ᱮᱛᱚᱢ ᱥᱟᱢᱟᱝ ᱮᱥᱤᱭᱟ

ᱮᱥᱤᱭᱟ ᱨᱮᱱᱟᱜ ᱡᱚᱜᱚ ᱴᱚᱴᱷᱟ

ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱫᱚ ᱮᱥᱤᱭᱟ ᱨᱮᱱᱟᱜ ᱚᱛᱱᱚᱜ ᱮᱛᱚᱢ ᱥᱟᱢᱟᱝ ᱡᱚᱜᱚ ᱴᱚᱴᱷᱟ ᱠᱟᱱᱟ, ᱡᱟᱦᱟᱸ ᱨᱮ ᱪᱤᱱ ᱨᱮᱱᱟᱜ ᱮᱛᱚᱢ ᱨᱮ, ᱥᱤᱧᱚᱛᱤᱭᱟᱹ ᱡᱚᱜᱚ ᱢᱟᱦᱟᱫᱤᱯ ᱨᱮᱱᱟᱜ ᱮᱛᱚᱢᱼᱥᱟᱢᱟᱝ ᱟᱨ ᱚᱥᱴᱨᱮᱞᱤᱭᱟ ᱨᱮᱱᱟᱜ ᱠᱚᱧᱮᱼᱯᱟᱪᱮ ᱴᱚᱴᱷᱟ ᱨᱮ ᱥᱮᱞᱮᱫ ᱟᱠᱟᱱᱟ ᱾[᱔] ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱠᱚᱧᱮ ᱨᱮ ᱥᱟᱢᱟᱝ ᱮᱥᱤᱭᱟ, ᱯᱟᱪᱮ ᱨᱮ ᱮᱛᱚᱢ ᱮᱥᱤᱭᱟ ᱟᱨ ᱵᱮᱸᱜᱚᱞ ᱠᱚᱪᱟ ᱫᱚᱨᱭᱟ, ᱥᱟᱢᱟᱝ ᱨᱮ ᱳᱥᱤᱱᱤᱭᱟ ᱟᱨ ᱯᱨᱚᱥᱟᱱᱛ ᱢᱟᱦᱟᱫᱚᱨᱭᱟ ᱟᱨ ᱮᱛᱚᱢ ᱨᱮ ᱚᱥᱴᱨᱮᱞᱤᱭᱟ ᱟᱨ ᱥᱤᱧᱚᱛ ᱢᱟᱦᱟᱫᱚᱨᱭᱟ ᱢᱮᱱᱟᱜᱼᱟ ᱾ ᱵᱨᱤᱴᱤᱥ ᱥᱤᱧᱚᱛ ᱢᱟᱦᱟᱫᱚᱨᱭᱟ ᱴᱚᱴᱷᱟ ᱟᱨ ᱮᱛᱚᱢ ᱮᱥᱤᱭᱟ ᱨᱮ ᱢᱟᱞᱫᱤᱯ ᱨᱮᱱᱟᱜ ᱒᱖ ᱮᱴᱚᱞ ᱠᱷᱚᱱ ᱫᱚ ᱵᱟᱨᱭᱟ ᱥᱟᱶᱛᱮ, ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱫᱚ ᱮᱥᱤᱭᱟ ᱨᱮᱱᱟᱜ ᱢᱤᱫᱴᱟᱹᱝ ᱡᱚᱜᱚᱼᱴᱚᱴᱷᱟ ᱠᱟᱱᱟ ᱱᱚᱣᱟ ᱟᱝᱥᱤᱠ ᱞᱮᱠᱟᱛᱮ ᱮᱛᱚᱢ ᱜᱚᱞᱚᱨᱫᱷ ᱨᱮ ᱢᱮᱱᱟᱜᱼᱟ ᱾ ᱡᱚᱜᱚᱼᱴᱚᱴᱷᱟ ᱨᱮᱱᱟᱜ ᱰᱮᱦᱮᱨ ᱛᱮᱫ ᱵᱷᱟᱜᱽ ᱫᱚ ᱱᱤᱛᱚᱜ ᱦᱚᱸ ᱠᱚᱧᱮ ᱜᱚᱞᱚᱨᱫᱷ ᱨᱮ ᱢᱮᱱᱟᱜᱼᱟ ᱾ ᱥᱟᱢᱟᱝ ᱛᱤᱢᱳᱨ ᱟᱨ ᱤᱱᱰᱚᱱᱮᱥᱤᱭᱟ ᱨᱮᱱᱟᱜ ᱮᱛᱚᱢ ᱥᱮᱦᱮᱫᱟᱜ ᱜᱮ ᱤᱠᱭᱩᱴᱚᱨ ᱜᱟᱨ ᱨᱮᱱᱟᱜ ᱮᱛᱚᱢ ᱨᱮ ᱢᱮᱱᱟᱜᱼᱟ ᱾

ᱮᱛᱚᱢ ᱥᱟᱢᱟᱝ ᱮᱥᱤᱭᱟ
ᱮᱨᱤᱭᱟ4,545,792 km2 (1,755,140 sq mi)
ᱦᱚᱲᱮᱞ641,775,797 (3rd)[᱑]
ᱦᱚᱲᱮᱞ ᱰᱮᱱᱥᱤᱴᱤ135.6/km2 (351/sq mi)
ᱡᱤ.ᱰᱤ.ᱯᱤ (ᱯᱤ.ᱯᱤ.ᱯᱤ)$9.727 trillion[᱒]
ᱡᱤ.ᱰᱤ.ᱯᱤ (ᱱᱚᱢᱤᱱᱟᱞ)$3.317 trillion (exchange rate)[᱓]
ᱦᱚᱲ ᱯᱤᱪᱷᱤ ᱡᱤ.ᱰᱤ.ᱯᱤ$5,017 (exchange rate)[᱓]
ᱮᱭᱤᱪ.ᱰᱤ.ᱟᱭincrease 0.723
ᱡᱟᱹᱛᱤ ᱜᱩᱥᱴᱤᱤᱱᱰᱤᱜᱮᱱᱚᱥ (ᱮᱛᱚᱢᱥᱟᱢᱟᱝ ᱮᱥᱤᱭᱟᱱ)
ᱚᱥᱴᱨᱳᱮᱥᱤᱭᱟᱴᱤᱠ, ᱟᱥᱴᱨᱳᱱᱮᱥᱤᱭᱟ, ᱱᱮᱜᱽᱨᱤᱴᱳ, ᱞᱳᱞᱳ-ᱵᱚᱨᱢᱤ ᱟᱨ ᱛᱟᱭ ᱦᱚᱲ ᱠᱚ
ᱥᱟᱢᱟᱝ ᱮᱥᱤᱭᱟᱱ
ᱦᱟᱱ
ᱢᱤᱫ ᱢᱮᱱᱮᱫᱮᱛᱚᱢ ᱥᱟᱢᱟᱝ ᱮᱥᱤᱭᱟᱱ
ᱫᱤᱥᱚᱢ ᱠᱚ
ᱰᱤᱯᱮᱱᱰᱮᱱᱥᱤᱥ
ᱯᱟᱹᱨᱥᱤ ᱠᱚ
ᱛᱟᱹᱨᱤ ᱚᱠᱛᱚ
ᱤᱱᱴᱟᱨᱱᱮᱴ ᱴᱤ.ᱮᱞ.ᱰᱤ.bn, .id, .kh, .la, .mm, .my, .ph, .sg, .th, .tl, .vn
ᱠᱚᱞ ᱠᱳᱰZone 6 & 8
ᱢᱟᱨᱟᱝ ᱥᱚᱦᱚᱨ ᱠᱚ
ᱤᱭᱩ.ᱮᱱ ᱮᱢ᱔᱙ ᱠᱳᱰ035 – ᱮᱛᱚᱢ-ᱥᱟᱢᱟᱝ ᱮᱥᱤᱭᱟ
142ᱮᱥᱤᱭᱟ
001ᱡᱮᱜᱮᱛ

ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮ ᱵᱟᱨᱭᱟ ᱚᱛᱱᱚᱜ ᱴᱚᱴᱷᱟ ᱥᱮᱞᱮᱫ ᱟᱠᱟᱱᱟ :

