ ᱟᱹᱰᱤ ᱜᱮ ᱠᱚᱰᱨᱟ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱟᱡ ᱛᱮ ᱟᱡᱟᱜ ᱠᱟᱛᱷᱟ ᱪᱮᱛᱟᱱ ᱨᱮᱭ ᱫᱚᱦᱚᱭᱟ ᱟᱨ ᱚᱱᱟ ᱜᱮ ᱡᱚᱛᱷᱟᱛᱟ ᱢᱮᱱᱛᱮᱭ ᱢᱟᱱᱟᱣᱟ ᱾ ᱱᱚᱶᱟ ᱠᱷᱟᱹᱛᱤᱨ ᱦᱚᱲ ᱫᱚ ᱩᱱᱤ ᱵᱷᱚᱲᱚᱠ ᱛᱮ 'ᱡᱚᱛᱚ ᱠᱷᱚᱱ ᱪᱮᱛᱟᱱ ᱱᱮᱛᱟ' ᱠᱚ ᱢᱮᱛᱟᱦᱟᱭ ᱛᱟᱦᱮᱸᱫ ᱾ ᱢᱳᱨᱟᱨᱡᱤ ᱱᱚᱝᱠᱟ ᱠᱚ ᱢᱮᱛᱟᱦᱟᱭ ᱠᱷᱟᱱ ᱠᱩᱥᱤ ᱦᱚᱸᱭ ᱠᱩᱥᱤᱜ ᱜᱮ ᱛᱟᱦᱮᱸᱫ ᱾ ᱜᱩᱡᱽᱨᱟᱴ ᱨᱮᱱᱟᱜ ᱵᱮᱣᱨᱟ ᱥᱟᱠᱟᱢ ᱨᱮ ᱟᱹᱰᱤ ᱵᱮᱲᱟᱨᱮ ᱟᱡᱟᱜ ᱱᱚᱝᱠᱟᱱ ᱦᱚᱲᱦᱩᱱᱟᱹᱨ ᱪᱮᱛᱟᱱ ᱨᱮᱦᱚᱸ ᱯᱟᱨᱥᱟᱞ ᱟᱠᱟᱱᱟ ᱾
ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱨᱮ ᱫᱟᱣ ᱦᱟᱛᱟᱣ ᱠᱷᱟᱹᱛᱤᱨ ᱢᱳᱨᱟᱨᱡᱤ ᱫᱮᱥᱟᱭᱤ ᱫᱚ ᱟᱹᱰᱤ ᱥᱮᱨᱢᱟ ᱡᱤᱦᱚᱞ ᱨᱮᱜᱮ ᱚᱠᱛᱚᱭ ᱠᱷᱮᱢᱟᱣ ᱟᱠᱟᱫᱼᱟ ᱾ ᱫᱤᱥᱚᱢ ᱨᱮᱱᱟᱜ ᱯᱷᱩᱨᱜᱟᱹᱞ ᱚᱠᱛᱚ ᱡᱟᱹᱛᱤᱭᱟᱹᱨᱤ ᱨᱟᱡᱽᱟᱹᱨᱤ ᱨᱮ ᱱᱩᱭᱟᱜ ᱧᱩᱛᱩᱢ ᱫᱚ ᱟᱹᱰᱤ ᱜᱮ ᱦᱟᱢᱟᱞ ᱛᱟᱦᱮᱸ ᱠᱟᱱᱟ ᱾ ᱤᱠᱷᱟᱹᱱ ᱢᱳᱨᱟᱨᱡᱤᱭᱟᱜ ᱮᱛᱚᱦᱚᱵ ᱨᱟᱹᱥᱠᱟᱹ ᱫᱚ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱟᱹᱨᱤ ᱨᱮᱜᱮ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱜᱮ ᱮᱛᱮᱫ ᱫᱚ ᱠᱟᱱᱟ ᱡᱮ ᱑᱙᱕᱒ ᱨᱮ ᱱᱩᱭ ᱫᱚ ᱢᱩᱢᱵᱟᱭ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱠᱚ ᱵᱮᱱᱟᱣ ᱠᱮᱫᱮᱭᱟ ᱾ ᱱᱚᱶᱟ ᱚᱠᱛᱚ ᱫᱷᱟᱹᱵᱤᱡ ᱜᱩᱡᱽᱨᱟᱴ ᱟᱨ ᱢᱚᱦᱟᱨᱟᱥᱴᱨᱚ ᱯᱨᱳᱣᱤᱱᱥ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ ᱟᱨ ᱵᱟᱱᱟᱨ ᱯᱚᱱᱚᱛ ᱨᱮᱱᱟᱜ ᱵᱷᱮᱱᱮᱜᱟᱨ ᱜᱚᱲᱦᱚᱱ ᱫᱚ ᱵᱟᱝ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱑᱙᱖᱗ ᱨᱮ ᱤᱱᱫᱤᱨᱟ ᱜᱟᱱᱫᱷᱤ ᱢᱟᱨᱟᱝ ᱢᱚᱱᱛᱨᱤᱭ ᱵᱮᱱᱟᱣ ᱮᱱ ᱨᱮ ᱢᱳᱨᱟᱨᱡᱤ ᱫᱚ ᱡᱚᱜᱚ ᱢᱟᱨᱟᱝ ᱢᱚᱱᱛᱨᱤ ᱟᱨ ᱦᱳᱸᱢ ᱢᱤᱱᱤᱥᱴᱚᱨ ᱠᱚ ᱵᱮᱱᱟᱣ ᱠᱮᱫᱮᱭᱟ ᱾ ᱤᱠᱷᱟᱹᱱ ᱩᱱᱤ ᱱᱚᱶᱟ ᱠᱟᱛᱷᱟ ᱪᱮᱛᱟᱱ ᱨᱮ ᱦᱚᱸ ᱟᱹᱲᱤᱥ ᱮ ᱛᱟᱦᱮᱸ ᱠᱟᱱᱟ ᱡᱮ ᱟᱡ ᱫᱚ ᱜᱟᱹᱠᱷᱳᱲᱟᱱ ᱠᱚᱸᱜᱽᱨᱮᱥ ᱱᱮᱛᱟ ᱦᱩᱭ ᱠᱟᱛᱮ ᱨᱮᱦᱚᱸ ᱟᱡ ᱵᱟᱝ ᱠᱟᱛᱮ ᱤᱱᱫᱤᱨᱟ ᱜᱟᱱᱫᱷᱤ ᱢᱟᱨᱟᱝ ᱢᱚᱱᱛᱨᱤ ᱠᱚ ᱵᱮᱱᱟᱣ ᱠᱮᱫᱮᱭᱟ ᱾ ᱱᱚᱶᱟ ᱜᱮ ᱮᱛᱮᱫ ᱫᱚ ᱠᱟᱱᱟ ᱡᱮ ᱤᱱᱫᱤᱨᱟ ᱜᱟᱱᱫᱷᱤ ᱦᱚᱛᱮᱛᱮ ᱛᱚᱨᱟᱣᱮᱱ ᱦᱩᱞᱥᱟᱹᱭᱤᱭᱟᱹ ᱯᱚᱨᱛᱚᱱ ᱨᱮ ᱢᱳᱨᱟᱨᱡᱤ ᱫᱚ ᱞᱮᱛᱟᱲ ᱜᱮ ᱮᱴᱠᱮᱴᱚᱬᱮᱭ ᱜᱤᱰᱤᱭᱟᱜ ᱠᱟᱱ ᱛᱟᱦᱮᱸᱫ ᱾ ᱥᱟᱹᱨᱤ ᱠᱟᱛᱷᱟ ᱫᱚ ᱚᱠᱟ ᱚᱠᱛᱚ ᱨᱮ ᱢᱟᱱᱚᱛᱟᱱ ᱠᱟᱢᱨᱟᱡᱽ ᱫᱚ ᱥᱤᱱᱰᱤᱠᱮᱴ ᱟᱜ ᱫᱤᱥ ᱦᱩᱫᱤᱥ ᱛᱮ ᱤᱱᱫᱤᱨᱟ ᱜᱟᱱᱫᱷᱤ ᱢᱟᱨᱟᱝ ᱢᱚᱱᱛᱨᱤ ᱵᱮᱱᱟᱣ ᱮ ᱨᱮᱱᱟᱜ ᱮ ᱞᱟᱹᱭ ᱥᱚᱫᱚᱨ ᱞᱮᱫᱼᱟ ᱩᱱ ᱡᱚᱦᱚᱜ ᱢᱳᱨᱟᱨᱡᱤ ᱦᱚᱸ ᱢᱟᱨᱟᱝ ᱢᱚᱱᱛᱨᱤᱭᱟᱜ ᱫᱟᱹᱲ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱛᱤᱱ ᱡᱚᱦᱚᱜ ᱩᱱᱤ ᱚᱠᱟ ᱞᱮᱠᱟ ᱛᱮᱦᱚᱸ ᱵᱟᱭ ᱢᱟᱱᱟᱣ ᱞᱮᱱ ᱠᱷᱟᱱ ᱯᱟᱴᱤ ᱫᱚ ᱱᱚᱶᱟ ᱠᱟᱛᱷᱟ ᱪᱮᱛᱟᱱ ᱨᱮ ᱵᱟᱪᱷᱱᱟᱣ ᱠᱚ ᱫᱚᱦᱚ ᱠᱮᱫᱼᱟ ᱟᱨ ᱤᱱᱫᱤᱨᱟ ᱜᱟᱱᱫᱷᱤ ᱫᱚ ᱟᱹᱰᱤ ᱜᱟᱱ ᱢᱚᱯᱚᱱᱚᱛ ᱛᱮ ᱡᱤᱛᱠᱟᱹᱨ ᱮ ᱟᱢᱮᱴ ᱠᱮᱫᱼᱟ ᱾
ᱢᱟᱨᱟᱝ ᱢᱚᱱᱛᱨᱤ
ᱥᱟᱯᱲᱟᱣᱯᱚᱸᱰᱤᱛ ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱟᱜ ᱚᱠᱛᱚ ᱨᱮ ᱠᱚᱸᱜᱽᱨᱮᱥ ᱴᱷᱮᱱ ᱡᱟᱦᱟᱸ ᱚᱱᱩᱥᱟᱥᱚᱱ ᱛᱟᱦᱮᱸ ᱠᱟᱱᱟ, ᱚᱱᱟ ᱫᱚ ᱟᱡᱟᱜ ᱜᱩᱨ ᱛᱟᱭᱚᱢ ᱞᱟᱺᱫᱩᱲᱚᱜ ᱮᱛᱚᱦᱚᱵ ᱮᱱᱟ ᱾ ᱛᱤᱱᱟᱹᱝ ᱜᱟᱱ ᱥᱚᱦᱮᱛ ᱫᱚ ᱱᱤᱡᱮ ᱜᱮ ᱯᱟᱴᱤ ᱠᱷᱚᱱ ᱢᱟᱨᱟᱝ ᱠᱚ ᱩᱭᱦᱟᱹᱨᱚᱜ ᱠᱟᱱ ᱛᱟᱦᱮᱸᱫ ᱾ ᱢᱳᱨᱟᱨᱡᱤ ᱫᱮᱥᱟᱭᱤ ᱦᱚᱸ ᱩᱱᱠᱩ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ ᱫᱚ ᱠᱚᱸᱜᱽᱨᱮᱥ ᱯᱟᱴᱤ ᱨᱤᱱᱤᱡ ᱟᱞᱟᱭ ᱟᱠᱟᱱ ᱯᱟᱹᱭᱠᱚ ᱞᱮᱠᱟ ᱜᱮᱭ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱯᱟᱴᱤ ᱠᱷᱚᱱ ᱛᱤᱥ ᱦᱚᱸ ᱚᱠᱟ ᱯᱚᱫᱽ ᱦᱚᱸ ᱵᱟᱭ ᱠᱚᱠᱚᱭ ᱠᱟᱱ ᱛᱟᱦᱮᱸᱫ ᱾ ᱤᱠᱷᱟᱹᱱ ᱱᱚᱶᱟ ᱢᱟᱢᱞᱟ ᱨᱮ ᱢᱳᱨᱟᱨᱡᱤ ᱫᱮᱥᱟᱭᱤ ᱫᱚ ᱩᱞᱴᱟᱹ ᱜᱮᱭ ᱛᱟᱦᱮᱸ ᱠᱟᱱᱟ ᱾ ᱢᱳᱨᱟᱨᱡᱤ ᱫᱮᱥᱟᱭᱤ ᱫᱚ ᱫᱤᱥᱚᱢ ᱨᱤᱱᱤᱡ ᱢᱟᱨᱟᱝ ᱢᱚᱱᱛᱨᱤ ᱵᱮᱱᱟᱣᱜ ᱜᱮ ᱟᱡᱟᱜ ᱯᱩᱭᱞᱩᱣᱟᱹᱛ ᱨᱮ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾ ᱤᱱᱫᱤᱨᱟ ᱜᱟᱱᱫᱷᱤ ᱛᱤᱱ ᱡᱚᱦᱚᱜ ᱱᱚᱶᱟᱭ ᱵᱩᱡᱽ ᱧᱟᱢ ᱠᱮᱫ-ᱟ ᱡᱮ ᱢᱳᱨᱟᱨᱡᱤ ᱫᱮᱥᱟᱭᱤ ᱫᱚ ᱟᱡ ᱞᱟᱹᱜᱤᱫ ᱮᱴᱠᱮᱴᱮᱬᱮᱭ ᱥᱤᱨᱡᱟᱹᱣ ᱮᱫ-ᱟ, ᱮᱱᱠᱷᱟᱱ ᱩᱱᱤ ᱫᱚ ᱢᱳᱨᱟᱨᱡᱤ ᱥᱟᱶ ᱛᱚᱠᱨᱟᱲ ᱮ ᱮᱛᱚᱦᱚᱵ ᱠᱮᱫ-ᱟ ᱾ ᱑᱙᱖᱙ ᱨᱮ ᱛᱤᱱ ᱡᱚᱦᱚᱜ ᱠᱚᱸᱜᱽᱨᱮᱥ ᱟᱜ ᱦᱟᱹᱱᱟᱹᱴᱤᱧ ᱠᱚᱸᱜᱽᱨᱮᱥ-ᱟᱨ ᱟᱨ ᱠᱚᱸᱜᱽᱨᱮᱥ-ᱳ ᱞᱮᱠᱟᱛᱮ ᱦᱩᱭ ᱮᱱᱟ ᱮᱱᱠᱷᱟᱱ ᱢᱳᱨᱟᱨᱡᱤ ᱫᱮᱥᱟᱭᱤ ᱫᱚ ᱤᱱᱫᱤᱨᱟ ᱜᱟᱱᱫᱷᱤᱭᱟᱜ ᱠᱚᱸᱜᱽᱨᱮᱥ-ᱟᱭᱤ ᱨᱮ ᱵᱟᱝ ᱥᱮᱞᱮᱫ ᱠᱟᱛᱮ ᱥᱤᱱᱰᱤᱠᱮᱴ ᱟᱜ ᱠᱚᱸᱜᱽᱨᱮᱥ-ᱳ ᱛᱮᱭ ᱪᱟᱞᱟᱣ ᱮᱱᱟ ᱾ ᱟᱨ ᱑᱙᱗᱕ ᱨᱮ ᱩᱱᱤ ᱫᱚ ᱡᱚᱱᱛᱟ ᱯᱟᱴᱤ ᱨᱮᱭ ᱥᱮᱞᱮᱫ ᱮᱱᱟ ᱾ ᱢᱟᱨᱪ ᱑᱙᱗᱗ ᱨᱮ ᱛᱤᱱ ᱡᱚᱦᱚᱜ ᱞᱳᱠ ᱥᱚᱵᱷᱟ ᱨᱮᱱᱟᱜ ᱵᱟᱪᱷᱱᱟᱣ ᱦᱩᱭ ᱮᱱᱟ ᱩᱱ ᱡᱚᱦᱚᱜ ᱡᱚᱱᱛᱟ ᱯᱟᱴᱤ ᱫᱚ ᱴᱷᱟᱹᱣᱠᱟᱹ ᱜᱮ ᱥᱟᱸᱜᱮ ᱢᱚᱱᱚᱛ ᱮ ᱟᱢᱮᱴ ᱠᱮᱫ-ᱟ ᱾ ᱤᱠᱷᱟᱹᱱ ᱱᱚᱰᱮ ᱦᱚᱸ ᱢᱟᱨᱟᱝ ᱢᱚᱱᱛᱨᱤ ᱯᱚᱫᱽ ᱞᱟᱹᱜᱤᱫ ᱫᱚ ᱵᱟᱨᱭᱟ ᱮᱴᱟᱜ ᱠᱤᱱ ᱦᱮᱯᱨᱟᱣᱤᱭᱟᱹ ᱠᱤᱱ ᱛᱟᱦᱮᱸ ᱠᱟᱱᱟ - ᱪᱚᱣᱫᱷᱚᱨᱤ ᱪᱚᱨᱚᱱ ᱥᱤᱝ ᱟᱨ ᱡᱚᱜᱽᱡᱤᱵᱚᱱ ᱨᱟᱢ ᱾ ᱤᱠᱷᱟᱹᱱ ᱡᱚᱭ ᱯᱨᱚᱠᱟᱥ ᱱᱟᱨᱭᱚᱬ ᱡᱟᱦᱟᱸᱭ ᱫᱚ ᱟᱡ ᱦᱚᱸ ᱛᱤᱥ ᱠᱚᱸᱜᱽᱨᱮᱥ ᱨᱮᱜᱮᱭ ᱛᱟᱦᱮᱸ ᱠᱟᱱᱟ, ᱩᱱᱤ ᱫᱚ ᱠᱤᱝ ᱢᱮᱠᱚᱨ ᱨᱮᱱᱟᱜ ᱟᱡᱟᱜ ᱴᱷᱟᱺᱭ ᱨᱮᱱᱟᱜ ᱱᱟᱭᱠᱟ ᱦᱟᱛᱟᱣ ᱛᱩᱞᱩᱡ ᱢᱳᱨᱟᱨᱡᱤ ᱫᱮᱥᱟᱭᱤ ᱫᱚ ᱜᱚᱲᱚᱭ ᱪᱟᱞ ᱟᱫᱮᱭᱟ ᱾
ᱱᱤᱭᱟᱹ ᱛᱟᱭᱚᱢ ᱒᱓ ᱢᱟᱨᱪ ᱑᱙᱗᱗ ᱨᱮ ᱘᱑ ᱥᱮᱨᱢᱟ ᱨᱮᱱᱟᱜ ᱵᱚᱭᱚᱥ ᱨᱮ ᱢᱳᱨᱟᱨᱡᱤ ᱫᱮᱥᱟᱭᱤ ᱫᱚ ᱥᱤᱧᱚᱛᱤᱭᱟᱹ ᱢᱟᱨᱟᱝ ᱢᱚᱱᱛᱨᱤᱭᱟᱜ ᱟᱺᱜᱤᱵᱷᱟᱨ ᱮ ᱟᱯᱱᱟᱨ ᱠᱮᱫ-ᱟ ᱾ ᱱᱩᱭᱟᱜ ᱢᱟᱨᱟᱝ ᱢᱚᱱᱛᱨᱤᱭᱟᱹᱛ ᱨᱮᱱᱟᱜ ᱮᱛᱚᱦᱚᱵ ᱱᱟᱝ ᱨᱮ, ᱫᱤᱥᱚᱢ ᱨᱮᱱᱟᱜ ᱡᱟᱦᱟᱸ ᱟᱨᱮ ᱜᱚᱴᱟᱝ ᱯᱚᱱᱚᱛ ᱨᱮ ᱠᱚᱸᱜᱽᱨᱮᱥ ᱠᱚᱣᱟᱜ ᱪᱟᱪᱞᱟᱣ ᱛᱟᱦᱮᱸ ᱠᱟᱱᱟ, ᱚᱸᱰᱮᱱ ᱠᱚ ᱥᱚᱨᱠᱟᱨ ᱠᱚ ᱨᱟᱹᱯᱩᱫ ᱠᱮᱫ ᱠᱚᱣᱟ ᱟᱨ ᱯᱚᱱᱚᱛ ᱨᱮ ᱱᱟᱶᱟ ᱵᱟᱪᱷᱱᱟᱣ ᱛᱚᱨᱟᱣ ᱨᱮᱱᱟᱜ ᱦᱚᱸᱠᱚ ᱞᱟᱹᱭ ᱥᱟᱰᱮ ᱦᱚᱪᱚ ᱠᱮᱫ ᱠᱚᱣᱟ ᱾ ᱱᱚᱶᱟ ᱫᱚ ᱵᱮ-ᱟᱹᱱᱟᱹᱨᱤ ᱠᱟᱹᱢᱤᱦᱚᱨᱟ ᱛᱟᱦᱮᱸ ᱠᱟᱱᱟ ᱾ ᱡᱚᱱᱛᱟ ᱯᱟᱴᱤ ᱫᱚ, ᱤᱱᱫᱤᱨᱟ ᱜᱟᱱᱫᱷᱤ ᱟᱨ ᱩᱱᱤ ᱜᱚᱲᱚᱣᱟᱜ ᱠᱚᱸᱜᱽᱨᱮᱥ ᱫᱚ ᱫᱤᱥᱚᱢ ᱠᱷᱚᱱ ᱥᱟᱯᱷᱟ ᱩᱛᱟᱹᱨ ᱨᱮᱱᱟᱜ ᱠᱤᱨᱟᱹᱵᱷᱟᱹᱨ ᱟᱡ ᱴᱷᱮᱱ ᱧᱮᱞ ᱧᱟᱢ ᱮᱱᱟ ᱾ ᱤᱠᱷᱟᱹᱱ ᱱᱚᱶᱟ ᱠᱟᱹᱢᱤ ᱫᱚ ᱵᱩᱫᱽᱡᱤᱣᱤᱱ ᱦᱚᱛᱮᱛᱮ ᱥᱟᱨᱦᱟᱣᱱᱟ ᱫᱚ ᱵᱟᱭ ᱧᱟᱢ ᱞᱮᱫ-ᱟ ᱾
ᱥᱟᱹᱠᱷᱭᱟᱹᱛ
ᱥᱟᱯᱲᱟᱣ- ↑ The Columbia Electronic Encyclopedia. "Desai, Morarji Ranchhodji". TheFreeDictionary.com. Columbia University Press. Retrieved 8 September 2018.
- ↑ Darpan, Pratiyogita (1 December 2006). "Pratiyogita Darpan". Pratiyogita Darpan – via Google Books.
- ↑ Bhattacharya, DP (26 May 2014). "Gujarati Prime Ministers Morarji Desai & Narendra Modi share similarities". The Economic Times. Gandhinagar. Retrieved 23 March 2018.
ᱵᱟᱦᱨᱮ ᱡᱚᱱᱚᱲ
ᱥᱟᱯᱲᱟᱣ| ᱣᱤᱠᱤᱠᱩᱣᱚᱴ ᱨᱮ ᱢᱳᱨᱟᱨᱡᱤ ᱫᱮᱥᱟᱭᱤ ᱥᱟᱶ ᱡᱚᱲᱟᱣᱟᱱᱟᱜ ᱠᱟᱛᱷᱟ ᱠᱚ ᱾ |
Media related to ᱢᱳᱨᱟᱨᱡᱤ ᱫᱮᱥᱟᱭᱤ at Wikimedia Commons