  1. ᱢᱩᱬ ᱚᱛ ᱮᱛᱚᱢ ᱥᱟᱢᱟᱝ ᱮᱥᱤᱭᱟ, ᱚᱠᱟ ᱤᱱᱰᱚᱪᱟᱭᱱᱤᱡᱽ ᱯᱨᱟᱭᱫᱤᱯ ᱞᱮᱠᱟᱛᱮ ᱦᱚᱸ ᱵᱟᱰᱟᱭᱚᱜᱼᱟ ᱟᱨ ᱱᱟᱜᱟᱢᱤᱭᱟᱹ ᱞᱮᱠᱟᱛᱮ ᱤᱱᱰᱚᱪᱤᱱ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ, ᱡᱟᱦᱟᱸ ᱨᱮ ᱠᱮᱢᱵᱳᱰᱤᱭᱟ, ᱞᱟᱣᱚᱥ, ᱢᱤᱭᱟᱱᱢᱟᱨ, ᱯᱨᱟᱭᱫᱤᱯᱤᱭ ᱢᱟᱞᱮᱥᱤᱭᱟ, ᱛᱷᱟᱭᱞᱮᱱᱰ ᱟᱨ ᱵᱷᱤᱭᱮᱛᱱᱟᱢ ᱥᱮᱞᱮᱫ ᱟᱠᱟᱱᱟ ᱾
  2. ᱫᱚᱨᱭᱟ ᱮᱛᱚᱢ ᱥᱟᱢᱟᱝ ᱮᱥᱤᱭᱟ, ᱚᱠᱟ ᱢᱟᱞᱟᱭ ᱫᱤᱯᱜᱩᱴ ᱞᱮᱠᱟᱛᱮ ᱦᱚᱸ ᱵᱟᱰᱟᱭᱚᱜᱼᱟ ᱟᱨ ᱱᱟᱜᱟᱢᱤᱭᱟᱹ ᱞᱮᱠᱟᱛᱮ ᱫᱚ ᱱᱩᱥᱚᱱᱛᱟᱨᱟ ᱞᱮᱠᱟᱛᱮ ᱵᱟᱰᱟᱭᱚᱜᱼᱟ, ᱡᱟᱦᱟᱸ ᱨᱮ ᱟᱱᱰᱟᱢᱟᱱ ᱟᱨ ᱱᱤᱠᱚᱵᱚᱨ ᱯᱩᱧᱡᱤᱰᱷᱤᱯ (ᱥᱤᱧᱚᱛ), ᱵᱨᱩᱱᱟᱭ, ᱥᱟᱢᱟᱝ ᱢᱟᱞᱮᱥᱤᱭᱟ, ᱥᱟᱢᱟᱝ ᱛᱤᱢᱳᱨ, ᱤᱱᱰᱚᱱᱮᱥᱤᱭᱟ, ᱯᱷᱤᱞᱤᱯᱟᱭᱤᱱ ᱟᱨ ᱥᱤᱝᱜᱟᱯᱩᱨ ᱥᱮᱞᱮᱫ ᱟᱠᱟᱱᱟ ᱾[᱕]

ᱱᱚᱸᱰᱮ ᱔,᱕᱐᱐,᱐᱐᱐ ᱜᱟᱺᱴ ᱠᱤᱞᱚᱢᱤᱴᱚᱨ (᱑,᱗᱐᱐,᱐᱐᱐ ᱜᱟᱺᱴ ᱢᱤᱞ) ᱥᱮᱞᱮᱫ ᱟᱠᱟᱱᱟ, ᱱᱚᱣᱟ ᱮᱥᱤᱭᱟ ᱨᱮᱱᱟᱜ ᱑᱐.᱕% ᱟᱨᱵᱟᱝ ᱫᱷᱟᱹᱨᱛᱤ ᱨᱮᱱᱟᱜ ᱜᱩᱴ ᱚᱛ ᱴᱚᱴᱷᱟ ᱨᱮᱱᱟᱜ ᱫᱚ ᱓% ᱢᱮᱱᱟᱜᱼᱟ ᱾ ᱱᱩᱠᱩ ᱜᱩᱴ ᱦᱚᱲ ᱮᱞ ᱫᱚ ᱖᱕᱕ ᱢᱤᱞᱤᱭᱚᱱ ᱠᱷᱚᱱ ᱰᱮᱦᱮᱨ ᱢᱮᱱᱟᱜ ᱠᱚᱣᱟ, ᱱᱚᱣᱟ ᱡᱮᱜᱮᱛ ᱨᱤᱱ ᱦᱚᱲ ᱮᱞ ᱨᱮᱱᱟᱜ ᱘.᱕% ᱢᱮᱱᱟᱜᱼᱟ ᱾ ᱱᱚᱣᱟ ᱮᱛᱚᱢ ᱮᱥᱤᱭᱟ ᱟᱨ ᱥᱟᱢᱟᱝ ᱮᱥᱤᱭᱟ ᱛᱟᱭᱚᱢ ᱮᱥᱤᱭᱟ ᱨᱮᱱᱟᱜ ᱛᱮᱥᱟᱨ ᱟᱹᱰᱤ ᱥᱟᱸᱜᱮ ᱦᱚᱲ ᱮᱞ ᱟᱜ ᱚᱛᱱᱚᱜ ᱴᱚᱴᱷᱟ ᱠᱟᱱᱟ ᱾[᱖] ᱵᱷᱤᱱᱟᱹ ᱵᱷᱤᱱᱟᱹ ᱡᱟᱹᱛᱤ ᱜᱩᱴ ᱦᱚᱛᱮᱛᱮ ᱨᱚᱲᱮᱫ ᱥᱟᱭ ᱯᱟᱹᱨᱥᱤᱠᱚ ᱥᱟᱶ ᱱᱚᱣᱟ ᱴᱚᱴᱷᱟ ᱠᱟᱞᱪᱟᱨᱟᱞ ᱟᱨ ᱡᱟᱹᱛᱤ ᱞᱮᱠᱟᱛᱮ ᱵᱷᱮᱡᱟᱨ ᱜᱮᱭᱟ ᱾[᱗] ᱱᱤᱭᱟᱹ ᱴᱚᱴᱷᱟ ᱨᱮᱱᱟᱜ ᱜᱮᱞ ᱜᱚᱴᱟᱝ ᱫᱤᱥᱚᱢ ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱫᱤᱥᱚᱢ ᱮᱥᱚᱥᱤᱭᱮᱥᱚᱱ (ᱟᱥᱤᱭᱟᱱ) ᱨᱤᱱ ᱥᱚᱦᱮᱫ ᱢᱮᱱᱟᱜ ᱠᱚᱣᱟ, ᱱᱤᱭᱟᱹ ᱟᱡᱟᱜ ᱥᱚᱦᱮᱫ ᱛᱟᱞᱟ ᱨᱮ ᱠᱟᱹᱣᱰᱤ ᱟᱹᱨᱤ, ᱨᱟᱡᱽᱟᱹᱨᱤ, ᱯᱷᱟᱹᱫᱽ, ᱥᱮᱪᱮᱫᱟᱜ ᱟᱨ ᱠᱟᱞᱪᱟᱨᱟᱞ ᱡᱩᱢᱤᱫᱚᱜ ᱞᱟᱹᱜᱤᱫ ᱛᱮ ᱛᱷᱟᱯᱚᱱ ᱟᱠᱟᱱ ᱢᱤᱫ ᱴᱚᱴᱷᱟᱠᱤᱭᱟᱹ ᱜᱟᱶᱛᱟ ᱢᱮᱱᱟᱜᱼᱟ ᱾[᱘]

ᱰᱮᱯᱷᱤᱱᱮᱥᱚᱱ ᱥᱟᱯᱲᱟᱣ

 
ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱯᱚᱱᱚᱛ ᱟᱨ ᱴᱚᱴᱷᱟ

ᱱᱚᱣᱟ ᱴᱚᱴᱷᱟ, ᱮᱛᱚᱢ ᱮᱥᱤᱭᱟ ᱨᱮᱱᱟᱜ ᱴᱷᱟᱶ ᱥᱟᱶ, ᱒᱐ ᱟᱱᱟᱜ ᱥᱚᱛᱟᱵᱽᱫᱤ ᱫᱷᱟᱹᱨᱤᱡ ᱤᱭᱩᱨᱚᱯᱤᱭ ᱦᱚᱲ ᱦᱚᱛᱮᱛᱮ ᱤᱥᱴ ᱤᱱᱰᱤᱡᱽ ᱟᱨᱵᱟᱝ ᱤᱱᱰᱤᱡᱽ ᱞᱮᱠᱟᱛᱮ ᱵᱟᱰᱟᱭᱚᱜ ᱠᱟᱱᱟ ᱛᱟᱦᱮᱸᱫ ᱾ ᱪᱟᱭᱱᱤᱡᱽ ᱥᱳᱥ ᱫᱚ ᱱᱤᱭᱟᱹ ᱴᱚᱴᱷᱟ ᱫᱚ ᱱᱟᱱᱭᱟᱝ ᱞᱮᱠᱟᱛᱮ ᱥᱟᱹᱠᱷᱭᱟᱹᱛ ᱠᱮᱜᱼᱟ, ᱚᱠᱚᱭᱟᱜ ᱟᱹᱲᱟᱹ ᱢᱮᱱᱮᱛ ᱢᱮᱱᱟᱜᱼᱟ "ᱮᱛᱚᱢ ᱢᱟᱦᱟᱫᱚᱨᱭᱟ" ᱾ ᱪᱤᱱ ᱟᱨ ᱥᱤᱧᱚᱛᱤᱭᱟᱹ ᱡᱚᱜᱚᱢᱟᱦᱟᱫᱤᱯ ᱛᱟᱞᱟ ᱨᱮ ᱱᱚᱣᱟ ᱨᱮᱱᱟᱜ ᱴᱷᱟᱶ ᱟᱨ ᱵᱟᱱᱟᱨ ᱯᱩᱲᱥᱤ ᱴᱚᱴᱷᱟ ᱠᱷᱚᱱ ᱜᱮ ᱠᱟᱞᱪᱟᱨᱟᱞ ᱤᱯᱷᱮᱠᱴ ᱤᱫᱤ ᱛᱮ ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱢᱩᱬ ᱚᱛ ᱠᱷᱚᱸᱰ ᱫᱚ ᱤᱭᱩᱨᱚᱯᱤᱭᱟᱱ ᱚᱛᱱᱚᱜ ᱦᱚᱛᱮᱛᱮ ᱤᱱᱰᱚᱪᱤᱱ ᱞᱮᱠᱟᱛᱮ ᱥᱟᱹᱠᱷᱭᱟᱹᱛ ᱞᱮᱱᱟ ᱛᱟᱦᱮᱸᱫ ᱾ ᱒᱐ ᱟᱱᱟᱜ ᱥᱚᱛᱟᱵᱽᱫᱤ ᱨᱮ, ᱟᱫᱚ, ᱱᱚᱣᱟ ᱟᱹᱲᱟᱹ ᱫᱚ ᱢᱟᱲᱟᱝ ᱯᱷᱨᱟᱝᱥᱤᱥᱤ ᱤᱱᱰᱚᱪᱟᱭᱱᱟ (ᱠᱮᱢᱵᱳᱰᱤᱭᱟ, ᱞᱟᱣᱚᱥ ᱟᱨ ᱵᱷᱤᱭᱮᱛᱱᱟᱢ) ᱨᱮᱱᱟᱜ ᱴᱚᱴᱷᱟ ᱫᱷᱟᱹᱨᱤᱡ ᱜᱷᱮᱨᱟᱣ ᱦᱩᱭ ᱟᱠᱟᱱᱟ ᱾ ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱫᱚᱨᱭᱟ ᱠᱷᱚᱸᱰ ᱫᱚ ᱢᱟᱞᱟᱭ ᱫᱤᱯ ᱜᱩᱴ ᱞᱮᱠᱟᱛᱮ ᱦᱚᱸ ᱵᱟᱰᱟᱭᱚᱜᱼᱟ, ᱢᱤᱫᱴᱟᱹᱝ ᱢᱟᱞᱟᱭ ᱡᱟᱹᱛᱤ ᱟᱜ ᱤᱭᱩᱨᱚᱯᱤᱭᱟᱱ ᱵᱤᱪᱟᱹᱨ ᱠᱷᱚᱱ ᱦᱟᱛᱟᱣ ᱟᱠᱟᱱ ᱟᱹᱲᱟᱹ ᱠᱟᱱᱟ ᱾[᱙] ᱫᱚᱨᱭᱟ ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱞᱟᱹᱜᱤᱫ ᱛᱮ ᱢᱤᱫᱴᱟᱹᱝ ᱟᱨ ᱟᱹᱲᱟᱹ ᱤᱱᱥᱩᱞᱤᱱᱰᱤᱭᱟ (ᱥᱤᱧᱚᱛᱤᱭᱟᱹ ᱫᱤᱯ ᱜᱩᱴ) ᱢᱮᱱᱟᱜᱼᱟ, ᱚᱠᱚᱭᱮ ᱵᱮᱵᱷᱟᱨᱟ ᱤᱱᱰᱚᱪᱤᱱ ᱟᱨ ᱚᱥᱴᱨᱮᱞᱤᱭᱟ ᱛᱟᱞᱟ ᱨᱮᱱᱟᱜ ᱴᱚᱴᱷᱟ ᱫᱚ ᱰᱮᱥᱠᱨᱤᱯᱥᱚᱱ ᱞᱟᱹᱜᱤᱫ ᱛᱮᱠᱚ ᱵᱮᱵᱷᱟᱨᱟ ᱾[᱑᱐]

ᱚᱛᱱᱚᱜ ᱥᱟᱯᱲᱟᱣ

 
ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱟᱨᱟᱢ ᱱᱚᱠᱥᱟ

ᱤᱱᱰᱚᱱᱮᱥᱤᱭᱟ ᱫᱚ ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱫᱤᱥᱚᱢ ᱠᱟᱱᱟ ᱟᱨ ᱥᱟᱭᱤᱡᱽ ᱦᱤᱥᱟᱹᱵᱽ ᱛᱮ ᱡᱮᱜᱮᱛ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱫᱤᱯᱜᱩᱴ ᱦᱚᱸ ᱠᱟᱱᱟ (ᱥᱤᱟᱭᱤᱮ ᱡᱮᱜᱮᱛ ᱯᱷᱮᱠᱴᱵᱩᱠ ᱞᱮᱠᱟᱛᱮ) ᱾ ᱫᱷᱟᱹᱨᱛᱤ ᱵᱤᱨᱫᱟᱹ ᱞᱮᱠᱟᱛᱮ, ᱤᱱᱰᱚᱱᱮᱥᱤᱭᱟ ᱫᱤᱯᱜᱩᱴ ᱫᱚ ᱡᱮᱜᱮᱛ ᱨᱮ ᱟᱹᱰᱤ ᱰᱮᱦᱮᱨ ᱵᱷᱚᱞᱠᱟᱱᱚ ᱮᱠᱴᱤᱵᱽ ᱴᱚᱴᱷᱟ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱱᱤᱭᱟᱹ ᱴᱚᱴᱷᱟ ᱨᱮ ᱫᱷᱟᱹᱨᱛᱤ ᱵᱤᱨᱫᱟᱹ ᱥᱩᱫᱷᱟᱹᱨᱤᱡ ᱫᱚ ᱛᱟᱨᱟ ᱠᱮᱴᱮᱡ ᱵᱩᱨᱩ ᱨᱮᱱᱟᱜ ᱦᱚᱸ ᱵᱮᱱᱟᱣ ᱠᱮᱜᱼᱟ, ᱱᱤᱭᱟᱹ ᱱᱤᱭᱩ ᱜᱤᱱᱤ ᱨᱮᱱᱟᱜ ᱫᱤᱯ ᱨᱮ ᱕,᱐᱓᱐ ᱢᱤᱴᱚᱨ (᱑᱖,᱕᱐᱓ ᱯᱷᱤᱴ) ᱨᱮ ᱯᱟᱯᱩᱣᱟ, ᱤᱱᱰᱚᱱᱮᱥᱤᱭᱟ ᱨᱮ ᱯᱩᱱᱠᱟᱠ ᱡᱟᱣᱟ ᱨᱮ ᱪᱟᱵᱟᱜᱼᱟ; ᱱᱚᱣᱟ ᱢᱤᱫᱴᱟᱹᱝ ᱚᱱᱠᱟᱱ ᱴᱷᱟᱶ ᱠᱟᱱᱟ ᱚᱠᱟ ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮ ᱨᱟᱵᱟᱝ ᱵᱚᱨᱚᱯ ᱦᱩᱭ ᱫᱟᱲᱮᱭᱟᱜᱼᱟ ᱾ ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱟᱹᱰᱤ ᱩᱥᱩᱞ ᱵᱩᱨᱩ ᱕,᱙᱖᱗ ᱢᱤᱴᱚᱨ (᱑᱙,᱕᱗᱗ ᱯᱷᱤᱴ) ᱨᱮ ᱦᱚᱠᱟᱠᱟᱵᱚ ᱨᱟᱡᱤ ᱢᱮᱱᱟᱜᱼᱟ ᱟᱨ ᱠᱚᱧᱮ ᱵᱚᱨᱢᱟ ᱨᱮ ᱛᱟᱦᱮᱸ ᱫᱟᱲᱮᱭᱟᱜᱼᱟ ᱱᱚᱣᱟ ᱨᱮᱱᱟᱜ ᱢᱩᱬ ᱩᱥᱩᱞ, ᱢᱟᱣᱩᱱᱴ ᱮᱵᱷᱨᱮᱥᱴ ᱥᱚᱢᱟᱱ ᱥᱤᱢᱟᱹ ᱥᱟᱡᱷᱟ ᱫᱟᱲᱮᱭᱟᱜᱼᱟ ᱾

ᱦᱚᱲ ᱮᱞ ᱥᱟᱯᱲᱟᱣ

 
ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱫᱤᱥᱚᱢ ᱨᱤᱱ ᱦᱚᱲ ᱮᱞ ᱪᱷᱟᱨᱟᱣ (ᱤᱱᱰᱚᱱᱮᱥᱤᱭᱟ ᱱᱤᱭᱟᱹ ᱢᱩᱬ ᱫᱤᱯ ᱨᱮ ᱦᱟᱴᱤᱧ ᱠᱟᱛᱮ ᱥᱟᱶᱛᱮ) ᱾

ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱔,᱕᱐᱐,᱐᱐᱐ ᱜᱟᱺᱴ ᱠᱤᱞᱚᱢᱤᱴᱚᱨ (᱑,᱗᱐᱐,᱐᱐᱐ ᱜᱟᱺᱴ ᱢᱤᱞ) ᱢᱮᱱᱟᱜᱼᱟ ᱾ ᱒᱐᱑᱘ ᱫᱷᱟᱹᱨᱤᱡ, ᱖᱖᱕ ᱢᱤᱞᱤᱭᱚᱱ ᱦᱚᱲ ᱱᱚᱣᱟ ᱴᱚᱴᱷᱟ ᱨᱮ ᱛᱟᱦᱮᱱᱟᱠᱚ, ᱤᱱᱰᱚᱱᱮᱥᱤᱭᱟ ᱨᱮᱱᱟᱜ ᱡᱟᱣᱟ ᱫᱤᱯ ᱨᱮ ᱢᱚᱬᱮ ᱟᱱᱟᱜ ᱠᱷᱚᱱ ᱰᱮᱦᱮᱨ ᱠᱚ (᱑᱔᱓ ᱢᱤᱞᱤᱭᱚᱱ) ᱛᱟᱦᱮᱱᱟ, ᱱᱤᱭᱟᱹ ᱡᱮᱜᱮᱛ ᱨᱮ ᱟᱹᱰᱤ ᱥᱟᱸᱜᱮ ᱦᱚᱲ ᱮᱞᱟᱜ ᱢᱟᱨᱟᱝ ᱫᱤᱯ ᱠᱟᱱᱟ ᱾ ᱤᱱᱰᱚᱱᱮᱥᱤᱭᱟ ᱫᱚ ᱒᱖᱘ ᱢᱤᱞᱤᱭᱚᱱ ᱦᱚᱲ ᱥᱟᱶ ᱟᱹᱰᱤ ᱥᱟᱸᱜᱮ ᱦᱚᱲ ᱮᱞᱟᱜ ᱫᱤᱥᱚᱢ ᱠᱟᱱᱟ, ᱟᱨ ᱡᱮᱜᱮᱛ ᱨᱮᱱᱟᱜ ᱯᱩᱱᱟᱹᱜ ᱟᱹᱰᱤ ᱥᱟᱸᱜᱮ ᱦᱚᱲ ᱮᱞᱟᱜ ᱫᱤᱥᱚᱢ ᱦᱚᱸ ᱢᱮᱱᱟᱜᱼᱟ ᱾ ᱫᱷᱚᱨᱚᱢ ᱟᱨ ᱦᱚᱲ ᱟᱜ ᱪᱷᱟᱨᱟᱣ ᱟᱠᱟᱱ ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮ ᱵᱷᱤᱱᱟᱹ ᱵᱷᱤᱱᱟᱹ ᱢᱮᱱᱟᱜ ᱠᱚᱣᱟ ᱟᱨ ᱫᱤᱥᱚᱢ ᱞᱮᱠᱟᱛᱮ ᱵᱷᱮᱡᱟᱨ ᱦᱩᱭᱩᱜᱼᱟ ᱾ ᱓᱐ ᱢᱤᱞᱤᱭᱚᱱ ᱵᱤᱫᱮᱥᱤ ᱪᱤᱱᱤ ᱦᱚᱸ ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱨᱮᱠᱚ ᱛᱟᱦᱮᱸᱱᱟ, ᱟᱹᱰᱤ ᱢᱩᱬ ᱞᱮᱠᱟᱛᱮ ᱠᱨᱤᱥᱢᱟᱥ ᱫᱤᱯ, ᱤᱱᱰᱚᱱᱮᱥᱤᱭᱟ, ᱢᱟᱞᱮᱥᱤᱭᱟ, ᱯᱷᱤᱞᱤᱯᱟᱭᱤᱱ, ᱥᱤᱝᱜᱟᱯᱩᱨ ᱟᱨ ᱛᱷᱟᱭᱞᱮᱱᱰ ᱨᱮ, ᱟᱨ ᱵᱷᱤᱭᱮᱛᱱᱟᱢ ᱨᱮ ᱦᱳᱣᱟ ᱞᱮᱠᱟᱛᱮ ᱦᱚᱸ ᱾ ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱢᱩᱬ ᱦᱚᱲ ᱫᱚ ᱮᱛᱚᱢ ᱥᱟᱢᱟᱝ ᱮᱥᱤᱭᱟ ᱟᱨᱵᱟᱝ ᱟᱥᱤᱭᱟᱱ ᱞᱮᱠᱟᱛᱮ ᱠᱚ ᱵᱟᱰᱟᱭᱚᱜᱼᱟ ᱾

ᱥᱟᱹᱠᱷᱭᱟᱹᱛ ᱥᱟᱯᱲᱟᱣ

  1. "World Population Prospects: The 2017 Revision". ESA.UN.org (custom data acquired via website). United Nations Department of Economic and Social Affairs, Population Division. Retrieved 10 September 2017.
  2. ASEAN Community in Figures (ACIF) 2013 (PDF) (6th ed.). Jakarta: ASEAN. ᱯᱷᱮᱵᱽᱨᱩᱣᱟᱨᱤ 2014. p. 1. ISBN 978-602-7643-73-4. Archived from the original (PDF) on 4 ᱥᱮᱯᱴᱮᱢᱵᱚᱨ 2015. Retrieved 9 ᱢᱮ 2015.
  3. ᱓.᱐ ᱓.᱑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named IMF
  4. Klaus Kästle (10 September 2013). "Map of Southeast Asia Region". Nations Online Project. One World – Nations Online. Retrieved 10 September 2013. Southeast Asia is a vast subregion of Asia, roughly described as geographically situated east of the Indian subcontinent, south of China, and northwest of Australia. The region is located between the Indian Ocean and the Bay of Bengal in the west, the Philippine Sea, the South China Sea, and the Pacific Ocean in the east.
  5. Shaffer, Lynda Norene (2015-02-18). Maritime Southeast Asia to 500 (in ᱟᱝᱜᱽᱨᱮᱡᱤ). Routledge. ISBN 978-1-317-46520-1.
  6. "Population of Asia (2018) - Worldometers". www.worldometers.info (in ᱟᱝᱜᱽᱨᱮᱡᱤ). Retrieved 2018-12-30.
  7. Zide; Baker, Norman H.; Milton E. (1966). Studies in comparative Austroasiatic linguistics. Foreign Language Study.{{cite book}}: CS1 maint: multiple names: authors list (link)
  8. "ASEAN Member States". ASEAN.
  9. Wallace, Alfred Russel (1869). The Malay Archipelago. London: Macmillan. p. 1.
  10. Lach; Van Kley, Donald F.; Edwin J (1998). Asia in the Making of Europe, Volume III. Chicago: University of Chicago Press. ISBN 978-0-226-46768-9.{{cite book}}: CS1 maint: multiple names: authors list (link)

ᱵᱟᱦᱨᱮ ᱡᱚᱱᱚᱲ ᱥᱟᱯᱲᱟᱣ

ᱪᱷᱟᱸᱪ:ᱮᱥᱤᱭᱟ ᱨᱮᱱᱟᱜ ᱴᱚᱴᱷᱟ ᱠᱚ ᱪᱷᱟᱸᱪ:ᱮᱛᱚᱢ ᱥᱟᱢᱟᱝ ᱮᱥᱤᱭᱟ